من قال هجر   واللهِ كفر 
..
بعده اخضر اتراب النبي
واتأزم  اخلافه الوضع 
بس غمض عيونه ومشه 
بانت معادنها الربع 
هلّو تره بكرسي الحكم 
ماهلو اعليه الدمع 
الشاهد تره بكلمة " وإن "
والشاهد  بكسر الضلع

للضلعِ كَسَر    والله كفر
....
الصاحب الكلبه وصخ
مايطهر ابأكبر بحر 
والي اجاك ابمصلحه 
مايلزم اخلافك ظهر 
اشلون اذا حاقد اجه 
شيسوي لو فرصه اتحظر
منهو الجمع بيده الحطب
ومنهو الي عن حكه صبر 

من كان اشر   والله كفر 
....
تكول الكُتب مابينو 
اصحاب النبي بجنازته 
ذِكرت علي وبس جم شخص
النزلوه بحفرته 
هل بالسيقفه اتجمعو 
مأتم قروه لمصيبته !
ام الخلافه إلي اهم 
عدهم اهم من دفنته 

من مِنهم آصر   والله كفر
.....
خلونه نتكاشف حجي
والي ذكرناه ابسند
والمارضه والماقنع 
يوم الحشر عدنه وعد 
باجر نباوع للنبي 
ومنهو على ايمينه كعد 
وباجر يبان البي دغش 
والي كضه عمره حسد 

لامنها مفر    والله كفر
....
يل حاير ابهل مسأله   
مو عاطفه واتبع عقل 
تريد اتعرف منهو الاصح  
دور صحيحينك عدل
تلكه الاحاديث وبعد 
تلكه الحجي الماينعقل 
ادري صعب تقنع لجن
انت اسأل وكتبك تحل 

نادته سقر    والله كفر
....
يامن خنت دين النبي 
يوم الحشر اين المفر
ماينطقُ عن الهوى 
كال الله وتكله هجر 
اترد على الله احجايته 
والرد على ربه كفر
احمد وصل للمنتهى 
وانت الي توصل يم سقر 

من فيه غدر    والله كفر
.....
يامن صحت يهذي النبي 
بدين النبي يعني اكفرت 
والكل ضمير اترِك حُكم
ها يالصحابي اشبينت 
مصلحجي جنت ابصحبتك  
بكرسي الخلافه استطمعت 
شقيت الاسلام بعصى 
مو موسى وبهاي افلحت 

والخافي أَمَر   والله كفر 
...زهير الابراهيمي

بصوت. مسلم المطيري

من قال هجر. والله كفر

كلمات الشاعر
زهير الأبراهيمي

لاستشهاد النبي محمد صلى الله عليه واله وسلم (وزن الهجري)

يبو الزهره يلرحت  
گلوب طاحت من طحت
ويه املاك السمه    عليك تنحب فاطمه
★★★★★
شغيَّب انوارك علينه        
موالك هذا الغياب
ياجمال الدنيا  نورك  
كل طعم من عدها ذاب
يارسول الله وحبيبه    
گلوبنه   اهموم وعتاب
يلي اديت الرساله      
وفسرّت معنى الكتاب

چانت الدنيا هوان     صارت بنورك امان
بعد نورك مظلمه     عليك تنحب فاطمه
★★★★★
يلي صحيّت البريه 
من جهلها والمنام
كل هوان ارفعت عنهم 
وادفعت سيل الظلام
شلت روح البغض
منهم  علمتهم علسلام
علمتهم علكرامه   
وعلحلال وعلحرام

وسفه انوارك تغيب   ودارك احزان ونحيب
ويه حمّاي الحمة      عليك تنحب فاطمه
★★★★★
ياحزنها الزهره بعدك   
مايمر بيها السرور
والكتب تنعاك  صارت 
والصحف وي الزبور
كتب من اجلك رسمها  
وابسمه حبك تدور
بلايه نورك يبو  الزهره 
مايشع بالدنيا  نور

فاطمه ظلت وراك     شلون تتحمل جفاك
من الجره متالمه     عليك تنحب فاطمه
★★★★★
يارحيلك كل مصيبه  
اگبالها حتما  تهون
تزلزل الكون برحيلك 
ونتفض حته السكون
اهتزت اجبال الخليقه    
ومابقه للدنيا لون
رحل شخصك يامحبه 
وگلب علوادم حنون

راح فيض العاطفه    من رحت يلمصطفى
دموعها تنزل دمه      عليك تنحب فاطمه
★★★★★
يلي ودّعت التحبهم    
جرح بيهم مايطيب
بعدك الزهره حزينه 
المرتضى عايش غريب
الحسن تچوي دمعته
حسين ظل گلبه ابنحيب
المصايب بعد عينك   
جاورتهم  ماتغيب

رحت عنهم ياكفيل   تكتل ايام الرحيل
احوالها متازمه     عليك تنحب فاطمه

الشاعر حسن لعيبي الحريشاوي


ــــــــــــــــــــــــــــــــــــ

بصوت. مسلم المطيري

يبو الزهره من رحت

كلمات الشاعر
حسن لعيبي الحريشاوي

بصوت. مسلم المطيري

خدامك نظل ونروحلك فدوه
الدنيا ابلا عزائك كلشي ماتسوه

كلمات الشاعر / محمد الجماسي

بصوت. مسلم المطيري

ابوذيات
استشهاد النبي الاعظم (صلى الله عليه واله

🔸🔸
بفاتحته اصيحن آه وي آه
ونار بمهجتي فرگاه وياه
ابوي وريت كون اندفن وياه
يحيدر راحتي بهاي المنيه
🔸🔸
الزهره ياابو الزهره وجنها
يهل جمره ولياليها وجنها
عليها التمن امصايب واجنها
رحيلك والضلع والغاضريه
🔸🔸
انجرح گلبي بغيابك وابد منشال
والأنكر وصيتك ريت منشل
لنعشك يارسول الله من شال
بس حيدر حضر وكت المنيه
🔸🔸
سور وايات لمصابك هم الهن
وعليك الوحي دمعاته هملهن
زمزم والصفا لطمن هام الهن
عنهن من غبت يابو الزجيه
🔸🔸
علي حسين المنصوري

زهراء  راح  النبي

⭐️🌟⭐️🌟⭐️🌟⭐️🌟⭐️🌟⭐️🌟

حقي  يابو حسين انوح
زادت اهمومي اوجروح
انه  فاطم   وين   اروح

روحي ابروحه ابي
:
⭐️🌟⭐️🌟⭐️🌟⭐️🌟⭐️🌟⭐️🌟

بيه  الطه   اشگد  حنين
بويه  عني  ارحلت وين
اخلافك  اطول  السنين

انحني اوامشي حبي

⭐️🌟⭐️🌟⭐️🌟⭐️🌟⭐️🌟⭐️🌟

راحه ماشوف ابحياتي
بينن     كل     نايباتي
چنت  يابويه  شغلاتي

اشلون بويه امغربي

⭐️🌟⭐️🌟⭐️🌟⭐️🌟⭐️🌟⭐️🌟

من  افز   ولگاك   يمي
يا  محمد   راح   همي
حساسي تسري وي دمي

اتگلي  بويه  اتگربي

⭐️🌟⭐️🌟⭐️🌟⭐️🌟⭐️🌟⭐️🌟

ماهي   سهله  فرگتك
طوني اشم  اعمامتك
مني  راحت  شوفتك

العمله عملت عربي

🌟⭐️🌟⭐️🌟⭐️🌟⭐️🌟⭐️🌟⭐️

ابلا  مخافه  سمموك
اهل السقيفه عذبوك
ابغدر يابويه اعتنوك

اتمنه تسمع مطلبي

🌟⭐️🌟⭐️🌟⭐️🌟⭐️🌟⭐️🌟⭐️

اهناك لاتشفع  الظالم
ماخلا  بي ضلع سالم
محترمني وانه فاطم

گتله منعدي اشتبي

⭐️🌟⭐️🌟⭐️🌟⭐️🌟⭐️🌟⭐️🌟
خادم العتره الطاهره ع أبو ماجد الشغانبي

بصوت. مسلم المطيري

زهراء راح النبي

كلمات الشاعر
ابو ماجد الشغانبي

نعي للرسول
الزهراء تقول
… .
يافرگت المبعوث كسره
يتلولح الدلال صبره
مخنوگه حد گطع المناشيغ
تكتل فرگتك يبو الزهره

ميته انه خلافك عسني
ومچودر النوح اعله وني
الميت ابوها وياها يبچون
وانه المدينه اشتكت مني

المودعه ابوها شلون ترتاح
وتسمع بالثغيب وصوت النياح
يبويه ابفرگتك مامشن رجلين
طحت و الحيل من شالوك هم طاح

يبويه وين ادير الوجه لاوين
شالوك ابنعش وتشوفك العين
يبويه الاخ بين ضلوعي تندار
وصيحن حيل تانوني يماشين

بيه ولابيك المنيه
يالخلفيت جروح بيه
توه كبر جرحي صلاوات
من ودعيتك هالمسيه

ياهو اليجيني ويدخل الدار
يالتارس ابكل شبر تذكار
المن اتاني وانطر الباب
وياهو اليدگ الباب خطار

بعدك صفيت ابلايه والي
وهذا علي گاعد اگبالي
ابچي اعله حاله لو الحالي
يبدي الحزن هاي الليالي

يالماخذتني وياك تاني
بلياك ماريدن زماني
بويه عليك العگل مذهول
طگني على الهامه وخواني

مابين الضلوع جرحك كبر مابين الضلوع
چن كاغد يموع هيچ الگلب چن كاغد يموع
يابويه مفجوع عمري صفه يابويه مفجوع
من كلشي موجوع هذا البدن من كلشي موجوع
لو تنفع دموع ابچي الدهر لو تنفع ادموع

يالمالك احباب ون ياگلب يالمالك احباب
نامو بالتراب اهلك بعد نامو بالتراب
ياأخ الصواب فگد الابو ياأخ الصواب
مايچهب الباب راح وبعد مايچهب الباب
… ..
علي الحاج الصبيحاوي

بصوت. مسلم المطيري

يافركة المبعوث كسره

كلمات الشاعر
علي الحاج الصبيحاوي

#تراث

يا اللهي بالرسول ونوره
غايب الاسلام عجل ضهوره
ــــــــــــــــــــــــــــــــــــــ
ما على حكمتك يارب نعترض
حيث أمرك واجب ونهيك فرض
لاچن النه غايب أو حي عالأرض
أبسهم هجره إچبدونه مفطوره
ــــــــــــــــــــــــــــــــــــــ
سيدي يبن الميامين الاكرام
يبن من ميز الحل امن الحرام
غدت شيعتكم عكبكم جالحمام
بالبوادي تايهه ومصكوره
ــــــــــــــــــــــــــــــــــــــ
سيدي لبجي عله حالك واحن
حنت ام النوح زينب والحزن
واجري عبراتي دمه فوك الوجن
عبرت السجاد حين افطوره
ــــــــــــــــــــــــــــــــــــــ
سيدي واجب الفركاك الونين
ونة اسكينه اعلوالدها الحسين
انت يبن العسكري مالك معين
مثل جدك رايتك مهجوره
ــــــــــــــــــــــــــــــــــــــ
سيدي لنعاك مثل البسمه
ما نعى جبريلها حامي الحمه
واصرخ اعله اجفاك صرخه فاطمه
يوم ابوها اكفه وضعن عن دوره
ــــــــــــــــــــــــــــــــــــــ
سيدي لنخه واحشمنك مثل
ما نخه العباس ابو اليمه النفل
يوم شافه كابع ابعود النبل
والرماح اعليه شابج زوره
ــــــــــــــــــــــــــــــــــــــ
سامع بوكفه احسين اعله العضيد
الشاب من امصابها راس الوليد
حنه اعليه ضهره وايدن فوك ايد
وسف عالرايه المست مكسوره

المرحوم الشاعر
عبود غفله


#اللهم_عجل_لوليك_الفرج

(104)

بصوت. مسلم المطيري

يا اللهي بالرسول ونوره

كلمات الشاعر المرحوم
عبود غفله

بصوت. مسلم المطيري

#نعي

لمصاب رسول الله محمد صلى الله عليه وآله

غالي الأبو ويكتل رحيله
ولو غاب مايحصل مثيله
يجرح گلب بنته وخليله
راح اللذي همي يزيله
ضليت من بعده عليله

راح المصطفه سيد البريه
راح الكل وكت ينشد عليه
انه ام الحسن بنته الزچيه
يريت بداله تاخذني المنيه
ولاشوف من بعده الاذيه

ودعني ابوي وراح منّي
تراب الگبر اخفاه عنّي
ابچي عله گبره وطال ونّي
ظني انگطع ياناس ظنّي
بعده المصايب هالأجنّي

ابويه المصطفه توسّد.     ترابه
راح الچانت عيوني.       ترابه
يون گلبي وصحت حگه.  ترابه
جرح ما يشفه ينزف للمنيه

#سيد_زيد_الفحام

#اللهم_عجل_لوليك_الفرج

مولاتي زينب عليها السلام بعد طف كربلاء تأتي إلى قبر رسول الله (ص) في يوم شهادته فتشكي له ولسان حالها يقول


مابين اجروحك واجروحي طف اشكبره
غـدروك بـسـم وذبـحـوني بـبـن الـزهــره

چـم آه بــ. آه    ........     يـا جـد ويـلاه
====================
جيت اسألك..      واشتكيلك..
بالدموع الحاره أبـدي بسؤالي

صعبه صعبه..         شوف حالي..
شنهو ذنبي حتى افگدها الغوالي

يا جد مسني حيل العوز صرت بحاجة الحامي
من يوم الرحت لليوم گلبي اعـله الأهـل ضامي

من ساعـة موتـك وعـيوني تجـري العبره
من كسر اظلوع المحنية بصدري الجمره

ظليت انعاه      .....         يـا جـد ويـلاه
====================
مرمرونــي..            عـذبــونـي..
بكلمة (اليهجر) بدت أول مراره

من السقيفه..            هـالجـرالـي..
بـعـدك الـدار احـرگـوهـا يا خساره

شفت امي تون وتنوح بويه الگوم آذوني
كسرة خاطر الزهراء بيها اهواي كسروني

حزنانه وكل هذا العالم صـار اعـلـيّـه
شتموني وهزّل هم جابوا هم مسبيه

ناديت أحّـاه     .......    يـا جـد ويـلاه
====================
اتصح صحابه..              صح عصابه..
مـا رعـوا حـرمـة حـبـيـب الله ونـبـيـه

لكـن ابطف..                   هاا يجدي..
اتــوذروا عـن لا يـگـودونــي سـبـيــه

فرق كلش چبير اوياك بين اصحابك وصحبه
انته اصحابك الغدروك بـس هـوّه حِـزم جنبه

صحبان حسين اهل الغيره واهل الشيمه
والحرگوا باب الله انفُـسهم حـرگوا خيمه

گلبي الأذّاه        ........      يـا جـد ويـلاه
====================
وسفه بالسم..            رحمة الله..
ايموت ما يلگه اليدفنه يا عجيبه

دنيا غمه..             بيها صارت..
تحكم المويمها والناس الغريبه

تـاخذ ويـن الـمـعـتـبر دنـيا الـمـالـهـا صـاحـب
والعاداهه يعني الموت من عدها صبح شارب

الماكو اعظم منه بهالوسعه راح بسرعه
يا ناس وهجر احمد يوجع ياهو يجرعه

ياريت اوياه      ...........     يـا جـد ويـلاه
====================
آه يروحي..                لو تشوفه..
حسين سحگنه الخيول الأعوجيه

راح مني..               راعي بيتي..
راسه فوگ الرمح بس عينه عليه

هيچ اليفگد اهله ايگوم يتحسر على الفرحه
دنيا امخاويه الغدار موش الملـتـهي بجرحه

مابـيـن اجـروحك ياطه جرح العاشر
وحسينك ظل بلا ناصر داسه الحافر

أشلون أنساه.     ..........     يـا جـد ويـلاه
====================
29/8/2024 يوم الخميس
24/ صفر الخير 1446 هـ
#الشاعر_الميرزا_محمد_الساعدي

ــــــــــــــــــــــــــــــــــــ
ــــــــــــــــــــــــــــــــــــ

بصوت. مسلم المطيري

مابين اجروحك وجروحي طف شكبره

كلمات الشاعر
الميرزا محمد الساعدي

موال ازهيري. بصوت. مسلم المطيري

بسم الله الرحمن الرحيم
اللهم صل على محمد وآل محمد
....................................
دار النبوه أظلمت وحشه غدة بس ﻻح
سهم المنيه وكرب روح النبي بس ﻻح
هاجمت دار الوحي جمع الغدر بسﻻح
حيدر أبوسط العده ما له ربع ونصار
جمع اللي بايع أمس عن نصرته وين صار
وبيت النبوه أرتفع صوته أبحزن ون صار
صوبها غدر الدهر هد الركن بس ﻻح
..................................
لخادم آل البيت .عليهم الصﻻة والسﻻم .
عبد الكريم سيد سعد . نسألكم الدعاء

نعی الی مولاتی فاطمه الزهراء

کانی بمولاتنا فاطمه الزهرا ع عندما فقدت ابیها بنت اليها بیت الاحزان کانی بها وهی تشکی لابیها


انه بنيت بويه بيت الاحزان

بيه ارد اون وابجي عله الحنان

صبح الحيل عليك عجزان
┄┉❈❥❀❥❈┉┄
بعدك اريد اسكن الهيمه

والنوح من بعدك لجيمه

بعدك يبو القاسم يتيمه
✍🏻زهراء_غالب_الثامرى

┄┉❈❥❀❥❈┉┄
الليل كله يابويه مانامه

بعدك ياطه تبجي اليتامه

انوح ليلي ماني ملامه

احا يابويه احا

✍🏻الشاعره ناعيه كربلاء عاشقة الطفوف ام محمد ال درويش
┄┉❈❥❀❥❈┉┄
بعدك يبويه البيت خالي

شلت ياهيبتي وعزي ودلالي

من يوم الرحت ضاعت آمالي

احو بويه احو بويه

✍🏻ام سيف الزبيديه
┄┉❈❥❀❥❈┉┄
البيت وحشه والابو شايل

ظليت اعاتب والدمع سايل

من راح الابو وحضي مايل

انظر الى الدار ودموعي جريه

✍🏻منى جواد البحرين
┄┉❈❥❀❥❈┉┄
يبويه رحت عنه ولاجيت

بعدك خالي ومظلم البيت

ياريتك ظليت ويانه تمنيت

✍🏻فاطمه المطر ام زاهر
┄┉❈❥❀❥❈┉┄
ابجي عله اليسوه الونين

وعله االأبو مانامت العين

ودري بغيابه يطول سنين
┄┉❈❥❀❥❈┉┄

والجار ينغث من ونيني

وابجي عله الشالوا يعيني

بعد الابوا ظاعن اسنيني

ام منتظر لاسدي

نعي بصوت. مسلم المطيري

كلمات
الشاعرة زهراء غالب الثامري
الشاعرة. ام محمد ال درويش
الشاعرة ام سيف الزيديه
الشاعرة منى جواد البحرين
الشاعرة. فاطمه المطر ام زاهر
الشاعرة. ام مناظر الاسدي

لطميه لاستشهاد لنبي عليه افضل الصلاه والسلام


اليوم المدينه مضلمه
نصبت عزيه فاطمه
ـــــــــــــــــــــــ❀••❀ــــــــــــــــــــــــ
نصبت عزيه ام الحسن
ودموعها من دم جرن
والمنبر اينوح ويون
وتصيح بويه مألمه

✍🏻ام حسين الحلفي
ـــــــــــــــــــــــ❀••❀ــــــــــــــــــــــــ

نصبت عزيه وتنتحب
ودموعها من دم تصب
وتنادي افراگك صعب
علفراگه ماهي معلمه

✍🏻ام سجاد الشهيد
ـــــــــــــــــــــــ❀••❀ــــــــــــــــــــــــ
افراگه مااحمل ابد
عودي إلي ذخري وسند
يا بويه ما احمل بعد
دلالي فگدك هدمه


✍🏻ام زين العابدين لمحمداويه
ـــــــــــــــــــــــ❀••❀ــــــــــــــــــــــــ
اليوم تبجي ام الحسن
لمصاب ابوها بس تحن
و عليها كثرانه الفتن
بت النبي العالمه

✍🏻 ام زينب الأسدي
ـــــــــــــــــــــــ❀••❀ــــــــــــــــــــــــ
بت النبي محزونه
وحسين تجري عيونه
من راحو يشيعونه
نادت علي اتكلمه

✍🏻ام رحمه
ـــــــــــــــــــــــ❀••❀ــــــــــــــــــــــــ
الیوم روحی امکدره
ناصب عزیه حیدره
مات ابوها طاهره
وتجري المدمع دمه

✍🏻زهراء_غالب_الثامري
ـــــــــــــــــــــــ❀••❀ــــــــــــــــــــــــ
بنت النبي يتيمه اصبحت
وبفكد ابوها تلوعت
شافت التابوت وبچت
ياريتها عيني العمـــه

✍🏻 أم محمد علي الشيباني