قصيدة نزلة في رثاء ام البنين عليها السلام


روحي ترعاكم .. احضر وياكم .. بالمجالس بالمجالس
.......

آنه أم الاربعـــه الضـحـّـوا للحسين
آنه أم الهاشـمـي الگطـعـوله چفّيـن
بالمجــالس احضـر ويـاكـم يطيبين
الطم وياكم وصيح بصوت يحسين
شيعة وهواكم .. احضر وياكم .. بالمجالس بالمجالس
........

ياالـف هنيــالـكــم يامـن تلطمـون
عالحسين ابن الزچيـه نور العيون
والله لو تدرون يحبابي وتشوفون
انبيــاء البــاري ويّاكـم ينـوحـــون
طه ناداكم .. احضر وياكم .. بالمجالس بالمجالس
.......

آنـه والزهــره اجيـنــــــه والعقيـله
نلطم عله حسيـن والمـدمـع نسيله
وياكم انصيـح بمجـالسنــه الجليله
( احنه غير حسين ما عدنه وسيله )
ارفع الواكم .. احضر وياكم .. بالمجالس بالمجالس
.......

يالتواسوني وتواسـون الزچيه
عندي الكم بالحشر باچـر هديه
ندخـل آنـه وياكـم الجنّة سويه
والنبي يحييكم وحامي الحميه
ليّة مأواكم .. احضر وياكم .. بالمجالس بالمجالس
...........

آنـه أم الاربعــــه امـكـم يالحبــاب
حاضره بمجلسكم وتلگوني بالباب
لأن يم المنبـر الـزهــره والاطيــاب
الأئمّـه والنبـي يحيـون المـصـــاب
حاشه انساكم .. احضر وياكم .. بالمجالس بالمجالس
.........

والله من تبچون عالذبحوا رضيعه
آنـه أم الاربعــــه وأمّـه الشفيـعــــه
نبچي ونسجـل اســاميـكـم يشيعه
حجة الله حسين والرحمه الوسيعه
الجنة مثواكم .. احضر وياكم .. بالمجالس بالمجالس
............

سمعوا من ام الوفه هاي الوصيه
لا تعــوفــون المجـــالـس للمنيــه
بهالمجالس تحضر الزهره الزچيه
باللطـم عينــوها بـت سيـد البريه
حبها صفّاكم .. احضر وياكم .. بالمجالس بالمجالس

خادم ام البنين عليها السلام
سيد زيد الفحام
____

بصوت. مسلم المطيري

روحي ترعاكم. احضر اوياكم

كلمات الشاعر
سيد زيد الفحام

يا غيرة الله المنتظر نادينه
بحماك شيعة علي يا مهدينه
******
بحماك يا آية شعظمهه الآية
وامحبتك يبن الأطايب غاية
بيدك يبو صالح ترف الراية
وكل احنه عد عيناك ياغالينه
******
عونك نصيح ومن يهل اهلالك
تلگانه سيف بيمنتك وارجالك
متخيب يبن العسكري آمالك
أشر بأصبعك عالشدد ودينه
******
أشر بأصبعك تنتفض انصارك
وامجرب بيوم الوغى بتارك
وياك حد ما بيدك ترد ثارك
احرارك بهذا الفخر نادينه
******
نادينه يربات الفخر والنوماس
نوفي الوعد إي وحق هوه العباس
حشمنه يالمحجوب يا تاج الراس
خلينه رهن إشارتك خلينه
******
لابد يزول الجور لمن تظهر
الدين نصرك نصره بسمك يفخر
ترجع أيام البطل قالع خيبر
والنعم منك يا نسل والينه
******
والنعم منك يا إبن ليث الغاب
يا سيف الله اليگطع بحده ارگاب
مظلومه هالشيعه وتعرف الاسباب
وانته بوجودك انته التنجينه
*****
تنجينه من تزيح هاي الغمه
وشمسك تشع وتزول كل الظلمه
يا رحمة الله العالي واعظم رحمه
يا نعمة من رب العرش بارينه
******
يا نعمة الله ويسبحان المعبود
بحماك نادينه ونعرفك موجود
من تظهر بأذن الله كل حق يعود
وحاشاك يبن الطهر ما ناسينه
******
حي ويهنيال اليشوف ويلگاك
وياك حد گطع النفس نبقه اوياك
وعيونه تراقب متى تشوف الواك
يا حجة الله وكم سنة تانينه
*****
شگد ننتظر واسنين نحسب مرت
طال الغياب وكم علامه الظهرت
آمال عدنه وويا وعدك كبرت
وافينه يا نبع الفخر وافينه
******
بحماك يالغايب ننادي بكل يوم
وسيفك يرجع ثار كلمن مظلوم
ارواحنه الشوفتك يالمهدي اتحوم
بيا كتر تحصل شوفتك دلينه
******

بصوت. مسلم المطيري

ياغيرة الله المنتظر نادينه

ابوذيات شهادة الزهراء ع
                          =============

أنا الدمعات عيني ماتملها
على الماتت وماصح ماتم الها
عمر عشرين وسفه ماتم الها
وگضت بت النبي اباب المنيه
*
المنيه امگدره ويصعب دفعها
وتره اديون الدهر واجب دفعها
ثگيله الباب والظالم دفعها
وكسر ضلع النبي بضلع الزجيه
*
گضَيت الليل متمَرمُر وإن بي
واخبرَه المَادرَه اشصَاير وإنبي
الزهرَه البيت بي ، گلهُم وإن بي
أحِرگه وماتِرف اجفُون اِليّه
*
حمَامة نور فارغ مِنّه عَشها
وبَعدها الدنيه ظَلمه من نعشها
أُمنَه الشمس تِطلَع من نعشها
وياگبر اليِطم شمس الضِوِيه
*
قارُورة وإِديـن الغِـل چفنها
ابحَلاة ايّامها ولِبسَت  چفنها
الچفوف العَالوَجه ظُلماً چفنها
چِفَن رَحمة الباري اعلهَ الوطيه
*
أمير المؤمنين يقول :
قبله اصبَح گبُر ضَمّچ واطف بي
ودَمع وين الگه لليلهَب واطف بي  
بَابچ بي جمُر زينب وطف بي
ودمع سِكنه يزهرَه وهَم رُقيه

لقمان البدران

ابوذيات بصوت. مسلم المطيري

الشاعر. لقمان البدران

يا صاحب الزمان
يا صاحب الزمان

،،،،،،،،،،،،،،،،،،،،،

سلام   من  العيون  الرادت  تشوفك
سلام من  الدموع  الحظنت حروفك

بچي ليل ،، انتهى الحيل ،، عذاااااب
نحن ليك ،،    نحاچيك ،،،  مصاااااب

بعيدين   وقريب  انته
يصفنه مرافگه السكته
يضيم ابگلبك  الشلته  عذااااااب

يا صاحب الزمان ،،، يا صاحب الزمان

،،،،،،،،،،،،،،،،،،،،،،،،،،،،،،،،،،

وصلنه   الحال   ما ردنه  العمر دونك
تعبناك    ندري    ونسأل        شلونك

وطن مات  ،،،   بالاهات  ،،،،     شهيد
الفرح راح  ،،،  بالاجراح  ،،،،      بعيد

يمهدي  وانته  تدرينه
بألمنه وظلم  ماضينه
على الونه     تغطينه   شهيد

يا صاحب الزمان ،،، يا صاحب الزمان

،،،،،،،،،،،،،،،،،،،،


تمر جمعات وايام    العمر   وحشه
ظلام الليل   كلش    زاعل  الغبشه

على البال  ،،، ولا زال   ،،،    هواك
يموعود    ،،،  يبو الزود ،،   رضاك

خلاص الناس بانفاسك
تريدك يا شهم    ناسك
سلام الله على احساسك هواك

يا صاحب الزمان ،،، يا صاحب الزمان

،،،،،،،،،،،،،،،،،،،،،،،،،،،،،،،،،،،


نگول   الله   الكريم   وباچر  الملگه
ولو هو   الحبيب   يموت     بالفرگه


الوجع وين   ،، بالسنين   ،،،  حرام
تره نموت    ،، بلا صوت ،،،  حمام

مثل   اطيور   التهاجر
تحن  تشتاگ  وتسافر
بعيد وطوول الباچر  حراااام


يا صاحب الزمان ،،،، يا صاحب الزمان

،،،،،،،،،،،،،،،،،،،،،،،،،،



نشوفك راحه   بس   الروح   تعبانه
نريدك   چف   تراهه   الناس غرگانه

وكت  آه   ،،،،   دفناه      ،،،   يتيم
يمنصور    ،،،،  تره الجور ،،  جحيم

كبر   هم  البشر  مهدي
يبعد   العافية   العندي
انه بدونك طفل وحدي   يتيم

يا صاحب الزمان ،،، يا صاحب الزمان

✍️✍️✍️✍️✍️✍️✍️

#كلمات الشاعر /  رعد الفريجي

بصوت. مسلم المطيري

ياصاحب الزمان

كلمات الشاعر
رعد الفريجي

بصوت. مسلم المطيري

تكول السيده زينب عليها السلام ع

حتى انفاسي بالطف بيهه ألم چان
عگب حركت خيمنه البيهه ألم چان
صفت تالي الخرابه بيهه الم چان
وبلايه افراش نمه ولا تجيه

الشاعر احسان الحميداوي

في حق الزهراء. ع

ذكريات. ثنينه عشناها
ذكريات. ابد ماانساها
بينه. نتقاسم انفاس الهوه
عشت احله ايام وياهه سوه
ذكريات

------------
ماتفارك بالي مرسومه بخيالي
جرح بيه تلجمه ياناس اليالي
انه حتئ الصخر بجيته عله حالي
لاتلومونه الرحل من عنده. غالي

والجروح. البيه شيداويه
والجروح. تلجم. ادريه
ينزف ابروحي يظل جرح الحبيب
سافر وعافاني ياوسفه. الطبيب
ذكريات

---------------
جان بيت ام الحسن يضوي بظواها
الموت ياوسفه اجه مني. خذاها
كون اموتن وندفن انه. وراها
غابت الزهره وطفه النور بسمها

والهموم. فرهدتلي اسنيني
والهموم. كل. وكت تلفيني
عايش ابدنيه. غريب بلا. وطن
ابالي حسبات ويصب دمع الجفن
ذكريات

---------------
جنه احله ثنين تجمعنه السعاده
ونظره من ام الحسن حب وراده
جانت تخلص الوكت كله عباده
راظيه بحكم الدهر تعرف مراده

امنيات. جنه نتمناها
امنيات. بالحلم شفناها
والدهر مايرحم وطبعه الغدر
منين اجيبه بعد ياناس الصبر
ذكريات

---------------
الباب اخذ مني اعيوني ومهجتي
وذبح بين اشفافي غفله ظحكتي
بعد ألمن اشكي همي وحسرتي
راح محبوبي وتركني بغربتي

والمصاب. يجرح ابدلالي
والمصاب. راح مني الغالي
كون وياهه اموت. وندفن
يكطع ابدلالي ياناس الحزن
ذكريات

----------------
بيدي احفرت الحد لم الحسن
وبلليت الترب من دمع الجفن
الدنيه صارت من مشت عني سجن
كمت اشم. اترابه وبجي. واون

والحنين. بسيفه يذبح بيه
والحنين. ليه احن. يوميه
كل ظلع من راحت بصدري انهشم
بقت بس حسره بدليلي وندم
ذكريات

-------------------

الخادم
رحيم. الصالحي

بصوت. مسلم المطيري

ذكريات. اثنينه عشناها


كلمات الشاعر
رحيم الصالحي

بصوت. مسلم المطيري

|ابوذيات للسيده الزهراء ع|||●●●●
~~~~

عليه اهمومي بالدلال.......چاوين
اعاين والكبر بالروح.........چاوين
حنيت وظهري من الاه.....چاوين

وهيل اترابهه  اشلون بأديه
__

يريت العمر بعدج صار.........بيداي
وانه اكليبي الجرح ياناس...بيداي
عجيبه الكبر هلت اتراب......بيداي

دفنت الزهره وي روحي سويه
_

عجيبه الدهر چنه ايريد........بعداج
حنيت الظهر مثل السيف......بعداج
چثيره اهمومي لو سولف.....بعداج

علي ولا چن علي ذيج المسيه
_

ﻋﻠﻰ ﮔﺒﺮﺝ بچيت اﺷﻜﺜﺮ ...... ﻳﻤﺂﻩ
ﺁﻧﺘﺮﺱ ﺣﺴﺮﺁﺕ ﻛﻠﺒﻲ ﻭﺁﺁﻩ .... ﻳﻤﺂﻩ
ﻟﻮﻥ  ﺑﻴﻪ  ﺩﺭﻳﺘﻲ اشصاﺭ ...... ﻳﻤﺂﻩ

ﺣﺰﻥ ﻳﻌﻘﻮﺏ ﻋﻜﺒﺞ ﺻﺂﺭ ﺑﻴﻪ
__
تمت بعون الله تعالى
خادمكم●●●
●●يوسف الفتلاوي

بصوت. مسلم المطيري

يون گلبي عله فراگك وناطير
جبل ويمرني طاريك وناطير
انه بكل جمعه امد خلگي وناطير
عسه يرد بقميصك شوف اليه
..
عليك انشد اضعون التمر ونحال
عليك اصبح رچيج الجسد ونحال
يون گلبي واكله شبيك ون حيل
عسى يسمعك المجفي ويرد ليه


رائد الناشي


#اللهم_عجل_لوليك_الفرج

بصوت. مسلم المطيري

السيده زينب ع اتخاطب الخيل الداسة صدر الحسين ع

مثل  ونك  تره  بگلبي.. تعالن
وصيحاتي  بحزن خويه.. تعالن
يخيل الدستن ابن امي.. تعالن
عَلي دوسن وشبعن روك بيه

✍الشاعر رعدالجريخي

استشهاد الزهراء ع

آنه الوصيت.قرآن.يم گبري اقرالي
نامتلك عين.متعوب.اگعد يالغالي
     ياعلي زينب بچت
     دورتني وما لگت
      +++++++++++
هوّمت عينك عالگبر آنه اعرف ابحنيتك
بالطيف اجيتك واعتذر من نومتك صحيتك
اتركها جيتك للگبر البيها جنت وصيتك
وهسه اريدك ياعلي مسرع ترد البيتك

يم زينب روح .بالدار.وحشه محتاره
توصل للباب.واتعود.مدمع يتجاره
     اهواي احسها اتعثرت
       دورتني وما لگت
     +++++++++++
بترابك ارجع ياعلي ثوبك تضل اتشمه
بي ريحة امها تطمئن لو شمته بالظلمه
دخلت الداري وناشدت وينج يفاطم يمه
اخوتها گعدو عالبچي ضمها الحسن وتظمه

گعدت عالباب.وحسين.يمها ايتانيني
يمه اترجعين.لو عاد.وياچ اخذيني
   العشره وياچ انتهت
   دورتني وما لگت
     ++++++++++
زينب زغيره اعله التعب شلون وتباري اخوتها
عينك عليها لو بچت انت امسح بدمعتها
توها يتيمه وكل مسه عنك تظم ونتها
تلگاها بثيابي تِشم تتنفس بريحتها

تكبر واتشوف.الام .اكثر من كلها
وحدها اشلون.للشام.شده وشيحلها
     لو مشت واتيسرت
    دورتني وما لگت
     +++++++++
من غسلتني وكفّنت من اهمستلي ابأذني
انه علي يافاطمه من عدها ادري اشتعني
يابعد فاطم ياعلي احچيها ماتسمعني
وياك اميل اعله النعش من تمشي واتشيعني

صاحتني اوياچ.مدفون. اسمعها دموعك
من عندي امشيت.مكسور. گلبك وضلوعك
      اتلگّتِك مدري شحچت
      دورتني وما لگت
     ++++++++++
الله يعينك ياعلي صبرك اشد من امري
تگطع عليه ازيارتك مو سهله حيدر ادري
اشتاگ الك يا با الحسن مهظومه حته بگبري
اتمنه لو زاير يجي وبدمعه يجبر كسري

حسرة مجروح.كل يوم.تتمنه احبابي
تتعنه اتزور.وهواي.تسجد يم بابي
      كلها تتمنه غدت
     دورتني وما لگت

ثائر الربيعي

بصوت. مسلم المطيري

انه الوصيت قرأن يم گبري اقرالي

كلمات الشاعر
ثائر الربيعي

بصوت. مسلم المطيري

أبو ذيات  ،  لسان حال العقيلة زينب عليها السلام  .
ـــــــــــــــــــــــــــــــــــــــــــــــــــــــــــــــ


تِنِشديني يَيُمّه اليوم     شَل الحال
يَمَن فرگاچ يَمّ حسين   شَل حال
دِليلي إحتار يا زهراء    شَل الحال
غِصَص وموادَع  وضيم  وأذيّة

ـــــــــــــــــــــــــــــــــــــــــــــــــــــــــــــــ

أصِد داراچ  لَن  داراچ    ظلماي
صِرِت أنحَب ولا بالعين   ظل ماي
ولا يقنع  زماني  وزاد     ظُلماي
يَمَن  هَجرِچ  تَرَك  نيران  بِيّة

ـــــــــــــــــــــــــــــــــــــــــــــــــــــــــــــــ

بحَسِرتي أجذب الوَنّة   وَجِرهه
وَداعِچ جمرة أحزاني   وَجَرهه
أصَبّر روحي بدموعي  وَجِرهه
على  رَبّ  العباد  بهالرزية

ـــــــــــــــــــــــــــــــــــــــــــــــــــــــــــــــ

يَتيمة وضيمي بخلافِچ  عَلَي حَال
وليل الفرگة والحَسرة   عَلَي حَال
زِماني الما رَحَم حالي   عَلَي حَال
يِوِز بَحزاني  كِل  صُبح  ومِسيّة

ـــــــــــــــــــــــــــــــــــــــــــــــــــــــــــــــ

بقلم الأستاذ /  ستار عذاب الحچامي

هاي  منهي  ابلا تراچي،،،،،
التنزف ادموم وبواچي،،،،،

اتكربي شويه عليه
هاي  معقوله  رقيه                 
،،،،،،،،،،،،،،،،،،،، ،،،،،،،،،،،،،،،،،،،، ،،،،،،،،،،،
 بالمخيم عفت طفله ..زغيره وبعمر الورد
 ودعتني وتدري  بيه  رايح  ولا  ما ارد
كامت وشبكتني ويلي بعينهه الدمعه تصد
لاتسولفلي عله جرحك حيل ماعندي وأشد

كسرت كلبي بحچيهه،،
ترست الخيمة ابچيهه

     ريت تلفيني المنيه
،،،،..،،هاي معقولة رقيه
،،،،،،،،،،،،،،،،،،،، ،،،،،،،،،،،،،،،،،،،، ،،،،،،،،،،،،
باالمخيم چنتي وين بويه طفلة امدلله
رسمج اتغير  عجيبه  حيره شهني المسأله
والچفوف ترفه بويه شلون حركتهه المله
دمعه  ومصابچ اقيس ايعادل  بطف كربلة

چفوفهه الترفه ابعمرهه،،،،،،،،
،،والسياط اتشل ظهرهه

ياالم تحمل رزية
،،،،،،،،هاي معقوله  رقية              
،،،،،،،،،،،،،،،،،،،، ،،،،،،،،،،،،،،،،،،،، ،،،،،،،،،،،،
بويه چاوين التراچي شو اذانچ بس  دمه
هذا ياچف  الحرام  سحل نجمات السمه
بوية ماظل بيه حيل  خاف  متنچ
ألچمه
فوك كل هذا المصاب گلبچ يترسه الضمه

ونذهل يابويه فكري
،،،،،دم اذانج ليش يجري

بويه نامي بين اديه
،،،،،،،،،هاي معقوله رقيه
***
اتعودت  كلشي بحنانج  عليه  بوسه امعلمه
حسره وامتونج اشوف بيها  نار امچيمه
ليش  مخنوكه  يبويه يا دهر بيك العمه
اكبالي چن امي اشوف  هم رقيه  فاطمه

،،،،،،،،حيرتني اشگد دمعهه
،،،،، كاعده وتحني بظلعهه

چنهه بعيوني الزجيه
،،،،،،هاي معقوله   رقيه
****
بويه شحجيلج بعد وياج هالكعده حلم
ياكل بروحي العذاب وجهي چم مره انلطم
بويه عبدالله اخوج  بالسهم نحره انفطم
فدوه لوليله وينام...اسم الله من نار الخيم

،،،،،،،بويه عبدالله عله صدري
،،،،،، هوه روحي وهوه عمري

........هوايه متغيره الوفيه
...............هاي  معقوله رقيه

****
تمت بعون الله تعالى
خادمكم :يوسف  الفتلاوي

بصوت. مسلم المطيري

هاي منهي بلا تراچي

كلمات الشاعر
يوسف الفتلاوي

بصوت. مسلم المطيري
نعي
الزهراء توصي الامام علي روحهم فداهم  وهي في قبرها


زينب فــــزت امــن النوم يا حيدر دروحلهه
مُره الفرگه يـــــا كرار زينب صعبــه تحملهه
يتيمه و تكسر الخـاطر و هضم البين كاتلهه
صبرهه يبن عـــــمــــــــي و لتخافيــن كللهه
ضلعي بلاجبر بس كون تجبر كسر خاطرهه

              *--------------------*-------------------*

مرعوبه بظلام البيت اسرع يـــا علي ليهه
متعلمه بحناني اتنام تتسله مـْـن احاجيهه
سكتهه يحامي الجار مـــــا احمل بواجيهه
اريد بغيبتي الحــــــــــــره بعيونك تخليهه
مــــــاريد الحزن بالبيت والمدمع يمر بيهه

           *----------------------*--------------------*

امانه اعليك يابو حسين لاتتركهه بمصابي
وامسح دمعة الخدين وهون لوعة اغيابي
وبهيده تسد الباب خــــــافن تذكر اصوابي
يذكّرهه ظلام الليل وتنظر خــالي محرابي
هذا آخر كلامي ويــاك بزينب اخر اجوابي

        *------------------------*---------------------*

✍ بقلم خادم الحسين ع
   الشاعر رعد الجريخي

#اللهم_عجل_لوليك_الفرج