بصوت. مسلم المطيري

حقه علي يضل بالحزن
مثل الورد ويه الغصن

ما اعاتب يازمان
تغدر ومابيك امان
هذا اول سهم منك
اخذ من عندي الحنان
......................

امي شمعه بكل حياتي  وجانت تسولف درر
ياهضيمه تروح عني     ومني ياخذه القدر
تعبت هوايه عليه         وما ربيت اله بسهر
مثل ما كسرو ضلعها   گلب زينبها  نكسر

امي خيمه للسلام
امي تسهر ماتنام
ماتعرف الزهره چنك
يازمن والله حرام
......................

تنعصر بضعة محمد     فوك حقهه الي انسلب
ويكسر الظالم ضلعهه   بدارهه تشوف العجب
والوجه ذاكه الالاهي    بجف الاحقاد انضرب
هواي بيها اجروح امي  وبين اعليهه  التعب

تعب مال شكد سنين
ماحوت غير الونين
راح اعيش بهذا حزنك
يلي تاخذ كل حنين
......................

روحي جانت بين اديهه   وهسه روحي تمرمرت
امي لتراب المكابر          يازمن هل سافرت
ما اكول ترد عليه          ولا اكول اتاخرت
حسبي الله يازماني      الهاي الدموع  الجرت

يالترست گليبي خوف
شضاملي ومنك ششوف 
سامعه اني هواي عنك
حزن بكتارك يطوف

.........................

عيني شافت نار هسه   وباب امي ماسلم
بنفس هاي النار باجر   تحرك اكبالي الخيم
هواي راح احتار منك   يازمن يابو الالم
ينتهي كلشي بحياتي   لمن

بصوت. مسلم المطيري

ما اعاتب يازمان
تغدر ومابيك امان

بصوت. مسلم المطيري

نعي للزهراء ع

اشوفج يمه ماهمج عصر باب
ولا هميتي يمه  بضلع الانصاب
عيونج عل الصميده داحي الباب
بهظم ظليتي والدمعه  جريه

يباب الزاجيه اليوم ارد احاجيك
تأذي امي الحنينه الي احتمت بيك
تكسر اضلوعهه يابابهه اشبيك
موجوعه تون  صبح ومسيه



✍ام حسين الفريداوي

((صفن كلشي))



صفن كلشي وسمعت الباب دگوّ
وگلتلهم منـوّ بــــــس همه دفعوّ
شبگني الباب حسيت
وشفت الـــنار بالبيت
                           
                """""""""""""""""""""""""""""""""""''''''''''''

حيــــدر والمصيبه وضلعي والباب
ومحسن والدمع وجروح الحجاب
كلهن ذني بيــــه وگلـــبي مـــرتاب
وين انطي الوجه وبــــآبي طـلاب

يضربوني واگومن واصرخ النار
مــــا اگدر اصيح بروحي بسمار
ويمي أزغاري ونيت
وشفت النار بالبيت
                           
                """""""""""""""""""""""""""""""""""''''''''''''

أتـوچه اعــله ضلعي وانهض النوب
حسين يكض بديه ويبچي مرعوب
يشــهگ بالـــــدمع و رويحته تلوب
من دمعاته حتــــى تـــــــبلل الثوب

أَسَكتْ يــــاهو وبحيدر يجرون
اصيحن فضه ردولي ويضربون
كون المـوت ياريت
وشفت النار بالبيت
                    
                """""""""""""""""""""""""""""""""""''''''''''''

حـــــيدر چــــاتفينه والدمع حار
ومحسن على العتبه وتلهب النار
كلشي احتار بيه وكلشي محــتار
ضلعي يــــــهون بــس المهم كرار

يتعثر واشوف بخده الدموع
چنه يصيحلي يابعد الضلوع
من نظــراته حنيت
وشفت النار بالبيت
                           
                """""""""""""""""""""""""""""""""""''''''''''''

گوه النفس يصعد والحسن مات
شاف بعينه مـن ترسوني طگات
اشيلن ياهو ومخـلصتهه عثرات
اگبال عيوني شگــوها الرسالات

حارت حتى چلمــات التعابير
صلفه عيونهم والبيه شيصير
بيا حــــاله وتعنيت
وشفت النار بالبيت
                       
                """""""""""""""""""""""""""""""""""''''''''''''

رديــــــت بجــرح والگلب ولهان
عفت زينب ونـــص البيت نيران
مو كلشي ضمه يتسمى عطشان
لسان النار هــــــم تشوفه بردان

جَرو مني روحي وامشي بهداي
أنـــه منتضره حيدر نــور عيناي
على جروحي تعديت
شفت النـــــار بالبيت


عبد زينب
محمد الابراهيمي

بصوت. مسلم المطيري

صفن كلشي وسمعت الباب دگو

كلمات الشاعر
محمد الابراهيمي

قصيدة لمولاتي فاطمه العليله سلام الله عليها وعلى جراحها وصبرها


••••••••••••••••••••••••••••

اغزل بخيط الامل

والجسد اكثر نحل

والبيه مو روح ... بس نبض الجروح

••••••••••••••••••••••••••



حضرت نفسي انه بذيج المسيه
واجمعت هدمي سوه ويه رقيه
مانمت حد الفجر واچفوف اديه
ملازمه ثوب الابو ابن الزچيه

خايفه اغفه ورحل
واگعد وماكو أهل
يتركني ويروح
بس نبض الجروح


•••••••••••••••••••••••••


كــبر وصله الفجر والحيره بيه
بالقنوت أسمع دعه الله ونبيه
أَمنِت يمكم غصن يقصد عليه
دمعت عيني واحس دمع المنيه

بالدمه جفني اكتحل
وأسألت شنهو العمل
والبيه مفضوح
بس نبض الجروح



•••••••••••••••••••••••••••



اتضح كلشي وبست رجله وسألته
تندعي ليه چنت نزلت دمعته
دنك وضمني إِله ويهز رُكُبته
لا مفر من الأجل تمتم سمعته

والگلب دلهم زعل
والجمر بيه اشتعل
ضل حملي مطروح
بس نبض الجروح


••••••••••••••••••••••••••


بالضعن لمن سرى اركض تبعته
يعدل برايه ردت وامشي بصحبته
يحچي هالكلمه عسن انه انتظرته
جيبي ايدچ واركبي ويرحمهه بنته

حاولت بس ماقبل
والدمع احمر نزل
عايفني للنوح
بس نبض الجروح


••••••••••••••••••••••••


انتظر يمته يرد طول سفرته
انتهه كلشي وطفه بغيبة گمرته
الاخذ حته النفس باخر نضرته
المرض چان السبب ادري وعذرته

القلب كد ماحمل
انهدم لو من جبل
وتطيح السفوح
والبيه مو روح

••••••••••••••••••••••••••
••••••••••••••••••••••••••
ابو ذيه .....

وصل لك...

طلع خيط الفجر وانطر وصل لاك

بجرح روحي الحزن أذن وصلاك

لو صارت واجي بدربك واصل لك

اموت بفرحتي بشبگه رقية

••••••••••••••••••••••••••

الشاعر :حيدر العمار الخزعلي

بصوت. مسلم المطيري

أغزل بخيط الامل
والجسد اكثر نحل

كلمات الشاعر
حيدر العمار الخزعلي

الج يالزهره خادم    وحك رب العوالم
***
دلالي   فاطمه دكاته
والمجلس   عاشك اقراياته
كل خادم   ردد بصرخاته
ما عوفج   كلمه خطها بذاته

اشما يكصي  اشما عاند  وياي الزمن
ما عندي  بالدنيه  غير ام الحسن
مولاتي  ودمعاتي لمصابج جرن

بخدمتج عكلي هايم   وحك رب العوالم

يالحبج  يسري ويشرياني
من زغري   هالعشك غذاني
لعيونج   الله كلشي انطاني
يالزهره   مجلسج روحاني

للمحشر  ماعوفج  بالدم وقعت
اختاريتج  يالحره  وغيرج ما ردت
شيعي انه ومن زغري بيج اتعلكت

اوضح كلشي لازم   وحك رب العوالم
*



انه اعرف حاجتي تكضيها
والشده   فاطمه اتحليها
وكفاتج   كلها تحلف بيها
والوادم   خيرج مغطيها

يالبابج  دكيته  وناديتج مدد
والمرضه  تشافيهم  وانتي ام الشدد
الما عنده  ذريه  اترزقينه بولد

شفت بيج المكارم   وحك رب العوالم

اهواي اجزع   عالضلع خليني
يالزهره   نضرتج تكفيني
للخدمه   فاطمه وفقيني
من خيرج   رايد اترزقيني

حبيتج وبحبج  يالزهره افتخر
مولاتي  ولضلوعج  ضحيت العمر
وبالمجلس من اطلب  تنطيني اشكثر

وصرت بالخدمه هايم   وحك رب العوالم
****





مجنونج  وافتخر مجنونج
ومضحي  كلشي لجل عيونج
ماعيشن   فاطمه من دونج
بالمجلس   انه رايد عونج

حزميني  بحزامج  يا شمس الامل
وحي الله بنص بيتج  جم مره نزل
يالجاهج كبرني وخلاني جبل

اليعوفج هذا واهم   وحك رب العوالم
**
تمت
تحسين الخفاجي

بصوت. مسلم المطيري

ألچ يالزهره خادم
وحگ رب العوالم

كلمات الشاعر
تحسين الخفاجي

يمه  بلحد      ما   نرهم     اثنين ؟
وي فاطمه   ظل يحچي الحسين
حبيبة  گلبي  يا    يمه
شنو نفعه التموت أمه
 

---------------------------------------


ردت گبل  المنيه   كون    أگللهه
متت يمه    ،، خلص حيلي
طفل شايب ،، بعد عينچ ،،  حياتي

الصحره  الليله بدموعي  ابللهه
مشت أمي    ،،    يكسرتنه
شلي بروحي ،،  ردت هسه ،، مماتي

يمه    أعيونچ    حبيبه   دفتحيهه
غير  وليدچ  آنه  السكته   عوفيهه
يمه  زغير والله  الضحكه  ناسيهه
على ضيمي  المگابر   راح  ابچيهه

لوما      أشوفچ     شلي    بالعين
وي فاطمه   ظل يحچي الحسين
حبيبة  گلبي  يا    يمه
شنو نفعه التموت أمه

-----------------------------------------


شو  غمضتي  عينچ  يمه  حاچيني
بعد  روحي  ،،   شلي بروحي
انه وليدچ    ،،    أون   يمچ  ،،  ييمه

بهاي    الحاله  يمه   لا    تخليني
بست  أيدچ     ،،    صدگ صارت
صحت ماتت    ،،     عمت عيني ،، ييمه


ميته  وحظنچ  الدافي  يلم   بينه    
نحاچيچ  ودمع  عينچ   يحاچينه
بعدنه    زغار    يمه   لا   تعوفينه
ودينه  اعله  گبرچ  كلنه     ودينه

اخذينه     يمه    بيوم      تمشين
وي فاطمه    ظل يحچي الحسين
حبيبة  گلبي  يا    يمه
شنو نفعه التموت أمه

---------------------------------------


چا  هيچ   انتهت  وال يمه  مگضيه
سكت صوتچ    ،،   يشمعتنه
ولا     جلمه      ،،  بعد منچ  ،، مشيتي


دارچ     مگبره    والراحه    منسيه
اللحد ضمچ  ،،     ردت يمچ
  تعاليلي       ،،      يراحتنه  ،، يبيتي


يمه   الليل  اجاني  وعيني  سهرانه
يلچفچ  وساده    وحظنچ    غطانه
ردي    الزينبچ   يا  يمه        تعبانه
من كثر    البواچي   اعليچ   ذبلانه


لو  نمشي   يمچ ؟      لو  تردين   ؟
وي فاطمه    ظل يحچي الحسين
حبيبة  گلبي  يا    يمه
شنو نفعه التموت أمه


--------------------------------------


اذب روحي اعله  گبرچ يمه وابچيلچ 

الرمل دارچ   ،،   شنو اخبارچ
يكسرتنه       ،،    تره  الفرگه  ،، مصيبه

عن وحشة حياتي  رايد  احچيلچ

انه  بصحره     ،،   بلا  صوتچ
دفو  چفوفچ   ،،  عشت دنيا ،، عجيبه


يا صدمة  عمرنه وما  تصح   جيه
خليتي    الزلم     والدار    محنيه
يمه   اهنا     تعالي    اهنا  يعلويه
أبونه  من  الحزن   ذبلن    معانيه

وين    الچفوف    التمسح   العين ؟ 
وي  فاطمه    ظل يحچي الحسين
حبيبة  گلبي   يا    يمه
شنو نفعه   التموت أمه


---------------------------------------


راح  ابقى  ابحياتي  بحسرة اعيونچ
يلمغربه        ،،    وانه  الباقي
ارض ميته   ،،    لنهر   كوثر  ،، حنانچ

ما   ادري   شگلچ  حالتي   بدونچ
تعب    كلشي ،،  ثگل  رمشي
خيال  أمشي ،،  واروح ابچي ،، ابمكانچ


هنا  چانت  صلاتچ   صوتچ ابالي
من تدعين ربچ   احفظ    اطفالي
سكت صوتچ بعد والسكته چتالي
ظل بيتچ  ييمه من  الدفو   خالي


خليني     يمچ      يمه       ترضين  ؟
وي  فاطمه     ظل يحچي الحسين
حبيبة  گلبي   يا    يمه
شنو نفعه   التموت أمه



كلمات الخادم  /   رعد الفريجي
  3  / جمادي الاول /  1445

بصوت. مسلم المطيري

يمه بلحد مانرهم اثنين

كلمات الشاعر
رعد الفريجي

ذكريــاتــــي بيهه قصه وي عباتـي
ذكريـاتـــــي اني والليل وخــــواتي
گلبـي بالهم ابتله
آه من طف كربله
… ذكرياتي …
ـــــــــــــــــ ❁ ❁ ❁ ــــــــــــــــــ
ذكرى من الصِّبه عنـــــدي وبالطفوف اتذكرت
شفت بيهه حسين ضامي وبيهه حـيل اتألمت
امـيّـه راد حــسين أذْكُـــر صـاح عباس اكفلت
رَكِض جاب الماي حافــي ابلا إديـنه اتخيّـلت

وبخيالي عالنهر مطروح اشـوفه
وبخيالي شفت اخيي ابلاچفوفه
اوصوت وناتي اعتله
آه مــن طـف كربـــله
… ذكرياني …
ـــــــــــــــــ ❁ ❁ ❁ ــــــــــــــــــ

ذكرى عندي وياي عاشت امَر من حرگ العِـبي
على افراش الموت ابويه گال زينـب تنــــسبي
گله ما يــوصلهه واحــــد وانـي عـباس الأبـــي
وجابهه ابزودهه ابوفاظل گلهه امْنِي و إرْكــُـبي

عالهوادج رايته غيمه ونشرهه
عالهوادج عينه مادارت نظرهه
ظعنه هوه الكافله
آه مـن طف كربله
… ذكرياتي …
ـــــــــــــــــ ❁ ❁ ❁ ــــــــــــــــــ

ذكــرى من التم شمــــلنه وقـرّر حسـين السّـفر
مـن هنـا تبـدي الـمصـيبة گــمت اقـرا بالسّـــور
رتفعت اصــــوات الوداع اموادع يبجي الحجر
هـــذا سِــر البــچّه أمـــي بيــوم باستلي الـنحر

بلموادع ودع حسيـن الحبــيبة
بلموادع دفن يمهه چم مصيية
صعبه حيل المسئله
آه مــن طف كربــله
… ذكرياتي …
ـــــــــــــــــ ❁ ❁ ❁ ــــــــــــــــــ
مثل لون العـــبي ذكـــرى والمصـــايب ريح إجن
شفت بيهه مشابك اخوه ومن دمه اعيوني بچن
گليبه وي الچان حضنـــه ينبض ولحـــظة حزن
بيده جربه ومات ضـامي عيون الحسـين انْعِمن

لجل اخيه امن البجـي يعمي النواظر
لجل اخيه انكسر ظهره وشفته حاير
كل اخوته امجتله
آه مـن طف كربله
… ذكرياتي …
ـــــــــــــــــ ❁ ❁ ❁ ــــــــــــــــــ

اثر ذكرى بوجهي باقي من لهب حرگ الخـيم
امس لمن مات اخيــي عذبو حالي الجـــــيم
لاچن اشبيــدي عليهم فارگوني اهل الشــيم
والله لو وياي اخــوتي ماسبوني اويه الحرم

هذا حالي الصـــخر يبجي عليه
هذا حالي اتشمت عدواني بيه
گلبي لجمات امتله
آه مــن طف كربله
… ذكرياتي …
ـــــــــــــــــ ❁ ❁ ❁ ــــــــــــــــــ

✍الشاعر
حيدر عبدالله السعيدي

بصوت. مسلم المطيري

ذكرياتي... بيهه قصة وي عباتي

كلمات الشاعر
حيدر عبدالله السعيدي

لطميه ثقيله الامام علي يوصي زينب ع

ضمي دمعاتج يزينب موكتها
يذوب كلبي يالعقيله لوشفتها

خلي دمعج للحسين
ايموت مذبوح وطعين

ضمي دمعاتج يزينب موكتها
.............
بويه لمي كل دموعج ترى مايكفي الدمع
من تشوفينه ذبيح وخيل تسحك عالضلع
جني اشوفن خيل اميه فوك صدره تنجمع
وانتي بالحومه يبويه وكل اخوتج تنصرع

وكافلج فوك النهر
وحالج يبجي الصخر

ضمي دمعاتج يزينب موكتها
...............
كافلج لمن يطيح وتهوه يمه الرايه
ويمنته اتضل عالشريعه وجربته امبدايه
تنشلع عينج يزينب راسج ايجف مايه
لونضرتي جفوف اخيج فوك المسنايه

الج تبجي اهل السمه
اوعينج اتهل من دمه

ضمي دمعاتج يزينب مووكتها
.............

وبعدموقف يالعقيله يكطع هروش الكلب
علي الاكبر ويه جاسم نومه بويه عالترب
عون ومحمديبويه وموقفج كلش صعب
والشباب عالوطيه وعينج عليهم تصب

من تكصدين الحنين
بالولد تتعثرين

ضمي دمعاتج يزينب موكتها
..........
بويه صوتج جن اسمعه كعدوليه ياهلي
والشمر لازم اسياطه والفواطم تنولي
هاي صرخات اليتامه الغوث تنده ياعلي
وانتي وحدج بالمعاره محيره وماضل ولي

يزمخ عليج الشمر
اينادي زينب لليسر

ضمي دمعاتج يزينب موكتها
............
خلي دمعاتج يبويه يومج ايبحي الصخر
مصيبتج محد حملها وليه يوليج الدهر
ضمي حيلج يالعقيله باجر دموع وسهر
تعمه اعيونج يزينب من تشوفين النحر

بويه مكسور الضلوع
واله ماتكفي الدموع

ظمي دمعاتج يزينب موكتها
...............

✍أم زينب الكربلاء

بصوت. مسلم المطيري

ضمي دمعاتچ يزينب مو وكتها

كلمات الشاعرة
ام زينب كربلاء

بصوت. مسلم المطيري

بصدرك چم صبر ما حملته جبال

كلمات الشاعر
عمار التميمي

.



.     وره الباب .. طـاحـت أم ابــوهـه
      يالاصحاب .. لـيـش اتـعــذبـوهـه

               ســؤال لـــ يـا أمــر
               ضـلـعـهـه يـنـكـسـر

                                   *---------------*---------------*

عـجـيـب الــمــنــظــر ومــرعــوب مـنّــه
شـــفـــت الــنــار بـــس ابّــــاب جـــنّـــه
نــزل جــبــريــل يــبــچــي وثـگـل ونّــه
وشـفـت شـيـخ الـصـحـابـه ضحك سنّـه 

      العقل دار .. حــار ابـهـالـقــضـيـه
      يـســتــار .. مـوجـوعـه الـزچـيـه 

               مــن گـــوم الــغــدر 

                                   *---------------*---------------*

عـلـى روح الـــزچــيــه الـهـم تــشــضــه
والــبــســمــار الــهــه الــضـــلـــع رضّـــه
گـلـب مـحـسـن انـصـاب ووگـف نـبـضـه
وتـصـيـح الــزهــره ٱلـحـگـيـلـي يـفـضـه  

      اشتعل نار .. بـيـت الـزهـره بابـه
      والاحــقـاد .. بانـت بـالـصـحـابـه 

               ورجـعـوا لـلــكــفــر

                                   *---------------*---------------*

هـــاي ام الــنــبــوه ودِمــه الــعــصــمــه
و روح  الــــديــــن  روح  ام  الأيــــمـــه
والــرايــد عــلــيــهــه يــصــيــر ظُـلـمــه
رايـــد يــمــحــي ديــن الـبـاري واسـمــه

      يـريـدون .. بـغـيـاب الـــوديـعــه
      يهـدمـون .. بـنـيـان الـشــريـعــه

               حقد ظـل يـسـتـعـر

                                   *---------------*---------------*

اجـتـمـع حـقـد الـظـلالـه اعـلـه الامـامـه
وعـصَـف بـيـت الـوصـي ريـح الظُـلامـه
بــســمــاء الــديـن چـن قــامـت قـيـامـه
ونــســمــات الــهــدى اتـنـوح الـحـمـامـه

      بــالآهــات .. ضـلـع متهشم إلهـه
      والآيــــات .. بـمـدمـع تنـظـرلـهـه

               بـچـت عـيـن الصبر

                                   *---------------*---------------*

الـضلـع والـمـحـسـن بـهـيـئـة دمـعـتـيـن
حـزن سكنـوا على اجـفـون الـمـيـامـيـن
هـــاي اول رزيــه اتــمُــر عـلــى الـديــن
وسـبـب كـل الـدمــوع اتـصـيـر لـلـعـيـن

      هالمصاب .. اسـاس لكل مصيبه
      فتح بـاب .. لسبي الحره الغريبه

               ومــهّــد لـلــشــمـــر

                                   *---------------*---------------*

  ✍️خادم الحسين ع
الشاعر سعد هادي الشمري

بصوت. مسلم المطيري

وره الباب. طاحت أم أبوهه

كلمات الشاعر
سعد هادي الشمري