بصوت. مسلم المطيري

باچر يارقيه احنه ماشين

كلمات الشاعر
حيدر تركي الكربلائي

للسيده رقيه
.
.
.

شـاءت الاقـــدار .. والـتقـــينه
عالجره والصار .. من حچينه
گتلي اليوجعچ ويــن
گتــلك انـته يحـسين
توجع رقيه
 
*
اربعه وعشرين يوم وشوگــك بـروحـــي يجر
الثانيه بهـــــجرك احســهـا بثگــــل ايام اليسر
اهوايه محتامه اعـله صـدرك رايده اغفه عمر
بويه مشتاگتــــلك بــگد ماضرب متني الشمر
 
 
الألمتـــني اهـواي .. ومنها اعاني
بويه طـاري الماي .. مـــــو اذاني
ومو من گيد اليـدين
گتلـك انتــه يحسين
توجع رقيه
 
*
 
گبل ماتغمــض اعيونــي چانــــت ايامــــي حبل
وسوط وصياح وشماته وضـرب واشواك وهـزل
ادعيت يمتـه الرحمــة الله ورحمـتك بويه انتقل
السبي بالنسبه الغيابك وحق ضلـع امـــك ســهل
 
دمــعة وتبــديت .. عالوطـيه
اعليه من ناديت .. يارقــــيه
ياهو المنه تبچـــين
گــتلك انته يحسين
توجع رقيه
 

*


اعليه تسأل انه زينه شلونـــك انته ياصبح
اليوجعـنك بالله طــــابن لو بـقه منك جرح
بويه المثـلث مكـــانه طـــــاب لو لا منفتح
ارد اشبگك بس اخافـن الچم امكان الرمح
 
صـــدرك المطــحون .. مــن الـزمه
شلون اشـمه اشلون .. خاف الچمه
جرحي الغافي بالعـين
گــتلك انـــته يحــسين
توجع رقيه
 

*

سولفيلي اتگلي بــويه خـاف انتــــــه تـــنفجع
مره منهن عله الناگــــه ذكرتـــك وهـــل الدمع
بالرمح واحد ضربني وكســـر من صدري ضلع
شگد تمنيــتك يبويه حـاضــر بـــذاك الوضــع
 
ابنيــتك يحــسين .. من ولوها
بالحــبل مرتــيــن .. گـيـــدوها
وگلبي النياشيــــن
گـتلك انته يحسين
توجع رقيه
 
*
 
من التقيتك ضمه روحي راح يالوجهك نهر
هنه صح چم يوم لكن يالابو جنــــــهن دهر
يارقيه گتلي بويه شو علــــــــه خـــــدج اثر
چنه خد امي الزجيه وره البــاب من انسطر
 
ابعطــفك المفگود .. حسستني
من رجعت اردود .. وقبلــتني
جرحي بگد السنين
گتـــلك انته يحسين
توجع رقيه
*
حيدر تركي الكربلائي

بصوت. مسلم المطيري

شاءت الأقدار. ... والتقينه

كلمات الشاعر
حيدر تركي الكربلائي

رقيه
(حبيبة الحسين)


لا بـقــت حـنـيّـه     ولا بـقـت  تـرچـيـه

بـس الدمع بقالي     بـس الدمع بقالي

                                    *---------------*---------------*

انـه بـنت الـشـيـخ معروفـه ابـدلالـي
لا تـراچـي ولا ابـو بـالـطـف بـقـالـي
سلّبوا خاچـيـت ابـوي ودمعي هالـي
مـدري واقـع لـو حلـم هـذا الـجـرالـي

دمعاتي واللوعـه    للسحگو اضلوعـه

                                    *---------------*---------------*

عمري فرحـه وغـرگت ابروجـت حزنـهـه
جــنــه چـانـت دنـيـتـي وداسـو عـدنهـه
انـي يـاهـي وتـنـسـبـي وتـنـجــر اذنّـهـه
انـي مـحبـوبـت ابـوهـه اليحچوا عنـهـه

يا لوعه احملهه       وياهي الاسهلهه

                                    *---------------*---------------*

فجئـه خـلانـي الـدهـر بـيـن الطوايف
لايّـذه بـعـمـتـي السبيـه وکلـبي خايف
اهـلـي آل بـيت واكــعــد بـالـصـرايـف
بـخـدي بـوسة والـدي وطـبـع الشفايف

الـمثلي اشينسّيهه      والذكرى تچويهه

                                    *---------------*---------------*

ما خـذة الـسـلّاب عـمـري بس تـراچـي
گـطّع آذانـي وسـلـب ذيـچ الـخـواچـي
وضلوا بذاري التـرب اهـلـي الـزواچـي
شـلـي بـيـامـي اشـبـعـد غـير الـبـوچـي

بحزاني مالومـه    عالسلبو اهدومـه

                                    *---------------*---------------*

شاهدت عـمـتي وشـمـر يـنـظـر عـليـهـه
أمــدنـّگـه الـراس وسـتـر سـوّت اديـهـه
بـيـه مـا بـيــه كـمـت رحـت اعـتـنـيـهـه
صـدت لأذنـي وعِلـه الصوت الـبـچيـهـه

صاحتلي ياعمه       وبحالي منصدمه

                                    *---------------*---------------*

اه يالـشــام الــجـرحـنـي وخـلــه عِـلــه
ويلي لاحـزانـه الشفتـهـه اويـلـي لـهـلـه
شـيّـب الـراس ودلـيـلـي وآ نــه طـفـلـه
اتوسلت ربـي ودعـيـتـه مـوتي عَـجـلـه

يا مصعب الروحه      للتنزف جروحه

                                    *---------------*---------------*
  
✍خادم الحسين (ع)
الشاعر رعد الجريخي

بصوت. مسلم المطيري

لابقت حنيه. ولا بقت ترچيه

كلمات الشاعر
رعد الچريخي

بصوت. مسلم المطيري

(ابو ذيات استشهاد السيده رقيه ع)
=========================
بملات الله امتنحنا وراسبونا
واحنا البيها اول راسبونا
بطشت من جابو النا رأس ابونا
ع راس حسين ماتتلي رقيه
========================
يرحيل
وين الكمر هذا اليوم يرحيل
وبعد هذا العمر هيهات يرحيل
الشمر من ايدي بنت حسين يرحيل
ولوع كلبي من شتم رقيه
=========================
على راسي المصايب حيل صبيت
ودم من العيون اليوم صبيت
رقيه المأتت اعله الراس صابيت
كلب اختك يسبع الغاضريه
=========================

الشاعر وسام الليباوي الحلي

بصوت. مسلم المطيري

اليوم زينب باوعت لحسينها

كلمات الشاعر
حسين جاسم

بصوت. مسلم المطيري

الابوذيه الخالده ان شاء الله

مثل لمح البصر وكتي ... لمح جار
انا المايوم من طولي ..   لمح جار
كل   الشام  لا  گاني ..  لم حجار
شريد أشگف  وانه  حبالي بأدية

✍حسين طالب السماوي

#نسالكم_الدعاء

بصوت. مسلم المطيري

كلامي اشلون اوضحه  والمعاني
بـنـص الـخـيـل شـذره  والمعاني
تــغـيّــر لــون وجـهـي  والمعاني

بـهـذاك الـيـوم مـا چـنـي رقـيــه

*------------------------*--------------------*
رعد الجريخي

حضور الزهراء ع
عنده جسد الحسين ع



عـاري ابـلا دفـن ومـوسّـد الــغَــبـره
المثلك ليش عَشره ايدوسن بصدره

        يـيـمـه       **        يـيـمـه

                                    *---------------*---------------*

يـيـمـه حسين اجيـت بـهـل مـسـيـه
نـسيـت اضلوع صدري وكلشي بـيـه
احـس الـخـيـل كـلـهـه اتــرك عـلـيـه
شفت جـسمـك علـه اتـراب الـوطيـه

                                    *---------------*---------------*

اگـولــن يـا جـرح اصـعـب يألـمـهـه
اكابر خاف اجيسه وخـاف الـچـمـه
حرت صـدرك يـيـمـه اشلون اشـمـه
واسوي ادموعي حمـره بالون دمـه

                                    *---------------*---------------*

يغالي اجروح جسمك من شـفـتهه
عَلي هانت شَكو عصره احـملـتـهـه
تـجـي زيـنـب تــون يــمــي ردتـهـه
لـَچـن گـوم الـكـفـر عـنـك خَـذتـهـه

                                    *---------------*---------------*

ثـلـث تـيـام يـم جـسـمـك وحـيـده
اهـل دمـع الـحـزن والـنـوح ازيـده
اصيح اوليـدي ليش انـحـز وريـده
وليش حسين گطعوا خنصر ايــده

                                    *---------------*---------------*

يبني اضلوع صدرك كلـهـه احسـهـه
تــره الـداسـك گـبــل امـك رفـسـهـه
نـفـس هالزمره هاي ونـفـس رسـهـه
يـبـو الاكـبـر الـك رجـعـت نـفـسـهـه

                                    *---------------*---------------*

✍خادم الحسين ع
الشاعر رعد الجريخي

بصوت. مسلم المطيري

عاري بلا دفن وموسد الغبره

كلمات الشاعر
رعد الچريخي

بصوت. مسلم المطيري

السيده زينب / ع/ اتخاطب الامام الحسين/ ع/
ابوذيات

الـعـقـيلـه الما جره بواحد .. جرلها
عـگـبـك والـدمــع عـيـنـي  .. جرلها
تـراچــي أرقــيــه گـدامـي .. جرلها

   چـف  الـمـاعـرف  الله  ونـبـيـه

*--------------------*------------------*

لـيـل اهـدعـش وي اجـنـاب .. بته
وحس گلبي عليك أنـگـطـع .. بته
الـمـثلـك  مايـعـوف  بـيـوم .. بته

   عـفـتـها شـلـون  يـمـدلـل رقـيـه

*-------------------*--------------------*

✍ خادم الحسين //ع
الشاعر رعد الجريخي

رقيه بنت الامام الحسين ع


  ودوني للغالــــــــــي      خل يرحم بحالــــي
٠٠٠٠٠٠٠٠٠٠٠
ودوني يا عــمه اله ارد اجعــــــده ابونــي
تاركــله ورده ابلا ســبب ليــش ابتعد عني
خلاني اجــرع بالالم وبنــــومه متهنــــــي
طفله انه مذهــوله ترى لحد يناشــــــدني
يا دمعــــي الهالي         خل يرحم بحــالي
٠٠٠٠٠٠٠٠٠٠٠٠
ارد اكعد ابصــــفه اون واتمدد ابكتــــــــره
مخنوكه والحسره تجي تدفعها الف حسره
متغيــــــر اهواي الشكل يا ريحــــة الزهره
فتشلي عينك يالولي يا بويه بس نظــــــره
يالماخذ آمــــــــالي         خل يرحم بحــالي
٠٠٠٠٠٠٠٠٠٠٠٠٠٠
يا ريحة الزهره اشعجب متــــغيره اللوانك
حر الشمس بويه اضن غيرهن اجــــــــفانك
اكعد رقيه اتناشدك ضل خالي امجــــــــانك
ذبلني يا بويه العطش ما تروي بســــــتانك
صوت الحزن عالــي        خل يرحم بحــالي
٠٠٠٠٠٠٠٠٠٠٠٠٠٠٠٠٠٠٠
حاجيني يا بعد العمر ليش الوجــــــه ذابل
طفله واجيت من الخيم وادموعــي اتهامل
سولفلي شنهو الغــــــيرك كابلني امــــــكابل
انه اعرف اوصافك عدل جا شنهو الحاصل
راسمتــــــك ابالي        خل يرحــم ابحالي
٠٠٠٠٠٠٠٠٠٠٠٠٠٠٠
حاجتها زينب وبٱلم يا عــــمه ما يرجــــــع
خلينه نرجع للخــــيم خاف الــشمر يطــلع
ما عنده رحمه هالشمر يضربنه بس يســمع
كعــــدن يونن بالالــــم يا ويلي بالمــــصرع
يا عمــــــه دلالــــي        خل يرحــــم بحالي
٠٠٠٠٠٠٠٠٠٠٠٠٠٠

بقلم المقصر ناجي الصالحــــــي 📝

بصوت. مسلم المطيري

ودوني للغالي.

كلمات الشاعر
ناجي الصالحي

حسابي على الأنستگرام 👇
https://www.instagram.com/muslam_1983?igsh=MTN5eTY0OXdydWY2ag==

يادمعة العين.  ماظن يعودون
يادمعة العين.  صبي اعلى الجفون
بعيده المسافات   والرجعه هيهات
ماظن يعودون

*------------*-----------*------------*

مشو بسكوت وحزنهم عاشرانا
الجانو ويانه ومحبتهم دوانا
حيرانا فراكهم فجأه وسبانا
تحت التراب اندفن مصدر هوانا

شو راحو بعيد.  وماظن يردون
شو راحو بعيد.  ياضي العيون

بعيده المسافات   والرجعه هيهات
ماظن يعودون
*-------------*-----------*-------------*

ليش خلوني ومشو ومعاشره النوح
وأنتظر جيتهم بلوعات الجروح
ياجفن مهما جريت بدمع مسفوح 
التنطره بساع صوب النايبه يروح

وبسجة البين   احبابي يمشون
وبسجة البين  متوجهه الضعون

بعيده المسافات  والرجعه هيهات
ماظن يعودون
*-----------*------------*-------------*

غفله راحو من ادينا شمعة الدار
سكف جانو نغفى تحته زغار وكبار
هسه يادار شجرالج شنهي الصار
صرتي ظلمه وراح كل شي والزمن دار

حاجيني يادار   نلكاهم اشلون
حاجيني يادار   وين اليحنون

بعيده المسافات    والرجعه هيهات
ماظن يعودون
*------------*-----------*------------*

كون وياهم نموت ونلكه الأحباب
للأسف ماحان وكته يطمنا التراب
بسكته راحو من ادينا وسدو الباب
وبدت لحظات الألم واحساب الغياب

شيصبر الروح   ويغمض الجفون
شيصبر الروح    عل ما يرجعون

بعيده المسافات     والرجعه هيهات
ماظن يعودون
*-------------*-----------*------------*
 
بكل مكان نشوف منهم بسمه وإحساس
فاركونا الجانو أعلى الروح حراس
ندور اعليهم صفينا بزحمة الناس
مالكينا بس عطرهم يشبه الياس

بسمات الورود    ذبلت بالظنون
والراح ميعود     لا لا تنطرون

بعيده المسافات   والرجعه هيهات
ماظن يعودون
*-----------*-----------*-------------*


محمد دعبل النوري

بصوت. مسلم المطيري

يادمعة العين. ماظن يعودون

كلمات الشاعر
محمد دعبل النوري

#محرم_١٤٤٣_هـ
#للسيده_رقيه_ع

حـــــرگه بــعيوني.،،،،،
تــــــوجع امــتوني،،،،،
مــــدري مــن كثر الدمع
مـدري مـن رفس الضلع

¢¢¢¢¢¢¢¢

اخ مــــنك يازمــــــاني__واخ مـــــــن ذاك الهضم
طگت الشامت حسافه__ ويـــــاي وصلت للعضم
شحچي لحسين وكفيلي_بياهي ابدي وشنو اضم
مختصر قصتي الطويله__شــلون ابـــــديها بنضم

تـوجع ابگلبي،،،،
وزيـدت تعبي،،،،
ابــــلع وما تـــــــــــنبلع
مدري من رفس الضلع

¢¢¢¢¢¢¢


بياهي ابدي يامصيبه__مصايــب اهـــواي السدن
مـن ضهيرة يوم عاشر__لــــــــمن الــخيل اركضن
ركــــــــن بصدرابواليمه__وللــــــخيام اتــــــوجهن
اوصاله جابن بالحوافر__شفت مـــــن بيه رفسن
كسرن اضلوعي،،،،
ونزلن ادمـوعي،،،،
وني،ضــــل،مايــنسمع
مدري من رفس الضلع

¢¢¢¢¢¢

مــن كثرلچمات ضلعي__ ابــــلع بگـــوه الــــنفس
والعطش ذوب مهجتي__خشــب،اللســاني ويبس،
خايفه ومرعوبه وركض__واني،اخـاف من الفرس
ويـن اروح وعدمن ألبد__غــــربه والشــمات بس،
شـحت الغـــيره،،،،
بــغربه وزغـيره،،،،،
فــــــزعت اعليه الجمع
مـدري،من رفس،الضلع

¢¢¢¢¢¢

سياطهم تاكل،امتوني__بلا رحــــم طول الدرب
امدلله وترفه وزغيره__ويــــــــن اتحمل،ضرب،
صحت وين اهل المحنه__بـهظم مجروحت گلب
ويــــن ماعاين شمــــاته__وبالضعن تحدي،الغرب
اخ ضــــربوني،،،،
يهلي الحگوني،،،،
خـــــــوف بگليبي وهلع
مــدري من رفس،الضلع

¢¢¢¢¢¢

ناگتي عرجه وهزيله__ اتأذي ضلعي من تميل
من الوجع اصرخ يبابا__بألم وبـــحرگه وعويل
اشوف راسـه يدورليه__ودمعتي تـــبقه تسيل
وتنهظم عمتي العقيله __وينـجرح گلب العليل
يگلي،شبيـــدي،،،،
امگيده ايـــدي،،،،
اعليه گلبه يـــــــــنشلع
مدري،من رفس،الضلع

¢¢¢¢¢¢¢

تم بعون الله تعالي
بقلم ام زين العابدين اللامي
من يود يقرا القصيده يذكر هذا
الاسم (زين العابدين الزبيدي)
والله ولي التوفيق
اسـالـكم الـدعاء لي والـوالديه
الفاتحه الى روح والدي ووالدتي 💔 💔

قناة أئمة البقیع
یوسف الزهراء 💔

بصوت. مسلم المطيري

حرگه بعيوني

كلمات الشاعرة
ام زين العابدين اللامي