لطمية + حماسية للمشاية                                                                      الشاعر قاسم الساعدي المندلاوي
يا هله ابكل الطوائف    يا هله ابكل الدول
مو مضايفنه تلمكم       ليكم ابيوت المُقَل
عربي وأيراني   ليكم احنه انتاني
******
يا هله ابكلمن تعنّه رايد ارض الطف يـــــــــزور
لولا حبّه لولا دينه أبد ما يهوه الحضــــــــــــــور
هاذي جَيته وتارك اهله تعني هوّه اشگد غــــيور
وتكشف النه عن ولائه وتكشف النه اشگد صَبور
احنه خدّامه وعلينه        يأمر وأمره نطيع
لأن ضيف ابن الزچية    ارواحنه لجله نبيع
رغم عالسفياني    ليكم احنه انتاني
****
لا تفرّغ بين زاير وآخر ابهالخدمة هاي
هذا التقدّمله زاد وذاك التقدّمله مــــــاي
واحد ابرايك تمَسّك لا تكون ابألـف راي
چن ابو الأكبر يگلّك خدمتك هيّــه دواي
چن ابو الأكبر يگلّك       هيّه بلسَم روحي
خدمتك لليعتنيني    تشفي عندي اجروحي
أجنبي وأفغاني     ليكم احنه انتاني
***
لا تضيّعهه خدمتك لا تفرّغ بينهــــــــــــــــم
كلهم اتعنّوا زيارة وعن ولاء حسينهـــــــــم
ديَنهم هاي الزيارة وهُمّه وَفّوا ديَنهـــــــــم
شنهو عذرك لو حسين انشدَك عنهم وينهم
شنهو عذرك وابو اليمه   شافه خالي الجادر
من ضيوف التعتنيله           من يسألك باجر
أقسم ابقرآني    ليكم احنه انتاني
****
لا بعد حق الضيافة اترَحّب ابكلمن غريــــب
هذا وَصّونه أهلنه يُعتَبَر جنه قريـــــــــــــب
الما يقدّر ضيفه هذا مو نقي راضع حلــــيب
بالأخص اللي يجون اضيوف ابو خَد التربب
كون ما قَدَّر اضيوفه       يعني مو خادم إله
وأبد مو جعفري خارج   عن نهج عقد الوله
القاصي ويّه الدّاني     ليكم احنه انتاني
****
كون ما تكدر تكتّر وانطي الغيرك مجــــال
مثلك ايضَيّع خدمتك هالأمر هذا مُحـــــــال
هالبلد هذا تعلّم يخدم امن اعلى الجبــــــال
للبحر يعني ابخدمته مكتسب اروع خصال
اولاية لولاية تسلم   هالخدامة ابكل شرف
لان رب الكون بيهه      على هالأمّة لطَف
حالي حال اقراني     ليكم احنه انتاني
*****
اختار هذا البلد يخدم كلمن ايزور الحسيــن
ربك وكلمن يخالف لا يردد يا حُسيـــــــــــن
عين خَلّيهه اعله بيتك عالدرب خَلّيهه عيـن
وحده تكنس وحده تفرش لليجونك هالأدين
لا تجيب احراج ليك     وذوله زوار الذبيح
خَلّي السانك يرَدد       زاير اهلا واستريح
جاهز البَرّاني     ليكم احنه انتاني 

بصوت. مسلم المطيري

ياهلا بكل الطوائف
ياهلا بكل الدول

كلمات الشاعر
قاسم الساعدي

الى مولاي الامام الحسن المجتبى ع

على مصابك نهل عبره
نواسي أمك الزهره
ننوح وبالگلب حسره
يمسموم

ياباب العلم والنور...ومنبع للكرم بابك
بجروحي العزائك جيت...واقره ابحرگه لحبابك
وسط الروح تلهب نار...يامولاي لمصابك
گلب كل مؤمن الليله...يحن الشمَّة اترابك

عليك المدمع انسيله
وإلك يالمجتبى الليله
نون بگلوب منكسره
يمسموم

أمك فاطمه الزهراء...عليك الدمعه تجريهه
واحنه الليله بِالوَنَّه...يبو محمد نواسيهه
يمن ضاهدهه بمصابك..وسم چبدك يأذيهه
البقيعك تگصد ابلوعه...وبالآهات تلفيهه

تنادي وتبچي محنيَّه
مصاب ابني اشعمل بِيَّه
امهدَّم گبرك اتنظره
يمسموم

وحگ العل طشت ناحت...وحگ زينب المهمومه
يبن حيدر إلك أحباب...طول العمر ملچومه
لغيابك يَفَخر الدين...تبقه اتنوح مهظومه
نصيح الياوكت مولاي...بقيع الآل مهدومه

حزينه الروح لوداعك
وننادي الياوكت گاعك
تضل لا قُبَّه لا حظره
يمسموم

يريحانة رسول الله...عاشت بالگلب حسره
مثل حظرة اخوك حسين...كون اتصير الك حظره
ونقره اعله الضلع يمك...ونقرالك على الطبره
نون عالضل ثلث تيام...عاري ومنگطع نحره

نصيح ابكل مصايبكم
مناحتنه اعله زينبكم
عظيمه امصايب الحرّه
يمسموم

رغم ما سَمهُم امأذِّيك...ورغم مامنهدم گبرك
تضل ابكل زمن خالد...وابد ماينمحي ذكرك
قدرك عالي يامولاي...والباري رفع قدرك
خدامك نضل للموت...ونحيي ابكل وكت أمرك

مضيفك هالعَزَه العامر
أمس واليوم والباچر
ابعزائك نرتجي النظره
يمسموم

سيد علي الموسوي


قناة أئمة البقیع
یوسف الزهراء

بصوت. مسلم المطيري

على مصابك نهل عبره

كلمات الشاعر
سيد علي الموسوي

(نزله لأستشهاد الامام الحسن)

ويلي ويلي ويلي .....ويلي عله جد الساده

غمض العين.... والحسين ....لزم خاصرته
صاح ويلاه ....الحسن مات....تعالي يخته
خلي ولده..... وبناته........... تجي وعايلته
موادع احباب ...نودعه ..... كبل راحلته
ويلي ويلي ويلي ... الحزن صاير عاده

.....

شمصعب افراك..الاخوان ..اذا حان الهجر
وشيجبره ....بالدليل ...اذا صار الكسر
حسين غسل ....اخيه ....ودليله منفطر
يكله باجر...بالطفوف ...منو يرد الشمر
ويلي ويلي ويلي.... ويلي انه ردتك راده

.....

يالحسن كوم ....اجتي ...الهواشم دارك
يالمعزب ...والدلال ....تفور بنارك
غيمه انته ...وتماطر .... هلا بخطارك
ضلمه الدار..... والعيون ...تحن لنظارك
ويلي ويلي ويلي .... البيت طاح اوتاده
........

فوك المتون ...جنازه ...اشيلك ياوسف
وبوصيتك ....اخيك..نجتف سيفه جتف
كلف فركاك ....يالحزام ...تره كلش كلف
بوني عليك ....احس فز ...ابوي من النجف
ويلي ويلي ويلي ....يكتل اخوي فراكه


#الشاعر مصطفى الحسني

بصوت. مسلم المطيري

ويلي ويلي ويلي
ويلي عله جد الساده

كلمات الشاعر
مصطفى الحسني

بصوت. مسلم المطيري

شهادة كريم اهل البيت الحسن ع

رسول الله الحسن مولاي  سمّاك
انت وبـــس الـه الكــــون  ساماك
بحقد ابن الشرك بالــدين   سمّاك

وعلى اهل الدين عظمت هلرزيّه

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

✍️عباس مالك العفريت
#٧صفر
نسألكم الدعاء

أويلاه  .. الكل كلب عنوانه
أويلاه ..  يبجي ظل ديوانه
.............................
آنه  زينب عشت  آهات  المصيبه
وجهه أصفر والحسن أيّس طبيبه
سّمه  واصل  للجبد  يسعر  لهيبه
راح أخوي منيدي والراح شيجيبه
أويلاه  .. النشهد بأحسانه
أويلاه .. يبجي ظل ديوانه
.............................
هذا أخوي العشت كل عمري بدلاله
واصل البيته الغدر وأيد الظلاله
بيّه وصّه حسين وأنطاه الرساله
ولبو فاضل من علي الزينب كفاله
أويلاه  .. وبيه علي وصّانه
أويلاه .. يبجي ظل ديوانه
................................
يا خليفة  حيدر  ونعم  الخليفه
خل تموت بغيضهه أذناب السقيفه
أالحسن باب  الكرم  عامر مضيفه
والطبيبه الكل مرض بنته الشريفه
أويلاه  ..  اليا هلا بلسانه
أويلاه .. يبجي ظل ديوانه
....................................
الحسن وحسين أحلى أمنياتي
منّي لو راحو بعد شلي بحياتي
كل مسيه للحسن أدعي بصلاتي
وماكو عند حسين بالدنيه بغلاتي
أويلاه .. الأبد ما ينسانه
أويلاه .. يبجي ظل ديوانه
......................................
الحسن رغم الطغاة اثبت وجوده
مايهاب  الطاغيه  وكثرت  وعوده
اليدعي  للناس  بصلاته وبسجوده
سافر  وخله  الأماني  كلهه  سوده
أويلاه  .. التزهي دوم ألوانه
أويلاه ..  يبجي ظل ديوانه
.........................................
حسين رادك يالحسن تحضر طفوفه
وتعرف الصار وجره وتعرف ظروفه
القاسم  العريس  بعيونك  تشوفه
بحضن عمه أستشهد وشابك جفوفه
أويلاه ..   وكلها دم أردانه
أويلاه .. يبجي ظل ديوانه
.......................................
حيدر مطر العبادي

بصوت. مسلم المطيري

اويلاه. الكل گلب عنوانه

كلمات الشاعر
حيدر مطر العبادي

الصبرني شنـــهو ومامتت      خويه خويه
من شفت جبدك بالطشت       خويه خويه
ماينحمل ذاك الوضع         دم عيني صبت مو دمع
                   خويه خويه
ــــــــــــــــــــ ــــــــــــــــــــ
يبو محمد يمحلات الليالي اويــــاك
يانبض الگلب مااعيشن ابليــــــــــاك
جنت وين التفت ياخويه يمي الگاك
يريت الموت اخذني يالوفي وخلاك

يبن امي يالفگدك صعب      خويه خويه
عين الكرم لجــلك تصب      خويه خويه
گلبي اعله فگدك منصدع    دم عيني صبت مو دمع
                  خويه خويه
ــــــــــــــــــــ ــــــــــــــــــــ
جنت ريحة ابوي بثــــــــوبك اشتمها
الهظم يابعد اخوك امتوني هدّمـــــها
جلمة خويــــــــــــه من بعـدك تيتمها
واسنينك تبـــــــــدت گــلي شيـــلمها

هوّنت فگد امـــي وعلي      خويه خويه
لو رحت ياهو ايظل الي       خويه خويه
شلون الگلب من ينشلع         دم عيني صبت مو دمع
                   خويه خويه
ــــــــــــــــــــ ــــــــــــــــــــ
بعد ماتحله بعدك يالحسن گعــــــده
ياخويه ومجانك محد ايســــــــــده
الاخو اشحاله اذا عاين لخوه عنـده
طشت جدامه بي صاير وذر جبــده

جبدك بدايه الجبـــدتي         خويه خويه
ودمك رسم دم رگبتـي          خويه خويه
شلون اصبر وماانفجع         دم عيني صبت مو دمع
                 خويه خويه
ــــــــــــــــــــ ــــــــــــــــــــ
على الطف جانت اجروحك تسولفلي
دمك يترس الطف دمـــــــــــك ايگلي
وعله سهم الجبد جبدك يأشــــــــرلي
ونعشك گال جسمك ينرمي مثـــــلي

اسهام العله نعشك غفن       خويه خويه
گبل الطف بگلبي صـفن        خويه خويه
اتمنه گبلك منصـــــرع       دم عيني صبت مو دمع
                  خويه خويه
ــــــــــــــــــــ ــــــــــــــــــــ
يبو محمد والاكثر لوعه اذتنـــــــــي
زينب من اجت واعليك نشـــــدتني
اضم دمعي ويصب محتار شافتني
اجاوبها ولو بحجــــــــــــايه رادتني

خفت الخبـــر ماتحمله         خويه خويه
رايدها عون الكربــــله          خويه خويه
يالوعتي الماتنجـــــرع         دم عيني صبت مو دمع
                      خويه خويه
ــــــــــــــــــــ ــــــــــــــــــــ

علي محسن الزيادي
___

بصوت. مسلم المطيري

الصبرني شنهو ومامتت.. خويه خويه

كلمات الشاعر
علي محسن الزيادي

بين العقيلة وراس سيد الشهداء عليهم السلام ...


چم ليل مر وچم صبـح  .. ما تحاچيني
چنّك غريب اعله الرمح  .. ما تحاچيني
صوتي راح امن النَشِد  ..  وانتّ ساكت ما ترِد
ما تحاچيـــني
___
هاي چم ليله گضينه  سوه يا راس الحسين
اوياك اسولف وانتّ ساكت  عجب يالگلبك حنين
ولو گلبك آ يگلبك     هو وين واحنه وين
هو عالتربان واحنه    عالهزل متيسرين

ويلي اعله گلبك ما سِلَم  .. ويلي واويلي
منّه ثِلِث ظـل بـ السـهـم  .. ويلي واويلي
گلبي لاجلك منضهِد  ..  وانت ساكت ما ترد
ما تحاچيـــني
___
المرّه الاولى ناشديتك    من لِفَت نوگ الهزل
گتلك امشي اوياك لو لا   خويه يم جسمك اظِل
ومنهو اليركّبني گتلك     من عگب راعي الفضل
ومنهو اليلِم اليتامه      بذمْتي چم طفله وطفل

احچي ويصب نحرك دِمه  .. ما تباصرني
يابو العـطـف والـمـرحـمـه  .. ما تباصرني
عيوني بعيونك تصِد  ..  وانت ساكت ما ترد
ما تحاچيـــني
___
ثاني مرّه ناشديتك    فُرجه صرنه للبشر
من وصَل للكوفه ضَعني  ومدري چم شامت حِظَر
گتلك ابعد عنّي رمحك   إختزينه امن النظر
اتقدّم بروس الغوالي   واشغِل الگلبه حجر

خل ينظرون لمنـحـرك  .. ولا ينظرولي
لو حتّى قاسي منظرك  .. ولا ينظرولي
شافني الحر والعبد  ..  وانت ساكت ما ترد
ما تحاچيـــني
___
هواي ناشدتك حبيبي   وانتّ ابد ما تلتفت
ساكت وما تدنو مني    وتالي هم آنه اسكتت
بالخرابه اتفارگينه     وعاودت ليّه بطشت
بشوفتك ماتت رقيه     وآنه حيره اتحيرت

من ارجع لجسمك خِفِت  .. يسأل اعليهه
صدرك يحن اعله البنـِت  .. يسأل اعليهه
شحچي باچر تنفگد  ..   وانت ساكت ما ترد
ما تحاچيـــني
___
راح اردنّك بديه    باربعينك يا غريب
وراح ارد ابچي اعله گبرك   واگضي صوتي امن النحيب
هم اسولف ويّه جسمك   ويبقه ساكت ما يجيب
راح تبقه بگلبي حسره    لحد موتي ما تطيب

موبيدي من انشد تره  .. ما إلي غيرك
مـنّـك اريـد الـمـعـذره  .. ما إلي غيرك
ماكو غيرك ينگصد  ..  وانت ساكت ما ترد
ما تحاچيـــني
___


محمد الفرطوسي

بصوت. مسلم المطيري

چم ليل مر وچم صبح... ماتحاچيني

كلمات الشاعر
محمد الفرطوسي

بصوت. مسلم المطيري

عالوجه گمنه نحط چفوفنه
للستر خاف الغريب يشوفنه

كلمات الشاعر
رائد الناشي

بصوت. مسلم المطيري

خلت ايديها زينب على متون الرباب

كلمات الشاعر
حيدر الحلفي

بصوت. مسلم المطيري

لملمت دمعك محرم

كلمات الشاعر
رعد الفريجي