بصوت. مسلم المطيري

حسراتك چبيرات

كلمات الشاعر
حيدر تركي الكربلائي

فزاعيه للأمام زيد الشهيد عليه السلام


زيد الشهيد أعله الرمح
راسه العده أيرفعونه
❥━──➸➽❥💔❥━──➸➽❥💔
راسه عمت عيني أنذبح
واليوم مرفوع أبرمح
بلدم عمت عيني سبح
علنخله وأيصلبونه
❥━──➸➽❥💔❥━──➸➽❥💔
هزت الدنيه قصته
من يوم حرگوا جثته
چا وين عنه أعشيرته
هليوم ميحضرونه
❥━──➸➽❥💔❥━──➸➽❥💔
محد حضرله أو لحده
أو بلماي ذبوه العده
وما دروا أهله بالسده
أمن أمچانه أيطلعونه
❥━──➸➽❥💔❥━──➸➽❥💔
جسمه عمت عيني أنصلب
والراس عزلوه وأنضرب
مثل السبط جده أنسلب
بيد اللي ميهابونه
❥━──➸➽❥💔❥━──➸➽❥💔
يشبه أمصاب أبو علي
من ضل وحيد أو بلخلي
وزينب أخلافه تنولي
سحگوا تشوف أمتونه
❥━──➸➽❥💔❥━──➸➽❥💔

*لخادمة الأمام الحسين 《ع》*
*الشاعرة ✍️ نشوان الكناني*
*غير مبرء الذمة كل من يتلاعب بلقصيدة*

بصوت. مسلم المطيري

زيد الشهيد اعله الرمح
راسه العده ايرفعونه

كلمات الشاعرة
نشوان الكناني

اسمك بالذهب // يازيد انكتب
تشهدلك دمائك
ناصر كربلائك
/////////////////////////////
اعظم ثوره بعد حسين _ هزت دولت الضالم
ميزت الحجي مولاي _ دمك فهم الوادم
مصيبة يومك المعروف _ بجت كل بني هاشم
عله جذع النخله يامصلوب _ مشي نتعنه الك لازم

مصلوب بجذع// نواسيك بدمع
ماعفنه عزائك
ناصر كربلائك
/////////////////////////////
كسرت جم خشم مولاي _ المناره وكبت انوارك
يازيد الشهيد اليوم _ هنياله الاجه وزارك
ياباب الله شوف الحال _ علينه وجه انضارك
حوائج عدنه من جيناك _ وطبعك تنطي خطارك

صحنه بالصحن // اكظي الماكضن
مخطوك بسمائك
ناصر كربلائك
/////////////////////////////
كل ما جاله يتجدد _ ذكرك سيدي يعله
كراماتك عله شوف العين _ وعدوك باقي بالذله
الاجاك امحزم ابيرغ _ كض شباجك وفله
الناس اتسولف ابصيتك _ زيد ايطيب العله

يومك ماجزه // بي جم معجزه
يشهدلك وفائك
ناصر كربلائك
/////////////////////////////
الكصدلك تقره البوجهه _ ابابك نيته مقريه
جم واحد اجاك اليوم _ يريد ترزقه ذريه
ورافع ايده يتوسل _ وذمت دمعه مبريه
يزيد ابجاهك وطيبك _ هواك انشمه بالريه

عجبت العجب // يالتقدر التعب
غطينه ردائك
ناصر كربلائك
/////////////////////////////
عله عمتك يبو يحيى _ دمعتك كل وكت تهمل
غيور وحزت ابروحك _ حرمه بالسبي شتحمل
شيصعدهه عله الناكه _ من يوكع طفل تنزل
يزيد وطبت الديوان _ هاي السالفه التكتل

لثارات السبي // طبعك زينبي
عله زينب بكائك
ناصر كربلائك
/////////////////////////////
ابن معصوم واخو معصوم _ شكبرهه المنزله العندك
طلعت بسيفك اتجاهد _ لثار المنذبح جدك
بعد قصت عطاشه الطف _ تميزت بحزن وحدك
وهسه سيدي الوادم _ بحظرتك لاذت ابسدك

نعرف هيبتك // لذنه بحظرتك
بحبابك لقائك
ناصر كربلائك
/////////////////////////////

تمت _ علاء الزيدي

بصوت. مسلم المطيري

اسمك بالذهب. يازيد انكتب

كلمات الشاعر
علاء الزيدي

اليوم اعيوني ابجيها..عل حسين
والطم حيل اواسيها..عل حسين
&&&
اون اوياج يازينب ..عل حسين
ايدي عالصدر وانحب..عل حسين
خلي هالدمع ينصب..عل حسين
اصيح ابصوتي اناديها.. عل حسين
&&&
يحره اليوم مهمومه.. عل حسين
حزينه وحيل مالومه.. عل حسين
ثلث تيام بالحومه.. عل حسين
جثته ومن يغطيها.. عل حسين
&&&
هلي بالدمع عيني.. عل حسين
اواسي اليوم تدريني.. عل حسين
هذا اليوم ماذني.. عل حسين
حزن وهموم اسويها.. عل حسين
&&&
ضلت دمعتي بخدي.. عل حسين
تسيل وهذا ماعندي.. عل حسين
اذبن روحي وجهدي.. عل حسين
روحي شبيها مابيها.. عل حسين
&&&
اصيح بصوت يالحره.. عل حسين
تشكي وتلطم الفقره.. عل حسين
ندري بالكلب جمره.. عل حسين
بكلبي من يطفيها.. عل حسين
&&&
كلها تصيح مولاتي.. عل حسين
اسمعي صوت اهاتي.. عل حسين
بكلبي هنه جوياتي.. عل حسين
بكلبي ناري اعليها.. عل حسين
&&&
هذا اليوم بجانه.. عل حسين
الحره تلطم ويانه.. عل حسين
يوم الحزن عنوانه.. عل حسين
دمعي عيني يواسيها.. عل حسين
&&&
خادم اهل البيت
الحاج ابو علي السعيدي

بصوت. مسلم المطيري

اليوم عيوني ابچيها. عل حسين
والطم حيل اواسيها. عل حسين

كلمات الشاعر
الحاج ابو علي السعيدي

قصيده للقاسم ع

احظـر زفّتّك يا گــرة العين
ما چان اعله بالي بالميادين
بيك الگلب هايم
يوليدي يجـاسم
يمه ………… يمه
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
يوليدي اخاف اعليك حته امنالهوه لو مر
احسبلك چنت لحظات تستاهل تعب واسهر
والعدهه ولد معروف طيب من نسل حيدر
تضمه بنص گلبها اينام وتباري لمن يكبر

يا شبل الحسن عن امك اتروح
عرسك ويـن صار وتالي مذبوح
ردتك ترد سالم
يوليدي يجاسم
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
يوليدي الفرح وينه كلشي مابقى منه
منهو السامع ابعريس من دم منحره اتحنه
بميدان و نبل و رماح وسيوف اليزفنه
آنه امك يبعد الروح تدري بيه شتمنه

كلشـي محَضّـره لجلك و تاني
يالوجهك طلع چن حسن ثاني
ذبحتي الهضايم
يوليدي يجاسم
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
عمرك ما وصل عشرين بعدك باجمل اسنينك
يمي ودوم انادي اعليك وينك يالولد وينك
لحظه ما غبت عني وعيني تنظر العينك
اذكر چنت اگللك يمته يزفك احسينك

واطفالك على حضني ينامون
نسخه من جمالك هم يطلعون
كون العمر دايم
يوليدي يجاسم
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
مرعوبه افز بالليل اترك حجرتي واطلع
ادور من تناديني صوتك بالحلم اسمع
ميت شفتك بعيني لاچن گلبي ما يقنع
منتظرك تدگ الباب ويگلي الولد يرجع

وآنه الشفته راسك فوگ الِرماح
شگلّـه و يقتنـع مـا يـرجـع الراح
جـوه الگـاع نايم
يـوليـدي يجاسم
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
الرايح ابنه يتمنه ما يبقى ويموت اوياه
الله يعينه ويصبره الفاگد سلوته واضناه
يايمه البچي شيفيد لو دم الدمع صباه
يحّدّب من كثر لهموم وين ايدور ويلگاه

هيچ آنــه عليك الضهـر محني
بس انت الوحيد و رحت يبني
دهري اوياي ظالم
يـوليــدي يجـاسم
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ظلت ذكريات هـواي گدامي اشوفنهن
حته هدومك بكل يوم يوليدي اطلعهن
اشم عطر الحسن مولاي والزهره امنشمنهن
حلوه ريحة الطيبين والصدري اضمنهن

هيچ اگضي الوكت يا يمه كل يوم
اشتـــم ابعطـركـــم ظــل بالِهـدوم
يا عطر الهواشم
يوليـدي يجاسم
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ابو ياسر المياحي

بصوت. مسلم المطيري

احظر زفتك ياكرة العين

كلمات الشاعر
ابو ياسر المياحي

يا أيُهــا المذبــوحُ في العراءِ
ناحت عليك الأرضُ والسماءِ
*
يبنِ الزهراء المفجوعة     يبن القـــرآن المَوتور
بالعالم ما مـــر بيومك    ولا مِحنة بمحنة عاشور
سلبو منكم چم علوية      وچم حسين الكم منحور
لوما هيهاتك يوم الطف    بيت الله يصبح مهجور
قد قــامَ لما جُدتَ بِالدماءِ
*
صدرك داسنه شچم حافر   بجسمك مدري شكَد طعنات
حسين جروحك هاي التنزف    لو هــاي التنزف آيــات
روحك بالطف هاي الماتت    لـــو هذا الأســلام المـات
ينعـه الإنجيل على مصابك   والمُصحف يجري العبرات
للحشرِ يبقى سيدي عزائــي
*
أنطيت الدنيه شما تملك   أخوة ونسوان ورضعان
أرخص ما عندك دم نحرك  بس كون يعيش القرآن
ضحيت بركَبة عبدالله   وتدري بعمرة شكَد عطشان
ما تهتم لو كَطعو راسه   بس ما تحكم كون أوثـان
يا وآهِبَ الأخوانِ والأبناءِ
*
كل ظنهم يحسين نعوفك    لو حكمونه عليك اعدام
سجنو كلمن راح يزورك    مِنه شكَـد ذَبّـَـح صدام
ما عفنـــه بيوم المشاية   والحب يزود بكـل عـــام
لوما تضحيتك بالعاشــر     ميت من يمتــه الأسلام
ما قِيمَتي إن لَم أكُن فِدائــي
*  
متفضل للدوم علـــينه      انت الحررت الأنســـان
لو ميذبحونك يوم الطف    چا ذبحو كـــل الأديــان
يالوآفيت الأُمه بدمك      وللعالم صرت القربـــان
ما ظل شي ما ضحيته ألهم    تالي يكرهونك لِلآن
يبقى عِراقُ المجدِ كربلائي
*  
الله أنطانه أرواح من اجلك   نبخلهن معقولة عليك
علينه أختك زينب سلبوهه    يحسين ابيش نوافيك
ضحينه شكَد مثل القاسم      خجلانين شمــا ننطيك
يالكل أظلاعك مهشومة      كَللنــه ابيش نجـــازيك
هل كانَ هذا قُل لَهم؟ جزائـي
*  
مَلو من عدنه وما كَدرو     خــايب رد اليتحــــداك
يموت الما يتنفس حُبـك     ننسه الكون وما ننساك
فَنه اليوصل يم خيامك    لو حشد السيستاني وياك
أزيـد من عابس جنينه      چا لو بالواقـــع شفناك
إِنـــا فِداؤً لِبَني الزهراءِ
*  
حيدر حسين الكَرعاوي         

بصوت. مسلم المطيري

يا ايها المذبوح في العراء
ناحت عليك الارض والسماء

كلمات الشاعر
حيدر حسين الگرعاوي

تدرينه ابخدمتك تدرينه
والينه يالحسن نادينه..
*******************************
غصبا اعليهم نحبك والجنون احبابك
نرسم الطف ابقيعك والدمع لمصابك
سيدي احباب التودك وتعرف أصحابك
وشحلاته الي يشوفك لو يشم اترابك

احنه عالراي
___ يمولاي .......ثبتنه احچايه
درب الاصلاح
___ والارواح...........الك وفايه

تروينه ابرحمتك تروينه
والينه يالحسن نادينه
*******************************
يالحسن احنه اجتمعنه شيعتـك ونصارك
باچر انشوف الملايك تنحني يم دارك
لسمه انشاهد ضريحك سيدي ونوارك
والبقيع ايصير جنه تلتقي ابزوارك

اتحيي الضيوف
____ والطيوف......حلات اعيونك
احنه ابحماك
_____ بلياك............نموت ابدونك

تلگينه كل وكت تلگينه
والينه يالحسن نادينه
*******************************
انحول اهناك المواكب تعتني المشايه
للحجاز ايصير ممشه شيعتك وفايه
يالحسن انصار عندك للحرب عنايه
الغرقد انگلبه روافض هايه عدنه اكفايه

درب الاخطار
___ والأخبار.....تشوف احبابك
باچر انشوف
__والضيوف..........تشم اترابك

حبينه شوفتك حبينه
والينه يالحسن نادينه
*******************************
اتعزب اهناك المواكب والخدم موجوده
كربله ااتسيير تجيلك بالوفه مشهوده
سفره نلگه هناك عندك بالكرم ممدوده
وشحلاته الي يجيلك من يوفي اعهوده

ابهمك اتروح
__ والجروح.............تطيب ابابه
اسجد واشوف
__ واذا طوف.......حلات اعتابه

اتحيينه سيدي اتحيينه
والينه يالحسن نادينه
******************************
باچر انشاهد بقيعك......كربله اتمر بيها
صحنك انشوفه يالغالي بالذهب ماليها
رايتك عالكبه ...صارت للسمه انعليها
فاطمه اتسوي العزيه بحضرته نلكيها

كلها زوار
عله النار.............الك ملهوفه
گبته اشلون
يجي الكون.....البقيع انطوفه

تشفينه نظرتك تشفينه
والينه يالحسن نادينه
*******************************
نعتنيك وما يهمنه خل يشوف الظالم
ننهيی ال سعود حتما من يجيك القائم
يالثار الحسن نهتف والنصر ثق حاسم
براية العباس..... نوصل للبقيع انهاجم

خل يشوفون
____يسمعون........حجي الطامه
توصل هناك
___والوياك.............تجي خدامه

تحمينه بديرتك تحمينه
والينه يالحسن نادينه
*******************************
#تمت بعون الله تعالى
## خادمكم ___يوسف الفتلاوي

بصوت. مسلم المطيري

تدرينه بخدمتك تدرينه

كلمات الشاعر
يوسف الفتلاوي

بصوت. مسلم المطيري

#نعي
مولاتي رقية روحي فداها

ظني الطشت بيه ماي بارد
ثاريه راسك چان گاعد
شفت برگبتك ثلمة ارماح
كلساع تندار علة واحد
ـ_
تعبان راسك والضمة اهواي
وماضايگ من العاشر  افياي
بالگوة من شفتك عرفتك
متغير من الضيم والماي
ــ____
يابو التراچي امتوني زرگة
اتلاگينة بس مو خوش ملگة
ماعرف أعاتب واعتب عليك
لاتنشم ولا بيك شبگة
ـ_
كتلك بطيت وگتلي محتام
يومية ادورج بين الأيتام
خلف الضعن تمشين والشال
راسي برمح يركض لكدام
ـ_
علة اعيوني اشوفنج بعيدة
وكلساع اصيحن يالشهيدة
مبيوگ صوتي وسكتة الاصياح
بيمن يأشر الماهي ايدة
ـ_
انـدارلـج كـل مـا عـثـرتـي
والـگـة الرمح ماكل رگبتي
كل ساعة طايحلج ع الگاع
وتتبلل اخدودي بدمعتي

حسن الترابي

ـــــــــــــــــــــــــــــــــــــــــــــ

#اللهم_عجل_لوليك_الفرج

شهادة السيده رقيه
.واسئلكم الدعاء
.
.



من زمان .. ما گـتلك يابويه شلونك
            .. ومابستك مابين عيونك
فارگتك من يوم العاشر
اســئل ويگلولي مسافر
من زمان

*

ان چان ماتعرفني ياهــي ورايــد اتناشد عليه
انـه شــريـــان البـــگــلبك انــه يابــويه رقــيه
چان ثلث اسنين عمري ومن عفتني صار ميه
تغيرت مـــن يــوم حطو حــبل يابــويه بـأديه

بالطريق .. تمنيتك حاضر يالغالي
            .. حــاديهــم لــوع دلالي
ايگلي طشرنا بالحافر
اسئل ويگلولي مسافر
من زمان

*

بويه من جابـولي راسـك قــررت ابدي الزياره
دنگـت ردت انه ابوسه حتى گلبي يطفى ناره
شفت وجهك يابس اعليه دمه بالعـاشر تجاره
دورت لنــهـــا  جبهـــتــك شاجــيه بالحـجاره

ياحرام  .. متــغير منــظر سجداتك
           .. وبالدم مصبوغه وجناتك
مروتك بويه بيك شصاير
اســئل ويگــلولي مــسافر
من زمان

*

رايده اشكيـــلك يبويه عالضرب والسوط والجر
وعالشماته وعالاذيه وعالشمس والعـطش والحر
بالدرب ابتلي بلــوه وداعــتك لو جـــدمي يعــثر
اتگطع السوط اعله متني چي گلت ياجد يحيدر

من بچيت .. دمعــاتـچ گالــو مــمنوعه
              .. يابنت المهشومه اضلوعه
الوادم ليش اعليه اتشامر
اســئل ويگــلولي امسافر
من زمان

*

صارلي اچم يوم بويه ابفي حنانك ليشم ماحس
يالچنت من فيض عطــفك دنيــتي حــنيه تارس
بويه اخــر مره شفــتك چــان ثــغرك حيل يابس
مــن وراها مابــقــالي اوداعــتك بالــماي واهــس

من ضميت .. الدنيه خلافك صارت صحره
               .. ودلالي اصــبح عــگبك جمره
شگد هل لخلافك هالناظر
اسئــل ويگــلولي مـسافر
من زمان

*

انـه يومــيه اتانــي گاعــده ابــاب الخـرابه
مثــل المتيــه يبــويـه لاعــمــام اولا كــرابه
من عكب ذاك دلالك گـمت انام اعله الترابه
عمري يم راسك يـبويه ينتهي بلكت عذابه

شكد تنيت .. يم راسك تخلص ايامي
                .. وداعت دلالك يالضامي
مابيه من ابـقى الــباچر
اسئل ويگلولي امسافر
من زمان
*
حيدر تركي الكربلائي

بصوت. مسلم المطيري

من زمان
ماگتلك يابويه شلونك

كلمات الشاعر
حيدر تركي الكربلائي

بصوت. مسلم المطيري
نعي


خليتها بشـــام خـــويه بنيتك
تنام عله ديك الحنينه ذكرتك
جابولها الراس العـزيزه شمتك

رقـــــــــــيه مــــاتت عله راس
هــــــــزيتها مـــــــابيها انفاس
ابــــــهذأ الوضع تشمت الناس

حـــــــــيره حيرتني بل خرابه
اوهـــــــيه مـدده فوگ الترابه
وي هل زمان طلابتي طــلابه

جيتك بلظعن بـــس فاگده بنيه
عدي حساس خويه تگلي ارقيه
شـــــگلك غـسلته انــــــه بــديه

حيره حتار گلبي ابتك حسين
انــــه حرستها وهــمل الــعين
ادري تموت ماتحمل هلــونين

أعـــــــذرني يابوعلي اعــذرني
هاي طيح طفله تخاف وجرني
حيل مصابها خويه المحيرني
............................................................................حدي👇

بشـــام ونت بتك تـــــره بشــام ونت
اشكثر حنت هيه حنينه اشكثر حنت
اسمع تمنت هسه ويجي اسمع تمنت

يكتني الفراگ يــابو عــــلي يكتني الفراگ
يابويه اشتاگ يمــي حچت يابويه اشتاگ
بعيوني حراگ يچوي الدمع بعيوني حراگ
..................................................................
ابو ماجد الشغانبي

أتلث سنين أتطشرن نار بخيام
بابا دليني أعله حضنك أرد أنام
فارگيتك➖أحترگ حسره أعله حسره
فارگيتك➖يالعفت بعيوني جمره ⬅أرد أنام
❌➿❌➿❌➿❌➿❌➿❌➿❌➿❌
ياغصن ورگه ربيعي⬅من تروح أتگلي ضيعي➖وين اروح
تذبح أبگلبي الخناجر⬅وكسرالماعنده خاطر➖أشگد انوح
ضيعت حلمي وبجيت أبلادمع
                                أختنگ لمن يألمني الضلع
طفله ترفه وذايبه مثل الشمع
                       ورده لو طگوني بالسوط أنگطع
شايله أبروحي ألم جرح الغريب
                   الميت أبصحره عله أفراگ الحبيب
روحي دمعه➖أتبدت أعله جروح خضره
فارگيتك➖يالعفت بعيوني جمره ⬅أرد أنام
❌➿❌➿❌➿❌➿❌➿❌➿❌➿❌
أجبيره حيل الغاضريه ⬅ضيعت بنتك رقيه➖حالي حال
أخيالي من الخوف أسبگه⬅الشوك يجرح وآنه أسحگه➖ودمي سال
حافيه وسن الصخر يجرح جدم
                           الشوكه للبعده طفل مثل السهم
أمشي ونگث بالدرب جمر الخيم
                       أعله الترب من أعثرت خدي أنلجم
مالحه الگاع وعله أجروحي أنتجيت
                          خدي ضل يلجمني يابابا وبجيت
بيه لوعه➖وحالي حال أيبجي صخره
فارگيتك➖يالعفت بعيوني جمره ⬅أرد أنام
❌➿❌➿❌➿❌➿❌➿❌➿❌➿❌
أستمع صوت الحوافر⬅تشرگ أبدم المناحر➖والضلوع
أركض ويسطرني جندي⬅أبجفه يشلع جلد خدي➖وبقه ألوع
أرجع وصوتك يناديني وأرد
                           الگه واحد بيده سوطه ومستعد
من يطكني أتطيح وصله أمن الزند
                                 يعصر الچويات ويشلع الجلد
أشكبره جف إيدي الشمر شب خدي نار
                   من سطرني أعله الوجه فص عيني طار
ياحريمه➖تطبع أعله خدودي سطره
فارگيتك➖يالعفت بعيوني جمره ⬅أرد أنام
❌➿❌➿❌➿❌➿❌➿❌➿❌➿❌
صحت بابا وينك أنته⬅گلي بيديه ذبحته➖أمن الوريد
گتله دليني أبحناني⬅جابني جر أمن إذاني➖أعله الصعيد
گتله أرحم حالي ذاني مشرمه
                               لا تجرها بقوه وهيه أمورمه
طفله آنه أشذنبي گلبي أتحطمه
                                   گلي بغضا ياشبيهه فاطمه
مسح بيه الگاع والدم صب وراي
                              الشوك والعاگول لميته أبكفاي
والله وسفه➖ردت أبوي أبحالي أخبره
فارگيتك➖يالعفت بعيوني جمره ⬅أرد أنام
❌➿❌➿❌➿❌➿❌➿❌➿❌➿❌
أشما أحن طكني ونهرني⬅وجابني ويمك شمرني➖أعله التراب
الگيت منك بس ملابس⬅أعليهه دم أهواي يابس➖بس خضاب
أهدومك الحلوات ما جانن حمر
                           لا ضهر لا راس لا عندك صدر
أمخلص أمن السحگ لو من الطبر
                    شلون حالك من صعد صدرك شمر
ياحنان البيك من أشبگ عليك
                     بيش تحضني إذا مگطوعه أديك
ياحياتي➖راح أموت أشبگني مره
فارگيتك➖يالعفت بعيوني جمره ⬅أرد أنام
❌➿❌➿❌➿❌➿❌➿❌➿❌➿❌
وين أبوسك وين أشمك⬅لاصدر عندك وضمك➖لاأدين
شمر واگف هذا يمي⬅سبگ ورد شتم أمي➖ياحسين
هو سبني وهوه طكني أبلارحم
                      وهو جرني المصرعك من الخيم
وهو شب نار الخيم فوگ الحرم
                        بابا من سوط الشمر محد سلم
بالرمح يدفعني ويبز ضهري حيل
               أبسوطه خل الدم عله أجتافي يسيل
أمن المخيم➖أتجيبني وتردني عثره
فارگيتك➖يالعفت بعيوني جمره ⬅أرد أنام
❌➿❌➿❌➿❌➿❌➿❌➿❌➿❌
حسين باهض الحلفي

بصوت. مسلم المطيري

تلث اسنين اتطشرن نار بخيام

كلمات الشاعر
حسن باهض الحلفي

 شهادة رقيه ع
.
.
.

باچــر يارقيــه احنـــه ماشـين
ونامي بـكربله شگد ماتگـدرين
لتنــاميــن بالشــام
اخافن من الاحلام
ايموت اليحلم اهنانه بالحسين

***

تعبانه .. من حقچ طريق الشام مو هين
تعبانه .. وبـــوچهـچ يعمـه كــلش مـبين
 
مكانج عمه حظن حسين الكله عاطفه ورحمه
حظن بي لمن تحلــمين تگـعدين انتي متبسمه
باچر عمــه راح نــروح وغفي بحظن أبو اليمه
 
راسج عـلى ايـده من تخــلين
أصابع چفه الأيـمن لاتحسبين
عـــن  لتـزيد الألم
اخافن من الاحلام
يموت اليحلم اهنانه بالحسين
 
***

نعسانه .. يالطـول الدرب ماغمــضت عـينچ
نعسانه .. على الناگه بحبل مربوطه جفينچ
 
الحادي شما طبگتي العين يـجر الحبل ويوعيچ
اديج احبالهن خشـنات وانتــي مجرحات ايديچ
سهـــرانه الــدرب كلــه نـعم متــقصــد ايخــليچ
 
حتى بالخــرابه انتي تغفين
النتيجه رايدج عمه تحلمين
جفنــچ عمه لو نام
اخافن من الاحلام
يموت اليحلم اهنانه بالحسين

 
***

مكسوره .. انروح الكـربله وهناك اشكيله
مكسوره .. وشســوه الشمر ياعمه گوليله
 
شگد ماعندچ حچايات وياچ الكربله اخذيهن
يالمن البـچي منــعوچ ادموعچ يــمـه بديــهن
بـس وحده رقيـه ارجــوچ متـونچ لاتـراويهن
 
اذا لحسين عمه شاف المتون
البالطف مـن بواچــيه يفزون
ويفز ارماد الخيام
اخافن من الاحلام
يموت اليحلم اهنانه بالحسين
 
***

أتمنى .. ترتاحين لكـن ما اكــو راحه
أتمنى .. تحلمين ابــابو مايمه ذباحه
 
يعمـــه الــحلم هاليومين حــاله حــال أي ذباح
وبيـــچ حسيــن وصــانــي لمــن يارقــــيه راح
وبس لا عودج الأخــضر بسيف الذبح هم يلاح
 
مو گلتيلي مشتاكه اله هواي
واخذله يعـــمه مــن ارد ماي
ترى منتضرچ أيام
اخافن من الاحلام
يموت اليحلم اهنانه بالحسين
 
***

يرقيه.. الخرابه تراب وانتي شيوخهم اهلج
يرقيه.. السبي بـكبره وعظـمتــه عمه ماذلج
 
قـــدر المســـتطاع انتـــي لتغـمــضينه عــيونچ
عــدهم عـــيد اذا تحلــــمين غايـــتهم يــأذونچ
الطشـــت خافن يجيـــبونه ياعـمه ويمـــوتونچ
 
لو فزيتـي مرعوبه وتنوحين
وراس الغالي ياعمه تشوفين
ذولــه ناس ظلام
اخافن من الاحلام
يموت اليحلم اهنانه بالحسين
***
حيدر تركي الكربلائي