#اروع_اروع_ما_انظمته_للطفل_الرضیع_ع_   👇👇👇


خطاب السیده رباب ع مع راس الطفل الرضیع ع ...و هو علی رمح طویل ؛


حــتی لو فـوگ الـــرمح یولـیدی نـام
راســک ازغــــر راس مـابـین الـعــمام

( راسک ابعالی الرمح)(یضوی چن شمس الصبح)
       
                  ۞۞۞ ۞۞۞

مِستعد حَدی الضعینه و نمشی بدروب السبی
و بیــنه عـِطّاب المخــیم فـاح من کل العِــبی
اعـیون ذباحین اهلنه اعلینه صـارت تصـطبی
الراسک المـذبوح أصـدن فـوگ رمـح الناصبِی

یل جـبت لی ابمـنـحرک شـایل وسـام 
راســک ازغـــر راس مابــین العـــمـام

(اشــهگ ابعـبره و ألم )(جـَرَحّک هاذ الســهم)

             ۞۞۞ ۞۞۞  

یما رمح الـشال راسک سِـلَب مـنعـندک حضن
والشمـس تحرگ ابوجـهک واعله حالک ماتحن
انکسر واهس صفنة امک من طبگ عندک جفن
السوط یضربنی اعله متنی وصرت ماحس بلمتن

اخلاف عـینک صحت عَلـدنیه السلام
راســک ازغـــر راس مابــین العـــمـام

(شنهو ذنبک یلطفل )(منذبح یمه ابنبل )

             ۞۞۞ ۞۞۞

ریتک اتـعـاود الحـضـنی و یما اذاک الـرمـح
رگبـتک کلـش زغـیره و ادری ماتحـمل جرح
الرمـح یجـرح رگبــتک بیـک ایعـاود للـذبـح
منـظرک یفـجع ییمه و ظـَلَّم ابعْینی الصـبح

حـین ذبحوک انکـشـف عندی الظـلام
راســک ازغـــر راس مابــین العـــمـام

(اَصرخ ابحرگه واصیح)(یما عبدالله الذبیح)

             ۞۞۞ ۞۞۞

یمـا نـظـراتک تِـهَّـدم و ادری امـضــَیع اخـت
ابعـینک إتـدَور رقـیه و تـغـفه یم اختک ردت
و الرمح شـفـرته اتجـرحک یبـنی لمـن تلتفت
و الی رفعوک ابقساوه اتهوس ابذبحک شفت

لیـش یطـلب منحــرک شـَفـر السـهـام
راســک ازغـــر راس مابــین العـــمـام

( الک ناحت کـربله)(حین صابک حرملـه)

             ۞۞۞ ۞۞۞

یما کل اخیامی جَمره ونشـقه لبصدری سهم
و الـمـهد محروگ خالی اتفـرهد ابنار الخـیم
رِت أَهـزه ابحیل گاضی و أرد أهـود چم ألـم
وگلت ایسلینی المُصابک لچن مَهدک ما سِلَم

اعـلیک گلــبی یحــترگ مـثل الخـیام
راســک ازغـــر راس مابــین العـــمـام

(عینی تفداک ابدمع)(نار الک وسط الضلع)
                         
            ۞ ۞۞۞ ۞۞۞

غَصـّوَت الـرُمح ابرگبـتک تکسر ابصدری الضلع
وصدری مفتوح ابحنانی و یحفر ابخدی الدمع
ردت لا یسـمـعـنی شامت و المـنـاشق ینـسـمع
و أنه کل عـَثـره إبعـَباتی للعدو اتسـولف وضع

بِـچــفـوف أَتّشــاگَـف اســیاط اللـئـام
راســک ازغـــر راس مابــین العـــمـام

(الـرُفَع راسک مایِهـم)(ابذَبِح نحرک مبـتسم)
   
                  ۞ ۞۞۞ ۞۞۞

تمـــت بعـــون الله تعـــالی ....
کلمات خادم الامام الحسین ع ؛؛
ســــید محــــمد المـــوســوی
   

بصوت. مسلم المطيري

حتى لو فوگ الرمح يوليدي نام

كلمات الشاعر
سيد محمد الموسوي

بصوت. مسلم المطيري

#ابوذية

اخوتي احيود شيالت عوالي
ومايرضون لو سمعو عوالي
بيهم روسنه جانت عوالي
هبطن من هوو فوك الوطيه

منقول

#اللهم_عجل_لوليك_الفرج

عنوان القصیده ( أهــل المــنــابر )

قصیده مهدات الی کل خدام الحسین ع
و بلاخص الی روادید الساحه الحسینیه ؛؛


صـــوت و اتفــز المـــشــــاعــر
            لو قِـــرَت اهـــــل المــــنــابـــر
یصـــــرخ الـنــاعـــــی الـــرثـاء
             یـا  ذبیـــــح ابکـــــربــلاء

       (( لو قــرت اهل المـــنابر ))

                        ۞۞۞ ۞۞۞

یدوی صوت الحزن لو ناعی قـرا
و تنـزل ادموع المصـیبه اموجـرا
ینـعی ابوالسجاد من ضـل علـثرا
یقـره و اشـلون الشـمر حـَز منحرا

اتصیح لحسـین الحــــنـاجــر
          لو قِـــرَت اهـــــل المــــنــابـــر
هَلـــصـــده ابکـل کـبـــــریـاء    
           یـــا ذبــیـــــح  ابکـــــربــلاء

       (( لو قــرت اهل المـــنـابر ))
    
                       ۞۞۞ ۞۞۞

لو یصیح الـنـاعی و الـعـالم سـمع
کل محـب لحـسـین دلاله أبـوِجَـع
ناحت الزهره و گلب عِدهه انفجع
حـین ابـوالسـجـاد عَلـرمضـه وگع

و احـنه رفـعـیـنـه الـــشــــعـائــر
                لو قِـــرَت اهـــــل المــــنــابـــر
  تـعـــلـه صـــرخــــات الـــــولاء 
             یـــا ذبــیـــــح ابکـــــربــلاء

       (( لو قــرت اهل المـــنابر ))
 
                       ۞۞۞ ۞۞۞

صـــوت رادود الـقـرا ابـعــزة نـفــس
صوته سیف و هَدّم اعروش الرجس
حسین نور الله و ظـهـر مثل الشمس
فـِـده ابروحــه و عـَلَّـم الـعـالم درس

فـَــــزَز ابطــفـــه الضــمــایــر
                 لو قِـــرَت اهـــــل المــــنــابـــر
نـاحــت الأجـــلـه الـســمـــاء 
                 یـــا ذبــیـــــح ابکـــــربــلاء

       (( لو قــرت اهل المـــنابر ))

                      ۞۞۞ ۞۞۞

الصــاح بلحِـنـیه و ایخـط الچِــِلَم
علی حسین اینــوح وایحـــن ابألم
عَـلصـَدر یِلــطُم تـرا و شـایل عَـلَم
ابعینه یِتخَیّل سبی و حرگ الخیم

هــای صــفــنـه ابقــلــم شـــاعر
            لو قِـــرَت اهـــــل المــــنــابـــر
تـحــچی چــلـمـــات الــعــــــزاء
               یـــا ذبــیـــــح ابکـــــربــلاء
     
(( لو قــرت اهل المـــنابر ))

                         ۞۞۞ ۞۞۞

یبـقی ذچـر احسین عـنوان الفـخر
و اسـمـه بالــتـاریخ بالقـمـه انـذکـر
و الـفـِدِه الچـفــین یم راگ الـنـهــر
چان لحـسـین الـوفی احزام الظَـهَر

تســمـــع و تـظـهر مــفــاخــر
         لو قِـــرَت اهـــــل المــــنــابـــر
صـــاح تــمــــثــــال الـوفـــاء
           یـــا ذبــیـــــح ابکـــــربــلاء

       (( لو قــرت اهل المـــنابر ))

                           ۞۞۞ ۞۞۞
تمـــت بعـــون الله تعـــالی ....
و بفــــضـــل السیده شـــریفــه
بنــــت الأمـــــام الحــــســـن ع ؛؛
سـید محـمد المـوســوی

بصوت. مسلم المطيري

صوت. واتفز المشاعر

كلمات الشاعر
سيد محمد الموسوي

ذكرى مع الأحبة السيد محمد تحسين والأخ علي فراد
يوم الجمعه المصادف 19/1/2024

مسلم المطيري

رسالة السيده زينب ع  للاخوات المؤمنات
****
اليوم ردت اشرح بعض من فضل زينب
والحچي عن بت علي يصعب اهوايه

ياهو يگدر يدًّعي الزينب وصفها
فقط عند اهل العبا ابزينب درايه

لچن واقع حال انقله ابهالقصيده
والذي يقراه اظن يدرك. الغايه

بالاخص اعني ابكلامي كل خواتي
ايكون عدهن فد تمعًّن بالقرايه

ياخواتي ياللي تبچن عالعقيله
مني سمعن شرد اگولن بالنهايه

زينب اشمَر بيهه برض الغاضريه
والتواريخ اشرحت عُظم القضايه

الدينهه قدًّمت زينب كل ماتملك
فدت برض الطف ضحايه وياضحايه؟

حسين نبعة فاطمه ومهجة الهادي
والگمر آيا الگمر صاحب الرايه

وكل شباب الشافته امعفره اخدوده
الوسدتهم عالترب وسفه المنايه

وسارت ويرجاس مچتوفه واسيره
ابگلب دامي من الحزن ترعى السبايه

والموافق يروي عنها والمخالف
بس اراهن لون توجد فد روايه

اتگول زينب فرد لحظه ولو سهواً
طاح منهه احجابهه القسو الرزايه

يعني حضرت زينب اتضحي باهلها
لچن ماحضرت تضحًّي بالعبايه
لچن ماحضرت تضحي بالعبايه
****
(سيدناصرالموسوي)

بصوت. مسلم المطيري

اليوم ارد اشرح عن بعض فضل زينب

كلمات الشاعر
سيد ناصر الموسوي

المهدي ماغايب اكيد    اعمالنه اتخلي بعيد
كثرت اذنوب العبيد      يابو صالح
---------------------------------
انه اسف : الدنيه غرتني وبعد وجهك عليه
مايخالف : انه مذنب هاك اكطعهن اديه
ييو صالح تره فركاك شيبني
اريد المعذره وانه ادري متردني
مثل الحر اجي شتحسبني احسبني

اعتذر منك وتوب    انته غفار الذنوب
ادعي ابوقت الغروب    يابو صالح
-----------------------------------
هواي اجرحك : حسين انته والذنوب البيه حافر
اشكد اذبحك :  انته حميه وانه ذنبي ضهر عاشر
ترس جسمي الذنب من الجدم للراس
مثل ذنب النهر وي شفت العباس
يالتسامح محب لو باخر الأنفاس

انته مفتاج الجنان    يمك اشعر بالأمان
نضرتك نضرت حنان    يابو صالح
--------------------------------------
والله زحمه : يابو صالح منك وخجلانه عيني
والله نعمه : اعفيت عن اخطأي وذيجه سنيني
ارد وغلط ورد يالحاير انته وياي
بعد كافي بعد أذيتك  انه  اهواي
صدك كافي الكلب نادم يحبك جاي

دنيتي غرتني حيل    بالنهار اعيوني اليل
بعد ماكو مستحيل      يابو صالح
------------------------------------
شطوله صبرك : رغم كل اذنوبي بس تعطف عليه
شكبره عمرك :  عايش انته ودمعتك والهم سويه
شني الهسه بعد مالاكي اليك اصحاب
اذى اتصلي تره يطبروك بالمحراب
وحق جرحك جرح جدك بعد ماطاب

الهسه مالاكي نصير    يا ابو كلب الجبير
وين ماوجهك تدير        يابو صالح
-------------------------------------
ياحبيبي : بعد ماعيدنهن افعالي التجرحك
ياطبيبي : الدنيه ليل وصعبه لوفارگنه صبحك
احلفك بالمشت بالغربه مسبيه
تفوت هاي الي غيرك منو اليه
وحق روحك عليك الروح مجويه

حيره شحجي بالختام   شطول صبرك يلأمام
علنت الروح الغرام       يابو صالح

ابوفايز الرافضي

بصوت. مسلم المطيري

المهدي ماغايب اكيد
اعمالنه تخلي بعيد

كلمات الشاعر
ابو فايز الرافضي

نواعي على الزهراء ع
ءءءءءءءءءءءءءءءءءءء

سجلوني عدكم خادم الكم فاطمه

ابجي عليكم والمدامع ساجمه
    ءءءءءءءءءءءءءءء

خادمكم اني فاطمه طول العمر

ابجي لمصايبكم وما عندي صبر

عاشكم اني سادتي لحد القبر

اذكر الباب وعصرتج تجري دمه
سجلوني عدكم خادم الكم فاطمه
     ءءءءءءءءءءءءءء

من اذكر العصره وذاك البسمار

من اذكر عليج الهجوم وعلى الدار

نكضو وصية والدج هل الانصار

اخذو علي الكرار جرو صارمه

سجلوني عدكم خادم الكم فاطمه
     ءءءءءءءءءءءءءءء

اذكر  البسمار والباب. سوه

اذكر المحسن صكط لمن هوه

لاطبيب يفيد ولاينفع دوه

الكوم هجمت على الزهره محزمه
سجلوني عدكم خادم الكم فاطمه
      ءءءءءءءءءءءءء

اذكر المحسن من صكط يم الباب

ضربو ها الزهره الدمع منها سجاب

تكلها  يافضه حيدر وين غاب

عيني بعينه دوم اني معلمه
سجلوني عدكم خادم الكم فاطمه
    ءءءءءءءءءءءءءء

ماتت الزهراء من ضرب العده

ماتت تون من ظلعها مدده

الظلع حيدر بالمغيسل شاهده

كام يسجب دمع عينه من دمه
سجلوني عدكم خادم الكم فاطمه
     ءءءءءءءءءءءءءء

خادم الكم يم حسن طول السنين

أشعر عليكم سادتي واهمل العين

انتو اعز من والدي وامي الثنين

اني اواليكم  بجد  وعازمه
سجلوني عدكم خادم الكم فاطمه
     ءءءءءءءءءءءءء

لجلج انتي فاطمه وابنج حسين

ننصب العزيات ونزيد الونين

ظلع الحسين انكسر ظلعج اثنين

خيول عشره حسين ظلعه تهشمه
سجلوني عدكم خادم الكم فاطمه
     ءءءءءءءءءءءءءء

كسرو اظلوعج وخلوهن هشيم

والتعده عليج ملعون وزنيم

بالحشر مثواه نيران. وجحيم

عسن ايد الضربتج سرعه مكرمه
سجلوني عدكم خادم الكم فاطمه
     ءءءءءءءءءءءءء

الشاعر ناهد. جليل النجفي

بصوت مسلم المطيري

سجلوني عدكم خادم الكم فاطمه

الشاعر
ناهد جليل النجفي

بصوت. مسلم المطيري

ابوذية


وحگ الصاح لحگي عَلَي يماي

عَلَي بالطف اشوف ابكدر يماي

بحين الشفت چف مگطوع يم ماي

عرفت الخيم راح اتوج عليه
...
الشاعر محمد حسن ضيغم

انه ابن سيد الوجود صلت بأيدي القيود
والسجون المظلمات علمتهن عاالصلات
*
انه صح افراك اهلي عذباني
لجن مااجزع ولاعاتب زماني
بذكر الله دوم يتردد لساني
ومن تمربيه اطهرها الثواني
مايهمني اشمايصير الله كاتبلي المصير
كل مفاهيم الحيات علمتهن عاالصلات
*
حيرت سجاني باالذل حسسيته
وراسي بس لله بصلاتي دنكيته
انسه اهلي بس دعائي مانسيته
والسجن مركز عباده حوليته
ياقيود وياسجون كلشي لجل الحك يهون
هاذي اوصاف الابات علمتهن عاالصلات
*
بهذا حالي وانه ماناسي المجالس
والسلاسل عاالطم سوتلي واهس
عاالحسين ابجي وعلى اصحابه النفائس
الضلمه من عندي ارتدت سود الملابس
الطم بليل ونهار سجني احسينيه صار
كل جروحي لاطمات علمتهن عاالصلات
*
اجنازتي محد حظرها من الحبايب
بس حسافه بنعش مو فوك الترايب!!!
ردت اواسي الكعدوهن باالخرايب
وكلت اساعد عمتي زينب عاالمصايب
كون نعشي عله التراب ردت اقاسمها المصاب
والدموع الجاريات علمتهن عاالصلات
*
انه باالتابوت ودموعي جريه
من اسمع الوادم تجي وتسأل عليه
هذا المن هل النعش يهل الحميه
خاف يمكن ماله اهل فوك الوطيه
هل النعش هذا الوحيد اهله جن اعليه بعيد
انه حته النايبات علمتهن عاالصلات
*
سعد العبودي

بصوت. مسلم المطيري

انه ابن سيد الوجود
صلت بأيدي القيود

كلمات الشاعر
سعد العبودي

( ابوذيات + نعي ..... في رثاء الإمام موسى بن جعفر عليه السلام )

جنازه عله الجسر ضلت.       يهلها
نشيّعـها بحـزن گومـوا          يهلها
اليحب الكاظم الدمعه.         يهلها
يذكره ويذكر الزهره الزچيه


آه عليــك يالمسـمــوم         منّاه
حديد الگيد دمك سال.       منّاه
منّا انحـــب وانعـــاك          منّاه
عله جدك ابچي ذاك الضل رميه


مو بس دمعي دم عيني.      لهاليك
السمّك بالحشــر خاسر.        لهاليك
شكثر حنيــت يالكاظـم.       لهاليك
ولا شفت الأهل حد المنيه


جرح گلب الرضا المسموم      بعداه
عله الكاظـم نجيــم الآه.        بعداه
الدنيـــه تغيــرت والكون        بعداه
بسجن هارون مات ابن الزچيه



نعـــي

موسى بن جعفر مات مسموم
گضّه العمر مسجون مظلــوم
واجب نهـل دمــوع ودمــوم
نواسي الزچيه بنوح هاليوم


مات بسجن هارون حملوه
نعشه بجســر بغــداد خلوه
والسندي يصرخ لا تشيعوه
رافضي بلا تشييع عوفــوه


الشيعه بحزن تبچي وتسمعه
تنـاخت علـه الكاظــم تشيّعه
شالت وليـها وتجــري دمـعه
عله الروس للمــدفـن تودعه


الكاظم غريب ومات وحده
لكـن تـواره ونــزل لحــده
بس الغريب حسيـن جـده
مطـروح محد حضر عنده


حسين الشهيد ابن الزچيــه
عالغبره ضل عــاري ورميـه
سحگت عليه خيل آل اميه
وبلا دفــن ضـل عالوطيـــه

خادم الإمام الكاظم عليه السلام
سيد زيد الفحام
________________________

ابوذيات بصوت. مسلم المطيري

الشاعر سيد زيد الفحام

موشح في رثاء الإمام موسى بن جعفر عليه السلام


وين عن هاي الجنازه رجالها ؟
عالجسر مطروحه محّد شالها
*

هالجنازه منين ولمن تنتمي
شو سمعنه الناس گالوا هاشمي
هاشم الناس ابّختهم تحتمي
ليش چا هاي الجنازه احوالها
*

ليش مچتوفه بسلاسل وبحديد
عالجسر صاحبها ظل مرمي وحيد
گالوا أهله بدارهم ظلوا بعيد
ما اجو ما طالبوا چتّالها
*

من سجن هارون طلعت للجسر
هالجنازه عليها آثار الغدر
بالحديد مگيّديها بكل شبر
عالجسر ما واحد اتدنّالها
*

عرفت الناس الخبر موسى الغريب
وعتلت منها البواچي والنحيب
گالهم مسموم ياناس الطبيب
سمعت الشيعه الثگيله افعالها
*

سمعت الشيعه واجت صوب الإمام
تصيح واويلاه يانسل الكرام
أخذت جنازته من ايد اللّآم
عقدت بموسى الولي آمالها
*

شيّعوا واليهم بموكب رهيب
منلجسر للمرقد بنوح ونحيب
مو مثل جده البقه بالطف سليب
وخته ظلّت من عكب كفّالها
***

حسين محّد شيّعه ظل عالثره
ضلوعه بخيول آل اميّه مكسّره
ظل على التربان ينزف منحره
وخته راحت للسبي بعيالها

سيد زيد الفحام
__________________________

بصوت. مسلم المطيري

وين عن هاي الجنازة رجالها

كلمات الشاعر
سيد زيد الفحام

بصوت. مسلم المطيري

ابوذيات للعليله
..........

وحـيـده ومن حـدوا بالنـوگ  علّيت
ونيني بكل مسه على حسين  علّيت
گـضــه عـمـري على الياريت   علّيت
وين الله وهلي يردون إليه
............................
انا الراحن خواتي ردود  مايَنْ
الـنـوگ بـيـوم بالغالـيـن  مايَن
الـحـزن للدار گام يفوت  مايِنْ
عليه يعود كل صبح ومسيه
............................
#سيد علي المدني