السيده رقيه ع تخاطب احد بنات الشام)

يبنيه ماعدكم ماي// والله انه عطشانه هواي
خليني اعرفج بيه// الگدامج انه ارقيه
≈≈≈≈≈≈≈≈≈≈≈
يلواگفه اباب الاهل تتفرجين اعليه
منج اريدآ بس طلب جيبيلي بس اميه
ريجي يبس مثل الخشب جرت نفس مابيه
يبنيه من كثر العطش ترجف تره رجليه
يبنيه انتي ابحلي// بس المهم مو مثلي
يسموني المسبيه// الگدامج انه رقيه
≈≈≈≈≈≈≈≈≈≈≈
والله انه من كثر التعب بعيوني اشوفج گوه
واظح على وجهي الظما شوفي بشفافي شسوه
بس كون ابلل شفتي مو لازم اله اتروه
شوفيني كاتلني التعب ماعندج انتي امروه
قطرة عذب مو اكثر// يچويني نفسي الينجر
من النفس مجويه // الكدامج انه ارقيه
≈≈≈≈≈≈≈≈≈≈≈
بلگوه اجرنه النفس من ريتي احس تطلع نار
يبنيه گلبج مايحن حسبيني عندج خطار
بهيكل غفينه بهل كتر يسمونها عود الدار
يعني احنه جيران من امس والجار حگه على الجار
نمنه بخرابه بلا باب// صارت وسادتنه تراب
شفنه شكثر اذيه// الگدامج انه رقيه
≈≈≈≈≈≈≈≈≈≈≈
ماننطي ماي الكم تره هيج الاهل وصونه
مو بيدي يرقيه تره ماننطي شي منعونه
باجر يجي راس برمح الخارجي يسمونه
بدو الماي على الارظ خلي تشوف عيونه
تبدونه گدام حسين// وخلو يشوفه بالعين
من الاهل وصيه // الگدامج انه ارقيه
≈≈≈≈≈≈≈≈≈≈≈
مابيدي شي حكم الاهل خلاني اسد بيباني
حكم القوي عليه تره بهذا الوظع خلاني
امنيتي اجيبنلج عذب بس الابو وصاني
صادر امر من القصر خلو السبيه تعاني
يقهرني حيل ونينج // بس انتي شوفت عينج
عيون الحرس عليه//الگدامج انه ارقيه
≈≈≈≈≈≈≈≈≈≈≈
هذا التطلبينه صعب اعفيني لا مااگدر
مجبوره اردنلج طلب من عندج انه اتعذر
التنطي شي گالو تره توگف مثلهم با الحر
بچفوفها ينشد حبل تنظرب حيل وتنجر
مثلج يظربونه هيج// مااگد الله يخليج
ينشد حبل بيديه// الگدامج انه رقيه
≈≈≈≈≈≈≈≈≈≈≈


ت

بصوت. مسلم المطيري

يبنيه ماعدكم ماي
والله انه عطشانه هواي

اريد ابچي اعله زينب لا تلوموني
وخلي من البواچي يطيحن عيوني
**
هاي الي گضت دنيتها هم بهم
بشل أحوالها حيل الزمان اهتم
نار الدار تشبه نار المخيم
وگالت شاهدت چم نار تدروني
**
اريد ابچي عليها واعله حالتها
وعلى ايام الخرابه شلون گضتها
ما يمها اخو وگربت منيتها
المن تلتفت ياناس خبروني
**
كفت وانتهت راح العمر وشل
وآيات الحزن هليله تترتل
كون اليوم اشگن زيجي فوگ التل
وكون بسوط اضرب وجهي ومتوني
**
زينب ياغريبه بيها من اسمع
وحگ عباس ماسيطر على المدمع
دوم من البواچي اعليها مااشبع
مجنون العقيله اتباهه بجنوني
**
اه يلشام يكسر گلبي طاريها
لأن مدفونه غاد ام الخدر بيها
چا دمعات عيني المن مخليها
كون ويه الدموع يطيحن اجفوني
**
يوم اخمسطعش من رجب بيه ماتت
غير الضيم زينب كلشي ماشافت
ماادري أخير انفاسها اشگالت
اضن نادت يخوتي ما تحضروني

سعد العبودي

بصوت. مسلم المطيري

اريد ابچي اعلى زينب لا تلوموني

وخلي من البواچي ايطيحن عيوني

كلمات الشاعر
سعد العبودي

(( السلام عليكِ يافاطمة الزهراء))
       .................................................
غايب ضوه البيت ... بعيوني ظلمه
هم مثلي مـكــسور ... الفــاكـد أمـه
بس الفكد يعرفني .... حزن  الهجر عذبني
                 غايب ضوه البيت
......................................................
بيه يحـس بس الفـكـد والمـافكـد مـايـدري
كسرة ضهر فكد الضوه متوجره نار بصدري
أمي وعز من الـهـوه وافديها اني بـعـمـري
سهرت ليالي من العمر بحر المواقف يجري
وكـت الـبــرد نـار ... اجفوف اديـهــا
ولـوشافـت ادموع ...  تبجي لبجيـها
عن الوطن يبعدني ....حزن  الهجر عذبني
             غايب ضوه البيت
..............................................
شما وصف زغير الوصف بهواي اكبر أمـي
ما توصف الگطره البحر خطيت هاي بدمي
بالراحه أشعر من تجي وافتخر  تكعد يمي
كسروا ظلعها بلا رحم مات الحنان وحلمي
دم تجري العيون ... كسروا ظلعها
والشاهـد الـبــاب ... كـــافر دفعـها
ليامي من يردني ....حزن  الهجر عذبني
             غايب ضوه البيت
..............................................
للبيت مرات من اطب يايمـه اصيــحن  اني
وينج يـــيمه فاطمه يالعايش بــوجــدانـــي
اوما اسمع بجلمة هلا وصفن وضل امتانــي
وتذكر انـــي ميتـه وتبــجي تضل خـوانــي
مـتعـوده كل يوم ... روحي عله صوتج
تـنزف دمـه الروح ... اذاهــــا مــوتـــج
ياموت اصيحن خذني ... حزن الهجرعذبني
             غايب ضوه البيت
..............................................
ياباب گـلبي يحـتـرك كلـما اشــوفـك يا بـاب
لوغيرك ايعيش بفخر لوسوته الزهره احجاب
جا ما كسر ظلع الضوه ولا دفعته اجفوف اجناب
بس انت وياهم صرت جرحك بصدري اوماطاب
مــا تبقه يابــاب ... مـا ريد اشوفك
لو حامـي الـظـلوع ... يوميه اطـوفك
من الدفو حرمني  ... حزن  الهجر عذبني
             غايب ضوه البيت
..............................................
امودع الله ياحلم يالـرايــح مــن عـيـونــي
ياليل اليجيبك إلـي وتـمــر وغمظ چفـوني
ورجع وعيش بدنيـتي وبفرحتـي اتخلــوني
ما ظن يرد هذا الحلم وين اهلي ويشيعوني
راح الأمـــل راح ... مـحــد يـجـيبه
موتــه دوه ايصير ...  الـفاكد حبيبه
من الأهل حرمني ...  حزن الهجرعذبني
             غايب ضوه البيت
..............................................

الشاعر خالد جودي العارضي

بصوت. مسلم المطيري

غايب ضوة البيت بعيوني ظلمه

كلمات الشاعر
خالد جوظي العارضي

راح أنصب عزيه____أبأرض الكاضميه
...
مشيت وضعن دمعاتي وراهـم
وأدور أصورهم أبدمعي وراهم
راهـــم چـنت عالملگه وراهـــم
هسه أعله الحزن والهم سويه
...
وصلت أعتابهه والهـــــم تله الهم
ودليلي أنشلع چن دمعي تله الهم
حـــــــــزني أتحزم وأذن تله الهم
لحد ماشيبي يرسم غاضريه
...
بسجن أوبحيله مــــــتحزم نبلهم
ويگل لدموعــه خل نركض نبلهم
الأمــــــــام الكاضم أبصبره نبلهم
عشر مـرات أمـوت ولاسبيه
...
قضية السبي مـــــوسهله عمتهم
أمــنهد مـــابالهزل راحت عمتهم
الشيعه النوحهم أسمــــع عمتهم
عليهم والدمــــع لابــس رزيه
...
چبير وينقري واضـــــــــح سفرهم
ومشو والموت بس يعرف سفرهم
بقــت بيبانهـــم تفــــــرش سفرهم
الخيم عزبت حتى النار أمــيه
...
ونصبت العزه البي بين عزلهــــــم
أوخم أوتلگه مـــجلسهم عزلهــــم
الوكت لا..ثق ترى أبنادم عزلهــــم
بحقد حاربهم الهاي المسيه
...
اليدور أبروحه متأكد لجــــــــدهم
وجدهم ترى مـتحزم لجــــــــدهم
المجلس ترى يردونه لجــــــــدهم
مصاب حسين غاطي أعله الثنيه
...
خادم أهل البيت،،ع،،
أبوحسين السرگودي...🕊️🕊️🕊️

بصوت. مسلم المطيري

راح انصب عزية. أبأرض الكاظمية

كلمات الشاعر
ابو حسين السرگودي

استشهاد الكاظم .

الفظ انفاسي الاخيره
خطرت ابّالي الزغيره
لو ابن حذلم حضر
ينطي معصومه خبر
++++++++++++
وينه ليرد للمدينه وصوته يعلو بالنحيب
يوگف ابربوة وينادي مات ابن جعفر غريب
جسمه رضته السلاسل شيبه من دمعه خضيب
عالجسر مرميه جثته لا اهل يمه الحبيب
من يعرفون الجرالي
تنسمع ونّة عيالي
الرضا لأخته لو نظر.
ينطي معصومه خبر
+++++++++++
اولادي طمنوهم عليه اشمابلغ موتي مريح
بالرغم سمّي جبرني آه كل حيلي اصيح
لكن اضلوعي سليمه لامتت ضامي وذبيح
عيني لاشافت حراير تركض وفوگي تطيح
عالاقل لاجسمي عاري
لا وگف بشفافي ذاري
لا صبع مني انبتر
ينطي معصومه خبر
+++++++++++
والرضا واخته اعله بابي عالدرب تربي العيون
الگعده هذي موجديده عِشره عدنه اويالضعون
إلروي سالفتي عليهم إلظرفي راح ايقدرون
مو سجن واحد سكنته هوايه مريت بسجون
وانتها بزنزانه عمري
والهظمني وبدّه صبري
وجهي مثل امي انسطر
ينطي معصومه خبر
+++++++++++
گيدي جارحلي مشاعر مو فقط جارحلي ايد
لا شمس جاستني فتره جلدي مايحمل حديد
طالت المده او عليه گامت اثيابي تبيد
كبرت اعليه العمامه وصعبه الفها من جديد
بيها اتغطه عباتي
وهيه سجادة صلاتي
ليلي خلصته سهر
ينطي معصومه خبر
+++++++++
بلّغ المعصومه عني وانه عايش بالظلام
كاتب اهويه خواطر بالسجن واحله كلام
من بعد شوگي وحنيني والتحيه والسلام
للحبـيـبه العودتـها الا بـذراعـي تـنام
چنتي تغفين اعله ايده
نامت امچانچ حديده
ابسنسله لفها الدهر
ينطي معصومه خبر
++++++++++
عني وصلوها الامانه گلها لا تسهرلي ليل
وتنسه رجوة انتظاري والسفر مالي طويل
والرضا خل يكفل اخته عني ابو محمد بديل
اتموت ادريها العفيفه وتنسبي ابلايه كفيل
مثلي هم يفتر زمانه
گبره بالغربه مكانه
هيچي مذكور القدر
ينطي معصومه خبر

✍ الشاعر ثائر الربيعي ✍

بصوت. مسلم المطيري

ألفظ انفاسي الاخيره

كلمات الشاعر
ثائر الربيعي

من يروحون
لاتكلي بيها رجعه مايرجعون
من يروحون
اهواي منا أحباب راحو تركوا عيون
               
فاركونه   عذبونه
من يروحون  من يروحون
                    ****
                
من  يروحون  القلب حاير  مصيره
من  يروحون  النفس تصبح اسيره
بديره همه واحنه نصبح  غير ديره
الفاكد  أحبابه  مثل  فاكد   عشيره
                     ***
                
تربي العيون
تلكه يم خطوة دربهم تربي العيون
من يروحون
اهواي منه أحباب راحو تركو عيون
                     ***
                
ياليالي الشوك  من يحضر ذكرهم
الفاكد  أحبابه  يدور  عن   اثرهم
وين أهلنا نصيح لو مرنه عطرهم 
رحلو  وتركو أثر  جويت  جمرهم
                      
               
تصبح جنون
فركت  الغالين عندك  تصبح  جنون
من يروحون
اهواي منه أحباب راحو تركو عيون
                    ****
                
خاف  ترحون  وبعد  مابيها رجعه
وصوت عبدالله حلم مابعد اسمعه
دمعه  لفراك  الاهل  وبمهده  دمعه
لا تزيدوني  ألم   وبروحي   وجعه
                     ***
                
مايردون
انه  أدري لو  جفوني   مايردون
من يروحون
اهواي منه أحباب راحو تركو عيون

                    ****

ذكريات اشكد تمر بيك بجفاهم
يطير فكرك منك ويركض وراهم         
اهنا حجو واهنانه تذكر ملتقاهم
ليش فرقهم  البين  منين اجاهم
                      
               
من يغيبون
تحيم اظنون اعله روحك من يغيبون
من يروحون
اهواي منه أحباب  راحو  تركو عيون

                   *

لاتكلي شلون فركه اتكون سهله
هيه  مو لحظات عشره العمر كله
خلافهم  تدري العمر يصبح مذله
ال يحس بالذله  حتما  يذكر اهله
                      ***

لو يرحلون
تصبح الدنيا مذله من يرحلون
من يروحون
اهواي منه أحباب راحو تركو عيون
                     *** 

            
                          
محمد النوري

بصوت. مسلم المطيري

من يروحون

كلمات الشاعر
محمد النوري

#ثگيل_لاستشهاد_مولاي_السجاد_
صلوات الله عليه يتكلم عن مصائب كربله وايام الي عاش بيها وكانت مصيبة والده الحسين لا تفارقه لحضه واحده.....


مو خيال ولا حلم شافتة عيني
اگبالي ذبحو والدي وراحن سنيني

وبين دخان الخيم
عايشت اصعب ألم...انه العليل...انه العليل...

____

الليل ياخذني ونامن وحلمي بس نار الخيام
لصبح ميت عدنة فجرة وكلشي صاير بس ضلام
اليعطش يتانيله جربه مو تجي بنصها السهام
منين مادور الگا غربه ابلا اهل وابلا عمام


عمري خلص....بس انوحن عل حسين
عمري خلص....ليلي وي صبحي ونين


اذكر مصاب الخيم
عايشت اصعب ألم.....انه العليل...انه العليل...

1_

بگلبي شوغه تحدي بية وحده باقي ابلا معين
ضاگت بعينه الوسيعه وللحرم مشبوحه عين
چان (همة) كلة زينب يدري بعده تمشي وين
عاش غربه ومات غربه  هذا ابو گلب  الحنين


بگلبي جمره....هذا جرحي ومايروح
بگلبي جمره....عشت عمري بس جروح


الضيم بدموعي انرسم
عايشت اصعب ألم.....انه العليل...انه العليل..

2_

خلص عمري كلة دمعه بصفنتي ادور الخيول
حسين وحده وخيل غارت يمة بس تلفي وتجول
هذا اول  جرح  بية  الخلة دمعاتي  تطووول
غارت اعيونه الحنينه حاير شيحچي ويگول


لحد مماتي....بروحي ما يهده المصاب
لحد مماتي....جرحي  يتناثر  عذاااااب


بويه صدرك منهشم
عايشت اصعب ألم....انه العليل...انه العليل

3_

شما اشربه الماي اعطش وما يرويني الفرات
الچان زمزم باقي ضامي ما شرب حد الممات
شما اشوف الماي يجري تنعدم عندي الحيات
يوم عاشر كلها عطشت والضمه صار  الصفات


هذا حزني....الخله حسراتي تطول
هذا حزني....ضامي وتسحگه الخيول


عل خيم غارت زلم
عايشت اصعب ألم.....انه العليل...انه العليل...

4_

السبي يدور  بخيالي ااااه يمصاب  الهزل
اگبالي عماتي سبايه بچفهن يدور الحبل
منين ما باوع شماته النه ما ضلت  اهل
بس رمح يمنه نشوفه تارس اعيونه الخجل


وين اهلنه....انه ما اگدر عليل
وين اهلنه....الشام مو هين طويل


الشام ما بيهم رحم
عايشت اصعب ألم....انه العليل....انه العليل...

5_

خادم الزهراء ص

✍️محسن الباوي

بصوت. مسلم المطيري

مو خيال ولا حلم شافته عيني

كلمات الشاعر
محسن الباوي

بصوت. مسلم المطيري

نحت والگلي كافي.. مالي كفه

بجفاك الدمع كـفـه.. مالي كفه

چـنت بيرغ لخيك.. مالي كفه

طحت وندارلي وطحنه سويه
.............................................
الشاعر ابو ماجد الشغانبي

♠️♠️قصيدة،،خادمك يالعلمتني♠️♠️
------------------------------------------------------
كون أعله بابك عمري يگضي خادم وخادم
مو  وحدي  خيرك  غركاني أمغرگ  الوادم
°°°يالعلمتني   ما  أمد  چفي°°°
°°°يارحمة الله أبهاي متكفي°°°
ياحسين_°____ياحسين
------------------------------------------------------
حـــزمتني أشلون أعوفك•••ياضوه ونعم الضوه
حسين  من  أشتمك   ألگه•••بيك   يشتم  الهوه
وين    ماذكرك    أشوفك•••ياجرح   ينزف  دوه
دوم  خليني  أعله  بابك•••أنت   باب  القل هوه

محترگه روحي بخيمتك والنار بحساسي
بكل  نيه   تاخذني  ألك  عطاب   بنفاسي

°°°ماخفت گلت العيني ألك رفي°°°
°°°يارحمة   الله  أبهاي   متكفي °°°

------------------------------------------------------
من وعيت أبروحي أحسك••• آنه صرت الخدمتك
حتى أعيشن شايل أسمك•••دخنت  چن  خيمتك
بكل    حسينيه    الأطبهه•••ويا  قصيدة الذكرتك
أوگع     أوتبده      وألتم•••وفدوه أصيح الشيبتك

ياكلشي  بيه  أشما  أدگن   بالحلم   بابك
أنه وخيالي أسود لبسنه وعشنه بمصابك
°°°والدمعه سمره توگع أبصفي °°°
°°° يارحمة الله  أبهاي  متكفي °°°

------------------------------------------------------
ومن  طلع   فجرك  عليه•••بروحي أذن مقتلك
والتشابيه      أبألمهه  •••العطش  چان  أيمثلك
راسك أعله الرمح ينزف•••مدري شنهي الرتلك
والسمه   الرادت   تلمك•••ضل   دمعهه أيبللك

جبريل  غطاك   أبدمعته  أوخجلت  أثيابه
من شافك أمسلب صرخ ودموعه سچابه
°°° من السمه  أتعناك متحفي°°°
°°° يارحمة الله أبهاي متكفي°°°

------------------------------------------------------
ياأحچاية روحي أطوفك•••دوم  خليني  أحترگ
كون    ماتبردلي    جمره•••وأنه أحلفك بالصدگ
أفلاحتي  أوتباهه   بيهه•••وخلي  يثمر هالعشگ
يامسافة  دمعي  أريدك•••فدوه   بس   لانفترگ

أنحرم  من  كلشي   قابل  فدوه   تقبلني
وأرضه  آنه خادم  لليخدمك  لو تسجلني
°°°ولو أبلغ أنه أبمجلسك حتفي°°°
°°°يارحمة  الله  أبهاي   متكفي°°°

------------------------------------------------------
يانواعي  أمي  العزيزه•••وحرمل المغرب أحس
اليذكر  أسمك  واليعيشه•••من  أمانك   ينترس
وياسوالف  ماي  وجهي•••البيضة  تاريخ  أمس
باچر الموت أعله بابي ••• وبالگبر  مامش ونس

بس خدمتك يحسين وانه شعندي وشعندي
ياغيرة الله أوحاشه أگول  أتعوفني الوحدي
°°°وزنجيلك أثاره بقه  بچتفي °°°
°°°يارحمة  الله  أبهاي  متكفي°°°
------------------------------------------------------
خادم أهل البيت،،ع،،
أبوحسين السرگودي...🕊️🕊️🕊️




اريد لحن ع هاي قصديه

بصوت. مسلم المطيري

كون اعله بابك عمري
يگضي خادم وخادم

كلمات الشاعر
ابو حسين السرگودي

وين النشامه ؟    عدهم علامه
اتميّزهم امن الناس
نعْش الإمامه      ابعِزَّه و كرامه
ايشيْعونه فوگ الرّاس

ولـ موسى ابنَ جعفر
خلها الشيعه تحضر
ــــــــــــــــــــــــــــــــــــ

نعِش موسى بن جعفر هذا يا شيعه
وينه اللّي يريد ايشوف تشييعه
وينه المخلص الما ينكث البيعه
واجب يحضر ابساعات توديعه
خل نعصي الفرَح و المدمع انطيعه
او خل صوت الحزن بالمأذنه انذيعه

وين الغياره      اتصيح المناره
يا شيعه لتقصرون
عدكم جنازه     كون اتّجازه
غصبًا على هارون

رغمًا عالتكبَّر
خلها الشيعه تحضر
ــــــــــــــــــــــــــــــــــــ
يشيعه نعْـش إمام الرافضه مرمي
چا وينه الغيور الباسِل النشمي
الأبي وينه اليگله إنته ابأبي اْو أمّي
او يخاطب سيّده بالمدمع اليهمي
عساه ابدال جسمك عالجسر جسمي
او عساه ابدالك اْنرَض بالسجن عظميَ

يهْل الكلافه   ابجسْر الرّصافه
سيّدكم ابهالحال
جثته رهينه   و امگيِّدينه
مرمي بلايه اظِلال

لا ايْظل جسمه بالحَرْ
خلها الشيعه تحضر
ــــــــــــــــــــــــــــــــــــ
نعش موسى بن جعفر بالسلاسل ظال
ولا يگدر يشيله امْن الأرض شيَّال
صيحوا يا علي او تتكسّر الأغلال
او على روس الأصابع بالفخَر ينشال
الكاظم ماله شيعه اتشيْعه ياهو الگال
وهُو ابوكت الصعاب اتبيّن الأفعال

الرايد نِخِبره    خل يلقي نظره
اشحال الصَّحن هاليوم
تشييعه رايد    كل شيعي گاصد
للكاظم المسموم

واعْله النيَّه نُؤجَرْ
خلها الشيعه تحضر
ــــــــــــــــــــــــــــــــــــ
المنادي الناده بسْم الكاظم اشْناده
ابلفظ ما ينحچي اتجاوز عله اسْيَاده
لچن العگربه عِدها اللّسِع عاده
و لا ايضرِّ البحر لو منخل اِتْماده
المَد إلسانه وينه او وين أجداده !؟
او حگها ابجدها لمّن تفخر السَّاده

جدّ الهواشم    حاوي المَكارِم
طيّب و إبن إطياب
يخسه اليذمّه    والزهّره أمّه
سادت عله الأنساب

ردّاً عالتجسَّر
خلها الشيعه تحضر
ــــــــــــــــــــــــــــــــــــ
سنه ابساعه عليك النايحه تنراد
او ما هاد الحزن يا بو الرّضا ما هاد
الإجه ابهاي الزياره او وافه عالميعاد
راحِلْته اشتياقه و الدّموع الزّاد
يريد ايگول لو چان العمُر ينعاد
ما چنّه انتأخّر عن أسَد بغداد

لو صَحْ بدينه    چا كلنه جينه
يم السّجن مولايْ
يمّك جُنودك   تكسِر قيُودك
لو تِأذنِ إلنه ابهايْ

للقيد التكسّر
خلها الشيعه تحضر
ــــــــــــــــــــــــــــــــــــ
يشيعه اويه الرّضا حول الجنازه اندُور
نعِينه ابنايِحه او ونَّه او لطِم لصدور
السدُر واحد يجيببه او واحد الكافور
او نگلّه ابوالدك يا بالحسن مأجور
ندري اويانه حاضر حاضر او مستور
من مشهد تنعنّه الكاظميّه ايزُور

ابدمْع النوّاظر    ويَّانه حاضِر
أبو الجواد اينوح
يطلبنه فَزعه   الكاظم نشيْعه
لا ما يظل مطروح

لا دفنه ايتأخّر
خلها الشيعه تحضر
ــــــــــــــــــــــــــــــــــــ
كفو امْن الشيعه گول او فعِل بالشِّده
افْزعوْا چي لا يظلّ الكاظم ابوحده
أگولن وينكم عن السّبِط جدَّه
لمّن ظل على حرِّ الشمس خدَّه
ثلثتيّام عاري او لا چفن عنده
ثلثتيّام ما واحد حفر لِحده

امن الكاظميّه    للغاضريَّه
ريت الجمِع يندار
او لا يبگه عاري   ابحَرِّ الصحاري
اموسّد رملها الحار

للظل عاري بالبَر
خلها الشيعه تحضر
ــــــــــــــــــــــــــــــــــــ

ميرزا عادل أشكناني

بصوت. مسلم المطيري

وين النشامه

كلمات الشاعر
ميرزا عادل اشكناني

استشهاد الامام الكاظم ع


اخذي للكاظم يروحي وياچ دمعه
ملتقانه اويه الجنازه بيوم جمعه
وبسواد الكاظميه  استقبلي هاي الرزيه
يروحي
1
بالفرج ادري المصيبه  وانا محزون انتظر
روحي ويه الريح هبّت  والحداد اعله الجسر
اخر انفاسي خذتها  وكْسرت جنح الصبر
دمعتي لبست حزنها وظلم بعيني الظهر

دمعتي وروحي وجنازه امن التقينه
بلون الاحزان الشمس مالت علينه
أعلِنَت يوم المنيه  استقبلي هاي الرزيه
يروحي
2
مالت الدنيه وتبدت  روحي فوگ اجنازته
وقره تابوته وكأني  شفته كاتب قصته
يحچي عن طاموره ظلمه  بيها خلص غربته
والسجن ذاك وعذابه كاتبه من دمعته

انا اقره شكاتب بهاي المصيبه
ونزّت امن اجنازته دمعه غريبه
وعالجسر طحنه سويه  استقبلي هاي الرزيه
يروحي
3
اتسآئلي ياروحي عنه  وعتلي بصوت النحيب
امچفنينه بالسلاسل هل امر اصبح غريب
كلشي بحساسي تألم  من كشف عنه الطبيب
ما تكلم بس دمعته  اتصيح مسموم الغريب

بالقيود امچتفينه وهذا حاله
وذاك سجانه اللي سمه هوه شاله
انعكست آلامه عليه  استقبلي هاي الرزيه
يروحي
4
ونّه من ابعيد اسمع  چني سامع هالشجن
عاينت محنيه لنها  واعرفتها ام الحسن
تگوم مره ومره تعثر  امن الضلع مدري المحن
يمه يالكاظم اجيتك  شعنده وياك الزمن

عالجنازه الزهره لمن هل دمعها
آه ييمه صاحت ولزمت ضلعها
حظرة الزهره الزچيه  استقبلي هاي الرزيه
يروحي
5
من دموع الزهره لنها  جفّت عيون السمه
عالامام انحنت كلها  اتقبّله وتكلمه
اتگله رغم الضلع يبني  اتشيعك امك فاطمه
عفت گبري وعفت ابني  وعتنيت الموزمه

الّم احوالي ييمه هذا وضعك
هم غريب وتالي ما واحد يشيعك
يمه اوسدنك بديه  استقبلي هاي الرزيه
يروحي
****

الشاعر اياد الديراوي