#قصص_الأنبياء_للأطفال

🪴الحلقة 22🪴

🌴قصة موسى عليه السلام🌴

🌻كان ياما كان و مايحلي الكلام
إلا بذكر النبي .... محمد عليه الصلاة و السلام ..

🌼وأولادي اللي بيحبوا سيدنا محمد أكتر واحد في الدنيا كلها ..

🌻لأنه بيعلمهم كل الخير و بيعرفهم إزاي يكونوا في أحسن مكان ... جنة ربنا
هيقولوا بأحلي صوت :

🌼اللهم صل علي سيدنا مُحَمَّد

🌻 وانطلق سيدنا موسى مع الخضر يمشيان على ساحل البحر يتكلمان

🌻و فجأة مرت أمامهما سفينة فتكلما مع أصحابها ليركبوا فيها

🌻 فوافق أصحاب السفينه لأنهم كانوا يعرفون الخضر عليه السلام و لم يأخذوا منهما أجر

🌻فلما ركبا في السفينه جاء عصفور ووقف على حافة السفينه و شرب من البحر

🌻فقال الخضر لسيدنا موسى أرأيت هذا العصفور الذي شرب من البحر

🌻فقال نعم رأيته!!

🌻فقال الخضر ما نقص علمي و علمك من علم الله الا مثل ما اخذ هذا العصغور بمنقاره من البحر ليشرب

🌻ويقصد أن علمنا لا شيء إذا تمت مقارنته بعلم الله

🌻و بعد ان وصلوا جميعا الى الشاطيء فوجيء سيدنا موسى ان الخضر اخذ فأسا بعد مغادرة الناس السفينه

🌻وأخذ يخرق السفينه واقتلع لوحة من ألواحها الخشبية ورماها في البحر

🌻فقال سيدنا موسى للخضر لقد أكرمنا أهل السفينه ولم يأخذوا منا أجر ثم أنت تخرق لهم السفينه لتغرقهم في البحر فهل هذا جزاء الإحسان!!

🌻و كان هذا التصرف عجيبا من وجه نظر سيدنا موسى

🌻فرد عليه الخضر و قال ألم أقل لك إنك لن تستطيع معي صبرا
حتى يذكره بالعهد الذي بينهم أن لا يسأل موسى عن شيء ولا يعترض على شيء حتى يوضحه له الخضر

🌻فاعتذر سيدنا موسى للخضر و طلب منه الا يؤاخذه على ذلك وقال إنه لن يكرر ذلك مرة أخرى

🌻وأكملا رحتهما معا و مرا على حديقة يلعب بها الصبيان

🌻و بعد ما انتهى الصبيان من اللعب تعبوا و ناموا

🌻و فجأة قام الخضر و قتل ولد منهم

🌻فثار سيدنا موسى و قال للخضر ما ذنب هذا الصغير لكي تقتله!!؟؟

🌻فقام الخضر و ذكر سيدنا موسى بالعهد مرة ثانيه و قال له ألم أقل لك إنك لن تستطيع معي صبرا

🌻وأعتذر سيدنا موسى ثانيا و قال سيدنا موسى للخضر لو فعلت ذلك مره اخرى لا تصاحبني أنت سامحتني مرتين فاعطني فرصه ثالثة وأخيرة ولو سألتك عن شيء آخر فارقني ولا تصاحبني

🌻ووافق الخضر وانطلق مع سيدنا موسى ودخلا قرية كان جميع أهلها بخلاء

🌻و بعد ما نفذ الطعام الذي معهما طلبا من أهل القرية ان يقدما لهما طعاما

🌻ولكن أهل القرية رفضوا وبقيا في ليلة عصيبه بدون طعام و لا شراب

🌻فجلس سيدنا موسى مع الخضر عليه السلام بجانب جدار مائل كاد أن يسقط عليهم

🌻ثم قام الخضر ليصلح هذا الجدار فتعجب سيدنا موسي

🌻و قال له سيدنا موسى لو شئت لأتخذت عليه أجرا لأن أهل هذه القرية بخلاء

🌻فقال له الخضر هذا فراق بيني و بينك سأنبئك بتأويل ما لم تستطع عليه صبرا

🌻و لم يستطع سيدنا موسى ان يتمالك نفسه من السؤال و خاصة انه كل مرة يفعل أشياء غريبة

🌻و لكنه لم يعلم ان الخضر لا يفعل اي شيء دون وحي من الله

🌻و نسي سيدنا موسى انه هو نفسه تعرض لهذه المواقف من قبل

🌻مين الشاطر اللي هيقول إيه اللي خصل لسيدنا موسى يشبه ما حدث مع الخضر؟؟

🌻براڤو يا ولادي الحلوين

🌻الخضر خرق السفينه و كان هذا امرا غريبا بالنسبه لسيدنا موسى و تعجب كيف اهلها سينجوا بعد خرق السفينه؟؟!!
و لكنه وهو طفل صغير ألقته أمه في البحر و كان في صندوق صغير يمكن أن تقلبه أي موجه أو حتى الرياح ولكنه لم يغرق بقدرة الله لأن الله أراد ذلك لحكمة

🌻وكما قتل الخضر الطفل الصغير الذي لم يكن له ذنب من وجه نظر سيدنا موسى ووجهة نظرنا
قتل أيضا سيدنا موسى المصري الذي تشاجر مع اليهودي في حين ان اليهودي هو من كان المخطيء و المصري ليس له ذنب ولكن هذه حكمة الله

🌻وكل هذا حدث لحكمة يعلمها الله و لا نعلمها نحن بنظرنا المحدود

🌻وكما ان الخضر بنى الجدار دون أجر مع أن أهل القرية بخلاء
سقا سيدنا موسي لفتاتين من البئر و كان أهل القريه أيضا بخلاء فلم يضيفوه وكان من عادة الناس في ذلك الوقت إكرام المسافر لمدة ثلاثة أيام ولم يكرموه

🌻فحكمه الله دائما تكون هي الصحيحة حتى لو بدا لنا الأمر غير ذلك

🌻و غدا إن شاءالله سوف نرى كيف فسر الخضر هذه الأمور الثلاثة لسيدنا موسى و كيف أكمل سيدنا موسى رحلته مع بني إسرائيل

🌻تصبحوا على خير يا حلوين🌻

🌻اللهم صل على سيدنا محمد
🌻🌼🌻🌻🌼🌻🌼🌻🌼🌻
إقرأ 📚 وانشر 📬 تُؤْجَرْ
https://www.tg-me.com/seerawqass

#درر

╰🌸🍃╮

إذا كانت ليلة القدر مجهولة ...
فإن يوم عرفة معلوم ...
و إذا كانت ليلة القدر تتنزل فيها الملائكة ...
فإن الله ينزل يوم عرفة ...
فإغتنموا الفرصة و إجتهدوا في الدعاء ما أستطعتم
جعلني الله و إياكم من عتقائه من النار و من المقبولين ..

╰🌸🍃╮
@Dorrwfwaed

#السيرة_النبوية_للأطفال

🌙 الحلقة 30🌙

🌛من سيرة الرسول للأطفال🌜

🌛صلح الحديبية🌜

🌻كان يا ما كان وما يحلي الكلام إلا بذكر النبي عليه الصلاة و السلام ....

🌼وطبعا ولادي الممتازين هيردوا بسرعة ... و بأعلي صوت ...و عليه الصلاة و السلام ...

🌻سيدنا محمد عليه الصلاة و السلام والمسلمين الطيبين الشجعان

🌼عايشين في المدينة في سلام و إيمان ..
بيعبدوا ربنا و بيصلوا و يصوموا

🌻ويتعلموا القرآن ...و بيشكروا ربنا علي نعمه الكتيرة ...

🌼وكل الكفار الأشرار عرفوا إن المسلمين أقويا أوي و شجعان

🌻ومش بيخافوا من أي حد ولا اي حاجة ...و بيحبوا ربنا وبيدعوه

🌼عشان كده دايما المسلمين بيكسبوا ...
فالأشرار بقوا بيخافوا يضايقوا المسلمين ..

🌻لما حسوا بقوة المسلمين وشجاعتهم

🌼في يوم من الأيام سيدنا محمد عليه الصلاة و السلام كان نايم ...

🌻وهو نايم شاف حلم (رؤية) ...

🌼وأي حلم (رؤية) كان سيدنا محمد بيحلم بيه كانت لازم يحصل في الحقيقة

🌻وكل الأنبياء اللي ربنا بيختارهم كده
بيخلي كل أحلامهم تبقي حقيقية وتحصل فعلا

🌼سيدنا محمد حلم( رأى) ايه؟؟

🌻"حلم إنه راح مكة ... عند الكعبة ... و أخد مفتاح الكعبة ...

🌼وكان معاه المسلمين الصالحين الطيبين وعملوا عمرة و طافوا حوالين الكعبة من غير ما حد من الكفار الأشرار اللي في مكة يضايقوهم

🌻وبعدين شوية مسلمين حلقوا شعرهم و شوية تانيين قصروا شعرهم "

🌼سيدنا محمد قال لأصحابه علي الحلم ده ... فالمسلمين بقوا فرحانين أوي ...
لأنهم عرفوا إن ده أكيد هيحصل ...

🌻وإنهم هيدخلوا مكة اللي فيها الأشرار و هيعملوا عمرة و هما مش خايفين من حد ....

🌼سيدنا محمد و أصحابه المسلمين جهزوا نفسهم عشان يروحوا مكة
... عشان يعملوا العمرة .... و أخدوا معاهم " "الهَدْي" ....

🌻عارفين يعني إيه "الهَدْي" ؟

🌼يعني ياخدوا حيوان من اللي ممكن يتاكل.. زي البقرة او الخروف أو الجمل ..
عشان بعد العمرة يدبحوه و ياكلوا منه و يوزعوا لحمة كتير علي الناس الفقيرة ....


🌻وكان بيحطوا في رقبة الحيوان ده طوق جميل (قلادة)

🌼الطوق الجميل ده عشان كل الناس تبقي عارفة

🌻إن الحيوان ده لحمته هيتوزع علي الغلابة و المحتاجين بعد العمرة
... فمحدش ياخده و لا يؤذيه لأن ده هنأكل بيه المحتاجين عشان ربنا يحبنا ...

🌼المسلمين أخدوا الهَدْي ..".يعني الحيوانات اللي هيوزعوا اللحمة بتاعتها علي الفقرا بعد لما يعملوا عمرة "

🌻وفضلوا ماشييين ماشيييين طريق طوييييل من مدينتهم الجميلة لغاية مكة
و فرحانين إنهم هيشوفوا الكعبة و هيعملوا عمرة و يوزعوا أكل علي الفقرا ...

🌼الكفار الأشرار عرفوا إن المسلمين جايين مكة .... قاموا عملوا إيه ؟؟؟

🌻قالوا إحنا هنطلع نحارب المسلمين ... و نؤذيهم ....

🌼راح الكفار الأشرار لبسوا جلود النمور وأخدوا أسلحتهم وطلعوا بسرعةعشان يلحقوا المسلمين قبل ما يوصلوا لمكة

🌻سيدنا محمد عرف إن الكفار جاييين يحاربوهم

🌼بس سيدنا محمد والمسلمين عايزين يعملوا عمرة ومش جايين يحاربوا فسيدنا محمد أخد المسلمين الصالحين ومشيوا من طريق تاني بعيد

🌻طريق كله حجارة و طوب لغاية لما وصلوا لمكان اسمه "الحديبية"
اسمه إيه؟؟؟الحديــــبيــة

🌼وقعدوا يرتاحوا هناك

🌻بس المسلمين كانوا تعبوا أوي من كتر المشي

🌼وبقوا عطشانين و مفيش أي ماية حتي بير الماية فاضي....

🌻فراحوا قالوا لسيدنا محمد إحنا عطشانين و مش لاقيين ماية نشرب فسيدنا محمد خرج سهم كان معاه

🌼وقال لواحد من المسلمين خد السهم ده وحُطه في البير

🌻فسمع كلام سيدنا محمد عليه الصلاة و السلام

🌼وغرس السهم جوه البير .... فانفجرت ماية كتير و ملت البير

🌻وشرب المسلمين ... وكمان شربوا الحيوانات اللي معاهم " الهدي اللي جايبينه "

🌼ربنا دايما بيساعد المسلمين و بيساعد سيدنا محمد عليه الصلاة والسلام

🌻وبيخلي فيه بركة و خير تفرح المسلمين و تطمن قلوبهم

🌼الكفار بعتوا واحد كافر منهم عند المسلمين في الحديبية

🌻عشان عايزين يعرفوا المسلمين جايين ليه .....

🌼راح الراجل الكافر فلقي المسلمين معاهم "الهدي " حيواناتهم اللي هيوزعوها بعد العمرة علي الغلابة فعرف إن المسلمين طبعا مش جايين يحاربوا ولا معاهم أسلحة ومش معاهم غير الحيوانات.

🌻وسيدنا محمد قاله كمان :إحنا مش جايين نحارب إحنا جايين نعمل عمرة ولوصممتم علي الشر و الحرب هتخلونا نحاربكم

🌼رجع الراجل عند الكفار و قالهم ...

🌻المسلمين مش جايين لحرب دول عايزين يدخلوا مكة عشان يعملوا عمرة

🌼بس الكفار الأشرار مش راضيين يصدقوا و عايزين يأذوا المسلمين

🌻 يا ترى ايه اللي حصل بعد كده بكرة ان شاء الله هنعرف

🌼 تصبحوا على خير يا حلوين
🌻🌼🌻🌼🌻🌼🌻🌼🌻
إقرأ 📚 وانشر 📬 تُؤْجَرْ
https://www.tg-me.com/seerawqass

#سيرة_امهات_المؤمنين

🌛الحلقة 14🌜

🌛تابع السيدة خديجة🌜

🌻كان ياما كان و مايحلي الكلام
إلا بذكر النبي .... محمد عليه الصلاة و السلام ..

🌼اللهم صل علي سيدنا محمد

🌻كانت السيده خديجه بتشوف اللي كان بيحصل لرسونا محمد صل الله عليه وسلم من أذيه و سخريه وكانت بتواسيه و تخفف عنه و تقوله ميهمكش من الناس دي

🌻و مش بس كان زوجها هو اللي بيتعرض للاذى ده كمان بناتها كانوا بيتعرضوا للاذى وهي كمان

🌻وفي اخر السنه الرابعه من بدايه النبوة زاد أذى الكفار على المسلمين

🌻و فضلت المشاكل تكبر و الأذى يزيد لغايه ما وصلوا لنص السنه الخامسه من بدايه النبوة

🌻و كانوا الكفار بيبحثوا عن أي طريقه علشان يتخلصوا بيها من المسلمين

🌻لدرجه انهم سألوا واحد يهودي علشان يدلهم على طريقه يتخلصوا بيها من سيدنا محمد و المسلمين

🌻و اليهودي ده قالهم يسألوا النبي 3 أسئلة

🌻أول سؤال مين هما أصحاب الكهف و إيه قصتهم؟؟!!

🌻و تاني سؤال مين هو الخضر و إيه قصته مع سيدنا موسى؟؟!!

🌻و ثالث سؤال مين هو ذي القرنين؟؟!!

🌻و طبعا الكفار كانوا فرحانين و فاكرين إنهم بالأسئلة الثلاثه دول هيخلوا الناس تبعد عن سيدنا محمد لأنهم كانوا فاكرين إنه مش هيعرف يجاوب عليهم

🌻 قعدوا الكفار يترقيوا على الرسول ويسخروا منه لأنهم اول ما سألوه قال لهم بكره هجاوبكوا و نسي يقول إن شاءالله

🌻فربنا سبحانه و تعالى كان عايز يعلم الرسول إنه مينفعش يعمل اي حاجه الا بعد ما يقول إن شاءالله

🌻و علشان كده قعد فتره سيدنا جبريل مينزلش ومفيش أي إجابة على الاسئله دي عند الرسول

🌻و طبعا الكفار فرحانين و كانوا واثقين إن الرسول مش هيعرف يجاوب على الأسئله

🌻لكن ربنا أنزل سوره الكهف مع سيدنا جبريل و فيها إجابه عن كل الاسئلة دي و كمان بتحكي عن حاجات كتير وكانت بتقول للرسول ولا تقولن لشيء إني فاعل ذلك غداً إلا أن يشاء الله يعني قبل ما تعمل أي حاجة لازم تقول إن شاء الله

🌻لكن ربنا كان بيعلم الرسول و يعلمنا أن مش لازم اول ما ندعي ربنا يُعطي لنا ما نريد ..لازم نصبر شويه

🌻و كمان علمنا نقول إن شاءالله قبل ما نعمل اي حاجه

🌻 و رد الرسول على الكفار و قالهم ان أصحاب الكهف دول كانوا شباب مؤمنين عايشين في وسط ناس كفار

🌻و الناس الكفار دول كانوا بيؤذوهم و علشان كده ربنا خلاهم يمشوا من المدينه الكافره و يروحوا يقعدوا في الكهف و خلاهم يناموا في الكهف نوم طويييييل أوي تقريبا 300 سنه او اكتر شويه

🌻و بعد كده ربنا خلاهم يصحوا وبعتوا واحد منهم علشان يشتري لهم أكل ومايه وطبعا كان معاه الفلوس القديمة اللي هي من 300 سنه فاتوا

🌻فأول ما راح السوق لقى ناس تانيه خالص غير اللي هو يعرفهم و لقى الفلوس شكلها اتغير

🌻و عرف ان ربنا خلاهم يناموا 300 سنه علشان ينقذهم من الناس الكفار

🌻يعني ربنا بيقول للمسلمين اللي في مكه انتوا كمان لازم تسيبوا بلاد الكفر دي و تمشوا

🌻لأن ربنا بيعلمنا ان القرآن اللي هو نزله علشان في حل لمشاكلنا زي بالضبط ما حصل في قصه أصحاب الكهف و المسلمين فهموا إنهم لازم يسيبوا بلاد الكفر

يا ترى ايه إجابة الأسئة الباقية

🌻هنعرف بكرة علشان دلوقتي جه معاد النوم

🌻تصبحوا على خير يا حلوين🌻

🌻اللهم صل على سيدنا محمد
🌻🌼🌼🌻🌼🌻🌼🌻🌼🌻
إقرأ 📚 وانشر 📬 تُؤْجَرْ
https://www.tg-me.com/seerawqass

#قصص_الأنبياء_للأطفال

🪴الحلقة 23🪴

🌴قصة موسى عليه السلام🌴

🌻كان ياما كان و مايحلي الكلام
إلا بذكر النبي .... محمد عليه الصلاة و السلام ..

🌼اللهم صل علي سيدنا مُحَمَّد

🌻 بدأ الخضر عليه السلام يكشف لسيدنا موسى اسرار تلك الافعال التي كان يفعلها

🌻فأخبره اولا عن امر السفينة التي خرقها رغم اكرام اصحابها لهم

🌻 وفسر له وقال ان الملك الذي يحكم هذه البلاد ملك ظالم و يأخذ كل سفينه سليمه خاليه من العيوب

🌻فأراد الخضر ان يخرقها حتى يتركها الملك ثم يصلحها اصحابها بعد ذلك لأنها مصدر رزق لهؤلاء الفقراء وعائلتهم

🌻و من المعلوم ان اصلاح لوح في السفينه خير من ضياع السفينه كلها

🌻 ثم اخبره عن قتله للغلام و قال له انه كان كافرا و كان سيرهق والديه في الكبر

🌻وسيكون عاقا لهما و موته سيكون رحمه لهما و ان الله عز و جل سيرزقهما بدلا منه غلاما يرعاهما و يحسن لهما في الكبر

🌻ثم اخبره عن الجدار الذي بناه بدون اجر فكان تحته كنز لغلامين يتيمين في المدينه

🌻و لو سقط الجدار لظهر الكنز الذي تحته و اخذه اهل القريه البخلاء

🌻لذلك بنى الخضر الجدار حتى يكبرا و يستخرجا كنزهما و الذي نفعهما هو صلاح ابوهما

🌻ووضح الخضر لسيدنا موسى ان كل ذلك فعله بوحي من الله و لم يفعله بنفسه

🌻ثم ودع هذا العالم العابد الخضر سيدنا موسى بعد ان علم سيدنا موسى درسين مهمين

🌻الاول ان لا يغتر بعلمه لأنه فوق كل ذي علم عليم

🌻والدرس الثاني ان لا يتسرع ولا يتكلم الا بما يعلم

🌻و عاد موسى الى قومه و دعاهم الى الجهاد و دخول بيت المقدس الذي كان بأيديهم في زمان أبيهم يعقوب وانتقلوا كلهم الى مصر مع سيدنا يوسف وعاشوا فيها الى ان جاء سيدنا موسى

🌻ثم أخرجهم من مصر عبر البح. سيدنا موسى هربا من فرعون و قومه

🌻فوجدوا فيها قوما من العمالقة قد استحوذوا عليها فأمرهم سيدنا موسى بالدخول إليها وتحريرها

🌻وقتال أعدائهم العمالقة و بشرهم بالنصر عليهم و لكنهم رفضوا الدخول الى فلسطين حتى يخرج منها العمالقه الجبارين كما وصفهم القرآن

🌻فعاقبهم الله على رفضهم و عصيانهم لسيدنا موسى بالتوهان في الأرض لمدة اربعين عاما

🌻ظلوا يسيرون بدون هدف و قد ذكرهم سيدنا موسى بنعم الله عليهم

🌻بإرسال نبي بعد نبي عليهم و بأن جعلهم ملوكا و قد كان الرجل من بني إسرائيل إذا كان له الزوجه و الخادم و الدار سُمي ملكا

🌻و لكنهم رغم كل هذه النعم رفضوا الدخول الى ارض فلسطين وعصوا أمر الله ورسوله موسى

🌻وفقط رجلان هما من كانا يخافا الله و يقال انهما يوشع بن نون و كالب بن يفنى

🌻وقد أمروا قومهم بالتوكل على الله و الدخول و سماع كلام الرسول حتى ينصرهم الله على اعدائهم

🌻و لكن بني إسرائيل رفضوا الدخول

🌻وقال سيدنا موسى ربي إني لا أملك إلا نفسي وأخي فأفرق بيننا و بين القوم الفاسقين

🌻ولذلك نزلت عليهم عقوبه الله بتحريم دخولهم الى الأرض المقدسة اربعين سنة و التوهان في الأرض

🌻و في فتره التوهان منحهم الله بنعم لا تعد و لا تحصى فقد ارسل لهم الغمام ليظللهم من حر الشمس

🌻وأنزل عليهم المن والسلوى ليأكلوا منها وفجر لهم الصخرة بالماء ليشربوا منها

🌻فقد كانت صخره يحملونها معهم اينما ذهبوا فإذا ضرب عليها سيدنا موسى بعصاه انفجرت منها 12 عينا لأنهم كانوا 12سبطا أي كانوا 12قبيلة

🌻وفي هذه الفتره نزلت عليهم التوراه وشرعت لهم الأحكام وقد قصصنا من قبل قصة نزول ألواح التوراة

🌻والمن الذي كان ينزل عليهم مثل العسل يخلطونه بالماء ثم يشربونه

🌻والسلوى طير يشبه السمان و هو لذيذ الطعم

🌻بالإضافه الى معجزة الصخره و امرهم فقط ان يطيعوا الله و رسوله و لا يعصوه..فهل اطاعوا الله وسيدنا موسى أم لا؟ سنعرف غدا ماذا فعل بني إسرائيل مع سيدنا موسى

🌻🌻تصبحوا على خير يا حلوين

🌼اللهم صل علي سيدنا مُحَمَّد
🌻🌼🌻🌻🌼🌻🌼🌼🌻
إقرأ 📚 وانشر 📬 تُؤْجَرْ
https://www.tg-me.com/seerawqass

#فائدة

╰🌸🍃╮

الكافية الشافية

سورة الفاتحة

لأنها تكفي عن غيرها وغيرها لا يكفي عنها

والشافية ما قرأها أحد على نفسه أو غيره بنية الشفاء بنية خالصة ويقين إلا شفاه الله

╰🌸🍃╮
@Dorrlltdbr

#السيرة_النبوية_للأطفال

🌙 الحلقة 31🌙

🌛من سيرة الرسول للأطفال🌜

🌛تابع صلح الحديبية🌜

🌻كان يا ما كان وما يحلي الكلام إلا بذكر النبي عليه الصلاة و السلام ....

🌼عليه الصلاة والسلام

🌼 الكفار الأشرار كانوا مصممين يأذوا المسلمين علشان كده الكفار الأشرار بعتوا خمسين واحد علشان يراقبوا سيدنا محمد والمسلمين بس المسلمين مسكوهم

🌻وودوهم عند سيدنا محمد ....بس سيدنا محمد سامحهم و عفا عنهم ...

🌼وبرضه الكفار مصممين يحاربوا المسلمين بالعافية و مش راضيين يدخلوهم مكة

🌻وقاعدين يقولوا لو دخلنا المسلمين مكة كل الناس هيفتكرونا ضعفاء و مش قادرين نحارب المسلمين

🌼فسيدنا محمد بعت ليهم سيدنا "عثمان ابن عفان " ....

🌻عشان يقنع الكفار و يفهمهم إن المسلمين مش جايين للحرب
إنما جايين لمكة عشان يعبدوا ربنا و يعملوا عمرة لربنا ...و كمان عشان يفهمهم الإسلام ....

🌼سيدنا عثمان ابن عفان راح للكفار في مكة ... و قالهم كل حاجة ....
الكفار قالوله خلاص إحنا موافقين إنك إنت بس اللي تروح وتطوف عند الكعبة !!!

🌻سيدنا عثمان ابن عفان قالهم : طبعا لأ ..طبعا لأ ..أنا مش هروح عند الكعبة إلا مع سيدنا محمد و مع أخواتي المسلمين المؤمنين ...

🌼فالكفار اتغاظوا وأخدوا سيدنا عثمان ابن عفان ... وحبسوه عندهم ....و مرضوش يرجعوه عند المسلمين ....

🌻المسلمين حسوا إن سيدنا عثمان ابن عفان اتأخر فافتكروا إنه أكيد الكفار قتلوه ...

🌼فسيدنا محمد عليه الصلاة و السلام

🌻قال خلاص مش هنمشي إلا لما ناخد حقنا منهم

🌼فسيدنا محمد قعد تحت شجرة

🌻وقال مين يبايعني و يتفق معايا علي إننا نواجه الكفار حتي لو متنا كلنا

🌼المسلمين مش هيسيبوا حق أخوهم عثمان ابن عفان أبدا ...

🌻كل المسلمين الصالحين الشجعان اتجمعوا حوالين سيدنا محمد

🌼وكل واحد منهم حط إيده في إيد سيدنا محمد و عاهدوه إنهم هيواجهوا الكفار و يحاربوهم بكل شجاعة حتي لو هيموتوا .

🌻ربنا شايف المسلمين و شجاعتهم و طاعتهم ...

🌼ربنا راضي عنهم و عن قلوبهم الشجاعة المؤمنة

🌻الكفار حسوا إنهم اتسرعوا و انهم غلطوا لما حبسوا سيدنا عثمان بن عفان
... فرجعوا بسرعه سيدنا عثمان ابن عفان ....

🌻وبعتوا واحد كافر منهم

🌼عشان يتصالح مع المسلمين و يتفق معاهم علي اتفاق

🌻اتفاق علي الصلح بين المسلمين و الكفار ....

🌼و سموه صلح الحديبية ...
علي اسم المكان اللي قعد فيه سيدنا محمد والمسلمين ....

🌻الراجل اللي من الكفار قال لسيدنا محمد و المسلمين ...

🌼انا جاي اتفق معاكم إنكم تعملوا عمرة بس بلاش المرة دي ...

🌻عشان لوانتم يا مسلمين دخلتم مكة المرة دي و عملتم العمرة ..
كده الناس كلها هتضحك علينا إحنا الكفار و هيقولوا إن إحنا ضعفاء و سيبناكم تدخلوا عشان مش عارفين نحاربكم ....

🌼انا هتفق معاكم إنكم تيجوا السنة الجاية تعملوا عمرة ...

🌻وتدخلوا مكة في سلام وأمان و محدش مننا إحنا الكفار يضايقكم و لا يؤذيكم ...
سيدنا محمد وافق علي الشرط ....
وكمان اتفقوا إن الكفار و المسلمين مش هيحاربوا بعض لمدة 10 سنين ...الناس تعيش في أمان ...

🌼بس الراجل من الكفار قال أنا كمان عندي شرط ...لو أي حد مننا إحنا الكفار بقي طيب و مسلم ...وراح عندكم المدينة من غير إذننا ما توافقوش يعيش معاكم .. و رجعوه عندنا !!!

🌻يااااه شرط صعب أوي ...بس المسلمين وافقوا

🌼وقالوا مش مشكلة ..ممكن أي حد يبقي مسلم في السر ومن غير ما ييجي عندنا المدينة و يفضل في مكة ...

🌻بس بقوا زعلانين و قلوبهم فيها حزن
لأنهم كان نفسهم يروحوا عند الكعبة و يطوفوا و يعملوا عمرة ويصلوا و يذكروا ربنا

🌼سيدنا محمد قالهم هنرجع خلاص للمدينة

🌻سيدنا محمد قام و دبح "الهدي" بتاعه ... و حلق شعره ... و المسلمين عملوا زي سيدنا محمد حلقوا شعرهم

🌼ودبحوا "الهدي" بتاعهم ووزعوا لحمها ورجع المسلمين مع سيدنا محمد و معاهم عثمان ابن عفان للمدينة ...البلد الطيب الجميل .......


🌻وبعد لما عدت سنة ....

🌼رجع المسلمين و سيدنا محمد لمكة حسب الاتفاق

🌻ودخلوا مكة في سلام و أمان .... عشان يعملوا العمرة ...

🌼وكانت قلوبهم مليانة فرحة و سعادة و هما بيصلوا و يطوفوا عند الكعبة....و ماحدش من الكفار بيضايقهم ولا يؤذيهم في مكة عشان ده الاتفاق ... اللي عملوه عند الحديبية ...صلح الحديبية ... و زي ما سيدنا محمد عليه الصلاة والسلام ما شاف في الحلم (الرؤية) المسلمين عملوا عمرتهم من غير ما حد يقدر يضايقهم و عبدوا ربنا و صلوا في سلام و أمان

🌻و رجعوا المدينة تاني مبسوطين بنعمة ربنا .

🌼اللهم صل علي سيدنا محمد

🌻 وهنشوف بكرة ان شاء الله إيه اللي هيحصل بعد كده

🌼 تصبحوا على خير يا حلوين

🌻🌼🌻🌼🌻🌼🌻🌼🌻🌼🌻
إقرأ 📚 وانشر 📬 تُؤْجَرْ
https://www.tg-me.com/seerawqass

#سيرة_امهات_المؤمنين

🌛الحلقة 15🌜

🌛تابع السيدة خديجة🌜

🌻كان ياما كان و مايحلي الكلام
إلا بذكر النبي .... محمد عليه الصلاة و السلام ..

🌼اللهم صل علي سيدنا محمد

🌻وتاني حاجة سألوا عليها الكفار كانت الخضر و سيدنا موسى لما قوم سيدنا موسى جم و سألوه مين اكتر واحد عالم وبيفهم في الارض فرد سيدنا موسى بسرعة و قالهم انا طبعا

🌻فربنا زعل من سيدنا موسى علشان هو جاوب من غير ما يسأله

🌻و قاله ان في حد اكتر منك علم و بيعرف اكتر منك اسمه الخضر روح دور عليه لغاية متلاقيه و اتعلم منه و سافر سيدنا موسى

🌻و قعد يدور على الخضر لغايه ما لقاه و طلب منه اإه يعلمه علشان ربنا قاله إنه هو أعلم أهل الارض

🌻فرد الخضر و قاله أنا موافق اني أعلمك بس عندي شرط واحد

🌻مهما عملت متسألش ليه و متعترضش على كلامي

🌻لكن سيدنا موسى مسمعش الكلام و أول ما ركبوا السفينه خرمها الخضر و راح سيدنا موسي قاله إنت كده هتخلي الناس تغرق ومش هيعرفوا يصطادوا علشان يأكلوا ولا هيلاقوا سفينة تانية تنقلهم

🌻رد عليه و قاله لأ انا كده بحميهم علشان في ملك على الناحية التانيه من النهر و بيدور على السفن السليمه و ياخدها من الناس بالعافية لأنه ملك ظالم

🌻فكده أما يشوف السفينه مخرومه مش هياخدها و أصحاب السفينه هيعرفوا يصلحوا السفينه بسهوله

🌻بس إنت كده خالفت الشرط يا موسى و اتكلمت

🌻فرد عليه موسى و قاله أُعذرني أنا اسف مش هعمل كده تاني

🌻و مشيوا شويه و راح الخضر لقى ولد صغير و قتله

🌻فراح سيدنا موسي قاله انت ازاي تقتل الولد كده حرام

🌻فرد عليه الخضر و قاله ربنا كان عايز يديهم ولد طيب ياخد باله منهم و يبعد الولد الشرير ده عنهم

🌻بس على فكره يا موسى انت مسمعتش الكلام بردو و اتكلمت

🌻فرد عليه موسى وقال له خلاص انا اسف دي اخر مره لو اتكلمت تاني متعلمنيش حاجة تانية خالص

🌻فمشيوا شويه لحد ما وصلوا قريه و أهل القريه كانوا بخلاء ومش راضين يعطوا لموسى والخضر ولا أكل ولا ميه

🌻لحد ما لقوا سور مكسور و بدأ الخضر يبنيه ويصلحه

🌻فراح موسى قاله انت بتبني كده من غير فلوس و هما مش راضين يعطوا لنا ولا غداء و لا ميه

🌻فرد عليه الخضر و قاله كده خلاص يا موسى إنت مش هتكمل معايا الطريق لأنك مش عارف تصبر و أنا هحكيلك ليه أنا بعمل كده

🌻السور ده تحته كنز و الكنز ده لولدين أيتام و لو كنت تركت السور ينكسر كان ممكن اي حد ياخد الكنز ده

🌻فربنا أمرني إني أبنيه لحد ما يكبروا و ياخدوا الكنز بتاعهم

🌻و القصه دي علمت المسلمين و الكفار حاجه مهمه اوي..حد عرفها يا ولاد ؟

🌻علمتهم ان ساعات الحاجة اللي بتحصل قدامنا بنكون فاكرينها شر بس ربنا بيكون مخبي وراها خير

🌻فربنا هو اللي بيعرف و احنا منعرفش و بكده ربنا ادى امل للمسلمين انهم هينتصروا على الكفار حتى لو فات شويه وقت

🌼وكمان علمتنا حاجة تانية مهمة إننا لازم نصبر ومش لازم نفضل كل شوية نسأل المدرس على حاجات لأنه هو أكيد هيقولها لما يخلص شرح وبعد لما يخلص الدرس ممكن أسأل على الحاجات اللي مش عارفها

🌻و القصه الثالثة اللي سألوا عليها الكفار كانت عن ذي القرنين؟؟!!

🌻و ده كان ملك قوي جدا و معاه جيش كبير جدا

🌻و كان وظيفه الملك ده إنه ياخد الجيش بتاعه ويبحث ويدور على الناس اللي محتاجة مساعده علشان يساعدهم

🌻و ينصر المظلوم و يعاقب الظالم لدرجه انه بنى سور عالي أوي علشان يحمي الناس الضعفاء من الكفار الأقويا

🌻و ده بيعلمنا و بيعلم المسلمين في مكه ان ربنا بعتلهم الرسول علشان ينقذهم من الكفار

🌻و بعد ما الرسول جاوب على الأسئله دي كلها فرح المسلمين و اتغاظ الكفار اكتر

🌻و زاد أذى الكفار للمسلمين فربنا نزل سوره الزمر اللي بتقول للمسلمين إن أرض الله كبيره يالا روحوا هاجروا فيها علشان تحافظوا على دينكوا من الكفار زي ما أهل الكهف عملوا

🌻و في رجب سنه 5 من النبوة سافرت أول مجموعة من الصحابة الى الحبشه اللي ملكها كان اسمه النجاشي

🌻و كان ملك عادل مفيش حد عنده بيتظلم

🌻و اول مجموعة من المسلمين سافروا كان عددهم 12 راجل و 4 ستات و كان المسؤول عنهم سيدنا عثمان و بنت الرسول السيده رقيه

🌻و الرسول قال لهم إن ده اول بيت مسلم يهاجر في سبيل الله بعد سيدنا إبراهيم و سيدنا لوط لما هاجروا علشان يبعدوا عن الكفار

🌻و وقفت السيده خديجه علشان تودع وتسلم على بنتها و هي بتعيط لكن بردو كانت صابره و عارفه ان ربنا هينصر المسلمين في الاخر

🌼يا ترى إيه اللي حصل للمسلمين في الحبشة ومكة بعد كده

🌻هنعرف بكرة علشان دلوقتي جه معاد النوم

🌻تصبحوا على خير يا حلوين

🌻اللهم صل على سيدنا محمد
🌻🌼🌼🌻🌼🌻🌼🌻🌼🌻
إقرأ 📚 وانشر 📬 تُؤْجَرْ
https://www.tg-me.com/seerawqass