#سيرة_امهات_المؤمنين

🌛الحلقة 10🌜

🌛تابع السيدة خديجة🌜

🌻كان ياما كان و مايحلي الكلام
إلا بذكر النبي .... محمد عليه الصلاة و السلام ..

🌼اللهم صل علي سيدنا مُحَمَّد

🌻قلنا إمبارح عايزين نعرف أكتر إزاي وقفت أمنا خديجة بجانب الرسول صل الله عليه وسلم وطبعاً هي أمنا لأن ربنا قال لنا إن كل زوجات الرسول أمهاتنا ولازم نعاملهم أحسن ما بنتعامل مع أمهاتنا ونحترمهم ودائماً نتكلم عليهم كويس وندافع عنهم لو حد إتكلم عليهم وحش

🌻لسة مكملين مع أُمنا السيده خديجه

🌻انتوا عارفين يا ولاد ايه اللي خلى السيده خديجه توافق على سيدنا محمد و تتزوجه

🌻أصلها زمان حلمت حلم غريب اوي

🌻حلمت ان الشمس بتقع في بيتها

🌻 و بعد ما قامت من النوم كانت مش فاهمه اذا كانت دي حاجة كويسه ولا وحشه

🌻فاحتارت تسأل مين ومكنش في حد بيفهم في الحاجات دي غير ابن عمها ورقه بن نوفل

🌻فراحت له و حكت له الحلم

🌻فابتسم و قالها ابشري يا خديجه (يعني افرحي ) شمس النبوة هتشرق في بيتك

🌻فخرجت الطاهرة و ده كان لقب السيده خديجه اللي الناس بتنادي عليها به في مكة

🌻و في يوم من الايام كان عندهم عيد في مكه فخرجت السيده خديجه مع صاحبتها للكعبه و طافت حواليها وقعدوا يدعوا

🌻و بعد ما خلصوا طواف قعدوا يتكلموا زي ما إحنا بنعمل بعد صلاة العيد

🌻و لقوا واحد يهودي قاعد يصرخ و يقول يا معشر نساء قريش يعني بينادي على الستات اللي في الكعبة يا ترى بينادي عليهم ليه؟؟

🌻كان بيقول لهم إن الوقت ده موعد ظهور نبِّي آخر الزمان لأن ربنا كان كاتب لهم في كتابهم اللي اسمه التوراة إنه هيظهر في الوقت ده

🌻وقال لهم الشاطرة فيكم اللي تعرف تتزوجه

🌻كل النساء قعدوا يضربوه بالطوب الا خديجه كانت قاعده تسمع..عارفين ليه ؟

🌻علشان الحلم اللي هي حلمته

🌻و فضلت تحلم انها تقابل نبي اخر الزمان وإنه يكون زوجها

🌻و كانت امنا خديجه عارفه محمد بن عبد الله من الاول لأن عمته صفية بنت عبد المطلب كانت زوجة اخوها العوام بن خويلد

🌻و كانت صفيه دايما تحكيلها عنه وعن أخلاقه الجميلة و بدأت السيده خديجه تربط الحلم بتاعها بكلام عمة الرسول صفية

🌻و أول لما جه أبو طالب عم الرسول علشان يقولها تشغله معاها في التجاره

🌻وافقت السيده خديجه انها تشغله

🌻 و بعد لما سمعت الكلام اللي غلامها ميسره قالوا لها بعد ما رجعوا من رحلة الشام

🌻أكيد..فاكرين قال لها إيه ؟

🌻ايوه هو اللي خرج مع سيدنا محمد في اول رحله تجاره للسيده خديجه و حكى لها على قصه الراهب اللي قابلوه في الرحله

🌻لما كان سيدنا محمد نايم تحت الشجره و اما الراهب سأل ميسره عنه

🌻فقاله ده رجل من قريش اسمه محمد بن عبد الله

🌻فقاله مفيش حد نام تحت الشجرة دي الا وكان نبي

🌻و ده اكد للسيده خديجه ظنونها انه هيكون له شأن كبير و انه هيكون نبي

🌻و طبعا ده غير السحابه اللي كانت ماشيه فوقه علشان تحميه من الشمس زي ما حكينا قبل كده

🌻فلما حكت لصاحبتها نفيسه عن كل الحاجات دي فهمت نفيسه ان امنا خديجه عايزة تتجوزه و راحت كلمته زي ما حكينا قبل كده

🌻و القصه اللي حكيناها النهرده دي هي اللي خلت السيده خديجه متأكده ان سيدنا محمد رسول

🌻وهو ده السبب اللي شجعها أكتر إنها تقف جنب الرسول في الوقت اللي اغلب الناس واقفين ضده

🌻طبعا مش ده بس هو السبب اللي خلاها متأكده إنه نبي

🌻 كمان لانها لما اتزوجت سيدنا محمد شافت اخلاقه الكويسه و عقله الكبير و ازاي بيقدر يحل كل المشاكل و ازاي دايماً رأيه بيطلع صح وإزاي بيعامل الناس كلها حلو

🌻علشان كده كانت أمنا خديجه زوجه مثاليه و عرفت إزاي تُدخل السعادة على أسرتها زوجها و أولادها

🌻و مش بس هي دي عيلتها ده كان في اتنين مهمين عايشين معاهم اللي هما ابن عم الرسول علي بن ابي طالب اللي السيده خديجه كانت أم حنينه وعطوفة ليه

🌻لأن عم الرسول كان عنده ولاد كتير فسيدنا محمد أخد سيدنا علي علشان يربيه

🌻و ده كان اول واحد من الاولاد آمن بالرسول

🌻و التاني كان مولى السيده خديجه زيد بن حارثه..يعني ايه مولى ؟
يعني واحد بيخدمها ويكون تحت أمرها وكانوا بيسموه مولى أو عبد

🌻في يوم من الأيام زيد خرج مع أمه و هو صغير وكانوا رايحين يزوروا عيلة أمه

🌻 و هما في الطريق طلعت عليهم عصابه حراميه و اخدت زيد من أمه و باعوه في سوق اسمه عُكاظ جنب مكه

🌻و اشتراه واحد اسمه حكيم ابن حزام وحكيم أعطاه هديه لعمته خديجه

🌻 ولما حست أُمنا خديجه إن سيدنا محمد بيحب زيد

🌼أعطت السيدة خديجة زَيْد لسيدنا محمد

🌼يا ترى إيه اللي حصل بعد كده وايه هي قصةسيدنا محمد مع زيد

🌼هنعرف بكرة ان شاء الله

🌼اللهم صل علي سيدنا مُحَمَّد
🌻🌼🌻🌼🌼🌻🌼🌻🌼🌻
إقرأ 📚 وانشر 📬 تُؤْجَرْ
https://www.tg-me.com/seerawqass

#قصص_الأنبياء_للأطفال

🪴الحلقة 19🪴

🌴قصة موسى عليه السلام🌴

🌻كان ياما كان و مايحلي الكلام
إلا بذكر النبي .... محمد عليه الصلاة و السلام ..

🌼اللهم صل علي سيدنا مُحَمَّد

🌻 بعد ان دعى سيدنا موسى و قال ربي اغفر لي ولأخي وأدخلنا في رحمتك وأنت أرحم الراحمين

🌻نظر سيدنا موسى الى قومه الذين عبدوا العجل الذهبي

🌻 وقال لهم لماذا فعلتم ذلك؟؟
هل جزاء الإحسان الا الإحسان

🌻لقد أنعم الله عليكم و نصركم على أعدائكم و وعدكم بالجنه إن عبدتموه حق عبادته

🌻و لكنكم عبدتم العجل بمجرد ان غبت عنكم اربعين يوما فقط

🌻 فأنتظروا غضبا من الله و ذلة في الحياة الدنيا

🌻ثم توجه الى السامري الذي صنع العجل الذهبي و سأله لماذا صنعت هذا العجل؟؟

🌻و قال له لأني فهمت ما لم يفهمهوا فسولت لي نفسي فأخذت قبضة من التراب

🌻الذي سار عليه جبريل بفرسه و اأقيتها على الذهب ثم صنعت هذا العجل و امرتهم ان يعبدوه فعبدوه

🌻فحكم عليه سيدنا موسى بالوحدة في الدنيا و ان يعيش منبوذا محتقرا لا يلمس شيئا

🌻لأنه كان يريد ان يصبح زعيما مشهورا يتبعه الناس و يحترمونه لذلك حكم عليه بالوحدة لأن الجزاء من جنس العمل

🌻و هذا العجل سوف يتم حرقه و إلقائه في النهر

🌻و قد حرقه سيدنا موسى ليتحول الى رماد حتى يروا بني إسرائيل تفاهة العجل الذي عبدوه

🌻و من عجيب صنع الله ان كل الذين عبدوا العجل اصفرت وجوهم عندما شربوا من ماء النهر و اصبحت وجوههم باهته مثل لون الذهب

🌻و كل هذه الأحداث مذكورة في سورة طه

🌻وأخبر سيدنا موسي الذين عبدوا العجل ان امامهم حل واحد للتوبه و هو ان كل مؤمن أطاع الله ولم يعبد العجل من بني إسرائيل يقتل كل من عصى الله و عبد العجل

🌻و هذا معنى فاقتلوا أنفسكم المذكورة في سورة البقرة

🌻و قد حمل من لم يعبد العجل في أيديهم السيوف

🌻و جعل الله الجو ضبابا حتى لا يعرف القريب قريبه

🌻ثم قتلوهم في يوم واحد

🌻 تم قتل سبعين الفا من عبدة العجل

🌻و بعد ان تم قتل الكفار الذين عبدوا العجل عاد سيدنا موسى الى دعوته

🌻و بدأ يقرأ لهم التوراه و امرهم ان يطيعوا الله و يأخذوا كل الاحكام بقوة

🌻و لكنهم اشترطوا على سيدنا موسى ان تكون الاوامر و النواهي سهلة حتى يقبلوا بها و الا فلن يطيعوه

🌻فقال سيدنا موسى لابد من قبولها كاملة كما هي و لكنهم رفضوا

🌻فأمر الله الملائكة برفع الجبل فوق رؤوسهم فأصبح الجبل كأنه غمامة فوقهم

🌻و قيل لهم إن لم تقبلوا بكل ما في هذه الالواح من اوامر سوف يسقط الجبل فوقكم

🌻فقبلوا ذلك خوفا من ان يسقط الجبل فوقهم و امرهم بالسجود فسجدوا

🌻و لكنهم و هم يسجدون كانوا ينظرون إلى الجبل بنصف وجوههم خوفا ان يسقط عليهم

🌻فصارت سنه اليهود حتى الآن ان يسجدوا بهذه الطريقه و يقولوا لا اعظم من سجدة رفع الله بها عنا العذاب

🌻وهذا يوضح طبيعة بني إسرائيل و عنادهم و استكبراهم مع الأنبياء والرسل

🌻و انهم لا يطيعون الاوامر الا بالتهديد و الشده و لكن كان لابد من اعطائهم درس على رفضهم اوامر الله

🌻و لذلك إختار سيدنا موسى سبعين رجلا ليذهبوا معه للقاء الله

🌻و غدا إن شاءالله سوف نعرف ماذا حدث مع هؤلاء السبعون و كيف تصرفوا؟؟

🌻تصبحوا على خير يا حلوين🌻

🌼اللهم صل علي سيدنا مُحَمَّد
🌻🌼🌻🌼🌻🌼🌻🌼🌻🌼🌻
إقرأ 📚 وأنشر 📩 تُؤجر
https://www.tg-me.com/seerawqass

#السيرة_النبوية_للأطفال

🌙تابع الحلقة27🌙

🌛من سيرة الرسول للأطفال🌜

🌻 كان يا ما كان و ما يحلى الكلام إلا بذكر النبي عليه الصلاة والسلام🌼
🌻 ولادي حبايبي دايما لما بيسمعوا اسم سيدنا محمد يردوا🌼
🌻 علطووووووول.....عليه الصلاة و السلااااااااااام🌼

🌻 ممتازييييييييييييين🌼

🌻 وخلص المسلمين حفر الخندق ....وعملوا الحفرة الضخمة الطويلة ....

🌼 سيدنا محمد قال للأطفال والستات يفضلوا جوة البيوت في المدينة و ما يخرجوش ... عشان يحميهم من الأشرار ...
و ما حدش يؤذيهم

🌻 والرجالة المسلمين الأقوياء هيقفوا عند الخندق يستنوا الكفار الأشرار ....
ومش هيخلوا حد من الكفار يعرف يدخل المدينة .

🌼 جيش الكفار و اليهود الضخم وصل لغاية المدينة ...بصوا قدامهم لقوا الخندق !!!

🌻 ياااااااه دي حفرة ضخمة جدا و طويييييلة جدا جدا.... مش هيعرفوا يعدوها أبدا !

🌼 فضل جيش الكفار الضخم واقف يفكر....

🌻 كل لما حد من الكفار يحاول يعدي الخندق...أو ينط بالحصان بتاعه ..
يلاقي الجنود المسلمين الأقوياء الناحية التانية بيضربوهم بالسهام ...


🌼 فكر الكفار يعملوا طريق ..عشان يعدو الحفرة ... بس كل لما يحاولوا يقربوا ...
يلاقوا المسلمين الأقوياء بيضربوهم بالسهم من الناحية التانية

🌻 جيش الكفار الضخم مكنش راضي يمشي برضه ....و فضلوا قاعدين ... مصممين يؤذوا المسلمين و يحاربوهم
عملوا خيام ... و قعدوا فيها مستنيين أي فرصه يهجموا فيها علي المسلمين

🌼 وكل لما يحاولوا يعدوا الحفرة .... يفشلوا ....

🌻 المسلمين كانوا علطول واخدين بالهم ...

🌼 عارفين جيش الكفار فضل قاعد قد إيه؟
شهر .... تخيلوا شهر كامل

🌻 المسلمين مش بيرجعوا بيوتهم ولا بيرتاحوا و قاعدين حولين الخندق ...
..وواخدين بالهم من كل حركة بيعملها الكفار ...

🌼 وفضلوا يدعوا ربنا (اللهم استر عوراتنا و آمن روعاتنا )

🌻 سيدنا محمد فضل يدعي ربنا إنه يهزم الكفار و ينصر المسلمين وكان بيدعي ويقول

🌼 "اللهم منزل الكتاب ..سريع الحساب ...اهزم الأحزاب... اللهم اهزمهم و زلزلهم "

عارفين إيه اللي حصل ؟🌻

🌻 ربنا بعت رياح ....رياح قوية جدا جدا و قطعت خيامهم
..... وكبت أكلهم... وطيرت كل حاجتهم ...و التراب ملى وشوشهم

.الكفار حسوا إن الرياح دي ربنا بعتها عشان تعذبهم ...

🌼 ربنا خلي الكفار يحسوا بالذعر و الخوف ......

🌻 فهربوا بسرعة ....و رجعوا لمكة خايفين
رجع الجيش الضخم مهزوم و خاااااايب.

🌼شايفين يا ولادي ؟

🌻 اتجمع كل الأشرار ....الكفار مع اليهود ...الناس اللي جوة مكة والناس اللي برة مكة ...

🌼 كل القوة الشريرة اللي بتكره المسلمين اتجمعت وعملوا جيش ضخم وقوي عشان يحاربوا دين ربنا الإسلام🌻

🌻 يحاربوا الرسول والمسلمين .... بس مهما كانوا كتير ومهما كانوا أقوياء مش هيقدروا يكسبوا

🌼عشان ربنا أقوي منهم وهيساعد المسلمين اللي بيطيعوا ربنا وبيحبوه وبيعبدوه و بيسمعوا كل أوامره.

🌻 ربنا هزم جيش الكفار الضخم ...و خلي قلوبهم تتملي بالرعب و يهربوا من المسلمين .... من غير ما يحاربوهم
و نصر المسلمين لأنهم بيعبدوا ربنا وبيصلوا لربنا وبيدعوه عشان ينصرهم🌼

🌻وبيعملوا كل جهدهم وكل أفكارهم الذكية و بيستحملوا كل التعب عشان يحافظوا علي دينهم ...

🌻 فربنا هيخليهم يكسبوا وكمان يدخلهم جنته ...برحمته🌼

🌻 وهنشوف بكرة ان شاء الله إيه اللي هيحصل بعد كده

💕اللهم صل علي سيدنا محمد ....
اللهم ارزقنا حبك و رضاك💕

🌼 تصبحوا على خير يا حلوين

🌻اللهم صل علي سيدنا محمد
🌻🌼🌻🌼🌻🌼🌻🌼🌻
إقرأ 📚 وانشر 📬 تُؤْجَرْ
https://www.tg-me.com/seerawqass

#سيرة_امهات_المؤمنين

🌛الحلقة 11🌜

🌛تابع السيدة خديجة🌜

🌻كان ياما كان و مايحلي الكلام
إلا بذكر النبي .... محمد عليه الصلاة و السلام ..

🌼اللهم صل علي سيدنا محمد

🌻و دلوقتي يا حبايبي الحلوين هنعرف قصة سيدنا محمد مع زيد اللي اخده هدية من امنا خديجة

🌻 زيد كان بيروح في كل حته مع سيدنا محمد و كان بيحبه جدا

🌻و لما جه موسم الحج جم ناس من عيلة زيد و شافوه في مكه و اما رجعوا لبلدهم قالوا لابوه الحارثه انهم وجدوا ابنه في مكة

🌻فبسرعة سافر حارثه على مكه و راح يقابل سيدنا محمد

🌻قاله ابننا موجود عندك ممكن ترجعه لينا و انا عارف انك سيد في قومك و ابن عيله كبيره و انتم اهل الحرم اهل كرم و انا مستعد اني ادفع اي فلوس انتوا عايزينها

🌻فرد الرسول و قاله انا مش عايز فلوس لكن احنا ممكن نجيب زيد و نسأله و هو حر يختار اللي هو عايزه

🌻ففرح ابو زيد لأنه اكيد هيختار أبوه

🌻ولما جه زيد سأله الرسول انت عارف مين الناس دي

🌻قاله ايوه ده أبويا و ده عمي

🌻قاله و انت عارف انا مين و انا بحبك قد ايه

🌻و دلوقتي انت ليك حريه الاختيار يا اما تروح ما اهلك يا اما تقعد معايا

🌻رد عليه و قاله اكيد هختارك انت و مش هفضل عليك حد ..انت حسستني انك ابويا و كل اهلي

🌻قاله ابوه ازاي تختار انك تفضل خادم عندهم و مترجعش لأهلك

🌻قاله هما عمرهم ما حسسوني اني خادم

🌻و فرح سيدنا محمد و خده من ايديه و راحوا عند الكعبه علشان هو ده المكان اللي بيكون في ناس كتير

🌻و قال بصوت عالي اسمعوني كلكوا من النهرده زيد ابني يورثني و اورثه و من دلوقتي بقى اسمه زيد بن محمد

🌻و ده كان اول من أسلم من الموالي

🌻و بعد ما سيدنا محمد بقى الرسول خطب زيد لزينب بنت جحش و هي بنت عم الرسول رضي الله عنها و امها اميمه بن عبد المطلب

🌻و فضلت مراته لغايه ما ربنا نزل سوره الاحزاب وقال فيها ان التبني حرام و أمر زيد انه يطلق زينب و يتزوجها الرسول

🌻و طبعا المنافقون قعدوا يقولوا ان الرسول اتجوز زوجة ابنه

🌻لكن في الحقيقه هو مش ابنه و كمان السيده زينب مكنتش بتحبه و كانت دايما بتتخانق معاه وهو دايما كان بيشتكي للرسول منها و فضلوا سنه كاملة يتخانقوا

🌻و ربنا قاله في سوره الاحزاب "و تخفى في نفسك ما الله مبديه"

🌻و ده مش معناه ان الرسول كان عايز يتجوزها لكن علشان هو كان خايف ان زيد يزعل منه و كان بيقوله اتقى الله و امسك عليك زوجك فربنا أنزل الآيه دي

🌻و طبعا الحكمه من كده هو تحريم عادة التبني

🌻و لسه في حاجات تانيه كتير عايزين نعرفها عن حياه أمنا خديجه وسيدنا محمد لأنه حصلهم حاجات كتير قبل و بعد الإسلام

🌻يا ترى ايه اللي حصل بعد كده للرسول و السيدة خديجة

🌻و ياترى هيعرف الرسول يوصل الإسلام للناس

🌻و ازاي وقفت جنبه زوجته خديجه

🌻هنكمل بكرة إن شاء الله

🌻لأن دلوقتي جه وقت النوم

🌻تصبحوا على خير يا حلوين

🌼اللهم صل علي سيدنا محمد
🌻🌼🌻🌼🌻🌼🌼🌻🌼🌻
إقرأ 📚 وانشر 📬 تُؤْجَرْ
https://www.tg-me.com/seerawqass

#قصص_الأنبياء_للأطفال

🪴الحلقة 20 🪴

🌴قصة موسى عليه السلام🌴


🌻كان ياما كان و مايحلي الكلام
إلا بذكر النبي .... محمد عليه الصلاة و السلام ..

🌼وأولادي اللي بيحبوا سيدنا محمد أكتر واحد في الدنيا كلها ..

🌻لأنه بيعلمهم كل الخير و بيعرفهم إزاي يكونوا في أحسن مكان ... جنة ربنا
هيقولوا بأحلي صوت :

🌼اللهم صل علي سيدنا مُحَمَّد

🌻 اختار سيدنا موسى سبعين رجلا وانطلقوا الى لقاء الله

🌻حتى يسألوا الله التوبة و انطلقوا الى جبل طور سيناء

🌻 ولما دنى سيدنا موسى من الجبل أنزل الله الغمام حول سيدنا موسى فغطاه بالكامل

🌻وقال لقومه اقتربوا و كان سيدنا موسي إذا كلمه الله وقع على جبهته نور ساطع لا يستطيع أحد النظر إليه

🌻وعندما دخل السبعين رجل الى الغمام سمعوا الله سبحانه و تعالى و هو يكلم سيدنا موسى يأمره و ينهاه

🌻 و لما انتهى كلام الله و خرج سيدنا موسي من الغمام

🌻أقبل إليه السبعين رجل وقالوا له لن نؤمن لك حتى نرى الله جهرة ووجها لوجه

🌻وهنا غضب الله عليهم وأخذتهم الرجفه و هي الصاعقة فماتوا جميعا

🌻فقام سيدنا موسى يدعو الله فقال ربي إن شئت أهلكتهم من قبل و إياي

🌻أتهلكنا بما فعل السفهاء منا إن هي الا فتنتك تضل بها من تشاء و تهدي من تشاء

🌻أنت ولينا فاغفر لنا وارحمنا وأنت خير الغافرين واكتب لنا في هذه الدنيا حسنة و في الآخرة إنا هدنا اليك

🌻و بعد هذا الدعاء رضي الله عن سيدنا موسى و غفر لقومه وأحياهم بعد موتهم

🌻و نزلت الآيات التي تدل على هذا الموقف و التي تبشر بنبوة سيدنا محمد
~الاعراف 155 الى 157 و البقرة 55 الى 56 و طه 90 و الزغرف 54

🌻وبعد رجوعهم من هذا اللقاء حدثت قصة أخرى حيث كان رجل كثير المال و كبير السن و كان عنده أبناء أخ و كانوا يتمنون موته ليرثوه

🌻وجاء أحدهم فقتله في الليل و رماه في الطريق

🌻فلما أصبح الناس اتهموا بعضهم البعض بقتله

🌻و جاء ابن اخيه القاتل و جعل يصرخ فيهم و يتهم الآخرين

🌻فقال الناس يجب ان نذهب و نشتكي الى نبي الله موسى و هو يحكم بيننا في ما حدث

🌻وقالوا لسيدنا موسى إسأل ربك من القاتل؟؟

🌻فسأل سيدنا موسى ربه عز و جل فأمره الله أن يأمرهم بذبح بقرة

🌻فقالوا له أتتخذنا هزوا و تسخر منا فقال سيدنا موسى أعوذ بالله أن أكون من الجاهلين

🌻ولكن هذا ما أخبرني به رب العزة و لو أنهم ذبحوا اي بقرة وأطاعوا أمر الله لكان الأمر انتهى

🌻ولكنهم شددوا فشدد الله عليهم فسألوا عن سن وعمر هذه البقرة

🌻فقال لهم هي عوان يعني وسط بين الفارض الكبيرة والبكر الصغيرة

🌻فشددوا أكثر وضيقوا على أنفسهم أكثر و سألوا عن لونها

🌻فقال صفراء فاقع لونها اي صفراء مشربه باللون الأحمر تسر الناظرين لأن هذا اللون نادر

🌻فشددوا أكثر وسألوا عن وصفها

🌻فقال إنها بقرة ليست مذللة أو معدة لحرث الارض وسليمة و خاليه من العيوب

🌻لاشية فيها اي لا لون يخالف لونها الاصفر المشرب بالحمرة فقط و ليس فيها اي ألوان أخرى

🌻فقالوا الآن جئت بالحق لأنهم لم يجدوا الا بقرة واحدة بهذه المواصفات عند رجل كان بارا بأبيه

🌻فطلبوها من صاحبها فرفض بيعها الا بوزن جلدها ذهب

🌻فأخذوا جلد البقرة و ملئوه بالذهب و اشتروا البقرة من صاحبها

🌻وأمرهم سيدنا موسى أن يذبحوها ثم أمرهم بضرب الرجل المقتول بجزء منها يقال فخذها ويقال غيره

🌻فلما ضربوه أحياه الله تعالى فسأله سيدنا موسى من قتلك قال قتلني ابن أخي هذا وأشار إليه ثم عاد ميتا مرة أخرى

🌻وشاهدوا بأنفسهم إحياء الموتى حتى يتأكدوا من قدرة الله سبحانه وتعالى على إحيائهم يوم القيامة

🌻ولكنهم ظلوا على كفرهم و عنادهم و عصيانهم لأوامر الله بعد ذلك وكأن شيئا لم يحدث

🌻وغدا إن شاءالله سوف نعرف قصة سيدنا موسى مع الخضر العبد العالم

🌻تصبحوا على خير يا حلوين🌻

🌻وصل اللهم وسلم على سيدنا محمد🌻

🌻🌼🌻🌼🌻🌼🌻🌼🌻
إقرأ 📚 وأنشر 📩 تُؤجر
https://www.tg-me.com/seerawqass

#السيرة_النبوية_للأطفال

🌙 الحلقة 28 🌙

🌛من سيرة الرسول للأطفال🌜

🌴اليهود ....يهود بني قريظة🌴

🌼كان ياما كان .... و ما يحلي الكلام إلا
🌻بذكر النبي عليه الصلاة و السلام ....
و بأعلي و أحلي صوت يرد ولادي ...
🌼عليه الصلاة و السلام ...

🌻رجع جيش الكفار الكبير الضخم لمكة رجع مهزوم وخايف🌼

🌻الكفار واليهود كانوا فاكرين إنهم لو عملوا جيش ضخم وكبير ...هيقدروا يهزموا المؤمنين اللي بيعبدوا ربنا🌼

🌻بس ربنا شاف المؤمنين بيدعوه و بيعبدوه وبيعملوا خططهم وأفكارهم وجهزوا كل قوتهم وتعبوا وجاعوا وكل ده وهما ثابتين و مصممين إنهم يكسبوا جيش الكفار

🌼فربنا بعت رياح قوية طيرت وكسرت كل حاجة في جيش الكفار وربنا خلا قلوبهم تتملي بالخوف والرعب وهربوا بسرعة خايبين و خسرانين🌼

🌻ورجع المسلمين لمدينتهم فرحانين بنصر ربنا🌼

🌻ورجعوا لبيوتهم وحطوا أسلحتهم ورجعوا شغلهم🌼

🌻بس فيه حاجة مهمة لازم المسلمين ياخدوا بالهم منها فيه خطر رهيب مستنيهم عارفين إيه ؟؟
اليهوووود🌼

🌻اليهود اللي كانوا في المدينة وخانوا وكذبوا علي المسلمين و ضحكوا عليهم وقالو لهم إحنا أصحاب وهنعيش مع بعض في أمان وسلام وراحوا في السر يتفقوا مع الكفار عشان يقتلونا إحنا المسلمين ما ينفعش نسيبهم أبدا لازم ياخدوا جزاءهم و يتعاقبوا علي خيانتهم🌼

🌻سيدنا محمد عليه الصلاة و السلام رجع بيته ... وحط سلاحه🌼

وبعدين لقي سيدنا جبريل عليه السلام ظهر ليه🌼

🌻وسأله : يا رسول الله .. انت حطيت (وضعت ) سلاحك خلاص؟🌼

🌻فسيدنا محمد قاله أيوه🌼

🌻فسيدنا جبريل قاله : ربنا بيخلي الملايكة تحارب و تساعد المؤمنين والملايكة اللي ربنا بعتها تحارب معاك في الخندق مش هترجع🌼

🌻لأن ربنا أمرها تكمل حرب علي الخاينين الكدابين اليهود🌼

🌻اليهود اللي خدعوا المسلمين الملايكة كلهم راحوا عند اليهود يهود بني قريظة🌼

🌻وهيملوا قلوبهم رعب و خوف من المسلمين ... فلازم كل المؤمنين يكونوا هناك 🌼

🌻سيدنا محمد عليه الصلاة و السلام جهز نفسه للحرب و خد سلاحه تاني وقال لكل المؤمنين :🌼

🌻كل واحد بيسمع كلام سيدنا محمد ويطيعه لازم يروح عند يهود بني قريظة فورا ويصلي العصر هناك🌼

🌻المسلمين الصالحين الشجعان نفذوا كلام سيدنا محمد و سمعوا كلامه فورا و خدوا أسلحتهم و راحوا عند يهود " بنو قريظة "🌼

🌻اليهود كانوا بيعيشوا جوه حصون ...
عارفين يعني إيه حصون ؟🌼

🌻يعني مبني كبير و مقفول ... و ليه بوابات 🌼

🌻ما حدش يعرف يدخلها إلا لو اليهود فتحوا ليه البوابات🌼

🌻المسلمين الشجعان اتجمعوا حوالين الحصن بتاع اليهود الخاينين🌼

🌻وقالو لهم إحنا مش هنمشي من هنا إلا لما نحاربكم و تاخدوا عقابكم علي خيانتكم و كدبكم🌼

🌻اليهود كان معاهم أسلحة كتير أوي أوي جوه الحصن بس ربنا بعت الملايكة ملت قلوب اليهود رعب وخوف من المسلمين🌼

🌻وخلتهم مش قادرين يحاربوا المسلمين ولا قادرين يمسكوا أي سلاح وفضل المسلمين قاعدين حولين الحصن 25 يوم ده اسمه حصار🌼

🌻واليهود مستخبيين في الحصن و عارفين إنهم كدابين و خاينين و جزاءهم يتقتلوا ومش قادرين ولا راضيين يحاربوا من كتر رعبهم🌼

🌻رئيس اليهود (كعب بن أسد) جمع اليهود في الحصن🌼

🌻وقالهم : أنا عندي 3 أفكار ... أختاروا منها فكرة🌼

🌻أول فكرة انتم عارفين وأنا عارف إن سيدنا محمد هو النبي اللي ربنا أختاره عشان يعلم الناس الصح و الحق والعدل إيه رأيكوا نسمع كلامه ؟ و نطيعه و نطيع ربنا و نبقي مسلمين طيبين ؟؟🌼

🌻اليهود قلوبهم مليانة عِناد و متكبرين ...ردوا عليه و قالوله : لأ..لأ.. إحنا هنفضل يهود .. وإحنا عارفين إنه النبي بس مش هنسمع كلامه أبدا🌼

🌻قلوبهم زي الحجر و مليانه عناد و تكبر ...حتي لو عارفين الصح و الخير ..برضه مش بيرضوا يعملوه🌼

🌻رئيس اليهود ( كعب بن أسد ) قالهم : طب هقولكوا تاني فكرة🌼

🌻إيه رأيكم نقتل ولادنا ؟ و زوجاتنا ؟
و أمهاتنا🌼

🌻و بعدين نروح نحارب المسلمين و إحنا عارفين إن مفيش عندنا أهل نخاف عليهم فنحارب بكل قوتنا و إحنا مش خايفين علي أهلنا بعد ما قتلناهم بنفسنا؟؟🌼

🌻رئيس اليهود(كعب ابن أسد ) من كتر الرعب بقي يقول أفكار مجنونة !!🌼

🌻اليهود ردوا عليه : طب إيه ذنب أهلنا نموتهم ؟
ولو كسبنا المسلمين هيبقي معندناش أهل كده ؟🌼

🌻رئيس اليهود(كعب ابن أسد ) قالهم :
خلاص هقولكوا تالت فكرة ... بكرة يوم السبت🌼

🌻يوم السبت عندنا إحنا اليهود أجازة و مش بنحارب فيه🌼

🌻والمسلمين عارفين إن إحنا اليهود مش بنحارب يوم السبت ...
إيه رأيكوا نفاجيء المسلمين و نهجم عليهم يوم السبت ؟؟؟🌼

🌼هنكمل بكرة إن شاء الله علشان نعرف اللي حصل🌻

🌻اللهم صل على سيدنا محمد
🌼🌻🌼🌻🌼🌻🌼🌻🌼
إقرأ 📚 وانشر 📬 تُؤْجَرْ
https://www.tg-me.com/seerawqass

#سيرة_امهات_المؤمنين

🌛الحلقة 12🌜

🌛تابع السيدة خديجة🌜

🌻كان ياما كان و مايحلي الكلام
إلا بذكر النبي .... محمد عليه الصلاة و السلام ..

🌼وأولادي اللي بيحبوا سيدنا محمد أكتر واحد في الدنيا كلها ..

🌻لأنه بيعلمهم كل الخير و بيعرفهم إزاي يكونوا في أحسن مكان ... جنة ربنا
هيقولوا بأحلي صوت :

🌼اللهم صلي علي سيدنا محمد

🌻و دلوقتي حبايبي الشاطرين هايقولولي مين هو اول واحد و واحده آمنوا بالرسول صل الله عليه وسلم

🌻ايوا برافو 👏🏼

🌻أول واحده أسلمت هي أمنا خديجه

🌻وأول راجل أسلم هو سيدنا أبو بكر صاحب الرسول

🌻وأول ولد أسلم هو سيدنا على بن ابي طالب بن عم الرسول

🌻وأول مولى أسلم هو سيدنا زيد بن الحارثه

🌻و طبعا بنات الرسول كلهم هما أول بنات أسلموا

🌻و فضلت عايشه الاسره دي بسعاده و اتحقق حلم السيده خديجه و علشان كده كانت بتعمل أي حاجه تخلي بيها الرسول وأولادها و كل الناس اللي عايشين معاها سعداء

🌻وعلشان هي كانت حاسه بالسعاده و علشان كده كانت عايزة تسعد اللي حواليها

🌻و في يوم من الايام خبط الباب..يا ترى مين اللي جه ؟

🌻فاكرين مين حليمة السعديه..ايوه برافو هي دي مرضعة الرسول

🌻وأول لما الرسول سمع صوتها رحب بيها و قالها أهلا بأمي و فرش لها سجاده تقعد عليها

🌻سألها الرسول عن اخبارها فشكت له من شده فقرها وسوء الأحوال

🌻فلما سمعت السيده خديجه ان مرضعه الرسول فقيره و محتاجه

🌻راحت أعطتها أربعين خروف و جمل كبير و روحت بيتها و هي سعيده

🌻و طبعا الرسول كان سعيد اكتر منها بكرم أمنا خديجه مع أمه ومرضعته

🌻و فضلت الاسره عايشه في سعاده و قرب الرسول من سن الأربعين زي ما قلنا قبل كده

🌻 و بقت تحصله حاجات كتير جدا في الوقت ده

🌻بدأ النبي يحكي لأمنا خديجه انه بيشوف ضوء و يسمع صوت و هو قاعد في غار حراء

🌻و كانت السيده خديجه بتسأل علطول ابن عمها ورقه بن نوفل عن اي حاجه بتحصل

🌻و كان بيقولها ان اللي بيجي ده هو سيدنا جبريل علشان يعلم سيدنا محمد

🌻و كان الرسول بيحلم كتير و أول ما يصحى الصبح يتحقق الحلم اللي هو حلمه بالضبط زي ما شافه

🌻و بعد ما سيدنا محمد شاف سيدنا جبريل و قاله اقرأ زي ما عرفنا في قصة سيدنا محمد

🌻الشياطين بدأت تتجسس وتسمع أخبار السماء لكن ربنا كان بيخلي النجوم و الشهب تحرقهم لو حاولوا يسمعوا ايه اللي بيحصل بين سيدنا محمد و سيدنا جبريل

🌻و في فتره كان النبي زعلان فيها قوي لأن سيدنا جبريل إتأخر عليه و مبقاش يجيء

🌻و في يوم من الايام و سيدنا محمد راجع من غار حراء شاف سيدنا جبريل قاعد على كرسي كبير قوي

🌻و كان الكرسي يملأ ما بين السما و الارض

🌻و نزلت سوره المدثر و بدأت دعوة الرسول للإسلام في السر علشان الكفار ميعرفوش

🌻و زي ما قلنا من شوية ان أهله و اصحابه اول ناس آمنوا بيه

🌻وأول واحد ساعد الرسول بعد السيده خديجه هو صاحبه سيدنا أبو بكر

🌻أول ما الرسول عرض عليه الإسلام أسلم علطول

🌻مش بس كده ده كمان راح يقول لصحابه علشان يؤمنوا بالرسول

🌻وهم سيدنا عثمان بن عفان و سيدنا الزبير بن العوام و ده كان ابن عمة الرسول صفية بنت عبد المطلب و عبد الرحمن بن عوف و سعد بن أبي وقاص و ده خال الرسول صل الله عليه وسلم و طلحه بن عبيد الله

🌻 كل دول دخلوا الإسلام على يد أبو بكر و من العشرة المبشرين بالجنه

🌻و بدأ النبي يتوسع بدعوة الناس للإسلام
بس ازاي توسع النبي بدعوته وازاي امنا خديجة ساعدته

🌻هنكمل بكرة إن شاء الله

🌻تصبحوا على خير يا حلوين🌻

🌻اللهم صل على سيدنا محمد
🌻🌼🌻🌼🌻🌼🌻🌼🌻
إقرأ 📚 وانشر 📬 تُؤْجَرْ
https://www.tg-me.com/seerawqass

#قصص_الأنبياء_للأطفال

🪴الحلقة 21 🪴

🌴قصة موسى عليه السلام🌴


🌻كان ياما كان و مايحلي الكلام
إلا بذكر النبي .... محمد عليه الصلاة و السلام ..

🌼اللهم صل علي سيدنا مُحَمَّد

🌻 في يوم من الايام قام سيدنا موسى يخطب في بني إسرائيل ليدعوهم الى الله ويرقق قلوبهم

🌻و كان حديثه رائعأاعجب جميع الحاضرين فقام واحد وسأله

🌻 هل هناك على وجه الارض احد اعلم منك يا نبي الله ؟

🌻فقال موسى عليه السلام لا

🌻فنزل سيدنا جبريل في تلك اللحظة ليخبر سيدنا موسى بأن الله عز وجل يعتب عليه انه لم يقل الله اعلم

🌻 ثم قال له جبريل ان الله يخبره ان عبدا من عباده في مكان ما يقال له مجمع البحرين هو اعلم منه

🌻هنا اشتاق سيدنا موسى عليه السلام لرؤية هذا الرجل الذي هو أعلم منه

🌻حتى يتعلم منه فسأل سيدنا موسى ربه كيف أصل إلى هذا الرجل

🌻فأمره الله ان يأخذ حوت ليأكل منه في سلة و يسير به في البحر

🌻فإذا جاءت اللحظة التي يعود فيها للحياه ويقفز في البحر ففي هذه اللحظة

🌻سوف يجد هذا العبد العابد و انطلق موسى عليه السلام في رحلته للبحث عن الرجل العالم

🌻وأخذ معه فتاه يوشع بن نون و هو صار نبي بعد سيدنا موسى

🌻فأنطلقوا يبحثوا عن الرجل و ليس لديهم اي علامه على مكانه سوى ان يعود الحوت للحياه ويقفز في البحر

🌻وكان عند سيدنا موسى إصرار في البحث عن هذا العالم حتى لو ظل يبحث عنه سنوات طويلة

🌻وصل سيدنا موسي هو و فتاه يوشع الى صخرة كبيرة بجوار البحر

🌻وقد تعبا من السفر و نام سيدنا موسي و بقى سيدنا يوشع يحرسه

🌻و فجأة جاءت موجة عاليه على الشاطيء و جاء بعضها على الحوت

🌻فرجعت إليه الحياه و قفز الى البحر

🌻وكانت هذه هي العلامة لتحديد مكان الرجل العالم

🌻وقام موسى من نومه و لم يعرف ما حدث و نسي يوشع ان يخبره

🌻و بدءوا يسيروا في البحر مرة اخرى و بعد ما مر يوم كامل

🌻قال سيدنا موسى لفتاه يوشع أحضر لنا الغذاء فقد شعرت بالتعب الشديد و الجوع

🌻وهنا تذكر يوشع ما حدث و قص عليه ما حدث عند الصخره وأعتذر منه لأن الشيطان أنساه أن يذكر له ما حدث عند الصخرة

🌻و رغم غرابة ما حدث حيث انه اخبر سيدنا موسى ان الحوت كان يترك ورائه أثر على الماء كأنه يسير على الرمال

🌻فرح سيدنا موسى و علم انه قد اقترب موعد لقائه بالرجل العالم

🌻و قال لفتاه هذا ما كنا نبغي و عادا يبحثان عن المكان الذي فيه الصخرة

🌻و بعد بحث طويل وصلوا الى ذلك المكان

🌻ووجدا رجلا مغطى بثوب فسلم عليه سيدنا موسى

🌻ورد عليه السلام و سأله من أنت ؟؟ فقال له أنا موسى

🌻فرد عليه الخضر و قال موسى نبي بني إسرائيل ؟؟ قال نعم

🌻قال وماذا تريد مني يا موسى؟؟ قال سيدنا موسى جئت إليك لتعلمني مما علمت رشدا

🌻فقال له يا موسى إني على علم من علم الله لا تعلمه انت و انت على علم من علم الله لا اعلمه انا

🌻فقال سيدنا موسى هل أتبعك على أن تعلمني مما علمت رشدا؟

🌻 فقال له الخضر إنك لن تستطيع معي صبرا فسوف تجد أشياء في تصرفاتي لن تفهمها ولن تصبر معي يا موسى

🌻و لكن سيدنا موسى أصر بتواضع شديد أن يتعلم منه ووعده أنه سيجده صابرا وأنه لم يعصي له امرا

🌻فوافق الخضر واشترط على سيدنا موسى شرطا و هو ألا يسأل عن شيء حتى يخبره هو عنه

🌻ووافق موسى على هذا الشرط وانطلقا معا في رحلتهما التعليميه

🌻وغدا إن شاء الله سوف نعرف ماذا حدث في تلك الرحلة!!

🌻تصبحوا على خير يا حلوين

🌼اللهم صل علي سيدنا مُحَمَّد
🌻🌼🌻🌼🌻🌼🌻🌼🌻
إقرأ 📚 وانشر 📬 تُؤْجَرْ
https://www.tg-me.com/seerawqass

#السيرة_النبوية_للأطفال

🌙 الحلقة 29🌙

🌛من سيرة الرسول للأطفال🌜

🌻كان يا ما كان و ما يحلى الكلام إلا بذكر النبي عليه الصلاة والسلام🌼
🌻ولادي حبايبي دايما لما بيسمعوا اسم سيدنا محمد يردوا🌼
🌻علطووووووول.....عليه الصلاة و السلااااااااااام🌼

🌻ممتازييييييييييييين🌼

🌻اليهود اللي ربنا ملأ قلوبهم رعب قالوله : لأ... لأ
مش هنحارب السبت🌼

🌻اليهود كان عندهم كل حاجة أسلحة كتير وأكل كتير و كان ممكن يحاربوا المسلمين بسهولة بس ربنا خلا قلوبهم مليانة رعب و جبن🌼

🌻و قالوا خلاص إحنا مش هنحارب ....
وفضلوا مستنيين عقاب المسلمين ليهم
وعرفواإنه هيكون أشد عقاب🌼

🌻شوية من المسلمين قالوا لسيدنا محمد : خلينا نحكم إحنا عليهم ..
سيدنا محمد قالهم : اللي هيحكم علي اليهود واحد منهم يعني كان يهودي وأسلم🌼

🌻واحد مسلم اتجرح في المعركة اتجرح بسبب خيانة اليهود و غدرهم🌼

🌻اللي هيحكم عليهم هو .... سعد ابن معاذ
المسلمين قالوا إحنا موافقين🌼

🌻جه سعد ابن معاذ .... و هو مش قادر يمشي🌼

🌻لأن رجله فيها جرح كبيييير بسبب سهم ضربوه عليه الكفار في المعركة🌼

🌻شوية مسلمين قالوله : احكم عليهم حكم خفيف يا سعد🌼

🌻بس سعد ابن معاذ رد عليهم و قال : أنا هحكم عليهم بالحق و العدل ... هحكم بالحكم اللي يرضي ربنا ...
فالمسلمين قالوا :إحنا موافقين🌼

🌻سيدنا سعد ابن معاذ قال : كل يهودي خان وكدب وساعد علي قتل المسلمين لازم يتقتل ...لكن الستات و الأطفال اليهود لأ مش هنقتلهم .. بس هنخليهم يشتغلوا و يساعدوا المسلمين .🌼

🌻سيدنا محمد عليه الصلاة والسلام قال لسعد ابن معاذ : إنت حكمت بالحق و العدل وده العقاب اللي ربنا أمرنا نعاقبهم بيه ... ده العقاب اللي يستاهله كل خاين و قاتل .
اليهود فتحوا بنفسهم باب الحصن🌼

🌻المسلمين دخلوا الحصن بتاع اليهود لقوا حاجة فظيعة .... !!!
لقوا اليهود مجمعين كل أنواع الأسلحة🌼

🌻أسلحة كتير جدا جدا جدا ...
سيووووووف ...ودروووووع ....
وسهاااام و حاجات كتير مجهزنها🌼

🌻مجهزنها عشان يهجموا علي أمهات و أطفال المسلمين لما يكون الرجالة المسلمين مشغولين في الحرب مع الجيش الضخم عند الخندق🌼

🌻بس ربنا هو اللي ملي قلوبهم رعب و خلاهم مش قادرين يحاربوا
رغم كل الأسلحة الكتيييير اللي معاهم 🌼

🌻المسلمين جمعوا اليهود الخاينين و قتلوهم🌼

🌻وارتاحوا من شرهم و مكرهم و خيانتهم و كذبهم🌼

🌻والحمد لله ربنا أنقذ المسلمين من شر اليهود و غدرهم🌼

🌻ورجع المسلمين يعيشوا في مدينتهم في سلاااام🌼

🌻أولادي حبايبي🌼

🌻اليهود اتفقوا مع المسلمين علي الأمان .. و أنهم يعيشوا مع بعض في سلام والمسلمين عمرهم ما أذوا اليهود بس اليهود الخاينين ضحكوا علي المسلمين و فضلوا يجمعوا كل أنواع الأسلحة في السر🌼

🌻واتفقوا مع الكفار علي قتل كل المسلمين ...
بس الحمد لله خطتهم فشلت ....و المسلمين عاقبوهم العقاب اللي يستهلوه🌼

🌻وده جزاء خيانتهم و غدرهم بالمسلمين🌼

🌻ودلوقتي يا ولادي ....اليهود المجرمين رجعوا تاني ...
في فلسطين ....
يأذوا المسلمين و يقتلوهم
... و ياخدوا بيوتهم و أرضهم ...
و كمان مساجدهم🌼

🌻رجعوا لخطتهم الشريرة ... و مكرهم وغدرهم🌼

🌻بس إحنا المسلمين هنرجع إن شاء الله أقوياء🌼

🌻وهنعمل كل جهدنا وقوتنا ...وهندعي ربنا🌼

🌻وهنبقي صالحين و مؤمنين و أقوياء و بندعي ربنا و بنستعمل عقلنا🌼

🌻عشان نطردهم من أرضنا ... و يرجع الأمن و الأمان للمسلمين بإذن الله🌼

🌻 وهنشوف بكرة ان شاء الله إيه اللي هيحصل بعد كده

💕اللهم صل علي سيدنا محمد ....
اللهم ارزقنا حبك و رضاك💕

🌼 تصبحوا على خير يا حلوين
🌻🌼🌻🌼🌻🌼🌼🌻🌼🌻
إقرأ 📚 وانشر 📬 تُؤْجَرْ
https://www.tg-me.com/seerawqass

#سيرة_امهات_المؤمنين

🌛الحلقة 13🌜

🌛تابع السيدة خديجة🌜

🌻كان ياما كان و مايحلي الكلام
إلا بذكر النبي .... محمد عليه الصلاة و السلام ..

🌼اللهم صل علي سيدنا محمد

🌻و دلوقتي يا حبايبي الحلوين هنعرف ازاي توسع نبينا الكريم في دعوته

🌻لما وصل عدد الناس اللي آمنوا بالرسول 30 واحد و واحده اختار ليهم الرسول دار الارقم بن أبي الأرقم زي ما قلنا قبل كده علشان يقابلهم فيها و يعلمهم دينهم و استمروا كده 3 سنوات

🌻و كل ده و السيده خديجه بتساعد الرسول بكل حاجة عندها

🌻و بعد ما خلصوا ال 3 سنوات سيدنا جبريل قال لسيدنا محمد إن لازم الدعوة تكون علنيه

🌻و بدأ سيدنا محمد يروح الكعبه و يقول للناس على الإسلام

🌻و بدأ الكفار يضايقوا الرسول لأن الإسلام مكنش بيفرق بين غني و فقير و بدأ الكفار يقولوا إزاي الإسلام بيقول إننا ممكن نصلي مع العبيد الفقراء في نفس المكان و نقعد معاهم كمان

🌻و قرروا يواجهوا الرسول حتى لو وصلت إنهم يموتوا الرسول

🌻و كل ده السيده خديجه بتصبر الرسول لأنها كانت فاكره كلام ورقه بن نوفل إنهم هيحاربوا الرسول و يخرجوه من مكه

🌻 وراحوا لأبو طالب عم الرسول و قالوا له يرضيك كده محمد ابن اخيك بيشتم الالهه و بيعيب علينا وبيتهمنا بالكفر

🌻يا إما تمنعه عن اللي هو بيعمله يا إما تسيبه لينا

🌻فقعد يتكلم معاهم علشان يهدوا و راح للرسول

🌻و قاله ما تسيب الدين ده يا محمد و ترجع لدين آبائك انا مش هقدر أدافع عنك لأن كل الناس واقفه ضدك

🌻فرد عليه الرسول و قاله و الله يا عم لو وضعوا الشمس في يميني و القمر في يساري على ان أترك هذا الأمر حتى يظهره الله أو أهلك فيه ما تركته

🌻يعني مش ممكن أسيب المهمه اللي ربنا كلفني إني أعملها حتى لو مت

🌻فراح أبو طالب قال للرسول خلاص أنا هقف جنبك و أساعدك بس مش هقدر أبقى مسلم زيك

🌻و الكفار رجعوا تاني لأبو طالب و عرضوا عليه عرض غريب..قالوا له ايه رأيك تاخد إبننا اللي اسمه عماره بن الوليد بن المغيره و ده أجمل وأغنى شباب مكه كلها

🌻خده و سلمنا ابن أخوك محمد..طبعا أبو طالب رفض و قالهم انتوا مجانين ولا ايه

🌻عايزين آخد ابنكوا أربيه و تاخدوا ابني تقتلوه

🌻 و فضل النبي صل الله عليه وسلم يدعو الناس الى الله وحده و أمنا خديجه واقفه جنبه علشان تساعده و تخفف عنه آلامه و أحزانه و تساعده بالفلوس بتاعتها

🌻و كمان عمه أبو طالب كان بيحميه من الكفار و مش بيخلي حد يأذيه

🌻 و نزلت الايه اللي في سوره المائده (والله يعصمك من الناس ) فعرف سيدنا محمد ان الله هو اللي هيحميه و ان الدين هيوصل لكل الناس

🌻و فضل الرسول مش بينام الا قليل اوي و بيفضل يكلم الناس عن الاسلام كتير

🌻و في الوقت ده ربنا فرض على الرسول صلاة واحدة كان بيصليها بليل بس اسمها قيام الليل ودلوقتي إحنا بنصليها بالليل بعد صلاة العشاء ودي ثوابها كبير والدعاء فيها ربنا بيحققه

🌻و نزل سيدنا جبريل و علم الرسول إزاي يتوضأ و الرسول علم السيده خديجه و بقت تصلي معاه

🌻و زي ما قلنا قبل كده ان بنات الرسول الاثنين رقيه و ام كلثوم اتجوزوا من ولاد ابو لهب عتبه و عتيبه

🌻لأن أبو لهب بقى عدو للرسول بعد الإسلام و علشان ينتقم منه خلى ولاده يطلقوا بنات الرسول

🌻و كانوا بياذوه كتير زي ما قلنا قبل كده ويحطوا الشوك في طريقه

🌻 لكن ربنا خلى بنت الرسول رقيه تتجوز من سيدنا عثمان بن عفان و ده كان مسلم مش كافر وهومن الخلفاء الاربعه الراشدين والعشرة المبشرين بالجنة

🌻و اما ماتت رقية اتجوز سيدنا عثمان من اختها ام كلثوم و علشان كده بقى اسمه ذي النورين علشان اتجوز بنتين من بنات الرسول

🌻لكن بردو الكفار فضلوا يضايقوهم و مسبهومش في حالهم

🌻بس علشان دلوقتي جه معاد النوم هنعرف بكره ايه اللي حصل لعيلة سيدنا محمد و السيدة خديجة

🌻و لسه في حاجات تانيه كتير عايزين نعرفها عن حياه أمنا خديجه وسيدنا محمد لأنه حصلهم حاجات كتير قبل و بعد الإسلام

🌻و ازاي وقفت جنبه زوجته خديجه

🌻اللهم صل على سيدنا محمد
🌻🌼🌼🌻🌼🌻🌼🌻🌼🌻
إقرأ 📚 وانشر 📬 تُؤْجَرْ
https://www.tg-me.com/seerawqass