Shaxsiy ma’lumotlarimizning maxfiyligi uchun o‘zimiz mas’ulmiz

Samarqand viloyat IIB Patrul-post xizmati xodimlari tomonidan aholi gavjum maskanlarda, ko‘cha va xiyobonlarda bu borada aholining huquqiy ongi va madaniyatini oshirish, firibgarlik, kiberjinoyatlarning qurboni bo‘lib qolmaslikning oldini olish borasida keng ko‘lamli targ‘ibot tadbirlari o‘tkazilmoqda.

Olib borilgan targ‘ibot tadbirlari davomida  har bir fuqaroning hushyorligini yanada oshirish, ijtimoiy tarmoqlarda pul bilan bog‘liq e’lonlarga qiziqib ko‘rmaslik, internetdan to‘g‘ri foydalanish, shaxsiy ma’lumotlarini tarqatmaslik lozimligi tushuntirildi.

Binobarin, hushyorlik-davr talabi.

Bu borada befarq bo‘lmasak, o‘z xotirjamligimizni  ta’minlagan bo‘lamiz.

Targ‘ibot tadbirlari barcha joylarda davom etmoqda.

КИБЕРМАДАНИЯТНИ ЮКСАЛТИРАМИЗ!

Музработ туманида “Кибермаданиятни юксалтириш” ойлиги доирасида тарғибот-ташвиқот тадбири ўтказилди. Унда ИИВ Тезкор қидирув департаменти Киберхавфсизлик маркази, вилоят ИИБ Тезкор қидирув хизмати Киберхавфсизлик бўлими масъуллари, тумандаги давлат ташкилоти ва идоралари, ҳуқуқ-тартибот органлари раҳбарлари ва ходимлари, “маҳалла еттилиги” ҳамда фуқаролар иштирок этди.
Ҳозирги кунда ижтимоий тармоқлар орқали фуқароларимиз фирибгарлик, ўғрилик ва бошқа шу каби жиноятлар қурбонига айланиб қолаётгани ҳақида сўз юритилиб, жиноят қурбонига айланмаслик учун амал қилиши лозим бўлган жиҳатлар тушунтирилди.
Ўз мухбиримиз.
Сурхондарё вилояти.

INTERNETDA ALDANMANG

“Kibermadaniyatni yuksaltirish” targ‘ibot oyligi doirasida Uchqo‘rg‘on tumanida tashkil etilgan targ‘ibot tadbirida internetdagi zararli dasturlardan ehtiyot bo‘lish, ijtimoiy tarmoqlarda “qopqon”ga tushib qolishdan saqlanish, bank kartalari himoyasida hushyorlikni oshirish kabilar bo‘yicha zaruriy tavsiyalar berildi.
Bu kabi holatlar qurboni bo‘lib qolmaslik uchun odamlarda “kibergigiyena”ni shakllantirish zarurligi va bu borada hamkorlikda ish olib borish kerakligi tushuntirildi.
O’z muxbirimiz,
Namangan viloyati.