الباب الّي انسد بوجهك مرة وبقوة هزتك وخلتك مصدوم بكسرة، لا تفكر حتّىٰ ترجع توگف گباله ولا تحاول أدگه مرة ثانية، الّي وجد هالباب خلالك مية الف باب غيره وأحسن وأنسب منه، زحمة بحق نفسك تعوفهن وتبقىٰ متأمل لوقت طويل گدام باب مسدود بلكي يفتح!، الّي ما قابل بيك والّي ما يسهل عليك طريقه والّي ما يخلي المفتاح بيدك، أبد ما مجبور تنتظر فتحه بابه.
صافنة علىٰ هالفترة وشگد يحتاج جهد أكثر من المضاعف، وهيچ حسيت بشعور علىٰ شكل تساؤُل إنو راح أعدي هالفترة واخليها سوالف شاهدة علىٰ انتصاراتي؟
ما حصلت جواب غير صوت الأذان بـ "الله أكبر" وأي الله أكبر من هالهم الّي قالقة روحي بيه، وأكبر من إنو يكسر بخاطري، وأكبر من إنو يعوفني وأكبر من كلّ الّي يصير بشكل مخربط ومو منصف.
ما حصلت جواب غير صوت الأذان بـ "الله أكبر" وأي الله أكبر من هالهم الّي قالقة روحي بيه، وأكبر من إنو يكسر بخاطري، وأكبر من إنو يعوفني وأكبر من كلّ الّي يصير بشكل مخربط ومو منصف.
في البيت ..
صوت سيارة أبي في الثامنة ليلًا وهيَّ تخبرنا بقدومه أمان.
صوت السين أثر التسبيح والصاد أثر صلوات أمّي اطمئنان براحة.
ضوضاء أخوتي ومشاجرتهم علىٰ أبسط الأشياء.
أخي الصغير وفوضىٰ ألعابه.
أنا ودراستي وعشوائية أفكاري.
أُحِبُّ هذهِ الأصوات معًا وهيَّ متداخلة.
تلك هيَّ مساحة الأرتياح بأمانها بالنسبةِ لي.
تلك فقط من تستحق أن أضعها في قائمة أولوياتي وأهتم لأمرها.
صوت سيارة أبي في الثامنة ليلًا وهيَّ تخبرنا بقدومه أمان.
صوت السين أثر التسبيح والصاد أثر صلوات أمّي اطمئنان براحة.
ضوضاء أخوتي ومشاجرتهم علىٰ أبسط الأشياء.
أخي الصغير وفوضىٰ ألعابه.
أنا ودراستي وعشوائية أفكاري.
أُحِبُّ هذهِ الأصوات معًا وهيَّ متداخلة.
تلك هيَّ مساحة الأرتياح بأمانها بالنسبةِ لي.
تلك فقط من تستحق أن أضعها في قائمة أولوياتي وأهتم لأمرها.
تذكير اليوم:
أن تَصل مُتأخِرًا خيرًا من أن لا تَصل.
أنت مو بسباق ويَّ شخص،
أنت تمشي بالطريق الخاص بيك والّي بيه بس أنت،
فَ لا تخلي اهتمامك وركضتك تصير بطريق غيرك،
بالأخير الكل راح يوصل،
بس للوجهة الّي كلّ شخص يقصدها مو لوجهة وحدة، وهنا السّعي راح يكون مختلف بأختلافنا عن بعض،
أهتم بطريقك وخلي عينك علىٰ خريطتك، والأثر الّي راح تصنعه بيه، راح يكون شاهد علىٰ وصولك وإنجازك.
أن تَصل مُتأخِرًا خيرًا من أن لا تَصل.
أنت مو بسباق ويَّ شخص،
أنت تمشي بالطريق الخاص بيك والّي بيه بس أنت،
فَ لا تخلي اهتمامك وركضتك تصير بطريق غيرك،
بالأخير الكل راح يوصل،
بس للوجهة الّي كلّ شخص يقصدها مو لوجهة وحدة، وهنا السّعي راح يكون مختلف بأختلافنا عن بعض،
أهتم بطريقك وخلي عينك علىٰ خريطتك، والأثر الّي راح تصنعه بيه، راح يكون شاهد علىٰ وصولك وإنجازك.
الإنسان إذا يبقىٰ يقارن سعادته بسعادة الآخرين، ويربط فرحته بالشي الواو الّي لازم يصيرله، عمره ما راح يكون سعيد ولا راح يندل طريق السعادة دام ما نابعه من داخله ولا مقتنع باللي عنده ويصيرله.
تذكر إنو أنت بقيت تحاول لحد آخر لحظة وما استسلمت ولا خليت اليأس بأنك ما مكمل المادة يوگفك عن الإستمرار، تذكر إنو أنت سويت الّي تگدر عليه وكلّ الّي عليك ولآخر ثانية، وهالشي بحد ذاته ما راح يضيع عند رب العالمين.
ما أريد إِنغمس بسباقات الحياة ولا أركض بيها بكلّ جهدي علمود أثبت لغيري أني بطلة، ما أريد إِنخرط بهيچ نوع من الإهتمامات الّي يفقدني إحساس "نفسي شنو تحب وتستحق"، ما يهمني إذا چنت اشطر وحدة بجوانب الحياة بگد ما يهمني شلون اگدر أحضن نفسي بنهاية يوم مُتعب وأخفف عنها وَقْع الّي يصادفها.
إذا فكرت بيوم أدخل بسباق فَ راح يكون سباق هدفه منو أكثر حنيّة واحتواء، السباق الّي يهون عليه، ويخليني أحسن من البارحة، ومحاولة جديدة لباچر، الّي يصير محطة إستراحة من ما أكون بخير، السباق الّي يكون ختامية كلّ يوم بيه هوَّ الرِضا.
إذا فكرت بيوم أدخل بسباق فَ راح يكون سباق هدفه منو أكثر حنيّة واحتواء، السباق الّي يهون عليه، ويخليني أحسن من البارحة، ومحاولة جديدة لباچر، الّي يصير محطة إستراحة من ما أكون بخير، السباق الّي يكون ختامية كلّ يوم بيه هوَّ الرِضا.
كُلّ ما يُكتب هُنا هوَّ نِتاجِي الخاص لذٰلك لا أحلّل النسخ وحذف اسمي.
"غير مَبري الذمّة كُلّ مَن عَلِمَ بِهذا وقَامَ بِهِ".
"غير مَبري الذمّة كُلّ مَن عَلِمَ بِهذا وقَامَ بِهِ".
كلنا عدنا مرايا نشوف بيها روحنا، وبكلّ مكان بالبيت أكو مرايا نمر من يمها ونصفن بيها، يعني نعرف بشرتنا شبيها وشنو متغير بيها، نعرف شنو متعبها ومركزين بتفاصيلها وهم حافظيها كلّش زين.
إذا ما عندك الكلمة الحلوة الّي تأثر بروح الشخص وترسم الإبتسامة علىٰ وجهه فَ بلاها لا تعلق عليه وعلىٰ التغيير الّي تشوفه بيه لأن هوَّ يعرف، أمّا تخليك سبب إبتسامة تصنع يومه أو تسكت.
عبارة "وجهك أصفر، شنو هاي الحبوب، ليش ما تعتني بروحك وليش صاير عود وليش منفوخ وليش وليش وغيرها" ما راح تضيفلك ولا عبالك أنت مبتكر طريقة تساعد المقابل لو تنبهه بگد ما راح تحطمه وتخليه كاره يلتقي بأحد من ورا هيچ كلام، وتخليه شخص معتزل ما يحب يطلع ولا يشارك بالتجمعات بس علمود ما يسمع نفس الحچي بكلّ مرة.
هسّة تگول وين ثقته وشدعوة تأثر عليه كلمة، اگلك أي مو الكل عنده ثقة بشكله ولا الكل فاهم طبيعة تغير جسمه، ولا الكل عنده قدرة يتحمل عُقد نفسيّة بهيئة هالكلمات، مو الكل يگدر يتجاهل ويهمل الكلام، ولا الكل يگدر يعدي، ولا الكل عنده القدرة يرد لو يطلع بنسخة تخليك ما تنتقد ويفشلك، أحترم المقابل والّي بيه، ماكو بشرة مثالية ولا أكو شخص يحب يكون بهيچ صورة، كلنا نسعىٰ نكون حلوين بعيونا مهما اختلفت الطرق، فَ كلامك الّي أشبه بدس السم بالعسل احتفظ بيه لنفسك وطبقه عليك.
لأن أكو فرق شاسع بين النصيحة والانتقاد، بين ما تبين اهتمامك وبين قلة ذوقك وشحة أسلوبك.
إذا ما عندك الكلمة الحلوة الّي تأثر بروح الشخص وترسم الإبتسامة علىٰ وجهه فَ بلاها لا تعلق عليه وعلىٰ التغيير الّي تشوفه بيه لأن هوَّ يعرف، أمّا تخليك سبب إبتسامة تصنع يومه أو تسكت.
عبارة "وجهك أصفر، شنو هاي الحبوب، ليش ما تعتني بروحك وليش صاير عود وليش منفوخ وليش وليش وغيرها" ما راح تضيفلك ولا عبالك أنت مبتكر طريقة تساعد المقابل لو تنبهه بگد ما راح تحطمه وتخليه كاره يلتقي بأحد من ورا هيچ كلام، وتخليه شخص معتزل ما يحب يطلع ولا يشارك بالتجمعات بس علمود ما يسمع نفس الحچي بكلّ مرة.
هسّة تگول وين ثقته وشدعوة تأثر عليه كلمة، اگلك أي مو الكل عنده ثقة بشكله ولا الكل فاهم طبيعة تغير جسمه، ولا الكل عنده قدرة يتحمل عُقد نفسيّة بهيئة هالكلمات، مو الكل يگدر يتجاهل ويهمل الكلام، ولا الكل يگدر يعدي، ولا الكل عنده القدرة يرد لو يطلع بنسخة تخليك ما تنتقد ويفشلك، أحترم المقابل والّي بيه، ماكو بشرة مثالية ولا أكو شخص يحب يكون بهيچ صورة، كلنا نسعىٰ نكون حلوين بعيونا مهما اختلفت الطرق، فَ كلامك الّي أشبه بدس السم بالعسل احتفظ بيه لنفسك وطبقه عليك.
لأن أكو فرق شاسع بين النصيحة والانتقاد، بين ما تبين اهتمامك وبين قلة ذوقك وشحة أسلوبك.
بسبب هالكلمة الّي مسترخصها أكو الّي استخدموا خلطات ومنحفات ومشهيات وأدوية ومنتجات علمود أمثالك يسكتون وما يلوحهم من القيح الّي تبثوا، والنتيجة! تدمير مفعوله بطيئ بأثر يمكن يستمر مدىٰ الحياة.
وحتّىٰ لو هالشي تجيه من جانب الشقه ما أشوفه عادي ولا أگدر اتقبله.
من شوكت صار الضحك مقتصر شلون تضحك الحواليك علىٰ صديقك؟ من شوكت صارت التغيرات الّي تصير للشخص مادة للضحك والاستهزاء؟
من شوكت صرنا عديمين إحساس وما نحسب حساب للمقابل الّي گاعد بنصنا ونحچي علىٰ الّي بيه ونضحك!
ترا سخافة حرفيًا.
يمكن تشوف كلامي تعقيد وشدعوة عليچ بس هوَّ أبد مو هيچ وبعمره ما راح يكون مو مهم وعادي.
الكلمة الّي تطلع منك وجايه تضحك عليها الحواليك ومصدرها شخص مثلك، مفعولها ثواني بس أثرها علىٰ صاحبها يبقىٰ أشهر أباله إذا مو سنوات، تبقىٰ محفورة بذاكرته مثل نُدبة كلما حاول يطلع وما يهتم ترجع تفز عليه وتأذيه، وبسبب شنو ومنو؟ بسبب كلمة والله طلعت بلحظة ضحك وسوالف! ماكو عذر أبد.
ما راح تحس بهالكلام لأنك مو بمكانه ما راح تقتنع إلا لمن تصير بموقفه، ساعتها تعرف ليش الكلمة من المهم الواحد يحسبلها ألف حساب يلا يحچيها.
من شوكت صار الضحك مقتصر شلون تضحك الحواليك علىٰ صديقك؟ من شوكت صارت التغيرات الّي تصير للشخص مادة للضحك والاستهزاء؟
من شوكت صرنا عديمين إحساس وما نحسب حساب للمقابل الّي گاعد بنصنا ونحچي علىٰ الّي بيه ونضحك!
ترا سخافة حرفيًا.
يمكن تشوف كلامي تعقيد وشدعوة عليچ بس هوَّ أبد مو هيچ وبعمره ما راح يكون مو مهم وعادي.
الكلمة الّي تطلع منك وجايه تضحك عليها الحواليك ومصدرها شخص مثلك، مفعولها ثواني بس أثرها علىٰ صاحبها يبقىٰ أشهر أباله إذا مو سنوات، تبقىٰ محفورة بذاكرته مثل نُدبة كلما حاول يطلع وما يهتم ترجع تفز عليه وتأذيه، وبسبب شنو ومنو؟ بسبب كلمة والله طلعت بلحظة ضحك وسوالف! ماكو عذر أبد.
ما راح تحس بهالكلام لأنك مو بمكانه ما راح تقتنع إلا لمن تصير بموقفه، ساعتها تعرف ليش الكلمة من المهم الواحد يحسبلها ألف حساب يلا يحچيها.
خلي وراك أثر ينذكر بالخير، يتبعه بدعاء ألك، لا تخليه سبب بحزن شخص وكسرة خاطره ولا تكون من الّي "حسبي الله ونِعم الوكيل" تشمله.