رغم أكره واحد يجبرني علىٰ شي، هالمرة جاي أجبر نفسي رغم ما تريد وما حابة، بس لمصلحتها، علمود ذاك الوقت ما تگول ياريت، علمود ما تندم وأصير بالصورة الّي ليش ما حاولتي غصب عنچ، كله لخاطر لحظة ممكن تعليني للسما وممكن تضيق عليه.
مشكلة من تنسىٰ نفسك وتهتم بغيرك،
تركن كلشي تسويه علىٰ جنب وتبخس حق كلشي تقدمه،
تركز علىٰ ردة فعلهم قبل لا تصارح نفسك
بأنك أولىٰ من الكل،
أنت الّي جاي تعيش كلّ هذا،
تصارع وحدك، مرة تقاوم ومرة تنهار وحدك،
وعورة الطريق بس أنت تعيشها وتمشي بيها كلّ يوم،
تالي توصل لنهايته ويبدي الكلّ يطالبك بنتيجة مجاهلين الطريق الّي قطعته،
وهنا ما تگدر تسوي شي غير أنك تختار نفسك لأنك تعرف شنو قدمت وشلون سعت ومو نتيجة نهائية ممكن تكون ظالمة بحقك هيَّ الّي راح تحدد إذا سعيك مقبول لو لا.
واكتشفت إذا أبقىٰ حاصرة نفسي بسعيي وجهدي بآخر نُقطة الّي هيَّ النتيجة وأخليها هيَّ الّي تحددني! معناها بخست حقي بكلّ ما تحمله هالفكرة من خيبة للنفس ومنطق مو صحيح.
واثقة هالطريق المُتعب رب العالمين مطلع عليه ومُدبّر أموره، وأملي إنو بكثر هالتعب النفسي والجسدي أحصل جبر يليق باللي قدمته، سواء بنتيجة من نفس الطريق أو بنتيجة خاصة رب العالمين مدخرها إلي.
تركن كلشي تسويه علىٰ جنب وتبخس حق كلشي تقدمه،
تركز علىٰ ردة فعلهم قبل لا تصارح نفسك
بأنك أولىٰ من الكل،
أنت الّي جاي تعيش كلّ هذا،
تصارع وحدك، مرة تقاوم ومرة تنهار وحدك،
وعورة الطريق بس أنت تعيشها وتمشي بيها كلّ يوم،
تالي توصل لنهايته ويبدي الكلّ يطالبك بنتيجة مجاهلين الطريق الّي قطعته،
وهنا ما تگدر تسوي شي غير أنك تختار نفسك لأنك تعرف شنو قدمت وشلون سعت ومو نتيجة نهائية ممكن تكون ظالمة بحقك هيَّ الّي راح تحدد إذا سعيك مقبول لو لا.
واكتشفت إذا أبقىٰ حاصرة نفسي بسعيي وجهدي بآخر نُقطة الّي هيَّ النتيجة وأخليها هيَّ الّي تحددني! معناها بخست حقي بكلّ ما تحمله هالفكرة من خيبة للنفس ومنطق مو صحيح.
واثقة هالطريق المُتعب رب العالمين مطلع عليه ومُدبّر أموره، وأملي إنو بكثر هالتعب النفسي والجسدي أحصل جبر يليق باللي قدمته، سواء بنتيجة من نفس الطريق أو بنتيجة خاصة رب العالمين مدخرها إلي.
ما نگدر نوگف يم مناسبة معينة مدتها ٢٤ س وبعدها نكمل عادي، يحتاج نعرف هالمناسبة شنو وندخل بأعماقها ونقرا ونسمع عنها، يحتاج نشوف النهج الّي سارت عليه وشنو ممكن نتعلم منها وبشنو نطلع منها، قبل لا نفكر بسطحية الأمور وقشورها من تجهيزات، يحتاج قبل كلشي نسأل نفسنا، هل إحنا گد هالمرحلة؟ گد التغير الّي راح يصير؟ گد هالأضافة الجديدة لحياتنا وي شريكنا؟ يحتاج نعرف إنو إحنا گد المسؤولية أو علىٰ الأقل جاهزين وعدنا خطوات أساسية نگدر بيها ندخل لهالمرحلة، قبل لا نفكر بثيم الحفلة ولون البدلة والأستوري والريلز، خلي نطلع من جوا السطحية الفارغة ونهتم بالتوافق الّي لازم يصير، التقارب والتفاهم، الاحترام والتقدير، المودة والرحمة، الأفكار والأراء، النظرة لكذا أمر والعلاقة وي الأهل وغيرها، يحتاج نرتب من الأهم فَ المهم، الأولوية تسبق الأمور الثانوية الّي ممكن نحضرها بأي وقت، بس الإستعداد النفسي والتهيأ إلها تحتاج إطلاع ووقت.
يا ربّ
ما توگف خطواتنا،
ولا تتغير عن وجهتنا،
ولا يصيبها الجمود بكثر تعثرها.
يا ربّ
علمنا نواصل مهما مر علىٰ روحنا تعب،
خلينا نصبر علىٰ ما لم نحط بهِ خبرا،
أوهبنا الراحة بنهاية البداية،
لا تخلينا نسبق الأحداث بسبب خوفنا،
وأنزل علىٰ قلق أفكارنا سحائب أمنك ورحمتك.
ما توگف خطواتنا،
ولا تتغير عن وجهتنا،
ولا يصيبها الجمود بكثر تعثرها.
يا ربّ
علمنا نواصل مهما مر علىٰ روحنا تعب،
خلينا نصبر علىٰ ما لم نحط بهِ خبرا،
أوهبنا الراحة بنهاية البداية،
لا تخلينا نسبق الأحداث بسبب خوفنا،
وأنزل علىٰ قلق أفكارنا سحائب أمنك ورحمتك.
لُطفًا كلّ شخص يقوم بعمل سبحة صلوات بنيّة تسهيل الإمتحانات علىٰ طلّاب السّادس، لا تنسون هذا حق الأخ علىٰ الأخ وأقل شي نسويه الهم. 💚
نُقطة.
Parasitology final exam :Done. ✅
The end of the third stage.✅
الحمد لله من وصلت لهذا اليوم وأني متحملة وباقية أقاوم، الحمدلله من گدرت أكمل ٧ امتحانات وأرجع اقرا بجهد رغم الخيبة والاخفاق الّي يصير بكلّ أمتحان، الحمدلله عدىٰ هالتعب النفسي الّي أخذ من طاقتي وصحتي وعيشني مشاعر مُره، الحمدلله من سعيت وصبرت ومتأملة خير باللي جاي، ويا ربّ الرضا بقضائك مهما كان.
شُكر وأمتنان عظيم بگد السما لله ولأهل البيت (عليهم السّلام)،
شُكرًا للنّاس المجهولة الّي دعولي،
شُكرًا لآيات القرآن والأدعية والقصائد،
شكرًا لطلابنا الّي تعبوا كلّش هواي ويانا بشرحهم وترتيبهم وأسئلتهم أبد أبد ما قصروا،
وشُكرًا إلي لأن گدرت أوصل لهذا اليوم وأني فخورة بمحاولاتي مهما كانت النتيجة منها، سويت الّي عليه ولآخر لحظة وسعيت والباقي بنتيجته فَ خليتها أمانة عند رب العالمين ويا ربّ يجي الّي بيه تعويض هالتعب وجبر لخاطري، يا ربّ يصير الّي يرضي گلبي وبيه راحتي.
وهم بعدني متأملة خير بالجاي سواء راح يفرحني أو يأذيني، يقينًا راح يكون خير بكل الحالات لأنه من الحبيب الّي يعرف شوكت الوقت المناسب وشنو الّي بيه صالح إلي. 🪴
٢٠٢٣/٦/٢٢ مِ
١٤٤٤/ذو الحجة/٣ هَـ
الخميس.
الحمد لله من وصلت لهذا اليوم وأني متحملة وباقية أقاوم، الحمدلله من گدرت أكمل ٧ امتحانات وأرجع اقرا بجهد رغم الخيبة والاخفاق الّي يصير بكلّ أمتحان، الحمدلله عدىٰ هالتعب النفسي الّي أخذ من طاقتي وصحتي وعيشني مشاعر مُره، الحمدلله من سعيت وصبرت ومتأملة خير باللي جاي، ويا ربّ الرضا بقضائك مهما كان.
شُكر وأمتنان عظيم بگد السما لله ولأهل البيت (عليهم السّلام)،
شُكرًا للنّاس المجهولة الّي دعولي،
شُكرًا لآيات القرآن والأدعية والقصائد،
شكرًا لطلابنا الّي تعبوا كلّش هواي ويانا بشرحهم وترتيبهم وأسئلتهم أبد أبد ما قصروا،
وشُكرًا إلي لأن گدرت أوصل لهذا اليوم وأني فخورة بمحاولاتي مهما كانت النتيجة منها، سويت الّي عليه ولآخر لحظة وسعيت والباقي بنتيجته فَ خليتها أمانة عند رب العالمين ويا ربّ يجي الّي بيه تعويض هالتعب وجبر لخاطري، يا ربّ يصير الّي يرضي گلبي وبيه راحتي.
وهم بعدني متأملة خير بالجاي سواء راح يفرحني أو يأذيني، يقينًا راح يكون خير بكل الحالات لأنه من الحبيب الّي يعرف شوكت الوقت المناسب وشنو الّي بيه صالح إلي. 🪴
٢٠٢٣/٦/٢٢ مِ
١٤٤٤/ذو الحجة/٣ هَـ
الخميس.
بگد ما هالأيّام معدودة بگد ما بيها تعب وسعي متواصل، خلي رحلتك بيها بالأثر الّي تذكره وتگول "الله بوقتها سويت كلّ الّي عليه وأكثر علمود ما أندم واختمها واني راضي علىٰ نفسي"، إحنا نذكر الأيّام الّي قاتلنا بيها وطلعنا منها منتصرين بشق الأنفس في سبيل ما نبخس طاقتنا وقدرتنا علىٰ المحاولة، وأي شگد منهكة هالفترة بس حاول تخليها حلوة علمود تذكرها وأنت واصل مرحلة الرِضا بهالسعي، ونتيجته؟ مدخرة عند رب كريم راح يرجعها بالوقت المناسب سواء بنفس الطريق أو بغير طريق.
فرضية الرياضيات نسويها من يكون عدنا مجهول نريد نعرفه، أو نخليله احتمالات أو من نتسائل علىٰ فد شي معين ونرتبله فرضيات ممكن نحصل جواب منهن.
بحياتنا والّي نواجهه ممكن ما نحكم عليه من أول مرة ولا نجزم عليه بشي ثابت، أكو أمور تحتمل فرضيات ومقاييس معرضه للتغيير، فَ لا تستغرب من تلگه فرضية البارحة ما تعجبك اليوم وتغيرها، ولا تتفاجئ من تشوف فرضيتك مرفوضة، ما دام اسمها "فرضية" فهيَّ متغيرة حسب الرأي والوضع والزمن والمجتمع واختلافها كـ صيغة، المهم من كلّ هذا خلي تكون فرضيتك مبنية علىٰ أساس أنها مقبولة عند رب العالمين لو لا؟، بيها أذىٰ لغيري لو لا؟، ممكن نتائجها عكسية عليه لو مجهولة ؟، من تعرف هالشي راح تعرف مو كلّ فرضية هيَّ صح ولا كلّ فرضية هيَّ مُتبعة ولازم نمشي عليها، خليلك أساس وأولوية قبل ما تختار.
بحياتنا والّي نواجهه ممكن ما نحكم عليه من أول مرة ولا نجزم عليه بشي ثابت، أكو أمور تحتمل فرضيات ومقاييس معرضه للتغيير، فَ لا تستغرب من تلگه فرضية البارحة ما تعجبك اليوم وتغيرها، ولا تتفاجئ من تشوف فرضيتك مرفوضة، ما دام اسمها "فرضية" فهيَّ متغيرة حسب الرأي والوضع والزمن والمجتمع واختلافها كـ صيغة، المهم من كلّ هذا خلي تكون فرضيتك مبنية علىٰ أساس أنها مقبولة عند رب العالمين لو لا؟، بيها أذىٰ لغيري لو لا؟، ممكن نتائجها عكسية عليه لو مجهولة ؟، من تعرف هالشي راح تعرف مو كلّ فرضية هيَّ صح ولا كلّ فرضية هيَّ مُتبعة ولازم نمشي عليها، خليلك أساس وأولوية قبل ما تختار.
تذكير مناسب يخليك تعيد حساباتك بخصوص أي شي تنوي تنطيه محاولة وترجعه، يخليك تعرف مقدار الّي صار "شسوا بيك" بوقتها، حتّىٰ لا تعيد الغلط مرة ثانية وتنطي فرصة للي ما يستحق تفكر بيه أصلًا، أنت تصرف مجهود بحياتك، ما من المعقول تمشي وتوزع فرص للي أذاك وسلب طاقتك وشكك بنفسك، من الغباء ترجع تعيد الخطأ مرتين وأكثر بحجة عبالي ينصلح ويتغير، هالشي ما راح يصير غير بتفكيرك الّي أنت تتحكم بيه، الشخص الّي يستحق فرصة واضح والّي لازم يبقىٰ خارج حياتك أوضح، لا تنسىٰ تستخدم هالتذكير بكلّ مرة تفكر بيها ترجع تفتح بابك گدام أي شي ضرك وتعب نفسيتك.
*حظر.
*حظر.
حاول تخلي حدود بينك وبين النّاس الّي تكون مترددة، ما عدها كلمة، ما تعرف شتريد، الّي تاخذها الروج بكل موجه، الّي يوم تطيرك للسما من الفرحة ويوم تشمرك منها وتكسرك، من الأساس لا تتعامل وياهم لأنهم مستهلكين للطاقة والوقت والنفسية، وتذكر أنك ما مجبور تتعامل وياهم، وإذا بمحيطك هالأشخاص وما تگدر أطلعهم من دائرة يومك، حاول تجنبهم وتجاهل وجودهم وخليلك لاصق حماية ضدهم.
حياتك مجزئة، جزء لنفسك، لعائلتك، لأصدقائك، لعبادتك، لشغلك، للي تحبه وجزء لفراغك، المفروض يكون كلّ جزء بمكانه الصحيح وبوقته الصحيح، ما يتعدىٰ شي علىٰ شي، ولا تنحاز لشي، مثل ما هالكون منظومة واسعة فَ أنت هم منظومة مُصغرة أنت القائد بيها، كلما أحسنت التدبير بيها وعرفت تمشيها صح كلما كلّ جزء أخذ حقه الكافي.
الإنسان مو بس أثر، الإنسان مواقف،
موقفك بالحلو قبل المُر، بالفرح قبل الحزن، بالونسة قبل الضيگة، بأمورنا العادية والطبيعية،
موقفك الّي يبين إهتمامك وحرصك ومكانة المقابل عندك، من تتمنىٰ الخير لغيرك هذا موقف، من تگدر تساعد وتغير حال غيرك هذا موقف، من تعرف تسند شخص بعز أنكساره هذا موقف، من تنتشل تعبان من مستنقع اليأس والانتحار هذا موقف.
مو شرط مواقفنا الزينة نحكمها بالمادة والواسطة، المواقف المعنوية إلها نصيب خاص ونكهة مميزة.
اليوم إحنا نحتاج الّي يكون موقفه سليم خالي من الغل والحقد والحسد، تجاه نجاحنا وفرحنا وسعادتنا، نحتاج الّي يعرف يتخذ موقف صح تجاه نفسه والمقابل بدون فلتر مغشوش يوهم الطرفين.
موقفك بالحلو قبل المُر، بالفرح قبل الحزن، بالونسة قبل الضيگة، بأمورنا العادية والطبيعية،
موقفك الّي يبين إهتمامك وحرصك ومكانة المقابل عندك، من تتمنىٰ الخير لغيرك هذا موقف، من تگدر تساعد وتغير حال غيرك هذا موقف، من تعرف تسند شخص بعز أنكساره هذا موقف، من تنتشل تعبان من مستنقع اليأس والانتحار هذا موقف.
مو شرط مواقفنا الزينة نحكمها بالمادة والواسطة، المواقف المعنوية إلها نصيب خاص ونكهة مميزة.
اليوم إحنا نحتاج الّي يكون موقفه سليم خالي من الغل والحقد والحسد، تجاه نجاحنا وفرحنا وسعادتنا، نحتاج الّي يعرف يتخذ موقف صح تجاه نفسه والمقابل بدون فلتر مغشوش يوهم الطرفين.
عِيدكُم رغم كلّ التعب والسعي والأمور الّي بس انتوا تعرفوها سعيد، وآمين لكلّ دعواتكم والّي بيه صالح وخير الكم. 💚
إذا بيوم ساعدتكم هالقناة وقدمتلكم شي .. فَ لُطفًا نسألكم الدعاء وقراءة سورة الفاتحة وصلاة الوحشة لروح جدو (السيد حميد محمد) ، عسىٰ يا ربّ يصبرنا ويربط علىٰ گلبنا بهذا الفقد. 💔
كيفية الصلاة:
هيَّ ركعتان يقرأ في الأولىٰ بعد الحمد آية الكرسي وفي الثانية بعد الحمد سورة القدر عشر مرات، وبعد السلام يقول: (اللهم صلِ علىٰ مُحمّد وآلِ مُحمّد وابعث ثوابها إلىٰ قبر فلان) ويسمي الميت.
وقتها من بعد صلاة العشاء لصلاة الفجر.
كيفية الصلاة:
هيَّ ركعتان يقرأ في الأولىٰ بعد الحمد آية الكرسي وفي الثانية بعد الحمد سورة القدر عشر مرات، وبعد السلام يقول: (اللهم صلِ علىٰ مُحمّد وآلِ مُحمّد وابعث ثوابها إلىٰ قبر فلان) ويسمي الميت.
وقتها من بعد صلاة العشاء لصلاة الفجر.
لا تنتظرون الموت يجي بس حتّىٰ تعرفون قيمة أهلكم وأحبابكم، لا تعيشون الندم من بعد ما يفوت الأوان، إحنا ما نعيش غير عمرنا، وماكو ضمان لناسنا الّي نحبهم غير إنو نستغل وجودهم والوقت الّي يجمعنا سوا حتّىٰ نصنع ذكريات تجبرنا وتهون علينا بهيچ يوم، صوروا وياهم وسجلوا صوتهم وسوالفهم، حفظوا مواقفهم وياكم، وتذكروهم دائمًا، الموت ما راح يعرف بيك عندك مشكلة لو منتظرة شي فلاني يصير حتّىٰ بعدها ترجع تجتمع بأحبابك، أي سنة الحياة هاي بس من توصل لأشخاصنا تصير فكرة مُرعبة تهد حيل الرّوح.