ХАЛЫҚ АРАЛЫҚ ДИНИЙ КЕҢПЕЙИЛЛИК КҮНИНЕ АРНАЛҒАН КЕШЕ БОЛЫП ӨТТИ

✅ "16-ноябрь – Халық аралық кеңпейиллик күни" мүнәсибети менен 16-ноябрь күни пайтахтымыздағы "Жас тамашагѳйлер театры"нда бир қанша жерлеслеримиз "Диний кеңпейиллик" кѳкирек нышаны менен сыйлықланды.

📢 Илажға министрлик хәм басқармалар, жәмәәт шѳлкемлери хәм диний конфессия ўәкиллери, миллий мәдений орайлары белсендилери, журтымызда миллетлер аралық дослық хәм диний кеңпейиллик байланысларын беккемлеўге мүнәсип үлесин қосып атырған жерлеслеримиз ҳәм де ғалаба хабар қураллары ўәкиллери мирәт етилди.

🗣Қарақалпақстан Республикасы Министрлер Кеңеси баслығының орынбасары Ражаббай Нуразизов сыйлықланғанларды шын жүректен қутлықлады, бүгин елимиз раўажланыўы жолында пидәйылық пенен мийнет етип атырған жерлеслеримизге үлкен табыслар тиледи ҳәм сыйлықларын ѳз ийелерине тапсырды.

🟢Соның ишинде Қарақалпақстан мусылманлары қазыяты қазысы Бахраммаддин Разов, Қарақалпақстан мусылманлары қазыяты қазысының ҳаял-қызлар мәселелери бойынша жәрдемшиси Юлдашева Толған, Муҳаммад ибн Аҳмад ал-Беруний орта арнаўлы ислам билим журты директоры Абдиразаков Жалалатдинлер «Диний кеңпейиллик» кѳкирек нышаны менен сыйлықланды. Нѳкис қаласы бас имамы Аминжан Набатов Қарақалпақстан Республикасы Министрлер Кеңеси баслығының орынбасары Ражаббай Нуразизов тәрепинен ҳүрмет жарлығы менен сыйлықланды.

💬 Мағлыўмат ушын, Министрлер кеңесиниң 2023-жыл 25-сентябрдеги "Диний кеңпейиллик кѳкирек нышанын шѳлкемлестириў ҳаққында"ғы қарарына бола, усы кѳкирек нышаны менен диний билимлендириў тараўындағы реформаларды үгит-нәсиятлаў, пуқаралар емин-еркинлигин тәмийинлеў, динлер аралық бирге ислесиўди беккемлеў ҳәм мәнаўий орталық турақлылығын сақлаўда ибратли ислери ушын жетекши уламалар, белгили ғайраткерлер, диний тараў басшылары, халық аралық шѳлкемлер ўәкиллери ҳәм де шет ел алымлары сыйлықланыўы белгиленген.

💬 Илажда сѳзге шыққанлар мәмлекетимиз басшылары тәрепинен елимизде диний билимлендириў тараўында әмелге асырылып атырған жумыслар нәтийжесинде пуқаралардың ҳүждан еркинлиги, дин ҳәм миллетлер аралық татыўлық тәмийнленип атырғанлығы, усы кѳкирек нышанының шѳлкемлестирилиўи диний тараўға болған жоқары итибардың айқын үлгиси екенин атап өтти.

🟢 Сыйлықланғанлар өзлерине бундай жоқары итибар берилгени оларды және де уллы ислерге баслаўы, жас әўладты кеңпейиллик руўхында тәрбиялаўда жаңа күш-ғайрат бериўге тийкар болыўын айтты.

👇👇👇👇👇👇👇👇👇👇👇👇👇👇

     Бизди социаллық тармақларда бақлап барың!

🥺Телеграм| 🤪Facebook| 🛍Instagram| 😍Youtube

🧐 Интернет сайтымыз: paziylet.uz