منهاج محرم الحرام ١٤٤٤ هـ
لمولاي مسلم بن عقيل " عليه السلام "
[ اول ثورة حسينية ]


اول ثـورة حُسينيّـة
من الكوفة العـلويّـة
مسلم قائدها ... مسلم قائدها

اول جـــمـــرة .. لأجـــمـل ثــــورة
مــسـلـم قـائـدهـا بـصـولاتــه
طـب للـكـوفة .. وكـلـهـا تـشـوفــه
حـيـدر مــوجـود بــنـظـراتـه
شـال بــچـفّـه .. ســيـف وضـــفّـه
وتـذبـح بـالـعسـكـر خـزراتـه
شـال بـخـلـگـه .. رايــة عــشــگـه
مـعروفه العاشـگ خـطـواتـه

شــال الرايـة بحنّـية
هاي الثورة الصدگية
مسلم قائدها ... مسلم قائدها
____1____

طـب لـلــديـره .. وسـيــفـه ايـديـرة
بــرگــاب الــمـاشـالـت نـخْـوه
وطوعة اتشوفة ... امضوّي الكوفـة
وصـاحـت يا حــيّـاك وتـگـوه
شــدّ الـــثـامــه .. وسـل صـمـصامـه
والـشـارد من خـوفة اتـچـوّه
نـــــار ونــــــازل .. مـــن يــقـــاتـــل
صاحت طوعة الأيدك فدوه

ما واحـد يوصـل يـمّه
والنسمه بحب تشتمّه
مسلم قائدها ... مسلم قائدها
____2____

فـوگ مـتونــه .. مخـلّي اعـيـونـه
ألـرايـة اعيـونه أمسـمّيـها
كـلـهـا انهـزمت .. لــمّــن نــــظـرت
فرسان بسيفه ايحز بيهـا
يمـشي بكيفــه .. مـكـحِّـل سيـفـه
وگـالـب سـافلـها بعاليـهـا
الـهيـبـة الزينـة .. وخــزرة عـيـنــه
طش افـكار الصـد عليهـا

أهل الحگ الكتـبـتها
كل حـرية وهـيبـتها
مسلم قائدها ... مسلم قائدها
____3____

غــيـرة حـيــدر .. مـنـهـو الـيــگدر
يوصل يم حدودة الخطرة
الصوته ايسمعه .. اتـراب ايرجّعـه
وبين أحضانه أيطيّح نحره
الـيـشـرد مــنّـه .. يـمــوت بـظـنّـه
ونلگاه گلبه امـغادر صـدره
مـسـلم ثـورة .. لــديــن الــزهــره
چنّـه الكافـل فـوگ المـهره

مصحف يحـمِل آياتـه
بسم الثورة حچاياتـه
مسلم قائدها ... مسلم قائدها
____4____

حلـوه اعـلومـة .. طـب للـحـومـة
وطگ راس براس الخيّاله
ضـيغـم غـاضب .. مــــن يـحـارب
مسـلم يا مـحـلاها افـعاله
هـيـبـة هـاشـم .. بــيـده الـصــارم
يـازلــمـة الـيـگـدر يدنــاله
سيـفـه يـسـلّـه .. اعـله اهل الذلّـة
بنــحور النـاس المُحـتـاله

چف الحمزة بسطراته
وتشبه حيـدر حـملاته
مسلم قائدها ... مسلم قائدها
____5____


#رزقهم_سلام_الله_عليهم
#احمد_رزاق_الاعرجي

منهاج محرم الحرام ١٤٤٤ هـ
أنـصـار الـحـسـيـن " عليهم السلام "


يوادم صحبة منهم يحـصل مـنين
بهاي الدنيا مثل اصحاب الحسين
واحدهـم ... ضوه
طيحتهـم ... سوه
اصحاب الحسين

لـو دوّرنـه هـالـعـالـم مــانـلــگـه الـوفـــه الــعــدهـم
ضحـّو بـالـدِمـه لـحـســين صـاحـــبهـم وســيّـدهـم
طـاحـو طـيـحـة الـشـلال ومـحّـد يــگــدر ايـردهـم

دخـلـو سـاحـة المـيـدان ... وگلبهـم عالدرع صـايـر
نـزلـو عـالــرگـب نــيـران ... بالطـف من بـده العاشر

لـخـيـام الـعـقـيـلـة صـارو افـيـاي
عطـشْـهـم ذابـح اعـذوبـية الـمـاي
اسوالفهم ... دوه
طيحتهـم ... سوه
اصحاب الحسين
____1____

ســرّ الــمـاي ابـو فاضـل وهــمّـه اسـرار للــصــحـبـه
يـمـهـم ينـحنـي الـتاريـخ يـمـهـم تـنگـضي الصـعـبه
شـايـبـهـم ابـن ظــاهـــر شـيـبــة يــشـبـه الــگــلـبـه

هذوله ارجال ابو الاحرار ... رســـمـو لـوحـة فنّـيّـة
مــن عـالـم الــذر انــصـار ... طـيـنـتهـم حُـسـيـنيّـة

مخلوقيـن لأجـل حسيـن الانصار
والصـحبة عـليـهـم جايّـه تِــگْـدار
بالـخـنـگة ... هُوه
طيحتهـم ... سوه
اصحاب الحسين
____2____

أجـو يـم خـيمـة الحـوراء وحبــيـب أيـهـوِّس ابــردّه
* " اليوصل خيمة زينب
نگطع راسه ندوس اعليه "
اليـوصـل خيمـة أخـت حسـين يرجع طـيِنِة ابـخـدّه
گــال الـ مِـن ظـهـر زلـمّــه يـــگـطـف عـالـخـيـم ورده

ودگ صدره وهتف يحسين ... روحي فدوه لاقدامك
احنـه عـليـك مـحـســوبـيـن ... صحـبانـك وخِـدِّامـك

منـاحرهـم رساله وبـيهـا مكـتوب
ابو اليمّه شمس ما تعرف اغروب
واحـدهم ... نِـوى
طيحتهـم ... سوه
اصحاب الحسين
____3____

زُهـير ونظـرة عـيونِـه مـاي اعـلـه الـعـطـش ينـحـط
ووهب شال ابرگبته حسين وصليب برگـبِته ماحـط
واجب گال حُـب حـسين واجـب مـو على الأحــوط

وچــفّـيـنــه رُفــع نـافـع ... يــشـكـر الـلـه عـالـنـعمـة
شـكـراً ربـَّي يـالــصـانـع ... الْـنـه نــــور ابــو الـيَـمّـه

ويسـجد شـكُر لله ودمعه منثور
چـي عايش وضل الـيوم عاشور
وبالدعـوة ... حُوه
طيحتهـم ... سوه
اصحاب الحسين
____4____

جـون وشـوذب وأسـلم الـورد منـهم اخـذ عـطـره
وبُرير ولو مِشه بصحرا الصـحره تنگـلب خـضـره
وعـابـس مـا لِبـس درعـه شـد گـلـبـه على صـدره

وبـس حسيـن بالانفـاس ... مو هذا الهوه الينشم
حِـلفْـهم چـان والـعـباس ... لـو بحـسـين الـمشيّم

وكـلـهـم يـم خـيـم زيـنـب يـهـوسـون
شحدّه اليجي ويوصل خيمة أم عون
ويـرفـرف ... لــوه
طيحتهـم ... سوه
اصحاب الحسين
____5____

الرياحي من گصد لحـسـين صار الحر صدگ أسمـه
صـاح المايـشـوف حـسـيـن درب الله " أذاً أعـمـى "
ابــو اليـمّـه طريـق الـنور ودرب الـخـيـر والـرحـمـه

حسين وينـظر اعليـهم ... وگــالـــولـه يـــمــولانــه
العساكر ذيــچ تـالـيهـم ... كــلــهــا تصيـر جـوّانــه

من ندخل الحـومة باسمك نصيح
وهالسبعين ألف گـدامـك اتـطيـح
بچلمـتـهم ... روه
طيحتهـم ... سوه
اصحاب الحسين
____6____

* رباط هوسة

#رزقهم_سلام_الله_عليهم
#احمد_رزاق_الاعرجي

منهاج محرم الحرام ١٤٤٤ هـ
أنـصــار الـحـسـيـن "عليهم السلام "
[ صحبة موت ]


بـالـطـف نـقـره آيات شـكـبـرها
للصـحـبة مـواقـف ظـل ذكـرها
الصاحب راحِته ابتعبه
صحبة موت هالصحبة
شـكـبـرهـا

الصداقه الصادقه صدقاً لأخو الـحـره
واحــدهـم وضـع فـوگ الـدرع نحـره
تغلب كل شجاعه الـكـثـره مـن نـقـره
وهــنــانـه الـشـجاعـة تغـلـب الـكـثره

والـحـر ينْــشِـد بـسـوح الـمـنـايـة
النهاية اويه الحسين اجمل بداية
وألقى عليـهم الخـطـبة
صحبة موت هالصحبة

____1____

الصداقة مو حچي افعال شفناها
اوحگّـه حـسين بالأنصـار يـتـباها
واحـــدهـم كلـف للــشـدّة لاواهــا
وانـجــوم الـظـهر اعـداءة راواهـا

ماهمّهم عطش وحسين موجود
نظـراتـه يشـوفـوهـا الـــف جود
الصاحب نظرِته عـذبـة
صحبة موت هالصحبة

____2____

حبيب ينادي ويهل دمعة العـين
يالرايد تـصاحب صـاحـب ثـنين
صاحب ابو فاضل وي الاحسين
تفوز بكلشي والله بدنيا وبديـن

وجــون يـريـد يـبـــرز للـمــعـارة
ونافـع منــتـظر دورة ابـحــرارة
الواحد صعب عالصعبة
صحبة موت عالصحبة
____3____

واحدهم تشوف الغيره بعـيـونه
المثل حسين لتصدّگ يـعوفـونه
هـــو الـمـاي گـبـله مـايـشـربـونه
مو باسمه الهوه الصدگ يسمونه

سور اعله الخيم صارو بالارواح
اليتعب بيهم اكـثر هـذا مـرتـاح
واحدهـم نُـبـض گـلـبـه
صحبة موت هالصحبة
____4____

أجو لحسين رادو رخصه من عنده
حـــومـتـهـم يـطـبـوهـا بـأقـل مـدة
گالولـه الـمـعسـكـر يـخـلـص ابـهـدة
واحدهم جـمـر غـيـره حـمـل زنـدة

شدوها الحزم وسيـوفــهم نـار
وكــل خـزراتـهـم تـوأم الـفـقـار
واحـــدهـم رِسـم دربـة
صحبة موت هالصحبة
____5____

دماهـم قدِّمـوها الديـن ابو الـيـمّـه
طاحو بس على العلّة وعلـى القمّـة
واحدهم شـهادة چـان كـل حـلْـمـه
أصحاب الحسين شمحله هالچلْمة

ضحّـو بالنـفـوس وبـالمنـاحر
البيهم طـاح للجــنّـة مُسـافـر
هــــذا الــرايـد الـقُـربـة
صحبة موت هالصحبة
____6____


#رزقهم_سلام_الله_عليهم
#احمد_رزاق_الاعرجي

منهاج محرم الحرام ١٤٤٤ هـ
لمولاي أبا الفضل العباس " عليه السلام "
[ سيّد الماي ]

سـيّــد الـمـاي عـلـى الـمـاي تهطّـر
يـگـوم ويطـيح بـالأسـهـام تـعـثّـر
ورمل بعيونه وسهم
يريد يوصل للـخيـم
سيّد الماي

هـاي أول مـــره صــــارت عـالـنــهـر طــايـح نــهــر
وهــــاي أول مـره بـالــدم مـنـصـبــغ وجـه الـكــمـر
شـما يـگوم بحـيـله لاچـِن تـعرض بـعـيـنـه الـصـور
زغـار عــطــشـانــــه وتـــريـده ورايــده عـنـه خـبـر

الگطعو منّه چفين ... شلون ايرد للاحسين
تنـتـظره اليـتـامــه ... وتـنـتظره النسـاوين

حيـرِتـه شلـون بـلا جـود يعـاود
ودم الأچفوف عله الگاع يشاهد
ألــم مـابـــعـده ألـــم
يريد يوصل للـخيـم
سيّد الماي
____1____

ارمـاح وحــجـار وسهـام بجسمة وجروحــه شكـثـر
بـالــــرغـم مـــنــهـن دُعــــاءه الــك يــاربـي الـشـكـر
گــام والـدم تـرس طـولـه وطـاح مـغــرب عـالفـجـر
الـگـطـعـو چـفـــوفـه يـوادم عـله وجــهـه يـنــهـطـر

صعـبة حـالِـتـه هـاي ... ضامي وماشرب ماي
عجيبة والله يانـاس ... افـياي بـعـازة افـيـاي

فــكْـره كـلّـه أخــيْـتـه الـعـقــيــلة
بذيچ الأخيام جروحـه الـثـگـيـلة
مايِهم كل جسمه دم
يريد يوصل للـخيـم
سيّد الماي
____2____

الـجــود گــدّامــه تــبـدّه الـچـان بـچـفـوفــه ورد
أسم الله صاح اعله العطاشى وگوه بعـيونه يسد
جروحه من كل كـتر تنـزف يـا جـرح منـهـن يـشد
صـعـبــة يـانـاس وهـظـيمـة عالخـيم لـمّن يـصـد

يذبح هذا الاحسـاس ... يشهگ دم بالأنفاس
طاحت خيمة حسين ... وي طـيحـة العباس

يا أخي بصوت ينادي بالأونـين
أدرك أدرك حـبيبـك يـالأحـسين
حسرِته راعـي العلم
يريد يوصل للـخيـم
سيّد الماي
____3____

طـايح وكـلـشـي بــوگـعـته طـاح غيـم اعـله الارض
وفـجــأه الأحــســيــن لأخـيّـه أجـه للــكـافـل ركض
گــلّـــه لـتـغـمّـض عــــيـونـك لـلـگـلـب أنـت النـبُـض
يـالـوفـائـك عـنــدي صـايـر يالـكـمـر سـادس فـرض

لاتـرحـل يـعـمــري ... بـعـدك يــبـدي كـسـري
بس اتغمّض العين ... احط ايدي اعله ظهري

جروحك هواي يغالـي وچـبيره
بعـدك حسـين تـلـمّـه الحـصيره
ودمع ابو فاضل رِسم
يريد يــوصل للـخيـم
سيّد الماي
____4____

حسـين راد ايـشـيـل أخـيّـه وهـالامـر كلش صعب
كـل كـتـر تــنـزف جـراحـه ســيّد الحـب والـحـرب
حسـين گـلّالـه يـغـالـي دمـوعـي شـافـوها الـغـرب
گـوم عـبـاس اعـلـه حيلـك واتـرك احـضان الـترب

بـعد مـابـيه خـطـوات ... عليْ دارت الشمّات
وصاحو ها يالأحسين ... بعده عدِل لو مـات

للـخـيـــم راح والأجـراح عـظـيـمـة
يمـشـي ويـطيح بلا حيل هظـيمـة
حسين كل حيله انهدم
يـريـد يـوصل لـلـخيـم
سيّد الماي
____5____

حـســيـن نـص الـدرب لــنّـه للــنـهــر گـــلبـه هـرع
مـاگـدر يـوصـل أخـيـامه ويـم ابــو فـاضـل رجـع
اتــمـدد بـطـولـه ويـگّـلـه روحـي مـتـروسـة وجـع
ارد أمــوت ويـاك خـويـه گـوم مـو گلـبـي انـشـلـع

زينب منـتـظرتك ... ورقـيـة مـنتـظـرتك
ماريـدك تســولف ... بس حرّكلي شفتك

تنلـچم خـاف اذا تحـچـي كلمـه
حچيك حسين بالعيـون يـفهـمه
گلبك أختـار الـقِـمـم
يريد يوصل للـخيـم
سيّد الماي
____6____

#رزقهم_سلام_الله_عليهم
#احمد_رزاق_الاعرجي

منهاج محرم الحرام ١٤٤٤ هـ
لمولاي ابا الفضل العباس "عليه السلام "


عـالــشـريـعــة وْشِـلـت يـمـنـاي بيـسـاري
وصـحـت زيـنـب يـا الــهـي بــانـتـظـاري
اوصـل لـزيـنـب ردت
أختي بخيامي عفت
بــانـتـظـاري

عالنهر مـن اوصلت كل فكري حاير
روحـي ضـلّـت بالمـخيم والنـواظر
ألـم چـفـي مـايـهـمـني والـعـساكـر
الـمـهـم اوصـل بـجـودي للـحـرايـر

واعـدت زيـنــب اجــيـب الـمـاي لـيـهـا
مـوقفـي كـلـش صـعـب خـايف عليـهـا
وبچفوفي اتحـيّـرت
أختي بخيامي عفت
بــانـتـظـاري
____1____

ماكـفاهم گـطعة يميـني اعتنوني
گطعو ايساري بغدرهم حاوطوني
وبـسهـم غـادر بعـيـني صـوِّبـوني
والشماته بالحجر حيل أضرِبونـي

وسـمِـّعـوني حـچـي يكـسر گلب الأحجار
بـعد سـاعـة اخـيـامـكـم نـحـرگـهـا بالـنـار
وعالخيم صعبة ألتِفت
أختي بخـيامـي عـفت
بــانـتـظـاري
____2____

شما اگومـن ارد واعـثر عـالـوطـيّه
شحچي لو ارجع بلا جودي واديّه
زحمة زينب لو تشوف الصـار بيّـه
ومـا اريـدن تـنجـرح اي هاشِـمـيّة

حيـرتـي صـعـبـة يـلاهـي شـلـون تنـحـل
گبالـي اشوفـن جـودي مـن الـمـاي وشّـل
گـمت لكـنِّـي طـحـت
أختي بخيامي عفت
بــانـتـظـاري
____3____

شييـبـت وانـي بـشـبابي عالشـريعه
شلون ارد للخيمة وچفوفي گطـيعه
روحي متهمني المهم أختي الوديعه
واليـتامه وسـيدي حسـين ورضيـعه

صـعـبـه لـو لــلـشـــاطـي مــولايّـه يـجـينـي
يـشـوفـوني والصعبه لا متـشـوفـه عـيـنـي
الـهـاي لا ما حـسّـبت
أختي بخيامي عفت
بــانـتـظـاري
____4____

حاولت كل الطرق اوصل لخـيـتي
شما احاول بالسهم تصبح عثـرتي
الماي شيلمه ودمه صارت جربتي
لو اجت زينب شگلها ؟ يامحـنتي

شـلـون أمـسـح دمـه عـيـوني ابـلا اديّـه
وآنـــه بــجــروحـي ولا نـــاســي رقــيّـه
عليها حيل اتعـطلـت
أختي بخيامي عفت
بــانـتـظـاري
____5____

كـل أخـو بـالـشـدّه يـعـتاز الأخــيّـه
وآنــه هـسـه بـعـازة الـكـلّـه حـمـيّـه
سيدي ومولاي ابـو سكـيـنه ورقـيّه
هو روحي ونظر عيني وحتى اديّه

كـونْ آخـر نـفـس مــنـي يـحـضـر حـسـيـن
وبيده يمـسح دمـي هـو ويـغـمـض الـعـين
يا أخي لـمّـن صـحت
أختي بخيامي عـفت
بــانـتـظـاري
____6____


#رزقهم_سلام_الله_عليهم
#احمد_رزاق_الاعرجي

منهاج محرم الحرام ١٤٤٤ هـ
لمولاي ابا الفضل العباس " عليه السلام "

ياروح الزّهره
طايح عالغبره
شمسويه بيك العدوان
يحزام أخوك العطشان

للـنـهـر لـمّـن وصـلــتــك شـيّـب الــراس
صحت آنه حسـيـن أخـيّك گـوم عبـاس
أمشي واعثر ولـدموعـي اتشاهـد الناس
سـهـم عـينـك بيـهـا خـويه شلون تنباس

عيـنك دم بيـها
أتراب امغطيها
ومنك گِطيعة الذرعان
يحزام اخوك العطشان
____1____

مـنـيـن مــا أنــدار الـگـه طولـك الـغـاب
وذره وذره تارس الطف والـرمش شاب
لكلشي يوجد باب وانته لكل نـهـر بـاب
عالتراب اتطـيح وانتـه أبْـن ابو اتـراب

شـيّـب دلّالـي
بـعـدك يالغالي
وبالخـيمـة تنْـطُر رضعان
يحزام أخـوك العـطـشـان
____2____

شلـون أرجـع وحـدي صـعـبـه گـوم ويـاي
سكـيـنه تـنْـطـر ويـه رقـيـه أوّي يـتـامـاي
وحده تخْبر وحده هسه عـمـنـه هـالـجـاي
ونـرتـوي ابـجيـتـه عليـنه شـوْفِتـه الـمـاي

من ارجع صعبه
وافراگـك غـربه
يــابـدر فــوگ الـتـربـان
يحزام اخوك العـطشان
____3____

خويه حاجيني الألم بعيوني جمره
حسين بعدك منحني ياخوية ظهره
آنـه لاچـم گلـبي وجهـك من انظـره
السهم البعينك يخوي امسوّي حفره

دم اعله عيونك
مـتـغـيّـر لـونـك
للـخـوّه أنت الــعـنـوان
يحزام اخوك العـطشان
____4____

طـايـح ومـتـبـدّي جــودك عالــوطـية
وچـفـك اعله الرايـة مگـطوع ورمـية
گــوم يـــالــعـباس أخـيّـك رد علـيـة
حـتى لو حـرّك اشـفافـك خـويه لـيه

شلون ارجع وحدي
وادمـوعي ابخـدّي
واشراح أخبّـر النسوان
يحزام اخوك العـطشان
____5____

أنــت يــا أول نـــهــر يـم الـنـــهــر طـاح
احچي وي روحي واگلها صويحبچ راح
هـــاي أول مــره أمـشـي ولازم أصـفـاح
دموع واحـزان البعيـني وحفنـة اجـراح

والمدمع أحمر
أمشي وأتهطّر
بعـيونـي بيـت الأحزان
يحزام اخوك العـطشان
____6____


#رزقهم_سلام_الله_عليهم
#احمد_رزاق_الاعرجي

منهاج محرم الحرام ١٤٤٤ هـ
لمولاي ابا الفضل العباس " عليه السلام "

عــبــاس عــبــاس

طـب شـــايـل نــار ... عباس
لـلــــطـف اعــصـار ... عباس
وبـيـــده الــفــقّــار ... عباس
والــعــســكـر حــار ... عباس

ويـن الـمـفر مـن الـكـمـر
ايغـص بالزلم خلّـه النـهر
صوب الخـيم مـحد گـدر
يـنـظـر ولـو طـارف نظـر
" تـوگـع عيـنه كـلـمـن يـنـظُـر "

عـــبـــاس عـــبــاس
____1____

الحـومه بيـمناه ... عباس
زلمه اشمــحلاه ... عباس
غـيـره بـعـيـنـاه ... عباس
والـطـــف بـدّاه ... عباس

بچفّـه الـرعـب نـاره يصـب
مـثـل الـجـمـر لــمّـن يـطـب
غيره وغضب سهل وصعب
زلمه وكفـو بـسـوح الـحرب
" شـد الـثـامــه عــبـــاس وهـــد "

عـــبـــاس عـــبــاس
____2____

طـش الـفرسـان ... عباس
فـوگ الـمــيـدان ... عباس
سـيـفـه الـدفـان ... عباس
چفوفه المـيزان ... عباس

كلشي ارتعـش سيـفه نقـش
فوگ الـرگب عـاش الـعطـش
روس الــزلـم طـشـاهـا طـش
ســوّه الــعـجـب لـمّـن غـبـش
" روس الــقـاده سـبـحـه ابـچـفّـه "

عـــبـــاس عـــبــاس
____3____

بخـزرات العـين ... عباس
طاحـو سـبـعين ... عباس
صاحو يحـسين ... عباس
نـشـــرد لا ويـن ... عباس

كـل الـشـرد ظـنّـه ابـتـعـد
راسـه وگـع يركض جسـد
بيـن الـچـثـث واحـد لـبـد
مـن خـوفـه ذاكـرتـه فُـقد
" سـوّه الهـيمـه طـوفـان الدم "

عـــبـــاس عـــبــاس
____4____

بالعسـكـر صـاح ... عباس
قــابــض ارواح ... عباس
اعليهم من راح ... عباس
غاضـب مرتـاح ... عباس

طـب منتفـض واليعـترض
درب الـكـمـر تـلــگـاه أرض
ولراسـه واعـظـامـه يـرض
أطـلابـه وابـد لا مـاتــفـض
" بالـطـف سيـفه فصلـه أمربـع "

عـــبـــاس عـــبــاس
____5____

مـحــد لاگـــاه ... عباس
عاشت يـمـناه ... عباس
صـگّـار اعـداه ... عباس
والطف صفّـاه ... عباس

من فـاطـمه شـايـل حـرز
من خـطوِتـه الميـت يفـز
سيفه عطش منحر يحـز
طـب عالرگـب يـفرز فـرز
" والـطـف بيـده مثـل الـرايـة "

عـــبـــاس عـــبــاس
____6____


#رزقهم_سلام_الله_عليهم
#احمد_رزاق_الاعرجي

منهاج محرم الحرام ١٤٤٤ هـ
لمولاي القاسم ابن الحسن " عليهما السلام "


روح امودّع الله بالسلامة
باجر نلـتقي يـوم الـقيامة
يالقاسم .. شد عزمْك
يالقاسم .. آنــه امّــك
يبني يبني

يبني من تدخل الحومة .. تنخمش روحي
وتكثر اجروحـي .. فرگتك صعبة
طـبع اليْـفـارگ يـروحـي .. يـرجـع الأهـله
والله مو سـهـله .. فرگتك صعبة

افراگك شيّب رموشي وذبح گلبي
يمّي انتـه وبعد ما وچِّـده الـدربـي

شحلاتك من تـديـر الـعـين ليه
وعيـونـك شـمـس بالـمـغـربـيـه
يوليـدي .. أشــتــمّـك
يالقاسم .. آنــه امّــك
يبني يبني
____1____

رايح ودمـعـي يـهـل دم .. يالولـد يـمّـه
بغـيبـتك اعـمـه .. يانفـس ريـتي
الحيل من بعدك تطشّر .. والحـزن بـيه
الظهري محنية .. وانت عافيتي

هـظـيـمـة يـابـــعـد أمـك أضـل ألـمـن
يريت الموت يآخذني وأموت احسن

بـعـيـونـك حـچـي شـايــل ارادة
وتـشــرح دمْعتـك معنى الشهادة
وحسينك .. كـل همّك
يالقاسـم .. آنــه امّــك
يبني يبني
____2____

خل أشـم عطـرك يغالي .. وأشـهگ بعـبره
اتحفظـك الزهـره .. ياشِبه حيدر
مثل گطرة بوجه صحره .. ضاعت آمـالي
ومنكـسر حـالـي .. والجـرح يكبر

چنـت أحـلم أحنّي چفوفك الحلوة
والـمـبـارك أكــلك يــبـنـي يا سـلـوة

اشوف من الضـمه يوليـدي ذبـلان
اليبوس الماي چفه شلون عطشان !
يالوارث .. مـن عـمّـك
يالقاسم .. آنــه امّــك
يبني يبني
____3____

يـا اعـيـوني ويـانـظـرها .. يافـرح عمـري
ياسـند ظـهـري .. يـابعد گلبي
الشيب لا ماچنت أعرفه .. وهسه ماليني
يـانظـر عـينـي .. ياتعب تعبي

صعبـة الأم اذا راح الولـد مـنـهـا
تضل بـس الجروح الي يماشنها

ياسباح گلبي وتعب الأسـنين
تروح أنت وأضل آنه للأونين
كل همّي .. يـم حلْمك
يالقاسم .. آنــه امّــك
يبني يبني
____4____

الزلـمّـه مايـترك عــمامـه .. بموقف الشدّه
ولا حـچــي ايـردّه .. روح يالـزلـمّه
العندة مثل حسين خيمة .. ياكُـبُر حـظّـه
يمشي وي نبضه .. جوهر الحـكمه

قـدّم نـحـرك ودمـك فـده لـعـمّـك
وصيّتك والِدك يبني اوّصية أمّك

أزغـيّر بالعـمـر وأفعـالـك أكبـار
حطب هاي العساكر چفك النار
صعبة الأم .. أتحزْمك
يالقاسـم .. آنــه امّــك
يبني يبني
____5____

للشهاده الينطي روحـه .. وينطي كل حيله
أمّـه تـدعـيــلـه .. بكل فجر يطلع
وآنـه اريدك يـبـني ترجع .. كــونـك امـوذر
لعين أبو الاكبر .. أرجـع امـگـطّـع

مـن اتـروح روحي وياك تـدعيلك
ومن تتعب تذكّر يبني شد حـيلك

حرب الله بدت وي الشـياطين
يبـني روح وارفع راية الــديـن
ضحّـيله .. بـكل دمّك
يالقاسم .. آنــه امّــك
يبني يبني
____6____

#رزقهم_سلام_الله_عليهم
#احمد_رزاق_الاعرجي

منهاج محرم الحرام ١٤٤٤ هـ
لمولاي القاسم ابن الحسن " عليهما السلام "

القاسم دِخل سوح الحرب


دخـل جـسام بحـسـامة
وگام يطبر هـامة هـامة
طش ضوه ابهـدّة لِثامه ... ياجمال عـيونه

عالمناحر طـش مـناحر
والشرد من سيفه حاير
كلف طـشّـرها العـساكر ... حيدره ايشوفونه

إنّي أنا القاسِمُ صاح بزمجـره
واليوگف گبالي ادوساً منحره

والعـسـكر بـخـوف ورعب
القاسم دِخل سوح الحرب
____1____

واليشـوف عيونه كـبّر
مو برجله بخوفه يعثر
الطف زغـير وهو أكـبر ... رتّـل بـآيـاتــه

غضب نازل عالوطـية
گباله شردت آل أميـة
شـايـل بچـفـه المنـية ... يذبح بخزراته

والّي يضل گدامه معناها انسحگ
والشرد من الخوف بأنفاسه شِرگ

طاحت رگب فوگ التـرب
القاسم دِخل سوح الحرب

____2____

الحومة مثل المهره عنده
وهـو خـيّــال اعـلـه جـدّه
يـــازلـم تـــوصـل الــحـدّه ... حلوه كل اعلومه

يسحگ اشوارب جحافل
بــالـحـرب لا مـايـجـامـل
يشـبـه العمّه ابـو فـاضـل ... من يطب للحومة

طاحت زلمها اعله الزلـم لمّـن نِزل
بركان غاضب عالعساكر من حِمل

فوگ الصعب هـو الصـعب
القاسم دِخل سوح الحرب
____3_______

طاحـت گبـالـه الصوارم
هــذا تـربـات الـهـواشـم
والشرد ظن روحه سالم ... لچن طايح راسه

گلها تبـچي گبـاله صـارت
السيف رحّـه وبيده دارت
والعـسـاكـر كـلـهـا حـارت ... يشد گام امداسه

والغيره بعيونه جمر ويطـگ جمر
كل الضوه ساجد اله بوگت الظهر

خـلّه الدمـه بطـول الدرب
القاسم دِخل سوح الحرب
____4____

بـالـحرب كـشّـاخ طـبعه
والگلب شدّة اعله درعه
المات من خوفه يرجعه ... حتى يكسر عينه

صاح وأختل المعسـكر
بـالـمـعاره چنّـه حيـدر
روسهم سـوّاهـا مـعـبر ... أبـن عـم اسـكيــنه

مترهّي يمشي بخطوته وداس الرگب
نـيران ســيفـه والرگـب صارت حطب

سـجيـــل بالـحومه يطـب
القاسم دِخل سوح الحرب
____5____

عالمهر ينشاف حـضره
مـاكــدر واحـد يـعــبره
الزلمه بيهم من يخزره ... گــلـبه يوگـع بيـده

ليــل سـّواهـا عـلـيهـم
بالأشـاره كل حـچـيهم
فجأه خافو لا يجــيهم ... كلف يهوه الصيده

بي شمرة الـكرار وگت الموزِمـه
وبكربله بالـدم اتكـحـّل صارِمـه

يـشـبه مُـحـمـد عـن قُـرب
القاسم دِخل سوح الحرب
____6____

#رزقهم_سلام_الله_عليهم
#احمد_رزاق_الاعرجي

منهاج محرم الحرام ١٤٤٤ هـ
لمولاي علي الاكبر " عليه السلام "


الاحسين وگصد للحومه مـلهوف
شاف الأكبر وحاضـنته الاسيوف
ارسومه اتغيرت
للخـيمه الـتِفَـت

مـن الخـيـمـة لمّـن شـاف عـسكر دايـر اعله ابـنـه
اخـذ مـهـره ودخـل غـاضـب وطشـرها الزلم عنّـه
وصـل شـاف أبنـه مـتـگـطّـع كتر سـالـم ولا مـنّـه
طـول بـطـول نـام بكـتـر الاكبـر
يـگلّه جرحي منّ اجروحك اكبر
طايح يالچنت كل حيلي واكـثر ... يـالاكـبـر

على الدنيا العفى من صاح الاحسين
الاكـبـر طــاح عـــرفـنّـه الـنــســاويـن
ودمـوعـه جرت
للخـيمه الـتِفَـت
____1____

شــلـون ايــعــود للخـيـمة والـنـسـوان تـنـتـظـره
راد ايـشــيله بـأحـضـانـه شـما شـالـه تِــگـع وذره
مـو صـدره أختـنگ يمّــه ابو اليمه اختـنگ نحره
شـاف الاكـبر أبنـه امگطّـعينه
ودم وتراب داير جـوّه عـيـنه
وصدره بالحوافر سـاحگـيـنه ... أموذرينه

يـلـمّـه حسين صعـبه حايـر شـلون
وللخيمة يحـمله بحضـنه لام عون
الأصعب لو درت
للخـيمه الـتِفَـت
____2____

حـاچـيـنـــي يـگـلّـه يــا عـلـي يـاتــعـبـي واربـايـه
لـمّ حيـلك وجسـمـك گـوم وأرجـع لأمـك اويـايـه
الحزن شد رايـِتـه بروحـي وحـدّب منـّـي مگفايه
المصايب بعد عينك ما تهدني
يـالـعـمـرك يـبـويـة مـاتــردنـي
من كـثر المـدامـع مـات ردنـي ... اعله ونّي

وأجو من العساكر يمّه شمّات
يسألونه عالاكبر عدل لو مات
وروحه اتعلعت
للخـيمه الـتِفَـت
____3____

حـمل أبنـه بگـلـب متـعـوب رد لـخيـامـه بـوليـده
يـمـشي ويـعـثـر امن الآخ الأكـبر شـايـلـه ابـأيـده
وصـل لـلـخـيـمة بـالگـوّه وبـيــهـا نـزِّلـه ابـهــيـده
والـنـــسـوان لاگـنّـه الــمــصــيــبـة
حبيب وشـايل بـحـضــنة حـبـيــبه
وشيبات الاحسين اضحت خضيبه ... وتـريبه

واجت ام علي الاكبر والدمع دار
تنادي فرگتـك بظلـوعـي مـسـمار
وحسين البخت
للخـيمه الـتِفَـت
____4____

گــعدت أمّـه يم جـسمة وتنـظـر طبـره عالطـبره
واسـهـام ورمـح مكـسور شـافـت ضال ابـصدره
اشما حاولـت تمسـح دم يـرد ينـزف دمـه نحـره
تريد اتشـبـگه لـكـن حايـره مـنـين
گـعـدت تنـحــب ودم تهمـل العـين
ومثل عامود خيمة طاح الاحسين ... الاحسين

والعشره شبـچها فـوگ هـامه
واندارت على حسين اليتامه
روحـه اتحـيرت
للخـيمه الـتِفَـت
____5____

#رزقهم_سلام_الله_عليهم
#احمد_رزاق_الاعرجي

منهاج محرم الحرام ١٤٤٤ هـ
لمولاي علي الأكبر "عليه السلام "


طـالع شباب من الخيم
بشفافة آيـات العطـش
سوح الحرب لمّن دِخل
كل منحر گبالـه ارتعش
علي الاكبر علي


من الـعـرش نـوره نـازل
مـتـحـزّم بـيا ابو فاضـل
بنظراته طاحت جحافل .. سيفه كحِّله بدم

بحز الرگب سيفه شاطر
يسقُـط لـچن عـالـمنـاحر
مـاينـعـرف چـنّـه بــاجـر ... والبُــرزلـه يـندم

مـثل الـهـوه مايـنـلـزم ... طاحـت زلـم يابو زلـم
والحومه تتمــناه حلـم ... كل الصار
سجيل سيفه ابيمـنتـه ... والرعد شـال بخزرِتـه
العباس عمّه بصـطرِتـه ... مثل النار

بيـن الـظلام بـهـيـبِـتـه
مثل الشمس لمّن غُبش
سوح الحرب لمّن دِخل
كل منحر گباله ارتعش
علي الاكبر علي
____1____

فوگ الـمـهر هـد لـثامـه
والعسكـر انطـش أمامه
ايـفسـر حديث القيامـة ... صارمة ابچفوفه

ألطف صُفه بيده صفحه
والــمـايــريـده يـمـسـحـه
موضوعـه هـو اليـشرحـه ... فارس بطفوفه

واللاگه شبه المصطفى ... كل جسمه دم بي ماصُفه
يـرجــع بـظـهر الخـلّفـه ... مـن الخوف
مثل الجبل كاسـر رگب ... نـار وركـض بـين الحطب
ألشرد منّه وظـن هـرب ... مات اوگوف

ســـــورة بــــراءه چـلـمِـــتـه
ابلا بسمله اعله اهل الدغش
ســوح الـحـرب لـمّــن دِخـل
كـل منـحـر گبـالـه ارتــعــش
علي الاكبر علي
____2____

بالحومة منهـو اليقـهره
مثل الكفيل اعله مُـهره
يتمـنى مـوته اليـنظـره ... وحده طش زلمهم

مــن الـركـض تعـِّبـاهـم
لكوكب زُحل وصِّلاهـم
للطف زحف رجِّـعـاهـم ... فـرگِسـت چـدمهم

رايـة علـي بيـده تــرف ... يسحگ على السبعين ألف
راعب الـخـيّاله الــكلـف ... سيفه الحاد
صاح آنه ابن خير البشر ... الـيـوم اراويـــكـم سـقــر
والجـيش دوّر عـالـمـفـر ... بس مافـاد

يـســمـع دخـيلـك يــاعـلـي
بسيفه الرگب طشاها طش
ســوح الحـرب لـمّـن دِخـل
كل منـحـر گـبـالـه ارتـعـش
علي الاكبر علي
____3____

سوح الوغى وبيها الأكبر
كل نـيـنـوى يمّـه تـصـغـر
بين العدا الموت الأحـمر ... صارمة ومـيتـعـب

والـفــكّـر گـبــالـه يــثْـبـت
صوت الگلب عنده يخفت
من خوفـه تلـگـونه مـيّـت ... حتى راسه شيّب

أتوكل بسم حامـي الحـمه ... وطوفان صار امن الدِمـه
وأمـواج مـوت الـمـلحـمـة ... تمشي وياه
نـار وغــضـب لـمّن هِـجـم ... ونظراته ماي اعله الخيم وحسين من شافه ابتـسم ... صــاح الله

خـزراتـه بــيــهـا الـزلـزلــة
وسـيـفه بمـناحرهم فُرش
سـوح الحـرب لمّـن دِخـل
كـل منحـر گـبـاله ارتعـش
علي الاكبر علي
____4____

خيّال عالمـهره وحـده
شـــلال يـاهـو الـيـردّه
غيرة علي جدّه عـنده ... مابقـت مناحر

حارت الحومة بزلمها
بكيفه يطشها ويلمها
الفرسان ذبّت هدمها ... وطاحت البواتر

بچفه عصى موسى وْزِأر ... شـق العـسـاكـر چـن بحـر
يسحگ جـماجم وانـحـدر ... مثـل الـسيل
ســيـل العــرمْـرم سـطرِتـه ... اتموت الچفوف بخزرِته
طــاحـت الخيـل بصـولِتـه ... فوگ الخيل

والگاع غـصّـت بالجِـثث
لوحة رِگـب سـيفه نقـش
سوح الحـرب لـمّن دِخــل
كل مـنـحـر گـباله ارتعـش
علي الاكبر علي
____5____

منّـه الـهـوه ايـشم عبـيـره
ومنّه الضوه ايشق مسيره
والـــنـظـر لـــمّـن يـــديــره ... ايشع جماله حضره

يـوزارســـيـف بـخـصــالـه
لــو شـاف الأكـبـر جـمـالـه
چــا كــبّـر اوْ إنـحِـــــنـالــه ... ســاعـة الـينـظـره

سيد على الحـب والحـرب ... هـوّه السـهل هـوّه الصعب
عند الاحسين اسمه الگلب ... نـور الـعيـن
چــنّــه مـحـمـد مــن يــكـر ... لـو ينـتـصـر لـو ينــتـصــر
مـايـنطـي ظـهـره ومـايـفـر ... ابن حسين

يشـبه حــسين ابهـيـئِـتـه
چـنّــه گـمـر اربـعـطـعـش
سـوح الـحرب لمّـن دِخـل
كل مـنحر گـبـاله ارتـعـش
علي الاكبر علي
____6____

#رزقهم_سلام_الله_عليهم
#احمد_رزاق_الاعرجي

منهاج محرم الحرام ١٤٤٤ هـ
لمولاي عبد الله الرضيع " عليه السلام "

زغــيـر ودم رگـبـتـك تـارس الـگـاع
مو دخان صوتـك واخـتـفى بـسـاع !!
ولا حتى عطر ويعيش فـتره !
وضعك يا عبد حيّـرني أمـره

بـگـماطـك ... خذاك حسين للحومـة
يالـضامـي ... رجع متغـيّره ارسومـه
مـن دمـك ... صابـغ شيبة وهدومـه

فتحت اگماطك ابيا حاله للـعـسـكـر
يـالـعـطـشـان يـالـراجـع بـلا مـنـحـر
وسهم نحرك اشوفه بطولك واكـبـر

مو دمعات نـزلـــن طـاحـت العـيـن
من شفتك ذبيح ابحضن الاحسين
مو قاروره عينك! ليش حمره
وضعك يا عـبد حيّـرني أمـره
____1____

بشفـافـك ... عطش وبزخرُف مزخرف
يـالعطـرك ... تــارس ريّـة ارض الـطـف
يالروحـك ... اصغـر سـورة للمـصـحـف

يالمسافر سفر صـدگي لوطـن صـدگـي
كــــاروكـك بـعـد مـثــلـك فـلا يــلـگــي
احترگت روحه وآنه امن احترك حگي

قبل حرگ الخيم محتـرگه روحـي
سـألت علـيك كلـشي حتـى نوحي
دمك هذا لو يـاقـوت انـظـره
وضعك يا عبد حيّـرني أمـره
____2____

للـخـيـمه ... مـن شفـتك ألـي رديت
يـولـيدي ... چفوفي عالگلب خلـيت
عبـد الله ... اسم الله يالولـد ناديت

ذبّـاحـك ولا يـعـرف شـنـو الرحـمـة
الـعـسـاكـر كـلـهـا مشـگولة الف ذمة
يــانـعـمـة وابـد مـاشـافــو الـنـعـمـة

ذبّــاحـــك تــره اعــمــى الـبــصــيـره
الـرگـبــتـك مـانـظـر تــرفــه وزغـيـره
يالفرگاك بين ظلوعـي جـمره
وضعك يا عبد حيّـرني أمـره
____3____

يــاروحـي ... أگعدت يمك والـولـيـلـك
وآنه ادري ... مــــذبـوح وانــاغـــيـلـك
والسـكتـه ... تـــذبـح امـك ادخـيــلـك

السهم مايستحي يوليدي من صـابك
رحـت سـالـم ومـن ردّيـت بخـضـابك
اتـوزّع شــيـب گـلـبي يـبنـي بثـوابك

اعـيــونــك يــمّــه فـاتـحـهـا عـلـيـه
احــس چـنّــك تـنــاشـد عـن رقـيـه
يالبيك العطش بانيله حضره
وضعك يا عبد حيّـرني أمـره
____4____

من شفتك ... الشيب ابهامتـي اتـوزّع
من شفتك ... دِم مــدري نـده يــوگــع
نــاديــتـك ... لـحضن امك عبد ارجـع

صعبه حسين مـن شـالك حِـنه ظـهره
خـلف الخـيمـه راح ومخـتنـگ نـحـره
يـحــفـر گـبرك وكـل حـيلـه عـالـغـبـره

الــيـشـاهـد والــدك يـحــتـار بثـنـيـن
أألـمــيّـت عـبـد لـو مــيّـت حـســيـن؟
أبوك جروحه صارت يُمّه كثره
وضـعك يـا عبد حيّـرني أمـره
____5____

#رزقهم_سلام_الله_عليهم
#احمد_رزاق_الاعرجي

منهاج محرم الحرام ١٤٤٤ هـ
مولاي الحسين " عليه السلام "




[ آنـه الحُسين ]

آنـه الحُسين الخيل سحـگـت صدره
ما باقي شـي وأتـلاگـه ويـه الـزهـره
بس گلبي يبقه اعله الخيـم والـبـيها
والـنار خاف اطـفـالـي تـوصـل لـيهـا
آنـه الحُسين الخيل سـحگت صـدره

مابـاقي شـي مـن هالعـمر بـس عـيني تغـمض مـنّـي
الـتـقـي بـأمـي فـاطــمـه وجــروحـي تـبـــعـد عـنـّـي
انـسـى الألـم وانـسـى الـجـرح بـس الـخــيـم يـآذنّـي
خوفي اعله زينب والـحــرم يـحـسـين لـو صـاحــنّي

والصعبه لو صوت ... مـن الخـيم ارجـع اذا تـسمـعـنا
والصعبه لو صوت ... بعدك يبو السجاد بالطف ضعنا

وشلون الِم جسمي وجروحي اتنازِع
والـحــافـر اشـخـلـه وأگـلـهــن راجـع
وشـيـباتــي دم واتـراب الـ مـغـطيـها
والـنار خاف اطـفـالـي تـوصـل لـيهـا
آنـه الحُسين الخيل سـحگت صـدره
____1____

مصحف طحت من الـعرش تارس عــيـون الـهيـمـه
والـحـافـظ آيــاتــي فـقـط عـبـاس حـامي الـخيـمـه
يــم الـشريـعه البسـمـله من عـنده صـعـدت غـيـمـه
رتـل هلا بكل العطـش وعـيـونـه شـاطـي الـشـيـمـه

چان السهم حار ... بس چان عـطـشان وتـروّه بـعـيـنـه
چان السهم حار ... بس مو احـر من گلب بنتي اسكينه

والجود طاح اعله الترب كل قصده
يـنـطـي الارض مـاي الـحياة العنـده
يـاجـود مـثـل أسـوايـته أمـسـويـهـا
والـنار خاف اطـفـالـي تـوصـل لـيهـا
آنـه الحُسين الخيل سـحگت صـدره
____2____

مـن بـعـد فـتـره مـؤلـمــه قـد حـان وگـت الـمـلـگــه
وميـل الـثـوانـي مـن الصـبر طاح وتـكـسّــر خـلـگـه
يمـي الهـوه ابـطوله سـجـد بـس الخيـم مـخـتنـگـه
بـاقيـلي بـس آخر نفـس واتـراب احـس بـالشـهـگـه

وعيوني عالخيل ... خافن يروحن للخيم كل خوفي
وعيوني عالخيل ... واتراب والـدم مايـفارگ شـوفي

والحافر امطشّـرني طـول الـهـيـمـه
وكل خوفي لا اوصل وذر لـلخـيـمـه
صحت الخيم ياخيل بس عـوفـيـهـا
والـنار خاف اطـفـالـي تـوصـل لـيهـا
آنـه الحُسين الخيل سـحگت صـدره
____3____

احجار اشـكثر مـثـل المـطـر واسـهامـهم مـاتـگـطـع
وكل خوفي زينب لاتجي وتشـوف جسـمي امـوزّع
والحـيره بأزغـار وحـرم لو جـسمي تركـض تـجـمـع
وابـني العـلـيل ابخـيمـتـه صعـبه وعـلي من يطـلـع

كل شده وتهون ... بس لاتطيح اختي ابجـروح العـاشر
كل شده وتهون ... والصعبه فوگي تشوف يركض حافر

زينب اخـافـن لا تـشوف اجـروحـي
ولمن تـجـينـي صـعبـه اگلـها روحـي
وتـــشـوف مـتـــوذر بُــقـه والـــيـهـا
والـنار خاف اطـفـالـي تـوصـل لـيهـا
آنـه الحُسين الخيل سـحگت صـدره
____4____

اشـمـا انـظـر آنـه اعله الخـيـم انـظـر النـار التـلـهـب
وعيـوني دم بـيـهـا وشـفـت بالهيـمـه تـركض زينب
والباقـر أزغـيّـر عـمـر بـس شـفـتـه بـالـطـف شـيّـب
والسـوط بـمـتـون الـحـرم مـايـرضـه يـنـهـد چـلّـب

والتعثر اتصيح ... يـحـسـيـن ارجـع خـل نـرد ديرتنه
والتعثر تصيح ... عالجـمر واعلـه اوجـوهنه طيحتنه

واحتـرگ گلبي من شـفـتـهـا ارقـيـه
أتــگــلّــي أرجــع بـــاگــو الـتـرچـيـه
الْـتــرفــه ذيــچ امـحـرّگـه رجـلـيـهـا
والـنار خاف اطـفـالـي تـوصـل لـيهـا
آنـه الحُسين الخيل سـحگت صـدره
____5____

آخـــر نـفـس بـيـه لـچـن مـاغــمّــضـتـهـا عــيـونــي
وباقي اعله صوب المشرعه مفتوح بـاب اجـفـونـي
مـن حـاولت انـهـض ردت شـمّـاتـه ألــي شـافــونـي
بــرمـاح وسـيــوف وحـجـر كـلـهـم أجـو ضـربـونـي

گالولي عباس ... لـمّـيـت حـيلي وگـلـت هـوه شلونـه
گالولي عباس ... مـگـطـوعـه چــفيـنـه ورمل بعيونـه

وگالو كـِسـرنـه السـهـم أحنـه ابعينـه
واهـنــانـه روحــي راحـــت الباريـنـه
وأستشهدت والحره خـوفي اعـليـهـا
والـنار خاف اطـفـالـي تــوصـل لـيهـا
آنـه الحُسين الخيل سـحـگت صـدره
____6____

#رزقهم_سلام_الله_عليهم
#احمد_رزاق_الاعرجي

»بسم الله الرحمن الرحيم
السلام عليكم خدام الحسين (عليه السلام) ورحمة الله وبركاته
بعد التوكل على الله العظيم الكريم
وببركة النبي الأكرم وآله الطيبين الطاهرين صلوات الله وسلامه عليهم
سوف نباشر بنشر منهاج محرم الحرام
لسنة 1445 هـ تباعاً
ونسأل الله القبول والتوفيق للجميع
ونسألكم الدعاء

#رزقهم_سلام_الله_عليهم
#احمد_رزاق_الاعرجي

بسمِ اللهِ الرحمنِ الرحيم
منهاج محرم الحرام
1445 هـ

" جائكم محرم "
لاستقبال شهر محرم الحرام :


جائكم محرم ... فاستعِدّو ... وهـيّـئوا الـقـلـوبْ
فخـذوهُ دربـاً ... ومـتـاعــاً ... لِـعـلّام الــغُـيــوبْ
رفْـَـعـوْهـا الاعـلام
هـمّــتـكــم خـــدام
وهـيّـئوا الـقـلـوبْ


أجاكم ... شهر الدمع شـهر الـخدمة
أجاكم ... شهر الحزن شـهـر النعـمة
مآسـي .. ومـدامع .. حِمـلها ... ومواجـع

لـقـاءه ... مـاكو بـشر خـيره ايـعـدّة
لـقـاءه ... مثل النده ويحضن وردة
حنَينَـة .. شِمِلكم .. أحـزمـو .. حـزمْـكُـم

شـهـر الـطاعـة وخـدمة والـخـادم قـد افـلـح
شمحلاها البي يدرس ويوم المحشر ينـجـح
خــسـران الــمــا ثــابــر والــثـابـر بـي يـربـح
واجـب بـاب الـدمـعـة يالخــادم بـي تـفـتــح

إن فـــيــه خـيـرُ ... وثــوابٌ ... وأجــــرهُ كـبــيـر
دمـعَـكُـم يُـداوي ... للحُسينِ ... جِراحُـهُ الكـثـيـر
مــابــاقــيـلـه ايـام
هـمّــتـكــم خـــدام
وهـيّـئوا الـقـلـوبْ
1

مـنـازل ... فـوگـاهـا تــتـعـلـگ رايـة
مـنـازل ... بـيها حـزن بيـهـا اقـرايـة
المجالس .. مدارس .. تخرّج .. عوابس

مُـحـرم ... بي تجتمع دمعة و فـقـرة
مُـحـرم ... اتحبّه الزغار اعله الفطرة
ونشاهد .. وضعهم .. يشرحه .. دمعهم

مــن العـشـره الأولـى كـلـمـن شـد احــزامــه
ذاك الـيـنـصـب تـكـيـه وذاك ايـشـد اعـلامـه
وذاك الــراد الـعـاشـر يـلـفـي ويـطـبـر هـامـه
والـــد سـكــنــه ايـحـبــهــم اولاده وخـدّامـه

إن فـــيــهِ سِـــرٌّ ... عجيـبُ ... وعِـنـدهُ الـســلامْ
والـــقُـلـوبَ حرّا ... لِــلِــقـاءِ ... مُـحـرّمَ الــحـرامْ
يــلا انـشــد احـزام
هـمّــتـكــم خـــدام
وهـيّـئوا الـقـلـوبْ
2

عِشِگْـنه ... واحـد ابـد مـايـتـغـيّـر
عِشِگْـنه ... ابو علي وراعي المنبر
خِدِمته .. وطنّه .. ورحِمته .. مـحنّـة

مواكب ... راية وترفرف يم راية
مواكب ... منتظره يـوم المـشاية
المحرم .. تراقب .. عيون .. المواكب

كـل موكـب منـتظـرة شـهر الضـامـي الطـاهـر
واصـــوات الـتـخـدم بـــي يــا أهـلاً بــالـزايـر
بـدرب الجـنّة اليمـشي يسـمـع صـار وحـاضـر
كـــلـمـن يـقــفـل بــيـتـه وْلـلْـجـنـات يــسـافـر

موكِـبُ الخِـدامـة ... لـلـمـريـضِ ... طـعامـةُ شِـفاء
والصــدى يُـنـادي ... ألـفُ أهــلاً ... زوّارُ كـربـــلاء
وأصــوات الأقـلام
هـمّــتـكــم خـــدام
وهـيّـئوا الـقـلـوبْ
3

جـمـاله ... بـالـدنيـا لا مـايـتــوصّــف
جـمـاله ... بعـيونـه يـرتـاح المصحف
هوانـه .. وضوانـه .. بـردائـه .. احتـوانـه

حنينه ... أول نـــهـر تـــارس هــيـمـة
حنينه ... الماعنده خيمة انطاه خيمة
اشكبرها .. رحمْـته .. يـلـمنـه .. ابنـعمـتـه

كـل عـاشـگ يـتـندم وكـل ليـلة ايـضل ينحـب
بـس لـحــسـين الـعــاشـگ بالـدمـعـات امـرتـب
هــو الـحـب الـصـدگـي وغــيـره لا مــايـنـحـب
تـتـعـب كــل الدنـيا بــس عـشـگـه الـمـايـتـعـب

سيّـدُ الـغـيـارى ... وحـبـيْــبُـاً ... وســيّــدُ الـفُــراتْ
إســمـهُ تـجلّْـى ... لـلـحــيــاةِ ... سـفـينَـةُ الـنّـجـاةْ
لحـسين الـضرغـام
هـمّــتـكــم خـــدام
وهـيّـئوا الـقـلـوبْ
4

يوادِم ... اتـشـد الـعـزم أمــنا الزهـره
يوادِم ... بـالمـجـلـس اتـنـادي بـعـبره
دمــعـكم .. بــديـــة .. ألــمّــه .. هـــديــة

يجيكم ... ألـْمـهـدي وجـروحـه بـگـدّه
يجيكم ... محني الظهر يمشي لوحده
دموعه .. وجراحه .. لحبيبة .. ونـياحـه

يبچـي وحـمـرة الـدمـعـة مـن عـيـون الــغـايب
والـــكـل احـسـيـنـيـة يـدخـل عـيـنـة اتــراقـب
كل احـداث الـخـدمـة عـيـن الـمـهـدي اتـواكـب
ولـمّـن ينـعـى الـنـاعـي يصـبح طـولـة حـاجـب

جِـرحُـه يُــؤدّي ... لِــرؤوسٍ ... قد أعـتلت رِمــاح
قـلبَـهُ الكـسـيـرُ ... إن فـيْــهِ ... لـزيـنــبَ الـجِـراح
يبچي لجرح الشام
هـمّــتـكــم خـــدام
وهـيّـئوا الـقـلـوبْ
5

أبـونــه ... رغـم الـجروح البي كـثره
أبـونــه ... لـمّـانـه تــسـبـيـح الزهـره
يحبنـه .. ونحـبّـه .. بشـددنــه .. نـنـدبـه

هظيمة ... مثله يرض صدره الحافر
هظيمة ... ويتـطـشّر ابظهـر العـاشـر
جـمـالـه .. حـسـافــه .. تـغـيّـر .. وسـافــه

الحـرگـو كـل خـيـمــاتـه رجـعـو سـلـبـو هـدمـة
وگـطعـو خـنصــر چـفه چـيـف الخـنـصر زلْـمـة
مــامــهـتـم لــجـروحـه چـــانـت زيـنــب هــمّـة
واجــــب مــن دم نــبــچــي للــمـا يــبـرد دمّــة

دمْـعُــنـا قـلـيـلُ ... والمُـصـابُ ... كـبــيـرٌ لا يُـحـد
مِــثـلْـــهُ كـيـومٍ ... مـا لــقِـينـا ... لـهُ كُـفُــوًا أَحَــد
قـــــادم بــــــالآلام
هـمّــتـكــم خـــدام
وهـيّـئوا الـقـلـوبْ
6

#رزقهم_سلام_الله_عليهم
#احمد_رزاق_الاعرجي

بسمِ اللهِ الرحمنِ الرحيم
منهاج محرم الحرام
1445 هـ
قصيدة لمولاي صاحب الزمان روحي فداه


أجه شهر النـيـاح
مـحرم والـجـراح
يبو صالح مصاب
الحبيبك عالرماح
.......................................................................

بمحرم يجري دمعك
واديك اتلاگي ظلعك
تون منـهو اليسمـعك

غـريـب ودمـعتك دم
جــراحـاتـك مـخــيّم
الـجـمـر بـيـها تـحـزّم

بمحرم تحضر بيا مجلس وتنحب
اشيصير بحالتك من تنذكر زينب
گلبك مو شعر راسك حزن شييب

جروحك وشكثر
ينـفـحات العـمـر
دمه دمـعك يـهل
حبيبك عالرمـاح
____1____

حـيلك فـاگـد الحـيل
بصدرك حافر الـخيل
وخرابه وشام والليل

مـنـو مـثلـك يغـايـب
شباب بحزنه شايـب
وحيد ابلايه صاحب

تجـي ابــّـاب الحـسينات بالحـسره
ونحرگ يختـنگ للـمـنگـطـع نـحره
وصدرك يوجعك للمنسحگ صدره

حِمل گلبك عـزاء
يـسلـطـان البـكاء
وجروحك كربلاء
الحبيبك عالرماح
____2____

يمتـعوب بـحيـاتـك
تـلـچمـك ذكـريـاتـك
ومذبوحه امـنياتـك

حزن شالت عيـونك
ولا سـامـع شـلـونـك
يـالـــهـادل مـتـونـك

جريح وجرحـك بـروحـك ولايـنراف
الحزن داير عليك بحيله گام وطاف
يـالـچـنـّك هـوه مـوجـود ماتنـشـاف


عشت عمرك غريب
تون لـجل السـلـيب
ونـيــنـك مــايـهـيـد
الحـبـيبك عـالرمـاح
____3____

ألـم تــنزف جـروحــك
اعله كيفك وي روحك
الحـزن نـار ويـلـوحـك

بمـحرم حـانـي ظـهـرك
يـــسـر الــبــــاري ســرّك
الدمع جمره اعله صدرك

تـطــلـع مـن حسـيـنيه الـحســينـية
وحـيلك ذايب ودمـعـك لبـو ارقــيه
وتــدوِّر ويــــن اكـو للـحـره تـعـزيّـه

الـيذبحـك يا كــلام
السبي تل لو خِـيام؟
تطيح ابكل غـروب
الحـبيـبك عالرمـاح
____4____

خــيـالك مـن يسـافــر
للطـف تبـقــى حـايـــر
وتنـــظـر عـالـمـنــاحـر

رمــاح وبـيــهـــا دارت
ودمه كل شيبه صارت
عــليـهـا الدنيا جــارت

مـصيبة زينـب الهــدّت جـبـال الـكون
سبيه صـار اسمـهـا مـن بعــد أم عـون
ودمعك من دمه صابغ رمش الاعيون

هـظيــمه يـا أمـير
دمه دموعك تديـر
الجفن يهمل دمـاء
الحبـيـبك عالرماح
____5____

#رزقهم_سلام_الله_عليهم
#احمد_رزاق_الاعرجي

منهاج محرم الحرام
1445 هـ

معلومات للخدام

اسولفلك يـهـالـخادم واسـمـع سـالـفـة عابـر
هـالـدنيا مـمـر إلـنـه سـاعـة بـيـهـا ونـسـافـر
اخـدم والدمع نـزلـه يـمـكـن مـايـجـي باجـر
لحـسـين البچي محلاه يجبر كسرة الخاطر

معلومات للخدام
____1____

انصح نفسي اول شي وانصح اخوِتي النوبه
الماطيّـح دمع لحسين شلـون ايطـيّح اذنوبه
خـلّانــه نـِعيش بخـير وهـوه منـسـلـب ثوبه
دخيلك يا ابو السـجـاد التـوبه سيـدي التوبه

معلومات للخدام
____2____

من يبدي الخطيب نشوف قـلـّه الوادم الترگد
لازم نستفاد وكون نـدري الـشـيخ وشـيقــصد
اليسولف سالفة اعله حسين واجب كل شخص يگعد
مو يترك عزاء حسين وقلـبـه بـدنيـته يـشـرد

معلومات للخدام
____3____

حچي هوايه وأجه وگته وحق منحر ابو ارقيّه
البعـض بالمجـلس نشـوفـه يـفـتر شـارِد الـنـيّـه
صـعـبه الزهـره مـن تـلگـاه ميـطـب للحـسيـنيّه
وهيـّه اعلـه الظـلـع تلـطم بالمـجـلس ومـحنيّـه

معلومات للخدام
____4____

مو كلمن صُبح خادم اكـو يـخـدم چـذب نـيـتــه
بس شوفوني بالمجلس واكو يخدم وسط بيته
الـيـخــدم خـالـص النيـة تـنـطـي امـراد چفـيتـه
المـجـالـس عـافيــة للنـاس ويـن الـراد عـافيـته

معلومات للخدام
____5____

البعض يشكل عله الچلمة يدوّر ذوق اليعجبه
واذا يسـمع لـحن مـطـروق يطـلـع لان ماحـبّه
مـلائــك الله والافـلاك بمــحرم كـلها متـكـأبـه
الـزهـره مـاتـدوّر الـحـان وابـنها حـافر بگـلـبه

معلومات للخدام
____6____

يـالـخـادم عِـبـر بالـطـف اقـره عـنـها بـالـمـدمـع
چفوف الكافل انگطعن الصلاتك حتى ماتگـطع
حر صير بحياتك دوم ومثل الحر صدگ ارجـع
إنخه حسين وذنوبك مثـل عـين الـنمـل تـطـلع

معلومات للخدام
____7____


#رزقهم_سلام_الله_عليهم
#احمد_رزاق_الاعرجي

منهاج محرم الحرام
1445 هـ
لمولاتي فاطمة العليلة (عليها السلام)


جرحـي المغـربيه الروحـي جناز
اسمـعه يگـول ميـردّون الاعــزاز
گـلبـي بيـش اصبـره
الصبر مگطوع نحره

من مـشت نوگ الأهـل
شــفـت ويـاهــن رحـل ... كل ضوه
حـيلـي طـاح ودمـعتي
اعليله وحدي بمحنتي ... ابلا دوه

وعلي طاري الهجر يذبحني يوميّه
الهظيمه ابچي الوحدي كل مُغربيّه
ما امـشي عـلـيـله واعـثـر بـدمـعـي
مـحـد ينـشد ويـسـأل شـنـو البـيــّه


كل لحظه اختنگ وبعـيني دمـعات
وبخدودي دموعي اتطيح جـمرات
وحيلي ارماد جمـره
الصبر مگطوع نحره
____1____
ابابي يوميه انتـظـر
من الفجر حد الفجر ... للضعن
هلـبت الـغـالـي يــرد
عيـونـي انثـرها ورد ... للوطن

يرجـع والـدي واهلـي أشـوفـنهم
عفـتوني وحـيده لـيش أگـلّـلـهـم
واشبگهم لحد ما تخلص انفاسي
خلوني شعجب چا آنه مو منهـم


عـله بـابـي أثـر دمـعـات الـعــيـون
مـتأمـلـه الـمـشـو عـني يـرجـعـون
الحزن بعيوني كمره
الصبر مگطوع نحره
____2____
گلبي شاب امن الألم
كلشي بانـيته انـهـدم ... بالسفر
ضـلّـتــي الـمـن بــعـد
ولا ابــو يـمي وسـنـد ... يادهـر

أنتظاري شخلّه بيّه روحـي معلـوله
اشما انـظـر تـرف رايـه وگلـت ذوله
أجو اهلي واشوفنهم غرب هالناس
وارد لــلــدار والـدمعـات مـهـمــولـه


شما چلـچل الـليل اتسـاهر الـعـين
شلـون اتنام هـيّه التـفـگد حسـين
بـروحـي نــار كـبــره
الصبر مگطوع نحره
___3_____
بـذكـريــاتــي انفـجـع
واحمـر يصـير الـدمـع ... عالأبو
چــان هـوّه بــسـمِـتي
ونبض گلبي وفرحتي ... والدفو

شسوي بروحي من دونه الضوه هوّه
شما أجـر النفـس نــيران أحـس جـوّه
أسولف وحدي والضلتلي بس حيطان
مــن گـد الـتــعـب بــأنفـاسـي اتـچـوّه


عيني اعله الدرب محنيّه الاضلاع
مـيتـة آنـه بوكـت ما صار الاوداع
جـرحي شلـون يبـره
الصبر مگطوع نحره
___4_____
گـلـبــي قــاروره صــبـح
وأحس من هِرشه أنذبح ... هالگـلب
خـــبــر عـن أهـلـي ردت
گُــمـت لاچـنــي طـحـت ... عالتـرب

زغيـره وشـيّـبِت والــروح تـعـبـانــه
وگـلبـي مـنـهـظـم وعيـونـي ذبـلانـه
من كثر الدمع فص عيني راد يطيح
من شـفـت الأبـو ضـل فـارغ أمچانه


سـجـّـادة ابـويـه افـرشـها كـل يـوم
وأشم بيها واطيح وبعـد مـا اگــوم
بيـها حـسـيـن عطره
الصبر مگطوع نحره
___5_____
گُـمِـــت اتـــخـيـل ذبـح
وراس أبوي اعله الرمح ... بي دمه
وأبـو فــاضـل عــالـنهـر
چفوف مسلـوب ونحـر ... وصارِمه

ومحترگة الـخـيـم أتـخيـل الـمنـظـر
وجـاســم عـالـتــرب مذبـوح والاكبـر
وابويه الخيل ترفس صدره بالميدان
وزينـب حايـره أتلـم جـسمة ماتـكـدر


والــعــبـاس عـالـشـــاطـي وذر صـار
أسم الله اعله الأهل من هاي الاقدار
حـيلي انتـهى عمره
الصبر مگطوع نحره
___6_____


#رزقهم_سلام_الله_عليهم
#احمد_رزاق_الاعرجي

منهاج محرم الحرام
1445 هـ
لمولاتي فاطمة العليله ( عليها السلام )


العـلـيلـه حسـين لمّـن ودِّعـاهـا
مثل نجمة وْخفت منها ضواها
شهگت من الاونين
أهلها عـنها ماشيـن
ضواها

أجاها حسين لأبنـيـتـه ... ويشوف أحزانها البيها
مـسح دمـعـاتـها بچـفه ... ودمعـته عنـها يخفيها
تـگـلّـه بـابـا اروح وياك ... أبـنـيـتـك لا تـخلّـيـهـا

تعمه عيوني .. لــو عـفـتـونـي .. گلـبي يموت بسكته
أنت أنفاسي .. وكل احساسي .. وروحي تريدك انته

زغيرة اتگلّه بـابـا تعوفني شلون
أذا رحتـو بعـد شتـفـيـد الاعيون
صعبة اتفارِگْ حسين
أهلـها عـنهـا مـاشيـن
ضواها
____1____

تشم بثيابه وتحاچي ... وگلب حسين يتفطّر
بدون عيونك الحلوه ... اعيش اتگلّـه ما أگدر
اذا هسه اعثر بخطوه ... بدونك بالنفس اعثر

وتلزم چفّه ... أتحس بالرأفه ... وتنظرله بدمعتها
أول مَــــرّه ... أتحـس بالمُـرّه ... وتـفارگ بسمتهـا

الـبـنـية حـنــيـنـة وذابـل الـحيل
تگـلّه من عسـن لا يخلـص اللـيل
مكتوبـه اعله الأجبـين
أهـلــهـا عـنها مـاشيـن
ضواها
____2____

يـم نوگ الـضـعـن وگفـت ... وصاحـت أَركب هنانه
بــابــا حـسيـن بـس گـلّـي ... أي تــرحـــيـن ويّـانـه
على ساعة الگلب يسـكت ... مـن همـومه واحـزانه

بـعدك أذبـل ... وانت اتخيّل ... حالي أتخيّل دونك
ها يا عمري ... وانت التدري ... نور عيوني عيونك

تروح شلون عني وانت دنياي
وردة وذابله ومحـتاجتك ماي
تـگـلـّه گـول تـرحيـن
أهلهـا عـنهـا مـاشيـن
ضواها
____3____

واحـد يــنـظـر الـثانـي ... حسين وفـاطـمـة بعـبره
ابدموع العين ودّعــها ... وچـانت فـُرگـة بالنـظـره
أعوذُ من السفر كالت ... وتـشـم بـصـدره وبـنحـره

اتگـلّه اتمهّـل ... خـل أتـأمّـل ... وجهـك وأشبِع شوفي
تـرحـل وآنـه ... أبقى هنـانـه ... مـا ترجع كـل خوفـي

الهجر سيف ويحز ابنحري والروح
يمـّـي أنـت وأحس ابگـلبي مذبوح
وشمّت نحره الاحنين
أهـلـها عـنها مـاشـيـن
ضواها
____4____

حضـنـهـا حسـين وتگـلّـه ... راح أشــتـــاگ للـمـلـگـه
الـيــفـارگـلـه أبـو مـثـلـك ... تـلـگه أنفـاسـه مختنگه
ابغيـابك ينحنـي ظـهـري ... وگـلـبـي لو سكـت حگّه

گلـبي اتفـطّر ... يا ابو الاكبر ... وكــل الـحـيــل اتبـدّه
تدري بحالي ... بـابـا الغـالي ... ابرمشي الشيب اتعدّه

ضوه بسرداب يركض وگتي وياك
تـگـلّــه ظــلـمـة دنـيـايــه بــلــيّـاك
الهجر بـيهـا دواوين
أهـلهـا عنهـا ماشيـن
ضواها
____5____

راحـو والـچـفـوف اتـلـوح ... مـن ابـعـيد بالحـسرات
طــاسـة مــاي مـا شـمـرت ... وراهم شُمرت الدمعات
تــأشــــر گـــوّه بِـيــديــهــا ... ويــأشـرلـهـا الابـنـيـات

گعدت تنـعى ... وتهمل دمعة ... والــنـيران بخـدهــا
والضل يمـها ... دمعه وهـمها ... والــسـافـر والـدهــا

بقت عالباب تنظتر وحشة الاديار
زغيرة اعله الهجر وجروحها كـبار
الظلت بس حياطـين
أهـلـهـا عـنها ماشيـن
ضواها
____6____


#رزقهم_سلام_الله_عليهم
#احمد_رزاق_الاعرجي

منهاج محرم الحرام
1445 هـ
لسان حال الامام الحسين عند وداع فاطمة العليلة ( عليهما السلام )

أقــولُ وأدمُـــعِ تــجْــري
خُذي ما يكْفي من صبري
فَشُمّيْني ومن نـحري خُذي عِطرا
فـلن يبـقى لـكِ منّي سِوى الذِّكْرى
خُذي ما يكْفي من صبْري


ابـوچ حـسـين آنـي وانحنى ظـهـري
كسـيرة خاطـر انظـرلـچ بـعـد عمـري
أشبْعي شوف مني ومن دفو حجري
أشبگيني وشمّي صـدري وي نحـري
حـوافـر بالـطـفوف الـتنتظر صـدري
مشــيئة الله هـاذي فـاطمـة اصـبري

لِأرضِ الطفِ مسرانا
وعيْـنُ الـلـهِ تـرعـانا
فــإنّ الـعُـسـرَ يأتـي بـعـدَهُ يُــسرا
فـلن يبـقى لـكِ منّي سِوى الذِّكْرى
خُذي ما يكْفي من صبْري
____1____

بـس هـاللـيـلــة يـمّـچ بـاجـر الـسـفـره
أمسحي دموعچ التشبه حچي الزهره
خـل نـسـولـف آنـه ويـــاچ عــالفـطـره
قـبـل لا هـالـدرب يـافـاطــمـة انــطـرّه
حسيـنچ خـيل بـاجر تسـحـگ بصـدره
ودم وتـــراب بـاجـر يــنـتـرس نـحــره

سألْـقى عـالِــمَ الـغـيْبِ
نجيعُ النحرِ في شيْبي
سـألـقـى اللهَ مهشوماً ليًّ الـصدرا
فـلن يبـقى لـكِ منّي سِوى الذِّكْرى
خُذي ما يكْفي من صبْري
____2____

سـوالف كربـلا يابـويـه تـچويـنـي
لاتــبـچــين اريـدنّـــچ تــودعيـنـي
اريـدنـچ صـبـوره ومـاتـكـسـرينـي
آخـر شـوفه هـاذي بويه شـوفيـني
سـفـرتـي هـاي لـلـه واللـه يدريـني
أعوفچ راح لجل الله ولجل دينـي

فَقُرّي يبْنتي عيْـنا
إلـهُ الحقِّ يُجـزيْنا
فــأمـرُ الـلــهِ جـارٍ أذ قـضى أمـرا
فـلن يبـقى لـكِ منّي سِوى الذِّكْرى
خُذي ما يكْفي من صبْري
____3____

باجر لمّـن اوْصل كربـله أحچـيْلـچ
شراح يصير بالطف خلّي ارويْلـچ
من نـنـصب خيمـنا خيـمة أبنيْـلچ
ونهر يم بـاب هالخـيمة أسـويْلـچ
وبـهالـخيـمـة عـبـد الله أخـلّْـيـلچ
سلام اويّه الهوه يبـنيـتي اوديْلچ

حنيني قد غزا قلْبي
إليـكِ يـاشـذى حُـبّْي
وهذا الْـبُـعـدُ عنْـكِ يـبْنـتيِ جـبـْرا
فـلن يبـقى لـكِ منّي سِوى الذِّكْرى
خُذي ما يكْفي من صبْري
____4____

من تـبدي الحـرب انصـاري گدامـي
اشوفنهم ضحايا وكل گلب ضامـي
واخوتچ كل نحر منهم يضل دامي
يذبحـوها بخنـاجر غادره احـلامـي
وتـهـيـج ابـكـربلا يــابــويـه آلامــي
كل هـذا فده يـبــنـيـتـي لأسـلامـي

فــأمـرُ اللهِ ذا يـجـري
فليس البُعدُ من أمري
فـصـبراً ثُـمَّ صـبراً يـبـنـتـي صبرا
فـلن يبـقى لـكِ منّي سِوى الذِّكْرى
خُذي ما يكْفي من صبْري
____5____

بـاجـر مـن يـطـيح الكافـل اتـعـلــعـل
وأضل ابلا مـناصر .. حيلي يتـخلخل
الـهـضـيـمـة خـلّـي آنه ويـاچ نتـخيـل
يذبحوني وتـصـير الحـره فـوگ الـتل
أســولـفـلـچ وروحـي هـالبـدت تـذبـل
الـلـه لايــراوي عـــيــونــچ الــمـقـتــل

بِرُمحٍ يرفَـعوا رأسي
وتُسبى آيةَُ الـكُرسي
ستـحمِلُ ناْئِـباتي زيـنـبُ الـكُـبـْرى
فـلن يبـقى لـكِ منّي سِوى الذِّكْرى
خُذي ما يكْفي من صبْري
____6____


#رزقهم_سلام_الله_عليهم
#احمد_رزاق_الاعرجي