منهاج محرم الحرام 1442 هـ
ليلة الوداع
[ وداعــاً ]


بخـيمـه گـعـدو آل هـاشـم
أتـوادعـو ويّـه الـفــواطـم
وداعــــاً وداعــــاً ... صعبـه يحچـوهـا
وداعــــاً وداعــــاً ... سكـتـه گـالــوهــا

الـنـظـره تـشرح ألـم ... خـيـل نـار وسـهـم
وواحـد يـبــاوع عـلـى واحـد بـحـسـره
حســين لـمْ عـيـلِتـه ... آخ يــــانــــظْــرتــه
بيـهـا فـرگـة عـلي ويـ فـاطـمـه الـزهـره

وِالــحِـزن .. تارس الخيمه مواجع
وِالــحِـزن .. بعينهـم يبني جوامـع

وحســره بيـهم والهضيمـه
تـحـترگ بــاجـر الــخـيـمه
الأخيـره الأخيـره ... النـظره شافـوهـا
وداعــــاً وداعــــاً ... سكـتـه گـالــوهــا

_______________1__________________

حسين يحچي بْهُضم ... بعينه دمعه يضم
خـاف زيـنـب تبـچــي والكافـل تـقـهـره
والاشــد والــصـعــب ... ديـره بـس الغرب
بـيـهـا والـشـمـّـات مــاتــرحــم الـفـقـره

والهـوه ... باچـر بـطـيحـة زلـمـنه
والهـوه ... يْصاحب النار بخيـمنـه

وكلشي فوگ الگاع يخلص
الدنيا سـاعه وراح تخلـص
الشـهاده الشـهاده ... هـــمّـــه رادوهــا
وداعــــاً وداعــــاً ... سكـتـه گـالــوهــا

_______________2__________________

الخيمه بـيـها الـدمـع ... سـكـته مـاينـسمـع
لـچن صوت حسـين من يحچي هظيمه
گــال بـاجــر ســبـي ... كــثْـرن امـن العبي
گال زينـب خويـه بـاجـر مـاكو خـيـمـه

تـحـتـرگ ... كـل خيمنا يالـحنـينـه
تـحـتـرگ ... باجر گْلوب الضعيـنـه

الـنـار تِـتـحزّم عـلـيكـم
والحبـل يلْـتـف بِديـكم

والازغار والازغار ... تركـض يـخـلـوها
وداعــــاً وداعــــاً ... سكـتـه گـالــوهــا
_______________3__________________

حـسـين گـلـهـم غـداً ... ينسبي هـالضـعـن
وأنـــذبــح گــدامـــگــم هــا يـا بـنـاتــي
وبعـد خـيل الـحـقـد ... تروح فوگي وتـرد
والـحـوافــر الــكـم اتْــوصّــل عــبــاتـي

والـنــحـر ... ينلچم من الـتـرايـب
والـنــحـر ... لاتـشوفـو يالحبايـب

لاتـجـون لـجـسـمـي بـاجـر
خـاف تـلــچـمـكـم حـوافـر
يـگـلـهـم يـگـلـهـم ... هـــاي اكـتـبـوهـا
وداعــــاً وداعــــاً ... سكـتـه گـالــوهــا
_______________4__________________

حسين گـض الـظـهر ... گـال بـاجــر نــهــر
يـآخـذ الـعـبـاس مـن عــدكـم يــذبـحـه
زيـنـب اتـخـلـخـلـت ... بـچـت وأتــكـدّرت
وگــالـت العاشر عسـن ماشوف صـبحه

والكمر ... گـلـهـا زيــنـب لاتـونّـيـن
والكمر ... فدوه آنه لسيدي حسين

وأنـهـضـم راعـي المـحـنـه
ونــظـرتـه مـتـروسـه ونّـه
يـبـاچــر يـبـاچــر ... اخـتي يـسـبـوهـا
وداعــــاً وداعــــاً ... سكـتـه گـالــوهــا
_______________5__________________

حسين حاچـه الگمر ... گـلّـه فـوگ الـنـهـر
تــوگــع وچـفـينـّـك أعـلـه الـگـاع تـوگع
نـفــتــرگ بـالــذبــح ... ونلـتـقي عـالـرمـح
لـكـن ابـلايـه حــضـن عـالـحـره نـطـلـع

ياوطن ... دمْعتي وحسْرات روحي
ياوطن ... ياســوالف كـل جـروحي

هـالعـمـر مــايسـوه بـعـدك
ياابو فاضل روحي عـندك
بـــالألــم بـــالألــم ... روحي سِلْبـوّهــا
وداعــــاً وداعــــاً ... سكـتـه گـالــوهــا
_______________6__________________

#رزقهم_سلام_الله_عليهم
#احمد_رزاق_الاعرجي

لأي استفسار عن القصائد
07826594415
واتساب + تليكرام
ونسألكم الدعاء لي ولوالديه

منهاج محرم الحرام 1442 هـ
زينب (عليها السلام)
[ نـعّـي ]

عـالْـتـل اصْـعِـدت زيـنـب
تـحــشّــم ويــن والـــيـهـا
مــيّـت يــا ابــو الـسـجـاد
لــو حـيْ أفْــزع اْعـلـيْـهــا

حـشّـمـت زينـب يـخـوهـا ورادتـك تـطـفي خـيـمـهـا
تْــعـايـن مْـن بعـيـد صوْبـك رادتـك هـالساعـه يـمـهـا
زْغـــار عـــدهـا والـحـرايـر تـشـتـكي لـزيـنـب ألـمْـهـا
والـــزلـم تـفـْـتـر عــلـيـــهـا ذاك ســبـّاهـا وْشــتـمْـهــا

أنْــچـانــك عــدل أچـْـبـل
هـــاي الْـــنــار أْطــفــيـهـا
نــادت أخــتـك الــحـوراء
لــو حـيْ أفــزْع اْعـلـيْـهــا

_______________

بْـكـل خـيمْـها الـنار تـدْوي وسـوط يـتـناوش متـنـهـا
تْـشـوف عـالـتربـان طـايـح كـافـل الحـره وضـعـنـهـا
نـادت وصـاحـت يـخـويـه زيـنــبك عـاشـت حـزنـهـا
مـنـهـو غـيـرك يا ابو فاضل اخـتك ايردها لـوطـنـهـا

مـتـْحـيْـره وْتـديـر الْعـيـن
والــســـوط الْـــيــأذيــهــا
وصوت الدمع ها يحسين
لــو حـيْ أفْــزع اْعـلـيْـهــا

_______________

شــافـت الاهـوال زينـب شـافـت حسـين اعله غبـره
وْشـافـت اْخـيول أعـوجيه عشره داسن فوگ صدره
نــادت أحـضـر يـاعــليـنا طـــشــروْ سـبـحـة الـزهـره
والـحـوافـر يــمـهـا تركـض والـدمـه سـواهــا حـمـره

الحـافر عينه صلفه هواي
كــل ســاعـه يـمـر بـيــهـا
والحـسره بـسـواد العيـن
لــو حـيْ أفْــزع اْعـلـيْـهـا

_______________

#رزقهم_سلام_الله_عليهم
#احمد_رزاق_الاعرجي

بــلّـغ يـــامــحــمّــد نـــزلــت الآيّــه
أرفع چف علي وسولفها الاحچايّـه
بلّغ ما أجاك وْصيح عـالـي الـصـوت
علي اول علي يحبه العلـي هـوايـه
رســالــةْ ربـك تْـگـلـك عــلـي الاول
علي الثاني علي الثالث علي الغايّه
علي شمس الله والافلاك والنسمات
وغيره مـايـصـح لأخـلاقـك مْـرايّـه
أمير ابلا قصر جنسيته ذو الـفـقـار
حـكـيـم وزاهــد ومـــابـدّل بــرايـه
علي يحب الفقير وعاشگ المسكين
وأذا شاف الفضيـحه يركض عبايه
علي ثاني محمد نوره نفس النـور
علي شمس الضحى والدين وفيايه
بــلّـغ يانـبي الـرحمـه علي السلطان
وگلـهم لافتى من بعدي بس حيدر
جـبرائيـل لـمن يـوصـلك عـطـشان
ويـروه بـشوفــك ومن يرجع مْكدّر
يـتـمنـى لـون يـم والـد السبـطـيـن
الله خـــالـقـه وأسـمـه أسـم قـمـبـر


متباركين ❤️
#رزق_علي_عليه_السلام
#احمد_رزاق_الاعرجي

أجـه عـيد الغدير بنسمة احساس
يـابـو حـسـيــن يــاروح الـيـتـامـه
مـــااجــدد عــهــد ويـــاك مــولاي
لان عــهــدي تـســجّـل لـلـقـيـامـه

#انا_غديري_من_عالم_الذر
#يبقى_أميري_حيدرُ_حيدر

#احمد_رزاق_الاعرجي

منهاج محرم الحرام 1442 هـ
[ يا ابا عبد الله ]


ياابــا عـــبــد الله
ياحسين ثـار الله

يحـسـين يـارب الـعـشـگ
بـس انـت بـالدنـيا صـدگ
الوادم غرب وانت الوطن
ياسـالفـه اتـريـح الـخـلگ
الماعـنده مثلك وشْـلـگـه
تخـلص حياته مـختـنـگ
مجنونك ... وعيونك ... يـــبــن الــزچـيـه الــزهــره
لامونـي .... بـجنوني ... ومـحـتــاج مــنــك نـظــره
دلـيـنـي .... يـاديـنـي ... اوصــل شــفـافــك گـطـره

ياابــا عـــبــد الله
ياحسين ثـار الله
_______________1__________________

الــناس تـحـچي بـالـوهـم
ومن احجي سالفتي خيم
ومـن اعطـش اتـذكر نـهـر
عطشان طاح امن السهـم
وعـيـونـك تــوشــل دمــع
يــا ألــم مـــا بــعـده ألـــم
چـلمـاتـي ... ودمعاتـي ... لـو مـا الـك مــاتــسـوه
ياعــينـي ... خـلـيــنـي ... غيـرك شخص مااهـوه
هــنــيالـه ... الكـل باله ... لحسـين راعي النـخوه

ياابــا عـــبــد الله
ياحسين ثـار الله
_______________2__________________

انت الـشفـع وانت الوتُـر
والـنور وجـهـك والفـجُـر
مسلوب حـتى محـبـسـك
بس تبقى سلـطان السَـتُر
يــا ابــو الاكــبـر يـامـلـك
من دونـك شيسوه العـمر
يـالـضامي ... باحلامـي ... مـرني بـطـعـم عـبـاسـك
كون اعمه ... بهالخدمه ... وانظر بـعـين احسـاسـك
يـارحـمــه ... ويـانـعـمه ... المـا تنـسى لهـفة ناسـك

ياابــا عـــبــد الله
ياحسين ثـار الله
_______________3__________________

هــالناس والله ألـها خلـگ
تعشگ الما بيــهم عشــگ
وماعــرفـو الحب والهـوه
يـــم الحـسيـن ويـنـشـهگ
طاعة حسين أجمل فرض
يا محـله گـلبي مـن يــدگ
بكل نبضه ... مـا ارضـه ... لو مـو لـجل مـحـبوبـي
ســاتـرنـي ... ويـحبـني ... ومـغـطـي كــل ذنـوبـي
غـَـيـَّـرنـَي ... ورتَـّـبـْنـَي ... ثوب المـجالـس ثـوبـي

ياابــا عـــبــد الله
ياحسين ثـار الله
_______________4__________________

اهلك بْحر ذيچ الشــمس
والحادي مو مالت أمـس
واحــبال مــابـيــهـا نـده
والسوط هـلهـولة عـرس
والـيـعـثـر يـلاگـِي رمــح
ولو گـام يعـثـر بـالـرفـس
وايـتامك ... گـدامك ... ركـضـو بـذيـج الـهـيـمـه
والحـافـر ... بالعاشر ... يـركـض يـدور أيــتــيمـه
والــحـره ... بيا نبره ... صـاحت يأهـل الـشــيمـه

ياابــا عـــبــد الله
ياحسين ثـار الله
_______________5__________________

سـوالف چبيره ومؤلـمه
ولسـا غـريـبـه فـاطــمـه
منتظــره عباس الكـمــر
يآخـذها عنـد امـخـيـمه
وسوالف هـواي شـكـثـر
اكثر من نجـوم الـسـمـه
اتــمـنــه ... مــو جـنّـه ... تحسبـنـي عنـدك خادم
ياروحي ... وجروحي ... شـعْـلـيــها بـيـه الــوادم
أذونـــي ... ويدرونـي ... بــيــك آنـه جـداً هــايـم

ياابــا عـــبــد الله
ياحسين ثـار الله
_______________6__________________

#رزقهم_سلام_الله_عليهم
#احمد_رزاق_الاعرجي

[ صاحب طويـله ]



أنته يحسين الصدگ صاحب طويلـه
حـبـك ونبـض الگلـب قصـه جـمــيله
نور وجهك ضاوي كل هاي الوسيـعـه
هجـرك عـليـه صـعـب مـابـيـه حـيلـه
غيـرانـي فـراكـك وْتـعــبـلـي حــيـلـي
ياحسيـن خـويـدمـك فـارغ شــلـيـلـه
رايـــد أرتــاح بـــزيـــارة أربــعــيـنــك
حــچايه منك تنمحي ذنوبي الثچـيله
سـيـدي لاتـحـرم الـعـاش بـخـدمـتـك
يالحنـيـن وتنـسـى خـادم مسـتحـيـله
نـار شوگـي لمجـلسك جـمرة خـيامـك
مـسـتحـيل تردنـي ياعــيـن الـعـقـيـله
اسمي خادم كـون يـسـتوطن سـجـلّك
عنـدي خـير مـن الأمـل يـابـو العـلـيلـه
دربـي كون ترسـمه بـيـدك لـلـمـجالـس
نـاجـح بـمـدرســتـك الأنــتـه كـفـــيلـه
هـواي لامـونـي لأن أذنــب وأجــيـلـك
ومـادرو تنـطـي چـفـوفـك مو بـخـيـله
سـافـرو بــس مالـِگـو مـثـلـك يـغــالـي
يـاهـوا الله ويـاحـبـيـب الله وخـليـلـه
ليل هنـدس تلـگـه عمـره المايـعــرفـك
هوه غيـرك وين اكو حسـين الوسـيلـه

#احنه_غير_حسين_ماعدنه_وسيله
#احمد_رزاق_الاعرجي

أبوذيات


لرقيه الـسوط يركض ... راح بـيها
ضـرُب وبرمح تـعـثـر ... راح ابـيها
دنــيـــا وأبـد مــاكــو ... راحه بيها
خلّـت تــمـشـي عــالجـمــره رقـيـه

بالطف عـلي يبچي ... والنبيّ نــوح
أجو لحسين سمعو ... ونّه بـي نوح
الرسل وامـلاك يمّه ... والنبي نــوح
نــاح ونــاحــت أرض الــغـاضــريـه


#رزقهم_سلام_الله_عليهم
#خادم_فاطمة_العليله
#احمد_رزاق_الاعرجي

ابوذيات

زينب (عليها السلام)

يزينـب دهـرچ اعلـه الـحـزن ... درباچ
سمعتـي حسين طاح وضاع ... درباچ
عثرتـي ومـن عثرتـي الكمـر ... درباچ
وگام وحيـله طـاح اعـلـه الـوطـيــه

زينب (عليها السلام)

وحگ الذابله مْـن العـطـش ... شفتاه
شفت هـمـوم فـوگ هـمـوم ... شفتاه
بيوم الرمـل يچْـوي حسين ... شفتاه
شـفـت كـل الـمـصـايـب لــفـت لــيـه


فاطمه العليله (عليها السلام)

من سدّر ضـعـن هـاشـم ... شفت هم
ومتروسه عطـش ويلي ... شـفـتـهـم
الـزغـار بـعـينـهـم دمـعه ... شـفـتـهـم
عــِلـيـلـه وْحـيـلـي راح ومـالـه جـيـه


#رزقهم_سلام_الله_عليهم
#خادم_فاطمه_العليله
#احمد_رزاق_الاعرجي

من كان مع الحسين كان الله والحسين معهُ

يافاطمه العليله بدعائج صرت

اصدار محرم 1442_2020

#الخادم_احمد_رزاق_الاعرجي

#اللهم_تقبل_خدمتنا
#رزقهم_سلام_الله_عليهم

شاب ... ورضيع
القاسم ... وعبد الله (عليهم السلام)



لحظه اموادع مابين ... شاب ورضيع ابمهده
گبل المنيه بلحظات ... تسمع ونين وحسرات
شاب ورضيع ابمهده
__
لحظة وداع بكربله ماتشبه الكل وداع
مات الحچي بيهه
بيهـه التقت شمعة زفاف اويالمهد بالحسرات
والدمعه ترويهه
صارت سوالفهم دمع جفن وجفن مو بلسان
بالسكته يحچيهه
مالت الخيمه امن البچي وصارت تشم بيها افراگ
هاللحظه تاليهه

بالخيمه صاير كل خيط ... من هالسوالف شيبه
وكل خيمه من الخيمات ... تسمع ونين وحسرات
شاب ورضيع بمهده
______________1___________________
جاسم گعد يم المهـد وينظر لابن عمه هواي
ويگله أودعنّـك
رايح بـسـفره ومــاارد عـبد الله يـا ابن عـمي
خليني أشمّـنّك
چنت امن أشوفك تبتسم افرح بگد ضحكاتك
وراح ابتعد عنّك
الكاروك تابوتك صبح والچفن هذا گماطك
ادموعك يغسلنك

عبد الله رايح للموت ... وأرجع بلا أنفاسي
وتموت كل الضحكات ... تسمع ونين وحسرات
شاب ورضيع بمهده
______________2___________________

عبد الله فرفح بالبچي ومفهومه دمعات العين
ترسم جرح فرگه
عبد الله چفه بچف أبن عمه ونظرتـه لجسام
متروسه بالخنگه
چنه يگله لو رحت هذا الهـوه الـبـالخيمات
من يختنگ حگه
رايد تفارگ ضحكتي وْترجع سليب الضحكات
خلي أمل ملگه

مااريدك اترد مذبوح ... وتچويك هاي الغبره
ويجرح حچيهه الدمعات ... تسمع ونين وحسرات
شاب ورضيع ابمهده
______________3___________________

جاسم يكفكف بالدمع والحسره بعيونه تگول
للخيمه ماأرجع
بالحـومه وبسيف النذل ينطبر راسي بكل حيل
عبد الله واتوقع
وجروحي متروسه رمل والخيل تسحكني هواي
الحافر جلد يشلع
وأنظر أبوك بركضته يعثر ويوصلني حسين
يحملني أمگطع

عبد الله والحنه تمـوت ... وتتبده مثل الجربه
والحزن يرفع رايات ... تسمع ونين وحسرات
شاب ورضيع بمهده
______________4___________________

جاسم يسولف والمهـد حيله رگد ماضل حيل
وضاع الهوه عنه
گلاله عبد الله العمر مايسوه من دون احسين
سيدها للجنه
شنهو العرس شنهو النفِس وحسين أشوفنه وحيد
وهالأمر ما مِنه
عود البخور اليحترگ لو يخلص يموت رماد
ويموت الحنه

ماضل وگت حان الموت ... بالحومه ومتانيني
والصعبه ودام شمات ... تسمع ونين وحسرات
شاب ورضيع بمهده
______________5___________________

هالخيمه عبد الله الجمر يحضنها حظنت توديع
وكل الزلم صرعه
ونسوان يسبوها وحبل يركض ينام اعله الايد
وشمات متجمعه
وزينب تلم من حايره أطفال لو جسم حسين
وتستشهد الفزعه
بس فزعة السوط الصلف فوگ المتن واويلاه
وممنوعه أي دمعه

والنوگ توجعني النوگ ... عبد الله لو جابوها
تچويني مثل الجمرات ... تسمع ونين وحسرات
شاب ورضيع بمهده
______________6___________________


#رزقهم_سلام_الله_عليهم
#احمد_رزاق_الاعرجي

نزله للقاسم (عليه السلام)
[ دخل بركان ]


عله الميدان دخل بركان
بـعيـنه سـورة زلـزلـه متفـسره
عله سيـفـه الـرگـب لزمها سره
عله الميدان دخل بركان
_________

نـيــنـــوى إذ زلــزلـة زلـــزالـهـا
واخرجت ارض الطفوف اثقالها
گالت اليـوم آل امــيه شـمـالـهـا
يـعـني جـاسـم يـرتجـر طبـّالهـا

يشبه السيل طشر الخيل
الزلم بالشرده بقـت متـحيّره
عله سيفه الرگب لزمها سـره
عله الميدان دخل بركان
______________1___________________

رفـع سيـفه وصـارو الـسـبعـين الِـف
مثـل سـعـفـه بريـح صـارت ترتجِـف
الخوف مـن عـدهـم ولايـگطـع نـزِف
الشرده صارت مو ركض يمكن زحف

وطاحن سيوف يمكن چفوف
والهواي الطاحن بخـزره تـره
عله سيفه الرگب لزمـها سره
عـلـه الـمـيـدان دخـل بركـان
______________2___________________

زلم گامـت تـعـثـر امـن خـيالهـا
علـي وذو الفـقار رد حـسـبـالهـا
الحومه مهره وهالدخل خيّالهـا
والــعـسـاكـر للاذقــان أغــلالهـا

القاسم وْصال شيطلع اكمال؟
دومه ناجح بالحرب والمفخره
عله سيفه الرگـب لزمـهـا سـره
عله المـيــدان دخـل بـركـان
______________3___________________

الْقَارِعَةُ مَا الْـقَارِعَـة ومـا هـيه
سيف جاسم يعني نَارًا حَامِيَه
الـواجـهـه للـمـوت أمـه هَـاوِيَه
بطبرته يْفـسر حَدِيـثُ الْغَاشِيَه

مصحف احساس چنه عباس
الماقراه قرآن كلـشـي ماقـره
عله سيفه الرگب لزمـها سره
علــه الـمـيـدان دخل بركان
______________4___________________


صـار سيـفـه تگول رحـّه بنـينـوى
بدورتـه عنـهم گـطـع حتى الهـوه
المايلوحه بسيفه بالومضه انچوه
آل أمـيـه مـرضـه والــقـاسـم دوه


گباله كل حيد مرجله يريد
يشـبه العـباس يـوم الگنطره
عله سيفه الرگب لزمها سـره
عله الميدان دخل بركان
______________5___________________

المرجله الشايـلها ماتقـبل جـدل
من نزل چالموت جاسم من نزل
على گـرابه بحومتـه سيفه زعل
حـار وحـرورة ابو فـاضل حـمـل

الجيش ناداه تُبْـنى والله
والعفو گالوله عنـده المـقدره
عله سيفه الرگـب لزمها سره
عله الميدان دخل بركان
______________6___________________

شمس الله اليـوم چـنها كُـوِّرَتْ
وكل نجوم الـ بالسماء انْكَـدَرَتْ
وگــاع ربـك وَالْـجِـبَالُ سُـيِّرَتْ
يعني جاسم سيفه نار وسُعِّرَتْ

ميّت الصوت طبهم الموت
الليل عسعس مثل ليل المگبره
عله سـيفـه الرگـب لزمـها سـره
عله الميـدان دخل بركـان
______________7___________________

#رزقهم_سلام_الله_عليهم
#احمد_رزاق_الاعرجي

[اخوي ومشتاگين]



أخــوي ومـشـتاگيـن
حـبيبي ونـور الـعين
الحسن آنه يحـسـين ... ياحسين

الحسن آنه وأجيتك ... يأجمل حب لگـيتك
رغم جرحي وغربـتي ياخـليـلي ما نسـيتك
طريقك جـنه صايـر ... هـلا تـفضـل يـزايـر
المـواكـب أذنـت ويـصلي بيهم ابن مـظاهـر

شفت دربك أحساس
مواكب نصبت ياس
ورفـع رايـة الـعبـاس ... ياحسين
______________1___________________
شفت كلشي بطريقك ... الخدم صارو عقيقك
شفت كل اليخدمك حـتى لـو مـذنب صـديقك
اليجيك تشوفه يتعب ... اسـتراح تگله زيـنب
ورغم كـل التـعب يمــشي ويريدك يمه أگــرب

الـمــواكـب والـخــدام
الــك شـــدّت اعــــلام
وشفت تحجي الاقلام ... ياحسين
______________2___________________
هـلا بزواري اشوفك ... ووره ظهرك چفوفك
لان يــمـك ابـو فاضـل تــرك چفـه بطفـوفـك
الـرفـع رايـه بيمـيـنه ... الكمر كـحلهـا عــيـنه
واشوفك تركض اعله الشايب الطين بجيبـنه

وركض جاسم عالشاب
الحسيـني الكـلّـه تـراب
يحضنه وجرحـه طـاب ... ياحسين
______________3___________________
المشه خطوه بحياته ... صعـد مركـب نـجاته
العِــشـگْ غـيرك يبـو الـيمـه فـلا تـنفـع صلاته
الذرف دمعه لمصابك ... وأجـه بوجهه ترابك
يحـصل كلـشي بـعـده ماوصـل عـتباتـه بابـك

يمن تكضي الحاجات
الـيـحـبـك لا مـا مـات
أعـوفـك لا هـيـهـــات ... ياحسين
______________4___________________
كريـم ويـاهـو اكـرم ... يضحي لناسه بالدم
النساك ومايجيك شگد غشيم بـجنه يـحلـم
البــقـيع ابــلا مـنـاره ... وأجـيـتـك للـزيـاره
لان واجــب ازورك يـاكـهـف حـب لـلـحـياره

أريـد بـجـاهـك كـون
لـبقيعي هـم يمـشون
ومنـارة حـب يبـنـون ... ياحسين
______________5___________________
شفت واحد يحاچي ... الدمع مال البواچي
يـگـلـه يادمـع ســالفــتي خـيمـات وتـراچـي
أجـيت ومــاسـألــته ... شفت حزنه وعرفته
العجل تسبيحه ياربي العجل چا يمـته وگته

أبـو صـالــح مـشــاي
اويوزع رحمه وماي
ويصيح اهلن بالجاي ... ياحسين
______________6___________________

#رزقهم_سلام_الله_عليهم
#احمد_رزاق_الاعرجي

[رسايلها حنينه]
لمولاتي فاطمه العليله (عليها السلام)

رسايلـهــا حنــيـه وهـادئـه سـنين
بكثر مـا بالرسـايل كاتـبه حـسـين

تكتـب حيلي خلص تـكتب عـتاب
وتمسح كلشي تكتب حيل غاليـن

ابْـاب الـدار تـگـعــد تنـتـظر ثـوب
من يوسفهـا وتـفــز گـمـرة الـعـين

من گد التعـب والـحـيل عـطـشان
تــكتـب عالتـراب ظـعـونهـم ويـن؟

حلم طفله وعـثر بـوداع الـظعـون
ْشْيوخ جروحها وفـتحت دواويـن

تـعــدل دارهـــا يـــومـيـه وتـگــول
على ساعه وأشوف أعزازي جايين

مثل شـمعه الزمـن يـحرگ بالآمـال
والــعـثره الچـبيـره بـويـه مـاشـين

غـريـبه وتـنـتـظر چـلـمـة أجـيـناچ
عليله وحـيلها ضـحگـات الحـسين

تـوزع بــالــدروب عـيـونـهـا انـذور
ويـومـيــه انـتـظـار ومـاكـو اخـبـار

أستخاره تريد تآخـذ خايفـه هـواي
خـاف الاسـتـخـاره بـيـهـا أخـطــار

تـــهــز بـمــهــد فـارغ والــدلــلــول
تـطـلع مـنهــا مـثـل السـهـم والـنـار

واسم الله تگـول هـواي ... تسـبيح؟
زغــيـره وحـيـل مـشـتـاگـه للازغـار

منــتــظـره عـلـي لـو عـمـهـا عبـاس
يجيهـا وتسمع الـ گومـي بگلب حار

مْـحـضّـره هدومها وسجادة الـنوح
ومـحـضـره مـتنـها لسـوط الاشـرار

حـسرتـهـا بـقـت بصـمـات عـالبـاب
وشـــگـد الـرسـايـل بـــيــهـا ثـــوار

يجـي يـوم وتـكـون بـراحـه تـرتاح
يـجيـهـا الـمنـتــظـر ويـطالب الثـار


#رزقهم_سلام_الله_عليهم
#احمد_رزاق_الاعرجي