مولاتي رقيه (عليها السلام)
[ بالخـرابـه ]


بالخرابه             أرسـم بـقـصـة حــيـاتـي بـالـدمع
بالخرابه            متني يوجعني واحس كسرة ظلع

   فارگت زهرة زماني           وأدفنت كل الاماني
بالـخرابـه

جروحي تروي الصار بيه والدرب شاهد
بگلبـه چـم حسـره تـچـودر الـفـگد والـد
لو يـجـي العـيد بـحـسـرتـه ألمـن يـعايـد
ووين ألگه الحزنه مثلي بحزني متـوارد

ياهو مثلي          بـالــخـرابـه دافـن جــروح وألـم
ياهو مثلي         حافي يركض ينچوي بنار الخيم

بعمري ياهوّه اليعاني         وادفنت كل الاماني
بالـخرابـه
______________1___________________

شگد مواقف عيني شافت صعبه أرويها
آنــه ذيـچ الـســلّــبــو گــوه تــراچــيــهـا
وعمـتي زيـنـب بالـعـبـايـه النــار تچويها
وفوگ كـل هـذا شـمرهم سـوطه يآذيـها

عيني تعمه          وريت ماشفت الجره بطف الذبح
عيني تعمه          ريت من شفت الرمح شايل صبح

عمـتـي موقـفـها عِماني         وادفنت كل الاماني
بالـخرابـه
______________2___________________

مـوقـف الألـمـني ويـلي حـسـين عالغـبـره
والاشـد خــيل أعـوجـيه تـرفـس بصـدره
ريــت ترفـسني بـمـكانه وصـدري تكسـره
بحرگه اصيحن كافي ياخيل استحن مره

يارقيه         صوت اسمعه يگول أرجعي بمنـحره
يارقيه         روحي شاغت لمن گـطـعـو خنصــره

وصوته مطبوع بأذاني            وادفنت كل الاماني
بالـخرابـه
______________3___________________

رحت اركض للشريعه لعـمـي مو للـماي
واعثر بخوفي واصيحن عـمي يالوفاي
رايـده چـلــمـه تـگـلــي يـارقـيــه جــاي
شلع جلدي سوط اميه وماأحس بگفاي

من وصلته        بلا چفوف وطايـح  وعـينه ألــي
من وصلته         چـــن أسـمـعه هـاا رقـيه ادلـلـي

صوته تعبان وچواني           وأدفنت كل الاماني
بالـخرابـه
______________4___________________

رحت يم زينب شفتها  واكـفه اعالتل
تـنـتـظر كـافـلهـا يرجـع عمـي المهـيّـل
تصيح عباس ألحگ النه للشدد يـاحل
دارت النار بـخيـمنـه  دورت المنـجـل

عمه زينب        عمي ماي وراح يروي المشرعه
عمه زينب        سـهـام بـالعـبـاس بـي مــتربـعه

لو عدل عمي أجاني          وادفنت كل الاماني
بالـخرابـه
______________5___________________

بالطفوف الگاع صارت حمره من الدم
واركـض ونــار بـعـباتـي سـكــته أتـالم
احترگ لو عيني راحت صوب اِلمخيم
انچفيت  وطاح حــيـلـي لا أبو ولاعـم

ظلمه صارت      والحبل يركض عله زغار وْنسه
ظلمه صارت      بركضـة الخـيل وأبويـه ترفـسه

منذبح مصدر حناني         وادفنت كل الاماني
بالـخرابـه
______________6___________________


#رزق_مولاتي_رقيه_روحي_لها_الفدا
#احمد_رزاق_الاعرجي

اذا تـگـدر يــريـح الـخـبـر ... وصلاه
لخوي الْيـمْ شريعه انْگطع ... وصلاه
گـله تگول زيــنـب شـفـت ... وصلاه
لقمـيـص حسـين خـل يـلحـگ أخـيه


#رزق_مولاتي_زينب_عليها_السلام
#احمد_رزاق_الاعرجي

[ موشح ]

حسين زحمه الخيل تهشمـله الصدر
وجم ضلع بالـخـيل ويـلـي يـنـكـسر

ازغار تركض خايفه ومحتاره حـيل
واليطيح يموت من سحگت الخـيل
و الــنــهـار بـيـوم عـاشـر صـار لـيـل
من هوه اعله الگاع سلـطـان الصـبر
______________1___________________

آه يــا لـــوعـه الـــطـف الــمـؤلــمـه
نـــار عـالاطــفـال تــركـض لاهــمـه
الارض نــاحـت عــلـيـهـم والســمـه
كــلـهـا لاذت بـالـعـقــيلـه ام الـخـدر
______________2___________________

يـاعـلـي زيـنــب وحـيـده وحـايـره
والــسـياط علــيهـا صــارت دايــره
لـو عـدل عـبـاس سـبـع الـگـنـطـره
بيده يسحگها الاعادي اويـه الشمـر
______________3___________________

مـن وگــع عـبـاس يــم الـمـشــرعـه
عالخيـم شـو چـنـها صـارت قـارعـه
بـكـربـلا چـم مـوقـف وچـم واقـعـه
خوف وجروح وركض فـوگ الجـمر
______________4___________________

الرووس شالـتهـن رمـاح أهل الحقد
گبـال أهـاليـهن وكـل شـامـت يـصـد
عـالـرمـح سـورة الـقـل هـو والحـمـد
وانـذبـح وجــه الـصــبـح وبـلا عــذر
______________5___________________

#رزقهم_سلام_الله_عليهم
#احمد_رزاق_الاعرجي

زينب (عليها السلام) تگول :

ياحسين

الخنصر ضاع بحافر

والمـحـبـس باعـو بـالـسـوگ 💔


#احمد_رزاق_الاعرجي

[مودعه بـ الله وعلي]

مـودّعه بـ الله وعلـي
بوجهي خويه أتـأملي
بـعـد سـاعـه وانـذبـح
وراسي ينشال برمـح ... بوجهي خويه أتأملي


يزينب راح أودعـچ يابـعـد عـينـي
بأمان الله يروحي وكل شرايـيـنـي
أنظري شيبتي وحيلي وصواويني
بـعـد سـاعـه يـا زينـب تضيـعـيـني

خويه عينچ عالزغار
لو خلص خيط النهار
لايــعـثـــرون بـجـرح
وراسي ينـشال برمح ... بوجهي خويه أتأملي
______________1___________________

بـعد سـاعـه يـزينـب هـذا طـولـي يطـيـح
عالتربـان شـمـعـه وتــركـض الـهــا الـريـح
واحس جروحي كلها تصيح بس مااصيح
خـاف اجـرح گـلبـكـم حــتــى لـو تلـمـيـح

ادري هـالمـوقـف ألــيـم
والصعب فوگي الرجيم
بسـيفه يذبـح بـالـصـبح
وراســي ينـشـال برمـح ... بوجهي خويه أتأملي
______________2___________________

بعد ساعـه وتـشـوفيـن الـخـيـم تـوگـع
وتركض نار أمـيـه بـخـيـمـتي تــشـلــع
وآنــه هـنــاك أبـــاوع لاچــن مـگــطّــع
والمـثلـث صـلف من صـدري مايـطـلـع

والرمل ياخويه حار
خاف يچويها الزغار
والرمل لا مـو سمـح
وراسي ينشال برمح ... بوجهي خويه أتأملي
______________3___________________

بعد سـاعـه تشـوفـيـنـي بلا نـاصـر
يزينب حالتج صعبـه وشِـمر كـافـر
لــو شفـتـيني مـتوذر ظـهـر عـاشـر
لـتركـضـين لـيـه يـلـوحـج الـحـافـر

خويه اجِّمعيها العبي
فـوك تـل الـزيـــنـبـي
الناس مابـيـهم صـلح
وراسي ينشال برمـح ... بوجهي خويه أتأملي
______________4___________________

حبل شامت يجي يـچتـفها ايـديـكـم
ولارض الـشـام يـا زيــنـب يـوديـكـم
وسبـايـا للـغـرب ذبـاحـي يـحـديـكـم
لابن زيـاد زحمه امـن الله يـهـديـكـم

النوگ توجعـني سهام
ينـفـگـد بيــهـا السـلام
وبــيــچ آيـات الـفـتـح
وراسي ينشـال برمـح ... بوجهي خويه أتأملي
______________5___________________

وآخ الــســوگ يـازيــنــب تـطـبـيـنـه
وشماتـه يـشــتــمــونـچ يـالـِحنـيــنـه
اخت عبـاس انتـي و والـد سـكـيـنـه
زحمـه النـاس تسـأل كـافـلـچ ويــنـه

والـدرب كلش صعب
واختي مابيـن الغرب
وغيـر هـذا مايـصـح
وراسي ينشال برمح ... بوجهي خويه أتأملي
______________6___________________

#رزق_صاحب_الزمان_روحي_له_الفدا
#احمد_رزاق_الاعرجي

[ ياخادم حسين ]

مـن الـبقـيع وجـاي للـخـدمه
وأحضر مجالس نعمة النعمه
آنـه الحسن يالخـدام
شـد العـزم يالـلـطـام
ياخادم حسين

لمن گـرب شـهـر حـسـين خليـت رايــه بكـل دار
مكتوب بيهـا الخدام وسبعين ابـو الـيمه انـصـار
أجـدامّـي ماتـعْـبت ليـش؟ چـي دربـي كـله زوار
وتسبيحي بدموع العين اليا مجلس ادخل محتار

كل المجـالس من اطب ليـهـا
راحة البال مْـفـصّـله عـلـيـها
وللدمعه شديت حزام
شـد الــعـزم يالـلـطـام
ياخادم حسين
_______________1__________________

بنص الدرب شفت الخير وشفت المجانين هواي
شايب حلفني بحسين اتفضل اشرب طاسة ماي
وازغـار تـوزع رايـات والـطـيـن عـلـيـهـم حـفـاي
وأسمعهم صاحـو باحـساس گـواك الله يالمـشاي

شفت العجايب والعجيب أكثر
مـابـيّـن عـليـهــم تـعـب لا حـر
بعيونهم چـم جسـام
شـد العـزم يالـلـطـام
ياخادم حسين
_______________2__________________

بشهر حسين احــضر كـل عـام متوزر بـجـروح وآه
وثوبي الاسود والزنجيل امـتوني بحـرگـه تـتـلگاه
بالمجلس انفاسي تعيش والمجلس عندي شمحلاه
لـمّــن يـبـدي بْـ آه يـحـسـين كـون نـصـيح الله الله

كل الجروح وكسرة الخاطر
شويه مُـقـابـل ليلـة العـاشر
لمّن نذكر جرح الشام
شـد الـعـزم يـالـلـطـام
ياخادم حسين
_______________3__________________

اليخدم ابو سكينه تشوف بعيونه حسرة عطشان
وبـگـلــبــه نــار وعــطـاب ودمـوعـه نــار ودخـان
فاتح مـضـيْف الخـدين ودموعـه ضيف الاحـزان
ومـن يبچي دمعـاتـه تصيـر تـجويدة مالت قرآن

هنياله كلـمن يحـضـر بحسره
يصير الطبيب لفاطمه الزهره
وجرح الكسر هم يلتام
شـد الــعـزم يــالـلـطـام
ياخادم حسين
_______________4__________________

انتظر عاشور حسيـن واحسب ليالي وساعات
حتى احضر بمجلس كون واقره وياكم زيارات
وأوگـف أبـاب الـعزيـات وكـلي أصـيراً دمعــات
ونـلـتـم وأسـمـع خدام يتــقــبّل الله الـطـاعـات

يامحلـه گعدات الحسينيـه
الما بيها غيبه وآنه شـعـليه
بـيـهم بـراءة ايـتــام
شـد العـزم يالـلـطـام
ياخادم حسين
_______________5__________________

يثرب عفتـها وهل جيت وبراسي عـاشور أحساس
مظلوم أجـيت لمـظـلوم مـكـسور شـافـوني النـاس
مو حگي مـن أبچي عيون لحسين أخوي النوماس
والــمـاي مــا اريـده الــمـاي زعـّـل أخـوي الـعـبـاس

هـاي الخـدامـه نـيـالكم بـيـها
قـد أفـلح كلـمـن گـصد لـيـهـا
وصوت العزاء بكل عام
شـد العـزم يالـلـطـام
ياخادم حسين
_______________6__________________


#رزقهم_سلام_الله_عليهم
#احمد_رزاق_الاعرجي

[ بالمجلس احساس ]

بالمجلس احساس لا متعرفه الناس
بس خدام حسـين والعاشگ عـباس

الوزع ماي بهالخدمه
عابس يتسجل اسمه

بمجالسنه شحلاته أحساس عالفطره
اذا رادودنـــه عــالــمـــنــبـر ويــقـــره
احس حرمـه تـون مخنـوگـه بـالـعـبره
احساسي يگول هاذي فاطـمه الزهـره

مو مـثل النــسـوان محنيه النـيـشان
وي كل ونـه تصيح لاتنسو العطشان

وأسمع بس هاي الچلمه
عابس يتـسـجـل اسـمـه
______________1___________________

الـيـوزع مــاي تـنـدلــه وتضـل ويــاه
تسجّل أسمه وتـقـوسـه لـجـل عـيناه
حتى الگـاعـد يصـب شـاي ماتنســاه
أم حسـين مـاتنـســى الـخـدم واللـّـه

ومن دمعات تطيح ميروحن بالريح
بچـفـوف الـزهـراء ينحسبن تسبيح

كل خادم هو وعزمه
عابس يتسجل أسمه
______________2___________________

كــل اعـمـارنـا والـدنـيـا والـبـــيــهـا
اذا مــو خــدمـه الـلــه لا يـخـلـيـهـا
ويـن نـروح لــو مــا هــو تــالــيـهــا
خدام الجـروحـه الـرمـل غاطــيـهـا

هنـيـال الخـدام بمجلسـهم كل عـام
حاسبهـم عبـاس فوگ حـزامه حزام

أوْهـاي الأكبـر نـعـمـه
عابس يتسجل أسـمه
______________3___________________

بـحسـيـنـيـاتـنـه الـزهـراء تــتـواجــد
وتـعـايـن للخـدم والدمعه فوگ الـخـد
اوتشوف اللابس أسود گلبه مو أسـود
مـن حـسـيـن شــيـبه بـگـلبـه تــتـسيد

واليبچي اعله حسين يـتـسـجـل مـرتـيـن
والــروحـه بـعـاشــور أسمه اويه السبعين

يـنعـد ويـاهـم زلـمـه
عابس يتسجل اسمه
______________4___________________

اليوصّل فكـره بالتصوير والاعــلام
وعايـف شـغـلـه وتشوفه قليل ينام
للــسـجـاد بـالـطـف هـذا شـد حـزام
وصايـر خـيـمـه لـلحـوراء والايـتـام

وكل خادم موجود عـند الزهره ورود
أسمه اوي العنوان ماواحـد مـفـقـود

الرايد يوصـل للـقـمه
عابس يتسجل اسمه
______________5___________________

صوت الزهره احسه بأذني وناته
كل شاعـر سـهـر لـيـلـه بكتـابـاتـه
حبيب حسين هذا وطـاهِـرّه ذاته
وحگ عبد الله كلهن يمي چلـماته

والــرادود ويــاه مامـمـكن أنسـاه
واليلطـم لحسين چـم جـنه جـوّاه

الرايد يتـحقق حلمـه
عابس يتسجل اسمه
______________6___________________

كل واحـد كـنـس بـاب الحـســينـيه
مـو شـــغــلـة ريـاء وهــيـه روحـيـه
تسولـف بـيه سـكـينـه هـيه وارقـيه
وهنيـالـه التـسولـف بأسـمـه علـويه

كـل خـادم يرتـاح بالمـجلـس لو نـاح
خير حسين هواي وبكل مجلس طاح

وعند الخادم مو صدمه
عابس يتـسـجـل اسـمـه

______________7___________________


#رزق_صاحب_الزمان_روحي_له_الفدا
#احمد_رزاق_الاعرجي

[زلـْمـة كـربـلـه]


من صوب المخيم صوت حب ومرجلـه
الــلــهـم صــلِّ عــلـى زلـــمــة كـــربـلــه


صـوت تـارس كـربلـه كـله حنـيـن
صلِّ يـاربـي عـلـه ابــن ام الـبنـين
ابـو فـاضـل ابـْن امـير المومـنـيـن

ياهـوه يـدنـالـه وأفـعالـه وگت الموزمه
أسمه عد حيدر المـعـتـبر وأبـن فـاطـمه

بالحومه ايْتبّختر معـضـله عالــمعـضلـه
الــلــهـم صــلِّ عــلـى زلـــمــة كـــربـلــه
______________1___________________
هذا صوت حسين من صوب الخيم
للـشريـعـه واصــل بـسـرعـة ســهـم
يــاسـلام الـلـه عــلـيــك وعــالـعـلـم

وأبتسم عباس منه الراس دخان وصعد
حار بـالمـيـدان والشجـعان زلمـتهم شـرد

گـشاخ الـميـاديـن سيـفـه سـورة زلـزلـه
الــلــهـم صــلِّ عــلـى زلـــمــة كـــربـلــه
______________2___________________

صـوت يـاعـبـاس گـدهـا والـنـعــم
مـن ابو سكـينه ويعـايـن مـبتـسـم
وابتـشـر عــبـاس طـشـرهـا الـزلـم

وسيفه بيمينه ولحسينه يــندار النـظر
ورجع لخـيامه ليــتــامـه يسحل بالنهر

والـرايـه ترفـرف بـيـهــا راسـم بسـمـلـه
الــلــهـم صــلِّ عــلـى زلـــمــة كـــربـلــه
______________3___________________

حدر سيفــه مابـقـو ســبعـيـن الـف
صار بيـهـم خـوف والـكـل يرتـجف
وذاك يمكن حـرملـه يزحـف زحـف

كشخـتة الـساده والـقـاده سبع الگنطره
عمامته الخضره والشمره چـنّه حـيدره

الگاع منها المتون چنهـا صارت هـادّلــه
الــلــهـم صــلِّ عــلـى زلـــمــة كـــربـلــه
______________4___________________

حسين شاف اطلابه قايدهـا الكمر
وبـالـگـراب أيـعـارگ وبـيـده سـقـر
چنه يوم المـحـشــر ومـاضـل مفـر

ولفـها چفيتـه بْحُرّيته يرفرف بالعـلم
مْعـتـبر مهـيـل ومعـدل نسمات الخيم

كل سالفة مراجل يعني هيه تـعـود الـه
الــلــهـم صــلِّ عــلـى زلـــمــة كـــربـلــه
_______________5__________________

غيرة العـباس طفـحت بالطـفـوف
روس وگعـت قـبل لاتوگع سـيوف
هواي ابو فاضـل وقـلـه هـالالـوف

ظـلـمـه سـواهـا وشـداهـا الرايه اعله المتن
وراس اليشوفه بـالكـوفـه تـلـگاه مـنطـحـن

لليوم گاع الحسين بمـاي كصـته مبـللـه
الــلــهـم صــلِّ عــلـى زلـــمــة كـــربـلــه
______________6___________________


#رزق_صاحب_الزمان_روحي_له_الفدا
#احمد_رزاق_الاعرجي

[ حياتك باختصار ]

حـياتك بـأخـتـصار ... خيام وبيها نار
وحـبل يآذي الزغار ... حياتك
دمـعـتـك عــالوجن ... يسلطان الحزن
صبح لـون الـمــتـن ... عبـاتك
-------
علي وجاي لعلـي يـحـضـر مراســيم الدفن
تـغـيـّر لـونـي يـولـيـدي لمـن شـفـت المـتن
حرت بجروحك هوايه أنخلق بـيك الحـزن؟
ونـار الخيـم مطـفيه ... شيـطفي نـار البيـه

جــروحــك كـربـلاء ... شكثر بيـها عناء
بكُبـر حجـم السـماء ... جروحك
بـكـل دمــعــه تــون ... يسلـطان الحِزن
صـبـّح لـوّن الـمـتـن ... عـبـاتـك
_______________1__________________

عـلي ابـنَ ابــي طــالـب أنــه وجـاي بـْـألــم
شـفـت ثوبـك حزن ضامي يسولف عالخيـم
وشـفـت متـنك مـثـل أمـك يخـضّـر منـه دم
وچفوفك مچـوّايـه ... وبيهن علـگ من رايـه

شفت بيـك الـدمـه ... مثل مافاطمه
يـالـمـرافـگ ضـمـه ... ودموعك
يبو سوالـف گـِطـِن ... يسلطان الحزن
صبح لـون الـمــتـن ... عـبـاتـك
_______________2__________________

يـالـسـجـاد وشفت ثوبـك من الـحرگ گـصر
وشـفت عينك دمـه تنـزف واثـر بيـها لحجّـر
علـيل وذابــله عـيـونـك جـروحـك چـم نـهـر
ومنين اشيلك خايف ... وماكو جرح مانازف

ألــچـمــك لــو رِدت ... طرف منك شلت
على وجهـي طحت ... يـغـالـي
وشفت دم بــالردن ... يـسلطان الـحـزن
صبح لـون الـمــتـن ... عـبـاتـك
_______________3__________________

هـاي الحـاله وهذا المنظر شفتهـا من قبل
لمن ماتـت نـظـر عـيني وبـده حيـلي يـقـل
ومصيبتها اويه شوغتها الحبل چان الحبل
وچـفـوفـك مـأذيـهـا ... بـحبال ومـگيـديها

عـلــيـل ودمـعـتـك ... تحنّي لحـيتك
ونــيّــن بـمـوتـتـك ... غـريـبـه
انكسر مني غـصن ... يسلطان الحزن
صبح لـون الـمــتـن ... عـبـاتـك
_______________4__________________

ذبل حيلي وأنـه حيدر واحس تحـچي بـدمـع
وتــگــلـي والـــدي داســـو ولا ســالـــم ظــلـع
انذبح ضامي ورغم هذا انـذبـح منـه الـصـبِّـع
والخيل سحگت فوگاه ... وتراب ترسو عيناه

ودمعــتك سولفـت ... على الحره حچت
العــقيــله اتـسلـبت ... تـگـلـي
وحبل چفها سجّـن ... يـسلـطان الحــزن
صبح لـون الـمــتـن ... عـبـاتـك
_______________5__________________

حرت شحچي ودمع عينك يسولـف عالخيام
يـگلي الشامت بسوطـه ضرب جنـح الحـمـام
السـلام اعـلـه الـرمـح شـالـو بعد ماكـو سـلام
والعفه راحت للشام ... ويـ عيلتة الله الايتام

ويــسـولــف وبـألـم ... الخيم نار الخيـم
رمـــاد وبـيــهــا دم ... وِلـّـوهــا
صعب يـوم الـدفـن ... يسلطان الحزن
صبح لـون الـمــتـن ... عـبـاتـك
_______________6__________________


#رزق_صاحب_الزمان_روحي_له_الفدا
#احمد_رزاق_الاعرجي

[ بالروايـه ]



بالروايـه ... سوالف وبيـهـن مصيبه
بالروايـه ... زينـب انـكـتبـت غريـبه
والـعـلـيـل عــيـونـه حـمـره
يـركض السوط اعله ظهـره ... بالروايـه

سوالف تشيٌب الرضيع بيوم من سار الظعن
من ارض نيـنوه سـارو للـسـبي مـو للوطـن
يـهالودام والـفواطـم صـعبـه والله ينسـبّـن

والشماتـه يسولفون وتسمع الـناس
زينب اول تـالـي مـا ويـّـاها عبـاس

والهضيمه ... الرايه بيـد چفوف غربه
والهظيمه ... زينب اتشاهدهـا صعـبـه
وكل طفـل بعيـونـه حسـره
يركـض السوط اعله ظـهره ... بالروايـه
_______________1__________________

شگد مواقف صعبه صارت تجرح عيون السمه
علي السجاد بـچـفّـوفـه حبــال وانصبغـن دمـه
وسوط الـيـمـر اعـله زينـب والله حـيـل يألـمّـه

يعثر شمـا شاف عمتـه ابلايه كافل
ولو تطيح يصيح الحك يابو فاضل

وعالرمح راس ... أبّو فاضل رافـعـّـيـنـه
وعالرمح راس ... والسـهم طفاها عـينه
يــسـولـف الـســـجـاد أمـره
يـركض السـوط اعله ظهره ... بالروايـه
_______________2__________________

علي شاف شكد مصايـب والهظـيـمـه عـمّـته
شما تريـد اتـطـيح تـلـزم طـرف مـن عـبايـّته
والـعـليـل احـبـال بـايـده والتـعـينـه عصـّـتـه

وبالسبي شما تبچي طفله يعذبوها
حالفــين الـدمـعه مـنـها يـسـلـبـوها

والمصيبه ... يضحك الشامت يجيهم
والمصيبه ... الـسوط الّيسكّت بچيهم
والــعــثّــر يــتلــگـه غــبـره
يـركض السوط اعله ظهره ... بالروايـه
_______________3__________________

التذبح عيون ابو الباقر يمـشي وي ذبـاح أبّـوه
والـرمـاح گـبـالـه تمـشـي بـهـاي كـلّش عـذِّبـوه
طـاح راس حسـين ويــلـي بالحجـاره طيحّـوه

وگع راس حسين من رمحه وتـعفّـر
وركضت الحـره لچـّن بالحبل تـنجـر

ينظرلها ... راس ابو سكينه بمحنّـه
ينظرلها ... تـگلـه خل نرجـع لهـلْـنـه
مـوقـف الـخـاطـر يـكـسـره
يركض السوط اعلـه ظـهره ... بالروايـه
_______________4__________________

وصلـو الـشام ولگـو بالـ شـام عيـد مكيّـفيـن
وزينب مگيديـن چـفهـا ويـّـهَ زين العـابـدين
آيـة الله علـي السـجـاد ابـن اميـر المؤمنـين

ليش هذا الفرح والمذبـوح الحسـين
عاد خل انرد لهلنـه .. فرحـو بعديـن

والشماتـه ... ألـتـمـّـو بضحكات وسفه
والشماتـه ... عيـونـهـم وَيـْ الله صـلفه
وعـثـرة الـســـجـاد نـظـره
يركض السوط اعله ظهره ... بالروايـه
_______________5__________________

گـعدّوهـم بالخرابـه وسگـف مابـيـهـا عجـب
والشمس تآكـل وجههم فوگ كل ذاك التعب
اتغيـّرت كـل المـلامـح كلشي بيهـم أنـسلـب

واحد يباوع علـى واحـد هظـيـمـه
وزينب تگول أصبحت هسه يتيمه

وين اخويـه ... حسيـن والعباس وينـه
وين اخويـه ... يـدري للـشـام أنـسـبيـه
والــفـگــد عـــبــاس مــرّه
يركض السوط اعله ظهره ... بالروايـه
_______________6__________________



#رزق_صاحب_الزمان_روحي_له_الفدا
#احمد_رزاق_الاعرجي

[ علي بعلي ]
لسيدي ومولاي زين العابدين ع

علي ... بعلي ... كلمتّه
وابـا الفـضـل ... هيبتّه

ارتجز بالمجلس وكل شي سكت لمن نطق
بده بالبسـمله لسـانه وحـچي مـعـدل خلق
سِوالف عاصفه وبـالمـجلس الـشامت ورق
ويـزيــد بـخـوفـه نايـم لاچـن بعينـه الارق

البچي ... حچي ... بدمعتّه
حــوّه ... وروّه ... قصّتـّه

_______________1__________________

بعصاته زلزل الـمجـلس تـمنّو بـي حـلـم
تشوف بعينه عباس وخرس صاب الزلم
مثل چف الـكفـيل يـطـشر بكيـفه ويـلـم
غضب نازل مثـل يوم القيـامه ابلا سلِـم

ابتسم ... رسـم ... آخـــره
فـعـل ... مـثــل ... حيدره
______________2___________________

عليل وحيله كله جمـره بمضيف الحــسن
برز بلسانه موش بسـيـفه ســكّتـها الـفـتن
التربـّه بحضن الحسـين اشيـسـولف مـثلاً
ملك ويسولف وكل شي وگف حتى الزمن

ابتده ... الصده ... ينسمع
عـلـي ... بـوجه ... منطبع

_______________3__________________

منو گال الحبـل يجـرح چفوفه ابن الولي
الحبل زاير چفوّفه ويعـتذر فـي مــايـلـي
ولد عمي الســياط وجـرحـو عـيلة عــلـي
وصـرخ بيـده الحبـل آنه اعتذر منك علـي

وحضن ... وطن ... يمنتّه
اعـتـذر ... نـهــر ... دمعتّه

_______________4__________________

كلامه ذو الفقار اعله العده صـاير جمـر
واذا يسكت سكوتـه بـي مـلامح للنصـر
صلب مـثل الحسـين ويرتجـز مامنكـسر
كلامه واضح ويچوي مثل شمس الظهر

كمـر ... بــدر ... طلعتـه
مثل ... علي ... بخزرته
_______________5__________________

شجاع وكلمته وحده مثل چف الكمـر
يزيد يسولف ومن خوفه بسوالف عثر
العطش لامايهم آل النبي وهمه السـوّر
الضعن عاشك ابو فاضل ولاهمـه النـهر

حــده... النـــده ... بلحيتـه
ورعب ... تصب ... غيرتـه
_______________6__________________


#رزق_صاحب_الزمان_روحي_له_الفدا
#احمد_رزاق_الاعرجي

مولاتي رقيه (عليها السلام)
[ آنه العزيزه ]

آنـه الـعـزيـزه طـفلِـتـك
يابويه أجيت لحضرِتك
بالـليـل واعثر بالچـثـث
لـمـن وصلـت لچــثِّـتـك

بـالليل اجـيـتك يـالابـو طـمـني بـويـه شـلـونك
بعينك چنت هسه شعجب ليش الرمل بعيونك
معقوله حضنـك عالتـرب وبـالـدم تغيّـر لــونـك
قرآن ربك وشـعـجـب بـالـحـافر يسـحـگـونــك

مخلوق انت تنـعشـگ
مو بـالحوافر تنسحگ
وبشيبـك ينـام الـنـده
لا مو دمه يابو الصدگ
_______________1__________________

چفوفك شفـتـها مگطـّعـه وسهام ترست ظـهـرك
ويابـويـه حـيـلك عـالـنهـر طايـح وطيـّح عـمـرك
يحسين من گد السحـگ ماباقي شـي من صدرك
يـنزف دمـه مـدري خـيـم يـابـويـه بعـده نـحـرك

خنصرك يابويه انـسلب؟
فـوگ الحوافـر والتـعب
رغـم الجــروح النـازفـه
بس الذهب يبقى ذهب
_______________2__________________

يــاوالـدي وهـاي الارض مــن الــظـُـهـر تـلـچـمك
وشمـا ردت أشلـع سـهم توگـع وصل من جسمك
من كـثـر مـا صـايـر وذر محــتـاره بـيـش ألــمّـك
آنـه العـزيـزه وحالــتـي يابـويـه أدري تــهــضـمك


يـابـويه معقـولـه مــتت
وآنـه يتـيـمـه اصبـحـت
يابـويه تعـبـانــه وعـلـي
ما نـايـمـه صار شـوكـت
_______________3__________________

يـابويـه أسولفـلك علـى النـار الْأجّـت للـخـيـمـه
و الخـيمه صـارتـلك جمـر واحنه ركضنه بهيمـه
صحـنـه شكـثر محد فـزع ماصـار واحـد غيـمـه
وزيـنب تطـلّـع بـالـچـثـث وتطـفـي نـار أيتـيـمـه

وأحتـارت وسـوط الظهّـر
چـم ظـلـع من عدها كسّر
وگبـالـي يضـحك حرمـله
ويگـلـها چـا ويـنـه الـكمر
_______________4__________________

يابـويـه أسـولـفلـك تـره ومتونـي ماأحـس بيهـا
من عندي كل ظهري أنشلع وظلوعي اِمكسريهـا
تعبـانـه أجـيـتك يـالأبــو يـالـروحـك متـعـبـيـهـا
آنـه رقـيـه وعـالـجـمـر وشـگـد مشّـت رجـلـيـهـا

احچيـلـك شصـار وجـره
بحـرگ الخيـم لزمو سره
وسـوالـف الشامــت رمح
مـاهـو ســبـع الـگـنـطـره
_______________5__________________

بويـه الـتراچـي أتـسـلبت والـخـوف تـارس بـالي
مـن جـرهـن بأيده الـنذل گتـلـه آنـه بنـت الغـالي
گام وضرب وجهي وصحت يحسين شاهد حالي
وگــلالـــي مــيّـت والـــدچ وهــنـا ذبـّــح آمــالـي

واللـيـل أجـه ويمك طحت
يــابــويـــه لا مـاحــسـّـبـت
الـگــاك هــيـچ بـهــالـوضـع
بــعـدك يــبـويـه أتـيـتـمـت
_______________6__________________


#رزق_صاحب_الزمان_روحي_له_الفدا
#الخادم_احمد_رزاق_الاعرجي

[ بشّر يموت ]


بــــشـّـر يـمـوت
شو ماكو صوت
الاكبر حلوه سواها .... خبطها وبيده صفاها
بـعـيـونـــه نــار
ينــفـض شــرار
تـوزّر للحرب عازم .... والسبعين الف خادم
صارو مثل محبس اديهْ
................................

كـحـيل وراكـب كحـيـلـه
علي وفـقـاره كـل حـيلـه
وشد عصابة بيها ياكمر هاشم

شمس خجلت كمر ضايع
بجـمالــه ودنيـته بـــايـِـع
شافو مو علي شافو نبي قادم

سيفه بيمنته ... تخبل ضحكته ... وتذبح خزرته ... ولايه
ايطشرها ويرد ... يسـمع مـن بعُد ... يوليـدي اعـد ... هايه

شافه الكفيل
وگـله أصـيل
وناده گـدها يالغالي .... خـلـي شـويـه يبـقـالي
خلـصـو تـره
لـزمــو سـره
گاع الله اضن مالت .... تخافك صاحت وگالت
صارو مثل محبس اديهْ
______________1__________________

اليشرد راد مــن عـنده
تـيـــهَ روحـه والشرده
واليطلع سلـيم گـباله يـنزع ثـوب

الشافه اتحـير بــامـره
يذبح چــفه بالسطـره
وگالو عالعطش عنده گلب ايوب

شيمه ومرجله ... صـاحـت كربلـه ... ياميـة هـلا ... بـچـفـه
خـلاس الـزلم ... رادمـهـم ردم ... مـنـك والـنعـم ... عـِــفــه

بـچـفـه الــهــوه
مـــنــه انـچــوه
والشگره اصهلت بيده .... الاكبر والحرب عيده
شــاف الالـــوف
مـتـشبعه خوف
ليـل وخــيـم عـليـهـم .... مسـمـوعـه بـواجـيهم
صارو مثل محبس اديهْ
______________2__________________

علي سوالف ابو السجاد
ومحشر سيفه والـميعاد
وسورة هل أتى والواقعه چنـه

واحـد يحــجـي للثـاني
يگـله اتمنـه اموت آنـي
ولااشوفن علي الاكبر شبر عنه

طب الهم رعب ... والموقف صعب ... وانسد الدرب ... صاحو
فارسهم لـبــد ... من شــاف الاسـد ... مايـعبر جسـد ... طاحو

يهوه القتال
گول وفعال
گشخته سيفه واسم الله ... والـخالــق عـلـيـه صلـى
فوك الجــبين
باسه الحُسين
وشـد عمــامتـه ودرعــه ... دخل وتـشاهـد الـسبـعه
صارو مثل محبس اديهْ
______________3__________________

مثل رحـه ويفر بيها
ساعه يلمهـا يچفيها
الحومـه عنده طاسة ماي بچفوفه

يموت اليوگف بصـفه
واليشرد تجـيْ رجـفه
ويجيبه لو وصل بالشرده للكـوفه

مشاهـم عـدل ... ميـل ومايمـل ... خلصهم سحل ... بالطف
ترسم ضحكته ... لونه وشمرته ... وگلبـه بدنـيته ... مـارف

بــيـن الالـوف
وحده يطوف
وگـلبها بـصرفت اردانه ... خـورس كـلها عــدوانـه
داس الرؤؤس
سكته النفوس
گـلـب عالـيها سـافـلـها ... والـسبعيـن الـف كـلـها
صارو مثل محـبس اديـهْ
______________4__________________

رووس القاده هشمها
طـشرهـا وخـرز لمـها
عيونه تجادحت غيره غضب نازل

زلم؟ لامو زلم چنهم
بالسكـته سـوالــفـهم
گالـو طالع هـواي اعلـه ابـو فاضـل

خالسهم خلس ... كل خلفة امـس ... ماخله ضـرس ... ليهم
طلابه وماتفض ... زلزلها الارض ... بالطول وعرض ... بيهم

أول جـــمــال
مو بالخــيـال
محمد ثانـي بالحـومه ... نفضها نفضت هدومه
نازل جحـيم
لاهل الرجيم
وبگـرابــه يـصـفـيـهـا ... ولـلــبــرزخ يــوديـهـا
صارو مثل محبس اديـهْ
______________5__________________

بديهم والسيوف تصيح
من الخـوف گـام تطيح
گبل سيوفـهم طاحـت شواربـهم

گـض اعـنانهـا اتبـغـتـر
ابن حسيـن الـمـعــتبـر
گبـل لايذبـح بـكـيفـه يتــعــبـهم

عرگت گصـته ... وطفحت غيرته ... ورفت رايـته ... الخضره
وحسين ابتسم ... من شاف العلم ... ولصوب الخيم ... عطره

چـنه الـصباح
بعـيـونــه لاح
چم يوسف على عيـونـه ... شمسين الـ علـى مـتونـه
مصدر ضياء
ارض وسماء
يــشبـه نـفخـة اسرافيل ... بالــطـف دوره عـزرائيل
صارو مثل محبس اديـهْ
______________6__________________

#رزقهم_سلام_الله_عليهم
#احمد_رزاق_الاعرجي

الى مولاي الحسن المجتبى(ع)
[ بيده سيفـه ]


بيده سيـفـه وكاسـر گـرابــه

ألـحسـن لـمـن يـصـول بـهـيـبـتـه
بــالـحـرايــب ياحــلاتـه بـلامـتـه
وي علي لمن يطب سوح الـحرب
هــو عـد حـيدر يــساره ويـمنـتـه

سـيـد الــعـز والــكـرم بـابــه
بيده سيـفـه وكاسـر گـرابــه
_______________1__________________

چانت امـنـيـته يعيـش لــكـربــلـه
حـتــى ماتـعـثـر يـتـامـه الــعايـلـه
ويــاهـو يـدنـه للـحـسـين وعيلـته
والـحـســن ويـاهــم وبـالــقــافـلـه

وبـخــيـامـه يبنـي مـحـرابـه
بيده سيـفـه وكاسـر گـرابــه
_______________2__________________

خيمه ينـصب بالطفـوف وتعـتلي
رايه خضره وبيها يـكتب ما يـلـي
الـحــسـن آنــه وأبـن ذاك الـفـتـى
وابو فاضل آنــه وحـسـين وعلـي

وبيـها يكتب گدها الاطلابـه
بيده سيـفـه وكاسـر گـرابــه
_______________3__________________

چانت امنيته يروح اويـه الـكـمر
ويفتح الجربه ويحط بيـها الـنهر
ويركــض لزيـنـب يـگـلـهـا ادلـلـي
لجلج احنه امن النهر نكسر ظـهر

ومن فرحتـه الدمعه سچابـه
بيده سـيـفـه وكاسـر گـرابــه
_______________4__________________

الحسن لو باقي عـمـره للـطـفـوف
أليشوفه امن العساكر موته خوف
واليـسـولف حـگـه لـو راد الـكـلام
شويه صرنـه هسه مو جنه الـوف

والـ لي يسـأل يـنـظـر جـوابـه
بـيده سـيـفـه وكاسـر گـرابــه
_______________5__________________

من يطب سوح الحرب مثل الهـوه
بس يحسونـه أقـترب مثل الضـوه
اليـشرد وأيده اعله أذانـه اعـتقــد
هذا من صوت الحسـن كلـه انچوه

ولو يـشوفـه يـخـلـع ثـيـابـه
بيده سيـفـه وكاسـر گـرابــه
_______________6__________________

بـالـــعـسـاكـر كـربلـه يـطـويـهـا طـي
سيفه هندس وايده فوگ خيامه في
هــو لـو حــاضـر يـــزلـزل كــــربــلاء
والعـســاكـر مـايــبــقـي بــيـــهـا حـي

الغيره والحب أجمل اصحابـه
بـيـده سـيـفـه وكاسـر گـرابــه
_______________7__________________


#رزق_صاحب_الزمان_روحي_فداه
#احمد_رزاق_الاعرجي

[ بالمجلس احساس ]

بالمجلس احساس لا متعرفه الناس
بس خدام حسـين والعاشگ عـباس

الوزع ماي بهالخدمه
عابس يتسجل اسمه

بمجالسنه شحلاته أحساس عالفطره
اذا رادودنـــه عــالــمـــنــبـر ويــقـــره
احس حرمـه تـون مخنـوگـه بـالـعـبره
احساسي يگول هاذي فاطـمه الزهـره

مو مـثل النــسـوان محنيه النـيـشان
وي كل ونـه تصيح لاتنسو العطشان

وأسمع بس هاي الچلمه
عابس يتـسـجـل اسـمـه
______________1___________________

الـيـوزع مــاي تـنـدلــه وتضـل ويــاه
تسجّل أسمه وتـقـوسـه لـجـل عـيناه
حتى الگـاعـد يصـب شـاي ماتنســاه
أم حسـين مـاتنـســى الـخـدم واللـّـه

ومن دمعات تطيح ميروحن بالريح
بچـفـوف الـزهـراء ينحسبن تسبيح

كل خادم هو وعزمه
عابس يتسجل أسمه
______________2___________________

كــل اعـمـارنـا والـدنـيـا والـبـــيــهـا
اذا مــو خــدمـه الـلــه لا يـخـلـيـهـا
ويـن نـروح لــو مــا هــو تــالــيـهــا
خدام الجـروحـه الـرمـل غاطــيـهـا

هنـيـال الخـدام بمجلسـهم كل عـام
حاسبهـم عبـاس فوگ حـزامه حزام

أوْهـاي الأكبـر نـعـمـه
عابس يتسجل أسـمه
______________3___________________

بـحسـيـنـيـاتـنـه الـزهـراء تــتـواجــد
وتـعـايـن للخـدم والدمعه فوگ الـخـد
اوتشوف اللابس أسود گلبه مو أسـود
مـن حـسـيـن شــيـبه بـگـلبـه تــتـسيد

واليبچي اعله حسين يـتـسـجـل مـرتـيـن
والــروحـه بـعـاشــور أسمه اويه السبعين

يـنعـد ويـاهـم زلـمـه
عابس يتسجل اسمه
______________4___________________

اليوصّل فكـره بالتصوير والاعــلام
وعايـف شـغـلـه وتشوفه قليل ينام
للــسـجـاد بـالـطـف هـذا شـد حـزام
وصايـر خـيـمـه لـلحـوراء والايـتـام

وكل خادم موجود عـند الزهره ورود
أسمه اوي العنوان ماواحـد مـفـقـود

الرايد يوصـل للـقـمه
عابس يتسجل اسمه
______________5___________________

صوت الزهره احسه بأذني وناته
كل شاعـر سـهـر لـيـلـه بكتـابـاتـه
حبيب حسين هذا وطـاهِـرّه ذاته
وحگ عبد الله كلهن يمي چلـماته

والــرادود ويــاه مامـمـكن أنسـاه
واليلطـم لحسين چـم جـنه جـوّاه

الرايد يتـحقق حلمـه
عابس يتسجل اسمه
______________6___________________

كل واحـد كـنـس بـاب الحـســينـيه
مـو شـــغــلـة ريـاء وهــيـه روحـيـه
تسولـف بـيه سـكـينـه هـيه وارقـيه
وهنيـالـه التـسولـف بأسـمـه علـويه

كـل خـادم يرتـاح بالمـجلـس لو نـاح
خير حسين هواي وبكل مجلس طاح

وعند الخادم مو صدمه
عابس يتـسـجـل اسـمـه

______________7___________________


#رزق_صاحب_الزمان_روحي_له_الفدا
#احمد_رزاق_الاعرجي

[ المهدي من البصره مشاي ]


المـهدي مـن البـصره مـشـاي
وصوت المـواكب هلا بالجاي
والماي عـدهم عـسل مو مـاي
اهل المواكب

أبو صالـح يمشي وي خدامه
بأربعين حسـين شـد حـزامه
وشاف كل الخـيـر بالمـشـايه
واخذ رايه وسوه بيها عمامه

ومن گعد عطشان ركضوله الخدم
شاف بيهم مشرعه وحيل أبتسـم
فـيــاي صـارو الـه وبـهـيئـة خيـم

وگال بگلامه وكله واهس
متـضـيع تربـات المـجالس
عاشگ أسمكم حتى عابس
أهل المواكب
_______________1__________________

بالدرب يمشي ويشوف الرايه
هـيه رايـه تـصيـر ومـصـلايـه
الرايه ماتسوه اذا مو لحسين
ولـوّن مـابـيـهـا طعـم مـشـايـه

وصــل ذي قـار ومـواكـبــهـم ضـوّن
وشاف يم سـوگ الشيوخ ام الحسن
تـخـبـز وخـبـــزتـهـا لـلــزايـــر وطـن

وبالنـاصـريـه حتـه الزغار
صـاحت هلا بيـكـم يـزوار
الكـم البيت واحنه خطــار
اهل المواكب
_______________2__________________

يگعد بكل موكـب ويحچيها
هالشعـائر يـا الّهي احمــيـها
ويمكن الله لهالدعاء يجاوب
ابلا مواكب دنيا مـااسويـهـا

الله خالقنـا خصوصـا للحسيـن
يالـخـدم هنيالـكـم وقـرو عيـن
وين تلگون اليحبكم هيـچِ وين

الله ويحـبكم هاي نعـمه
الحمـدُ لله عـله الخدمـه
اليخدم ابو السجاد زلمه
اهل المواكب
______________3___________________

لـلـنـجـف لـمن وصـل عالفـطـره
الهلا شافـاهـا بحلـگهـم خـضـره
گال أبات الـدنيا صـارت ظـلـمـه
وشاف كل موكب تحوّل حضره

شاف خادم يكنـس بتـالي الظـلام
وعله عيونه عاشگ وينـگط هيـام
سـوالـفـه يحسـيـن جـنّـنـه الغـرام

وشاف التعب بعيونه راحه
ايدور تعب ماكو اسـتراحـه
هـذا الْيـدوّر عـن نـجـاحـّــه
اهل المواكب
______________4___________________

وصـل لطويريچ دمعه بعينـه
ولن حبيب وعابـس ملاگينـه
بموكـب شمحـلاته بي روحيه
وشاف جون ومـسلم متانيـنه

وشاف انصار الحسين أهل الوفاء
شـيـب كلهـم نـور والـ أسـْود رِداء
وگـالو الجنـه الصـدگ بـس كربلاء

يمشـون يامحـله مشيّـهم
ولو سولِفو محله حچيهم
والمهدي هم لايگ علـيهم
اهل المواكب
_______________5__________________

كربله طبها ونـظر كـل خـادم
شـاف ناس تريد خاطر فاطم
ذاك يبچي وذاك طـالب حاجه
والـضريح انـترس مـن الوادم

دخل لحسيـن الغـريب ودمعـه دم
وبالمشي عجل الـهي شگـد رسـّـم
وراح عالعـباس يبچي اعله الخيم

طب لضريح الكافل ينـوح
مذبوح عمه وجده مذبوح
بشوغات روحه طلعت الروح
اهل المواكب
_______________6__________________


#رزقهم_سلام_الله_عليهم
#احمد_رزاق_الاعرجي