باگوها الخلافة من علي بوگه

مايدرون ابد مانعترف بيهم

شما طمطمو ويخيطون بشگوگه

الاول ماهو گدهه الحطّه ثانيهم

والثاني خذاها گوتره . استهتار

والثالث سفيه وزايد اعليهم

عمت عين الرياسه الماهي للكرار

علي من الله اولهم وتاليهم


وخلي المايعجبه // ينطح الحايط


💪ام محمد الحجاج

تذكر الروايات ان الامام الجواد عليه السلام استشهد اواخر شهر ذو القعدة
وانه واسی جده الامام الحسين عليه السلام . بقيَ ثلاثا علی سطح الدار بلادفن تصهر جسده الشريف حرارة الشمس .

ابو ذيه ونعي

🏴🏴


وين اهل الشيّم عنّه والاجواد
لا ابل التعنتله ولا جواد
علي امنلنجف مايفزع وله جواد
جثته اعلسطح بالكاظميه

🏴🏴
نصاري

ثلثتيام فوگ السطح بالحر
بشمس الگيض جثته الله واكبر
ولا هاشم جريبه وليه تحضر
يشيلون الجواد المات بسّم


محد من هله حاضر ونينه
تمدد للمنيه وغمض عينه
وين اللي يصل لهل المدينه
هاشم بالسده خليهه تعلم

🏴🏴

هضيمه تريد فزعه ترج الحگوگ
فزعة ليل والخيال لاحوگ
فزعة زلم خشنه اتشگ الحلوگ
تجي عنوه لعدوها ومه اتّلثم

🏴🏴

هالولاد ها يسباع يحيود
ابنكم بعده فوگ الدار ممدود
مامنكم فزع للثار هادود
ولا غيض بسمه بغداد غيّم

🏴🏴


لاحول ولا قوة الا بالله العلي العظيم

✍ ام محمد الحجاج

استشهاد الامام الجواد عليه السلام

🏴🏴


مسموم مولاي  الجواد
مسموم مولاي  الجواد 
🏴🏴


من بني العباس  شفنه اشچم مصاب  .
والاشد هالفاجعه مصاب الشباب  .
الجواد الحمل اشكال العذاب  .
ويلاه ياباب المراد 
مسموم مولاي الجواد

🏴🏴


طفّوا سراجك يمشكات العلوم
بالغدر ساجوك چاسات السموم
العين لجلك ريت مدمعها دموم
ننشرلك اعلام السواد
مسموم مولاي الجواد

🏴🏴

ياشمس مايخفی ضيك للعيان
ذكرك الخالد منار بكل زمان
ياملاذ وحصن للخايف وامان
والهدايه والرّشاد
مسموم مولاي الجواد

🏴🏴

البغي يتصور يدنّس العفاف
دوم طبع الباطل امن الحق يخاف
كعبه گبرك للفضيله اعليه يُطاف
تلوذ بحماك العباد
مسموم مولاي الجواد

🏴🏴

يامناراً للعلم والتضحيات
باب رحمه وبحر جود ومكرمات
من ضريحك ينبلج فجر الحياة
وتزهر السبعه الشداد
مسموم مولاي الجواد

🏴🏴


عظم الله اجورنا واجوركم


ام محمد الحجاج

https://www.tg-me.com/ommohamadalaebaadey

شهادة الامام محمد الجواد عليه السلام

نعي

ذكرت الروايات  لما قضی الامام الجواد نحبه بقيَّ ثلاثا بلا غسل ولاكفن ولادفن
وان المعتصم عليه لعنة الله تعالی منع الناس من دفن الامام عليه السلام ولما خشي من وقوع الفتنه  امر بدفنه عليه السلام ..

نعي  مجاريد


لمن دنت ليه المنيه
اندار صوب الغاضريه
ودموعه ياويلي جريه
علی المذبوح ماساجوه اميّه
يگلّه يجدي الصار بيّه
مايوصل لشوغة رقيه
لا عندي اخت راحت سبيه
ولا سوط روّعلي بنيّه
او لا داست احوافر عليّه


بعد مولاي الجواد عليه السلام  شنو يذكر من مصايب جرت علی جده الحسين عليه السلام
الشاعر يصف الحال


حانت منيتي وآنه وحدي
اموت بالغربه يجدي
سم والعطش يچون بچبدي
اطفال ماعطشانه عندي
لا شفت مذبوحين ولدي
لو متت ابني ايحفر لحدي
يدوسن عليّه الخيل ودّي
واختي تگل للعشره ردّي


عظم الله اجورنا واجوركم


ام محمد الحجاج

https://www.tg-me.com/ommohamadalaebaadey

شهادة الامام الجواد عليه السلام

عگيلي

🏴🏴

باخر لحظه يدير عيونه
واتمنه اخوانه يحضرونه

🏴🏴


وحده يون بدار الغربه
من حر السم يابس گلبه
يدير عيونه ومحد گربه
مصفر وجهه اتغيّر لونه


🏴🏴

للقبله اندار اخر لحظه
وبدموعه ال تجّاره توضّه
زار حسين وخلّص فرضه
وزار المسبيه المحزونه


🏴🏴

بت المأمون الغدّاره
عافتّه ايون وحده بداره
ضامي وگلبه يفور بناره
مارحمت حاله الملعونه

🏴🏴

باب الدار اعليه قفلتّه
ويلاه يمصاب العملتّه
ينازع ومّدد خلّتّه
لاخلّت شيعه يداوونه

🏴🏴

مايمه احّد فاضت روحه
محّد سد عينه المفتوحه
رايد ابنه وظلت مشبوحه
واخوان بموته يغمضونه

🏴🏴

بس طير يرف بجنحانه
وينوح امگابل جثمانه
ماتندل الشيعه مچانه
نعش المسموم يشيعونه

🏴🏴
لا حول ولاقوة الا بالله العلي العظيم

عظم الله لنا ولكم الاجر


ام محمد الحجاج

https://www.tg-me.com/ommohamadalaebaadey

ندبة بالامام الجواد عليه السلام
لقضاء الحوائج

طور يسجلني
🤲🤲


ابو الهادي تعنيتك
تجبر گلبي حنيتك
اجر حسره


بحر جودك اتعنيته
ابابك دمعي هلّيته

اجر حسره


اجيت ودمعي بلعين
الك مدّيت اليدين
اجر حسره
🏴🏴

ٓاجيت وبلگلب حسره
دمعي اعله الوجن جمره
همومي سيدي كثره


مولاي انظر لحالي
من الهم مافرغ بالي
من اول عمري للتالي


تعنيتك ابآهاتي
اهل بلباب دمعاتي
جبت مولاي حاجاتي

اجر حسره


اريدن حاجتي الليله
الحسبه صارت اطويله

اجر حسره

الليله امرادي تطّيني
لباچر لا تخليني

اجر حسره


اجيت بگلبي نارين
الك مديت اليدين

اجر حسره

🏴🏴


اجيت بدمعه سچابه
نار ضلوعي لهابه
مضيفك اگعد ابابه

اگعد گعدت مجدّي
غير الدمع ماعندي
باتت لوعتي بچبدي

ضيف آنه نزل عدّك
گلّي ابشر وماردّك
حاير لايذ بسدّك

اجر حسره


لجودك چفّي مدّيته
خالي حاشه ردّيته

اجر حسره

ارد بحاجه مگضيّه
وانفض هم ال اعليّه

اجر حسره

كفو يبن الميامين
الك مدّيت اليدين

اجر حسره
اجر حسره

🙏🙏


ام محمد الحجاج


https://www.tg-me.com/ommohamadalaebaadey

روي عن امير المؤمنين عليه السلام

محمد ابني من صلب ابي بكر

ولد يوم ٢٥ ذي القعدة ١٠ هجرية

🌹🌹


ابو ذيه

ابني وموش من دمّي وَصلباي
اعله نهجي وما گطع لحظة وَصلباي
محمد ذاب وتگطّع وِصلباي
اشتری بروحه الولايه الحيدريه


ام محمد الحجاج

شهادة الامام محمد الجواد عليه السلام

كاني بمولاتي الزهراء حضرت عنده وهو يحتضر 

رحم الله المنادي

وا جواداه

وا مسموماه

وا مصيبتاه


آه يبني .. ياغريب الكاظميه
آه يبني .. مثل ضامي الغاضريه

يبني يلبعدك شباب
يافجيعة هلمصاب

آه يبني  آٓه يبني
🏴🏴


ليش يابعد امك المدمع تسيله
  تون يمحمد او ونّاتك ثگيله
لونك اتغيّر اشوفنّه اعله حيله
راسك امن الگاع يبني لحضني شيله

آه يبني .. سكن يلغالي ونينك
آه يبني .. ليش ماتفتحلي عينك

يامحمد گلبي ذاب
يافجيعة هلمصاب

آه يبني   آه يبني
🏴🏴

غمضت عينك وماتفتحلي عينك
سكّنت ياريع دلّالي ونينك
يلجواد وماتهنيت بسنينك
الزمان انعاد مابيني وبينك

آه يبني .. ثنينّه يبني نظلمنه
آه يبني .. من هوی الدنيه نحرمنه

كون ماحرگولي باب
يافجيعة هلمصاب

آه يبني  آه يبني

🏴🏴

ارد انوح عليك وي نوح الحمامه
بالشمس مطروح ياحلو الجهامه
الميّت يحضرونه كل اهله وعمامه
بهيبه ميتهم يشيلونه وكرامه

آه يبني  .. من هلك مد يجيلك
آه يبني .. للمغيسل من يشيلك

شبعي ياروحي عذاب
يافجيعة هلمصاب

آه يبني   آه يبني

🏴🏴


يبني كون اهلك يجون من المدينه
لا يظل نعشك بهذا الحر رهينه
وليدك لوحده يون وين اليعينه
ينوح وياي وتهل مدمعها عينه

آه يبني .. ابنك الزييد ونيني
آه يبني .. وهيّج اعليّه حنيني

يواري ويهيل التراب
يافجيعة هلمصاب

آه  يبني   آه يبني

🏴🏴

عظم الله اجورنا واجوركم


ام محمد الحجاج


https://www.tg-me.com/ommohamadalaebaadey

الامام  محمد بن علي الجواد عليه السلام
تعريف بالامام عليه السلام


هو الامام بعد الرضا وتاسع ائمة المسلمين وخلفاء الله في العالمين 

محمد بن علي بن موسی بن جعفر بن محمد بن علی بن الحسين بن عليّ بن ابي طالب عليهم السلام ..

ولد الامام محمد الجواد عليه السلام بالمدينة في التاسع عشر من شهر رمضان وفي رواية انه ولد رجب سنة خمساً وتسعين ومائة من الهجرة

وكان عمره الشريف يوم وفاة ابيه الرضا عليه السلام  سبع سنين واربعة اشهر او تسعة سنين علی رواية .

وعاش بعد ابيه سبعة عشر سنة او  ثمانية عشر سنة وهي مدة امامته عليه السلام ..

اما ملوك عصره فهي بقية ملك المامون وشيء من ملك المعتصم  ..

( امه ) اسمها نوبية وكانت جارية  اسماها الامام الرضا عليه السلام ( خيزران )

كنيته
ابو جعفر الثاني  لان جده الباقر يُكنی بابي جعفر الاول .


لقبه
الجواد ،  والتقي  ، والمنتجب  ، والقانع واشهر القابه  الجواد

نقش خاتمه
نعم القادر الله

شاعره  ( حمّاد )

بوابه
عمر بن الفرات وقيل  عثمان بن سعيد السمّان

له من الاولاد  اربع وهم
علي الهادي وموسی  وفاطمة وأمامة



من مواعظه عليه السلام

توسد الصبر واعتنق الفقر  وارفض الشهوات وخالف الهوی واعلم انك لن تخلو من عين الله فانضر كيف تكون

وقال عليه السلام

المؤمن  يحتاج علی ثلاث خصال

توفيق من الله وواعظ من نفسه وقبول ممن ينصحه


بحار الانوار  ج ٧٢  ص ٦٥

بحار الانوار   ج ٦٨  ص ١٥٥


ونص الرضا أن الجواد خليفتي
                 عليكم بامر الله يقضي ويحكم
وهو ابن ثلاث كلّم الناس هادياً
              كما كان في المهد المسيح يتكلم



فسلام عليه يوم وُلد ويوم اُستُشهد ويوم يُبعث حيّاً


عظم الله اجورنا واجوركم


ام محمد الحِجّاج


http://www.tg-me.com/ommohamadalaebaadey

تذكر الروايات ان الامام الجواد عليه السلام استشهد اواخر شهر ذو القعدة
وانه واسی جده الامام الحسين عليه السلام  . بقيَ ثلاثا علی سطح الدار بلادفن  تصهر جسده الشريف حرارة الشمس .

ابو ذيه ونعي

🏴🏴


وين اهل الشيّم عنّه والاجواد
لا ابل التعنتله  ولا  جواد
علي امنلنجف مايفزع وله جواد
جثته اعلسطح بالكاظميه

🏴🏴
نصاري

ثلثتيام فوگ السطح بالحر
بشمس الگيض جثته الله واكبر
ولا هاشم جريبه وليه تحضر
يشيلون الجواد المات بسّم


محد من هله حاضر ونينه
تمدد للمنيه وغمض عينه
وين اللي يصل لهل المدينه
هاشم بالسده خليهه تعلم

🏴🏴

هضيمه تريد فزعه ترد الحگوگ
فزعة ليل والخيال لاحوگ
فزعة زلم خشنه اتشگ الحلوگ
تجي عنوه لعدوها ومه اتّلثم

🏴🏴

هالولاد ها يسباع يحيود
ابنكم بعده فوگ الدار ممدود
مامنكم فزع للثار هادود
ولا غيض بسمه بغداد غيّم

🏴🏴


لاحول ولا قوة الا بالله العلي العظيم

✍  ام محمد الحجاج

انشروا الأعلامَ في كلِ البِلادِ
إنَّ سُمًّا صابَ أحشاءَ الجوادِ


عظم الله اجورنا واجوركم بهذا المصاب الجلل