تزوّجا فإذا بالدرّ يكتحِلُ
وفوقهم روعة الإكليل قد جعلوا

هل أنّ حيدرةً قد تمّ فاطمة
أم أنّه البدرُ بالنورين يكتملُ

❤️
اسعدتم بهذه الذكرى البهيجة

🌹🌹

زواج النورين 

ابو ذيه  ٥٥٣

امتزج نور البتول الزهرا  من نور
علي  . وشمس الضحی اتسآئلت ماالنور؟
الگمر گل لشّمس خنغيب منّور

تشعشع نور حيدر والزچية 

صلوات  😊🌹🌹

اللهم صل علی محمد وآل محمد


ام محمد الحجاج

🍃🌷🍃🌷

ابو ذيه ٥٥٢


دعاني الشوگ للفرحه واجيته
وليلي شمع للزهره وجيته
هله ب اولهه ذو الحجه وجيته
اقترن نور الوصي ونور الزچية

صلوات

اللهم صل على محمد وآل محمد وعجل فرجهم


🌹🌹



أم محمد الحجاج


متباركين 🌹🌹

زواج النورين 

ابو ذيه  ٥٥٣

امتزج نور البتول الزهرا  من نور
علي  . وشمس الضحی اتسآئلت ماالنور؟
الگمر گل لشّمس خنغيب منّور

تشعشع نور حيدر والزچية 

صلوات  😊🌹🌹

اللهم صل علی محمد وآل محمد


ام محمد الحجاج

🍃🌷🍃🌷

اقتران النورين

مقطوعة 💐 🌹🍀🌺🌸🍂

هبط جبريل للهادي برساله
گله الباري يخصك بالتحية
زوّج فاطمة الحيدر الكرار
واعلن هالقرار بهل مسيه 
💚
زوجناهم بسابع سمه اليوم
زف بنيتك الحامي الحميه 
💍💍
واجمع يامحمد نور وي نور
والشوباش منّي والهديه
عرس فاطم ابد ماصار بالكون
ولا مثله يمر اعلى البريّه
ملايكت العرش كلهم يهبطون
ينثرون الزبرجد للزچية
سبعين الف وي جبريل ينزلون
من سبع السماوات العلِيّه
وميكائيل  ياخذ مثله ويروح
اودّي الفاطمة حتى الثريّه 
بسابع سمه  محفل خل يقيمون .
هاي الغاليه الراضية المرضيه

🌷🌹🌷🌹
أم محمد الحجاج

شهادة الامام محمد الباقر عليه السلام




عله جدامك چوي الخيمه ونارها
وباقيه جروح الحبل وآثارها

واثر سوط اعلمتن
خلص عمرك بس تون
وكربله لليوم تروي اخبارها


🏴🏴

عاشرت ذيچ المحن واهوالها
اجرعت ايام اليسر وليالها
امن آل اميه سياطها واحبالها
هموم ماتنشال گلبك شالها

تفصّل عليك الحزن
خلص عمرك بس تون
وكربله لليوم تروي اخبارها

🏴🏴

يوم عاشر چنت شاهد بالطفوف
حين زحفت للحرب ذيچ الالوف
انذحوا اهلك وانت بعيونك تشوف
اجسادهم تتگطع بضرب السيوف

الابو بحضنه الابن
خلص عمرك بس تون
وكربله لليوم تروي اخبارها

🏴🏴

ليلة الوحشه عشتها بلوعتك
تنظر لحالة رقيه عمّتك
السياط الواجعتهه وِجعِتك
وي دمعها تجري ظلت دمعتك

لحضن ابو اليمه تحن
خلص عمرك بس تون
وكربله لليوم تروي اخبارها

🏴🏴

سيدي ويوم هدعش ماينحمل
من اجاكم العدو بيده الحبل
آمر امهات الخدر تصعد هزل
لا مره يحشمهه لا  يرحم طفل

دمعك امجرح الجفن
خلص عمرك بس تون
وكربله لليوم تروي اخبارها

🏴🏴

جروح هضمك ماشفن من كربله
الاشد صواب نبلة حرمله
الفجعت بعبدالله كل العايله
وامه دمعتهه عله الخد سايله

ليلها لمن يجن
خلص عمرك بس تون
وكربله لليوم تروي اخبارها

🏴🏴

عظم الله اجورنا واجوركم

✍  ام محمد الحجاج



http://www.tg-me.com/ommohamadalaebaadey

نعي لاستشهاد الامام الباقر عليه السلام

لما اوصى وصاياه .. مد يديه ورجليه .. واغمض عينيه .. واطبق فاه .. وعرق جبينه .. وسكن انينه .. وفاضت روحه الطاهره .. وابنه الامام الصادق عنده نادى واابتاه..  وامسموماه  ... غسله وكفنه وحمل نعشه ابنه الإمام الصادق عليه السلام  وجمع من اهل بيته و شيعته الى البقيع وجعل قبره بجانب قبر ابيه الإمام السجاد والإمام الحسن المجتبى عليهم السلام  ....  


غسّله وليده وكفّنه

وشاله بوقار المدفنه

نزّله بلحده وانحنه 

وسّده ودموعه تهل

.....
.....

هال التراب وينتحب

والدمع من عينه يصب

ياناس هل موقف صعب

فقد الابو ماينحمل

.....
.....

بيدي انزلك للگبر

احتسب عند الله الاجر

واسأل من الباري الصبر

يصبرني بمصابي الجلل

.....
.....


         نعي مجاريد


باچر يبويه جاينه العيد

يالحمّلت عن دارك بعيد

بويه عله فرگاك ما اهيد

.....
.....
الدار يابويه حزينه

والعيد هالبيين علينه

يالشلت عنّه وما تجينه

.....
.....

العيد محلاته ويالاحباب

باچر يجينه وهمّه غياب

ياعيد لاتوگف عله الباب

.....
.....

ام محمد الحجاج

استشهاد الإمام  الباقر عليه السلام

             نعي

ولما ساءت حالة الإمام الباقر عليه السلام  مد رجليه   واسبل يديه  واغمض عينيه  وفاضت روحه الطاهرة 

وكان الامام جعفر الصادق  عنده  وقف الامام الصادق عليه السلام  ووضع يديه على راسه  قائلا

انا لله وانا اليه راجعون 

اقول ساعد الله قلب الامام زين العابدين عليه السلام  حين صعد الشمر اللعين على صدر الإمام الحسين عليه السلام  ليذبحه

قال الامام زين العابدين عليه  لعمته زينب عليها السلام  عمه ارفعي طرف الخيمة 
سالته لماذا يانور عيني

قال  الامام زين العابدين عليه السلام

الآن بدء الشمر اللعين يذبح والدي 
الآن قلب وجهه الشريف الى التراب

وطبره اثنى عشرة طبرة 
وبدأ  يقول لعمته  ماذا يصنع الشمر اللعين
حتى بكى وقال

انا لله وانا اليه راجعون
عمه الآن رفع رأسه الشريف على رمح طويل  ..

اي واحسيناه 


الباقر من گضه نحبه يمه ابنه واهل بيته
على فراشه عمت عيني يوم الحانت  منيته
لبنه الصادق شگلّه  شنهو چانت وصيته
خلّو النوح بس لحسين والآه اعله مسبيته


ماانسه الجرى بعاشور وبعيني شفت ذبحه
شفت راسه ايتگاطر دم وهوه معلّگ برمحه 
شفت من اجن عشر خيول كل حافر يرض صفحه
وعمتي تصيح ياجداه بين الوادم الوكحه


شسولفلك بعد يبني يوم الركضت النسوان
من جاها المهر خالي يصهل مايل سرجه للصيوان
يگلهن گومن امشنّه لعد حسين للميدان
وآنه رحت وياهن بين الخيل والعدوان


صدّيت وشفت جدي بس الجسد وبلا راس
وعمتي للنهر شاطت تريد تحشم العباس
صاحو هاي زينب هاي وتعاين عليها الناس
وليل هدعش لاخيمه ولا ظل للحرم حراس 


.....
.....


أم محمد الحجاج 

سبايكر نهر العراق الثالث

-تم قتل اكثر من 1700 شاب لمجرد إنتمائهم للطائفة الشيعية...

لعن الله من فعلها ومن رضا بفعلهم

البعث نهج القتل دومه يشيعه
جريمه سبايكر تهضم يشيعه
شباب انذبح ماله احّد يشيعه
يهل تكريت هاي اكبر رديّه

😭😭


✍ ام محمد الحجاج

جريمة سبايكر


البعث دوم الغدر ديدانه
ويالجنوب ويذبح بشبانه


البعث زدنقه والحاد وكفر
والمباديء عنده اولها الغدر
سنين حكم ازلامه بس اجرعنه مر
ولقهرنه تشهد الزنزانه


تشهد الزنزانه ليام العذاب
والمشانق هاكثر ذبحت شباب
دفن الاف الاحياء جوه التراب
اقتلوا الشيعه صبح عنوانه



النساء واطفالهن بالمعتقل
ياما عذّب بيهم وياما قتل
البعث ياعار تاريخه حمل
اقتبس كل تاريخ ابن مرجانه


زغار وكبار ونساء بلا ذنب
الهضم بگلوبهم نار وتشب
بالسجون بلا اكل وبلا شرب
بالمطامير وگضت عطشانه


العطش والجوع والتعذيب اشد
گبال عين امه يقتلون الولد
بحوض للتيزاب ذوبوا چم جسد
واهله مايدرون وين مچانه



لعنة الله اعله البعث وافعاله
ياعذاب الينّسه من رجاله
تنثني شيعة علي تراواله
مادری حيدر علي الربّانه



اللهم العن البعث المجرم ومن تبعه ورضي به


كي لا ننسی 😭😭


✍ ام محمد الحجاج

جريمة سبايكر
١٢ // ٦ // ٢٠١٤