ميلاد الإمام الحسن المجتبى عليه السلام  🌺🌺

يگلبي انسه كل حزنك  .. ولملاك
خلّي سعدك يطشك .. ولملاك
الانس والجآن مسروره  .. ولملاك
او  وگفت للحسن تاخذ تحيه

صلوات
آللهم صل على محمد وآل محمد وعجل فرجهم

🌺🌺

الليله للحسن روحي  مضيفه
لوماهو كريم ابدن مضيفه
بحر الجود ماينسد مضيفه
ادلاله تفور ماتبرد اشويه

صلوات

اللهم صل علی محمد وال محمد وعجل فرجهم

🌺🌺

١ //  بضيافته ,/  حلّت عنده ضيف

٢ //  ماانزل ضيف عنده

٣ // المضيف


🌺🌺



أم محمد الحجاج

https://www.tg-me.com/ommohamadalaebaadey

ابو ذيات

لميلاد كريم اهل البيت علهم السلام
الامام الحسن المجتبی  عليه ازكی الصلاة واتم السلام 

🌹🌹🌹


وجاها

الشموع الليلة كل شيعي  وجاها
بعازت كرم  دنيانه وجاها
هله بالحسن وبصيته  وجاها
تهاني نرفع اوياهن تحيه

صلوات

١ // شعل .. يشعل
٢ /, مجيء ... جاء
٣ // جاه


اللهم صلي علی محمد وال محمد

🌹🌹🌹

صواني الشمع صف واحد نصفها
حيره شلون فرحتنه  نصفها
شهر رمضان هلليله نصفها
يهل نور الحسن ويبان ضيّه

صلوات

اللهم صل علی محمد وال محمد

١ // ترتيب
٢ // وصف .. كيف نصف الفرحه
٣//النصف  .. منتصف الليل



🌹🌹🌹

جبنه الورد يلزهره واجينه
ـوشمع الفرحه لوليدچ وجينه
يربي بحضرتچ ابيض وجينه
ومن عدنه تقبلين الهديه

صلوات
اللهم صل علی محمد وال محمد


١ // جئنا
٢  // اوقدنا الشموع
٣  // وجهنا .. يوم تبيضُّ وجوه

🌹🌹🌹


روحي الليله منشرحه  حسنهه
الليله باين الدنيه  حسنهه
اثاري نولد للزهره حسنهه
والدنيه سعد تنثر عليّه

صلوات

اللهم صل علی محمد وال محمد


١ // احساس
٢  //  حلوه وسعيده
٣ // الامام الحسن عليه السلا


🌹🌹🌹


الشيعي الليله شمع العيد  .. وجّاه
لبو محمد حليف الكرم  .. وجّاه 
الرايح يترس ايده خير  .. وجّاه 
وأنه جيته واريده يحط بديّه


صلوات
اللهم صل علی محمد وال محمد


🌹🌹🌹


بطاري الحسن روحي اليوم  .. فرهه  ( مسروره )
بعيوني احس دنياي  .. فرهه( واسعه )
كض سبحه عشر دورات .. فرهه
صلاه . واهديهه للزهره الزچية

صلوات
آللهم صل على محمد وآل محمد وعجل فرجهم

🌹🌹🌹


يشيعي گوم شمع الفرح  .. شعله
الإمام الحسن نور اليوم  .. شعله
من مرتبة حبه بعد ..  شعله
بس جده وابوه وامه الزچيه

صلوات
آللهم صل على محمد وآل محمد وعجل فرجهم

🌹🌹🌹



أم محمد الحجاج


https://www.tg-me.com/ommohamadalaebaadey

ميلاد كريم اهل البيت

🌹❤️🌹❤️


محبتكم شرايني حِسنهه
وروحي الله مسروره حسنهه
نولد للزهره هلليله حسنهه
نطش ياس او ورد والواهليّه

صلوات

اللهم صل علی محمد وآل محمد

🌹❤️🌹❤️🌹🍀🍀

ام محمد الحجاج

دعاء اليوم الخامس عشر

اَللّهُمَّ ارْزُقْني فيهِ طاعَةَ الْخاشِعينَ، وَاشْرَحْ فيهِ صَدْري بِإِنابَةِ الْمُخْبِتينَ، بِأَمانِكَ يا اَمانَ الْخائِفينَ.

.
دعاء اليوم السّادس عشر

اَللّهُمَّ وَفِّقْني فيهِ لِمُوافَقَةِ الأَبْرارِ، وَجَنِّبْني فيهِ مُرافَقَةَ الأَشْرارِ، وَآوِني فيهِ بِرَحْمَتِكَ اِلى دارِ الْقَرارِ، بِإِلهِيَّتِكَ يا إِلهَ الْعالَمينَ.

شهادة  الامام علي عليه السلام

🏴🏴

شايل وين گضاي الكلافات
اتنوح اعليه الليله ارض وسماوات

🏴🏴


شايل وين صگار الرياجيل
السماوات ال مصابه رادت تميل
العرش واملاكه تنعاه اويه جبريل
مات الدِين لو حيدر علي المات

تنوح اعليه // ايتامه ابابه

شايل وين گضاي الكلافات

🏴🏴

لمصابه تهدم ركن الاسلام
كلهه اخلاف عينه صارت ايتام
الشامت ياعلي الليله برغد نام
وابنات الرساله بنايبه تبات

ظلمه وحزنانه // ديار ام العز

شايل وين گضاي الكلافات

🏴🏴

اديار العز مظلمه خلاف عيناه
ال امساكين يم بابه و يتاماه
وعياله اتصارخ واعلياه
تنعه الليله اولاده والبنات

شايل واليهه // ام عون الليله

شايل وين گضاي الكلافات

🏴🏴

الليله ام الخدر مفگود واليهه
ياليل النوايب خيّم عليهه
الهه اشضامّه مصايب لياليهه
تولاها الدهر لچمات لچمات

الدنيه الغداره // الغدرت حامي ادخيله

شايل وين گضاي الكلافات

🏴🏴

عمت عين الدنيّه وهاي عملتهه
وام عون اعله اهلهه بحيره خلتهه
الدنيه امن الزغر بلهم تولّتهه
وفراگ وقهر وجروح وآهات

شلون ادّاويها  // جروح الكوفه

شايل وين گضاي الكلافات

🏴🏴

ام محمد الحجاج


عظم الله اجورنا واجوركم

https://www.tg-me.com/ommohamadalaebaadey

ليالي موحشة ومخيفة وكانما ايام اليُتمِ اقتربت
واعلياه 😢


نعي لاستقبال الفاجعة


مدري شمالنه بالضيج نمسه
والهم بالگلب جاثم نحسّه
و مثل الهدم صرنه نلبسه
وعله گلوبنه ماتمر ونسه
الليل نفسه الصبح نفسه
ارواحنه محبوسه حبسه
چن علي جاي تغيب شمسه


😢

ام محمد الحجاج

https://www.tg-me.com/ommohamadalaebaadey

واقترب موعد الجرح 😭😭

يامايله الدنيه ويه زينب


نعي لليلة جرح الامام علي عليه السلام

مجاريد
😭🏴

اشطييحك ياداحي الباب
ودم هامتك فييض المحراب
انت التصيب شلون تنصاب
ياهظمة المنها الطفل شاب
لب الحشا من هل الخُبر ذاب
ياحيف ياوسفه يبو تراب
اتمرجلت المنك تهاب
يلچان سيفك ياكل رگاب
الله واكبر من هلمصاب
مشيول داحي البوب ينجاب
ولشيبته دم طبرته اخضاب

😭🏴

آجركم الله

ام محمد الحجاج

https://www.tg-me.com/ommohamadalaebaadey

دعاء اليوم السّابع عشر:

اَللّهُمَّ اهْدِني فيهِ لِصالِحِ الأَعْمالِ، وَاقْضِ لي فيهِ الْحَوائِجَ وَالْآمالَ، يا مَنْ لا يَحْتاجُ اِلَى التَّفْسيرِ وَالسُّؤالِ، يا عالِماً بِما في صُدُورِ الْعالَمينَ، صَلِّ عَلى مُحَمَّد وَآلِهِ الطّاهِرينَ.
‏

ليلة ١٩ من شهر رمضان الكريم

جرح الامام عليه السلام

🏴🏴


رادت اطيح السمه امن امچانها
زلزلت هاي المصيبه اركانها

واعلياه   واعلياه

🏴🏴


الوحي ينعه وينادي بالسمه
انطبر بالسجده حماي الحمه
شيبته ومحرابه فاضن بالدمه
الكوفه شح معروفها واحسانها

وا علياه   واعلياه

🏴🏴

ريت كوفان اباهلها تزلزت
ريت سافلها اعله عاليها غدت
انگلبت امن امچانها ودكدكت
او لابگه دابر لكوفانها

واعلياه   واعلياه

🏴🏴

گلوبهم بس عالغدر متآلفه
مايصح معروف بيهه او لاوفه
علي منهم ما لگه غير الجفه
والخديعه والمكر عنوانها

واعلياه  واعلياه

🏴🏴

تهدمت والله اركان الهدی
انطبر حامي الحمه بسيف الردی
نزل من سابع سمه صوت الندا
وگامت تميد السمه بسكانها

واعلياه   واعلياه

🏴🏴

ام عون لمّن سمعت بشوم الخبر
حين دگ الباب عباس الگمر
گلها حماي الحمه راسه انطبر
ماتت الچلمه اعله طرف السانها

واعلياه   واعلياه

🏴🏴

صبّر اخته وجابهه بفجر الحزن
يون وياها الگمر لمّن تون
شلون تصبر العقيله وتستچن
والابو رد شايلينه اخوانها

وا علياه   واعلياه

🏴🏴

ام محمد الحجاج


https://www.tg-me.com/ommohamadalaebaadey