دعاء اليوم الخامس من شهر رمضان المبارك


اللهم اجعلني فيهِ من المستغفرين واجعلني فيهِ مِنْ عِبادكَ الصالحين القانتين واجعلني فيهِ من اوليائِكَ المقرَّبين برأفَتِكَ ياارحمَ الراحمين


تقبل الله منا ومنكم الطاعات

صيام مقبول إن شاءَ الله تعالی 🤲

دعاء اليوم السادس

اللهم لاتخذلني فيهِ لتعرُّضِ معصيتِك
ولا تضربني بسِياطِ نَقِمَتِك وزحزحني فيهِ
من موجباتِ سخطِك بِمنِِّكَ وأيادِيك
يامُنْتهی رغبَةِالرّاغبينِ

اللهم تقبل صيامنا وقيامنا 🤲

دعاء-اليوم-السابع

اللَّهُمَّ أَعِنِّي عَلَى صِيَامِهِ وَ قِيَامِهِ، وَ جَنِّبْنِي فِيهِ مِنْ هَفَوَاتِهِ وَ آثَامِهِ، وَ ارْزُقْنِي ذِكْرَكَ وَ شُكْرَكَ بِدَوَامِ هِدَايَتِكَ يَا هَادِيَ الْمُؤْمِنِينَ


اللهمَ صلِ على محمدٍ وآلِ محمد

اللهم تقبل منا الطاعات 🤲

.
دعاء اليوم الثّامن

اَللّهُمَّ ارْزُقْني فيهِ رَحْمَةَ الأَيْتامِ، وَاِطْعامَ اَلطَّعامِ، وَاِفْشاءَ السَّلامِ، وَصُحْبَةَ الْكِرامِ، بِطَوْلِكَ يا مَلْجَأَ الآمِلينَ.

اللهم صل علی محمد وآل محمد

دعاء اليوم التّاسع:

اَللّهُمَّ اجْعَلْ لي فيهِ نَصيباً مِنْ رَحْمَتِكَ الْواسِعَةِ، وَاهْدِني فيهِ لِبَراهينِكَ السّاطِعَةِ، وَخُذْ بِناصِيَتي اِلى مَرْضاتِكَ الْجامِعَةِ، بِمَحَبَّتِكَ يا أَمَلَ الْمُشْتاقينَ.


تقبل الله منا ومنكم صالح الاعمال

ابو ذيات وفاة مولاتي خديجة الكبری سلام الله عليها

مولاتي الزهراء عليها السلام  تنعی امها


🏴🏴

يروحي بعد مااظنّچ  فرَحتي
ماتت بعد وي امي فرِحتي
يمي هواي ضحيتي  ف رحتي
بيضت وجه عد رب البرية

🏴🏴

امي طاهره وابيض وجيهه
وعد رب السمه كلش وجيهه
اشتاگيت افك حجرتهه وجيهه
اطب والگاها من امي خليه

🏴🏴

حزن وجروح فرگه امي  خلتلي
الدار امن الفرح عگبچ  خلتلي
اريد اگابل فراشچ خل اتلي
نواعي الفاگده امها بهلمسيه

🏴🏴


اريد انعاچ يايمه بلفطور
َواذكر گعدتچ يمنه بلفطور
ماتدرين يايمه بلفطور
ال ابگلبي بغيابچ والاذيه

🏴🏴


كل مغرب اناطر ماتت امي  // مارجعت
بعدني ماامصدگه ماتت امي
شهر صومچ ويانه ماتتمي
ويجينه العيد ونعيده سويه

🏴🏴


نار الفرگه يمه ولعه بينه
لمصلّاچ اعاين ولعبينه
اگعد ساعه اشمّه والعی بينه
َلبين افراشچ الحط حسره بيّه

🏴🏴

ب الم هايج گضه حيلي بالم چان
سعاده البيت ماينمل بالام چان
هسه الليل اخلصنّه بلمچان
البي ذكری وعطر ظل منهه اليّه

🏴🏴


ام محمد  الحِجّاج


https://www.tg-me.com/ommohamadalaebaadey

وفاة مولاتي خديجة الكبری سلام الله عليها   كاني برسول الله ينعاها

لسان حال الشاعر  ...

🏴🏴

وفيتي
واحنه للعشره  وفينه
واجاچ الموت يم فاطم  وفينه
يلچنتي سعادتنه وفينه
حزينه الدار بعدچ يالوفيه

١ // وفاء
٢ // فرقنه .... فجنه
٣  // الظل



🏴🏴

يفلهه

حسافه الموت عشرتنه يفلهه
وفيه والگلب يبقی يفلهه
گلبي الدار من عگبچ يفلهه
لوما فاطمة اتصبّر عليّه

١// نهاية  .. ينهيهه
٢// وفاء
٣// جفل  .. هجرها


🏴🏴

ومرهه

عشتي وياي حلوتهه  ومرها
حكم الدنيه فرّقنه  ومرهه
احن لحجرتچ لسه وامرههه
وطيف الذكريات يعود بيّه


١  // مرارة
٢ // امر و حكمة الموت
٣  // مجيء

🏴🏴

١٠  //  من شهر رمضان  ١٤٤٤



ام محمد  الحجاج 
https://www.tg-me.com/ommohamadalaebaadey

ندبة لمولاتي خديجة الكبری عليها السلام لقضاء الحوائج 

🙏🙏


اجيت الليله اريد مراد
من ام فاطمة الزهره  ٢


نعمين وكفو منهه
تگضي الحاجه اعرفنهه
ببنيتهه احلفنهه
اجيت وبالصدر عبره

اجيت الليله اريد مراد
من ام فاطمة الزهره



بعبرة صدري والدمعه
اجيت وحيل منوجعه
اگلهه بداعة البضعه
منهه طالبه الجبره

اجيت الليله اريد مراد
من ام فاطمة الزهره



بت اجواد معروفه
يل بالكرم موصوفه
اليطلب تترس چفوفه
حنينه وتجبر الكسره

اجيت الليله اريد مراد
من ام فاطمة الزهره



خديجه التگضي الحاجات
واعطاياها معروفات
الليله چفوفي ممدودات
گالوا تنطي للفقره

اجيت الليله اريد مراد
من ام فاطمة الزهره



اجيت وعاگده الشيله
ادگن بابهه الليله
عيني المدمع تسيله
وهيّه بحالتي ادره

اجيت الليله اريد مراد
من ام فاطمة الزهره



اطلب الي ولحبابي
الليله اتوقّع اكتابي
ارد وماخذه اجوابي
لحبابي المنتظره

اجيت الليله اريد مراد
من ام فاطمة الزهره


يامولاتي حوائجنه يمّچ
🙏🙏


ام محمد الحِجّاج



https://www.tg-me.com/ommohamadalaebaadey

.
دعاء اليوم العاشر

اَللّهُمَّ اجْعَلْني فيهِ مِنَ الْمُتَوَكِّلينَ عَلَيْكَ، وَاجْعَلْني فيهِ مِنَ الْفائِزينَ لَدَيْكَ، وَاجْعَلْني فيهِ مِنَ الْمُقَرَّبينَ اِلَيْكَ، بِإِحْسانِكَ يا غايَةَ الطّالِبينَ.

.
دعاء اليوم الحادي عشر:

اَللّهُمَّ حَبِّبْ اِلَيَّ فيهِ الإِحْسانَ، وَكَرِّهْ اِلَيَّ فيهِ الْفُسُوقَ وَالْعِصْيانَ، وَحَرِّمْ عَلَيَّ فيهِ السَّخَطَ وَالنّيرانَ، بِعَوْنِكَ يا غِياثَ الْمُسْتَغيثينَ.

شهادة إمام المتقين عليه السلام
لسان حال مولاتي العقيلة عليها السلام

ليلة عشرين

🏴🏴


ونّاتك تحرگ بفّادي
يابويه وحالك مترادي

بدمعه وحسره
اتجس الطبره
يابويه وحالك مترادي

🏴🏴

شافت جرحه الينزف بعده
ولطمت خدهه بچف الايد

ليش اتون يانور عيوني
شني الماذيك وشتريد

افديلك روحي وكل عمري
بس كونك تسلم ياحيد

شد حيلك ياحيل البيّه
يل وجهك لبنيتك عيد



تجري العبره
اتجس الطبره
يابويه وحالك مترادي

🏴🏴

تمم صومك ويّه عيالك
شد حيلك يابويه وطيب

الايتام ابابك تبچي
ولمساكينك صوت انحيب

والفقره اتنادي ياحيدر
حيدر مثلك وين انجيب

يمعيّشنه بخير ونعمه
نضيع اخلافك من تغيب

وگلبي تكسره
اتجس الطبره
يابويه وحالك مترادي

🏴🏴

وآنه انهد كل عزم البيّه
بيش اجبر گلبي المكسور

وترجف كل عضاي وروحي
مابين الحسبات ادّور

من عاين جرحك واتحسف
وامييس راح الدكتور

نار الهضمه تاكل بيّه
وبين ضلوعي الحسره تفور

وين الزهره
اتجس الطبره
يابويه وحالك مترادي

🏴🏴

ريت امي الليله اتجابلني
وتساعدني اعله الونّات

وتشاركني بهضم امصابي
هلكسره تريد احبيبات

والينه يودّعنه الليله
وعيونه تسولف لچمات

آخر عمره
اتجس الطبره
يابويه وحالك مترادي

🏴🏴

وا علياه

ام محمد الحجاج



https://www.tg-me.com/ommohamadalaebaadey

فزاعية لشهادة امير المؤمنين عليه السلام

ليلة احدی وعشرون  كاني بمولاتي العقيلة زينب عليها السلام 


🏴🏴


لا تسد عينك
حاچيني يبويه
لا تسد عينك
حاچيني يبويه
لاتسد عينك

🏴🏴


هاي آنه العقيله  .. لاتسد عينك
يومك مالي حيله
فاجعتك ثگيله

سمّعني ونينك

حاچيني يبويه
لاتسد عينك

🏴🏴

فك عينك امروتك  .. لاتسد عينك
هوود ليش صوتك
مستعجل بموتك

انگضه البيني او بينك

حاچيني يبويه
لاتسد عينك

🏴🏴

يافينه وغطانه .. لاتسد عينك
ياعزنه وحِمانه
بويه زينب آنه

يكافلني بيمينك

حاچيني يبويه
لاتسد عينك

🏴🏴

ياليث الحرايب .. لاتسد عينك
كشّاف الكرايب
توليني النوايب

من افگد حنينك

حاچيني يبويه
لاتسد عينك

🏴🏴

يمن الله واكبر .. لاتسد عينك
ابعيد البله والشر
صدگ مييت يحيدر

الليله وفاگدينك

حاچيني يبويه
لاتسد عينك

🏴🏴

اكون الموت اليّه .. لاتسد عينك
ياحامي الحميه
فلّت هاي هيّه

بنعشك ماخذينك

حاچيني يبويه
لاتسد عينك

واعلياه

🏴🏴

ام محمد الحجاج

https://www.tg-me.com/ommohamadalaebaadey

دعاء اليوم الثّاني عشر

اَللّهُمَّ زَيِّنّي فيهِ بِالسِّتْرِ وَالْعَفافِ، وَاسْتُرْني فيهِ بِلِباسِ الْقُنُوعِ وَالْكَفافِ، وَاحْمِلْني فيهِ عَلَى الْعَدْلِ وَالإِنْصافِ، وَآمِنّي فيهِ مِنْ كُلِّ ما اَخافُ، بِعِصْمَتِكَ يا عِصْمَةَ الْخائِفينَ.


اللهم صل علی محمد وال محمد وعجل فرجهم

دعاء اليوم الثّالث عشر

اَللّهُمَّ طَهِّرْني فيهِ مِنَ الدَّنَسِ وَالأَقْذارِ، وَصَبِّرْني فيهِ عَلى كائِناتِ الأَقْدارِ، وَوَفِّقْني فيهِ لِلتُّقى وَصُحْبَةِ الأَبْرارِ، بِعَوْنِكَ يا قُرَّةَ عَيْنِ الْمَساكينَ.


اللهم تقبل طاعاتنا 🤲

ميلاد الامام الحسن المجتبی عليه السلام

🌹🌹



بحر الجود شع نوره علينه
نهني الزهره ونهني علينه
صلاوات اعله ابو القاسم علينه
وعله حيدر وفاطمة الزچية

صلوات

اللهم صل علی محمد وآل محمد

متباركين ياموالين

🌹🌹

ام محمد الحجاج

هوسات لميلاد الامام الحسن المجتبی عليه السلام

🌹🌹

اول فرحه للزهره وعلي الليله
اجينه والورد بالمحفل نشيله
ميلاد الحسن طابت مواويله
وشموع الفرحه اعلگناها

🌹🌹

علگنه شموع ميلادك يغالينه
بنورك نوورت ظلمة ليالينه
هله بجيتك يمهجة فاطمه لينه
يابحر الجود وعنوانه

🌹🌹

المضايف كشخت بشيخ الكرم من جه
وصارت للعزوبيه هله وبهجه
بني هاشم البحر الجود تترجّه
حضروها ادلال اعزوبيته

🌹🌹

ابارك لكم ولادة الامام الحسن المجتبی عليه السلام

ام محمد الحجاج

دعاء اليوم الرّابع عشر

اَللّهُمَّ لا تُؤاخِذْني فيهِ بِالْعَثَراتِ، وَاَقِلْني فيهِ مِنَ الْخَطايا وَالْهَفَواتِ، وَلا تَجْعَلْني فيهِ غَرَضاً لِلْبَلايا وَالْآفاتِ، بِعِزَّتِكَ يا عِزَّ الْمُسْلِمينَ.

تقبل الله منا ومنكم صالح الاعمال

نسالكم الدعاء 🙏

هذه الليله الوزن الذي سيتم الكتابه عليه هو
الميمر
🍃فقرة الاوزان الشعريه🍃

مستفعلن مستفعلن مستفعل


المستهل 


نور الحسن شع بكرامه اعلينه
وبمولده ابكل محفل انحط زينه

الشاعر محمد حسن ظيغم

ــــــــــــــــــــــ
ريحانة الهادي تهل  انواره
للزهرة هاي اول فرح وبشاره
حيدر الليلة مايرد خطاره
واحنه البحر جودك علي تعنّينه


✍ ام محمد الحجاج 

........................
نور الحسن مِنّ العرش شع أو هل
وموسى الكليم الليله ناصب محفل
وجبريل يم بابه نِزل يتوسل
هذا الكريم ويَمه مَد ايدينه

✍فاطمة كريم
..........
البيت الزچية نعتني هلليله
ابخور والياس وشمعنه نشيله
هوه البحر گلولنه شنهديله 
بحاجات مگضية وفرح ردينه

ام محمد الحجاج 
................
فرحانه كل اهل السمه ويّانه
وجبريل بالفرحه صفك جنحانه
هاليله بالنور استطعت دنيانه
وفوگ العرش يسطع اسم والينه

الشاعر المهاجر
..............
مستبشره اهل الكسا ابميلاده
عمت الفرحه اعله الملا بأعياده
انبارك الحيدر باول اولاده
وللطاهره بأجمل جُمل هنينه

✍ الشاعره ام عباس العبادي
...............
نبعث تهاني لحيدره نوديها
وامه الزجيه بمولده نهنيها
باب الكرم اه يالحسن عليها
بسم الصلاة اعله النبي غنينه

✍️باقر جبار الشويلي

................
هالليله دنيانه ضوت  من نوره
نزلت  ملايكة السما  المعموره
بورود  من جنة عدن منثوره
تروي الموالي وبالفرح تروينه

✍ بنت الشمري



https://www.tg-me.com/ommohamadalaebaadey