متی الصبحُ يبدو وجبريلهُ
يؤذن بإسمِ صاحبِ الزمن ؟؟؟


ليالي الغيبه صارن حيييل ياذن
متی بالفرج رب العرش ياذن
ظهورك سيدي بأي وكت ياذان
آذان الصبح لو بالمسيّه

😢


ام محمد الحجاج

*إلى جميع خطباء المساجد بمناسبة قرب حلول شهر رمضان المبارك ...*

*رجاءً ثم رجاءً ثم رجاء*

نرجوا أن يكون خطابكم لهذا
العام مميزاً عن سابقاته ...

*فلا داعي لتكرار الحديث عن أهمية الشهر الفضيل و أنه شهر الصيام فالكل يعرف ذلك!!*

بل أخبروهم أن من يصوم في بيت إغتصبه فلا صيام و لا زكاة له بل لا دين له و لا أخلاق ...
أخبروهم أن من يفطر بعد صيامه بمال منهوب لا صيام له و لا زكاة... أخبروهم أن من عليه مظلمة فليردها الى أهلها و التوبة قبل أن يزكي و يتصدق ...
أخبروهم أن من يمنع اخواته من الميراث و يأكل حقهن لا صلاة و لا صيام و لا زكاة و لاحج له
أخبروهم أن المال الحرام لا تخرج منه زكاة و لا صدقة ...
أخبروهم بصلة الأرحام و ببر الوالدين أخبروهم بحقوق الجار و العامل و الخادم ...
و أخبروهم بحرمة المال العام و حرمة نهبه وحق الطريق ... وأخبروهم بمسؤولياتهم تجاه أولادهم و مسؤوليتهم عن تصرفات هؤلاء الأولاد ...
أخبروهم بحرمة إحتكار السلع و تطفيف المكيال و الميزان ... أخبروهم أن الدين معاملة و ليس مجرد شعارات من أداء للصلاة و الصيام و الحج و نطق للشهادتين فقط ...
أخبروهم أن ما بينك و بين الله هين فهو الرحمن الرحيم ،الغفور الغفار يغفر الذنوب جميعاً و أن مظالم العباد لا فكاك منها الا بالتوبة و إعادة الحقوق الى أهلها أما قتل النفس التي حرم الله فلا فكاك منها إلا يوم الحساب.
*أخبروهم بأن إماطة الأذى عن الطريق صدقة و الكلمة الطيبة صدقة و تبسمك في وجه أخيك صدقة و الرفق بالحيوان صدقة و سرور تدخله على نفس أو قلب إنسان صدقة ...*
*و أخبروهم و أخبروهم و أخبروهم بما يفيد و ينمي المجتمع و يزيل الأحقاد و الضغائن فالقائمة تطول و تطول بالأهم ثم المهم لكي يصلح المجتمع و يهنأ الناس بالحياة الكريمة و تتحقق الغاية من الصيام ...*

*دمتم و وفقنا الله جميعا لما يحب و يرضى*


منقول

منهاج شهادة المولی امير المؤمنين عليه السلامٗ

ليلة ١٩ من شهر رمضان


🏴🏴


هز الكون
حس جبريل من صاح ٢
بالمحراب
مطبور الولي وطاح

🏴🏴


اهتز الكون لمن صاح جبريل
براسه انصاب ياحماي ال ادخيل
السبعه الفوگ رجفت گامت تميل
يامصباح الاگشر
موش مصباح

بالمحراب
مطبور الولي طاح

🏴🏴

يامصباح الاگشر بان هليوم
محراب الصميده فايض دموم
حماي الحمه مايگدر يگوم
ذاك الحيل
كله امن انطبر راح

بالمحراب
مطبور الولي وطاح

🏴🏴

المنّه تهاب حماي الحمه ارجال
وين الحيل ذاك الهز ال اجبال
جرحه مايطيب صوابه چتال
اولاده يتچوله امن الاصفاح

بالمحراب
مطبور الولي وطاح

🏴🏴

يتچوله الحسن وحسين جابوه
ياوسفه غدر عدوانه صابوه
انسهه وجانهه حيدر يهابوه
والشِدات كلها بسيفه تنزاح

بالمحراب
مطبور الولي وطاح

🏴🏴

حيدر للشدايد دوم موصوف
گلوب اعداه زارع بيهن الخوف
الچانو بالوزه ماعدهم چفوف
مگطّعن علي بطعنات ال ارماح

بالمحراب
مطبور الولي وطاح

🏴🏴

حيف وهوه راكع طبرو الهام
نسل الماهو طاهر صلب وارحام
الدخلو غصبن عليهم للاسلام
لسه الدين صايم عن الافراح

بالمحراب
مطبور الولي وطاح

🏴🏴

عظم الله اجورنا واجوركم

ام محمد الحجاج



https://www.tg-me.com/ommohamadalaebaadey

منهاج استشهاد مولی الموحيدين وامام المتقين ويعسوب الدين امير المؤمنين عليه السلام

رجع امير المومنين عليه السلام الی الدار يسندانه الحسن والحسين عليهما السلام
معصوب الراس بالعمامه وخُضبت شيبته المقدسة بدمه الجرح .. استقبلته ابنته العقيلة عليها السلام ولما راته علی تلك الحال كاني بها ..


🏴🏴


ابعيد البله حماي جاره
دم هامته بطوله ايتجاره
خسارتنه يبو زينب خساره
للصبر مامن بعد چاره
گلبي مواگد غدت ناره
امنيله ابن ملجم جساره
انشلّت يمينه وي يساره
انهجمت عساها كون داره

🏴🏴


ياحيف ياحامي حماها
الطبره مايگطع دماها
حالك يچن عيني عماها
وزينب صوابك يتماها
والبين بسهامه رماها
للنوح والون علماها

🏴🏴


ام محمد الحجاج


https://www.tg-me.com/ommohamadalaebaadey

ابو ذيه ونعي لفقد الاحبة بيوم العيد
لسان حال مولاتي زينب عليها السلام


🏴🏴

هلال العيد  يحبابي ..... هل انّه

عيوني دمع فرگاكم .... هل انّه

هم تعود گعدتکم  .... هل انه ؟ (الانين)

نگطعه وترد گعدتنه سويّه

🏴🏴

نعي گرناوي

وين الاهل باچر عيد يادار
اركانچ مظلمه تبچّي العيون

هلي الضاوي نزلهم ليلة العيد
وللخطار  زاد وهله يعزبون

يفتحون المضايف للمجبلين
اعله حس الهاون الوادم يگصدون

امشرعه البوب ليل انهار بالعيد
وهلي بالضيف من ابعيد يحييون

اهل الدار شالو ياحسافات
بعد لنزولهم لامايرجعون

لاتسال يسايل لاتدگ باب
اييس والرجه گطعه ولظنون

هلي  بالمگبره غافين والعيد
برض الغري هاي السنه يعيدون

🏴🏴

أم محمد الحجاج


https://www.tg-me.com/ommohamadalaebaadey

فزاعية لدفنة امير المؤمنين عليه السلام
لسان حال مولاتنا زينب عليها السلام


🏴🏴


بهيده من تنزلونه
يدفانه
جرحه لاتلچمونه
يدفانه


🏴🏴

بعده ينزف صوابه
يدفانه
وشديناه بعصّابه
يدفانه
براضه هيلوا  اترابه
بهيده لاتعورونه

🏴🏴

بهيده وسّدوا راسه
يدفانه
خافنه اللحد جاسه
يدفانه
اتنوح اعليه هله وناسه
يدفانه
براضه من تشيلونه

🏴🏴

لحيدر وسعوا الحفره
يدفانه
لا تنلچم الطبره
يدفانه
عدلوله رمل گبره
يدفانه
لو ردتوا توسدونه

🏴🏴

للمگبره مودينه
ياعِزنه ويوالينه
ابذل وهضم ظلينه
العز اوياه ادفنونه
🏴🏴

هيبتنه انگشع فيّه
والبيت انطفه ضيّه
رايح مابعد جيّه
ظلمه الدار من دونه

🏴🏴

من دونه النزل ظلمه
هضمنه البين ياهضمه
شهر الصوم  ما  تمه
بيوم العيد يتمونه

🏴🏴



عظم الله اجورنا واجوركم


ام محمد الحجاج


https://www.tg-me.com/ommohamadalaebaadey

ليلة جرح امير المؤمنين عليه السلام

وزن التجليبة

🏴🏴


زينب هلمصيبه شلون تحملهه
بلمحراب مطبور ال امدللهه

🏴🏴

سمعت صوت ناعي بالسمه ينعه
ومن هول المصيبه ارتجّت السبعه
حماي الحمه ماتمم الركعه
حس جبريل صاح الدنيه زلزلهه

🏴🏴

حس جبريل هز الكون بالصيحه
علي وحيل العرش طاحو فرد طيحه
بفرض الفجر ماتمم التسبيحه
ركعته الثانيه ما لحگ كمّلهه

🏴🏴

سجدته الثانيه مالحگ يختمهه
انفضخت هامته وبعمامته لمهه
محرابه انصبغ من طبرته ودمهه
مايگدر يگوم السجده طوّلهه

🏴🏴

راد يگوم حيف وماگدر ينهض
ونصبغت لحيته وشيبها الابيض
دمه الماگطع لعماته فييض
وهدومه مسيل دمومه غسّلهه

🏴🏴

اجه لخته الگمر والدمعه بعيونه
گلهه انصاب والينه يمحزونه
الحسن وحسين هلراحو يجيبونه
طبرته امچيده يازينب يگللهه

🏴🏴


امچيده الطبره لبراسه يمهظومه
بعد حيدر ولا يگدر عله الگومه
تنزف طبرته وماتگطع دمومه
يخبر اخته ومدامع هضمه يهملهه

🏴🏴

اي واعليّاه  وا إماماه

عظم الله لكم الاجر


ام محمد الحجاج



https://www.tg-me.com/ommohamadalaebaadey

رمضان كريم
وكل عام وانتم بخير
اعاده الله عليكم باليُمن والبركة
والصحة والعافية
والامن والامان

🌹

دعاء اليوم الأوّل:🌙

اَللّهُمَّ اجْعَلْ صِيامي فيهِ صِيامَ الصّائِمينَ، وَقِيامي فيهِ قيامَ الْقائِمينَ، وَنَبِّهْني فيهِ عَنْ نَوْمَةِ الْغافِلينَ، وَهَبْ لي جُرْمي فيهِ يا اِلهَ الْعالَمينَ، وَاعْفُ عَنّي يا عافِياً عَنْ الْمُجْرِمينَ.



رمضان كريم

تقبل الله طاعاتكم

شهادة يعسوب الدين وإمام المتقين امير المؤمنين عليه ااسلام

لفقد الاحباب 

🏴🏴



يالمگابر ليش اخذتي حبابنه
من يجون شمحله دگت بابنه

🏴🏴

ليش اخذتي حبابنه يلمگبره
ال جفن بفراگهم شيصبّره
نامو عزاز الگلب حدر الثره
اللوم ماينفع بعد وعتابنه

🏴🏴

يلگبور عتاب ماينفع بعد
بين تربانچ عزيز انّه نفگد
والمفارگ گلبه مايرتاح ابد
دوه مايرهم ويشافي صوابنه

🏴🏴

غيابهم خلّف جرح وسط الگلب
صعب يداوه ، ولاينشد صعب
لو ترد الراحو  دموع التصب
ليل دمعتنه خذانه وجابنه

🏴🏴

يلمگابر بيچ ال انودهم غفو
مدري بردانين مدريهم دفو
شفو من اوجاعهم لوما شفو
شلونهم يالمگبره غيّابنه

🏴🏴

وجوهم حلوات اخاف اتغيرت
اعليهم التربان اظن اتناثرت
گلوبهم لفراگنه شلون اصبرت
احنان مايهوون طاري غيابنه

🏴🏴


ام محمد الحجاج


https://www.tg-me.com/ommohamadalaebaadey

🌙دعاء اليوم الثّاني:

اَللّهُمَّ قَرِّبْنِي فيهِ اِلى مَرْضاتِكَ، وَجَنِّبْنِي فيهِ مِنْ سَخَطِكَ وَنَقِماتِكَ، وَوَفِّقْني فيهِ لِقِراءَةِ آياتِكَ بِرَحْمَتِكَ يا اَرْحَمَ الرّاحِمِين

تقبل الله طاعاتكم 🤲

*دعاء اليوم الثالث من شهر رمضان

اَللّهُمَّ ارْزُقنى فيهِ الذِّهنَ وَالتَّنْبيهِ ،
وَ باعِدْنى فيهِ مِنَ السَّفاهَةِ وَالتَّمْويهِ ،
وَ اجْعَل لى نَصيباً مِن كُلِّ خَيْرٍ تُنْزِلُ فيهِ ،
بِجودِكَ يا أَجوَدَ الأجْوَدينَ

تقبل الله منا ومنكم صالح الاعمال

ابو ذيات ونعي لشهادة امير المؤمنين عليه السلام
لسان حال مولاتي العقيلة عليها السلام

🏴


عدمن

بويه علي يابويه

عيوني امن السهر والنوح عدمن
تخليني عگب عيناك عدمن
وصّي بزينب الخوان عد من ؟

چفيلي يصير ياحامي الحميه

🏴


اريدن چافل لخدري وَصيِته
ياهو امن اخوتي بيّه وَصَيته
ندري الابو من يكتب وِصِيته
اول مايوصّي بلبنيّه

🏴

نعي

علي ياعلي يابويه

همّي عله گلبي تكوور
ومن ليل حزني ماكو معبر
يامن ال بلشدات تحضر
ردتك الليل اهدش والبر

🏴

ياعلي بويه انكسر باسي
واتكوور الهم اعله راسي
ليال المجبله اعلي جواسي
چنّه انگطع منك اياسي

🏴
علي بويه علي بويه

چفال اريد ليوم عاشور
لحمولي اريدن اخو ناطور
وحماي يتكفل بلخدور
يباري الظعينه بذيچ ال ابرور

🏴

اييس طبيبك واييسينه
وبليلة موادع مسينه
ناعي الفجيعه هييسنه
وثوب النوايب لابسينه

🏴

اگطعنه الرجه يابو اليتامه
واييسنه ماتحصل سلامه
بانت ال فرگانه علامه
لا حيف ينفع لاندامه

🏴🏴

ام محمد الحجاج


https://www.tg-me.com/ommohamadalaebaadey

دعاء اليوم الرابع من شهر رمضان


اَللّـهُمَّ قَوِّني فِيهِ على إِقامَةِ أَمْرِكَ وَأَذِقْنِي فِيهِ حَلاوَةَ ذِكْرِكَ وَأِوْزِعْني فِيهِ لأداءِ شُكْرِكَ بِكَرَمِكَ وَاحْفَظْني فِيهِ بِحِفْظِكَ وَسَتْرِكَ يا أَبْصَرَ النّاظِرينَ

اللهم تقبل طاعاتنا 🤲