استشهاد الامام السجاد عليه السلام


🏴🏴


رگبته امن الجامعه مذبوحه
هضم تنزف للمات جروحه

🏴🏴


للمات ينوح زين العابدين
جروحه تنزف مابرت طول السنين
خلص عمره بلبواچي وبلونين
جفونه من صب الدمع مجروحه

🏴🏴

سيل دمعه جروح حافر بالجفن
ليل ونهار اعله مذبوحه يون
طلع شيب بگلبه من طول الحزن
اتعدّه يعگوب بونينه ونوحه

🏴🏴

ماشرب ماي الا بدموعه انخبط
ودمعه بالزاد اليحطوله نِگط
الماي چم آه بدليله وحسره حط
لو سمع طاريّه شاغت روحه

🏴🏴

تالي بالسم فارگت روحه الحياه
وباقيه اثار السلاسل ابگفاه
انكسر گلب وليده لمن غسّلاه
رگبته بالجامعه مشروحه

🏴🏴

لگه جرح الرگبه واصل للعظم
ومن ثگل گيد اليسر شابع هظم
جروح فوگ جروح ظهره منلظم
وبيهن غماگ وبقت مفتوحه

🏴🏴

شاف بضلوعه اثر مثل الكسر
من يجر السلسله بقوه الشمر
واعله ساگه جروح ورضوض شكثر
ولگه من جلده وذر مزيوحه

🏴🏴

والمتون امّلخات امن الحبل
امگييد بكبره ويميل اعلهزل
وسّده بالحفره ودموعه تهل
وبنواعي الدافيه المملوحه

🏴🏴

عظم الله اجوركم واجورنا

🏴🏴


✍ ام محمد الحجاج

https://www.tg-me.com/ommohamadalaebaadey

استشهاد الامام السجاد عليه السلام

ابو ذيات

             وجّرالي

انه من الشام ميّت .. وجّرالي

غضی بحشاي يومه .. وجّرالي

الشامت . واليسبني   . وجّرالي

التحوشه اعداه  يتلافت  لخيّه

.....
.....


             يدمن 


عيوني اويالدمع  حسيت  .. يدمن 

عجب تضرب ثنايه حسين  .. يدمن

محمد سيد الكونين   .. يدمن

وراس ابنه بطشت عد آل اميّه

.....
.....

          وياهن


متت من يوم خيماتي  .. وياهن

حين الگصد عماتي  .. وياهن

وآنه مكَيّد وجرني  .. وياهن

هذيچ اللحظة اشد امن المنيّه

.....
.....


أم محمد الحجاج/ العبادي



https://www.tg-me.com/ommohamadalaebaadey

استشهاد الامام السجاد عليه السلام


.....
.....


تسيل دموعه الحد ما مات

يتذكّر  حرگ الخيمات

كون السجاد الله يعينه
يوم العاشر شافه بعينه

يتذكر حرگ الخيمات

.....
.....

ماناسي الطف لاخر لحظه

عصر العاشر
ذيچ الركضه

ويتذكّر كلما يتوضّه

جسم الضامي الخيل اترضّه

شيصبر المذبوح حسينه

يوم العاشر شافه بعينه

شمسويه بصدره الطعنات
يتذكر حرگ الخيمات 

.....
.....

كلما شاف الماي اِتذَكّر

لذبحوه ضامي وگلبه اتفطّر

ودموعه تسيل ويتصوّر

نبلة عبدالله البلمنحر 

ردوه للخيمه مغطينه

يوم العاشر شافه بعينه

شحال امه بذيچ الساعات

يتذكر حرگ الخيمات

.....
.....

والاصعب موقف شيحمله

كاسر ظهره بحيله شخله

من وگفت عمته اعله التله

تريد تروح العمه دگله

ماتندل ياصوب سكينه

يوم العاشر شافه بعينه

ضاعت منها بهل غارات

ويتذكر حرگ الخيمات

.....
.....

يسمع عمته تنادي وتركض

نار الخيمه بيديهه تكض

شتلم بالايتام شتحفظ

الخيل اعليهم تسحگ وترض

يعاين محروگه اصواوينه

يوم العاشر شافه بعينه

من خيمه لخيمه العمات

ويتذكر حرگ الخيمات

.....
.....

ماناسي الطف او  لايومه

فوگ احزانه وهاي همومه 

وجروح الگيد الملچومه

ياجمرة چبده المسمومه

تالي ابسم چبده موذرينه

يوم العاشر شافه بعينه

يتجرّع كل الويلات

ويتذكر حرگ الخيمات

.....
.....

مروان وابنه  واحفاده

صب اعله السجاد احقاده

خطّط والتنفيذ اولاده

سلّط كل حقده اعله الساده

واتحالف ويّه شياطينه

يوم العاشر شافه بعينه

عدهم ضد حيدر غايات

يتذكر حرگ الخيمات 

.....
.....

أم محمد الحجاج/ العبادي






https://www.tg-me.com/ommohamadalaebaadey

الاول من  صفر دخول سبايا آل محمد ( صلوات الله عليه وعليهم ) الى الشام  🏴🏴
😭😭

وصول السبايا للشام  ..... لسان حال مولاتي زينب عليها السلام


العدهه اخوان مثلي تروح مسبيه

اطب للشام يهلي وانه علويه

.....
.....

يهلي بيا وكت ينسبن علويات

يحدون الظعينة بيهن الشمات

اليوم عتاب اودي للعدل والمات

عتبي للدرو والمادرو بيّه

.....
.....

اول تالي ماصارت مثل هايه

ياحيف الفواطم يمشن سبايه

لوطلعن گبل الهن ترف رايه

واهل الشام هسه تعاين عليّه

.....
.....

عدهم عيد مسبيات جابونه

فرجه للخلگ بالشمس وگفونه

حچي الماينحچي الشمات سمعونه

علينه صفوف طلعت كل بني اميه

.....
.....

شفنه اهوال حته امن المنيه اصعب

بينه شصار يوم الظعن ليهم طب

شوف عيوني وي دموعهن ينصب

آيالشام ياهظمه وبلاويّه

.....
.....

عمت عين الزمان شسوه دولابه

آيالشام ياشوغاته ومصابه

يسعر ماطفه بحشاي عطابه

يوم القصر طبيت المبانيّه

.....
.....

صفوف الناس وآنه القصر طبيته

ذاك الجمع يهلي كله طريته

چفيلي بذيچ كسراتي تمنيته

كونه يشوف اخيته يگول مو هيّه

.....
.....

السلام على جبل الصبر  مولاتي زينب


أم محمد الحجاج



https://www.tg-me.com/ommohamadalaebaadey

دخول سبايا آل محمد صلوات الله عليه وعليهم الی الشام  🏴🏴🏴


نعي لسان حال مولاتي زينب عليها السلام  .....


جابوني لهل الشام اسيره
وانه اخوتي وأهلي عشيره
ياحيرتي بالشام حيره
وياي راس الكله غيره
كلساع وجهي ليه اديره

.....
.....


عاتبت رأسك يبو الشيمه
وصبيت دمعات الهظيمه
بالدرب ماتت جم يتيمه
والشام يكتل خويه ظيمه
بصوط انضرب واسمع شتيمه

.....
.....

خويه
يردونّي ادخل دواوين
وبحبال مجتوفات الايدين
ياخويه اطي الوجه لاوين
خافن يشوف دموعي بالعين
وينشدني يازينب هلچ وين

.....
.....

خويه
صاحو وصل ظعن السبيّه
يردون اطب ديوان اميّه
آمر يزيد إبن الدعيّه
يصيحون هاي الخارجيّه
يجرون بحبال البديّه
والخلك نتفرج عليّه

.....
.....

حين الوصلنه الباب قصره
الشمر حبلي حيل جره
وجوهنه امن الفشل صفره
أسمع يزيد بصوته نبره
جبنه خوات حسين يسره

.....
.....


زينب حايره بنسوان وايتام
وهظمتهه الچبيره دخلت الشام
امعيدين وامعلگين الاعلام
هذا بيده دف وذاك دمّام
روس اخوتي مرفو عه جدّام
' حدت بظعون اخت عباس ظلام



خوف الكلب محد بعد يمنه
ليل وبس حرم والشمر يمنه
لبو فاضل اجيب امنين يمنه
خل يلحگ ابو الغيره عليّه

.....
.....



ام محمد الحجاج


https://www.tg-me.com/ommohamadalaebaadey

يوم دخول السبايا الى الشام
لسان حال مولاتي زينب عليها السلام



🏴🏴🏴


زينب دخلوها اليوم للشام

عَلَيْ شاخو الچانو لهلي خدّام

.....
.....

نص أنهار اوگف بالشمس والحر

من كثر العطش للوگفه مانگدر

مسموم الحچي ويصوّب الخدّر

اضمهن وين من مرامه الاسهام

.....
.....

اهل الشام تتفرج عله الروس

والنسوان مجتوفه بالاشموس

محد عده غيره وعده ناموس

تعبانة الحرم وتلوع الأيتام

.....
.....

عطشانه اليتامه وانه محتاره

والنسوان بس الدمعه تتجاره

أهل الشام عدهم صارت بشاره

معيده الناس وتهوس بالاعلام

.....
.....

الشام امعيّده وامعلّگه الزينه

صفين اطلعت تتفرّج اعلينه

هنآك الدين مگلوبه موازينه

عدهم عيد وانطوهم إذن عام 

.....
.....

  كعدونه بخرابه  الماسگف بيهه

امن تنام اليتامه الگاع تچويهه

البنيات حيره وين اوديهه

  لا باب وسگف ماتگدر تنام

.....
.....

مصيبتنه الچبيره هند من جتنه

تعبانات مهظومات شافتنه

احنه ابنات داحي الباب عرفتنه

وسفه وحيف هيجي تسوي الأيام

.....
.....

لينه للخرابه جايه شعدهه

دولبني زماني وهيه صعدهه

زينب من هظمها دموعها بخدهه

عمت عين الزمان البهلي مادام
.....
.....


أم محمد الحجاج /العبادي



https://www.tg-me.com/ommohamadalaebaadey

مولاتي زينب عليها السلام رات مارات من العذاب والمصايب في الشام
كاني بها قالت بلسان الحال



اريد انعه اعله دهري وانعه لشّام
واريد اشبع بواچي . ون . عله الشام
لنعل قصر اميّه وانعل الشام
ويزيد انعل هله وانعل ابيّه

🏴🏴


عمت عيني علی مولاتي زينب
الان علی مشارف الشام غداً ستدخلها وتقف بباب الساعات لساعات طويله

كاني بها عمت عيني

عسه ظعني تباطه مايه لشّام
رديّه ويانه كلّش   مايله الشام
لو عباس هسه ماي لشّام
يجيب النه واسكّت بي رقيّه


ام محمد الحجاج


https://www.tg-me.com/ommohamadalaebaadey