Исмим Фаластин шерининг насрий таржимаси

Фаластин – бир ном, бир миллат, бир садо

Фаластин – бу шунчаки ер эмас. Фаластин – бу исм, бу тарих, бу миллатнинг сабр-матонати ва озодликка бўлган интилиши. Унинг ҳар бир тупроғи қон ва кўз ёшлари билан суғорилган, ҳар бир тоши бир шижоат ҳикоясини сўзлайди.

Бу ном майдонларда, кўчаларда, юракларда муҳрланган. У ҳар бир забонда, ҳар бир қалбда, ҳар бир дуода мавжуд. Фаластин – зулмга қарши бурканган бир вужуд, озодликка интилган бир орзу, муҳаббат ва садоқат билан қуршалган бир ватан.

Бу ернинг тоғлари, дарёлари, майдонлари унинг фарзандларини танийди. Ҳар бир кўча, ҳар бир масжид, ҳар бир боғ – тарихнинг гувоҳи. Уларнинг ҳар бири Салохиддиннинг такрорланмас нидосини, муқаддас юртни ҳимоя қилиш учун қўзғалган қаҳрамонларнинг қадам садосини эшитган.

Бироқ, бу миллат таслим бўлмайди. Масжидул-Ақсо ҳали ҳам садо беради, тутқунлар ҳали ҳам озодлик сўрайди, миллат ҳали ҳам мубориза олиб боради. Бу овозлар миллатни уйғотади, уни бирлаштиради ва адолат учун курашга чорлайди.

Фаластин – бу қадрият, ватан, иймон ва вафо рамзи. У ерда зулм қанчалик ҳукмрон бўлса, адолатга бўлган ишонч ҳам шунчалик мустаҳкамдир. Осмонда яна Фаластин байроғи хилпирайдиган кун келади. Бу – халқнинг орзуси, дуоси ва тақдири.

Фаластин – абадий.

Rustamjon domla sahifalaridan

https://www.tg-me.com/odamlar_orasida2

Foydali.

https://www.tg-me.com/odamlar_orasida2

Ижтимоий тармоқ (рилс, шортс, твит)ларнинг энг катта зарарларидан бири уларнинг инсон онгида таҳлил қилиш салоҳиятини ўлдиришдир.

Натижада инсон иккита зарардан камроқ зарарлисини, иккита яхшидан кўпроқ манфаатлисини ажрата олмайди.

Оқибатда ватанини сотаётган бир киши чиқиб, кўчадаги бир итни ювиб-тарагани учун қаҳрамонга айланиб кетади, унинг ватанни сотаётгани ҳеч кимни қизиқтирмайди.

Ёки динини сотаётган одам, бирор домланинг бирорта хатосини кўрсатиб қўйса, ҳақиқатни айтаётган ҳақгўйга айланади. Бироқ динини сотаётган ёки масхара қилаётганини кўпчилик таҳлил қила олмайди.

Ёки жамиятга энг катта фасод олиб кирувчи транссексуалликни тарғиб қилувчи бир нокас, бирорта қизга ёрдам бериб қўйса миллат қаҳрамонига айланади.

Одамларда у айнан мана шу йўл билан жамиятда фасодни урчитаётганини таҳлил қилишга кўпчиликнинг савияси етмайди.

Бу куюнарли ҳолат, миллат учун.

Abdurrohman Meshayan.

https://www.tg-me.com/odamlar_orasida2

ОХИРГИ КУН...

Ўтиб борар ўттизинчи кун ( баъзан 29-кун:)
Эшитилар шом учун азон.
Алвидо, дейишга қўрқаман,
Кўришгунча, дейман, рамазон...

"Елканлари уфққа шўнғиган
Манзарани эслатган каби
Қайларгадир савоб кўтариб
Сузиб борар умр маркаби.

Мен оролда қолаётган ўй --
Ўша эртакдаги Робинзон...
Ўн бир ойлик ёлғизлигим қўй,
Сени кутмоқ -- шараф, Рамазон!

Биттадан ёз, ҳам қишу баҳор
Ўтказамиз, хўп, майли, дегин.
Суюклигим, лекин ваъда бер --
Мен шўрликни соғиниб келгин.

Елканларинг хилпиллат маҳзун,
Ол менданам кўп-кўп хавотир.
Ҳа, рамазон, билмайсан-да сен,
Йўқлигингда не ишлар содир...

Сен келасан, гуллар бу маскан
Воқиф бўлиб азалий сирдан.
Ўн бир ойда дилимни эзган
Гуноҳларим куяди бирдан.

Унутилар ортдаги заҳмат,
Пешонамда раҳмат терлари.
Кўз ёшлардан қолармиканей
Юракнинг ваҳм, мавҳум кирлари?!

Соғинчинг-ла бут бугун юрак --
Такрор-такрор васлингга етиш
Ва қўшимча биргина тилак:
Бу оролдан сен билан кетиш!!!"

Кўнглим энди тамомийла тўқ,
Тугаб қолди шомга ҳам азон --
Луғатимда хайр сўзи йўқ,
Кўришгунча, дейман, рамазон!

Алвидо, дейишга қўрқаман...

@xayrulla_xamidov1

РАМАЗОН — ҲАЁТ

Рамазон ҳаётга ўхшайди — саноқли кунлар.
Рамазон ҳаётга ўхшайди — тартиб-қоидалар.
Рамазон ҳаётга ўхшайди — нафсни тийиш шарт.
Рамазон ҳаётга ўхшайди — ҳеч ким тоқатидан ташқари нарсага таклиф қилинмас.
Рамазон ҳаётга ўхшайди — оз амалга кўп мукофот.
Рамазон ҳаётга ўхшайди — ким кўп яхши амал қилса, ютибди.
Рамазон ҳаётга ўхшайди — бир кун тугайди.

Ҳайит жаннатга ўхшайди.
Истаган нарсангиздан енглар, ичинглар, зийнатланинглар, байрам қилинглар.

Шунинг учун ҳайитни чин кўнгилдан байрам қилинглар.

Бугун сизларга хафв йўқ, маҳзун ҳам бўлмайсизлар.

ҚОЗОНЛАБ СОТИЛАЁТГАН САРАТОН

Бугун бозорга тушсангиз турли ишлаб чиқарувчилар таклиф қилаётган ҳилма -ҳил қозонларга кўзингиз тушади.

Кеча бозорга тушиб, жудаям арзон сотилаётган алюмин қозонларга кўзим тушди. Нима қилибди? Арзонгинаку! дерсиз. Бироқ, алюмин қозоннинг саломатлик учун қанчалик хавф туғдиришини биласизми? Агар қозон анодланмаган яъни махсус қопламали бўлмаса унда мутлақо овқат пишириб бўлмайди.

Анодланган алюмин қозоннинг сирти ялтираб турмайди. Хира- ўрисча қилиб айтганда "матовый" тус олади. Бозордаги аксарият алюмин қозонларда эса бу қоплама йўқ. Ялтираб ётибди.

Ялтироқ алюмин қозонларда тайёрланадиган таомлар келтириб чиқарадиган касалликлар хақида эшитганмисиз?

Анодланмаган алюмин қозондан фойдаланиш инсон саломатлигига салбий таъсир қилади. Бунинг асосий сабаби – алюминнинг таомга чиқиб кетиши ва организмга тушишидир. Қуйида шунинг эҳтимолий оқибатларини санаб ўтаман.

1. Нерв тизимига таъсири

Алюмин мияда тўпланиб, Алцгеймер касаллиги ва бошқа когнитив бузилишлар хавфини оширади.

Ҳаддан ташқари алюмин таъсири хотира пасайиши ва диққатсизликка олиб келади.

2. Ичак-ошқозон тизимига зарари

Алюмин ошқозон шиллиқ қаватини шикастлаб, гастрит ва ошқозон яраси, сўнг ошқозон ракини келтириб чиқаради.

Овқат ҳазм қилиш жараёнига таъсир қилиб, ич қотиши ёки диарея (ичкилик) келтириб чиқариши мумкин.

3. Буйракларга зарари

Алюмин буйрак орқали чиқарилади, лекин буйрак етишмовчилиги бўлган одамларда у организмда тўпланиб, захарли таъсир кўрсатади.

4. Иммунитет тизимига таъсири

Алюмин ортиқча миқдорда тўпланса, иммунитет тизимига таъсир қилиб, аутоиммун касалликлар хавфини ошириши мумкин.

5. Суюқлик ва минерал мувозанатини бузиши

Алюмин кальцийнинг сўрилишини пасайтириб, суяклар мўртлашиши ва остеопорозга олиб келади.

Алюмин қозон ва онкология ўртасидаги боғлиқлик ҳақида турли тадқиқотлар ўтказилган.

Алюмин ва онкология ўртасидаги эҳтимолий боғлиқликлар:

1. Ҳужайраларнинг зарарланиши

Алюмин оксидловчи стрессни ошириб, ҳужайраларга зарар етказиши мумкин. Бу ҳолат ДНК мутацияларига сабаб бўлиши ва онкологик жараённи тезлаштириши мумкин.

2. Бўғим ва гипоталамус касалликлари

Алюмин баъзи тадқиқотларда гипоталамус ва кўкрак бези тўқималарида тўпланиши аниқланган. Айрим олимлар бу ҳолат кўкрак бези саратон хавфини ошириши мумкин деб тахмин қилишади.

3. Эстроген таъсир

Алюмин гормонлар мувозанатига таъсир қилади ва шу йўл билан гормонал онкология (масалан, кўкрак бези саратони) хавфини оширади.

4. Ҳарорат ва кислотали озиқ-овқат билан реакция

Иссиқ ва кислотали озиқ-овқатлар (помидор, лимон, уксусли маҳсулотлар) алюмин қозонда пиширилганда, металл кўпроқ ажралиб чиқиши ва овқат орқали организмга тушиши мумкин....

Мен алюмин қозон сотаётган бешта харидордан "қозонлар анодлангагми, сертификати борми?" деган саволни бердим. Бироқ бешаласи ҳам "арзон қозонда сертификат бўлмайди" деган жавобни беришди. Одамлар эса ўша қозонларни харид қилишяпди.
Улар болалари, невараларига таом пишириб беришади ва ўзлари билиб, билмаган холда яқинларини захарлашларини билишармикан?

Ривожланган давлатларда қозон ва унинг ўрнини босувчи идишлар фақат зангламайдиган пўлатдан ишлаб чиқарилади. Кўп таомлар сирланган яъни эмал сиртли идишларда тайёрланади. Чунки зангламайдиган пўлат ва сирли идишлар максимал даражада соглиқ учун бехатардир.

#tarmoqlardan

https://www.tg-me.com/odamlar_orasida2

Ўзаро муроса қила олмай, бир-бирини ўлдирган туяларнинг сурати. Эркак туя энг ёвуз ҳайвонлардан бири ҳисобланади. Ибн Халдун ўзининг «Муқаддима»сида айтади:
Араблар туя гўштини еб, ундан рашк ва дағалликни олдилар. Туркий халқлар от гўштини еб, ундан шиддат ва кучни олдилар. Европаликлар чўчқа гўштини еб, ундан даюсликни олдилар. Занжилар (африкаликлар) маймун гўштини еб, ундан ўйин-кулгуга муҳаббатни олдилар.
Ибн Қаййим раҳматуллоҳи алайҳи шундай деганлар: «Ҳар ким ҳайвонот турларидан бирига ўрганса, унинг табиатидан ва хулқидан ўзлаштиради, агар гўштини ейдиган бўлса, ўхшашлик янада кучлироқ бўлади»

ПС: Фақат мол гўшти, қўй гўштини ейди бизникилар, зерикса балиқхўрлик қилишади ёки жигарни ейди, сихлаб)))

Olimjon Suyarov sahifasidan

https://www.tg-me.com/odamlar_orasida2

Ғазолик ўқтувчининг ижтимоий тармоқдаги сўнги хабари: «Энди билдингизми нима учун охирги замонда тошлару дарахтлар гапиришини? Чунки одамлар жимлиги учун!»

Эҳ, эссиз икки миллиард мусулмон…

https://www.tg-me.com/odamlar_orasida2

Бўлган воқеа

Талабалик даврим эди. Бухоро шаҳридаги "Тагбанд бафон" масжиди хизматларини қилиб, ўша ерда ётиб-турар эдим.

Имом - Тоҳиржон домла эдилар. У киши жуда парҳезкор, омма олдида ўз тақволари ила танилган устозлардан эдилар.

Бир куни Тоҳиржон домла билан суҳбат қилиб турган эдик, бизга ўз ҳаётларида содир бўлган ажойиб ибратли ҳодисани айтиб бердилар.
Келинг, ҳикояни ўзларидан эшитамиз:
- Бир инсон олдимга келиб, - Домла сизга ўз аёлимни ислоҳ қилиш учун маслаҳат сўраб, нажот истаб келдим, - деди.
- Хўп, қандай маслаҳат экан, деб сўрадим.
- Домла, аёлим билан ҳеч келишмаймиз, фақат уруш-жанжал ишимиз.
- Нега, нима сабабдан жанжал қиласизлар?

- Домла, аёлим ҳеч айтганимни қилмайди. Аллоҳнинг буйруқларини, фарз қилган амалларни бажармайди. Аллоҳ буюрганидек кийиниб, рўмол ўраб юрмайди. Аллоҳнинг истиқоматида эмас. Мен ҳар қандай сабаб йўлларини қилдим, қани ислоҳга келса. Яхши гапирдим, танбеҳ бердим, қаттиқ койидим, ҳеч тўғри йўлга сололмаяпман. Фақат бир йўл қолди: аёлим билан ажрашмоқчиман. Бошқа чорам қолмади.

Шунда мен: - Ҳамма сабабларни қилибсиз-ку, асосий сабаб қолиб кетибди-да! Аллоҳдан дуо қилиб, кечалари таҳажжуд ўқиб, Ўзидан ёрдам сўрадингизми? Бу амалга неча кун риоя қилдингиз? Қирқ кун қиёмул лайл ўқиб, Аллоҳдан аёлингизга ҳидоят сўраб, илтижо қилинг. Аллоҳ албатта дуоларни қабул қиладиган буюк Зотдир. Аллоҳ меҳрибон, иншаАллоҳ дуоларингизни мустажоб қилиб, аёлингиз ҳидоят топади. Шу амални қилиб менинг олдимга келинг, - дедим.

Биродаримиз бу амални ҳечам қилмаганини, шунга риоя қилишини ваъда бердию, уйига кетди. Орадан айтилган муддат ўтди.

Биродаримиз олдимга келди ва ташаккур айтди:
- Тоҳир домла, сизга раҳмат! Сиз айтганингиздек, ҳар кун кечалари туриб, пойи-таҳорат олиб, таҳажжуд намозини ўқиб, қалбимнинг тубидан ихлос билан Аллоҳга илтижо қилдим. Аёлимга ҳидоят сўраб, дуолар қилдим. Аёлимга ҳеч нарса гапирганим йўқ.

Фақат, Аллоҳга муножот қилиб, дуо қилдим. Ҳидоят беришини сўраб, кечалари қоим бўлдим. Йиғлаб, фазли ила аёлимга ҳидоят беришини ёлвордим.

Аллоҳга ҳамдлар бўлсин-ки, аёлим ўз-ўзидан ҳидоятга кира бошлади. Шу қирқ кун ичида беш вақт намоз ўқишни ўрганди. Аллоҳ фарз қилган ҳижобни ўраб, доим менга итоат қилишини ваъда берди. Итоатсизлигидан хижолатда эканини айтиб узр сўради. Сизга катта раҳмат, домла. Энди аёлим билан ажрашишга ҳожат қолмади.

Аллоҳдан ёлвориб, дуо қилса, албатта ижобат қилар экан. Фақат, сўралганда ихлос ила сўралса кифоя экан, - деди.

https://www.tg-me.com/odamlar_orasida2

Judayam manfaatli suhbat bo’libdi. Albatta ko’ring.

https://www.youtube.com/live/8fxiQaAWocE?si=91fkcht7Keyl6S1M

✍️ Доғистоннинг улуғ шоири Расул Ҳамзатов ўзининг "Менинг Доғистоним" асарида шундай ёзади:

...Парижда мен тасодифан бир доғистонлик мусаввирни учратиб қолдим. Инқилоб йиллари у Францияга кетган ва ўша ерда бир италиялик аёлга уйланиб қолиб кетган экан. Мен ундан сўрадим:
— Нима учун ватанга қайтишни истамайсиз?
У жавоб берди:

— Энди жуда кеч, ёшликда у ердан ўтли қалб билан чиққандим, энди қуруқ суякнинг ўзини ватанга қандай қайтараман?

Уйга қайтгач, мен ўша парижлик ватандошимнинг қариндош-уруғларини излай бошладим. Буни қарангки, мени ажаблантириб, ўша одамнинг жудаям кексайиб қолган онаси ҳалиям ҳаёт экан.

— Сизлар авар тилида гаплашдингларми? — деб қўқисдан сўради кампир мендан.

— "Йўқ, биз таржимон орқали гаплашдик, мен рус тилида, у эса француз тилида"
— деб жавоб бердим мен.

Онаизор ўйчан, анча муддат жим сукут сақлади. У қора рўмоли билан юзини ёпди, аёллар фарзандлари ўлса шунақа қиладилар. Яна бироз жим тургач, у кескин тарзда деди:

— Расул, сен адашибсан, ўша одам менинг ўғлим эмас, у аллақачон ўлиб кетган. Менинг ўғлим ўзим ўргатган она тилини унутиши мумкин эмас!

https://www.tg-me.com/odamlar_orasida2

„ШПАНА“

Университетни янги битирган кезларим эди. „Одамлар нима деркин“ деган қиссам китоб бўлиб чиқди...

Озод Шарафиддинов, Субутой Долимов, Умарали Норматов, наманганлик қадрдонимиз, шоир ва олим Нуриддин Бобохўжаев, бир-икки мезбонлар билан Саричелек қўриқхонасига бордик. Тоғ устидаги кўл бўйида ётиб дам олдик. Кун бўйи чўмиламиз, ош-овқатни ўзимиз қиламиз. Бутун оламдан ажралиб, бир ҳафта радио эшитмасликка, соқол олмасликка, хуллас „ёввойи“ бўлиб юришга қарор қилганмиз...

Ўн кунлардан кейин юк машинасида тоғдан қайтиб тушдик. Соч-соқоллар ўсган, кийимлар афтодаҳол. Янгиқўрғон марказида тўхтаб тамадди қиладиган бўлдик. Йўл-йўлакай аллақандай магазинга кирдик. Чиройли қиз пештахта ортида китоб ўқиб ўтирган экан. Озод ака одатдаги „қитмирлик“ билан сўради:
– Синглим, нима китоб ўқияпсиз?
Қиз ғаши келиброқ бошини кўтарди. Индамай китобнинг муқовасини кўрсатди. Бу – менинг китобим эди. Ёш ёзувчи бунақа пайтда қандай аҳволга тушишини биласиз. Хурсандман. Нуқул илжаяман!

– Бунақа бемаъни китобларни ўқиманг, – деди Озод ака „шумлик“ қилиб.
Қизнинг жаҳли чиқиб кетди.
– Ўзингиз бемаъни! Китобни тушунмасангиз гапириб нима қиласиз!
Бизнинг оғиз – қулоқда. Озод ака менга қараб кулди.
– Кўрдингми, мухлисларинг кўпайиб қопти. – Кейин қизга тушунтирди. – Қўлингиздаги китобни мана шу бола ёзган. Беринг, дастхат ёзиб беради.

Қиз менга бошдан-оёқ қараб чиқди-да, жаҳл билан ғичирлади:
– Э, йўқол, шпана!
Довдираб қолдим. Қийқириқ, кулги...
Айниқса, кекса Субутой домла тиззасига уриб-уриб кулади. Йўқ, Озод ака амаллаб, қизни ишонтирди. Қўлидан китобни олиб, „Ҳурматли фалончихонга...“, деб энди дастхат ёза бошлаганимда ичкаридан башанг кийинган, тилла тишли киши чиқди. (Магазин мудири бўлса керак.)

– Хўш, нима шовқин? – деди қовоғини солиб. Озод ака нима гаплигини тушунтирди. Мудир ҳаммамизга бир-бир қараб чиқди-да, мендан сўради:
– Ҳужжатинг борми?
– Опке паспортингни! – деди Озод ака жаҳли чиққан бўлиб. Машина кабинасида қолган паспортимни олиб келишга мажбур бўлдим. Мудир аввал паспортга, кейин менга, ундан кейин китоб муқовасига қаради. Узоқ ўйланиб қолди.

– Фамилияси ўхшайди, – деди салмоқланиб, – сурати ҳам ўзига ўхшайди, аммо кўриниши ёзувчига ўхшамайди.
– Ана! – Субутой домла тантана билан кўрсаткич бармоғини осмонга бигиз қилди. – Ана! Одам танишни биларкансан-ку, ўғлим. Ёзган дастхатини кўргин! Ёзувчиям шунақа хунук ёзадими? Афтини қара, афтини! Тошканнинг хулигани-ку бу! Ҳа, қизим-а, содда қизим-а! Шунинг гапига ишондингми?!

Сотувчи қиз жаҳл билан мен дастхат ёзган варақни йиртди-да, ғижимлаб ерга улоқтирди...

😃 😃 😃

Ўткир Ҳошимов

https://www.tg-me.com/odamlar_orasida2

... ~ БИЛАСИЗМИ нима учун Росулуллоҳ соллаллоҳу ъалайҳи ва саллам қорин билан ётишни ман этганлар..?

... Дарҳақиқат, Пайғамбар соллаллоҳу ъалайҳи ва салламдан, у киши айрим саҳобаларини қорни билан (ётган ҳолда) ухлаётганини кўриб, унинг оёғини қимирлатиб шундай деганликлари ворид бўлган:
~ «Бу Аллоҳ таоло ғазабланадиган ётишдир..»...
(Бошқа) бир ривоятда эса:
~ «Батаҳқиқ, у ДЎЗАҲ аҳлининг ётишидир..» Абу Довуд ривоятлари.

1. Ўнг томонга ёнбошлаб ётиш тиббиётда ҳам тавсия этиладими?

Ҳа, бу замонавий тиббиётда ҳам тасдиқланган. Айниқса:
• Юрак-қон томир тизими учун енгил: чап ўпка кичикроқ бўлгани учун юракка босим камроқ бўлади.
• Ошқозон ва ҳазм тизимига қулай: гравитация таъсирида овқат енгилроқ ҳазм бўлади.
• Миядаги суюқлик оқимлари яхшиланади — бу нарса лимфа дренаж тизими билан боғлиқ. Илмий тадқиқотлардан бири шундай дейди:
«Ўнг томонга ёнбошлаб ётиш миядан чиқиндиларни тозалашда самарали»
— Journal of Neuroscience, 2015.

⸻

2. Қорин билан ётишнинг зарарлари ҳақиқатми?

Жуда эҳтимолга яқин ва тиббий жиҳатдан асосли. Қуйидагилар таъкидланган:
• Қорин билан ётишда умуртқа бузилиши: орқа ва белда оғриқ пайдо бўлиши мумкин, чунки табиий қомат бузилади.
• Ташқи нафас аъзоларига таъсир: оғиздан нафас олиш ортиши, бу эса оғиз қуриши, ҳуррак ва оғиздан ёқимсиз ҳид чиқишига олиб келиши мумкин.
• Ички аъзолар босимда қолади: ошқозон, жигар, юрак ва ўпкага ортиқча босим тушади.

⸻

3. Чап томонга ёнбошлашчи?
• Жигар (оғир аъзо) чап томонга “осилиб” қолади, бу юрак ва ошқозонга босим беради.
• Ошқозонда ҳазм секинлашади. Тадқиқотлар шуни кўрсатганки, чап томонда ётилганда ҳазм 2-3 соатга узаяди.

Хулоса:

Ҳадисда зикр қилинган ўнг томонга ёнбошлаб ётишнинг фойдалари ва қорин билан ётишнинг зарарлари замонавий тиббиёт томонидан ҳам тасдиқланган.

Албатта, ҳамма одамлар учун бир хил қоидалар йўқ — кимгадир махсус тиббий сабаблар билан бошқача тавсия берилиши мумкин. Лекин умумий тавсия сифатида Пайғамбаримиз соллаллоҳу алайҳи васалламнинг суннатлари билан тиббий тавсиялар бир-бирига мос келади.

https://www.tg-me.com/odamlar_orasida2