لا بيك جيه وتجي
ولا بيه حيل انساك..

تعَوفني وتِگدر بَدوني؟
ليش يا ثَالث عَيوني؟
لا تَخليني أحسب رمُوشي
وأغيبَك وأني گلب أُمَك عَليك
والله أطَيح وياك إذا مَابيّ اطيبك..

روحي بلايه روحك مني گامت تخاف..

أدري ما تِسوى لِچن بَعدك عَزيز
أذِكر سُويعات مِنك زينه
كَون تَرهَم چا نسيتك مِن زمان
لكن الياخذ مكانِك وينه ؟

چا من گتلك أثگل مو تكّسر الميزان .

أمس بالليل مر طيفك بالعيون.
وگعدت وياك ساعة او عاتبيتك.
فجأة وراح طيفك وفزت الروح.
گلبت الليل كلة او مالگيتك.

انا مو عريان وانفضهن نفض
وانهض ولا چَني
انا التمن علية مشتتات البال
خَذن ثلثين حيلي وكبرت سني .

انه چم مره
گتلك لا تعلمني عليك
هاك
هـسه شلون انام ابلايه اديك ..؟

گتلي من تعطش ترويك الچفوف
وهذا أنه العطشان وين چفوفك !
وگتلي إذا شَح النضر بعيوني شوف
شفت كل الناس بس ماشَوفك
وگتلي إذا جرحَك كبر برموشي روف
شو كبر جرحي وصغر معروفَك
أنه ادري رموشك اقوى من السيوف
شجاب گلبي وحطه بين سيوفك .

باجر كلنا جوه الكَاع
وفوگ من العمر طاري

يَنراد معشَر حلو
ولمة أحباب وكَيف

مَا ضل تعب مَاجاسَ رَوحي

جرحين جاب الوكت سلطهن عليه

رغم بُعدك بس بَعدك
هذاك انتِ العزيز الما يجي بعَدك.

ضعت وكمت مااعرف شريد
ضيعت احلامي الجبيره
وشيعت كلبي الشهيد
حتى اهلي استغربوني
اكعد يمهم بس بعيد !!

خايف اوصل لمرحله
وشطب الوادم
ومايضل انسان يمي
خايف افك بيوم گلبي
والگه بي جروحي وامي ..

15 شَعْبَان فُرْصَة مُنَاسَبَة إلَىٰ :
- تَرْكِ عَادَةٌ سَيِّئَةٌ لِأَجْلِ صَاحِبِ الزَّمَانِ .
- تَرْكُ الْأَغَانِي وَالْمُحَرَّمَات لِأَجْلِ صَاحِبِ الزَّمَان .
- ارْتِدَاء الْعَبَاء هَدِيَّة لِأَجْلِ صَاحِبِ الزَّمَان .