انا كواحد من الشباب يلي قدمو البكلوريا الحرا راحت علي سني الماضي ومالحقت اقدم انا كنت مطالع البطاقة وكلشي بس مالي خلق عدراسة وقلت بيني وبين حالي خليها لسني الجاي وبتبلش دراسي من الصيفية المهم لما اجت الصيفية كل ماجي افكر ادرس ايضيق خلقي اشقشق الكتب المهم ماهتم وكل مايسالوني اهلي عم تدرس اقلهم اي لاكن حبل الكزب قصير مابدو ياني الله اكفي كزبتي ضليت اكزب لاجت ابل الفحص 25يوم عم تسالني امي شو جاهز للفحوصة قلتلا مالي مراق اقدم السني مابدي وصارت تعيط علي وتقلي ليش كزبت علي انك عم تدرس وكان في ابي وعصبو علي طلعت برا البيت وصرت ادرج شفت لاستاذ يلي كان واعدني يدرسني طول السني سالتو خرج درسني قلي صفايح المهم انا افهمتا يعني مابتلحق( بترسب )رحت علبيت ومقهور من كلامو وهون كان باقي للفحوصا 15يوم وحسيت حالي ماعد خرج اكمل نزلت اقضي شغلي بلبلد بحمص وانا راجع على الكراج شفت صديقتي ولمهم صرنا نحكي وندردش سوا وقالتلي شو عم تدرس قلتلا ماني عم ادرس طلعت بطاقة البكلوريا ومادرست ولا استاذ كان يستقبلني قالتلي بكرا باخدك عند استاذي قلتلا خاف يخجلني قالتلي وقتها انو اذا الك نصيب بستقبلك ورحت تاني يوم الصبح معاها وصلنا عند لاستاذ وصار يحكيني وانا مبصوت عندي امل مابعرف ليش قلي بتجي لعندي بكرا قلتلو تمام كان باقي للفحص 13يوم وصرت ادرس درست كلشي وعدراستي قلت انو لازم انجح واجا يوم لفحوصا وصرت واروح على الفحص مبصوت متفائل مدري ليش احس انو انا قادر اخدا المهم بفحص العربي تلبكت لنو خبصت كتيرمدري شو صرلي جمعت كلشي كتبتو قواعد طلعو 210 وكنت كاتب صفحتين بلموضوع تبع الشواهد ولموضوع تاني خبصتو ودياني خبصت شوي بسبة انو الاية ماشكلت عليها شي وفي نص لاسالي ماحليتا المهم قلت راح ارسب وماوقفت تقديم ضليت متاكد اني راح اخدابتكميلي وخلصت لفحوصا وانا انتظر نتائج بدقيقة كل يوم انتظر اقول بكرا تطلع ولبهدو تطلع اجا اليوم يلي طلعت في النتائج وطلعت ناجح حسيت انو الدنيي ضحكتلي مدري شو شعوري ولحمدالله هوي في كمالي بس تعبو اصبيعي من الكتابة 😅😅
💙😍
انا طالبة بكلوريا 2023 دراسة حرة
قدمت التاسع عام 2009 ونجحت فيها
بوقتها وقفت وما كملت دراسة وهلق بعد 14 سنة قررت ارجع كمل دراستي بشهر 11من 2022 وقدمت ع السبر بمعجزة لان كان خالص التسجيل ع السبر بس الله وقف ناس جنبي دعمتني وساعدتني وقدمت سبر ونجحت لحمد ونجاح السبر كان حافز قوي لحتى ادرس اكتر للفحص النهائي وفعلاً درست وشديت ع حالي رغم اني بشتغل وعندي بلبيت ظروف اهلي كانو ضدي بدراستي كنت عاني بشغلي وبلبيت ورغم كلشي ما استسلمت وكمل وضليت عم ادرس لو لساعات قليلة والله اكرمني بنجاح رغم ساعات القليلة من الدراسة الا اني دورة اولى جمعت 140من 220 انا بشوف هاد انجاز لان الظروف الي عشتها صعبة ولحمد لله الله ما بيضيع تعب حدا وان شاء الله رح احسن مادتين وان شاء الله ارفع مجموعي بأذن الله🥰🥰
انا طالبة بكلوريا 2023 دراسة حرة
قدمت التاسع عام 2009 ونجحت فيها
بوقتها وقفت وما كملت دراسة وهلق بعد 14 سنة قررت ارجع كمل دراستي بشهر 11من 2022 وقدمت ع السبر بمعجزة لان كان خالص التسجيل ع السبر بس الله وقف ناس جنبي دعمتني وساعدتني وقدمت سبر ونجحت لحمد ونجاح السبر كان حافز قوي لحتى ادرس اكتر للفحص النهائي وفعلاً درست وشديت ع حالي رغم اني بشتغل وعندي بلبيت ظروف اهلي كانو ضدي بدراستي كنت عاني بشغلي وبلبيت ورغم كلشي ما استسلمت وكمل وضليت عم ادرس لو لساعات قليلة والله اكرمني بنجاح رغم ساعات القليلة من الدراسة الا اني دورة اولى جمعت 140من 220 انا بشوف هاد انجاز لان الظروف الي عشتها صعبة ولحمد لله الله ما بيضيع تعب حدا وان شاء الله رح احسن مادتين وان شاء الله ارفع مجموعي بأذن الله🥰🥰
💚💚💚💚💚💚
انا كنت ادرس بكلوريا وحرفيا ما اخدت غير جلسات انكليزي وكل كنت اخدو على النت من الفلسفة الباقي المواد قبل الامتحانات رحت على المعهد قام استاذ هنيك حكالي انت ما راح تجيبي بالفلسفة علامات النص وسألت المشرفة نسرين وحكتلي انو كل الطلاب بتدرس مع الاستاذ نجيب حسن وبجيبو والحمد الله تعبي ما راح عبث وجبت بالفلسفة٣٧٠ ومجموعي صافي بالبكلوريا ١٩٥ من دون لغة ولا دين وللعلم انا طالبة حر🥺
انا كنت ادرس بكلوريا وحرفيا ما اخدت غير جلسات انكليزي وكل كنت اخدو على النت من الفلسفة الباقي المواد قبل الامتحانات رحت على المعهد قام استاذ هنيك حكالي انت ما راح تجيبي بالفلسفة علامات النص وسألت المشرفة نسرين وحكتلي انو كل الطلاب بتدرس مع الاستاذ نجيب حسن وبجيبو والحمد الله تعبي ما راح عبث وجبت بالفلسفة٣٧٠ ومجموعي صافي بالبكلوريا ١٩٥ من دون لغة ولا دين وللعلم انا طالبة حر🥺
🌸💙🌸💙🌸
انا بالنسبة الي البكالوريا كانت مرحلة كتير صعبة لأني من التاسع ع الترشيحي ع البكالوريا دغري وفي شغلات كتير جديدة علي
مع هيك بذلت قصار جهدي واستنزفت كل طاقتي حتى انجح وفرّح اهلي وشوف نتيجة ترضي خاطري ،
لكن كانت عندي مشكلة بالانكليزي والفرنسي وبظن اكثر الطلاب الاحرار هيك وكنت كتير يائسة من هالمادتين ..
ف دخلت كروب ديني مرة ولقيت منشورات وقصص كتير تحكي عن المواظبة على سورة البقرة يومياً وحكولي عن معجزاتها في تحقيق الاهداف والامنيات ف قررت داوم عليها يومياً ..
وهالمادتين تركتهن ع التوكل
ف يوم قدمت انكليزي وفرنسي رجعت كثير مقهورة لأني متأكدة مية مية إني راسبة فيهن لأن ماحليت منيح
ومع هيك ماقطعت الامل وضليت اطلب من ربي النجاح والتيسير
و من طلعت النتيجة الحمدلله ناجحة بالمواد كلها وهذا كلو بفضل ربي ومعجزاته ❤️
انا بالنسبة الي البكالوريا كانت مرحلة كتير صعبة لأني من التاسع ع الترشيحي ع البكالوريا دغري وفي شغلات كتير جديدة علي
مع هيك بذلت قصار جهدي واستنزفت كل طاقتي حتى انجح وفرّح اهلي وشوف نتيجة ترضي خاطري ،
لكن كانت عندي مشكلة بالانكليزي والفرنسي وبظن اكثر الطلاب الاحرار هيك وكنت كتير يائسة من هالمادتين ..
ف دخلت كروب ديني مرة ولقيت منشورات وقصص كتير تحكي عن المواظبة على سورة البقرة يومياً وحكولي عن معجزاتها في تحقيق الاهداف والامنيات ف قررت داوم عليها يومياً ..
وهالمادتين تركتهن ع التوكل
ف يوم قدمت انكليزي وفرنسي رجعت كثير مقهورة لأني متأكدة مية مية إني راسبة فيهن لأن ماحليت منيح
ومع هيك ماقطعت الامل وضليت اطلب من ربي النجاح والتيسير
و من طلعت النتيجة الحمدلله ناجحة بالمواد كلها وهذا كلو بفضل ربي ومعجزاته ❤️
💚💚💚💚💚💚💚
انا عندي 3 اطفال بربيهم لحالي عمري 26 سنه وتاركه الدراسه من 10 سنين
وقررت قبل الامتحان ب 3 شهور اقدم بكالوريا حره درست لحالي بالبيت دراسه مكثفه بشهرين ونص خلصت المنهاج كامل مع اعاده مستمره للمواد والفضل بعد رب العالمين للاستاذ القدير نجيب حسن لولا مكنت خلصت المنهاج وتفوقت بالفلسفه بعلامه 380 والاستاذ همام حمدان الله يجزي الخير وطلعت بمجموع 2298 وبحب احكي لكل واحد مقبل ع البكالوريا واي شي بالحياه انو مافي شي مستحيل بس الشغله بدها اراده وبالتوفيق للجميع
انا عندي 3 اطفال بربيهم لحالي عمري 26 سنه وتاركه الدراسه من 10 سنين
وقررت قبل الامتحان ب 3 شهور اقدم بكالوريا حره درست لحالي بالبيت دراسه مكثفه بشهرين ونص خلصت المنهاج كامل مع اعاده مستمره للمواد والفضل بعد رب العالمين للاستاذ القدير نجيب حسن لولا مكنت خلصت المنهاج وتفوقت بالفلسفه بعلامه 380 والاستاذ همام حمدان الله يجزي الخير وطلعت بمجموع 2298 وبحب احكي لكل واحد مقبل ع البكالوريا واي شي بالحياه انو مافي شي مستحيل بس الشغله بدها اراده وبالتوفيق للجميع
يعطيكن العافية كمان انا حابة احكي قصتي . عمري 18 عمر طبيعي للبكالوريا قدمت تاسع ونجحت الحمدلله صار معي ظرف وتركت المدرسة سنتين وهل سنة رجعت قدمت سبر ترشيحي جمعت 810🥰 وبلشت دراسة للبكالوريا يعني اعتبر درست 3سنين بسنة والحمدلله درست للبكالوريا وبفضل الله والاساتذة نجحت جمعت1900 وطبعا ما بنسى ملك الفلسفة( نجيب حسن ) اللي بفضلو وبفضل اعطائو اللي بجنن حبيت المادة ودرستها عن فهم اكتر من الحفظ 😍 وطبعا كل الاساتذة اللي ع التلغرام الهم فضل 😇 #وبتمنى لكل طالب بكالوريا 2024 التوفيق ويجمع متل ما بيحب 🩵
بوت تواصل:
انا قدمت بكلوريا ٢٠١٥/٢٠١٦ كنت بنص لسنة توفى والدي وتدهورت حالتي النفسية والمالية وعشت ايام الله بيعلم كيف مرقت عليي وماكان نصيبي انجح هديك لسنة وبعدا تزوجت وبعد كم سنة من زواجي صار عندي بنوتة متل القمر والحمد لله وطبعا بين هالكم كلمة مرقنا بظروف ونقلنا من بيوت وتوفى يلي توفى وقصص كتير لحد مااجا وقت صارت قرايبتي بكلوريا وقررت قدم بس الوضع ماساعدني ابدا ابدا ومع كل هاد ضليت حاطة براسي اخدا قدمت ع فرع الادبي فكرتو اسهل 😅 وقلنا ياكريم كل يوم نيم بنتي واقعد ادرس يلي الله بقدرني عليه وطبعا مع طبخ وتنظيق ونفخ كل النهار وعدا عن قصص مابتكون بلحسبان
الله بيعلم قديش تعبت وتحملت وتخطيت حتى قدرت حقق حلمي ونجحت كرمال عيون بابا الله يرحمو ماخليتها بخاطرو وحققتلو حلمو وكملت دراستي والحمد لله
جمعت ١٩٣١/من ٢٦٠٠ هو مجموع مو عالي بس مبسوطة فيه لان كلو من تعبي ولا اعتمدت ع شي ولا تنقيل ولا غش ولا أي قصة الحمد لله كل علامة كنت حصلا بدموع عيوني
انا قدمت بكلوريا ٢٠١٥/٢٠١٦ كنت بنص لسنة توفى والدي وتدهورت حالتي النفسية والمالية وعشت ايام الله بيعلم كيف مرقت عليي وماكان نصيبي انجح هديك لسنة وبعدا تزوجت وبعد كم سنة من زواجي صار عندي بنوتة متل القمر والحمد لله وطبعا بين هالكم كلمة مرقنا بظروف ونقلنا من بيوت وتوفى يلي توفى وقصص كتير لحد مااجا وقت صارت قرايبتي بكلوريا وقررت قدم بس الوضع ماساعدني ابدا ابدا ومع كل هاد ضليت حاطة براسي اخدا قدمت ع فرع الادبي فكرتو اسهل 😅 وقلنا ياكريم كل يوم نيم بنتي واقعد ادرس يلي الله بقدرني عليه وطبعا مع طبخ وتنظيق ونفخ كل النهار وعدا عن قصص مابتكون بلحسبان
الله بيعلم قديش تعبت وتحملت وتخطيت حتى قدرت حقق حلمي ونجحت كرمال عيون بابا الله يرحمو ماخليتها بخاطرو وحققتلو حلمو وكملت دراستي والحمد لله
جمعت ١٩٣١/من ٢٦٠٠ هو مجموع مو عالي بس مبسوطة فيه لان كلو من تعبي ولا اعتمدت ع شي ولا تنقيل ولا غش ولا أي قصة الحمد لله كل علامة كنت حصلا بدموع عيوني
ادعولها كتير💙🌸
أنا متزوجة وعندي ولاد وزوجي عسكري واعدة بيت حماي ودرست بالبيت عن طريق نت تلغرام ويوتيوب كان في تشجيع كبير من اهلي بس لباقي لا أحيانا وانا عم ادرس ابكي واحيانا ابكي لان تمر ايام وماعندي وقت ادرس ومرقت بظروف صعبة كتير بس مع هيك ما استسلمت وحاولت ونجحت بالاخر صح يمكن ماطلعلي لشي لبدي ياه بس مع هيك انا فرحانه ورضيانه وهلا عم حاول علي علامتي بالعربي حتى وصل لبدي ياه دعولي بليز
أنا متزوجة وعندي ولاد وزوجي عسكري واعدة بيت حماي ودرست بالبيت عن طريق نت تلغرام ويوتيوب كان في تشجيع كبير من اهلي بس لباقي لا أحيانا وانا عم ادرس ابكي واحيانا ابكي لان تمر ايام وماعندي وقت ادرس ومرقت بظروف صعبة كتير بس مع هيك ما استسلمت وحاولت ونجحت بالاخر صح يمكن ماطلعلي لشي لبدي ياه بس مع هيك انا فرحانه ورضيانه وهلا عم حاول علي علامتي بالعربي حتى وصل لبدي ياه دعولي بليز
انا بدي احكي قصتي مع البكالوريا وصدمة الكل بنجاحي وعلاماتي
انا صرلي ٩ سنين منقطعة عن الدراسة تركت بسبب الأحداث يلي صارت بسوريا وسافرت وما قدرت ادرس برا بسبب الظروف المادية
ورجعت من شي سنة ولأني بحب وبعشق الدراسة قررت ارجع ادرس وطبعاً ناسية كلشي ومايعرف اي شي عن منهاج سوريا وقدمت بكالوريا حر طبعاً كتب ما عندي ومدرسة مافي ومعهد مافي وما اخدت ولا جلسة خصوصي ولاجبت ولا استاذ
درست من الجوال والله بعتلي اساتذة شرحولي كل المنهاج ومنهم يلي كنت انبسط لما اسمعو الاستاذ نجيب حسن وطبعاً كنت عطول اسمع جمل متل ( انو يلي درسوا نظامي ما نجحوو من اول سنة وكيف رح تستوعبي ع الجوال وبنت خالتك اخدت طول السنة جلسات ودروس وما نجحت كيف انتي بدك تنجحي ) ومن هالحكي بس انا ما كنت رد ع اي حدا وكملت وقدمت والحمدلله بفضل الله نجحت وجبت اعلى من يلي درسوا نظامي وجلسات ومعاهد ومدارس
واهلي انبسطوا فيني كتير وما توقعوا انجح وجيب هيك علامة وهلأ بدي ادرس ادب انكليزي صرت قللهم خايفة منو صعب يقلولي يلي تخطى البكالوريا بعد كل هالسنين مافي شي بيصعب عليه هههه صار هنن واثقين انو انا قدها وهي قصتي مع البكالوريا
انا صرلي ٩ سنين منقطعة عن الدراسة تركت بسبب الأحداث يلي صارت بسوريا وسافرت وما قدرت ادرس برا بسبب الظروف المادية
ورجعت من شي سنة ولأني بحب وبعشق الدراسة قررت ارجع ادرس وطبعاً ناسية كلشي ومايعرف اي شي عن منهاج سوريا وقدمت بكالوريا حر طبعاً كتب ما عندي ومدرسة مافي ومعهد مافي وما اخدت ولا جلسة خصوصي ولاجبت ولا استاذ
درست من الجوال والله بعتلي اساتذة شرحولي كل المنهاج ومنهم يلي كنت انبسط لما اسمعو الاستاذ نجيب حسن وطبعاً كنت عطول اسمع جمل متل ( انو يلي درسوا نظامي ما نجحوو من اول سنة وكيف رح تستوعبي ع الجوال وبنت خالتك اخدت طول السنة جلسات ودروس وما نجحت كيف انتي بدك تنجحي ) ومن هالحكي بس انا ما كنت رد ع اي حدا وكملت وقدمت والحمدلله بفضل الله نجحت وجبت اعلى من يلي درسوا نظامي وجلسات ومعاهد ومدارس
واهلي انبسطوا فيني كتير وما توقعوا انجح وجيب هيك علامة وهلأ بدي ادرس ادب انكليزي صرت قللهم خايفة منو صعب يقلولي يلي تخطى البكالوريا بعد كل هالسنين مافي شي بيصعب عليه هههه صار هنن واثقين انو انا قدها وهي قصتي مع البكالوريا
بوت تواصل:
أنا كنت طالبة علمي حطولي أهلي معهد صيفي وشتوي وكتير تعبو معي بس ماكنت بعرف قيمة الدراسة وكنت طايشة همي الرفقات والطلعات والمشاوير امي مابتخليني اطلع كرمال الدراسة قام صرت اكذب عليها وقول انو في عندي دروس واطلع شي مشوار لحد ما خلصت السنة من دون ماحس وصرنا بالانقطاع وانا بس بحضر الدروس وبكتب دفاتري كاملة مو منقصة شي بس مو فهمانة ولاحرف صرت افتح الدفاتر والكتب لادرس ما افهم شي قام صير التهي ويمضى النهار من دون دراسة وقلت بلكي بكرة ان شاء الله بصير تنقيل بنجح وقت اجا الفحص صار شوية تنقيل وكان معي رفقاتي بالقاعة بس ما قدرت استفيد لأنو ينقلوني ما افهم عليهن ما أعرف شو اكتب والعلمي كلنا منعرف انو اذا الواحد مو فهمان مستحيل يقدر يتنقل المهم خلصنا فحص وأكيد برسب بس أنا حدا متفائل زيادة عن اللزوم ضل عندي أمل انو ممكن انجح لطلعت النتائج صرت ابكي انقهرت مع اني بعرف حالي ما تعبت أبدا🤣🤦♀️ اجت السنة التانية قررت قدم امي قالتلي ريحي هي السنة ويللي بعدها بتقدمي وقسمي المواد عسنتين هيك بتجيبي التفوق برياحة استشرت رفقاتي الأغلبية سندوني ودعموني وصارو يقلولي انو انتي قدها وخلصي منها وبلا ماتروح سنة من عمرك وانا اقتنعت قام بلشت ادرس بجد عالفصل التاني جابتلي ماما أساتذة خصوصي عالبيت كلن قالولي كيف رسبت وهيي بهالذكاء وممتازة ويعملولي امتحانات جيب علامات تامة او ينقصني كم علامة بالرياضيات عندي استاذي جبت ٥٥٠ وفيزياء وكيماء وعلوم يارحلي علامتين يا اما سكرتن ماني متذكرة انبسطت كتير بس الغلط يللي عملتو حضرتي انو بدل مايكون هالشي حافز الي خليت همتي تروح وانو خلص صارت البكالوريا بجيبتي🙂 قام بطلت ادرس ويجي الاستاذ يقلي شدي همتك مارد ومليت ومدري كيف اجا الامتحان رحت قدمت الفيزيا قام قلت لحالي بدي شوف المسئلة التقيلة شو هيي قام طلعت بالأسئلة وأنا عمبقرأن ومبسوطة انو كلن حليت منن وكلن بعرفن وهاد الغلط التاني الغبي يللي عملتو🤦♀️ صرت حل ماعد طلع معي حل أبدا وصرت ادمج القوانين ببعض وهون فرط قلبي بكي والرياضيات عطيت البنت يللي كانت ورايي كتبت كلشي مني وطلعت لتقينا بتكميلي الفيزيا طلعت جايبة ٥٠٠ وانا رسبت وماكتبت من حدا غيري لقول بجوز عندي أغلاط بس الحمد الله عنا التصحيح كتير عادل
هون تسكرت الدنيا بوشي وقررت اترك الدراسة وماكفي وأهلي كتير بحبو الدراسة ونقهرو حاولوا يقنعوني بس دائما كنت بس يفتحو سيرة الدراسة سكرلن اياها وقلن الموضوع منتهي ضليت سنة كاملة قاعدة ماعمبعمل شي وماضل حدا من الأشخاص يللي بحبن الا وحكا معي ومارديت لحتى اجا يوم نخطبت لشخص خطبة تقليدية وأهلو بحبو الدراسة واخواتو بعد مانقطعو فترة طويلة رجعو للدراسة وفاتو شي حقوق وشي صيدلة وشي طب فصاروا يقنعوني هون انا كنت حبيت الشي قام هوي أثر عليي سجلي معهد ودعمني كتير هوي وأهلي وبيت حمايي بس قررت قدم أدبي ماقدرت ارجع للعلمي وطبعا أنا ما اقتنعت للفصل التاني وقت سجلت لقيت كتير دروس راحت عليي بس قلت انا قدها وحطيت أملي ب الله وتعبت وكان استاذ أمجد كحلوني استاذ الاجتماعية واستاذ نصر خاروف استاذ العربي أكبر داعمين ومحفزين لالي بس ضليت آكلة هم الفلسفة ومتوقعة ارسب لآخر السنة سمعت عن الاستاذ نجيب حسن تابعتو عالتلغرام وحضرت جلسة عندو والله يجزي الخير جبت ٣٥٠ من ٤٠٠ ونجحت الحمد الله وخلصت ... 🥰😍 صح طولت بالحكي كتير بس هي قصتي وحاولت اختصر 😊
والمهم من كل هاد والخلاصة انو البكالوريا سنة علينا ولازم ناخدها وهيي مو متل مامنسمع عنها ومنخاف منها عفكرة اذا الواحد بتابع من اول السنة مع استاذ منيح للمادة وبيدرس كلشي اول بأول بجيب علامات عالية برياحة وفي شي كتير مهم الثقة بالنفس والجهد والثقة ب الله ورضا الأهل مابتتوقعوا رضا الأهل والله شو الو تأثير .. موفقين الجميع والله مابضيع جهد حدا ..🥰
بعرف طولت كتير بس اندمجت بالحكي وهلق وقت بعتت لقيتن كتير طوال مابعرف اذا فيكن تنشروهن😅
أنا كنت طالبة علمي حطولي أهلي معهد صيفي وشتوي وكتير تعبو معي بس ماكنت بعرف قيمة الدراسة وكنت طايشة همي الرفقات والطلعات والمشاوير امي مابتخليني اطلع كرمال الدراسة قام صرت اكذب عليها وقول انو في عندي دروس واطلع شي مشوار لحد ما خلصت السنة من دون ماحس وصرنا بالانقطاع وانا بس بحضر الدروس وبكتب دفاتري كاملة مو منقصة شي بس مو فهمانة ولاحرف صرت افتح الدفاتر والكتب لادرس ما افهم شي قام صير التهي ويمضى النهار من دون دراسة وقلت بلكي بكرة ان شاء الله بصير تنقيل بنجح وقت اجا الفحص صار شوية تنقيل وكان معي رفقاتي بالقاعة بس ما قدرت استفيد لأنو ينقلوني ما افهم عليهن ما أعرف شو اكتب والعلمي كلنا منعرف انو اذا الواحد مو فهمان مستحيل يقدر يتنقل المهم خلصنا فحص وأكيد برسب بس أنا حدا متفائل زيادة عن اللزوم ضل عندي أمل انو ممكن انجح لطلعت النتائج صرت ابكي انقهرت مع اني بعرف حالي ما تعبت أبدا🤣🤦♀️ اجت السنة التانية قررت قدم امي قالتلي ريحي هي السنة ويللي بعدها بتقدمي وقسمي المواد عسنتين هيك بتجيبي التفوق برياحة استشرت رفقاتي الأغلبية سندوني ودعموني وصارو يقلولي انو انتي قدها وخلصي منها وبلا ماتروح سنة من عمرك وانا اقتنعت قام بلشت ادرس بجد عالفصل التاني جابتلي ماما أساتذة خصوصي عالبيت كلن قالولي كيف رسبت وهيي بهالذكاء وممتازة ويعملولي امتحانات جيب علامات تامة او ينقصني كم علامة بالرياضيات عندي استاذي جبت ٥٥٠ وفيزياء وكيماء وعلوم يارحلي علامتين يا اما سكرتن ماني متذكرة انبسطت كتير بس الغلط يللي عملتو حضرتي انو بدل مايكون هالشي حافز الي خليت همتي تروح وانو خلص صارت البكالوريا بجيبتي🙂 قام بطلت ادرس ويجي الاستاذ يقلي شدي همتك مارد ومليت ومدري كيف اجا الامتحان رحت قدمت الفيزيا قام قلت لحالي بدي شوف المسئلة التقيلة شو هيي قام طلعت بالأسئلة وأنا عمبقرأن ومبسوطة انو كلن حليت منن وكلن بعرفن وهاد الغلط التاني الغبي يللي عملتو🤦♀️ صرت حل ماعد طلع معي حل أبدا وصرت ادمج القوانين ببعض وهون فرط قلبي بكي والرياضيات عطيت البنت يللي كانت ورايي كتبت كلشي مني وطلعت لتقينا بتكميلي الفيزيا طلعت جايبة ٥٠٠ وانا رسبت وماكتبت من حدا غيري لقول بجوز عندي أغلاط بس الحمد الله عنا التصحيح كتير عادل
هون تسكرت الدنيا بوشي وقررت اترك الدراسة وماكفي وأهلي كتير بحبو الدراسة ونقهرو حاولوا يقنعوني بس دائما كنت بس يفتحو سيرة الدراسة سكرلن اياها وقلن الموضوع منتهي ضليت سنة كاملة قاعدة ماعمبعمل شي وماضل حدا من الأشخاص يللي بحبن الا وحكا معي ومارديت لحتى اجا يوم نخطبت لشخص خطبة تقليدية وأهلو بحبو الدراسة واخواتو بعد مانقطعو فترة طويلة رجعو للدراسة وفاتو شي حقوق وشي صيدلة وشي طب فصاروا يقنعوني هون انا كنت حبيت الشي قام هوي أثر عليي سجلي معهد ودعمني كتير هوي وأهلي وبيت حمايي بس قررت قدم أدبي ماقدرت ارجع للعلمي وطبعا أنا ما اقتنعت للفصل التاني وقت سجلت لقيت كتير دروس راحت عليي بس قلت انا قدها وحطيت أملي ب الله وتعبت وكان استاذ أمجد كحلوني استاذ الاجتماعية واستاذ نصر خاروف استاذ العربي أكبر داعمين ومحفزين لالي بس ضليت آكلة هم الفلسفة ومتوقعة ارسب لآخر السنة سمعت عن الاستاذ نجيب حسن تابعتو عالتلغرام وحضرت جلسة عندو والله يجزي الخير جبت ٣٥٠ من ٤٠٠ ونجحت الحمد الله وخلصت ... 🥰😍 صح طولت بالحكي كتير بس هي قصتي وحاولت اختصر 😊
والمهم من كل هاد والخلاصة انو البكالوريا سنة علينا ولازم ناخدها وهيي مو متل مامنسمع عنها ومنخاف منها عفكرة اذا الواحد بتابع من اول السنة مع استاذ منيح للمادة وبيدرس كلشي اول بأول بجيب علامات عالية برياحة وفي شي كتير مهم الثقة بالنفس والجهد والثقة ب الله ورضا الأهل مابتتوقعوا رضا الأهل والله شو الو تأثير .. موفقين الجميع والله مابضيع جهد حدا ..🥰
بعرف طولت كتير بس اندمجت بالحكي وهلق وقت بعتت لقيتن كتير طوال مابعرف اذا فيكن تنشروهن😅
استقبل أزهار الأمل في كلِّ الصباح وكأن الأمس ما كان مليئاً بشوك اليأس 🥰💙
#نسرين
#نسرين
موفقة 😍💙
مرحبا
وانا لح احكي تجربتي بالبكالوريا
الي ١١ سنة تاركة الدراسة عندي تلت أطفال كل سنة كنت اتمنى قدم وراقي وبلش بس خاف من الفشل كتير وخاصة البيئة اللي عايشتها الكل دارس ومتعلم وحتى زوجي
كتير كنت ادايق من وضعي وانو لازم بلش وحط حاجز لخوفي هيك لصار عندي أصغر ولد صف اول قلت لازم اتشجع وحتى لو فشلت اول مرة مالا اخر الدنيا بعيد .. سجلت بمعهد وبلشت بالدراسة ليل نهار كتير كنت متحمسة وبدي علامات ممتازة وادرس وادرس بالرغم من تعبي بيت وولاد ومسؤولية بس ماوقفت ابدا واحيانا ابكي من الإرهاق والتعب بس ارجع متل اول بعزيمة وإصرار والحمد لله جبت علامات ممتازة جمعت ٢٣٥٠ومرتبتي التالتة ع معهد وهلق مابعرف اذا بسجل حقوق او غير فرع كونو وضعي مالي متفرغة بس للدراسة شو بتنصحوني
مرحبا
وانا لح احكي تجربتي بالبكالوريا
الي ١١ سنة تاركة الدراسة عندي تلت أطفال كل سنة كنت اتمنى قدم وراقي وبلش بس خاف من الفشل كتير وخاصة البيئة اللي عايشتها الكل دارس ومتعلم وحتى زوجي
كتير كنت ادايق من وضعي وانو لازم بلش وحط حاجز لخوفي هيك لصار عندي أصغر ولد صف اول قلت لازم اتشجع وحتى لو فشلت اول مرة مالا اخر الدنيا بعيد .. سجلت بمعهد وبلشت بالدراسة ليل نهار كتير كنت متحمسة وبدي علامات ممتازة وادرس وادرس بالرغم من تعبي بيت وولاد ومسؤولية بس ماوقفت ابدا واحيانا ابكي من الإرهاق والتعب بس ارجع متل اول بعزيمة وإصرار والحمد لله جبت علامات ممتازة جمعت ٢٣٥٠ومرتبتي التالتة ع معهد وهلق مابعرف اذا بسجل حقوق او غير فرع كونو وضعي مالي متفرغة بس للدراسة شو بتنصحوني
مرحبا رح احكيلكن عن تجربتي مع البكالوريا قصة طويلة شوي بس حلوة
قدمت بكالوريا علمي وكان عندي عقدة بالرياضيات وكنت حاول دور على مشكلتي مع هالمادة وما لاقيها غيرت كتير اساتذة وغيرت طريقة دراستي وما في امل كل ما قدم سبر زفت فيه اكتر من المرة يلي قبل وكنت كل مرة ازعل على تعبي بهالمادة يلي عم يروح كب وكانت ابشع سنة بحياتي الموجهة تضل تقلي كسلانة ومرة حكتلي روحي قعدي بالبيت وقصص كتيرة متل هيك وفعلاً ما نجحت قدمت لإمتحان لأخير وكنت راسبة بالمواد العلمية وهون متل ايا طالب زعلت كتير ونقهرت على سنة راحت من عمري بس انا كنت سنة كاملة عم دور على مشكلتي مع الرياضيات وعرفت مشكلتي بآخر السنة وباليوم يلي طلعت فيه النتائج !! نتبهت اني راسبة بكل المواد العلمية بينما عربي وطنية لغات علاماتي حلوة
هون أخدت احلى قرار بحياتي عدت السنة وقلبت ادبي اول مرة بحس حالي بالمكان الصح كنت حس كل درس فلسفلة احلا من التاني بينما كانت حصة لرياضيات متل لهم على قلبي هون عرفت انو انا يلي عملت بحالي هيك رحت علمي بدون ما اعرف عنجد شو ميولي وطبعاً غيرت معهدي وسجلت بمعهد عنجد رتحت فيه وكنت آخد عند لإستاذ نجيب حسن فلسفة وفعلااً هو يلي حسسني انو رح اقدر انجح وقت سمعلي أول مرة وقلي وحشة مشالله عنك وصار دائماً يحسسني انو انا من الطلاب الشاطرين عندو هو لإنسان الوحيد يلي نساني كلام الموجهة البشع وقت قالتلي قعدي بالبيت و غيرني من انسانة راسبة لأنسانة ناجحة بدون ما ينتبه اصلاً عنجد الكلمة الحلوة بتفرق صرت دائماً ادرس فلسفة وجيب علامات تامة او شبه تامة وهلق من فترة طلعت النتائج وكنت ناجحة وبكل المواد تعتبر علاماتي حلوة بس لابد من شي ينزع فرحة النجاح نقهرت وقت شفت انو مو سكرا الفلسفة وطبعاً هاد من الظلم بالتصحيح ☹
الخلاصة يا جماعة شوفو حالكن بأيا فرع ممكن تأبدعو ودخلوه لا تفوت فرع حاسس حالك مو قدو ختار الشي يلي بتحس حالك رح تلاقي حالك فيه انا عنجد لاقيت حالي بلأدبي
قدمت بكالوريا علمي وكان عندي عقدة بالرياضيات وكنت حاول دور على مشكلتي مع هالمادة وما لاقيها غيرت كتير اساتذة وغيرت طريقة دراستي وما في امل كل ما قدم سبر زفت فيه اكتر من المرة يلي قبل وكنت كل مرة ازعل على تعبي بهالمادة يلي عم يروح كب وكانت ابشع سنة بحياتي الموجهة تضل تقلي كسلانة ومرة حكتلي روحي قعدي بالبيت وقصص كتيرة متل هيك وفعلاً ما نجحت قدمت لإمتحان لأخير وكنت راسبة بالمواد العلمية وهون متل ايا طالب زعلت كتير ونقهرت على سنة راحت من عمري بس انا كنت سنة كاملة عم دور على مشكلتي مع الرياضيات وعرفت مشكلتي بآخر السنة وباليوم يلي طلعت فيه النتائج !! نتبهت اني راسبة بكل المواد العلمية بينما عربي وطنية لغات علاماتي حلوة
هون أخدت احلى قرار بحياتي عدت السنة وقلبت ادبي اول مرة بحس حالي بالمكان الصح كنت حس كل درس فلسفلة احلا من التاني بينما كانت حصة لرياضيات متل لهم على قلبي هون عرفت انو انا يلي عملت بحالي هيك رحت علمي بدون ما اعرف عنجد شو ميولي وطبعاً غيرت معهدي وسجلت بمعهد عنجد رتحت فيه وكنت آخد عند لإستاذ نجيب حسن فلسفة وفعلااً هو يلي حسسني انو رح اقدر انجح وقت سمعلي أول مرة وقلي وحشة مشالله عنك وصار دائماً يحسسني انو انا من الطلاب الشاطرين عندو هو لإنسان الوحيد يلي نساني كلام الموجهة البشع وقت قالتلي قعدي بالبيت و غيرني من انسانة راسبة لأنسانة ناجحة بدون ما ينتبه اصلاً عنجد الكلمة الحلوة بتفرق صرت دائماً ادرس فلسفة وجيب علامات تامة او شبه تامة وهلق من فترة طلعت النتائج وكنت ناجحة وبكل المواد تعتبر علاماتي حلوة بس لابد من شي ينزع فرحة النجاح نقهرت وقت شفت انو مو سكرا الفلسفة وطبعاً هاد من الظلم بالتصحيح ☹
الخلاصة يا جماعة شوفو حالكن بأيا فرع ممكن تأبدعو ودخلوه لا تفوت فرع حاسس حالك مو قدو ختار الشي يلي بتحس حالك رح تلاقي حالك فيه انا عنجد لاقيت حالي بلأدبي
مرحبا انا اسمي كاردينيا عمري ٢٢ سنه تاركه المدرسه من التاسع سبع سنين ومتزوجه عندي ولدين وظروف كتير صعبه قررت اني ادرس وصير منتجه بالمجتمع قدمت ترشيحي ونجحت الحمدالله ودرست البكلوريا بس الفصل التاني من السنه ونجحت ومجموعي ١٥١ وسجلت ع تكميلي ومتابعه بطريقي وماكان اصعب من هسنه من جهه الظروف الاجتماعيه والاسريه وربي كان معي بكل خطوة وكل دعوه والف الحمدالله مافي شي بتسعى الو بروح ع الفاضي وربك مابضيع تعب حدا انا كنت قول مستحيل انجح لما فتتت ع الامتحان توكلت ع الله وبس مع انو ماخلصت كل الكتب لان مالحقت وكل الشكر للاستاذ نجيب حبيت الفلسفه بسبب اعطائو وكل الاساتذه الي تابعتون عنت واستفدتت شكرا كتير شدو الهمه السنه الجاي لازم تكون اهم سنه بكلوريا عندكن ٢٠٢٤ وفيكن تحققو المستحيل ..💙💙 "اسعى يا عبدي لاسعى معك ".
احكولها بالتعليقات 👇
مرحبا انا حابة ادرس بكالوريا بس امكانيتي المادة ما بتسمح ابدا اني سجل بأي معهد او حط اساتذة خصوصي ...
من تجاربكم شو بدي تابع ع التلغرام او اليوتيوب حتى احسن انجح بدي قدمها ادبي طبعا وبدي قدم الترشيحي يلي استفاد من اي قناة ع اليوتيوب او التلغرام رجاء يفيديني وشكرا الكم
مرحبا انا حابة ادرس بكالوريا بس امكانيتي المادة ما بتسمح ابدا اني سجل بأي معهد او حط اساتذة خصوصي ...
من تجاربكم شو بدي تابع ع التلغرام او اليوتيوب حتى احسن انجح بدي قدمها ادبي طبعا وبدي قدم الترشيحي يلي استفاد من اي قناة ع اليوتيوب او التلغرام رجاء يفيديني وشكرا الكم
"كُلُّ العقباتِ التي كنتَ
تجزمُ أنكَ لن تتجاوزها
هي اليومَ خلفكَ
هذا لتعلمَ أن الله لا يُكلّفُ نفساً إلا وسعها" ❤️
تجزمُ أنكَ لن تتجاوزها
هي اليومَ خلفكَ
هذا لتعلمَ أن الله لا يُكلّفُ نفساً إلا وسعها" ❤️
جزء كبير من الراحه والإستقرار النفسي تجدها في المصالحه مع نفسك وذلك بأن تتقبل وضعك أياً كان وأن تتعامل مع ضروفك بواقعيه مهما كانت معقده وترحم نفسك من القلق والتفكير المستمر وتسلم زمام الأمور لخالقك ومدبر هذا الكون وتعيش تفاصيل حياتك ببهجه وراحه واكتفاء..
يلي عنده فلسفة ع التكميلي نزلنا اختبارات الكترونية ع قناة الفلسفة شوفوها😍😍😍😍