الايام الصعبة ما بتبقى
والتعب الكبير نهايته نجاح أكبر
لاتيأسوا ولا تملوا
رح تصير هل الايام أحلا ذكريات
#صباح الأمل رغم المرض والتعب
#صباح الشغلات الحلوة يلي ناطرتنا بآخر الطريق ..
#نسرين

من لم يجد كتفاً يبكي عليه في خيباته
سيقضي عمره كتفاً للآخرين في شتاء خيباتهم
فاقد الشيئ يعطي بالطريقة التي تمنى ان يحصل عليه
#نسرين

كيفكن طلاب الباك
يلي عنده مشكلة بالدراسة
او سؤال
يبعت ع البوت
@Nabd456_bot

كيفكن طلاااب
بعتذر كتير انو طولت عليلكن بس اليوم رح نزل المنشور المنتظر
مع مفاجأة وتحدي

الملل والكسل والخمول
كتير طلاب بعتتلي ع البوت عم تعاني من هل المشكلة
هلأ شوب الصيف خلص و اكتئاب الخريف خلص
وحجج ما في صار وقت تبلشوا بحماس كبير
اول شي اقتنعوا بهل الحكي واقنعوا العقل الباطني فيه
اول شي هل الروتين والبرنامج رح تلاقوا صعب بس بعد اسبوع رح ترتاحوا لما تلاقوا حالكن انجزتوا ودرستوا كميات رائعة ونفسيتكن رح تتحسن كتيرر
اولا جيبوا ورقة كبيرة وقلم اكتبوا عليها حلمكن
دكتور مهندس استاذ محامي
شو هدفكن من البكلوريا ويلي ماعنده حلم معين
يكتب ع هل الورقة العلامة الكاملة حسب فرعه
مع اسمكن وعبارة تحفيز حلوة وتاريخ اليوم
وعلقوها بغرفتكن او بالمكان. يلي بتدرسوا فيه
وبعدين الفيقة بكير حاولوا تفيقوا الصبح بكير أقصى حد 5 تكونوا فايقين
اول كم يوم حتى لو درستوا كلمتين معلش المهم تفيقوا بهاد الوقت ويوم عم يوم بتتنشطوا
والنومة بكير جسمك بحاجة راحة أقصى حد 12 تكونوا نايمين
ولما تدرسوا في فكرة حلوة جربوها
حطو منبه الموبايل ع ربع ساعة او نص ساعة
وقولوا هل الفقرة رح خلصها بهل المدة وبلش دراسة
هون مخك رح يفكر بشي واحد انو يخلص الدراسة قبل المنبه
وهيك مارح تفكروا باي شي ورح تدرس بتركيز كتير
وكمان جيبوا أقلام ملونة بتفيدكن
جيبوا أوراق اكتبوا عليها الفقرات يلي عم تنسوها او صعبة علقوها ع الحيط كل ما رحتوا واجيتو بالغرفة تشوفوها
وكمان المي كتير مهم للجسم والاكل طبعا لا حدا يفكر يعمل ريجيم هل الايام
حاولوا تشربوا مته او مي عادية خففوا الشاي والقهوة والدخان والاركيلة
وكمان لاتضلوا تدرسوا بنفس المكان لحتى ما تملو وتنعسوا
غيروا الاماكن ادرسوا ع البلكون بالغرفة التانية بالمطبخ
المهم كل هل الشغلات طرائق مساعدة
المكون الرئيسي لهل الوصفة السحرية هو أنت
لازم تاخد قرارك وتتجاهل كل شي بوقف بطريقك لانو عندك حلم بدك توصله.

#بتمنى تستفيدوا من هل النصايح
#يلي عنده اي سؤال حكوني ع البوت
@Nabd456_bot
#نسرين

رح نعمل تحدي صغير ويلي بيربح أله مكافأة حلوة😍💚

يلي بده يشارك يبعتلي اسمه وفرعه وكم درس بيخلص باليوم الواحد تقريبا
ع البوت
@Nabd456_bot
#نسرين

طلاب يلي شاركوا بالتحدي ما خلصتوا بعد الساعة ١٢ بيخلص الوقت

صباح البدايات الجميلة
لا تيأس من عدم تحقيق هدفك من المرة الأول
فقطرة الماء الرقيقة تحفر الصخر القاسي بالتكرار
#لاتتوب عن أحلامك
#صباح القوة
#نسرين

شوية اختبارات لطلاب السبرر اشتركوا بالقناة رح نزل كتير اختبارات
@najbhasan

الطلاب يلي كتير محتارة بقصة تنظيم الوقت والجدول الدراسي
وكيف لازم نخلص المنهاج
رح يكون في منشور بالتفصيل
#نسرين

صباح الأمل والرواق
صرتو999مشترك 💙💙💙
ولا مرة كنت من الناس يلي بتحتفل بأرقام المشتركين بالقناة
بس اليوم حسيت الرقم مميز
بتمنى ضل اقدر ساعدكن لتوصلوا لهدفكن
#كل التوفيق والحب
#نسرين

صباح الحب
كل يوم خلينا نبلش بداية جديدة
نرجع نحب حالنا
نحب أحلامنا
نحب شغفنا
مانربط حياتنا بأي شخص
الأشخاص متل ورق الخريف مصيرهم اي يوم يطيروا ويضيعوا
انت وحدك الشجر يلي رح يمرق عليها الصيف والخريف والشتاء رح يتعب بس لما يجي الربيع رح يرجع يزهر 🌸
#صباح التوفيق من رب العالمين
#احلامكن بانتظاركن لا تستسلموا لحظة .
#نسرين 🦋

كل مايخص السبر الترشيحي للبكلوريا

في أمل إيه في أمل
أوقات بيطلع من ملل
لا يغيب عني صوتها وهي تغني كل صباح عن الأمل برغم الألم
دائما هناك أمل💚💚
#نسرين

المشاركة رقم ( ٩ )
المتسابقة : نسرين
قناة : ارض الفن @klmyalrakii
جوائز رائعة بانتظاركم

في حلم رح يتحقق أكيد بس بده صبر وتعب كتير
مهما كان الطريق طويل ومتعب رح نمشي فيه لأنو بالأخير في حلم بتستاهل نضحي كرماله
#نسرين

اذا حسيتو شي يوم جرة الغاز عم تهرب
لا تفكروا تجربوها بالقداحة😂💔

#حمدالله ع سلامتي
#اسأل مجرب ولا تسأل حكيم😂💔

#تجربتي مع البكالوريا
#رح احكيلكن باختصار
#بلشت بالرحلة وقررت قدم بكالوريا بكير قبل ما دفعت 2020يقدموا الامتحانات
كونه ما كان عندي لا كتب ولا نوط ما كنت قادرة جيبهم لظروف خاصة
بلشت اسمع التسجيلات الصوتية للاستاذ العربي واكتب كلشي ملاحظات وقواعد خلصتهن
وبلشت بدرس واحد فلسفة بسس
بعدين
ب 3/8/2020 جبت شوية كتب من عند رفيقتي يلي خلصت بكالوريا
ولقيت أساتذة ع النت تابع معهم صار كل واحد يطلب نوطته وحاولت جيبهم
اول شي بلشت بالإنكليزي ركزت عليه مع قواعد العربي
وكان عندي سبر
. بس ما لحقت غير دراسة القواعد وقراءة شوية ملفات للسبر مجرد قراءة
بعدها قدمت والحمد الله نجحت لاني من معلوماتي حليت كل المواد ماعدا التاريخ اشتغل الحظ معي شوي
بعد السبر انتقلت ع بيت جديد وظروف جديدة كانت جدا صعبة رغم هيك انا يلي كنت انشر منشورات التفاؤل
ل رفقاتي كنت وقف معهم
قررت ما اخد دور الضحية لانو هاد اكتر دور خسران
قررت كون البطلة وحقق حلمي وحلم رفقاتي
كان باقي معي بس 200. يوم
كل كم يوم كنت حط برنامج وحاول لحلق كل المواد
ما كنت ضيع اي وقت دايما شغل تسجيلات الاستاذ طول اليوم حتى لما نام ضغطتت ع. حالي كتير نوم كنت نام ٥ ساعات او ٦ بس بشكل متقطع
عدت المنهاج ٣ مرات بشكل كامل بعدين صرت ادرس كل مادة واعمل مذاكرات وهيك
لبين ما اجا وقت الامتحانات بلشت دايما قضيتها مرض وصارت شغلات مالي حاسبة حسابها وظروف بشعة بس مع وهيك قويت حالي ودرست قد ما بقدر وتوكلت ع رب العالمين
#الفرحة يوم النتائج لا تعوض 1857 صافي
كان مجموع كتير منيح نسيت كل تعبي ودموعي
#النصيحة الاهم الكم بعدوا عن النت انا وصلت لمرحلة مسحت الفيس ورفقاتي ع تلغرام يلي ما بيدرسوا قلتلهم عندي دراسة مافيني احكيكم وحظرتهن
#الدراسة بدها تركيز وايجابية بعدوا عن الناس السلبية
#وادرسوا ولا تأجلوا اي شي للامتحانات انتو ما بتعرفوا شو الظروف. يلي رح تواجهكم وقتها
انا كنت جبت فوق ال 2000اكيد لو ما صارت معي ظروف
ولو مالي دارسة قبل الامتحانات منيح ما كنت نجحت.
#لسا معكن وقت كتير. أدرسوا. ولا تتكاسلوا
#كل التوفيق ألكن بكلوريات 2022
#نسرين

"الخيال أكثر أهمية من المعرفة. فبينما تحدد المعرفة كل ما نعرفه ونفهمه حاليًا ، يشير الخيال إلى كل ما قد نكتشفه ونخلقه حتى الآن "
#رساله_اليوم