أقوياء بأنفسنا
نعرف الطريق جيدا
ونملك أقداماً لنمشي
لا بأس إن كان الطريق مظلما بعض الشئ
النور في قلبك
ثق بنفسك ولا تعتمد على أحد جميعهم
مجرد أوهام لا أحد حقيقي انهم السراب
وحدك الحقيقة
#لا تستسلم
#نسرين

النجاح مش سهل ولكن مش مستحيل
انت ك طالب بكلوريا وعندك عقل
لازم تفكر صح وترتب اولوياتك
اولويتك هي السنة هي النجاح وبأفضل العلامات
اقعد مع حالك أسأل حالك ليش انا عم قصر بدراستي ليش ماعم ادرس ليش متكاسل
كله هل المشكلات ممكن أي شخص يساعدك فيهن بس الحل الأساسي بأيدك
لازم تعرف وين الخلل بطريقة دراستك ولسا معك وقت
وصدقني دائما في وقت لتلحق
في طلاب بلشت من زمان وطلاب درست سنتين
بس كل هل الوقت مو شرط ابدا
المهم دائماً طاقتك يلي عم تبذلها والوقت يلي عم تستغله صح
ولسا في وقت معكن ووقت كتير بلشوا من هلأ وشدوا الهمة لحتى تكونوا مرتاحين آخر السنة وما تعيشوا الضغط النفسي وتضلوا تسمعوا بنلحق ولا ما بنلحق
المنهاج بسيط وفيه شوية شغلات صعبة
بس البكالوريا أساسها حرب نفسية
لأنها مرحلة تقرير. المصير
خليكن واثقين بحالكن وبرب العالمين
واتعبوا وصدقوني رح تلاقوا يوم النتائج
كل هل التعب راح يوم فرحتكم بالنتيجة
والعلامات العالية
يوم تحقيق حلمك وحلم أهلك يلي عم يشوفوه بعيونك
#صباح القوة والأمل
#بالتوفييييق للكل
#نسرين

‏مقطع صوتي من N

جغرافيا ترشيحي
ملاحظات

ترشيحي 2021.pdf

مرات كتير ك بشر بنتعرض لضغوطات الحياة لمشاكل
لسوء الفهم
لمعوقات كتير بطريقنا بالدراسة
بس اتذكروا الحياة مد وجزر
في ايام حلوة وفي ايام مرة
ولو كانت دايماً الحياة حلوة رح تكون مملة
بس اديش حلوة بعد ما تكون ايام مرة وصعبة ويرجع الأمل يشرق وتصير احلا مما كنا متوقعين
الفرحة يلي بتجي بالنتيجة الحلوة بعد التعب والدراسة والأيام المرة
عنجد هي فرحة لا توصف ولا تقدر بثمن
أتعبوا كرمال هل الفرحة عنجد بتستاهل
#الله يرزقكن هل الفرحة يارب
#بعد كل التعب رح انزل سجل بالجامعة
#ادعولي
#وطلاب ٢٠٢٢ عقبال عندكن
الايام الصعبة ما بتقبى خليكن متفائلين
وبالتوفيييق
#نسرين

صباح التفاؤل والنشاط والرواق
بتمنى تكونوا فايقين تدرسوا هلأ يا طلاب البكالوريا
تضامناً معكن كل يوم رح فيق ع ٥ ونزللكن منشور إن شاء الله
كل ما تتعب أتذكر لحظة النجاح والانتصار وتحقيق الحلم
رح تتعبوا سنة كاملة صح .
بس هل الشهادة وهل التعب رح يضلوا معك لاخر يوم بحياتك
#بالتوفيق ياغوالي
#يلي عنده شي مشكلة بده مساعدة حكوني ع البوت @Nabd456_bot
#نسرين

صباح الأمل والتفاؤل
خلي عندكن دائما طاقة إيجابية للدراسة
خلي الدراسة بالنسبة ألك شي حلو مو عقاب حبوا المواد لتدرسوها بسهولة أكبر
#نسرين

لا شيئ أكثر سوءا من أن تكون شخصاً بلا هدف بلا حلم بلا دراسة
قد نتعب أحيانا يمكن أن نستريح
لكننا أبداَ لا نستسلم ولا نتخلى عن أحلامنا
لم نخلق لنيأس خلقنا لنعمل لنجتهد لنعمر هذه الأرض بالعلم والسلام
#كمشة تفاؤل مسائية
#الراحة النفسية بعد العودة للدراسة ↗️↗️
#نسرين

صباح الرواق والتفاؤل
بتتذكروا بأيام الابتدائي الحكمة يلي بتقول
الوقت كالسيف إن لم تقطعه قطعك
فعلياً انت ك طالب بكلوريا وقتك اغلى شي ولازم تستغله صح
أهم شي الفيقة بكير الصبح
لانوعلميا هواء الصباح بنشط الذاكرة والمعلومات بتضل بالمخ لانو بكون مرتاح بيرتب المعلومات بطريقة صحيحة
وبالنسبة للنوم ٨ ساعات نوم ك أقصى حد أكثر من هيك رح يصيبك خمول وكسل
نظموا وقتكن صح ادرسوا صح
ادرسوا اول بأول
ولا تراكموا ع حالكن وتقولوا بعدين
لانو بعدين تندموا
#بالتوفيق للجميع
#يلي عنده شي مشكلة بالدراسة او سؤال يبعت ع البوت

@Nabd456_bot
#نسرين

حارب لا حل هذه اللحظة
فهي تستحق
#صباحكن دراسة وهمة وتفاؤل
#نسرين

كتير سمعت من هل الحكي
بس الحكي بضل حكي تعوا نعمل شي واقعي
طيب ليش ما انتوا ما بتكونوا متلي شو ناقصنكن
ليش لما حدا يجي يقلك انا مو دارس أو انا نفسيتي تعبانة بدل ما تتسابق معه والله انا اكتر منك وانا مادرست شي
تجي تحكي معه بإيجابية وكلام حلو تخليه يتشجع يدرس وانت تقوي حالك وتروح تدرس
بفتح الكروبات بنصدم من كمية الطلاب المتشائمة ويلي مليانة حكي سلبي
طيب سؤال لما انت تجي تحكي هيك حكي بالكروب شو بتستفيد
انت بس عم تضر رفقاتك عم تخليهم يتشائموا معك
لهيك الكل من هلأ ورايح بدي شوفه متفائل وعم يشجع رفقاته سمعتوو
من فترة اطلقنا حملة
#لاتشكرني بلا أرسل رسائل إيجابية إلى ٣ أشخاص
متخيلين لو الكل هيك عمل
هي الطاقة الإيجابية والأمل رح ينتشر بين كل طلاب البكلوريا
اليوم انا شخص واحد مابقدر غير. العالم كلو
بس عم حاول غير الأفكار السلبية يلي بالناس يلي حولي لعل وعسى هنن كمان يتحركوا معي ونعمل شي انساني وبسيط
#يلي حب الفكرة ورح يمشي عليها
يبعت لي ع البوت @Nabd456_bot
#نسرين

رجعت الشتوية
الراحة النفسية
بداية جديدة خلينا نبدأ بتفاؤل وأمل جديد
#نسرين

صباح الخير والرواق والتفاؤل
كل صباح هو بداية جديدة
لننسى آلام الأمس
ونبدأ بشغف لتحقيق أحلامنا العظيمة
#نسرين

خليكن واثقين من بداية الطريق انو انتو قدها ورح تنجحوا وتجيبوا علامات منيحة
#بالصدفة شفت هل الجملة ع دفتري الفلسفة الدرس التاني
#نسرين

طمنوني طلاب الجامعة
سنافر خايفين من بكرا 🙈
رح يكون يوم حلو كتير ومميز
انبسطوا من هلأ ولاتفكروا بسلبية
#تصبحوا ع شغلات حلوة
#نسرين

صباح التفاؤل رغما عن كل الخيبات التي اخترقتنا بالامس
بداية جديدة
عسى أن يحدث الله بعد ذلك أمراً
#صباح حسن الظن بالله
#نسرين