قناة لشرح مادة الرياضيات واختبارات لطلاب البكالوريا :

https://www.tg-me.com/sabahh62

عم تدرسوا وماعم تقدروا تركزوا؟
عقلك عم يفكر بألف شغلة غير الدراسة؟
الحل المناسب خطة المنبه
بكل بساطة بنجيب الموبايل وبنعمل مؤقت مثلا 10دقايق بهل الصفحة
وبنحط براسنا أنو لازم نخلص حفظ هل الصفحة قبل ما يخلص الوقت وتتحدى حالنا 😍😍😍
طبعا هون انت عقلك رح ينسى كلشي ورح يركز ع التحدي والدراسة وبتصحصح اكيييد
#جربوا هل الخطة وعطوني رأيكن بالتعليقات
#مووفقين😍🤍
#نسرين

تفاءل عندما تصعب وتضيق عليك الأمور ، فإن الله تعالى أقسم مرتين
"فإنّ مع العُسر يُسرا ، إنّ مع العسر يسرا "

حطيتو هدف لبداية البكلوريا؟
سألتوا حالكن ليش عم تدرسوا؟
شو حلمكن؟


أول خطوة للنجاح بتبلش بوضع الهدف ثم وضع الخطة
لهيك يلا بدي من الكل يجيب ورقة أو كرتونة صغيرة يكتب عليها حلموا العلامات يلي بدو ياها وشوية عبارات تحفيزية بحبها وزينوها متل ما بتحبوا وبتعلقوها ع الحيط بغرفة الدراسة أو ع طاولة الدراسة

#كتير متحمسة لشوف أحلامكم على الورق هلأ
وبعد سنة محققة ع الواقع فإذن الله تعالى 😍❤️
#نسرين

طبعا هي هلأ عملتها لانو حاليا عم ادرس حقوق
بس اول البكلوريا كان حلمي إرشاد كنت حب الفرع وكمان قنعت حالي انو علامته قليلة اكيد بجيبها
بس بعدين قلت لأ لازم ادرس بكل طاقتي وجيب علامات اكتر معلش
لانو لما نطلب من حالنا أهداف عالية رح نحقق شغلات أحلا من توقعاتنا
ووقت النتائج كانت علامتي عالية ونصحوني بالحقوق سجلتها وكتير حبيتها 😊😁
الحمد الله انو رب العالمين أخترلي الخير يلي ما قدرت شوفه أنا
وبآخر السنة تعبي ما ضاع وجبت علامات بستحقها 🥺🤍
#نسرين

بقوة قم للطموح
لا تبالي بالجروح
كن مؤمنا
ان النجاح ع السفوح
#كمشششة أمل وطاااقة كبيرة
#هامش طاولتي هي
رغم انو بدرس بكل زاوية بالبيت مو بس هنيك 😂
#نسرين

طاولتي أيام البكالوريا 🤍
صارت ماضي وأحلى ذكريات 🤍

هلأ معقولة انا قعدت عملت هي مشانكن
وانتو مشان حلمكن ماحاولتو تعملوا شي

كتير زعلت منكن🥺

عندما يبدو حلمك غير قابل للتحقيق لا تخفض مستوى حلمك، بل ضاعف من جهدك🤓♥️
When your dream seems unattainable,do not lower your dream level,but double your effort.🥺♥️

#انت_قوي 🌝♥️

صباح الخير لذلك الحلم البعيد
كل خطوة منا وكل جهدٍ صغير منا يجعله قريباً بالتأكيد، ومهما بدا لك الطريق صعباً، لا تستسلم أبدا، وتذكر قصة الأرنبِ والسلحفاةِ التي كبرنا في طفولتنا عليها، السلحفاة لم تكن أسرع من الارنب ولا أفضل، لكنها لم تستسلم ولم تيأس لأي سبب ، بل حاولت بكل جهودها حتى وصلت إلى ماهي عليه وفازت على الأرنب ..
#الحياة مليئة بالآمال والدروس المفيدة لا تكف عن رؤية الأشياء الجميلة
#صباح جديد
#نسرين 🦋🤍

#لإحدى الطالبات الصورة 🤍🤍

لا تُخبر نفسك أن وقتَك ضيق، ولكن ادعُ اللهَ بالبركة، لا تُخبر نفسك بأنك لا تستطيع وأن الأمرَ أكبرُ من قدرتك ولكن ادعُ الله أن يمدَك بعونِه وقوته، و ادعُ الله أن يلهمَك الصبرَ والرضا، وأن ينيرَ بصيرتَك برؤيةِ الحكمةِ فيها،

*اجعلِ اللهَ في قلبِك وسَيجعلُ الحياةَ في يدِك*"

‏يا ربّ..صباحاً تشرق فيه أرواحنا بالأمل..وتخضرّ فيه دروبنا بجميل العمل وطيب الأثر..🦋🤍

صباح الخير طلاب
بالنسبة ل يلي عم يسألوا عن مادة الفلسفة تحديداً أنو اذا بلشنا بعد السبر بنلحق
اي بتلحقوا إذا درستوا مع الأستاذ وهي صح مادة كبيرة بس رح تلاقوها سهلة وقت الشرح ورح تحبوها ورح يسهل عليكن الحفظ كتير
وبرأي يلي ما عنده سبر لا يضيع وقت أبداً يبلش بقواعد العربي والإنكليزي والفرنسي هدول بدهم تركيز منيح وتدريب ع الحل أو أي احفظوا الأحاديث والآيات بمادة التربية الإسلامية
المهم وقتكن اغلى من الذهب لا تضيعوه
وصدقوني كل الأيام بكرا بتخلص اسرع مالكن متخيلين وبتصير ذكريات البكلوريا الحلوة
#نسرين

وملاحظة تانية مهمة
اولاً بعتذر اذا مرات بتاخر عليكن بالنشر أو بالرد ع الأسئلة بس الحياة وظروفها 🤍

وتانيا سعيدة جداً بتفاعلكن ع القناة وتعليقاتكن المشجعة لبعضكن وألي🤍

ثالثاً :ياريت الأسئلة تكون ع البوت
@Nabd456_bot
لانو التعليقات عم يتخربطوا مرات عندي ويمكن انسى رد عليكن بدون قصد


#نسرين

الدال عل الخير ك فاعله🤍🤍
كيفكم طلاب
بعتقد في عنا طلاب قدموا السنة الماضية وكل دراستهن كانت ع النت
فضلاً يلي بيعرف قنوات منيحة وموثوقة مو تكون فيها شي خطأ
شي تنفع طلاب هي السنة
نزلوا الرابط بالتعليقات ليستفادوا غيركم

النجاح مش سهل ولكن مش مستحيل
انت ك طالب بكلوريا وعندك عقل
لازم تفكر صح وترتب اولوياتك
اولويتك هي السنة هي النجاح وبأفضل العلامات
اقعد مع حالك أسأل حالك ليش انا عم قصر بدراستي ليش ماعم ادرس ليش متكاسل
كله هل المشكلات ممكن أي شخص يساعدك فيهن بس الحل الأساسي بأيدك
لازم تعرف وين الخلل بطريقة دراستك ولسا معك وقت
وصدقني دائما في وقت لتلحق
في طلاب بلشت من زمان وطلاب درست سنتين
بس كل هل الوقت مو شرط ابدا
المهم دائماً طاقتك يلي عم تبذلها والوقت يلي عم تستغله صح
ولسا في وقت معكن ووقت كتير بلشوا من هلأ وشدوا الهمة لحتى تكونوا مرتاحين آخر السنة وما تعيشوا الضغط النفسي وتضلوا تسمعوا بنلحق ولا ما بنلحق
المنهاج بسيط وفيه شوية شغلات صعبة
بس البكالوريا أساسها حرب نفسية
لأنها مرحلة تقرير. المصير
خليكن واثقين بحالكن وبرب العالمين
واتعبوا وصدقوني رح تلاقوا يوم النتائج
كل هل التعب راح يوم فرحتكم بالنتيجة
والعلامات العالية
يوم تحقيق حلمك وحلم أهلك يلي عم يشوفوه بعيونك
#صباح القوة والأمل
#بالتوفييييق للكل
#نسرين

كن فخوراً بأصغر  إنجازاتك، ابتداءً من استيقاظك في هذه الساعة من الصباح إلى آخر لحظة تكافح فيها من يومك، كن فخوراً بكل محاولاتك وإن فشلت أحياناً، المهم ألا تستسلم وفي النهاية تذكر قطرة الماء برقتها تحفر في الصخر القوي بالتكرار  على مدى الطويل، وليس بالقوة .
#كن قويا بصبرك ولا تستسلم
#نسرين

بالنسبة لكم ساعة لازم تدرسوا
أنا شخصياً بفضل تخصصوا وقت للاكل والنوم والمشاوير المهمة جداً
وباقي الوقت يكون كله دراسة
طبعاً مابصير دراسة متواصلة ٤ ساعات هون بتتعبوا وما بتستفيدوا لازم اقل شي كل ساعة تاخدوا استراحة ربع ساعه تقوموا تعملوا رياضة خفيفة أو تتمشوا بالبيت بحيث تريحوا مخكن شو ليرتب المعلومات وما تتكاسلوا بنفس الوقت
#موفقين يارب
#نسرين

🤍خلي فرحة أمك بين عيونك وكمل سعي 🤍