اعقل وتوكل

مسا الخير طلاااب
اولا بعتذر ماعم رد ع حدا مريضة
ومشان الطلاب يلي عم تسألني عن برنامج تمشي عليه .
ماعاد في داعي لبرنامج بتتركوا اقل شي ١٠ أيام المادة الأولى
وباقي الايام بترمموا النقص يلي عليكن يلي لهلأ ما خلص المنهاج بخلصه
ويلي عندي شغلات قواعد مواضيع مادرسهن او حاسس انو صعبين عليه يرجع يدرسهم
واهم شي شوفوا اسئلة الدورات والنماذج الوزارية لتعرفوا كيف بتجي الأسئلة
واحضروا الجلسات الامتحانية المنصة التربوية ع اليوتيوب.
#الله يوفقكم يارب
#نسرين

طلاب البكلوريا أنتو قد حلمكن
ورح تحققوا الحلم
وتخلصوا من فترة التعب
ورح تصير ذكريات حلوة لما تحكي لحدا كانت أيام صعبة كتير بس الحمد الله خلصناها بأفضل النتائج والعلامات
#الله يوفقكم يارب
#نسرين

واليوم رحت جبت البطاقة
وانا طايرة من الفرح اي اي فرحانة
في بنت كانت جاية مقابيلي وبتقول لرفقاتها يي شوفها شو مبسوطة بالبطاقة
اي مبسوطة وكتير كمان
ليش لحتى ازعل شو هو حكم الإعدام
هي البطاقة يلي رح توصلني بحلمي
هي الطريق لحلمي
يلي عنجد قربت حققه
حلمي يلي بكيت كرماله سنين
حلمي يلي سهرت كرماله ليالي
حلمي يلي كنت شوفه بكل دعوة حلوة عم يتحقق
ليش لنزعل
ليش لنتوتر
ليش ما نكون مبسوطين ونحنا عم ننجز شي كبير
#خليكون مبسوطين ورايقين وادرسوا.
والباقي ع رب العالمين
#نسرين

في طالبة ذكرتني بهاد المنشور يلي كتبته السنة الماضية
مافي شي بخوف ومافي داعي نتوتر
لازم ندرس ونتوكل على رب العالمين
شهر الامتحان وقتها كان كأنه سنة مريت بأبشع الظروف تعبت بكيت سهرت درست رميت الكتب نمت هديك الفترة بين الكتب كنت نام وشوف الامتحانات والأسئلة ب منامي كان جواتي خوف كبير من الفشل بس بعمري ما خليت هل الخوف سبب الاستسلام بالعكس كان هاد الخوف عم يخليني ادرس اكتر واتعب ع حالي والنهاية كانت أكيد حلوة
بيوم النتائج الفرحة بعلاماتي خلتني أنسى كل الوجع يلي عشته بالبكلوريا
ورغم صعوبتها كانت أيام حلوة مليانة تحدي وإصرار وإرادة قوية ووصلت لنتيجة خلتني عنجد انسى كل التعب
اتوكلوا على رب العالمين وادرسوا منيح ورح تلاقوا نتيجة تعبكن ورح تحققوا أحلامكم
#نسرين

صباح الخير طلاب
لو كيف ما قدمت المادة اليوم لا تيأس
والمادة يلي راحت انساها
وركز على المادة الجاية
#الله يوفقكم يارب
#نسرين

كيف ما قدمتوا اليوم انسووا
وبلشوا المادة القادمة
كل التوفيق الكم💙💙💙

صباح الأمل الذي يشرق مع كل صباح
بالأمل سنحقق كل أحلامنا
خذ نفساً عميقاً وحاول من جديد
إن وجدت الظلام يحاصرك من كل الجهات كن أنت النور لنفسك وللآخرين .
#نسرين

خدوا الأمل من أبسط تفاصيل الحياة
الأمل هي القوة يلي بنواجه فيها قسوة الحياة دايماً .
#نسرين

الطلاب يلي انضمت جديد
بعد الأحد لما يخلصوا طلاب هي السنة الانكليزي رح بلش ابعتلكن روابط قنوات بتفيدكن

الف مباارك ع انتهاء الامتحانات الادبي
وعقبال العلمي كمان 😍😍😍😍

اول شي الف مبااارك للطلاب يلي خلصت الامتحانات بكلوريا ادبي وعلمي
وهي مفاجاتي ألكم بمناسبة الانتهاء من الامتحانات
اي حدا بحس عنده موهبة او حب للكتابة قصص او نثر او شعر
يتواصل مع رقم المشرفين
للانضمام إلى فريق رابطة أدباء سوريا
رح تلاقوا دعم كتير ورح تتحسن موهبتكم للأفضل ورح توصلوا لحلمكم وتكون أفضل الكتّاب والشعراء
#كل التوفيق ألكم
#نسرين

صباح الخير طلاب
كيفكن
ان شاء الله بخير
بعرف آخر فترة مقصرة معكم ماعم انشر كتير بس رح نرجع متل قبل إن شاء الله
#احكولي شو عندكم اقتراحات بتصير القناة احلااا
#ابعتولي ع البوت @Nabd456_bot
#نسرين

لسا بكير ع النتائج والمفاضلات.
بس يلي حابب يسجل فرع معين أو بيعرف تقريبا اديش علامته بيقدر هل الوقت يطلع أطلاع ع الفروع
وطبعاً في شغلة المفاضلة بكل محافظة شكل مو متل بعض
وكل فرع ممكن يكون أعلى من السنة الماضية أو أقل حسب الشواغر بالجامعات
#بالتوفيق يارب
#نسرين

لا تنتظر من أحد أن ينتشلك من هذه الفوضى، قمْ الآن وانفض عن نفسك خيبات الأمس، وأبدأ من جديد، كأنك لم تذق يوماً الفشل.

#نسرين

مو كل الإنجازات بتنشاف
أحيانًا بكون الإنجاز انك تفيق من النوم لترجع تقاوم نفس الروتين، تحارب الأشخاص السلبية، الضغط، العجقة
أو أنك تشتغل على فكرة ماحدا مآمن فيها غيرك، مع هيك واثق بحالك ومكمل.
أو تضل مُبتسم وتساعد غيرك بالوقت يلي جواتك في وجع ماحدا حاسس فيه.
أي شي بتعمله هو إنجاز وعظيم جداً 💜