💝 Postlarimizni ulashing va sovg'alarga ega bo'ling

GrantGO loyihamiz 3 yillik tug'ilgan kuniga ham 1 oydan kamroq vaqt qoldi. Loyihamiz tug'ilgan kuni munosabati bilan esa biz sizlarga sovg'a ulashmoqchimiz.

Fevral oyidan boshlab kanalimizdagi istalgan postlarimizni o'z (ochiq) kanalida ulashgan 5 tagacha bo'lgan kanal egalariga pul mukofoti tarzida sovg'a taqdim qilamiz.

Qatnashish uchun
➡️ Fevral boshidan 2-martgacha bo'lgan sanada istalgan postlarimizni kanalingizda "forward" qilishingiz (postlar soni cheklanmagan)
➡️ Kanalingiz ochiq (public) va tgstat.com saytidan ro'yxatdan o'tgan bo'lishi
➡️ Postlar aynan forward qilingan bo'lishi kerak

Saralash bosqichi
➡️ Ushbu sahifadagi repostlar statistikasi orqali yuqoridagi talablarga javob beruvchi kanalda ulashilgan va eng ko'p ko'rilgan 3 ta postimiz umumiy ko'rish soni hisoblab chiqiladi (har bir kanaldan eng ko'p ko'rilgan 3 tadan post)
➡️ Kelib chiqqan natijalarga ko'ra kanalida postlarimiz eng ko'p ko'rilgan 5 ta kanal ajratib chiqiladi
➡️ 3 ta eng ko'p ko'rilgan repostlar umumiy ko'rishlar soni kamida 1000 taga yetishi kerak
ℹ️ Mentorlik kurslar va ovozli chatlarimiz e'lonini ulashganda ko'rishlar x1.5 tarzda hisoblanadi

Mukofotlar
➡️ Yuqoridagi 5 ta kanal egasiga har bir 1000 ta ko'rish soni uchun 50,000 so'mdan pul mukofoti taqdim qilinadi (maksimum 5000 ta ko'rishlargacha)
➡️ Bundan tashqari g'olib kanallar 3-mart, GrantGO 3 yillik tug'ilgan kunida g'oliblar ro'yxatida e'lon qilinadi

🎁 Postlarimizni ulashing va mukofotlarga ega bo'ling!

P.S: Xabarni o'z blog/kanali bor tanishlaringizga yetkazib qo'yishni ham unutmang :)

Telegram | YouTube

Garvard MBA darsi taassurotlari
10/20

Bostondan qaytish kuni Garvard MBA darsiga qatnashganim haqida aytgan edim. Bugun sizlarga dars qanday kechganini aytib bermoqchiman. Nega bunchalik hayajonlaganimni tushunishingiz uchun )

➡️ Eng birinchi xayron qoldirgan narsa albatta dunyoning eng nufuzli va qimmat MBA darsi eshiklari hamma uchun ochiqligi bo'ldi. Shunchaki ro'yxatdan o'tasiz va darsga kirish mumkin. Albatta sal keyinroq tahminim to'g'ri chiqdi — bu reklama usuli. Lekin ortiqcha gaplarsiz "Mana o'zing tatib ko'r" deyishdan ortiq qanday yaxshiroq reklama bo'lishi mumkin?! Masalan, men "qopqonga" tushdim )

➡️ MBA uchun alohida xona ajratilgan va u yerda har bir o'quvchi uchun alohida joy belgilangan. Hamma har kuni kelib o'z joyiga o'tiradi. Ularning oldidagi ism va davlat yozilgan kartochkasi esa o'qituvchi ishini osonlashtiradi.

➡️ Xonaning tepa qismida bayroqlar guruhdagi odamlar davlati bayrog'i ekan. Masalan, ertaga men yoki siz u yerda talaba bo'lsak O'zbekiston bayrog'i ham o'sha qatorda bo'ladi. Ham talaba uchun faxr, ham kursdagi xilma-xillikni ko'rsatishning ajoyib usuli (marketing)

➡️ Garvard MBA darslari 80% qismi Case Studyga asoslangan. Ya'ni ular har bir darsda biznesdagi ma'lum bir holatni tahlil qilishadi. Masalan, YouTubedagi darsda konda odamlar halok bo'lganda qanday yo'l tutish haqidagi case orqali ish joyidagi xavfsizlik muhokama qilingan. Men qatnashgan darsda "Startaplarni hamkorlikda yoki yolg'iz boshlash?" degan savol keyslar orqali tahlil qilindi

➡️ Keyslar darslardan oldin beriladi va oldindan ularni o'qib, tayyorlanib kelish kerak. Aks holatda darsda bo'layotgan muhokamaning 70% ini tushunmay o'tirish mumkin. Garvard MBA talabalari 2 yilda 500 dan ortiq keyslarni o'qib tahlil qilishar ekan. Tasavvur qilyapsizmi bu bo'lajak tadbirkorni kelajakdagi holatlarga qay darajada tayyorlab tashlashini?

➡️ Eng xayron qoldirgan joyi dars davomidagi o'qituvchining roli bo'ldi. O'qituvchi u yerda shunchaki prezentatsiyani qo'yib ma'ruza o'qiydigan lektor emas, haqiqiy drijyor. U bir vaqtning o'zida mavzuga kirish qilib beradi, o'rtaga savol tashlab har xil talabalarning bu haqidagi fikrini so'raydi, fikrlarni jamlab doskada strukturaga solib ketadi, yozish davomida fikrlarga to'ldirish va tuzatish/aniqlik kiritadi va xulosa beradi. Bular hammasini bir vaqtda yuqori ustalik bilan bajarishiga esa odam qarab 😮 bo'lib qoladi.

➡️ Yuqoridagidan qolishmaydigan narsa esa bitta dars o'zida nechta talaba muhokamada ishtirok etishi va ularning berayotgan javoblari. Agar bilganimda boshidan sanagan bo'lardim. Lekin aniq ayta olaman 1 soat ichida 95 ta talaba ichidan kamida 70 tasi (70-80%) mavzu bo'yicha fikr bildirdi.

➡️ Talabalar fikrlarini ifoda etishini ko'rib esa odam "Bular pul to'lab tayyorlangan aktyorlar bo'lsa kerak" deb o'ylash mumkin. Hech qaysi talaba o'ylanib, "mmm-mm"lab qolmaydi. Fikrlarini aniq va ravon qilib yetkazib beryapti. Albatta, ertaga g'oya/loyihasini taqdim qilish va sotishda bu narsa suv va havodek muhim.

➡️ Darsda o'qituvchidan yoki keysdan ko'ra ko'proq narsani berilayotgan fikrlar xilma-xilligidan o'rganasiz. O'zim ham bir necha marta "Iye, ha bu tomoni ham bor" dedim ichimda.

➡️ Dars so'nggiga yaqin o'qituvchining "davri" keldi. Muhokama mavzusiga oid 20-25 daqiqacha taqdimot qildi. Taqdimot ham aniq sonlar, statistika va ma'lumotlarga asoslangan. Qo'shimcha o'qish mumkin bo'lgan manbalar (kitob, maqola...) tavsiya etib ketildi. Ingliz tilida aytganda haqiqiy "cherry on top"

➡️ Dars yakuni esa o'qituvchiga olqishlar bilan tugadi. Hattoki "Darsingiz uchun tashakkur sifatida" deb qandaydir esdalik sovg'a ham berishdi (katta). Keyin men qiziqib so'radim "Bu o'qituvchi mehmonmi?" deb. "Yo'q, haftada ikki marta darsga kiradi" deyishdi 😐

Xullas, Garvard MBA darsi shu tarzda o'tdi. Ha o'zim ham Top 300 talik universitetda o'qiganman. Lekin hattoki u yerdagi muhit bilan bunisini yer bilan osmoncha farq bor.

Garvard bolaligimdagi "ilk muhabbatim" edi. Endi esa doimiysiga aylandi ❤️🙂

#trip #US #Harvard #MBA

Shaxsiy Blog | Linkedin | Professional blog

“Bolajon”ga sovg’a kerak

❤️ Shu desangizlar ertaga 3-mart kuni GrantGO nomli “bolajon”imiz tug’ilgan kuni, 3 yoshga kiradi.

O’tgan yillari yosh bo’lgani uchun tushunmasdi tug’ilgan kun nimaligini. Bu yil bunaqa narsalarga aqli yetib qolgan. Tug’ilgan kuniga deb sovg’a so’rab qo’ygandi oldinroq “03.03 sanasi, 3 yoshga kirganimda 33,000 kuzatuvchim bo’lishini xohlayman” deb.

Hozircha sovg’asiga ozgina yetmay turibdi. Shunga shu bolajonni yaxshi ko’rganlar bo’lsa orangizda, ozroq yordam berib yuborishingizlarni so’rardim.

Blog kuzatuvchilariga ishonaman. Buni bir pastda qilib tashlaymiz )

Sovg’a uchun havola
✨ https://www.tg-me.com/+5cJE-9TzD1hiN2Ji

@musayev_blogi

GrantGO loyihamiz 3 yoshga to'ldi 🎉

Bugun ko'pchiligingiz uchun sevimli bo'lib ulgurgan GrantGO loyihasi 3 yoshga to'ldi
➡️ 3-mart
➡️ 3 yil
➡️ 33,000 obunachi (deyarli 😁)

Ushbu 3 yil, ayniqsa oxirgi uchinchi yil loyihamiz "yashab ketishi" uchun juda muhim davr bo'ldi. Loyiha ortidagi "Effort Team" jamoasi har bir a'zosi mehnatlari, "Unicorn" akseleratsiya dasturi yordami va ayniqsa SIZlarning qo'llab-quvvatlashlaringiz orqali biz shu yergacha yetib keldik.

Keyingi yil uchun esa oldimizga yanada katta maqsadlar va rejalar qo'yganmiz va hozirgacha bo'lgan yo'l endi boshlanishi deb ishonamiz. Tez orada katta yangiliklar kutib qoling.

Bizni kuzatishda davom eting! 💼

#yubiley

Telegram | Youtube