الفلم الاول :

بالجزء الاول يحجي عن شخص ماتت زوجته بسبب مرض ف انطته تذكار سيارة من طراز قديم مميز و كلب حتى ليشعر بالوحدة
تصدف يشوفوا اشخاص ويريدون سيارته ويبوكوها
هنا حيبدي جون يكشف عن هويته الحقيقية ويبدي يلاحق هالمجموعة الي باكوا تذكار زوجته

الفلم الثاني :

بهذا الجزء يكمل رحلة جون باستعادة شغلاته المسروقه و بطرقهه الخاصة يعرف موقع سيارته الي باكوها ويروح يجيبها بس المفاجاة الي تنتظره بالبيت هي شخص من داخل هذا المجتمع الاجرامي يطلع عنده مثل تعهد دم ويه جون لان ساعده قبل ف لازم جون يوفي بوعده وهنا راح تبدي سلسلة الاحداث و الخيانة الي راح يواجها جون من المجتمع الاجرامي كله
الفلم الثاني كله اكششن قوي وحماس 🖤

الفلم الثالث :

هذا الجزء يحجي عن نبوذ جون يعني راح يتم نبذه لمخالفته القوانين ف يصيرون كل الي بالمجلس الاعلى الي همه كل هالمنظمة والعصابات تسعى ورا جون علمود تقتله ويخلون مكافات عليه عاليه
وهنا تبدي رحلة اكشنيه ويه جون وشلون يطلب العفو ويبرأ نفسه مرة ثانية

طبعا الجزء الثالث همات اكششن قووي كلشش بس شويه حسيت هالجزء مبالغ بي اكثر من الاجزاء البقية 😅
هو كلشش حماس واكشششن بس مبالغ بييي بس يبقى لازم نشوفه لان الاربع افلام سلسلة كاملة لازم تنشاف 🖤

الفلم الرابع 🙂🙂🙂

لحد هسه مصدومة ومنبهره من كميه الحماس حرفيا لاخر لحظة اني ما اريد حتى ارمش من كمية الاحداث القويية كلشش
للعلم الفلم تلاث ساعات ولا حسيت بيها من كد ما قوية الاحداث
ولحد هسسه مصدومة
المهم بالحزء الرابع هنا راح يزيد المجلس الاعلى الجائزة للي يقتل جون ويك بس يتوصل جون لطريقه وحيده يكدر يكسب بيها حريته مرة لخ لكن راح تكون ضد واحد من اعز اصدقائه
الاحداث قويييييييييية قوووويييية

مسلسل كوري اسمه
The good bad mother
يحجي عن ام يتعرض زوجها للقتل بسبب عصابة ف تضطر تكرس كل حياتها وحدها حتى تربي طفلها بس بقسوة حتى يكبر وميعيش مثل حياة ابوه الفقير بس يتعرض لحادث ويفقد على اثره الذاكرة ف تنجبر ترجع تصير قاسية وياه مرة ثانية
مسسلسسل كلششش حلووو تقريبا هذا احلا مسلسل شفته خلال هالسنة
كلشش حلوو يتراوح بين الدراما والرومانسية الحلوة والاكشن والحماسس والاثارة
وكوميديا قوية
كلشش حلوو انصحكم كلشش بي
خليطط كوومة مشاعر 🤍

فلم كوري اسمه
Shark : the beginning
يحجي عن طالب يتعرض للتنمر ف بالخطأ يضرب الشخص الي اعتدى عليه ويضطر يدخل السجن وهناك يلكى عالم بالسجن هم تأذي وتتنمر عليه والشخص الي دخل السجن من ورا هم يبدي يهدده انو من يطلع راح يقتله
ف شلون راح يكدر هذا الطالب يقاوم كل هالتنمر والعنف الي ديتعرضله
فلم اكشن كله اجواء سجن وعركات وبوكسيات وجلاليق😂😂
للي يحب هيج اجواء راح يعجبه الفلم
نوعا ما اني اعتبر قصته عاديه مو قويه
ف للي يدورون بس كتل وجلاليق لان دالاحظ بالفترة الاخيره هواي طلب ع هيج نوعيات افلام 😂😂
جلاليق بلا قصة
المهم هذا الكم😂🖤

فلم مستوحى من قصة حقيقية اسمه
The boy who harnessed the wind
يحجي عن عائله فقيرة عايشين بقرية يصيبهم الجفاف والمجاعة بسبب انقطاع الامطار
والظروف الصعبة خلت طفل معين يكدر ينقذ اهله من الموت بطريقته
فلم كلش كلششش حلووو للي يدورون افلام قيمة وبيها فكرة هذا الفلم تحففة
انصحكم بي ♥️