اذا تردون فلم خفيف مابي احداث مجرد فلم خفيف و اجواء زراعة واصوات طبيعة وعصافير وطبخ و ريف و بيوت قديمة
يعني هذا الفلم الكوري
اسمه Little forest
يحجي عن بنية تعوفها امها فتروح للعاصمة حتى تلتحق بالجامعة بس تفشل ف ترجع لمسقط راسها بالريف وتبدي حياتها البسيطة بالزراعة والطبخ ورعاية الحيوانات
الفلم خفيف لطيفف مريييح للاعصاب
ف الي يدورون هيج اجواء هذا الفلم كلشش مناسب
واني كلشش حبييته 🤍

فلم اسمه
we're the miller
يحجي عن تاجر مخدرات يستلم مهمة ويحتاج عائلة مزيفة ف يتفق ويه مجموعة اشخاص وتبدي المغامرات فلم كوميدي بس شويه تافهه
مو هلكد حبيته 😅

فلم اسمه
Artemis Fowl
يحجي عن عالم غريب جوا الارض وهو عالم الجنيات والعفاريت
ف عدهم فدشي مهم يربط العالمين ومثل القوة تحميهم ومتخلي اي احد يعرف بمكانهم بس يحاول الكل يحصل على هذا الشي وتبدي المغامرات
صراحة فلم كلش هوسة واحداثه مو هلكد
ما حبيته وبس اريده يخلص
ما انصحكم بي 👎🏻

فلم كوري اسمه
I saw the devil
فلم يحجي عن قاتل يخطف ضحاياه ويقطعهم وياكلهم 🙂
الفلم مابي اي فكره و كلش محلو
عباره عن تقطيع ودم وهاهيه
والبطل كل شوية يلزم القاتل يكتله للنص وبعدين يرجع القاتل يقتل غير عالم ويرجع البطل يقتله للنص وهكذا
مادري شحسوا من سوا هيج فلم بلا فكرة 🙂

مسلسل كوري يحجي عن بنيه صحفية تنطرد من شغلها بسبب مغني مشهور *ايدول*
ف تظل تنشر عنه اشياء سيئة لحد ما شركة المغني يقررون يسوون مسلسل وياها حتى همات يربحون براسها وهمات يطلعون المغني بصوره حلوة
بس احداث المسلسل راح تاخذ مجرى ثاني
مسلسل لطيف وخفيف
اسم المسلسل
So I Married an Anti-fan

John Wick
سلسلة من اربع افلام
اكشن اثارة حماس وهيج مسدسات وطلق وحركات
كلشش حلوه انصحكم بيها
تقريبا اقوى اكشن شفته بحياتي لحد الان
وهسه راح اكتبلكم عن الاربع افلام مال السلسلة