سلام عليكم احبتي هاي حسابي التيكتوك لمن يود المتابعه وتشرف بيكم

ياباب المراد وباب الاحزان كلمات الميرزا محمد الساعدي أداء الرادودمحمدابوسجادالكعبي
استشهاد الامام محمدالجواد ع
18/ 6 / 2023

نزلة .... في رثاء الإمام محمد الجواد عليه السلام



يالجـواد احبابك. ما نسينه مصابك
يمسموم يمسموم



تاسع اهل البيت ياعزنه وفخرنه
سيدي يبن الرضا لجلك حضـرنه
نلطم عله مصابك ويشهد صدرنه
يالجـواد وبالحشــر حبـك ذُخـرنه
محنتك نرويها. بالدمع نحييها
يمسموم يمسموم



الله خصّك يالجواد بهالكرامه
بأوّل سنينـك تقـلّدتّ الامـامه
البايعك تاسع ولي نال السلامه
والرفض حبك خسر يوم القيامه
ياشباب العتره. والله مانتبره
يمسموم. يمسموم



وارث اوصاف النبي سيد البريه
انت ابنه سيدي وروحه وسَمِيّه
من صلب حيدر علي حامي الحميه
يالجـواد وامـك الزهـره الزچيـه
ياوريث الهادي. شيعتك ونّادي
يمسموم. يمسموم



يامُحـمّــد سيــدي الله يعيـنـك
بلاذنب ظلموك من اوّل سنينك
كل حيـاتـك يالجـواد معذّبينـك
لإن تهدي الناس ومعلّمـها دينك
وبرغم عدوانك. خالد بعنوانك
يمسموم. يمسموم



من بني العباس قاسيت الاذيه
بعز شبابك سمـمـوك الناصبيــه
نمرد چبـدك سيـدي بسمّ المنيه
يالجـواد بغـربتـك عندك وصيّـه
شيعة لا تنسوني. باللطم ذكروني
يمسموم. يمسموم



سيدي بديرة غرب مسموم وحدك
سمّتك ام الفضل گطّـعـت چـبــدك
بلا دفن ظليت مثل حسيـن جـدك
ما حضر غير الإمــام الهادي عنـدك
شيّعك بدموعه. والحزن واللوعه
يمسموم. يمسموم

خادم الإمام محمد الجواد عليه السلام
سيد زيد الفحام نزله
__

يالجواداحبابك كلمات سيدزيدالفحام
أداء الرادودمحمدابوسجادالكعبي مجلس عزاء الأمام الجواد ع 18/ 6 / 2023جديد

سلام عليكم حسابي تيكتوك لمن يود المتابعه

القصيدة الثانية... هلاليه

عاشور اجة وجاب الحزن
حسين ضل ابلا دفن
اتلث ليالي جثتة فوك الوطية

عباس عالشاطي اعتلة
ابدمة شرف كربله
كاصد يجيب الماي لسكينه ورقية
¤¤¤¤¤¤¤¤¤¤¤¤¤¤¤¤¤¤¤
ليش ياعاشور عذبت النشامة
اندبك رجع كفيلي بالسلامة
انه زينب وختفتت مني ابتسامة
من اشوف كبالي تتصارخ يتامه

كلبي على حسين انطحن
من شفتة ضل ابلا دفن
اتلث ليالي جثتة فوك الوطية
¤¤¤¤¤¤¤¤¤¤¤¤¤¤¤¤¤¤¤
ياشهر شفت الحزن واعظم مصيبة
اسمي جان ام الخدر صرت الغريبة
شلون زبنب تنهظم بنت الحبيبة
عيني شافت عالثرة جثة سليبة

ظهرت علامات المحن
حسين ضل ابلا دفن
تلث ليالي جثتة فوك الوطية
¤¤¤¤¤¤¤¤¤¤¤¤¤¤¤¤¤¤¤
العذباني بهل الشهر حسين مذبوح
لحظة مافاركني عايش دوم بالروح
يمة شفت امي الزجية تلطم اتنوح
تكلة يايمة الجروحك كلبي مجروح

ساعد الله ام الحسن
حسين ظل ابلا دفن
تلث ليالي جثتة فوك الوطية
¤¤¤¤¤¤¤¤¤¤¤¤¤¤¤¤¤¤¤
ترة مصيبة كربلة ماهي جديدة
نفس قصة فاطمة قصة عجيبة
عصرت الباب ابتدت اول مصيبة
غاب محسن فاطمة طول مغيبة

شلك علينة يا زمن
حسين ضل بلا دفن
تلث ليالي جثتة فوك الوطية
¤¤¤¤¤¤¤¤¤¤¤¤¤¤¤¤¤¤¤
وحدي بقيت بكربله وبلايه خوان
اتكفلت هاي الحرم وكَلبي حيران
بالمغربية والخيم مشتعلة نيران
يم خيمة الاكبر علي ملتمة عدوان

متحضر السبي الظعن
حسين ضل بلا دفن
تلث ليالي جثتة فوك الوطية
___
تمة بحمد الله وبرعاية محمد وال محمد
خادم الحسين ع # الشاعر ابو منتظر الموالي
والناشر
الرادودمحمدابوسجادالكعبي

عاشور اجه وجاب الحزن
كلمات الشاعر ابومنتظرالموالي أداء الرادودمحمدابوسجادالكعبي
لليلة الأولى الهلال من محرم الحرام الخميس٢٠٢٣ جديد مجالس محرم

هاي السنه اشكد خدام ويانه ما شفناهم
والمهدي عالزهره ايريد يجري الدمع وياهم
نبجي اعله فركتهم يا محله عشرتهم
****
احله خدام جنه كل عام بالمجالس نلتقي ونلطم سويه
والسنه اشلون ما يخدمون وين يحيون الليالي الفاطميه

احنه كل خادم نصير اخوانه
اشمحله لمتهم كبل ويانه
اليلطم اعله حسين خالي امجانه
نبجي ونشوف الصور حزنانه

اشما نبعد ايلمنه حسين هوه الابو والخيمه
من دونه يا ناس انضيع والدنيه تصبح هيمه
اليجروله دمعتهم يا محله عشرتهم
*
ليش اليروح يترك جروح راحو وبالموكب انشاهد صورهم
واشكد احباب ضم التراب من نروح انزورهم نشم عطرهم

بله يا كلبي الجفوني اشلونهم
بالكبر يمكن تغير لونهم
اعزاز تدري وما اعيش بدونهم
اشلون تغفه بالتراب عيونهم

غالي يصير التابوت لو شال واحد غالي
بس يرخص وما ينشال يا ناس لو رد خالي
وعيوني رادتهم يا محله عشرتهم
***
يا غلاهم مر هواهم الزهره تتباها بخدمها وترفع الراس
وفقتهم وميزتهم الحلو بيهم بالوفه اينكطون عباس

اسنينهم لم الحسن منذوره
اضلوعهم من اللطم مكسوره
شفنه كل خادم يحب عاشوره
للحسين بكلبه شايل صوره

جانو يلطمون العين لو طاري فاطم ينجاب
وبكل روايه ايصرخون عالاذت بسد الباب
ما تطفه جمرتهم يا محله عشرتهم
**
اخ الاكبور اليبجي معذور خذت وين البي محنه وتارس العين
الخدمو اهواي وزعو ماي ذوله هسه بخير كلهم يم الحسين

بالكبور ما واحد ايحاجيهم
ذوله ابو اليمه تكفل بيهم
تره اشتاك الهم اوده اعليهم
بالمجالس دوم ينضر ليهم

ما ينحسب عالاموات كلمن خدم لحسينه
اسمه بسجل الانصار كل خادم امسجلينه
معروفه نيتهم يا محله عشرتهم
****


كلمن ايموت يلكه تابوت بس ابو السجاد تابوته حصيره
صدره مسحوك وراسه مبيوك ضل غريب بلا جفن واخته اسيره

الخيل فوكه ضلت تروح وترد
ماكو ويه حسين ضل واحد يهد
سلبوها اعماته وزينب تصد
حكها من تنوح يمه وتنظهد

تتغسل بماي الناس بس الحسين بدمه
فوك الترايب عريان وسهام شابع جسمه
واهله بمصيبتهم يا محله عشرتهم
**
تمت
تحسين الخفاجي

هاي السنه اشكد خدام ويانه ماشفتاهم
كلمات الشاعر تحسين الخفاجي
أداء الرادودمحمدابوسجادالكعبي
لليلة الثانيه للخدام مسيره إلى كربلاء من محرم٢٠٢٣ الجمعه جديد مجالس محرم

الشاعر الحسيني ظاهر حبيب الهليجي (لفاطمة العليلة ع)

انخه ربي العالي                     التقي بالغالي
والدي حسين واشوفه          ويمه اظل للتالي
*
عله فراش الموت اترجه وعليله
ربي انخاك الهوه تخلي وسيله
وترحم أگليبي الذي يلهب غليله
هناك ياخذني الابوي واشتكيله
ربي اريد مرادي                  طفي نار افادي
وبيده يمسحه الرحيمه          دمعتي الي تلالي
*
تهمل عيوني دمع صبح و مسيه
الوالدي والدار ظلمه تريد ضيه
اظنوني تذبحني وتگلي ماله جيه
ربي ابجاه الزجيه ترده اليه
هوه اعز من روحي             والدوه لجروحي
هوه انفاسي الاشمها             ربي ارحم حالي
*

خنجر يكطع دليلي صار الاغياب
والدي گلبي يگلي فوگ التراب
صورته ابالي واحسن شيبه بخظاب
وانه كل صبح ومسيه انصب مصاب
عايشه بحسراتي                      والهج بعبراتي
بكربله سارح خيالي            خوف عاش ابالي
*
الليل يگظي بل مناحه وما أنامه
وفوگ خدي دمعتي تركت علامه
ربي ونيني اله مثل الحمامه
ياعظيم الشان الي رد بسلامه
خوفي من ظنوني             تبجي دم عيوني
شلي بعده بهل حياة             دونه َماتحلالي
*
الدنيه من دونه احسها بلايه رحمه
والدي موبس الي للدنيه نعمه
كون اوصل غاظريته وابقه يمه
والله لو بيدي أشك كلبي وأظمه
هو اعز كل ناسي          فراگه شيب راسي
عايشه بنوح وانين             وعبرتي تبرالي

انخه رب العالي
كلمات الشاعر
ظاهر حبيب الهليجي
أداء الرادودمحمدابوسجادالكعبي
ليلة الثالثه للعليله من محرم السبت٢٠٢٣

فاركتني||كلمات ابواحمدالطائي||أداء ابوسجادالكعبي ليلة الرابعه من محرم الاحد٢٠٢٣

قصائد أستشهاد مسلم ع

يابويه لا تتركني      لوتبقه لوامشي اوياك
ورده انه من تهجرني.     ياماي اموت بلياك
عاين يرجواي   اجروحي اهواي   ارحمني ياماي ٢
    


عطشانه اضل الشوفتك اوبالفرگه يگصر عمري
اودمع الحزن ماينحمل والـغربه تكسر ضهري
انه على ألله اوصايتك اوماعندي غيرك تدري
اويابو حميده الـياسبب تــتركني اعاني بزغري

فدوه ييعد اعيوني   شيله السفر من بالك
ماترضى ايئذوني  نوحي او أنيني اخلافك
بويه الحزن لاح   وبراسي اصياح   خليني ارتاح/ ٢
••••••••••••

ازغيرونه بنتك والقهر  روحي جمر شاعلها
ويدي اعله خاصرتي من امس بلممشه مانزلها
شوف شكثر بيّـه تعب اهموم الجبال احملها
اودمعة حميده بكل كتر طــــاحت يالمدلـــلها

شوف اشكثر محنيه. اوالخوف اخذ نص عمري
والكــــبر  بان اعليه.       ولشيب اجاني ابزغري
ياكمرت الليل.  ماضل إلي حيل  ناطرني الف ويل/٢

•••••••••
مشتعله نار بحرگتي. وبهدومي اشمن عطاب
اومسلم دخيلك لورحت  تفتح عله اجروحي ابواب
الماعدهه ابو تسمع حچي .اوحچي العواذل نشاب
اويتفصل اعليها الألم   اوتلبس محازنها اثياب

يالرايد اتيتمني.     أرحمني يابويه ارجاك
كلش تره خوفني.  اسم المشى اوطاري اجفاك
بويه النفس ضاك.  لاتحجي بفراك  من هسه أشتاك/٢
•••••••••
من هسه روحي اتلهفت.اومشتاگه شمت احضانك
وفرفـح دليلي اوخـايفه  لايبقى خالي امجانك
والمشكله من ترتحل تبـــعد عــــــليك اخوانك
اوشيصبره كلبي اويستجن وانته ابوسط عدوانك

ارجوك لاتوصلها      الكوفه ديرة طغيان
طبع الغدر بهلها .   اوخير زلمهم ثعبان
البلكوفه اغراب  اوماعندك اصحاب   منها الكلب شاب/٢
••••••••••
شماتنطي للكوفه اوعلي. خنجرها يصفه بظهرك
وسبعين راي الها اوفكر وتموت منها بقهرك
كل خوفي بويه اوحركتي من اعلى قصرها اشمرك
اومثل الحسين بكربله الكوفه اترض صدرك

اويرايح أتـامنهم        قطرة اميه اتشح بيك
ابوحدك انته وكلهم.     خيل اوزلمها تلاويك
اوماتلگه امجان   ايبيتك يحزنان.    اوهم تصفه عطشان/٢
••••••••••••
ليش انت ناوي اعله البُعد. اوناوي تطشر احلامي
طفله بعدني اعله الحزن بگد جف اديك ايامي
ترجفني كل صفعت جرح من راسي حته اجدامي
او أمطر دمع ياسلوتي وللضيم اشد احزامي

لاتمشي وتخليني.    ماهي الفرگه  اشويه
طفله  ودمعتي بعيني  ومحتاجه ابوي اوفيه
تتركني اشلون  اوحزني بكبر كون  لاتعمي العيون /٢

•••••••••
خادم الزهراء ع ابو احمد الطائي

يابويه لاتتركني كلمات
ابواحمدالطائي
أداء ابوسجادالكعبي
ليلة الخامسه من محرم٢٠٢٣الاثنين

(( نزله حماسيه)) جديد 2023

الكـــوفه وأهــــل الـكــــوفه.   
مـنــــي تبـــقـــه بـــــخــوفه

___
راح اطــب  الكوفه أنه بجلمت الياويله
ويله ويله  الراد يفزع مابقه كل حيله
مااسولف أنه بـيهم صـولت التحجيله

مســــلم أنه مـن أطـــب
اغلـــب ومـًـا انغـــــــلـب
بيــــهم يـــضيك الـــدرب

والــزلم مجتـــــوفـــه   مني تبقـــــة بخوفـــــه
___
هلهلت طـوعه وتكله ياله كــوم  ع الزلم
يابوطاهر بالبسأله أسحك ودوس الخـشم
شما كثر مسلم عددهـم بالعـدد لا لاتــهــم 

مـــوزلم شبـــه الزلم
من تطب البسو هدم
بسيفك أعدمهم عدم


ضــربـتـــك مـــوصوفه    مني تبقـــــة بخـوفـــــه
___
والله ياطوعه أريد اليوم أســوي الـمجزه
سيفي يكطف بالمناحر والرءؤس مطشره
الكوفه أزلزلها بــيميني وجنه يوم الاخره


الكوفه أطحنها طحن
وأذبــح إكبار الفتـــن
ذكره تبقــى بكل زمن

صولتي المعــــروفه.       منـــي تبــقى بخــوفه
__
وكفو منك يابو طاهر انته صنديد الحرب
ياله روك الكوفه بيدك ياله وكـلبها كلـــب
لا تخلي شرده اليهم بصولتك سده الدرب

والشــرد أين المفــر
لا تخــــلي اي نفــــر
سيفك أنته المستـقر

ماتــــخوف. أسـيـــوفه    مني تبقـــــة بخـوفـــــه
___
نكرو البيعه يــطوعه وحدي انه بهل الديار
مالي ناصـر لا مـحـامي راح أوضح بالقرار
سيفي ينصرني يطوعه اله أدوس ع الكبار

سيفي يكطف بالركاب
ونزل عـــليهم عـــذاب
واليـهد يسمع جـــواب


بسيفي أكــطع جفــوفه.  منـــي تبــــقه بخوفـــه
___
وكطـعت روس الجنادل وجتـفت خيالهـم.
سيفي يذبح بالمـناحر  وصـبحت جتـالهـم
طوعه صاحت بابي اقلعه يله أمـرد حالهم

طـوعه وبطـرف الهدم.  
هــــوسـت إليه بعـــزم
ياأبـــو طــاهر ياشــهم. 

واليـــظل لا تــــــعوفـــه   منـــي تبــــقه بخوفـــه

كلمات الشاعر الحسيني

مرتضى آل مكطوف

الكوفه وأهل الكوفه كلمات
مرتضى آل مكطوف
أداء الرادودمحمدابوسجادالكعبي
ليلة الخامسه من محرم الاثنين٢٠٢٣

الانصار ع
عابس وجون وحبيب
نصرو حسين الخضيب
خدمو حسين خدمو حسين
___
فدوة راحو لبو اليمه وقدمو هذا الوفاء
غيرة من بيت الشهامه طبقوها بكربلاء
فزعو ابطف المنيه والكفن صار الرداء
هيج من الله خلقهم غاصو ابحر الولاء

خدمو حسين خدمو حسين
___
دم حبيب بن مضاهر قدمه وابكل فخر
كال فدوة ايروح دمي يرخص الدم النحر
ينقل الطف هالسوالف خالده وي الدهر
عن حبيب وما يوفي الزمان اشما ذكر

خدمو حسين خدمو حسين
___
وعابس الضلت ابروحه ايموت لجل حسينه
يبجي وينزل دمعته يريد يخدم دينه
كال وين الي يعادي والدج يسكينه
اكطع اركاب الاعادي وين اليعادينه

خدمو حسين خدمو حسين
___
جون ابو الغيرة تعنه للمعارة بهمه
والمشه بدربك ابشره ينرفع للقمه
واليحب لازم يضحي لليحبه بدمه
وانه احبك ياامامي حسين يابو اليمه

خدمو حسين خدمو حسين
____
احنه انصار الامامه وهالفخر يكفينه
خادمك يا ابو اليمه بيك يكمل دينه
ايعيش ميت كل حياته بلاي حب والينه
اليحبك عالي شانه واليبغضك وينه

خدمو حسين خدمو حسين
____
خادمكم الشاعر ابومنتظرالموالي

عابس وجون وحبيب كلمات
ابومنتظرالموالي
أداء ابوسجادالكعبي
ليلة السادسه
من محرم ٢٠٢٣الثلاثاء