كاتب ابوصيتي ... لو دنت وفاتي
للحسين اخذوني ... اخر امنياتي
.....
لو دنتني .. ألمنية .. للحسين اخذوني ازور اخر زياره
يم عتبته .. نزلوني.. الموت ما يمنعني اتعنه المزاره

واجبه اعليه الزيارة ابكل الازمان
حتى لو ميت اجيه ابثوب الاجفان
انه خادم والحسين اعليه سلطان

يامن اتسمعوني ... سجلو احجياتي
........
حسين روحي .. وكل حياتي .. لحضه مافارك دليلي ولا نسيته
بيه عايش ... وانه ميت ... عل المغسيل وانه ابجيله فديته

كلشي املك ملك الحسين وغلاته
انه ما ابجي اعله موتي ابجي الرضاته
كون يحضر دفنتي ايلفني بعباته ....

للكبر يجيني ... هاذي امنياتي
........
يمه اذكرو ... كل محرم ... جنت أحضر مجلسه
ماعوفه ليله
تجري عيني ... دمعه من دم ... عل الجراله والجره لخته العقيله

وصلوله اخبار خلص عمري عاشور
وثوب الاسود صار ثوبي بهاي الاشهور
اهلي فطموني اعله نوحه ولطمت اصدور

ابجي عل الهواشم ... خلّصت حياتي
......

عمري خلص ... بالمجالس ... الحمدلله والشكر
عالنعمه هايه
عندي تسوه ... الدنية كلها ... ابثواب حسين اروي العطش مايه

ياكبرها فرحتي من جنت اخدمة
واكف اتخيل يباوعلي ابو اليمه
الف هنياله اليصير حسين عمة

دعوتي الاخيره ... جانت ابصلاتي
للحسين اخذوني ... اخر امنياتي

......

وسط كبري ... يالحبايب ... نزلو وياي القصايد والنواعي
كلبي هايم ...بالمجالس .. وحشه اظل ابلا مجالس بنقطاعي

عالاقل كل ليله اعقد وحدي مأتم
عالمناحه وعل البواجي انه امعلم
مو سهل انسى السبي وحرك المخيم

حركتي اعله زينب ... تبقى ذكرياتي
.....
اختملكم .... نص وصيتي ... ابتربت احسين ابو اليمه اتغسلوني
وبعد عندي ... طلبه يمكم ... برايت العباس اخيه اجفنوني

اب اه يحسين ومصابه شيعو نعشي
هالقصيدة شيبت راسي اويه رمشي
رايد اقراها اعله روحي وانه امشي

رشو كبري مية .... تروه نايباتي
......
الحمدالله رب العالمين
اللهم صل على محمد وال محمد
موسى الخادم ...

كاتب ابوصيتي
كلمات موسى الخادم
أداء الرادودمحمدابوسجادالكعبي
ليلة من محرم ٩ جديد٢٠٢٣الجمعه

قصيدة ليلة الوحشة 2023

علي ذبحو زلمنه
علي حرگو خيمنه
علي والله انهضمنه
سبتنه الغاضريه
........

ياعلي شفنه بحياتك ما قرينه
تحضر لكل خايف وحاير تعينه
عجب ما تحضر تشوف اصّار بينه
كربله يمك قريبه وماتجينه

هذاك حسين جسمه
تكطع روح يمه
اذا تكدر تلمّه
يحمّاي الحميه
.........

داسته الخيل وتگطع ذاك الحسين
وذاك عباس الكفلني بلايه چفين
ياعلي ظلن بناتك والنساوين
الليله وحشه وماكو خيمه نتّجه وين

علي ردناك يمنه
تجي تحرس حرمنه
تخفف من ألمنه
وتنسّينه الأذيّه
........

ياعلي لا خيمه عدنه ولاستر ضال
بهيمه ظلمه وبس حرم يابويه وطفال
بس علي السجاد ومچتّف بالحبال
گلي من يحرس يحيدر هاي الاعيال

سده الليل بضلامه
ويخافون اليتامه
يرب تگضي بسلامه
شيسكتلي رقيه
.......

گلها يازينب اجيتج لا تخافين
علي آنه البي تندبين وتحشمين
الليله احرسكم اجيت ودمعي بالعين
لا تأذّيني بدمعتج كافي تبچين

يزيتب ما عفتكم
بمصايبكم شفتكم
يَـدُ الله الحمتكم
يبنتي امن المنيه
.........

ياعلي يرضيك نمنه عله الترابه
وبنك المذبوح سلبوهن ثيابه
عكب عـزّ اخوانه وذيچ المهابه
باجر انروح بدرب يكثر عذابه

يبويه انروح للشام
سبايا وبين ظِلّام
دهرنه شضام ماضام
على خواني وعليه

سيد زيد الفحام
_____________________________________

علي ذبحو زلمنه||كلمات سيدزيدالفحام||الرادودمحمدابوسجادالكعبي ليلة١١محرم٢٠٢٣الاحد

اللهم ارحم كل موالي وجعفري
__
قال في سجدتهي صادق السمائي
ربي زد في شيعتي خيرالعطائي
فتيتة قدعشقو. هذا العزائي

ومالهم منافس. باللطم والمجالس.....
بالعشق والجنون. واحدهم كعابس.......
_
رب ارحم من نعى. اي واحسيناه
وارحم الصرخه التي. كانت إلينا
ودموع جارية. تبكي علينا

تبكي على رقية. وزينب السبية.......
فإنهم مجانين. والعشق غاضريه.....
____
ياالهي أنهم. في كل زياره
بالعزاء تاجرو. خير التجارة
غيرت وجوههم. هذه الحراره

فيارحيم ارحم. من ذاب في محرم......
فلا اظن والله. تمسهم جهنم.........
_
ربي نحن كلنا. سفن النجاتي
وسيفنة الحسين. فيها صفاتي
انها واسعه. بالصلوتي

سريعة المدار. في لجج البحار......
يغرق من ابى. ينجو من استجار......
_
ليتني في كربلاء. حتى أشارك
مايقومون به. كل الملائك
كربلاء جنتي. فيها ارئك

وماء سل سبيل. في قربة الكفيل......
تقضى به الحوائج. يشفي به العليل....
__
أن بدا الزحف إلى. صحن الحسيني
تعتلي راياتهم. في الخافقيني
يهتفون كلهم. تبكيك عيني

طوبى لمن يساهم. ويبذل الدراهم........
فاجره علينا. من أسس المأتم......
-_
كلمات الشاعرالحسيني محمدالجماسي
الكاتب الرادودمحمدابوسجادالكعبي

ليلة 12من محرم
كلمات محمدالجماسي اللهم ارحم كل موالي وجعفري
أداء ابوسجادالكعبي الاثنين٢٠٢٣

أنظر الحالي ودمعتي تلالي
من أشوفك ياحسين طايح أكبالي
☆☆☆☆☆☆☆☆
آنه أشوف النحر يجري ولونه أحمر
خلي يجي ويشوف حاله ابو الأكبر
جالس الشمر عله صدره الله واكبر
وثنعش مره يطبره وعيني تنظر
نصاب دلالي ونشده بالي
وصرخ بلوعه يزهره رايح الغالي
☆☆☆☆☆☆☆☆☆☆☆
بعد شصبر من أشوفه طايح مخضب
والسهم نابت بصدره والكلب يلهب
علرمح راسه يبويه وجسمه أمترب
الخيل داست عله صدره والدمه ينصب
منهو يبرالي الهجر جتالي
ليش ماتحضر حسينك آه يوالي
☆☆☆☆☆☆☆☆☆☆☆
أمشي عل الناكه سبيه بغير وليان
أمشي كل ذيج المسافه ودمعي نهران
والكمر عله الشريعه مات عطشان
وحركو أخيمنه علينه بني سفيان
خويه يلغالي سحكو أعيالي
وحشه صارت دنيتي عكب الغوالي
☆☆☆☆☆☆☆☆☆☆☆☆
خويه من هجمت عليه الخيل وحدي
أثنين وثمانين طفله وطفل عندي
خويه الأرض الشام بينه الشمر يحدي
وأنتم موته علثره دمعي اعله خدي
علرمح عالي راسك أكبالي
وأنظر الراس الحسين برمح عالي
☆☆☆☆☆☆☆☆☆☆☆
أشلون ترضاهه الأميره مجتفه أحبال
وذوله ماعدههم شرف أشباه الرجال
وشعظم هاي المصيبه تفجع إجيال
تبجي أعيونك أذاشاهدت الأحوال
شيعة الوالي تحيي الليالي
من يهل عاشور لينه دمعتي أتلالي


الشاعر ابوسجادالذهبي ثكيلة كتبته محرم

انظر الحالي دمعتي تلالي
كلمات ابوسجادالذهبي
أداء ابوسجادالكعبي
ليلة 13من محرم الثلاثاء٢٠٢٣
جديد
مجلس عزاء

زينب وأبو الفضل (ع)
ــــــــــــــــــــــ
خويه خويه....... جيت احلفك بالزجيه
خويه خويه....... إكعد وعـــــاين عليه
بس حرم وايتام عندي دمعتي تسيل اعله خدي
وحدي بارض الغاضريه
ـــــــــــــــــــــ
عاهَدتني وجيت بامرك .. حَمَّـلت ضعني بيمـيـنك
يل شبه قرآن وجــــهك .. جنت ارتلهن سـنـــينـك
عالت اعداكم عليـــــنه .. وصحت ياعـباس وينك
وين سيفك ياجفيـــــلي .. وين يسراك ويــمــينـك
ادري طاحن عالشريعه .. والسهم صايبها عينــك
وسهم البعينك يخــويه .. حــال مابـيـنـي وبـيــنك
جَرَّحت كلبي المصـــايب .. جيت مهضومه اوْ أعاتب
ذلني عامود آل أميه
ــــــــــــــــــــــ
تِذْكُر شوصّــاك بيـــــــــنه .. حيدر بســـــــاعة ممــــاته
ياشبيه الطبر مـــــــرحــب .. بعزمه وايمانه وصفـــــاته
مارِدِت هالماي خــــــويــه .. ريته مايجـــري بــفــــراته
خويه بارض الشام رِدتـك .. توكف اتـــرِدْ الشـــــــماته
والأخو هيبه امن اشــوفه .. يوكف يحامي الخـــــــواته
سور جفينه يـمــــــــدهن .. يحــامي بيــها امخَـــــدراته
وانت سوري اوجيت بامرك .. عالجرالي شكبره صبرك
ياشبل حامي الحـمـيه
ــــــــــــــــــ
خويه شحجيلك هضــــمـه .. مـن طلعنه مـيــســــرينه
دارت احبال الـشـــــــــماته .. من عـكـب عـيـــنك بـدينه
واسمعت صوت امي نادى .. وامك امــن ارض المدينه
صِدِك ياعباس راحــــــــت .. زينب الحـــــــره رهـيــنه
لن شفت راسك يخـــــــويه .. دنك ودم تــــجــري عـينه
جاب يسراه الحـــــــــزيـنه .. اطــاها للبــــضعه ويمينه
يعتذر لـِـمّـي ويـكـلـها .. زينب شـلــون ارضه ذلها
شبيدي مكطوعـات اديه
ـــــــــــــــــــ
من أفل بدرك يغـــــــــالي .. وغاب نوره اعله الشِريــعه
كامت نجوم بســــــــمانه .. اويَ الشمس تبجي الفجـيعه
ويبجي راس حسين لجلك .. واخوته وصحبه ورضيــعه
يكلي يازينب يخـــــــــويه .. امشينه يَمْ عين الــطــلــيـعه
أرد اوِنْ يَمْ جَفْ عضــيدي .. آنه والبضــــــــعه الوديـــعه
واعتنه حسين بهــــمومه .. تنـــعى ويـــاه الشَريــــــــعه
وآنه وياهم كصـــــدتك .. وأمي تــنــده زينب اختك
هايبو النـفـس الأبيه
ــــــــــــــــــــ
آنه زينب ياجفـــــيــــــــلي .. خــويه ياعــبـــاس اجــيتك
من بعــد ســـبيَ ومــــــذله .. بالــدمع خـــويه اعتنيـــتك
كوم شــوف شــلونه حالي .. تعاين اعله متوني ريـــتـك
يل عفــتــــني بـــدار غربه .. خويه لتصدك نــســيـــــتــك
وسفه نــايم عالشــــــريعه .. بكربله جيت ولــكــيـــتــــك
بدمعي ودموع اليتـــــــامه .. بجمــرة اكلـيـبي نعـيــــــتـك
دمعي يم شخصك اسيله .. تـــــرضه زينبكم ذليله
وآنه فخر الهاشــمــــيه
................
مسلم الربيعي
الامام العباس ع

خويه خويه ليلة السابعه من محرم الأربعاء كلمات مسلم الربيعي أداء ابوسجادالكعبي ٢٠٢٣جديد

شمعه ذابت ونطفت☆ يبني يالاكبر
راح أموت من القهر☆ يبني يالأكبر
☆☆☆☆☆(1)☆☆☆☆☆
آنه أمك يالولد وعني لتروح
تدري بوداعك صعب ياسلوة الروح
راح أگضيه العمر بغيابه بس النوح
يظل دمعي عالبعد يوليدي مسفوح
يمه بغيابك متت☆ يبني يالاكبر
راح أموت من القهر☆يبني يالاكبر
☆☆☆☆☆(2)☆☆☆☆☆
أنته يايمه الهوه الشتمه آني
أنته روحي ومهجتي مالك كياني
آه وبساعة رحيلك كمت أعاني
آنه صوبني الدهر يبني وعماني
تدري يمه تمرمرت☆ يبني يالاكبر
راح أموت من القهر☆ يبني يالاكبر
☆☆☆☆☆(3)☆☆☆☆☆
آه ياجرح الولد بگلبي ماطاب
آه وبلحظت وداعك زاد المصاب
آه من حزني ونيني هالصخر ذاب
وسفه كل هذا جمالك جوه التراب
شمعه من أيدي وذبت☆ يبني يالاكبر
راح أموت من القهر ☆ يبني يا لاكبر
☆☆☆☆☆(4)☆☆☆☆☆
صعب هالحاله عليه بيوم شفتك
جسمك أموذر حبيبي وماعرفتك
ذابله من العطش يمه هايه شفتك
والدك حيله أنهدم من شاف جثتك
آه دمعاتي جرت ☆ يبني يالاكبر
راح أموت من القهر☆ يبني يالاكبر
☆☆☆☆☆(5)☆☆☆☆☆
آه يبني ياعلي ياشمعت الدار
رحت مني يالولد وبگلبي النار
يبني صوبني الدهر والزمن غدار
جسمك الدامي نظرته وحيلي أنهار
بصوت وبعبره صحت☆ يبني يالاكبر
راح أموت من القهر☆ يبني يالاكبر


خادم علي الأكبر علیه السلام
ابو سجاد الذهبي ثكيلة جديدة كتبته محرم

تم

شمعه ذابت ونطفت||كلمات ابو سجاد الذهبي أداء ابوسجادالكعبي الجمعه٢٠٢٣ليلة16من محرم

طريق المشايه جنة الله الامام الكاظم وأخيه الامام محمدالجوادع السلام مع اخوتي وابنائهم يوم 24رجب يوم الاثنين 5/ 1 /2024مع اخوتي

رحلتي الى جنة الله كربلاء ابوسجاد مع اخوتي 16و17صفرطريق المشايه الامام الحسين عليه السلام٢٠٢٣

وينك يغايب شفنه المصايب
تبچي بدمع سچاب عالعصروها بالباب
وينك يغايب
@@@@@@@@@@@@
يجري دمعي كل صباح وكل مسيه
وأدعي ربي يعجل الطلعه البهيه
أبد مايبرد غليلي والنار بيه
أله أخذ ثارهه الزهرة الزچيه
وآخذ يمه الثار من ذوله اللأشرار
وثار الأطايب
@@@@@@@@@@@@
يمه دمعي يالزچيه الهسه يجري
ونار بابچ ويه نار الخيم تسري
جمرة تسعر بدليلي ونار صدري
يمته رب السمه يعجل بأمري
عيوني مليانه غضب عالشعلو ابابچ حطب
وشفنه المصايب
@@@@@@@@@@@@
تنظر انته اعله البقيع ودوم حاير
وتراب سووهه يمهدينه المناير
ادري انته بطلعتك تحيي الضماير
بيا كتر گبر الزچيه وين صاير
مولاي ماعدنه صبر والزهره مخفيت گبر
وتزيد النوايب
@@@@@@@@@@@
جرح الاول عالزچيه اللي أعصروها
وجرح ثاني اعله الهامه اللي اطبروها
وجرح ثالث الخيمة الحره احرگوها
وجرح رابع چفوف عمي الگطعوها
أصعب وأعظم جرح نحر جدي ينذبج
فوگ الترايب
@@@@@@@@@@@@
ظهرت اشكال الفتن كل يوم بدعه
الربي أدعي وچفي كل ليله ارفعه
الشيعه تترقب ظهور بيوم جمعه
إله چف الباطل بسيفي أگطعه
شلون أنسه اليجره والي ظلعچ كسره
والگلب ذايب

خادم الزهراء عليها السلام
ابو سجاد الذهبي ثكيلة

( عينك أبعين السمه)

اليله أحساًبالســمه جـــنها تريدك
هايبويه بهل المسه تحضني بيدك

تترك بهجرك علامه ماتت احلام اليتامه
جنها تريدك جنها تريدك
_____
عينـك أبعيني يبـويه وانه طـــاحت دمعتي
مساهر وتنزف جروحك وانه عشت بحيرتي
فدوة بويه دخـــــيل اليلـك لا تحيــر قصتي
تفــرح وتبــجي سمــانه منـهو يســمع وأنتي


تفرح باجيتك علي تبجي المصابي
وتعلـم بجـــرحك علي يـكثر عذابي

توهجت روحي بضلامه تتــرك بهجرك علامه

جنها تريدك جنها تريدك
__$___
شبـــيها روحي اليله يمــك باالسـمه متحيرة
اليله مو مثــل اليالي. اليله وحـــشه حيدرة
فدوة بويه حجيــــلي انته باليـصير وباالجرة
كلبي يلجـــمني من أشـوفك والمدامع عابـرة


تنشد بذاك المسه روحي الحزينه
ساهي جفنــي والكلب نام بونينه

يدعي اليكم بالسلامه. تترك بهجرك علامه

جنها تريدك . جنها تريدك
___
ساهي جفـــني والمصيبه جفنـك معاشر سـمه
كلبي عايــش بالنـياحه والله ياحــامي الـحمه
بويه لا تتـــركني دمــعه وضـايعه بـكل مــوزمه
انه ذابـــت روحي كلــــها بيـــوم مــاتت فاطـمه

فاطمه تركت جـرح مايشفه ويهيد
وانته بهذه المسـه جن الموتك تريد

والغدر وجه سهامه تترك بهجرك علامه

جنها تريدك. جنــها تريدك
___
روحي ذابت وأذكــرأنه شايل بجـــفك نعــش
كلبــي وكلبك يبـــويه بجرح فاطمنـه ارتعش
عمرك بفـــكد الحــبيبه بهــجر ليــلك انفرش
باجـــر انه باليتــــامه حايــرة بالــيـل هدعـش

أندب بهذه المـسه وذيج المسيه
حايـًرة باليــل هدعش محــد اليه

تلهب النار بخيامه. تترك بهجرك علامه

جنها تريدك. جنـها تريدك

___

الخادم الامام علي ع
وخادم الحوراء زينب ع

مرتظى مكطــوف

هايبويه بهل المسه تحظني بيدك||كلمات مرتضى مكطوف أداء الرادودمحمدابوسجادالكعبي اليوم ١٩ من رمضان جرح الأمام علي ع السبت 30/ 3/ 2024

وداعاً.... ياعلي حامي الحمه


شلون أودعنك يحيدر أرحم انته بحالي
انــه بعدك هايحيدر دمعــتي الـتـبرالي
وأنه زينـب يابـو زينـب. خيــبـيت آمالي
راح أعيــش بـدونك أنه وما تفـارك بالي

يبويه الدنيا بعدك مضلمه
وداعاً. ياعلي حامي الحمه

الكون متغـير يـبويه واختـلف كـل الـونه
جـم يتـيم اباب بيـتي ماطــبكها عيــونه
كلها تصـرخ كلـها تبـجي لمـن يشــيعــونه
وكـلب زينب ها يحـيدر كلهـم يواســـونه

يحيدر بعدك الشوف أنعمه
وداعاً. ياعلي حامي الحمه

عمري مارايده بغيـابك علي كرت عـيني
شـلي بيـها الدنيا بعدك مااريد أسنــيـني
بويه والقــرآن بعدك ماأعــوفـه أونيــنـي
اكضي عمري ع المنـاحه غيـبتك تاذينـي


يكرار. الغيبه صعبه ومولمه
وداعاً. ياعلـي حامي الحـمه


بالغدر بــويه تراهـم وصلو إلها حدوردك
مااجـو وجـها لوجـهـن عالي أنتـه بزودك
مادنـو حدك يحيدر من تـــدكها احـدودك
من حقدهم من كفرهم تشكي يم معبودك

والحقاد.. بالـــغدر ومـــحزمــه
وداعــاً ياعلي حامي الـحمه


ربي ألــعـن أبــن مـلـجم بل يــتم خـلانه
ويلي حيدر هــل مسيــه خالي هذا مجانه
والله فكـدك ها يبـويه بكــل وكـت بجــانه
ويا حــلات العــيد جـــنه علي جـان ويانه


بلاياك. العيد لا من سالمه
وداعــاً ياعلي حامي الحمه

العــيد يابــويه بغيـــابك ماأريــد اعــياده
العــيد مـتريده اليتـامه وكلبي هم ماراده
بحيره بعدك والله ضلت بويه عمت الساده
هذا أبوي الماكو مــنه حلوه حـلوه أمجاده

والعيون. دم ودمع شو هامله
وداعاً. ياعـلي حامـي الحمه


كلمات الخادم
👇
مرتضى مكطوف

وداعا ياعلي حامي الحمه كلمات مرتضى مكطوف أداء الرادودمحمدابوسجادالكعبي ليلة٢١ من رمضان الاثنين استشهاد أمير المؤمنين ع ١ / ٤ / ٢٠٢٤