استشهاد الرسول الكريم ص
بالحزن نجريها الدمعه _ هالليله نواسيها البضعه
◇◇◇◇
ليلت حزن ليلت نوح
كلب ام الحسن مجروح
وياها يبجي حتى الوح
كلشي بجه اله ونعه_هالليله نواسي البضعه
◇◇◇◇
يافاطمه يم الحسن
شو كلبج اليله انطعن
مهضومه ودموعج حجن
والكون تغير ابوضعه _هالليله نواسي البضعه
◇◇◇◇
ياناس كالتها النبي
مسموم ياشيعه اكتبي
وبفكده كمت احبي حبي
وبيه ضاكت الوسعه_هالليله نواسيها البضعه
◇◇◇◇
عكب النبي آه شجره
حيدر الطاغي مرمره
وبداري النار موجره
وبعد خبرهم اسمعه_هالليله نواسيها البضعه
◇◇◇◇
يابويه ضلعي انكسر
وابيتي فوكاها انصطر
مايسوه يابويه العمر
وياك الامان انودعه _هالليله نواسيها البضعه
◇◇◇◇
بعده النبي بالمغتسل
يابويه والحق انقتل
وعلينه يتجاسر نذل
وحنا المخلوقه النا السبعه_هالليله نواسيها البضعه
احمد السالمي
◇◇◇◇

استشهاد الرسول الكريم ص
.
نبجيها دم العبره___للنبي ويه الزهره

وي فاطمه يا شيعه لازم نبجي
راح الامان وبعد لمن نشجي
ما يكفينه نصرخ آه لو نحجي
غاب الجانت اعليه الامه تتجي
وطافيه حتى الكمره
للنبي وي الزهره
◇◇◇◇◇◇◇
غاب النبي هاليله من عدنا غاب
وتبجي فاطمه وياها داح الباب
بفكد النبي راحت تشوف المصاب
من الناس الكذابه التدعي اصحاب
ومنهم تشوف العصره
للنبي وي الزهره
◇◇◇◇◇◇
بغيبت محمد هاظلم ماننساه
مارعو حرمه ولارعو دين الله
شيطان الارض هالفعل ماسواه
خانوحيدر الجانوا كلهم بحماه
نكروه الجانو بامره
للنبي وي الزهره
◇◇◇◇◇◇◇
راح النبي وهجمو على دار الولي
حيدر ولي وكافر المابايع علي
انه من الولاده كالوا اسمع هلي
اذكر علي وكل ذنوبك تنجيلي
واجب علينه نذكره
للنبي وي الزهره
◇◇◇◇◇◇
طلعت ام الحسن وحسين تنادي
خلو حيدر هذا وصي الهادي
هو الولي ومن بعده ترى اولادي
سلمن لمن سالم وعادي العادي
والمسلم ترى ينصره
للنبي وي الزهره

احمد السالمي
◇◇◇◇◇◇

نعي للأب

شلون انسى ابوي الجان خيمتنه
وهو الجان سرور والنه بسمتنه
يلمنه وياه بسوالف ضحكه لمتنه
شكثر شالانه مامل وتعب متنه
وتريد ابوها
هاي اليتيمه اليوم   وتريد ابوها
والعذبوها
راحو بلايه وداع والعذبوها

ليموت ابوها
ماتغفى لحظة العين  ليموت ابوها

معميه عينه
الفاكد حبيبه اليوم معميه عينه

ماظن يجينه
راح الابو ومن راح ماظن يجينه
كلمات
الملا احمد السالمي
.......................

قصيدة لأربعين الحسين ع

من اليسر رديت
والشوفتك حنيت
كونك عدل ياريت عباسي عباس

〰️❍❥❃ ꧁🔹꧂❃❥❍〰️

لاكيني ياخويه بعجل عونك اريد
واني من هذا التعب حيلي يبيد
كبرني ياخويه الوكت كبرني حيل
وانت تدري هالدرب عنك بعيد
بنار البعد وجيت
من اليسر رديت
والشوفتك حنيت
كونك عدل ياريت
عباسي عباس

〰️❍❥❃ ꧁🔹꧂❃❥❍〰️
تعبني ياخويه الدرب تعبني حيل
شوفني انواع المحن عيشني ويل
ماتنسي عشرتنا الوياك جانت
وانه كل خطوة تعب شوكي يزيد
من شوگي الك سليت
من اليسر رديت
والشوفتك حنيت
كونك عدل ياريت عباسي عباس

〰️❍❥❃ ꧁🔹꧂❃❥❍〰️
جيت وبدمعي الك اعثر وكوم
بجاني من دم الدمع ابنك يمضلوم
يحسين ماانسى الجره وانته غالي
وانا عشرين بصفر يمكم اليوم
واعله الكبر ونيت
من اليسر رديت
والشوفتك حنيت
كونك عدل ياريت عباسي عباس

〰️❍❥❃ ꧁🔹꧂❃❥❍〰️
ردينه ياخويه لچن ماهي رقيه
ماتحمل الصار وجره ازغيره هيه
شافت الراس بطشت ولنهاماتت
والمواجع ولالم ياخويه بيه
مر الصبر جرعيت
من اليسر رديت
والشوفتك حنيت
كونك عدل ياريت عباسي عباس

〰️❍❥❃ ꧁🔹꧂❃❥❍〰️ ‏

جيتك يعباس وجبت هاي الحرم
لفيت اجر محنينه الك زاد الالم
وجمره ماتطفى ابد فكد الاخوو
وبعيني ياخويه احس وجع السهم

حزام الحزن شديت
والشوفتك حنيت
كونك عدل ياريت عباسي عباس
〰️❍❥❃ ꧁🔹꧂❃❥❍〰️

​​#بقلــم احـمـد الــسالمي

يوالينه يوالينه   يوالينه يوالينه
انته السند لينه


كلام انگوله بالوجدان
اليگصدك مايضل حيران
امام ويا ولي الرحمان
العاداك احنا عادينه

شفنا البالزمن عشناه
السمك ماسكن دنياه
مات وضلمه مات وياه
وانت الباقي حادينه

يوالينه  يوالينه   يوالينه يوالينه
انته السند لينه
....................

مثل حيدر علي داره
مبخوت الگصد زاره
ورث من طه اسراره
امان واسمه يهدينه

للمرقد گصدنه بشوگ
الك ياسيدي المعشوگ
حنان البينه مامسبوگ
وبالجنه التدلينه

يوالينه يوالينه   يوالينه يوالينه
انته السند لينه
....................

باب الله انت للعالم
وانته الباقي والدائم
وثارك ياخذه القائم
ويسر گلب الولي حسينه

رايه تعله للمهدي
اتنادي بالنصر تحدي
أبثار الطاهره تبدي
نصيح وياك هد بينه

يوالينه يوالينه   يوالينه يوالينه
انته السند لينه
...........................

حاجتنا وطلب مهموم
منك سيدي المعصوم
بجاه المنذبح مظلوم
نشوف بعين مهدينه

علينه طول اغيابك
تنادي عجل احبابك
وبالكاظم ندك بابك
حن ياسيدي اعلينه

يوالينه يوالينه   يوالينه يوالينه
انته السند لينه

#كلمات
#الملا احمد السالمي
……………………….