للمشـــــايـــه : تراث
ْ
هاي الناس والعالم كـصدت كـربـله بـعبره
مشـايه الك يحسين تواسـي زينب الحره
.
.
بســــــم لله مشينه سـار وآيحسين ويتامه
نشـــارك بالحــزن زينب وعلي السجادبالامه
وشــــك الروس معناها زينب ضـربت الهامه
وهمـنه احنه نـواسـيها مـوهمنـا تـرى القامـه
خســـران اليريد بزور كـلمن ينـشـر اعــلامـه
تكثر كل سنه الخدام اليضدنه خابت احلامه
يحسين العمر منذور
مهما بينه جار الجور
انحبك للابد مولاي  عهد منطينه للزهره
.
.
احــــــسين الدين وتبعناه علمنه رسول اللـه
لاطــف صــــاير ولانار واسمعنه النبي ينعاه
من بيته طـــلع للناس يبجي وبـــجه الويـاه
حنا الشيعه من حـيدرخـبر هذا ترى سـمعناه
وكتبنا هالعهد بالدم واللــه حسين ماننســـاه
وعينه نحب ابو السجاد حبنا بفطره حبيناه
الضريحه كل سنه ماشين
بعقائـــدنه حسيـن الديـن
العهد بينه يضل للموت ماننسى ابو العتره
.
.
خدام ونضيـف الناس الاجت لحسـين مشــايه
المعـــزب ابو السـجـاد شيــــخ ورافـــع الـرايـه
كل موكـب خـدم لحسين النـاس تحـبه وفـايـه
حســـين الي رفــع للنــاس كـرامـه وثبت الثايه
وحنا بهالمــشي انـريـد ننــــصرك عدنه هالغايه
اليعوفك ميت بلا موت يعطش وانت اله مايه
اليعطش يرتوي بسمك
حياة الكون من دم
يمروي البحر بدماك  ومن فظلك اخذ كبره
.
.
اصحاب الكساء خمسه ربنه خـالق اكــــوانه
محمد والوصي حيدر الولي عند الله عنوانه
الحسن وياهم ولحسين البسمهم الله رجوانه
كلهم ذوله ياهالناس المحمد هـمه شــــريانه
وعطشان الحسين يموت تالي شفته ذبلانـه
ومارحموا اهل بيته بسـلب تتـشـفه عـدوانه
وحنه نسعي ننصرهم
ودمنـه فـدوه الدمهم
غالين بغلات الروح شنجازي الفده عمره
ْ
ْ
نمشي ويمشي ويانه ندري بدمعه مهدينه
ومثل انصار ابو اليمه تسعين العمر بينه
ونسمع صوت ابو اليمه بنصره جن ينادينه
ولبينه النداء ابشوگ طلعنه الكربله مشينه
نتعب بالمشي ونريد نواسي الانطه جفينه
ومانتعب مثل زينب ولانبجي بجي سكينه
شنواسي المشت للشام
زينب والحرم ويتام
عليل وبس علي السجاد  صبور ومانفذ صبره
كــلمات الملا احمـــــــد الســالمي
....

أبوذية لـ عزيزة الحُسين رُقية ( عليهما السَّلام)

العقيدة والثقه بدمعاي ... ياريت

وايام الشمر بالشام   ...... ياريت

عدل يبن الزجيه تشوف...ياريت

يضربوها بحقد بنتك رقيه

احــــــمد الســـــــالمـي
༻༺༻༺

اَلسَّلامُ عَلَيْكَ يَا أَبَا عَبْدِ اللهِ وَعَلَى الْأَرْوَاحِ الَّتِي حَلَّتْ بِفِنَائِكَ ، عَلَيْكَ مِنِّي سَلامُ اللهِ أَبَداً مَّا بَقِيتُ وَبَقِيَ اللَّيْلُ وَالنَّهَارُ ، وَلا جَعَلَهُ اللهُ آخِرَ الْعَهْدِ مِنِّي لِزِيَارَتِكُمْ ، اَلسَّلامُ عَلَى الْحُسَيْنِ ، وَعَلَى عَلِيِّ بْنِ الْحُسَيْنِ وَعَلَى أَوْلادِ الْحُسَيْنِ وَعَلَى أَصْحَابِ الْحُسَيْنِ .

يحسين اكعد شوف العيله

(رجوع السبايا)
•
يحسين اخبرك    اني العقيله
يم كبرك اليوم  دمعي اسيله

💠

اجت من اليسر زينب_ مغير كل معانيها
الدرب كله تكصده بشوك بخوها كل محاجيها
مشتاكه الحبيب الروح _ الحبيب الي يباريها
وصلت عالكبر طاحت_وبدت تحجي ماسيها
ياخويه صرت شلون جني عليله
و يم كبرك اليوم  دمعي اسيله


💠

على كبرك بجت زينب _أوياها الشمس ناحت
من گد السهر متشوف _على كتر النهر راحت
حبيبي يا حسين تصيح أعليك العافيه طاحت
تشكيله الجره اعليها_حزن ماشافته الشافت
وهالحزن والنوح مالي حيله
يم كبرك اليوم دمعي اسيله

💠

اصعب كلمه من الناس المنعدها نفذ صبري
وين الي كفل زينب _ سبيه ويانه هاليدري
وانه خويه ياعباس _ من هاي خلص عمري
رافكني الحزن والنوح _وعبره تاكل بصدري
ياخويه الخدر جان انت كفيله
و يم كبرك اليوم دمعي اسيله

💠

اصعب موقف المرني يراودني وشغل بالي
انه بت رسول الله وبنت الصيته ضل عالي
وتاليها الشمر ياحيف يتمرجل على اعيالي
مصيبه ماجرت بحد الااميره تنسبي تالي
التنسبي يا حيف اشرف العيله
و يم كبرك اليوم دمعي اسيله

💠

زينب للكمر كصدت تحجيله الجره والصار
تكله خويه ياعباس من بعدك اخوك احتار
يحارب وحده بالميدان علي دارت يمين ايسار
طاح من المهر عطشان وحر الكاع مثل النار
ابن النبي مذبوح كلش ثجيله
ويم كبرك اليوم دمعي اسيله
كلمات
الملا احمد السالمي
(تم تغير فيها)
اللهم_عجل_لوليك_الفرج
💠

للســــــــبي   ___شور

نمشي الكربله نواسي العقيله
خمسين العمر هيه نحيله
زينب زينب
زينب زينب
كلها تصيح
ْ
كل عثرة طفل لوعه بكلبها
وصعبه هالعدو لمن سألها
هموم البيها ماواحد حملها
همومج كربله كلش ثجيله
زينب زينب
زينب زينب
كلها تصيح
ْ
يازينب نصيح بصوت ويلاه
ماننسى الحزن وحنا عشكناه
جملتي الحزن انتي بحسيناه
صبرج جن نبي وعالي دليله
زينب زينب
زينب زينب
كلها تصيح
ْ
كل خطوه جرح بينه يزينب
مثل الخيمه گلبي بنار يلهب
الماعنده ترى بدموعه عزب
روحه المل طفل صارت عليله
زينب زينب
زينب زينب
كلها تصيح
ْ

نمشي ونذكر الزينب مشيها
ونبجي هم مثلها والبجيها
نتعبهن ادينه نواسي اديها
ودمع العين يازينب نهيله
زينب زينب
زينب زينب
كلها تصيح
ْ
نخبرج يالعقيله الحره الان
صبرج صار صوت يعلي اذان
وسبيج من مشيتي عدنه قران
ولجلج هالدمع باقي مسيله
زينب زينب
زينب زينب
كلها تصيح
الملا احمد السالمي

كلها بشوك الك شدت    وزاره
المشه لحسين هنياله    وزاره
بالمحشر لبوك اكبــر     وزاره
وليدخلها بس ناعي الزجيه

✍خـادم الحسين ع
الملا احمد السالمي
*-----------------*-------------------*

العجل يا صاحب الثار..گلبنا اتوجر بنار
////////////////
قرينالك دعاء ولابد تسمعه
نناديك بألم وبمهجة متلوعة
تأذينا وعلينا ضاگت الوسعة
نوگف ننتظر باللوعة كل جمعة
دمعنا يجري مدرار.. گلبنا اتوجر بنار
//////////////////

ندبناك ابقصايد وادعية وآلام
نگول نشوف ظلك حتى لو احلام
سمعنا الحلي حيدر يندبك محتام
يا حامي الشريعة طالت الايام
( يقرا مستهل حامي الشريعة وبيتين منها)
تعرف اليجري والدار.. گلبنا اتوجر ابنار
//////////////////

على صدور الخلگ نزلت اياديها
تندبك باللطم تنطر تجي ليها
وقصيدة صالح الحلي التأذيها
يا مدرك ثأرنا لحّك اعليها
( يقرا قصيدة يا مدرك الثار البدار البدار وبيت منها)
قرينا مدرك الثار …. گلبنا اتوجر بنار
///////////
يحن گلبك علينا ويخلص الهجران
تجينا وتشفي گلب الواله الحزنان
البعد طال وسمعنا من گلب ولسان
مغيبك طال يا مهدي مدى الأزمان
( قصيدة يا مهدينا طال غيابك يا مهدينا / جليل الكربلائي، مستهل وبيت واحد)
المن نشكي عالصار؟؟ گلبنا اتوجر بنار
الشاعر الاستاذ ميثم الزاهد
//////////////////////

رأسكَ مرفوعٌ بالرمحِ قد نزِف دماه
فنويتُ زيارةَ اوداجِكْ يا ثار الله
يبن الزهرا.. تنزف صبرا.. يا ثار الله
////////////
بنتُ الكرارِ وديعتُهُ تلك الحوراء
أطفالاً كفلتْ وعليلاً في عاشوراء
واستْ في كبدٍ مقهورٍ أكباد نساء
لاقتْ ما لاقت في السبيِ كرباً وبلاء

في تلك الحالةِ قد نادتْ وبكل شعور
لحسينٍ وجهتُ القلبَ ونويتُ أزور

تهملُ عبرا.. تنزفُ صبرا.. يا ثار الله
//////////
تنظرُ للرأسِ المرفوعِ قد مُلئَ جروح
طوفانُ الدم لهُ يُشبه ما لاقى نوح
نوحٌ قد لاقى أهوالاً تأتي وتروح
لكنْ قد ركِبَ الأعوادَ ونجى بالروح

فسلامُ الطوفانِ عليك عبر الأزمان
يا وارث نوحٍ بالصبرِ وله صنوان
نلتَ الفخرا.. تنزفُ صبرا.. يا ثار الله
//////////////
من رأسِك أنهارُ دماءٍ في الرمحِ تسيل
للهِ صبرتَ وللهِ قد صرتَ خليل
ولابراهيمَ أتى أمرٌ وبهِ تنزيل
قد جاء فداءٌ فلتترك ذبحَ اسماعيل

يا وارثَ صبراً كابدهُ قلبَ ابراهيم
فسلامٌ مني أبعثُهُ والقلبُ سقيم
ورِثَ النحرا…. تنزفُ صبرا.. يا ثار الله
/////////////////

واجهتَ الكفرَ كما موسى واجَهَ فرعون
عباسُك رهنُ اشارتكَ يشبهُ هارون
قد ضحى كفينِ ورأساً، ماءً ..وعيون
فسلامٌ من قلبٍ قاسى هماً وشجون

يا وارث موسى بالضيمِ وجفاءِ الناس
ناديتُ سلاماً اخواني، انت وعباس
ومع العبرا.. تنزف صبرا.. يا ثار الله

////////////////

أرزاؤك جاءت بل عَظُمت نادى جبريل
أرضٌ قد فُجِعَتْ وسماءٌ نزفت سجيل
وعزاءٌ طال التوراةَ وبكى التنزيل
مفجوعٌ عيسى محتظنٌ دمعَ الانجيل

بالقلبِ الوالِهِ ناديتُ وبعثتُ سلام
يا وارث عيسى ومثيلَه ، تُشفي الاسقام
تُعطي الاجرا.. تنزفُ صبرا.. يا ثار الله

////////////////
ثغرُكَ بالرمحِ أشاهدُهُ يتلو القرآن
كي يبقى شاهدَ للنصرِ عبر الأزمان
فالنصرُ دماءٌ قد سالتْ كانت قربان
يا وارثَ جدِكَ قد صُنتَ دينَ الرحمن

يا وارث حبيبَ الرحمن طه المختار
يا وارث عليٍ بالبأسِ فهو الكرار
فهمُ الأدرى.. تنزفُ صبرا.. يا ثار الله

لشاعر الاستاذ ميثم الزاهد
///////

بعد هجوم العسكر على المخيم.. توجهت زينب عليها السلام الى التل لتنادي اخاها…
///////

يا ما صحت يا ما صحت . عالتل وانادي المظلوم يا ما صحت
يا ما صحت يا ما صحت . هجموا على خيامي الگوم يا ما صحت
///////
من ساعة اغياب الولي .. تأذينة
شفنه العذاب بلحظة السد عينه
احتارينا والدنيا دارت بينه
ما عدنا والي والعده تولينا
من بعد عباس الگمر والينا
بيده الشمر ياخذنا ويودينه
وتوجهت وتوجهت .. للتل واصيحن يحسين ، وتوجهت
تهت وحرت ، تهت وحرت .. انطي الوجه خويه لوين.. تهت وحرت
///////////////

وينك يبو اليمة صحت سلبونا
وبكل عذاب الما سده عَذْبونا
وادم بلا ذمة وشرف حاطونا
واحنه بلا حامي وحرم يدرونا
يا خوية الحگ هالكفر شتمونا
وبلا رحم من كل كتر ضربونا
عفت الخيم عفت الخيم .. حرگوها يا خويه بنار.. عفت الخيم
شفت الحرم شفت الحرم.. هجت واطفال زغار .. شفت الحرم
/////////////////

ردت اوصل لجسمك لچن بعدوني
سبوني وبسوط الظلم ضربوني
من ناشدت ليش وشنو تطلبوني
بغضاً يگلولي بعلي وشتموني
ومن البچي ومن النحب منعوني
مثل امي واكثر هم بعد ظلموني
حيدر علي .. حيدر علي، يطلبونا يا خوية بثار حيدر علي
ياهو الالي ياهو الالي.. مني الگلب ظل محتار ، ياهو الالي
////////////////
درت الوجه لارض الغري وناديته
وبگلب موجر للأبو حاچيته
ابنك يبويه الكافل الوصيته
عالمشرعة مگطع وصل تاليته
وحسينك المثلك الي حسيته
مثل الكبش بوية انذبح خليته
وين اتجه وين اتجه.. بويه علي بهذا الحال وين اتجه
وانطي الوجه وانطي الوجه.. وانه بوسط جيش ارجال وانطي الوجه
//////////////////////

التل تركته ونزلت من صوبه
آنه الأميرة واصبحت مسلوبة
دنيايه صارت بالعكس مگلوية
چنت اطلب وهسه اصبحت مطلوبة
حرت احرس اخيام وحرم منهوبة
لو اجمع ايتام اركضت مرعوبة
مثل الرحى ،مثل الرحى ، دارت علينا الايام مثل الرحى
هذا الضحى ، هذا الضحى.. حسيته چن مية عام هذا الضحى

الشاعر الاستاذ ميثم الزاهد
///////////////////////