🫥 Ramazon oylarida yuz bergan muhim voqealar 1-qism.

Rasululloh sollallohu alayhi vasallam davrlarida

1. Hijratdan avvalgi 15 yil, ramazon oyi (mil. 608 yil avgust-sentyabr):
– Rasululloh sollallohu alayhi vasallam qamariy 38 yarim yoshlarida xalqdan uzilib, Hiro g‘orida “tahannus” va “muroqaba” ibodatlarini ado eta boshladilar.

2. Hij. av. 14 yil, ramazon oyi (mil. 608 yil avgust-sentyabr):
– Payg‘ambarimiz sollallohu alayhi vasallam qamariy 39 yarim yoshlarida Hiro g‘oridagi ibodatlarini davom ettirdilar.

3. Hij. av. 13 yil, ramazon, dushanba kechasi (mil. 610 yil avgust):
– Rasululloh sollallohu alayhi vasallam qamariy 40 yarim yosh (shamsiy 39 yosh-u uch oylik) bo‘lganlarida payg‘ambar bo‘ldilar va Qur’oni karim nozil bo‘la boshladi.

4. Hij. av. 9 yil, ramazon oyi (nubuvvatning 5 yili / mil. 614 yil iyun-iyul):
– Mashhur “Gʻaroniq” voqeasi bo‘lib o‘tdi.

5. Hij. av. 4 yil, ramazon oyi (nubuvvatning 10 yili / mil. 619 yil aprel-may):
– Rasululloh sollallohu alayhi vasallamning amakilari Abu Tolib ibn Abdulmuttalib olamdan o‘tdi;
– Xadicha onamiz roziyallohu anho oltmish besh yoshlarida vafot etdi.

6. Hijriy 1 yil, ramazon oyi (mil. 623 yil mart):
– Rasululloh sollallohu alayhi vasallam Hamza ibn Abdulmuttalib roziyallohu anhu boshchiligida o‘ttiz kishilik muhojirlar jamoasini Qurayshning Shomdan kelayotgan Abu Jahl boshliq uch yuz kishilik karvonini qarshi olish uchun yubordilar (bu harbiy yurish Islom tarixida “Siyful bahr” sariyasi deb nomlangan);
– Bir rivoyatga ko‘ra, azon ham mana shu oyda joriy qilingan

➡️Foydali deb bilsangiz, yaqinlaringizga ulashing!

@Mezanauz

🫥 Ramazon oylarida yuz bergan muhim voqealar 4-qism.

Rasululloh sollallohu alayhi vasallam vafotlaridan kеyin

1. Hijriy 11 yil, ramazon oyi (mil. 632 yil noyabr-dеkabr)
– Rasululloh sollallohu alayhi vasallamning kichik qizlari Fotimai zahro roziyallohu anho olamdan o‘tdi.

2. Hijriy 13 yil, ramazon oyi (mil. 634 yil noyabr)
– Iroqda Musanno ibn Horisa roziyallohu anhu boshchiligidagi musulmon qo‘shini bilan Fors majusiylari o‘rtasida Buvayb jangi bo‘lib o‘tdi. Natijada, majusiylarning shavkati sinib, Iroq va Fors davlatlari fath qilindi.

3. Hijriy 15 yil, ramazon oyi[5] (mil. 636 yil oktyabr-noyabr)
– Hazrati Umar roziyallohu anhu xalifaligi davrida Sa'd ibn Abu Vaqqos roziyallohu anhu qo‘mondonligidagi musulmon qo‘shini Iroqda forslar ustidan Qodisiya jangida g‘alaba qozondi va Fors sarkardasi Rustam o‘ldi.

4. Hijriy 20 yil, ramazon oyi (mil. 641 yil avgust-sеntyabr)
– Misrning qadimgi poytaxti Fustot shahrida fotih Amr ibn Os roziyallohu anhu masjidi qurib bitkazildi.

5. Hijriy 37 yil, ramazon oyi (mil. 658 yil fеvral-mart)
– Siffin jangidan so‘ng hazrati Ali roziyallohu anhu tarafidan hakamlikka tayinlangan Abu Muso Ash'ariy roziyallohu anhu bilan Mu'oviya roziyallohu anhu tarafidan hakamlikka tayinlangan Amr ibn Os roziyallohu anhu Davmatul Jandal nomli joyda uchrashishdi;
– Hazrati Ali roziyallohu anhu Muhammad ibn Abu Bakr Siddiq roziyallohu anhumoni Misrga voliy etib tayinladi.

6. Hijriy 40 yil, 17 ramazon (mil. 661 yil 23 yanvar)
– Hazrati Ali roziyallohu anhu vafot etdi;
– Ertasi kuni imom Hasan ibn Ali roziyallohu anhumoga bay'at bеrildi.

7. Hijriy 48 yil, ramazon oyi (mil. 668 yil oktyabr-noyabr)
– Shimoliy Afrika voliysi Uqba ibn Nofе' rahmatullohi alayh hozirgi Tunis davlatidagi Qayravon shahrini Rum va salbchilarning hujumlariga qarshi mustahkam qo‘rg‘on qilishga farmon bеrdi.

8. Hijriy 49 yil, ramazon oyi (mil. 669 yil oktyabr)
– Imom Hasan roziyallohu anhu vafot etdi.

9. Hijriy 50 yil, ramazon oyi (mil. 670 yil sеntyabr-oktyabr)
– Rasululloh sollallohu alayhi vasallamning zavjalari Safiya onamiz roziyallohu anho Madinai munavvarada vafot etdi.

10. Hijriy 51 yil, ramazon oyi (mil. 671 yil sеntyabr-oktyabr)
– Shimoliy Afrika voliysi Uqba ibn Nofе' rahmatullohi alayh boshchiligida Qayravon masjidi qurildi.

➡️Foydali deb bilsangiz, yaqinlaringizga ulashing!

@Mezanauz

🫥 Ramazon oylarida yuz bergan muhim voqealar 5-qism.

Rasululloh sollallohu alayhi vasallam vafotlaridan kеyin

1. Hijriy 53 yil, ramazon oyi (mil. 673 yil avgust-sеntyabr)
– O‘rta Yer dеngizidagi Rum impеriyasiga qarashli Rodos oroli sarkarda Junoda ibn Abu Umayya Azdiy boshchiligida fath qilindi.

2. Hijriy 58 yil, 17 ramazon (mil. 678 yil 12 iyul)
– Oisha onamiz roziyallohu anho oltmish olti yoshida Madinai munavvarada vafot etdi va Baqi' qabristoniga dafn qilindi

3. Hijriy 65 yil, ramazon oyi (mil. 685 yil aprеl-may)
– Umaviy xalifalarning to‘rtinchisi Marvon ibn Hakam rahmatullohi alayh Damashqda vafot etdi va o‘g‘li Abdulmalik ibn Marvon rahmatullohi alayhga bay'at bеrildi.

4. Hijriy 91 yil, ramazon oyi (mil. 710 yil iyul)
– Sarkarda Tarif ibn Molik rahmatullohi alayh boshchiligida Andalus davlatini fath qilish harakati boshlandi

5. Hijriy 92 yil, ramazon oyi (mil. 711 yil iyun-iyul)
– Ispaniyaning janubi-g‘arbida joylashgan Shazuna shahri sarkarda Toriq ibn Ziyod rahmatullohi alayh boshchiligida fath qilindi. Natijada, musulmonlar uchun Andalus davlatining eshiklari ochildi.

6. Hijriy 93 yil, ramazon oyi (mil. 712 yil iyun-iyul)
– Sarkarda Muso ibn Nasir rahmatullohi alayh Ishbiliya (Sеvilya) va Tulaytila (Tolеdo) shaharlarini fath qildi. Natijada, Andalus davlati to‘liq fath etildi.

7. Hijriy 95 yil, ramazon oyi (mil. 714 yil may-iyun)
– Iroq voliysi zolim Hajjoj ibn Yusuf Saqafiy 54 yoshida o‘ldi.

8. Hijriy 96 yil, ramazon oyi (mil. 715 yil may-iyun)
– Sind o‘lkasi (Pokiston) mashhur sarkarda Muhammad ibn Qosim rahmatullohi alayh boshchiligida fath qilindi.

9. Hijriy 181 yil, ramazon oyi (mil. 797 yil oktyabr-noyabr)
– Imom Abdulloh ibn Muborak rahmatullohi alayh vafot etdi.

10. Hijriy 223 yil, ramazon oyi (mil. 838 yil iyul-avgust)
– Abbosiy xalifalarning sakkizinchisi Muhammad Mo‘'tasim billoh ibn Horun Rashid rahmatullohi alayhimo Turkiyaning Ammuriya shahrini bir yuz ellik mingdan iborat qo‘shini bilan fath qildi.

➡️Foydali deb bilsangiz, yaqinlaringizga ulashing!

@Mezanauz

✨ Bolamizga roʻzani qanday anglatamiz?

Har bir ibodatning nazariy va amaliy tomonlari boʻladi. Bolalar ham bilimga, ham koʻrib oʻrganishga ehtiyoj sezadi. Biz yo bolamizga faqat bilim berib, oʻzimiz oʻrnak boʻlishni unutamiz, yoki ibodatlarimizni oʻzimiz qilib, bolaning bu boradagi qiziqishlarini qondiradigan bilimlar berishda nuqsonga yoʻl qoʻyamiz.


Roʻza haqida gap ketganida esa Ramazon kelmasidan oldin bolalarimizga u haqida maʻʻlumot berishimiz kerak.

Bunday maʻʻlumot berish asnosida bolaga roʻza ibodati oʻtmishda boshqa paygʻambarlarga ham buyurilgani, roʻza tutsak, Alloh bizni juda ham yaxshi koʻrishi, roʻza bizni intizom va tartibga oʻrgatishi, och va chanqoq qolish bilan kambagʻal-bechoralarning ahvolini tushunimiz, tanamiz yilda bir marta roʻza vositasida tozalanib olishi kabilar haqida gapirib berish mumkin.

Umuman olganda, bolalar roʻza tutishni xohlashadi. Uyda hamma kattalar saharlikka turishini bilib, uning ham turgisi, oila davrasida saharlik qilgisi keladi. Unga farz boʻlmasa ham, koʻnikma hosil boʻlishi uchun saharlikka turgisi kelsa, uygʻotish, chidaganicha roʻza tutishiga imkon berish kerak.

Bolada roʻza tutishga koʻnikma hosil qilishning bir qancha usullari bor. Misol uchun, saharlikka turib, kattalar bilan roʻza tutgan bola, peshinga borib qorni ochib yoki chanqab qolishi mumkin. Shunday paytda oshxonada koʻzdan pana joy hozirlab, ovqat va choy qoʻyib qoʻyilsa va bolaga onasi yosh bolalar roʻzani “ulab” tutsa ham boʻlaverishini, hech kimga koʻrinmay ovqat eb olib keyin yana roʻzasida davom etaverishi mumkinligini tushuntirsa, bolaning bu ibodatga shavqi pasaymaydi, aksincha ortadi.

Saharlikka uxlab qolgan bola kattalar bilan roʻza tutolmaganidan xafa boʻlsa, uning koʻngli uchun va asosiysi, koʻnikmasi shakllanishi uchun biror mahal namoz, aytaylik, peshinga azon chaqirgunicha eb-ichishi, undan keyin shomgacha “roʻza tutishi” mumkinligini aytish mumkin. Agar buncha vaqt och yurishga chidolmasa, asrdan keyin ham “roʻza” tutaversin. Muhimi, bu ibodatning fazilatidan, fayzidan bahramand boʻlsin. Ulgʻayib, balogʻatga etgach, risoladagidek roʻza tutishi oson kechadi.

➡️ Foydali deb bilsangiz, yaqinlaringizga ulashing!

@Mezanauz

✨ Рўзанинг етти ҳикмати

1. Рўза тутган кишининг тақводорлиги зиёдалашади. Аллоҳ таоло Қуръони каримда рўзани олдинги умматларга фарз қилганидек, ушбу уммати Муҳаммадийяга ҳам фарз қилганини айтиб, оятнинг сўнгида албатта тақводор бўласизлар деб таъкидлади.


Рўза туфайли инсонда Роббисини кўриб турганлигини ҳис қилиш кучи, У зотдан қўрқиш ҳисси янада зиёдалашади. Рўза тутиш билан банда Роббисига бўйсуниб, буйруғига “лаббай”, деб итоат қилган бўлади.

2. Рўза кўзни номаҳрамларга назар солишдан сақловчи, ёмонликларга ундовчи шайтоний нафсини сусайтирадиган асосий омиллардандир. Чунки унинг ёрдамида инсон нафсининг ҳар қандай хоҳиш-истакларига ғолиб келади. Бу билан инсоннинг қийинчилик, машаққатларга бардош бериш, сабр қилиш тажрибаси ошади.

3. Рўзанинг яна бир ҳикмати ночор, мискин, фақирларни ҳолатини эслатишдир. Ким оч, чанқоқ бўлмас экан, фақирлар чекадиган қийинчиликларни қаердан билсин! Рўза тутган инсон очлик, чанқоқлик аламини тотиб кўриб, бечора ҳолдагиларни қандай кун кечираётганини яхши билади.

Ҳаёт турмушимизда тўкин-сочин, фаровон ҳаёт кечирар эканмиз, кўп ҳолатларда, қариндош-уруғ, қўни-қўшни, атроф-муҳитда инсонларнинг ҳолати қай даражада кечаётганини, лоақал бир маротаба эслаб қўйиш ёдимиздан кўтарилиб қолади.

Кўча-кўйда, автобусда, метрога тушганимизда бозорга борганимизда, умуман олганда кўплаб ўринларда ибрат олишимиз керак бўлган ҳолатларга дуч келамиз-у, лекин эътибор бермасдан ўтиб кетамиз.

Шунинг учун ҳам халқимизда “Қорни тўқнинг қорни оч билан нима иши бор” деган ибора ишлатилади. Ҳақиқатдан ҳам баъзида бечораҳол кишиларнинг олдидан ўтиб кетадиган бўлсак, улар ҳам биз каби инсон, улар ҳам биз каби фаровон ҳаёт кечиришни исташларини, уларнинг олдиларидаги жажжи фарзандлари, бизларнинг фарзандларимиз каби ота-онанинг меҳрига, атрофдагиларнинг эътиборига лойиқ эканларини унутиб қўямиз.

Ҳа азизлар, инсон унутувчан ва баъзан ношукур бўлади, чунки кеча яқинда ўзининг ҳолати ҳам шундай бўлганини, ўзи ҳам бошқаларнинг кўмагига муҳтож бўлганида мен ҳам қачон ўзгаларга ўхшаб кўнглим тусаган нарсани ейман, деб Аллоҳ таолога дуо қилиб ёлворганини унутиб қўяди.

Ёки бўлмаса, умри давомида тўқчиликда яшаб, тақдири илоҳий билан ўзининг бошига ҳам шундай кунлар тушиб қолиши мумкинлиги ҳақида ўйлаб ҳам кўрмайди. Шунинг учун ҳам юқорида таъкидлаб ўтганимиздек, рўза инсонни мурувватли қилади, ўзгараларга, хусусан бечора ҳолларга эътибор қаратишга ундайди. Ким ўзида раҳм-шавқат сифатини шакллантириш ва мустаҳкамлашни хоҳласа рўза тутсин!

4. Яна бир ҳикмати узоғ-у яқиндаги барча мусулмонларни Рамозон ойида рўза тутишга бирлаштиришдир. Бир вақтда рўзани ният қилиб, бир вақтда рўзаларини очадилар. Шу билан ҳам маънан, ҳам ҳиссан барча умматнинг якдиллиги рўёбга чиқади.

5. Рўзанинг навбатдаги ҳикмати бадан учун сиҳат-саломатлик гаровидир. Рўзадор рўза сабабли, ўз соғлигини тиклаб олади. Бугунги кунга келиб бутун дунёда рўза нафақат соғлиқни сақлаш учун, балки беморларни даволаш учун ҳам ўта зарур омил эканлиги ошкора айтилмоқда.

Яқинда Россия олимлари рўза тутиш йўли билан даволанган беморлар рўйхатини эълон қилишди. Натижа кишини ҳайратга соладиган даражада муваффақиятли эди. Ҳатто саратон касалига мубтало бўлганлар ҳам мана шу йўл билан шифо топишибди.

Рўза турли касалликларга даво бўлиши билан бирга бадандаги ёмон, кераксиз ёғларни, холерик-сафро, флагматик-балғам, сангвиник-қон, меланхолик-қора ўтларни кетказади. Қонни мусаффо қилади, ошқозонни яхшилайди. Натижада рўзадор анча енгиллашиб қолади, зеҳни ўткир, хотираси кучли, иродаси мустаҳкам бўлади. Кўплаб тиббиёт мутахассислари: “Рўза тутиш баданнинг соғлом ва қувватли бўлишига сабаб бўлади”, деб таъкидлайдилар.

6. Рўза тутган кишининг гуноҳлари тутган рўзаси сабабли мағфират қилинади.

7. Рўза тутган киши ўз рўзаси сабабли фаришталар сифати ила сифатланади. Маълумки, емаслик, ичмаслик ва жинсий яқинлик қилмай, доимо тоатда бўлиш фаришталарга хос сифатдир. Рўза тутган инсон ўзининг рўзадорлиги билан айнан ана шу сифатларга соҳиб бўлади.

Ғиёсиддин Ҳабибуллоҳ

@MubashshirAhmad

⏰ Hayit bayramini qanday o‘tkazish kerak – 22 odob

Musulmonlar hamisha orziqib kutadigan ushbu ikki hayit bayramiga taalluqli bir qancha odoblar bo‘lib, ularga amal qilish bu bayramlardagi xursandchiliklar to‘liq bo‘lishiga va eng muhimi, ko‘plab ajru savoblarga ham ega bo‘lishga sabab bo‘ladi. Hayit bayramlarining odoblari deganda asosan quyidagi odoblar tushuniladi:

Birinchi odob – ezgu niyat qilish

Ikkinchi odob – g‘usl qilish.

Uchinchi odob – xushbo‘ylanish.

To‘rtinchi odob – yangi kiyimlar kiyish

Beshinchi odob – Ramazon hayitida namozdan oldin sadaqai fitrni ado etish.

Oltinchi odob – Ramazon hayitida namozga chiqishdan oldin bir nechta xurmo yeb olish.

Yettinchi odob – Qurbon hayitida qurbonlik qilishdan oldin hech narsa yemaslik.

Sakkizinchi odob – hayit namoziga erta borish.

To‘qqizinchi odob – hayit namoziga bolalarni olib chiqish.

O‘ninchi odob – masjidga piyoda yurib borish.

O‘n birinchi odob – masjidga borguncha ovozni chiqarib tahlil va takbir aytib borish.

O‘n ikkinchi odob – hayit namozidan oldin boshqa biror nafl namoz o‘qimaslik.

O‘n uchinchi odob – hayit namozi uchun azon va takbir aytmaslik.

O‘n to‘rtinchi odob – hayit namozini xutbadan oldin o‘qish.

O‘n beshinchi odob – imomning jamoatga yuzlanib xutba qilishi.

O‘n oltinchi odob – qurbonlikni hayit namozidan keyin so‘yish.

O‘n yettinchi odob – bir-birlari bilan ko‘rishib, hayit bilan muborakbod etish.

O‘n sakkizinchi odob – masjiddan uyga qaytishda boshqa yo‘ldan qaytish.

O‘n to‘qqizinchi odob – qavmu qarindoshlarni ziyorat qilish.

Yigirmanchi odob – qo‘ni-qo‘shnilarni bayram bilan tabriklash.

Yigirma birinchi odob – yosh bolalarni xursand qilish.

Yigirma ikkinchi odob – turli isrofgarchiliklardan tiyilish.‏

(«Islom odoblari ensiklopediyasi» kitobidan)

➡️ Foydali deb bilsangiz, yaqinlaringizga ulashing!

@Mezanauz