ማኅበረ ቅዱሳን ከሰንበት ትምህርት ቤቶች አንድነት ጋር በመተባበር ለ12ኛ ክፍል ተፈታኞች ልዩ ሥልጠና አዘጋጅቷል።
ሰኔ 8 ቀን 2017 ዓ.ም ከምሽቱ 1:00 ሰዓት ጀምሮ የሚሰጠውን ሥልጠና ከሥር በተቀመጠው የቴሌግራም አድራሻ ላይ መከታተል ይችላሉ።
@MKFOR12TH

ቅድስት ቤተ ክርስቲያን ባሏት ዘርፈ ብዙ አገልግሎቶች ላይ አጋር አካላት ኃላፊነታቸውን ሊወጡ እንደሚገባ ተገለጸ፡፡

ግንቦት ፴/፳፻፲፯ ዓ.ም

የቅድስተ ቤተ ክርስቲያን በርካታ አገልግሎት በሁለም ዘርፎች እንዲሰፋ፣እንዲጎለብት እና እንዲያድግ አቅም እና ገንዘብ ያላቸው ምእመናን  መሳተፍ እንዳለባቸው ተገልጿል፡፡ 

የተለያዩ ገዳማት እና አብያተ ክርስቲያናት ለሚያስፍልጋቸው ድጋፍ እገዛ በማድረግ እና በቤተ ክርስቲያን አገልግሎት ማስፋፋት ረገድ በግልም ሆነ በኮሚቴ አቅም እና ገንዘብ ካላቸው ባለሀብት ጋር አብረው እየሠሩ መሆናቸውን በግል የሥራ ዘርፍ የተሰማሩት ወ/ሮ ሜሮን ታደለ ተናግረዋል፡፡

በተጨማሪም በግለሰብ ደረጃ ሰዎች ወደ ቤተ ክርስቲያን እንዲመለሱ በማድረግ፣በክረምት ወቅት ለሕጻናት፣ለአዳጊዎች  እና ለወላጆች የተለያዩ መንፈሳዊ ሥልጠናዎችን በመስጠት እንዲሁም ከተቋማት ጋር በመተባበር  በሴቶች እና በሕጻናት ላይ ሥራችዎን እየሠሩ እንደሚገኙ ጠቁመዋል፡፡

ወ/ሮ ሜሮን አክለውም ከባለሀብቶች በተጨማሪ ሌሎች ምእመናን ለቤተ ክርስቲያን አገልግሎት ያላቸውን ጊዜ እና ገንዘብ እንዲያበረክቱ ከማድረግ በፊት ራሳቸውን እንዲሰጡ ማድረግ እንደሚገባም ገልጸዋል፡፡

አሁን ያለው የተለያዩ የቤተ ክርስቲያን አገልግሎት እንዲሰፋ  የምእመናንን ጎዶሏቸውን ማገዝ እንዲሁም መሳተፍ የሚችሉበትን ዕድል እና ሁኔታ መፍጠር እንደሚያስፈልግ ወ/ሮ ሜሮን አያይዘው አንስተዋል፡፡

ትንሽ በመስጠት ብዙ ለማትረፍ ቅድስት ቤተ ክርስቲያን ባሏት ዘርፈ ብዙ አገልግሎቶች ላይ ባለሀብቶች በመሳተፍ ኀላፊነታቸውን ሊወጡ እንደሚገባቸው መልእክታቸውን አስተላልፈዋል፡፡