"ماهی در آب"
ئۆتۆبیۆگڕافییەک لە ماریۆ بارگاس یووسا.
ژیاننامە‌نووسین یا بیۆگڕافی، ئۆتۆبیۆگرافی یا ژیاننامە‌نووسیی بە سەری زیندی یا حەسبی حاڵ و بیرەوەری نووسین، ئەو سێ ژانرەن کە دەچنە خانەی وێژە یا ئەدەبیاتی غەیری داستانییەوە.
هەر کام لەم سێ ژانرە تایبەتمەندی پێکهاتەیی و مانایی خۆیان هەیە و هەر کامەش، بە جۆرێک کاریگەری خۆیان لە سەر خوێنەر دادەنێن.

1: بیۆگڕافی ئەو ژیاننامەیەیە کە دوای مردن یا تەنانەت زیندووبوونی کەسایەتییەکی گرینگ و گەورە یا خۆشەیست یا زاڵم بە دەست کەس یان کەسانی دیکە دەنووسرێ بە مەبەستی ناساندنی ئەو کەسەیە بە بەرەی داهاتوو کە زۆر جاریش لە ڕووی یادداشتەکانی خۆی یا بیرەوەری و زانیاریی کەسانی نزیک و ناسیاوی ئەو کەسایەتییەوە دەنووسرێ. ئەوەی کە ئەو کەسە کێیە و لە کوێ لە دایک بووە و کار و چالاکی ئابووری و ئەدەبی و ڕامیاریی چ بوون؟ بیر و بڕوا و ئایین و هونەری چ بووە و چەند ساڵان ژیاوە و ئەگەر تا کاتی نووسینی دەقەکە ماوە لە کوێی دەژیت و سەرقاڵی چییە و ئەگەریش نەماوە، لە کوێی ناشتراوە و ...؟

2: ئۆتۆبیۆگڕافیی ژیاننامەیەکە کە خۆت بۆخۆتی دەنووسی یا شەرح و شرۆڤەی حاڵی کەسێکە بە دەستی خۆی. واتە کەسایەتییەک بە سەری زیندی دێت و زانیاریمان لە سەر ژیان و چالاکی و زۆربەی لایەنەکانی ژیانی خۆی دەداتێ. لێرەشدا ئامانجی نووسەر ناساندنی خۆی بە کۆمەڵگەیە. لەوانەیە ئەو کەسە لەگەڵ هەموو چالاکییەکانی هەر وا نەناس مابێتەوە یا ئەزموونێکی پێ بێ کە لای وابێ بۆ بەرەی داهاتوو بەکەڵکە. لێرەدا شتەکە بڕێک لەگەڵ زەینییەت و ئینتزاعاتی نووسەرەکەی تێکەڵ دەبێ و بڕێک لە بیۆگڕافی فرەڕەهەندتر دەبێ. خوێنەر کاتێ ئۆتۆبیۆگڕافی دەخوێنێتەوە باشتر لەگەڵ مێشک و هزر و بیر و بڕوای کەسەکە ئاشنا دەبێت. چون دڵنیایە ئەوەی نووسیویەتی واتە خودی کەسایەتییەکە زانیاری تۆکمەی لەسەر توێ‌توێی ژیانی خۆی هەیە و مێژوو و ڕاستییەکان هەر بەو شێوەیەی کە سەربهوردەی خۆی پێیکردووە ڕەوایەت دەکات.
چەن نموونە ئۆتۆبیۆگڕافیی مەنشوور وەک "پیاسەیەکی درێژ تا ئازادی" لە نێلسۆن ماندێللا و "ئەزموونەکانی من، هەمبەر حەقیقەت" لە ماهاتما گاندی یا "ئێرنێست هەمینگوێی"لە هێمینگوێی...
دوو وێنەی زۆر بەرچاویش لە ئەدەبیاتی کوردی  لە کوێوە بۆ کوێی مامۆستا هێمن و
چێشتی مەجێوری هەژارن.
ئۆتۆبیۆگڕافی باری عاتیفی و زەینی زیاترە. بوێری زیاتری دەوێت چون کەسەکە بە دەستی خۆی سوڕ و نەهێنییەکانی ژیانی خۆی دێنێتە ئاراوە، هەڵەکانی باس دەکات و کەماییستییەکانی خۆی وەدەر دەخات.جاری وایە باسی تەمبەڵی و ترسەکانی دەکات. ئەزموونەکانی لە ئاشقی و هەرزەکاری و چالاکی ڕامیاریی خۆیمان پێ دەڵێت و کوردکوتەنی بۆ خۆی لە خۆی لە هەڵڵا دەدات. دیارە ئەمەش هەڵگری دڵێکی گەورە و چاوێکی نەترسە.
3: خاترە یا بیرەوەری نووسین: تەنیا پاژێکی کورتی زەمانی یا ڕووداوێکی بەرچاو لە ژیانی کەسەکە بە دەستی خۆی دەنووسرێتەوە کە دیارە ئەو بەرفراوانییەی ئۆتۆبیۆگڕافیی نییە و ناتوانی لەگەڵ توێیەکانی ژیانی کەسەکە تۆکمە و چڕ ئاشنا بی.
جیا لەم سێ جۆرە واتە بیۆگڕافی و ئۆتۆبیۆگڕافی و بیرەوەری نووسین، جۆرێکی نێوانێومان هەیە کە هەندێک لە تایبەتمەندییەکانی ئۆتۆبیۆگڕافی هەیە بەڵام دەیکێشێ بۆ لای چیرۆک و ڕۆمان. زۆربەی ئەم‌ جۆرە نووسێنە لە سەر دەستی کەسێکەوە ڕادەسێ کە خۆی چیرۆکنووس یا ڕۆماننووس بێت. کە نووسەری ئۆتۆبیۆگڕافییەکە خۆی چیرۆکنووس و ڕەوایەت‌بێژبێ وەک یووسا لە هەندێک جێدا هەست دەکەی گوێت لە چیرۆکێک دەبێت و هەندێک لە توخمەکانی سەرەکیی گێڕانەوە لە کار دەکرێت. (ئاماژە بە دیالۆگەکان دەکەم کە لە کتێبی ماهی در آب جاری وایە چەند لاپەڕە دیالۆگی نێوان دوو نەفەر خەریکە ژیانەکەی یووسامان بۆ باس دەکات.  ئەمە لە نووسینی ئۆتۆبیۆگڕافیدا باو نییە و پێویست ناکات). جار هەیە فانتازیا و خەیاڵی نووسەریش ئاوێتەی ئۆتۆبیۆگڕافییەکە دەبێت. لەم حاڵەدا داستان ڕاتدەکێشێ و ڕاستی و خەیاڵ پێکەوە ئامانجی سەرەکیی نووسەرەت بۆ دەستەبەر دەکات. جاری وایە ڕووداوەکان سەتاسەت ڕاستین هێندێک لە ناوەکان دەگۆڕدرێن و لە واقعێکی تۆخەوە بەرەو خەیاڵ ڕادەگوێزرێن وێنەی هەرە بەرچاو و بە بایخیش لەم جۆرەنووسینە لە وێژەی کوردیدا، دەتوانین کتێبی "تەپی‌سازندان" لە مامۆستا سەلاح نیساری کە کتێبێکە بۆ مێرمنداڵان باس بکەین.



لەیلا بەهرام‌بەگی "لاولاو"

https://www.tg-me.com/lawlaw1400

هێما تورابی کیژۆڵەیەک لە ڕەنگی گوڵی کراسەکەی

"وزوزی"مان بۆ دەخوێنێتەوە.

https://www.tg-me.com/lawlaw1400

ئەنجومەنی ئەدەبیی منداڵان و مێرمنداڵانی نیشتمان لە دانیشتنێکی ڕەخنەکارانەدا ئاوڕ لە کتێبی "پەپوولە" لە نووسینی جەعفەر ڕادمانی دەداتەوە و بەم بۆنەیەوە هەندێ بابەتی پەیوەندیدار بە وێژەی منداڵان و مێرمنداڵان دێنێتە بەر باس و لێدوان.

کات: بۆکان، دووشەممە ۱۹ی خەرمانانی ۲۷۲٤ی کوردی، کاتژمێر ۴ تا ۶

شوێن: بۆکان، پارکی میللەت، کتێبخانەی گشتیی مەستوورە کوردستانی

🆔 @nishtiman1

#ئەنجومەنی ئەدەبیاتی مناڵان و مێرمناڵانی نیشتمان

هاتن بۆ هەموانە

دانیشتنی یازدەهەمی کۆرسی ڕەخنەی ئەدەبی، ۱۸ خەرمانانی ۱٤۰۳ی هەتاوی، ئەنجومەنی ئەدەبیی شنۆ

🔰تەوەر: ڕەخنەی ئەدەبی، شێوازەکان و بنەماکان (پاش‌پێکهاتەخوازی، فۆکۆ)

🗣دکتۆر ڕه‌ھبه‌ر مه‌حموودزادە
📦ئەنجومەنی_ئەدەبیی_شنۆ
⏰كات: ٥٤:۲۱ خولەک
🔋قەبارە: ۲٦.۰۹ مێگابایت

#کۆرسی_ڕەخنەی_ئەدەبی
https://www.tg-me.com/dr_rehber

شێعری منداڵان

کیفەکەی کردە شان و
کەوتە ڕێگە خرتەخرت
لەگەڵ هاوڕێکانیدا
دەکەن قسە و سرتە سرت

دڵی پڕ لە هیوایە و
سەری پڕ لە پرسیارە
ورەی بەرز و دڵخۆشە
لە هەنگاویڕا دیارە

قومقمەی ئاوی فێنک
دوو سێ بابۆڵەی بەتام
دەگاتە هەر منداڵێک
خێرا لێی دەکا سەلام

خودکار و پێنووسی جوان
لەگەڵ قەڵەم‌تراشێ
نووکی پێنووسەکانی
وەک سەری خۆی دەتاشێ

چل‌بەرگ و شەست و سەدن
لاپەڕەی دەفتەری ئەو
جاروبار کاتی وانە
چاوی دەچێتەوە خەو

دەرس و گەمە و هەڵبەزین
شێعر و سروود و ئاهەنگ
خەریک بوو وەڕەز دەبوو
باش بوو زوو لێیاندا، زەنگ

چۆوە بۆ ماڵێی زانا
حەساوە و خواردی نەهار
هەموو ڕۆژێ ئاوایە
لە پاییزڕا تا بەهار

لەیلا بەهرام‌بەگی "لاولاو"

https://tme/lawlaw1400

زولفت بە قەدتدا
تاهیر تۆفیق

https://www.tg-me.com/Navandiadabi_raja
#نالی
#تاهیر_تۆفیق

https://www.tg-me.com/lawlaw1400

شێعری دەرزیلە لە کتێبی "وزوزی"
سپاسی فێرگەی بەیان کە وشەکانم دەخەنە سەر زاری پەپوولەکان.


https://www.tg-me.com/lawlaw1400

پاییز کە دێ هەر باس باسی هەڵوەرینە
من پێی دەڵێم
ئەو دەسپێکی شێعری سەوزی ڕاپەڕینە
خەزان خەزنەی زێڕینی خەیاڵی
لە خەو ڕابوون و
بەرەنگاری گەرمەمەرگی بێ برینە

شەیدا مەحموودی شنۆ

@hanasyaven

🎙 ماموستا حه سه ن زیره ک
🎶 دانیشتنی هەولێر
📻 کم بیستراو

پێشکەشتان بێت ❤️🌷
@DangiAlashin

https://www.tg-me.com/lawlaw1400

مناڵە چاوگەشەکان و مێرمناڵانی ئازیز و دایکان و باوکان و دۆستان و هاوڕێیانی خۆشەویستی ئەنجومەنی ئەدەبیاتی مناڵان و مێرمناڵان، پێنج‌شەممە ١٤٠٣/٧/١٩ دانیشتنی ئەنجومەنی مناڵان و مێرمناڵانی نیشتمان بەڕێوە دەچێ و چاوەڕوانتانین. تکایە هاوڕێیانی خۆتان ئاگادار کەنەوە.

🆔 @nishtiman1

#ئەنجومەنی ئەدەبیاتی مناڵان و مێرمناڵانی نیشتمان

گیاهخوار
نویسنده: هان کانگ
مترجم: مرضیه سادات هاشمی‌پور

کتێبێک له وەرگری خەڵاتی نۆبێلی ئەدەبیاتی ۲۰۲٤

https://www.tg-me.com/EnjumeniEdebiShino

لەم بەرنامەیەدا کە بڕیارە ۲٦ی ڕەزبەری ۲۷۲٤ لە بۆکان و لە ماڵی مامۆستا حەقیقی بەڕێوە بچێت بە پێشکەش‌کردنی باسێک لەسەر کتێبی منداڵان بە گشتی و کتێبی وێژەیی منداڵ و مێرمنداڵ بە تایبەتی لە خزمەت بەشداربواندا دەبم.

https://www.tg-me.com/lawlaw1400

زەردەمەرگێک چاوی زەق‌زەق تێبڕیم
وەک بڵێی سۆسەی خەمێکی کردبێ
نەیدەخوێند ئایەت لە بەرگی هەڵوەرین
پێم  هەمووی پێشتر لەبەر دڵ کردبێ

من وەکوو کوێرێ، ئەویش چاوساغەکەم
ڕایدەکێشام تا بناری گۆڕوەشار
بایەقووش، سوڵتانی موڵکی چۆڵەوار
زۆر بەسۆز ئەمجارە دەیکرد نارەنار!

تێگەییشتم کاتی هاتووە هەڵوەڕین
شادەی ئەشقم خوێند و دەسبەردار بووم
بێخەبەر  پاش مەرگەژانم لەوبەریش
سەر کەویی دڵ بۆتەوە و بەردار بووم

لەیلا بەهرام‌بەگی "لاولاو"

https://www.tg-me.com/lawlaw1400

ڕەزبەرێکی تووش لە ۲۷۲٤

اولین شماره «دو فصلنامه نقد ادبیات کودک و نوجوان» به دو زبان کردی و فارسی
منتشر شد.
دریافت این مجله به دو شکل چاپی و الکترونیکی امکان‌پذیر است.

نسخه الکترونیکی این مجله را از طریق لینک زیر در پلتفرم طاقچه دریافت کنید:
https://taaghche.com/book/214858

برای دریافت نسخه چاپی این مجله پیام بدهید:
@henarpub

شەشمین دانیشتنی پاییزی منداڵان و مێرمنداڵانی ئەنجومەن بە بەشداری منداڵان و مێرمنداڵان و دایک و باوکانی بەڕێز و هاوڕێیانی ئەنجومەن بە خوێندنەوەی شێعر و چیرۆک، گێڕانەوەی چیرۆکی فۆڵکلۆری لە لایەن مامۆستا لاولاو بەهرامبەگی، داهێنانی مەتەڵ و زمان‌خەڵەتێنە، موسیقی منداڵان لە لایەن مامۆستا ڕووناک سوڵتانیەوە بەڕێوەچوو.
پێنجشەممە ١٤٠٣/٨/١٠
شوێن: کتێبخانەی مەستوورە کوردستانی
کات: ١٠:٢٠تا١٢:٣٠

🆔 @nishtiman1
#ئەنجومەنی ئەدەبیاتی منداڵان و مێرمنداڵانی نیشتمان

گێڕانەوەی حەقایەتی فۆلکلۆری شیردا بۆ داپیردا لە ئەنجومەنی منداڵان و مێرمنداڵانی نیشتمانی شاری بۆکان، ڕێکەوتی ۱۰ی گەڵاڕێزانی ۲۷۲٤ی کوردی

https://tme/lawlaw1400