الفريق الاول شوفتهم هاي الصوره
(بنت شابه)

الفريق الثاني شوفتهم هاي الصوره
(سيدة عجوز)

بعدين خليت الفريقين يشوفون هاي الصوره ويوصفوها الي
الفريق الي شاف الصوره رقم ١ (البنت الشابه)
وصفولي هاي الصوره ايضا بانها البنت الشابه

اما الفريق الثاني الي شاف الصوره رقم ٢ ( السيده العجوز)
وصفولي هاي الصوره بانها لسيده عجوز
وضل الفريقين يتناقشون بيناتهم
وكل فريق متاكد انه هو الصح
ومستغرب من وصف الفريق الثاني

الفكره ان كل فريق من عائلتي
من شاف الصوره الاولى كانت هي بمثابه منظوراته الفكريه الي من خلالها حكم على
الصوره الثالثه

فلذلك هذا المثال يوضح النا
كيف ممكن ان نختلف بالاراء و ونبقه متمسكات بصحة اراءنا و نحكم ع الرأي المخالف بانه غير منطقي و خاطئ

اذا ماتذكرنا اختلافنا بمنظوراتنا الفكريه
وحاولنا نتناقش بهدوء
حتى نگدر نفهم وجهة نظر ورأي المقابل
وهنا لازم نتعلم مهارة الانصات وعدم التعجل بالاحكام
شنو؟
((الانصصصصات))
سمعتي ست اديان😒
اغلب مشاكلي بسبب عدم انصاتي وسرعة حكمي
لان دائما جنت اشوف وجهة نظري صح😂
المهم

لازم ما ننسى ان حتى لو اختلفت الاراء حول موضوع معين
تبقه الحقيقه وحده و ثابته
ف الحقيقه الي بهاي الصوره
هي مجرد خطوط سوداء وفراغات بيضاء
اما تفسيراتها و وصفها ف يعتمد ع نظرتنا احنه الها
ومن ما نتزمت باراءنا ونتبع اسلوب النقاش الهادئ
بالنهايه راح نشوف الصوره الكامله الحقيقيه

المخلص لكلامي كله
اولاً اذا ردنا نحقق تغييرات جذريه بحياتنا لازم ننطيها وقتها حسب نظريه المزرعه
ونتذكر ان الحلول السريعه ممكن تعالج مؤقتاً بس ما تحل نهائياً
مثل الطالبه الي تدرس كل الماده بليلة الامتحان
هذا حل سريع ممكن يخليها تنجح بالامتحان بس راح تنجح من ماده مافاهمتها ولا استفادت منها
لان ما انطت للمعلومات الوقت الكافي حتى يتم الاستفاده منها..

وثانياً / لازم نتاكد من صحه خريطتنا قبل لا نجهز العده للسفر
( نتأكد ان منظوراتنا الفكريه صحيحه.. وهاي عمليه مستمره كلما زاد الوعي كلما لبسنا نظارات اوضح وكلما فسرنا الاحداث بطريقه اصح)

وثالثاً/ فهمنا سبب اراءنا المختلفه وضروره عدم التيقن التام بصحة هاي الاراء الا بعد سماع وفهم كل الاراء المخالفه
وبالاخير تتضح الصوره الكامله

كل هاي المعلومات العظيمه من كتاب (العادات السبع للناس الاكثر فعاليه)
لا وشنو
هاي المعلومات بالتمهيد مال الكتاب لسه مابديت بالعادات السبع🤯

Don’t be beautiful like them . Be your own type of beautiful . It takes all kinds of flowers to make a garden 🌻🤎

انتِ اليوم حيث أتت بكِ افكاركِ بالأمس
وانتِ غداً حيث ستأخذكِ أفكاركِ اليوم

لكل المستجدات بالجامعه 💕
حتى لو انتِ مو مستجدة بالجامعة شوفي الفديو ممكن يفيدچ🤍

عزيزي الله ،
‏قد لا استحق أن أصل الى ما ادعو بهِ وأنت أعلم بذلك ، ربما لا أبذل ما يتسحقه الأمر من جهد ، أسهو كثيراً وأيأس اكثر ، لكنك ايضاً تعلم أن لهتفي للوصول كبيرة وأن تعثرت خطاي ، سأكون هنا دائماً انتظر جبرك لقلبي! وشكراً لأنك منحتني حلماً وأملاً عظيمين أعيش على وقعِهما

مرحبًا أيّتها الفتاة المقاومة جدًّا..
‏تبدين رائعة اليوم؛ فأنتِ وليومٍ آخر لا زلتِ هنا، تغادرك الأماكن وأنتِ ثابتة، تعدو الأيّام من حولك وتتسارع الأعوام، ولكنّكِ باقية علىٰ ناصية الحلم تُقاتلين!

يومٌ آخر يا عزيزتي تُحبّين فيه السماء أكثر،وتستمعين بتفاصيلك رغم أنف الوجع، وتقرئين كثيرًا من القصائد رغمًا عن الخيبات، وتؤثرين الحُبّ نكايةً بالقلق، تتمسّكين بأحلامك قسرًا في وجه مجتمعك البغيض، وتعدّين النجوم في أحلك اللّيالي، وتحوّلين هذا الثِقل إلىٰ غيم وهذه الحيرة إلىٰ حلم!

أحسنتِ، أنتِ تبلين جيّدًا، دون الحاجة لأن أعدّد إنجازاتك وأحصر تقدّمك في كُلّ الأعوام السابقة علىٰ بضعِ محاولات، فكلّ هذا لا يهمّ ما دمتِ هُنا؛ولا بأس بهذا الكمّ من الضياع فإنّ الله لا ينسىٰ، وكلّ تلك الدعوات ستتحوّل إلىٰ زخّات، ستمطر قريبًا فلا بأس علىٰ قلبك يا بهيّة.💛

‏"وحَنَانًا مِن لَدُنّا"
‏حنانًا لقلبكِ المثقل إذ كان الصّمت خيارًا أثقل
‏ولروحكِ التى خبّأتِ بين ثناياها حُلمًا لا يعلمه الا ربكِ
‏ولجسدكِ المُرهق سيرًا لهدف تريه مستحيلا
‏حنانًا لدواخلكِ ولسعيكِ ولمحاولاتكِ للوصول
‏حنانًا لكِ أنتِ كيفما كُنتِ
‏أيّتها السّاعية إليه
‏حَنَّ الله عليكِ💛

صار وياي موقف حبيت أوثقه بالقناة حتى يبقه عبرة الي ولكل من تقراه.
خلال نقاشي مع احد الصديقات المبدعات جداً والمتميزات دراسياً وعلى مستوى الشخصية هي بقمة الرقي والثقه والقوه
واني اعرفها من خمس سنوات تقريباً.
واليوم فجأة وبين كلامها صعقتني بحقيقة وضعها الصحي ! وضع مأساوي و مؤلم لابعد الحدود والاصعب من كل شي هو عدم تشخيص حالتها طبياً ولهسه ممعروف شنو السبب.
وبينما چانت تحچيلي عن كل الي مرت بيه خلال العشر سنوات السابقه ومعاناتها وألامها
اني حرفيا چنت صافنه ومنذهله من اسلوبها بالنقل لدرجة خلتني احس شكد هي عظيمه ( والعظمة لله) وشكد قويه و ولا لحظة حسيت بالشفقه عليها .
وذكرت الي انها بهواي مواقف تعرضت للانتقاد والحكم الخطأ من الناس وأُتُهِمت بالغرور والكبر بسبب انها امتنعت عن الجلوس ع الارض (لعدم مقدرتها صحياً) بس لانها ما تحب الشكوى ولا تحب شعور الشفقه من الحواليها فتكتمت ع موضوع مرضها وتركت الناس بظنها السيء عنها !
وهذا كله بجهة
وطموحها بجهة ثانيييه يعني سبحان الله والف ماشاء الله عليها
طموحة الى ابعد الحدود لتطوير نفسها بمجال شغلها وبمجال هوايتها وتسعى انها تعتمد ع نفسها
برغم حالات الاغماء الي تصير عدها فجاه وبدون سبب ولعدة مرات خلال وقت قصير ! لكنها ابداً ما تحججت بمرضها و ضلت تندب حظها و وقفت كل حياتها .
صراحة شكد ما احجي عنها قليييل بحقها
سابقاً هواي سامعه عن قصص ملهمه بس اول مره اشوفها بعيني .
وبالاخير احب اكول. اذا هاي القصه ما الهمتج خليها ع الاقل تمنعج من الحكم السريع ع الناس بدون معروفة ظروفها ممكن تگولين كلمة بشقه بس تسبب جرح كبير