انها ليلة الجمعه
ارجو ان تذكريني بدعوه لعلكِ تكونين اقرب مني الى الله..

‏ثمة أحداث حدثت في حياتي، لا أملك لها وصفًا أو تفسير، أشعر أنها بتدبير العزيز القدير، أحاول أن أربط خيوطها المتباعدة فلا أجد أن لي فيها يَدّ، وأعلم أن ليس لي منها بُدّ، فرضيت واستسلِّمت بإيمان حين استحضرت عظمة مُسيِّر هذا الكون الذي إن أراد شيئًا قال لهُ:"كُن فيكون"

إذا شعرتِ أنكِ لست بخير، وأن الأيام تأخذ طريقًا رتيبًا ومُتشابه، ونفسكِ أصبحت بعيدة عن نفسك، هنا عليك أن تبدأي بالتغيير، غيّري مكان عملك، طريقتك في الدراسة، أعيدي ترتيب غُرفتك، ألغي قراءاتك الحالية وابدأي بكتبٍ جديدة، حتىٰ لو كان بسيطًا مثل تغيير نوعية القهوة والشاي. ستُدهشكِ النتائج.

ايقنت ان الحياة بلا معاناة تافهه وميته !
وان المعاناة ليست بذاك السوء الذي اعتقدته
بل انها تحمل بين طياتها لذة خاصة
وانها الدافع القوي للتقدم والتطور وعدم الركود في نفس المكان.
وايقنت ان المعاناة هي صفة لصيقة بالحياة
وكلٌ منا تعاني بطريقتها الخاصه
الطالبه تعاني لتحقيق حلمها والحصول على اختصاص معين
وصاحبة الاختصاص تعاني من مشقه دراستها
والعاطله عن العمل تعاني لتجد عمل
والعامله تعاني من تعب وضغوطات العمل
والعزباء قد تعاني لتجد شريك حياتها المناسب
و تعاني المتزوجة ان لم ترزق بطفل
وكذلك الام تعاني من مسؤوليات اطفالها
والى اخره من الامثلة الحياتيه المختلفه لاشكال المعاناة
الجالسه بدون سعى لتحسين حياتها .. تعاني
والساعيه لتحسين وتطوير حياتها تعاني ايضا من الصعوبات التي قد تواجهها في هذا السعي

وانا شخصياً لولا المعاناة الصامته التي مررت بها
وسعيي لاخراج نفسي منها ماكنت لاصل لحالة الوعي التي تغمرني الان وما كنت لاستشعر حقائق كانت مغيبةً عني بسبب قلة ادراكي

ومعاناتي كانت حافزي في اشعال شغفي للتطور وتعديل منظوراتي للحياة و قيمي وحتى اهدافي

فلذلك ان كان لابد من المعاناة فيجدر بنا ان نختار الاشخاص والاهداف والاشياء التي تستحق ان نعاني من اجلها

من كتاب "السماح بالرحيل "

اكثر شي اشتاقله كلما اغيب عن القناة هي هاي الرسائل اللطططيفه والادعيه الكلها دفو😩💜
حرفياً تصنع يومي وتحسسني شكد اني محظوظه💕

هلو بنات شلونچن
اليوم تعلمت معلومات جديده وضليت صافنه " اني شنو چنت اسوي بحياتي؟!"
لازم لازم اشاركچ بيها
( راح احجي بصيغه مفرد بس اني اقصد كل صديقه بالقناه😅)

ممكن اكو بنات عدهن علم مسبق بهاي المعلومات
بس ميخالف في الاعاده افاده😁

طبعاً كل مره من اريد انشر موضوع اكتبه كامل بالرسائل المحفوظه وبعدها انسخه للقناه
بس هالمره من الحماس راح ابلش اكتب هنا مباشره😂

شوفي راح احچي عن ٣ مصطلحات مترابطه ممكن بالبدايه يكونن غريبات بس راح اشرحهن بكل بساطه وبنهاية الموضوع ان شاء الله كلشي يصير واضح بس اريد تركيزج وياي
بسم الله 😁
المصطلحات هي
١- نظريه المزرعه
٢-الصلاح الثانوي والصلاح الاساسي
٣- التصورات الذهنيه ( المنظورات الفكريه)

نچيلهن وحده وحده

اول شي " نظرية المزرعه"
باعي فكرة هاي النظريه بكل بساطه
هي ان من تردين تزرعين فد محصول معين
يتطلب منج وضع البذور بفصل الربيع وباقي متطلبات الزراعه من حرث الارض والسقي والخ..
وبعدين تنتظرين لنهاية فصل الصيف حتى تحصدين

هاي العمليه هي نظام طبيعي واجب حدوثه بهذا الترتيب

يعني مو من المنطق ان تنسين زرع البذور بفصل الربيع
وتنشغلين طول فصل الصيف باللعب واللهو
وبعدين قبل الخريف
تقومين بكل الاعمال الزراعه وتتصورين ان المحصول مالتج راح ينمو وتحصديه بالموعد

وهاي النظريه نطبقها بحياتنا من نريد نسوي تغييرات جذريه وطويلة الامد
لازم نراعي المده الي ياخذها كل تغيير حتى يتجلى بحياتنا
ولازم نطبق خطواته بالترتيب الصحيح
تمام؟

هسه نجي لل" صلاح الثانوي والصلاح الاساسي"ً
هنا چانت الصدمه بالنسبه اليه😩
تدرين ان احنه بحياتنا من نريد نتغير مثلا او نتطور
نلجئ للحلول السريعه و الي ممكن تجيب نتيجه لكنها مؤقته
يعني كأنها مهدئات
وبعد فتره ترجع نفس المشكله مثل الي استمر يصير وياي لفتره طويله قبل لا اعرف هاي المعلومات

تطوير المهارات واكتساب الخبرات والتفكير الايجابي وتعلم فن التعامل بالعلاقات وغيرها من موضوعات الي غاصه بيها كتب التنميه
كلها تعتبر مهمه واساسيه للنجاح
لكنها تعتبر "صلاح ثانوي"
يعني اذا طبقنا هاي الامور وحدها راح تكون النتائج مؤقته

لذلك لازم يسبقها الصلاح الاساسي الي هو يعتمد ع شي اسمه المنظورات الفكريه

يعني انطيج مثال

لو ردتي ترحين لمكان معين بالبصره وعندج خارطه البصره
راح تكون عندج العزيمه والاصرار حتى توصلين لهذا المكان و ماتوگفج اي صعوبات بالطريق
ويمكن تتعلمين تسوقين او تتعلمين طريقه التعامل مع الناس الي بالشارع وغيرها من المهارات الي تساعدج حتى توصلين للمكان الي تردي ( كل الذكرتهن هن صلاح ثانوي)
وبالنتيجه راح توصلين

لكن تصوري ان الي بيدج هي خريطه بغداد و بالخطأ انطبع عليها اسم مدينة البصره
بشنو راح يفيدج سعيج و مهاراتج واصرارج وكل الاشياء الي تعلمتيها حتى توصلين لهذا المكان
اذا چانت خريطتج اصلا مو صحيحه!
والخريطه بحياتنا تمثل منظوراتنا الفكريه

بس اصلي وارجع اكمل شنو يعني منظورات فكريه وراح يكون كلشي واضح ان شاء الله

المنظورات الفكريه :
باعي المصطلح لاول مره ممكن يبين شويه مكلكع و ماينفهم😅
بس هو بكل بساطه
هو مصطلح يشمل كل خبراتنا و معتقداتنا و تربيتنا وتأثرنا بالبيئه المحيطه وبالاختلاط بالناس وغيرها
ف تصوري كل هاي الاشياء تجمعت بشكل نظارات 👓 نشوف من خلالهن المواقف والاحداث والظروف و اي شي نواجهه


وبسبب اختلافنا بطريقة تفكيرنا وتربيتنا و بيئتنا وغيرها من الامور الذكرتها
بالنتيجه راح تكون لكل وحده منا نظاراتها الخاصه
الي من خلالها تشوف الاحداث بطريقه خاصه

وخلي انطيج مثال يوضح قوة تأثير منظوراتنا الفكريه على فهمنا للامور وبالتالي تاثيرها ع احكامنا وتصرفاتنا

هذا الاختبار تكدرين تطبقينه بنفسج ع صديقاتج او اهلج وتشوفين نتائجه
اني طبقته ع اهلي
قسمتهم فريقين