لەکاتى سەفرە و سەیران ئەم (پێنج) خاڵە لە بیر مەکە
چونکە زۆربەى خەڵکی نایزانن یان لە بیریان کردووە
بێگومان بە هاتنی وەرزی بەهار خەڵكى دڵخۆش دەبن و زۆربەی خەڵكى ڕو لە دەشت و دەر دەكەن بۆ هەڵمژینی هەوایەكی پاك و حەسانەوەیەكی دڵ و دەرون و سەیركردنی دیمەنە جوان و ڕازاوەكانی بەهار .
جا لەگەڵ چێژ بینین لە دیمەنە جوانەکانى بەهار ئەم (5) خاڵانەش جێ بەجێ بکە بۆ ئەوەى سەفرە و سەیرانەکەشت لەسەر سوننەت بێت و دوور بێت لە تاوان و خراپە ، چونکە تۆى موسڵمان دەبێ لە هەموو شوێن و لە هەموو كاتێك و لە هەموو موناسەبەیەكدا پابەند بیت بە ئاداب و ئەخلاقی جوانی ئیسلامەتی و جیاواز بین لە خەڵكانی تر .
خاڵەکانیش بریتین لە :
یەکەم : پێش ئەوەی لە ماڵ دەربچی نیەتت پاك بكەرەوە ، با نیەتت ئەوە بێ دیمەنی جوانی بەهار ببینی و هەوایەكی پاك هەڵمژن و سەیری توانا و دەسەڵاتى خوای گەورە بكەى ، چونكە وەرزی بەهار وانەو دەرسی باوەڕ بون بە زیندوبونەوەمان لە دوای مردن پێ دەدات و پێمان دەڵێت كە لەدوای مردن زیندو دەكرێینەوە هەروەك چۆن كاتێك زەوی وشكە و هیچ جۆرە گیا و سەوزایەكی نیە و خوای گەورە بارانی بەسەردا دەبارێنێ و زەوی زیندوو دەبێتەوە و سەوز و جوان دەبێ ئە ئەمە بەڵگەیەكی ڕوون و ئاشكرایە لەسەر توانا و دەسەڵاتی خوای گەورە سەبارەت بە زیندوكردنەوەی مردوەكان هەر وەکو خواى گەورە فەرمویەتى : 
(وَمِنْ آيَاتِهِ أَنَّكَ تَرَى الْأَرْضَ خَاشِعَةً فَإِذَا أَنزَلْنَا عَلَيْهَا الْمَاءَ اهْتَزَّتْ وَرَبَتْ  إِنَّ الَّذِي أَحْيَاهَا لَمُحْيِي الْمَوْتَىٰ  إِنَّهُ عَلَىٰ كُلِّ شَيْءٍ قَدِيرٌ ) سورەتى فصلت ئایەتى (39).

دووەم : كاتێ لە ماڵ دەردەچی  زیكری دەرچون لە ماڵ دەرچوون بخوێنە .پێغەمبەری خوا ﷺ دەفەرموێ :  كاتێ كەسێك لەماڵ دەردەچێت ، بڵێت : "بِسْمِ اللهِ، تَوَكَّلْتُ عَلَى اللهِ، لاَ حَوْلَ وَلاَ قُوَّةَ إِلاَّ بِاللهِ"  ئەوا پێی دەوترێت : بەستە ، هیدایەت دراوی ، وپارێزراوی ! و شەیتان لێی دوور دەكەوێتەوە .

سێیەم : كاتێك چویتە شوێنێ دانیشتن بۆ نان خواردن و ئیسراحەت ئەم زیكرەیە بخوێنە و بڵێ : "أعوذُ بِكَلِماتِ اللهِ التّامّاتِ مِن شَرِّ ما خَلَقَ" : پەنا ئەگرم بە ووشە تەواوەكانی خوای گەورە لە خراپەی دروست كراوەكانی.
ئەگەر ئەمە بڵێی هیچ شتێك زیانت پێ‌ ناگەیەنێ‌ تا لەو شوێنە بمێنیتەوە .

چوارەم : یەكێك لە سوننەتە لە یادكراوەكان كە زۆر كەس نایزانێ ئەوەیە كاتێك لەو دەشت و دەرە سەردەكەوی بەسەر شوێنێكی بەرزدا سوننەتە (الله ٲكبر ) بكەی ، وە كە دابەزیت و بەرەو نزمی هاتی سونەتە (سبحان الله) بکەى .

پێنجەم : كاتی نوێژ هات بانگ بدەن پێتان شەرم نەبێ ، خەڵکانێک پێیان شەرم نیە دەنگی گۆرانی بەرز دەكەنەوە و شانازی پێوە دەكەن ، تۆی موسڵمانان نابێ شەرم بكەی کە کاتى نوێژ هات بانگ بدەن و دەنگیش بەرز بکەنەوە چونکە هەرکەسێ ئەو بانگە ببیستێ لە ڕۆژى قیامەتدا شایەتیت بۆ دەدات .
----------------------

• پێغەمبەری خودا {ﷺ} فەرموویەتی :

هەر کەسێك چوار ڕکات نوێژی چێشتەنگاو بکات ، وە پێش نیوەڕۆ چوار ڕکات بکات ، ماڵێکی بۆ بنیات دەنرێ لە بەهەشتدا .

| صحيح الجامع ( ٦٣٤٠ ) |

🌳ئـاگـاداری🌳

‌↩ئـەگـەر ســبەی ڕەمـەزان بـێت ئەمشـەو تەراویـح دەکرێــت ٳن شاءالله

قَــالَ رَسُــولُ الـلَّـهِ ﷺ { مَنْ صَـامَ رَمَـضَـانَ إِيـمَـانًـا وَاحْـتِـسَابًـا غُـفِـرَ لَـهُ مَـا تَـقَـدَّمَ مِـنْ ذَنْـبِـهِ }
_____
واتـا :  پــێــغــەمــبــەری خــودا ﷺ فــەرمــوویــەتــی
{ هـەرکـەسـێ رۆژووی ڕەمـەزان بـگـرێ بـڕوای پـێـی هـەبـێـت و چـاوەڕوانـی پـاداشـت بـێـت لای خـوا لە گـوناهـەکـانـی پـێـشووی خـۆش دەبـێـت }
ئـیـمـامـی ≼ بـوخـاري ≽ ریـوایـەتی کـردووە « ٣٨ »📚.