🎶 ناسر ڕەزازی
ئەگەر ڕۆژێ نەتبینم
نوقمی ئاو و ئاگرم
یاخوا قەت لێم دوور نەبی
بێ تۆ ئارام ناگرم...
➿ @Kurdinus

گەرچی دڵداری لە خاکی ئێمەدا ئەفسانەیە
هەر بەتەنیا بۆ کوڕی خاوەن تەلار و عانەیە
گیانەکەم! ئەمما دڵی من لەو دڵە شێتانەیە
بێ ئەوەی هیچ شک بەرێ کوژراوی ئەو چاوانەیە
➿ @Kurdinus
«هەردی»

وەکوو زریان پشوو ئەدەم
بەڵام نانووم
وەکوو هەڵۆ هەڵئەنیشم
بەڵام لووتکە قەت بەرنادەم...
➿ @Kurdinus
«شێرکۆ بێکەس»

وەک ئەو درەختەی
ساتێ دیداری سروەی لێ ون بێ
لە سەما و لەنجە و جووڵە دەکەوێ
منیش بێ تۆ وام...
➿ @Kurdinus

ناوێرم بانگت کەم، شوێن دەنگم هەڵدەگرن
ناوت لێم زەوت ئەکەن، هاوارم سەر دەبڕن
بۆنی دەم دەکەن، بۆ نێو دڵ دەڕوانن
ئەوین و ئازادی، هەردووکیان تاوانن...
➿ @Kurdinus
«جەلال مەلەکشا»

تۆ ئازادیبەخشی گیانە!
ژوانگەیەکی بچکۆلانەت
بۆم کردۆتە هەموو گەردوون...
➿ @Kurdinus
«پەشێو»

دەسا چۆن دامەنت بگرم، کە مەیلت
ئەوەندە ساردە نەما پەنجەم لە کارا
➿ @Kurdinus
«سالم»

وەرن جەرگم هەڵدڕن، گشتی داخ و مەینەیە
یاری جوانم بێ دەلیل بۆچی تۆراوە؟
تۆی نەمامی ژینم، ڕەبی مەرگت نەبینم
وەرە ئاشت بینەوە، هەر تۆی گوڵی ئەوینم...
➿ @Kurdinus

مێهرەبانی کەی وا دەبێ؟
لەگەڵ خۆتدا هەموو شتێکت برد
من نەبێ...
➿ @Kurdinus
«ڕەفیق سابیر»

جریوەی مەل و گمەی کۆتر و بۆنی باران
گرینگترە لە تەقەی تفەنگ و
جوانترە لە وتاری سیاسەتمەدارێکی سەرقاڵ...
➿ @Kurdinus
«فەرەیدوون ئەرشەدی»

کە شەماڵ هات بەپیرتەوە
ببە بە باخ...
➿ @Kurdinus
«شێرکۆ بێکەس»

یاساکانی بەختەوەری: بوونی کارێک کە پێوەی سەرقاڵ بی، کەسێک کە خۆشت بوێ و شتێک کە هیوات پێی بێ.
➿ @Kurdinus
«ئیمانویێڵ کانت»

عیشقت لە دڵ و دیدەیی پڕ ئەشک و ئەلەمدا
گونجایش و تەسکینی نییە، زۆرە لە کەمدا
➿ @Kurdinus
«نالی»

دەمکوژی بەو دەردەوە، یا چارەیی دەردم دەکەی...
➿ @Kurdinus

کەسێ تۆ کوشتبێتت ڕۆژی مەحشەر زەحمەتی نادەن
ئەگەر وەک من لە ئەم دنیایه سووتابێ لە هیجرانت
➿ @Kurdinus
«مەستوورە»

بۆ منی بێسەروپا غەیری وەفا پیشە نەما
بۆ دڵی تۆ سەنەما! جوز ستەم، ئەندیشە نەما

ئاب و ڕەنگم نییە، ئەز بەس که تکا خوێنی سروشک
مەیی ئەحمەر کە ڕژا، خاسییەتی شیشە نەما

چ تەکانێکە خودایا هەرەسی جەوری حەبیب؟!
بۆ نیهالی ئەمەلم بەرگ و بەر و ڕیشە نەما

وام تراشیوە بە ناخون لە غەمت، سینەیی ڕێش
شوهرەتی کۆهکەن و وەسفی دەمی تیشە نەما

بەس بسووتێنە لە غەم سالمی مسکین بە جەفا
بۆ وجوودی سەر و پا، لەحم و دەم و پیشە نەما
➿ @Kurdinus
«سالم»

هەتا زستانە غەمگینم
گوڵی سوورم کە نابینم...
➿ @Kurdinus

بەداخەوە، دوێنێ هونەرمەندی بەتوانای کورد جەمیل نەوسوودی، کە هەوڵ و خەباتی بۆ زیندووڕاگرتنی ئاوازی فۆلکلۆری ناوچەی هەورامان و زاراوەی هەورامی تاهەتایە لە مێژووی هونەری کوردیدا دەمێنێتەوە، کۆچی دوایی کرد.
یاد و ناوی هەرمان.
➿ @Kurdinus

خۆزگە درەنگتر دەهاتمە دنیا
دەبووم بەوانەی پاش من دەتگەنێ...
➿ @Kurdinus
«پەشێو»

#فۆلکلۆر
خەتای من نییە، دڵ خۆی بێعارە
دایمە خەیاڵی لای کۆنەیارە
➿ @Kurdinus