خۆشەویستی من
چۆن بەرایی دا چاوەکانت
وا ببینێ من بە تەنیایی؟
خۆ دڵی من
کۆتری بن گوێسوانەی چاوەکانی تۆ بوو
نەتئەزانی من بە بێ تۆ
ڕۆحی نەسرەوتەم
وەک گوڵی نێو شۆرەکاتی وەرزی بێ‌باران
زڕ دەژاکێ، سیس دەبێ، دەمرێ؟
➿ @Kurdinus
«جەلال مەلەکشا»

🎼 #شەوموزیک (ژماره 676) بە دەنگی شەماڵ سائیب.
➿ @Kurdinus

گەر سێوێک بوو
لەتی دەکەم
لەتێک بۆ خۆم، لەتێک بۆ تۆ
بزەیەک بوو
لەتی دەکەم
لەتێک بۆ خۆم
لەتێک بۆ تۆ
خەفەتێک بوو
بەشت نادەم
هەڵیدەمژم وەک دوا پەتۆ
➿ @Kurdinus
«پەشێو»

من خەمی خاڵێک دەخۆم، تەنیا ئەوەندە و هیچی تر
لەم جیهـانە گـەورەدا مـن ئـەو خـەمـە وردەم هـەیـە
➿ @Kurdinus
«هێدی»

➿ @kurdinus
من بشگریم، بێدەنگ دەگریم؛ فێر کراوین بێدەنگ بگرین و بمرین، بێدەنگیش گۆرانی بڵێین، بە دزییەوە حەز لە یەکدی بکەین، شەو تا بەیانی چەندین نامەی دڵداری بنووسین و بەیانیش لەگەڵ گزنگی خۆر هەموویان بدڕێنین نەبا تیشکی خۆر بیانخوێنێتەوە. ئێمە نەوەیەکین شەمشەمەکوێرەئاسا حەز بە تاریکی دەکەین، لە نهێنییەکانی خۆمان دەترسین. من دەمرم و بێ ئەوەی کەس بزانێ تۆم خۆش دەوێت، من هەر بە خەیاڵ دەتگرمە ئامێز و... ماچت دە... نا ببوورە... تا ئێرە و بەس... من کەی دەوێرم سەر هەڵبڕم!
➿ @Kurdinus
«گوڵی ڕەش، شێرزاد حەسەن»

نازانم بۆت لە چی بدوێم
هەروا لە شتی جوان دەگەڕێم
➿ @Kurdinus
«هێدی»

دڵم پابەست زولف یارەن ئەمشەو
لە بەخت من درێژ و تارەن ئەمشەو
➿ @Kurdinus
سەید یاقۆی ماییدەشت

سەرم ناوێ ئەگەر نەیخەم بە حەڵقەی پەرچەم و چاوت
دڵم نـاوێ ئـەگـەر نەیکـەم بە فـیدیەی چـاوی عـەییارت
➿ @Kurdinus
«وەفایی»

من لەبەر ژانی برینم جارێ گەر هاوار دەکەم
بێدڵان وای دادەنێن دێوانەم، ئەمما وا نییە
➿ @Kurdinus
«هێدی»

هەرن بێژنە وێ سۆرگولێ
وێ دەرمان کن ئەڤێ کولێ
بێژنە لاوکێ تە نەخوەشە
ناڤ جییادا، بەر مرنێ
➿ @Kurdinus
🎶 بارش چەلیک

ئازیز!
دنیا هەر خەم نییە
لە ژیاندا،
کاتی دڵخۆشی کەم نییە
کە وا بوو خۆشەویستەکەم
چاو لە چاوی کیژی هیوا مەترووکێنە
کۆشکی تاسە مەڕووخێنە
ئاسۆ ڕوونە
شنەی شەوبا،
موژدەی هەرمان و هەربوونە...

«عەلی حەسەنیانی (هاوار)»
🍎 @Sewgift

نە من بارانم
نە تۆش بیابانێکی تینووی
ئەی چی تێکەڵ یەکترمان بکا؟
➿ @Kurdinus
«شێرزاد حەسەن»

نیهانی تا بە کەی خوێنم حەنای پەنجەی فڵانی بێ؟
➿ @Kurdinus
«سالم»

با وای دانێین کە وەک هەندێ کەس بیانوو دێننەوە، زمانی دایک بە کەڵکمان نایە (وای دانێین، کە دەزانین وا نییە و یەکێک لە گرینگترین و پێویستترین شتەکانە بۆ مرۆڤ)؛ بەڵام ئایا هەر شتێک ڕاستەوخۆ سوودی بۆمان نەبێ، فڕێی دەدەین، لە بیری دەکەین و خۆی لێ دەرباز دەکەین؟
بۆ نموونە کاتێک دەگەینە تەمەنێک، سەربەخۆ و باڵغ دەبین و ژیانی خۆمان پێک دێنین، دایک و باوکمان، خوشک و برا یا ئازیزانمان چ سوودێکیان بۆمان هەیە؟ مەگەر جیا لەوەیە کە تەنانەت هەندێ جار خۆمان تووشی کێشە و گرفت و ماندووبوون و ئازاریش دەکەین، لەپێناو ئاسوودەیی ئەوان؟ مەگەر هەندێ جار لە ژیانی خۆمان تەرخان ناکەین بۆ شت‌گەل یا کەس‌گەلێک کە هیچ سوودێکی ڕاستەوخۆیان بۆمان نییە؟
دەی مەگەر زمانی دایکیش یەک لەو شتانە نییە، کە پێویست نییە حەتمەن سوودی بۆمان بێ تا بیپارێزین و خۆشمان بوێ و زیندوو ڕایگرین؟
خۆشەویستی چییە؟ کوردینووس دەڵێ «خۆشەویستی سەرنج و گرینگی‌پێدانە بە شتێک یا کەسێک بە شێوەیەکی جیاواز لە کەس یا شتەکانی دیکە».
قەت بە زمانی دایکتان وتووە خۆشم دەوێی؟
پێی بنووسن و پێی بدوێن؛ ئەمە درکاندنی خۆشەویستییە!
➿ @Kurdinus

🎶 مستەفا دادار
کۆڵانێ ئاوپڕژێن دەکەم
یار دێ و دەڕوا، تۆز نەیگرێ...

➿ @Kurdinus

گەر دەمزانی شەوی دووریت وا تاریکە
لە تریفەی نیگاکانت چەپکێکی زەردم دەچنی
➿ @Kurdinus
«فەرهاد شاکەلی»

کە ماچم کردی
ئیتر کەس نەیناسیمەوە
لە بیابانەوە بوومە هەور...
➿ @Kurdinus
«قوباد جەلیزادە»

مەکانت کونجی دڵمە، زۆر نزیکی
لەبەر چی نابییە ئاوازی گریان؟
بە خەم گەر بمکوژی ئەو وەختە شادم
کە خاکێکم، ئەبم بە تۆزی دامان
«قانع»

🍎 @Sewgift 🍎 سێو

بە ئەسپایی
دەست بۆ ڕێگایەک دەگێڕم
بۆنی تۆی لێ دێ...
➿ @Kurdinus

🎶 جیهان ئیبراهیم خەیات

گەر ڕۆژێ ویستت بێیتەوە
وەڵامم لێ بگێڕیتەوە
گلێنەم ئەکەم بەو ڕێیەی
بە سەریا دەگەڕێیتەوە...
➿ @Kurdinus