گوڵم!
دڵم پڕە لە دەرد و کوڵ
ئەڵێم بڕۆم لە شارەکەت
ئەڵێم بە جامێ ئاوی کانیاوی دێیەکەم
عیلاجی کەم کوڵی دڵی پڕم،
لە دەردی ئینتیزارەکەت
وەڕەز بوو گیانی من لە شار و هاڕەهاڕی ئەو
لە ڕۆژی چڵکن و نەخۆش و تاو و یاوی شەو
ئەڵێم بڕۆم لە شارەکەت
لە شاری چاو لە بەر چرای نیئۆن شەوارەکەت
بڕۆمە دێ کە مانگەشەو بزێتە ناو بزەم
چلۆن بژیم لە شارەکەت
کە پڕ بە دڵ دژی گزەم؟!
لە شارەکەت، کە ڕەمزی ئاسن و منارەیە
مەلی ئەوین غەوارەیە
ئەڵێی لە دەوری دەست و پێم
ئەوەی کە تێل و تان و ڕایەڵە، کەلەپچەیە
ئەوەی کە پەیکەرە، میسالی داوەڵە
ئەوەی کە دارەتێلە، مەزهەری قەنارەیە
لە شارەکەت کە مەندی دووکەڵە
کە دێتە دەر لە ماڵی دەوڵەمەند و
تیشکی بێگوناهی خۆرەتاو ئەخاتە بەند
لە هەر شەقام و کووچەیەک
شەپۆڕی شینە دێ بەرەو دڵم
دەستی گەرمی ئاشنا نییە کە ئەیگوشم
دەستی چێوییە
لە شارەکەت زەلیلە شێر
باوی ڕێوییە
بە هەر نیگایەک و پەتایەکە
ئەڵێم بڕۆم لە شارەکەت...
...
➿ @Kurdinus
«سوارە ئیلخانیزادە»

کــە دڵ دەتـوێـتـەوە بــۆ تــۆ، دەکــەی ئــەو ڕۆژە تــۆ بڕوا
کە خۆ دەرخەی وەکوو خۆر، دڵ وەکوو شەونم لە خۆ بڕوا
➿ @Kurdinus
«مەحوی»

تۆ هەزار ئایەتی
له کانیاوی پڕ له ئاو و خیزەکەم
له کاتی تینووایەتی
به چەشنی بیری بەرزەفڕ
بێسنوور و بێنەهایەتی
تۆ قیامەتی
دڵستێن و دڵڕفێن و خەوڕەوێنمی
تۆ تەواونوێنی عەشقی پاک و خەمڕەوێنمی
تۆ پەل و نەمام ڕاوەشێنی باخی بادەهێنمی
تێکەڵاوی گۆشت و پێست و ئێسک و خوێنمی
خوێنی خوێنەکەم...

@Sewgift 🍎
«هەڵۆ»
🎶 مستەفا دادار

هیچ شتێک بۆ پیاو هێندەی هاوڕێیەتی و
هاودەم‌بوون لەگەڵ ژنی ژیر پێویست نییە.
➿ @Kurdinus
«شەڕ و ئاشتی - لیۆ تۆڵستۆی»

بنوو گیانە
بیر لە دەریایەک بکەوە
کە هێندەی چاوی خۆت مەنگ بێ...
➿ @Kurdinus
«پەشێو»

🎶 ڕەزا بابامیری
بەرامبەرم دامەنیشە
جەرگت دەرهێنام لە ڕیشە
ئەو دەردەی لە تۆ، لە منیشە
کراس زەردم لێ ئاڵاوە

➿ @Kurdinus

سێ کتێبی نووسەری ئەمریکی «شێڵ سیڵڤێرستین» لە وەرگێڕانی مەسعوود تەهازادە لە لایەن چاپەمەنیی مانگەوە چاپ و بڵاو کرانەوە. ئەم کتێبانە لە زمانی سەرەکییەوە وەرگێڕدراون و شێوازی تایبەتی نووسەر و وردەکاری و جوانکارییە ئەدەبییەکانی پارێزراون. لافکادیۆ ١٠٧ لاپەڕە و لەتە ون‌بووەکان ٤٥ و ٥٥ لاپەڕەن.
لەو کتێبانەن کە خۆشم دەوێن؛ واتە بۆ هەموو تەمەن و چینێک دەبن. وەک گۆمێک کە چەند ڕووبەری بە قووڵایی جیاوازەوە هەیە؛ لە بەشێکیدا منداڵ یاری دەکەن، لە لایەکیدا تازەلاو فێری مەلە دەبن، لەولا گەنج مەلە دەکەن و ئەوەی دی ئەوەندە قووڵ هەیە کە خۆ هەڵدێرییە نێوی و ساتێک نوقم بی 🌻
ئەم کتێبانە لە چاپەمەنیی مانگ یا کتێبفرۆشییەکانی سەرجەم شارەکانی کوردستان داوا بکەن.
➿ @Kurdinus

🎼 #شەوموزیک (ژماره 677) بە دەنگی خەجێ.
➿ @Kurdinus

ماچی خودایی (هێمن)
➿ @Kurdinus

شەو ئەگەر تۆ ماهتابی، ئینتیزاری تا بە کەی؟
ڕۆژ ئەگەر تۆ ئافتابی، بۆ له هەوران نایه دەر؟
@Kurdinus
«وەفایی»

خەتای بەختە کە من دێوانەکارم
ئەگەرنا بەش بە حاڵم هۆشیارم

بە قوربانت نەبم ئەی چەرخی سەرشێت
دە بۆ یاوەر نەبووی جارێ بە کارم؟

ئەگەر مورغم پەڕوباڵم لە کوێیە؟
ئەگەر وەحشیم لە کوێیە میرغوزارم؟

ئەگەر بەردم چلۆن هەر شەو لە لایێ؟
ئەگەر دارم لە کوێیە بەرگ و بارم؟

ئەگەر ئینسانم ئەی چەرخی جگەرسۆز
ئیتر ڕەحمت ببێ بۆ حاڵی زارم

ئەوا عومرم لە چل دووانی زیادە
نەبوو جارێ ببیتە خەمگوسارم

کە من مردم، لە پاش مردن ئەڵێن پێم
ئەسەف بۆ قانعی شیرین‌نگارم
➿ @Kurdinus
«قانع»

نە لە زێدم هەیە جێگەی ژینێک
نە لە خاکی دەرەوە پەرژینێک
➿ @Kurdinus
«هاوار»

وەرە نـێـو بـاوەشـی گـەرم‌وگـوڕ و پــڕ تـاســە و مـەیـلـم
ڕەدیفیش تێک بچێ، پێم خۆشە من دەستم لە مەمدا بێ
➿ @Kurdinus
«هێمن»

🎶 ناسر ڕەزازی
وەرە قوربان، ئارامی دڵان....

➿ @Kurdinus

موغی بێ ئاگری شەوی یەڵدام
چاوەڕێی چارەنووسی ناپەیدام
➿ @Kurdinus
«هێمن»

شەو چلە (یەڵدا) و شاعیرانی کورد
➿ @Kurdinus

دوورییەکەت هێندە شیرینە، دەبێ ویسالت چۆن بێ؟
➿ @Kurdinus
«قانع»

ئەگەر حەز دەکەن شێعر و وێنەکانی کوردینووستان بە شێوەی چاپکراو لە سەر تابلۆی دار هەبێ بۆ ماڵ یا شوێنی کار یا وەک دیاری و پێشکەشی بۆ ئازیزان و خۆشەویستەکانتان، سەردانی سێو 🍎 بکەن و بە نرخێکی گونجاو، دیارییەکی جوان و کوردانە بدەن:

👉 @Sewgift

‏من ئەوینی تۆم لە دڵدا هەر دەمێنێ، چون دەڵێن:
هەرچی گەنجینەی بەنرخە هەر لە نێو وێرانەیە
➿ @Kurdinus
«هێدی»

🎼 #شەوموزیک (ژماره 678) بە دەنگی محەممەد ماملێ.
➿ @Kurdinus