((ومابيني))


بيني ومـــا بيني
ابچيلك عــــيني .. وأسهـرلك شوگ
باللحضه اتحسر
الرمحك للمنحر .. وضعنك محروگ

وأبدي الروح يـــم عتـباتك بنوح
وأسولفلك سوالف تاكـــل الروح
أنه اتخيل شعـوري تسولف وياي
وتسمع كل كلامــي وانته مذبوح

لو گتلك چم طفله بحبال
وتـگلي طاحت عــــالرمال
وتسمعني لو گتـــلك خيام
وتگــــلي مشدوها العــيال
              
حسين ...
"""""""""""""""""""""""""""""""""""'''''''''''

ليلي بيا حــيره
والدمعه چبيره .. وتبدي الآلام
الحيرةّ محبوبي
توجعني ذنـوبي .. وسود الايام

ويترسني النــدم وأخجلك هواي
يـــالمــرويني بس انــــته بلا ماي
كل هذا أعله مودي بخدك تراب
چا يمته استـــحي مـــنك يمولاي

چا يمته لمصـــــابك وأتـوب
وبحبــــك يــاغـــالي وأذوب
وأرسملك بجروحي الضعون
وتنضرلي خـــــالي بلا ذنوب

حسين ...
                """""""""""""""""""""""""""""""""""''''''''''''
خيل ولــيك تهد
صدرك متفـرهد .. يــــالميت دوس
وعــــــيالك تعثر
عــــــاري ومـوذر .. تحرگ الشموس

ياعاري الجســـد ياحـافر الخيل
ماعنده رحم يسحگ على الهيل
مطروح وتون يـــاركـض العـيال
يــــالميت صبر يــــاويـلي يـاويل

مـــــــن الحجر مـــن السهام
فــــوگ الرمــح صعبه وتنام
وتسمع طفل يبچي ويصــيح
بـــابـــا العـــده تحرگ خـيام

حسين ...
                """"""""""""""""""""""""""""""""""''''''''''''

برمحك ياحــاله
وفزعت خيــــاله .. وانتـــه بياحــال
چم طفله وطفله
تصعد عــــالهزله .. وياصعبه الحبال

زينب بالهجر بس دمعه بالعــــــين
بكل سوط وحجــر نشغتها يحسين
يادرب العشگ بــــــي تتعب الروح
وماگالت عتــــب لا گــــــالت منين

بدرب السبي ومن الـهزيل
خــــوله بدمع ضلت تمـيل
وماتت عشگ نص الطريق
هــــذا اليحــب لازم يشيل

حسين ...


عبد زينب
محمد الابراهيمي

استشهاد الامام الجواد ع

يالجواد اقبلني هالليله ارتجيك
جايب ادموع الطفوف ومعتنيك
هلّت العين  يم الحسين
يم الحسين  هلّت العين
1
بگد سهام الطف ذنوبي .. حيره امري
شلون اجي لمصاب چبدك .. شنهو عذري
گلت اروحن لبو اليمه .. محني ظهري
وبدمع زينب احلفه .. يشفي صدري

دنگت خجلان وزحفله زحف
ذنوبي گد نار المخيم اعترف
سوده الجبين  يم الحسين
يم الحسين  هلّت العين
2
بكل ضلع منه التكسر .. انتخيته
جيت احجاً بيت الله .. وهذا بيته
ما ارد مكسور خاطر .. من ثنيته
انا بمصايب عظيمه .. حلفيته

ادخيل انا وحلفيته بالنحر
وبكسر ظهره التكسر عالگمر
اهناكه چفين  يم الحسين
يم الحسين  هلّت العين
3
استغفرت يمه بحضرته .. وگلبي ذايب
سيدي راح اعتنيلك .. وانا تايب
راح اجيب دموع حمره .. امن الغرايب
ويمك استعرض مئاسي .. والمصايب

راح اجيب احروره من ذيچ الخيام
ولون مخطوف بكثر رمي السهام
چوية ايدين  يم الحسين
يم الحسين   هلّت العين
4
سيدي تلة غريبه .. استوقفتني
صوره بارض الغاضريه .. استوطنتني
للشريعه عيون زينب .. چن خذتني
چنها تحچي اويه الكفلها .. ها عفتني

عمتك ياسيدي راحت سبي
والحده ذاك الضعن چف اجنبي
تمشي لا وين  يم الحسين
يم الحسين  هلّت العين
5
اوصلتك انا وسوده لنها .. الكاظميه
يالجواد دموعي كلهن .. بين اديه
دمعه وي دمعه تسولف .. هالرزيه
مصيبتك تشبه يغالي .. الغاضريه

چبده مسمومه وچبد شابگ رمح
اثلاثه فوگ الغبره ونته اعله السطح
هل چبدتين  يم الحسين
يم الحسين  هلّت العين
6
اتعالى يم بابك ونيني .. بصدري جمره
ياجرح ويايه جبته .. انته ادره
من ضريح حسين جايب .. تربه حمره
كربله كلها نجيعه .. بفيض نحره

ما يهون امصابك وكلك الم
لچن جدك بالسهم گلبه انثلم
جروح السنين  يم الحسين
يم الحسين  هلّت العين
****

الشاعر اياد الديراوي

بشان هلال محرم

🚩🚩🚩🚩🚩

هل اعلينه الشهر
والشيعه بالقهر
تبچي ادگ الصدر
للغالي للغالي
__

كل محب يبچي بالدمع
يرسم صور بعتابه
يذكر حديث من النبي
اشلون صار امصابه
قصة حسين بكربـلا
نـاره غدت لهابه
تچوي دليل اليعشگه
ايريد شـم اترابه

ابثوب الاسود يعلن للحداد
وسط المجالس ذايب الفاد

  وابـإيده  رايته
مخنوگه ارويحته
يصرخ ابحرگته
للغالي للغالي
_

ياشهر عاشور بحزن
تستقبلك الوادم
كلمن بصرخه معتني
يحسين دمعه ساچم
عنده عقيده بالعزا
العلي يواسي وفاطم
يبچي بچي فاقد عزيز
والليل كله لاطم

ابفكره ايروح يوم المصيبه
ابلوعه ايصيح ينعه حبيبه

مرمي فوگ الثره
وعظامه امكسره
يتخيل الجره
للغالي للغالي
__

بنوح ينصب ماتمه
وياالخطيب ابحساس
من يقرا بواليمه انذبح
بالضيم يلطم للراس
ياقلب يتحمل صبر
والحزن لا ماينقاس
من حقه لومات بقهر
وتقطعت الانفاس

شلون الخيام محروقه بالنار
وزينب والايتام بالبر طشار

مسبيه الحرم
عدها الحيل انهدم
مابقى بس الالم
للغالي للغالي
__

من مجلس المجلس يطب
بفكره يدور الزهره
لانها تصيح اعله الولد
ابلوعه تجري العبره
عطشان ماروه الچبد
وبالسيف حزو نحره
مرمي ثلاثه بالشمس
بالخيل سحقو صدره

وين المحبين اتعزي بالدموع
تواسي بالمصاب القلب مفجوع

وسجله من الخدم
وميبقى بالندم
لحسين شما خدم
للغالي للغالي


الخلود الحسيني
نسالكم الدعاء


بهذا الطور 👇🏻

https://youtu.be/ZAw8lUlMGBg?si=l9pmMv0soXQYacV3


جديد السنه

في ذكرى استشهاد الإمام جعفر
الصادق عليه السلام  (وزن الميمر )

صادق العتره على الناس    نور وتشع  اعلومه
★★★★★
الصادق وماادراك  أمامي الصادق
بلسان شرع الله ورسوله  ناطق
العنده  درس   رد ابعلومه  واثق

شارح  كتاب الرحمان     وسر غايته ومفهمومه
★★★★★
بلاحيره رد كلمن اجاه ابحيره
كل مبهم يوضح صعب تفسيره
لا ثوّري لامن عكرمه ولاغيره

احتاجوه ابد مايحتاج        من أي بشر معلومه
★★★★★
الراد العلم يتحَرَّه عن اسبابه   
يم جعفر الصادق لگاها ابابه
مثل الكواكب بالمجرّه اصحابه

هوه المجرّه للدين          واهل العلوم انجومه
★★★★★
نافذ على كل علم علمه وساري
امسلسل حديثه مثل نبع الجاري
عن طه عن جبريل عن الباري

اصعب مواقف دنياه     بيده صبحت محسومه
★★★★★
بعصرك امامي للخلگ صادقها   
تغيب العلوم  وطلعتك  مشرقها
وجوه المسائل عندك ومنطقها

فقه وعلوم واداب         من العلم منظومه
★★★★★
من آل اميه والأجه من بعده
بفيلق علومك قابلت  كل شدّه
كل باب فتحوه للظلاله اتسدّه

بسيف العلم كل ميدان     اعداك اصبحت مهزومه

الشاعر حسن لعيبي الحريشاوي

لاستشهاد الإمام الباقر عليه السلام
لسان حاله يقول

بعد المصيبه. روحي غريبه
من كربله للموت
روحي غريبه
★★★★★
من شفت وكتي وعذابه وشوگي لهلي والحنين
ولوعة الطف وجرحها     وغربتي وليل الونين
خاطبت دهري وگلتله أي وحگ جدي الحسين
الباقر انا وماتهمني        وماتحيرني السنين

لاكن حسره تعيش بگلبي
وزادت گلبي بهلوعات
شمل احبابي الرايح مني
هم يرجع ماظن هيهات

ومنين اجيبه. روحي غريبه
من كربله للموت
روحي غريبه
★★★★★
اربع اسنين وشفتها. وتمر بعيوني وتلوح
لوعة الطف وحربها.  منها أتعذب وانوح
خيام محروگة ويتامى وروح مهظومه على روح
وداست الخيل على جدي تلفي اشوفنها وتروح

ذيچ الساعه الماانساها.
عن بالي مالحظه تغيب
أهلي الراحوا كلهم مني
انوار الدين واهل الطيب

بدنيا عجيبه. روحي غريبه
من كربله للموت
روحي غريبه
★★★★★
للمنيه اتضل غربتي ولوعتي لأجل الغريب
للحسين ابن الزچيه. علارض طايح خضيب
يملي هذا الكون نوحي. وحرگتي وكثر النحيب
حرگتي للموت تبقه.   علحبيب.   أبن الحبيب

اشكر ربي وكثرة صبري.
وعزم الروح على الأيام
اتهدم اجبال احزان بروحي
واكثرهن لوعات الشام

العاشت حبيبه  روحي غريبه
من كربله للموت
روحي غريبه
★★★★★
والدي السجاد شفته . ينظر الجدي الذبيح
الثأر ابواليمه تعنه.    بخنگة الفاگد يصيح
من المخيم شفته طالع بسيفه يتوچه ويطيح
وعمتي للخيمه ترجعه. دموعه فوگ الخد تسيح

دارت كل الناس اعلينه.
علينه التمت كل الناس
بعد احسين الگطعوا نحره
ومن طاح الكافل عباس

گلبي ابنحيبه.     روحي غريبه
من كربله  للموت
روحي غريبه
★★★★★
أنظر أيامي الاخيره وهاذي ساعات الرحيل
من بعد شمل الأحبة. الراحه صارت مستحيل
چم حبيب الفارگيته.  بلطفوف وچم. خليل
ماتركلي بعمري راحه   يوم ابد. ماله. مثيل

عدوان الشر تترصدني.  
من ذاك اليوم الهليوم
أعلم بالسم يخلص نحبي.
وهذا المني تريده الگوم

الچانت قريبه. روحي غريبه
من كربله للموت
روحي غريبه

الشاعر حسن لعيبي الحريشاوي

لشهادة مسلم بن عقيل رضي الله عنه

الناعي من وصل لأرض المدينه
ينادي وين ابوالسجاد وينه
گله حسين يلمجبل علينه
شعندك من خبر يلمعتنينه
يگله  وللدمع عينه رهينه
بمسلم خانت ارجال الظغينه
مسلم بالحبال امچتفينه
ولاواحد من الوادم يعينه
لعالي القصر مسلم  ماخذينه
ابوطاهر عضيدك  ذابحينه
وعلى الغبره امدد عايفينه
تخوصر منكسر گلبه ولينه
للكوفه بحزن يرفع يمينه
يودع مسلم ابنوحه اونينه
حميده تعنت العمها حزينه
يعمي والدي شومايجينه 
المايسله ولاعنه سلينه
اظن  عمي العساكر غادرينه
مسح دمعاتها ودمعته ابعينه
يگلها حسين يبنيتي الحنينه
يريحة فاطمة وشوفة سكينه
امگدر ياحميده اليمر بينه
اصبري وعاقبات الصبر زينه
ابوچ البطل  ناذرهن  اسنينه
النصرتنه ولجل  مذهبه ودينه

الشاعر حسن لعيبي الحريشاوي

نَعي لاستشهاد مُسْلِم بن عَقيل رَضِيَ اللَّهُ عنْهُ

مافاد النصْح بالخلگ مِن راد
ابوطاهر يوَجْه النَّاس مافاد
ألگالوله أَلَك أَرْوَاح وَأَجْسَاد
بطمَع وبخوف تبعَّوا راي جَلَّاد
مِثْل نار الوعود انگلبت إِرْمادْ
غدْر ذاك الزَمَان الْيَوْم ينعاد
نَفْس ذيچ النُّفُوس وذيچ الأَحْقاد
نْظَرْ صَوْب الْمَدينَة وبلدمع زاد
سَلَامِي علَيَك نَادَة يبو السجَّاد
طبْع الگوم خويه غَدْر وعْناد
الچتل أَهْل الْحَمِيَّة عدهُم أَعْياد

الشاعر حسن لعيبي الحريشاوي

لاستشهاد مسلم بن عقيل رضوان الله عليه
٣دگات  (وزن الدارمي )

مسلم وجاهه وخير   حكمه وسفاره
ابن العزم والجود     سيف وصداره
★★★★★
أتوكل سفير حسين  گاصد أَبهمَّه
متوَجَّه على الگوم  بأشرف مهمه
گاطع فجوج البيد  ماتعب عزمه
مخلص لابو السجاد رهن الأشاره
★★★★★
أنداروا عليه الناس  الچانوا وياه
صد عنه كلمن چان بالغربه يرعاه
حظهم خساره او ويل الصاروا أعداه
شَنَّوها غاره أعليه   من بعد غاره
★★★★★
ياما نصح متفيد  حتى الملامه
بكلمن ذليل الحال عاف الكرامه
لكل غادر ومهزوز  وَضَّح كلامه
المامشه ابنهج حسين  نال الخساره
★★★★★
لجل الطمع والمال   چانت الغايه
عافوا الناس ابساع  درب الهدايه
سهام وحجر ورماح   تالي النهايه
مسلم رموه من فوگ قصر إلاماره
★★★★★
من الله عالي الشان   رب المعارج
مثل الوصي مسعاه  حرب الخوارج
مسلم سفير حسين  باب الحوايچ
بالكوفه نال أمراد   المشه  وزاره

الشاعر حسن لعيبي الحريشاوي

لاستشهاد مُسْلِمُ بْنُ عَقِيلٍ رَضِيَ اللَّهُ عَنْهُ (ملمع) بَيْن قَوْسَيْن فُصْحَى

(نبكي قَتِيل الكوفه)
(ذو المهجة الروؤفه )
(واَمسلماً وامسلمآه)
★★★★★

منْ الله كَرَامَه وَنِعْمَه
مُسْلِم سَفِيرٌ الرَّحْمَه
خَيْرٌ وَشَرَف لِلْأُمَّه
رَاح . ابصموده وَعَزْمُه
لحسين ناذر دَمه
إصْلَاح . الْجُمُوع ايْهمَه

(أهل الْهَوَى وَالْكُفْرِ )
(تسلحوا بِالْغَدْرِ . )
(وامسلماً وامسلمآه )
★★★★★
رَاح وَتحَمَل غُرْبَه
وَأَيَّام ضيج وَصَعْبَه
يدْرِي بمخاطر دَرْبَه
ميهمه تَالِي الْحَسبَه
وشلون يگضي نَحْبَه
لِلدَّيْن رَاحَةٌ گلبه

(لم يَخْش مِنْهُم حربا)
(لوقطعوه إرَبا . )
(وامسلماً وامسلمآه )
★★★★★
وَصَلَت رَسَايل كَثْرَه
مِن الگوم لَبَن الزَّهْرَه
كلنه نَسِير ابأمره
وكلنه فده للعتره
مُسْلِم گصد يَتحَرَّه
شَاف النوايا الْخَطِرَه

(ما أَخْطَر النوايا )
(كأنها الْمَنَايَا )
(وامسلماً وامسلمآه )
★★★★★

شَاف الخلگ مجْتَمعَه
وبمسعه واحد تسعه
لحَدْ النِّهَايَة اتَّبَعَه
ثاري الخلگ موطبعه
بِالشِّدَّة تَالِي اتخدعه
بِسَيْف الضَّلَال اتگطعه

(خُضَّب بِالدِّمَاء . )
(ملقى عَلَى الْغَبْرَاءِ )
(وامسلماً وامسلمآه )
★★★★★
مِنْ بَعْدِ هاي الشِّدَّه
وآلآف خَانُوا عهْدَه
بالحومه مُسْلِمٌ وَحْدَهُ
يتمنه چان وَقَصْدَه
منهو لحسين يگصده
وَعَن الْمَسِير أيردَّه

(بلوَعةِ   الْحَنيْنِ)
(يبكي عَلَى الحُسينِ)
(وامسلماً وامسلمآه )

الشَّاعِر حَسَنٌ لعيبي الحريشاوي

مسلم الكوفه اصبحت ميدانه
والجهات الاربعة عدوانه

لانصير ولا أهل٠٠٠لبن اخو خير العمل

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

وين أبويه بياهي ديره بياوضع
روحي تسأل وانه اجاوبها بدمع
خايفة من أحساسي من أن ينسمع
گلبي ذاب من الحزن شريانــــــــه

لرجعته ماضل أمل٠٠٠لبن اخو خير العمل

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

عيوني سهـرانه واحس گلبي غفـه
گمره بس فجأه الگمر نوره انطفـه
گلبي فز ينادي عالدنيا العفــــه
سالته جاوب غدرته كوفانــــه

بلا وعي دمعي همل٠٠٠لبن اخو خير العمل

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

إسمعت عمي ينادي عمتي
صـارت الطفله حميده طفلتـــــي
مات ابويه؟ وصرخت يمصيبتــي
بويه چنت لشوفتك لهفانـــــــــــه

مادريت ألي حصل.......لبن اخو خير العمل

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

عمي گول ارجوك لا تخفي يعم
عـــمي اشوف ابشفتك چلمة الم
عـمي واحساسي يشم ريحة يتم
والمسح فوگ الطفل عنوانـــــه

فدوه وصلني بعجل.....لبن اخو خير العمل

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

بچه من أبعيد والدمعه همل
گلي يبنيتي تعاليلي بعجل
راح اخويه والمفضل بالاهل
ياحميده اوالدچ صرت آنه

حيلي ياعمي نحل....لبن اخوخير العمل

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

گتله عمي ماتقصر بس لـــچن
حضن ابويه ما اظن مثله حضن
راح ابويه الچنت بفيايه استچن
مات وبشمس اليتم  خلانـــــــه

حسبت طارش وصل...لبن اخو خير العمل

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

خادم سفير الحسين [ع]
جهاد البصيراوي

بمناسبة  عيد الغدير الاغر ( ملمع  وزن ميمر)

(عن بيعة الغدير يسئلوني ؟ )
(هي بيعة الانوار للعيون   )
★★★★★
اولاية علي موعارض ولاصدفه
بچفه النبي من يوم رافع چفه
هذا الامر مثل الشمس مايخفه
عاجز لساني لو أريدن  وصفه

(هي صحبة الاشجار للغصون)
(عن بيعة الغدير يسئلوني )
★★★★★
التبليغ  آيه على الارض نزلها
رب السمه حتى النبي ايبلغها
خسران كل ناكر ومايقبلها
فاز التمسك بالولايه وضلها

(هي نعمة قصوى مدى القرون)
(عن بيعة الغدير يسئلوني )
★★★★★
اعلان رسمي من السماء اتقرر
منصوصه علوادم ولاية حيدر
نال العذاب الينكر ويتكبر
هيه السلامه من يصير المحشر

(هي صدر أم دافئ حنون)
(عن بيعة الغدير يسئلوني )
★★★★★
أكمال دين الله وتمام النعمه
والمرتضى دربه الامل والرحمه
من طه نهجه والفكر والحكمه
خير ومعارف كل حياته وعصمه

(انكارها  الخسران والمنون )
(عن بيعة الغدير يسئلوني)

الشاعر حسن لعيبي الحريشاوي

عن بيعة الغدير  (گعديه ) على وزن احنه غير حسين ماعدنه وسيله   للمرحوم حمزه الصغير

هذا ابوالحسنين مانقبل ابغيره
نصْبَّه الرحمن  للهادي  وزيره
(قال هل تدرون من بعدي وليا )
(انه الكرار  ذو المجد  عليا      )
نصْبَّه الرحمن للهادي وزيره

★★★★★
وگف بربع طرق طه  گبل ميَّكمل مسيره
نزلت آيات الصريحه  تحدد الدين ومصيره
ناده رب الكون  بَلَّغ   لاتظل خايف بحيره
بلغهم بامري الجلي
بعدك علي هوه الولي
هوه الولي بعدك علي  الماكو بالعالم نظيره
هذا أمر الباري واسبابه اللطيفه
نصبه الرحمن من بعدك خليفه
(انه العادل والبر التقيا    )
(صادق الاقوال والفعل نقيا)
نصبه الرحمن للهادي وزيره
★★★★★★
گال جبريل لمحمد  لاتهد الناس عزمك
يصونك من اهل الظلاله  الباري من عدهم يعصمك
حتى لوفظلته گالوا   اتحييزيت لابن عمك
ميهمك المايعتقد
وعن منهج الحق يبتعد
وبلهجته نبرة حقد     يامحمد لا يهمك
لايهمك معترض زاد اعتراضه
وبالكلام القاسي لوشدد ألفاظه
(لاتخف يوما عنيدا اوشقيا  )
(صار امر الله  حتماً وجليا )
نصبه الرحمن للهادي وزيره
★★★★★★
بلغ الامة بقراري   گاله الباري وَتَقَصَّد
خلي هذا الجمع يسمع خلي هذا الجمع يشهد
العلي هيه الولايه  من بعد غيبة محمد
بهذا الامر بلغ البشر
بكل ديره ينطش الخبر
ماتنفع أعماله الْغِدَرْ   واعمال من خان وتمرد
وين مثل المرتضى علم وشجاعه
ومثله للرحمن گضه العمر طاعه
(كيف بالغادر للحق دعيا  )
(مثلما الكرار يمتاز وفيا.  )
نصبه الرحمن للهادي وزيره
★★★★★
ثمنطعش   يوم الولايه  هوه دوم العيد الاكبر
مَيَّز الله باختياره      دون هاي البشر  حيدر
حظنه دافي لليتامه  وعلى الكافر نار تسعر
العهد علوادم وجب
علعجم كلها والعرب
واجب على الناس انكتب  المامشه بهلدرب يخسر
درب حيدر درب ايمان وسلامه
للخلافه أهل هو وللامامه
(هاشميا طاهر الأصل زكيا  )
(اختاره الرحمن للهادي وصيا )
نصبه الرحمن للهادي وزيره
★★★★★
راجع وشوف المصادر   راح تلگاها الاجابه
البيعه ضاعت بالسقيفه  هاي اعمال الصحابه
اقره بالالفين حجه  الحلي يذكرها بكتابه
كلها تدل وتستدل
مايصبح الباطل عدل
غير العدل ماينقبل  ولاتنجح الباطل احزابه
فشلت الأحزاب من يوم السقيفه
الموخليفة نصبوا غصبن خليفه
(انه حقد مدى الدهر خفيا )
(حين وجه الدين امسى علويا )
نصبه الرحمن للهادي وزيره

الشاعر حسن لعيبي الحريشاوي

(گعديه ) لبيعة الغدير
(على طور مفروض علناس حبك ياعلي)

مشدود بالروح حبك ياعلي 
يهواك هذا الكلب يهواك   مالحظه ينساك
★★★★★
ياعلي اختارك الباري والله منصف باختياره
وصَوَّرَك  من نور طه  شمس متفارگ نهاره
وقسَّمٌ الدنيا علمودك ربح سواها  وخساره
شخصك علي يوم الفصل
ميزانه.  يحكم بالعدل
وقسَّمٌها الله  بهلشكل  سوه جنته ،، وسوه ناره

عنوان الاسلام حبك ياعلي
بالدنيا گلبي واخره هناك  مالحظه ينساك
★★★★★
ياعلي احتاجتك كلها وانته مالك حاجه  بأحد
علمك الباهر سماوي لان علمك من محمد
بيك وصه الباري طه  وعلولاية بيها أكد
بلغ الناس بهلخبر
بعدك علي سيد البشر
هليوم لاخوف وحذر  وانته يا(طه) مسدد

گلهم التنصيب من رب السما
وارفعها چف الوصي بيمناك   مالحظه ينساك
★★★★★
ياعلي چم ايه نزلت  بالفضل أسمك تصَدَّر
اية التطهير تروي  من الرجس طاهر مطهر
واية التبليغ تعلن   بعد طه انته  يحيدر
وسفه الأمور أتغيرت
انضربت مصالح ونتهت
زمرة خبيثه اتحركت  اتقابل الأحسان بالشر

نادم وخسران كلمن حاربك
الحق الله داره ويمشي وياك   مالحظه ينساك
★★★★★
  ياعلي مركز هدايه   وجاذبية انوار فكرك
كعبة عقول الحيارى بلانهاية افاق   سحرك
غير بس الله ورسوله أبد محد عرف سرك
معدن مواريث الأدب
تشهدلك بهذا العرب
لادنيا لاجاه وعجب  يلي كلشي مايغرك

يامالك الروح شخصك ياعلي
دين الله بيك اكتمل بحماك  مالحظه ينساك
★★★★★
احتجوا أصحاب السقيفه بلهجة الشر الرهيبه
نصبه گالوا علينه   هذا ابن عمه وقريبه
أطباع وتبَيَّن شكلها. هلطبايع موعحيبه
گالوا محمد كرَّمَه
گالوا علينه قدمه
مانصبه رب السمه. گلوب كلها جفه وريبه

اولاية الكرار من قبل الأزل
عَيَّنَك  الله قبل الافلاك   مالحظه ينساك

الشاعر حسن لعيبي الحريشاوي

بمناسبة بيعة الغدير

بهلبيعه  متلَونَّه السمه هليوم ورديَّه
اليوم اجدد بيعتي بفرحه  ولائيه
مستحق من رب  السمه رتبه سماويه
يَلعيَّنَك  رب السمه ابدولته القدسيَّه
من قيَّماك وقدمك   ياصادق النيَّه
يابوهجوم الخيبري وصولات بدريه
ياعطرمن طيبه ومسچ وانفاس مكيه
يلي وفيت الخالقك  وعشگت طاريَّه
اشگد نفوس اتغيرت علطمع مطويه
روحك ابد متغيرت   نفس النهج هيه
ياطبع طه وطيبته  وعلمه ومحاچيه 
الاسلام باسمك مرتفع واعداك محنيه
والباري انزل علنبي.    آيات  كونيه
يامصطفى وصل الامر وَضَّح معانيه
بلغ علي هو الوصي والحسبه مگضيه
عيد الاسلام وفرحته البيعه الغديريه

الشاعر حسن لعيبي الحريشاوي

بيعة الغدير 

هلت انواره علينه       هلت انوار الغدير
المرتضى بعدي خليفه  اعلن الهادي البشير
★★★★★
صوت من جبريل اكد  بهذا بلغ يامحمد
غير حيدر ماكو احد   علبشر يصبح امير
★★★★★
لكل موالي عيد الاكبر  من السمه واجب تقرر
وصي للمختار حيدر  غيره حيدر مايصير
★★★★★
بهلخلايق منهو غيره   من نبع طه  وعبيره
نصبه الهادي وزيره         حيدر ال (طه)  وزير
★★★★★
المصطفى من البدايه  اختاره عن فكر ودرايه
لحيدر تلوگ  الولايه       قرر الباري القدير
★★★★★
ماكو من بين البريه        غير حماي الحميه
للنبي يصبح وصيه         بهلامر هوه جدير
★★★★★
فرحة الگاع وسماها   من رفع چفينه طه
صار عيد وبيه تباهه   هوه عيد الله الچبير
★★★★★
للامامه هوه مصدر   المايسير بنهجه يخسر
المايوالي بيوم حيدر   حظه نيران وسعير

الشاعر حسن لعيبي الحريشاوي

الشاعر حسن لعيبي الحريشاوي:
في بيعة الغدير

ظميرك يلي نايم  انهض وصحه
صحيح القول مايحتاجله صحه
مريض انته عليل وفاقد ال صحه
(الباري منصب حيدر  ليش تعاند  رب الكون )

الشاعر حسن لعيبي الحريشاوي

هوسات غديرية

كمل دين الاله وتمت النعمه
بتنصيب الامير الخير والرحمه
بعد النبي حيدر وصي على الامه

(من الله  اتبلغ  تنصيبه )
★★★★★
بيوم ثمنطعش  من شهر ذو الحجه
حسم كل الامور النبي وكل ضجه
بحق  حيدر كلام  أواضح اللهجه

(واليكم حيدر من بعدي )

الشاعر حسن لعيبي الحريشاوي

لبيعة الغدير

نيران احزاني طفت   مالي شغل باحزاني
ابماي الغدير  وفرحته   اليوم أنطفت نيراني
يوم النبي لم الخلگ    آيات ربه ايتاني
گلهم اجاني من السمه هذا الخبر  رباني
ياطه بلغ أمتك لتخاف أبد   وتعاني
كلمن چنت مولاه علي مولاه  بيه وصاني
بعدك علي هو الوصي  وماغير حيدر ثاني

(أمنصب من الباري    غيرك حيدر مامقبول )

الشاعر حسن لعيبي الحريشاوي

عيد الغدير //52
____
صلو على المختار والنذيري
في بيعة المولى علي اميري
____
1
قد جعل الله علي مولا
وشرف الولا عدلاً وفعلا
فهوا بها يفوق كل قولا
اعلنها الرسول في الغديري
____
صلو على المختار والنذيري
في بيعة المولى علي اميري
____
2
ثامن عشر اتم ربي النعمه
هذا علي والي كل الامه
نفس النبي الطاهر والرحمه
اعلنها الرسول في الغديري
____
صلو على المختار والنذيري
في بيعة المولى علي اميري
____
3
ليس لها بالكفإ غير حيدر
انعم به سيّدنا والاجدر
لذلك تم اصطفاء الاقدر
اعلنها الرسول في الغديري
____
صلو على المختار والنذيري
في بيعة المولى علي اميري
____
4
ناداهمُ يوم الغدير احمد
انعم به وقالها محمد
عليُّ مولاكم وربي يشهد
اعلنها الرسول في الغديري
____
صلو على المختار والنذيري
في بيعة المولى علي اميري
____
5
الله ارتضاك ياعلي وليا
انت امام الكون ذا جليا
ياربنا كن ناصراً عليا
اعلنها الرسول في الغديري
____
صلو على المختار والنذيري
في بيعة المولى علي اميري
____
6
صار عليٌ للنبي وزيرا
ابا الحسن صار لنا اميرا
فهو الى الدين غدى نصيرا
اعلنها الرسول في الغديري
____
صلو على المختار والنذيري
في بيعة المولى علي اميري
____
7
الله صاغ حيدر إمامي
واختاره واليْ على الانامي
وهادياً للدين والسلامي
اعلنها الرسول في الغديري
____
صلو على المختار والنذيري
في بيعة المولى علي اميري
____
8
ياربنا جئنا نجدد العهد
ذقنا حلاوة الولا من المهد
إنا ولا زلنا معاهم للابد
اعلنها الرسول في الغديري
____
صلو على المختار والنذيري
في بيعة المولى علي اميري
____
تمت بحمد الله وتوفيقه
الاثنين//27/05/2024
18ذوالقعده 1445هجر
الحاج / / مكي العريبي
نسألكم الدعاء

*🌹هوسات غديرية*🌹

حچاهه ويه الخلگ هالسالفه
المختار
بس حيدر علي من بعدي آنه اختار
ضل صافن الثاني و بهالأمر محتار

هااا
و يچذب حيدر واليته

🌹🌹🌹🌹🌹

مانقبل احد غيره بس حيدر علي انطيعه
لو ينطونه كل الكون ابوالحسنين منبيعه
حيدر انتصب هاليوم الف مبروك ياشيعه

هااا
يلـ عامي عيون العياله

🌹🌹🌹🌹🌹

نصب روحه شيخ بزور اليتبره بالشده
يتراجفن كل اعضاء الي يوگف ابسده
المكبرينه بعض ناس عركة شقه ماعده

هااا
و يدرب ابليس ابأفعاله

🌹🌹🌹🌹🌹

اولاية حيدر علي الكرار متعطره بالخوه
و المايقبل علي شيخه هاذ ابد مايسوه
بيوم طگ ولأله احد و ماعنده ابد تچوه

هااا
محتار يضل ابتاليته

🌹🌹🌹🌹🌹

نلبس اثياب الجديده و نشارك بالمسير
بس علي هوه اميري نهتف بيوم الغدير
نطبخ نهوس نصفگ انخلي العالم يحير

هااا
نار بعينه ، المايفرح للكرار

🌹🌹🌹🌹🌹

خادم الامام علي (ع) :
محمد الحايي