هوسات بحق الامام الرضا  ع

الــــصبح عـــندک اصلی والـظهر ویه العصر
المغرب بساحت ظریحک الباری احمدو شکر
وبصلات الــعشه یمک خـدمتک نـــــور الگبر

یاثامن نور امظوینه
📘📘📘
طاهــــر مـــــن اول بـدایه صفــرا تلـمع گبتک
اهوای الک مشتاق اصیحن گلبی حن لزیارتک
یبومحمــد یا امامــی الــجنه چـنهه بحظرتک

هنیاله الزارک هنیاله
📘📘📘
هایــم ابحبک دلیلی صادق او موبس شعار
خــادم اتمنه الحظرتک خدمتک بیهه فتخار
شارا الک بین الخلایق صار الک مشهد مزار

سلطان الدنیه اومابیهه
📘📘📘

للــــرضا شوف المکارم شوف بعیونک دشوف
ملک وابملک الله حاکم مرحمه تصب الچفوف
عـــــنده ابمشهد مکانه ابمرقده تطوف الالوف

زورا بخیر ایجازیهه
📘📘📘
للـــرضا عیدی او عـــــیدک للـرضا حن الگلب
چـــن احسن طیر طایــر والسعاده بهــل درب
الشوگ ماخذنی الظریحه ویل نسیم الی یهب

سلطان الحق جاذب روحی
📘📘📘
احنه عدنه بطوس جنه والرضا بیهه ملک
للــــرضا کل الــمکارم والله بیهـــه لاتشک
ایحـــی بالـــزوار دایـم حاشه البابه یصک

کل زایر یرجع بمراده
📘📘📘
بالعلـــه شامخ مکانـه جاذبه لبن الجواد
سنه مــن سنه اکـثر تگصد اتـزورا العباد
الرضا شمس الهدایه بالرضاعدنه اعتماد

طلاب الحق واحنه نصارا
📘📘📘
للـــرضا کل الــــمکارم والــــرضا دنیت امل
زوده زود حسین جده الطاهر الامجد اجل
مــایرد مهظـــوم کلــمن حاجته ابابه سأل

گضای الحاجه یسمونه
📘📘📘
للکلـــفه اسد موصوف تسهل یمــــه الصعبه
گبل لا تلــــزم الشباچ یـــدری ابگلبک الطلبه
تسمعها المناره تصیح وصوت الیدوی بالگبه

یل گاصد مگضیه الحاجه

الشاعر عبدالامام العبادي

الامام الرضا (ع)

الف مبروك لهله و العمامه
ميلاد الرضا راعي الكرامه
📘📘📘
الف مبروك يرجال الحميه
يولاد النبي و نسل الزجيه
عدكم صار مولد و التحيه
عله السان الموالي للقيامه
📘📘📘
فــرحان الموالي و كل محبكم
عله السان الـموده ايبارك الكم
هلليلــه الــقدوم الـــنور ابنكم
ابـــــو محمد الناطق در كلامه
.📘📘📘
ابو محمد بحــر طافــح عجايب
ما يخطي ابمقوله و قوله صايب
شيعـــي اثنعشري و ابحبه ذايب
گلــــبي و گلب كل هاي النشامه
📘📘📘
حبه ارضعنه من مرضع الطيبات
بيه حــــب النبي راعي الكرامات
خالــــــص جوهري طيب الـذات
و نجـــــوم المزهره الكل علامه
📘📘📘
بكتابــه الـــجليل امبين و ناص
علامة مرجله و مظهر الإخلاص
منبعها الإمـــامه و الـهم الخاص
و الــــــــهم كون يندار ابنظامه
📘📘📘
مولــــود الـــرضا هليله عدنه
ثامــــن حجة الباري و سندنه
لجله الفرح غاطي و انسعدنه
علا اشفاف اليحبونه ابتسامه
📘📘📘
علي اشفاف الموالي بسمة الود
والمطلـــوب منه انطيع و انود
ولـــموعود یظــهر راعی الجد
يشيد الدين والدنيه ابحسامه

الشاعر عبدالامام العبادي

ابو محمد يا هله ابميلاده
جينه كلنه ابحفلته عياده
📘📘📘
هــــاي ذكـــرا و هــاي نحـيها سنين
اي وحك جده علي و جده الحسين
عـــــيد عـــدنه و الـــجمع متونسين
اصوات فــــرحتنه ابعطــــور اوراده
📘📘📘
اصوات فرحتنه و نسينه اشما مضا
الإسمك الـــــمحبوب مــولانه الرضا
يا سعـــد بخته الإجه الليله و حضا
ابهــالــــــــحفل و  ايبارك  الأجداده
📘📘📘
ايبارك الأجـــــداده و اولاده بعد
ابـــدور آل المصطفي الإلهم شهد
باري الأكـــــــــوان و ابهــاي وعد
الــــبيهم اتمسك ربـــــــح ميعاده
📘📘📘
ابيوم بيه مــــــن القضا ما مـن مفر
اليحب اهل البيت ينجه امن الخطر
اهناك يلگـه الـــمصطفي سيد البشر
و حـــيدر الكــــــرار عـــــید اعیاده
📘📘📘
اهناك جنه اهناك عيشه المرضيه
ابيوت بيها امـــن المفاخر عاليه
اهناك فاطمة الــمجيده الزاجيه
بيها والــــمخلص ينول امراده
📘📘📘
بيها حـــور الـعين بعله منزله
ابغيره تعديل ابطبيعه امعدله
اترحـــب اتحيي ابالاف الهله
بالـخدم حيدر علي و اولاده
📘📘📘
يالذي امضوي الجميع الدروبي
يبو محمــد  سيدي و محبوبي
تلتفت لـي بالــــحشر مطلوبي
ولليحب حيدر علي و الساده

الشاعر عبدالامام العبادي

اليله المحب فرحان   ابمولد عظيم الشان
ولل كاظم ايبارك       عيد الرضا السلطان
📘📘📘       
الما یهوا اهل البيت دينه لزگ يرجال
تشهــد صحيفتنه ويشهد كلام الدال
عـدنه الرضا اغله من الذهب والمال
الغير الشهم واهله منه الگلب مامال

بس بيهم اعقدنه       ميثاق عزتنه
عترة نبینه قصون شجرةبنی عدنان
     📘📘📘
          
الشيعي كون ايصير دايم شخص واعي
بحـــق حیدر الكـرار وحق ولده اداعي
واحنه الرضا الليله الحق عيده انراعي
الحفلته جينه بشوگ و الضده انواعي

عواف اهل المغشه الشیطان هز عرشه
عاهــد رجال الدين المنهم ظمن لاجنان
              📘📘📘

يــا ظامــــن الاجنان يا سور يــا وافي
سلـــــوت دليلي بيك و ابحبك اموافي
ابحبك نذرت الروح وتلهجلك اشفافي
حبك سكن گلبي حب جوهري وصافي

ما يفتر ولا يهيد   عام اعله عام ايزيد
حبك ملك گلبـــــــــي ولزيارتك ولهان
         📘📘📘
      
الــــرضا اهـــوي اهـــوا و اهوا ظريح البار
چن مرني طف بليل وعفت اهلي ويه الدار
وچن گلبي طبا الشوگ وطار وصبح خطار
برض السعاده طوس وشاهدت عيني انوار

مــــن گبت الصايب     نور الفضا ثاقب
ايحيي الرضا الزوار وتستنبطا الاذهان

الشاعر عبدالامام العبادي

اليله ميلاد الرضا      ماضي الهم انگضا
افراح افراح يالموالي عيدوا يل رافضا

📘📘📘
الليلـــه ميلاد الرضا ثامن ايمام
الليله يا فرحت گلب سيد الانام
الليله بيت الكاظم استربل تمام
فـــرحت الزهرا و علي المرتضا
📘📘📘
الليله مولانه الحسن ويه الحسين
ابعيد ميلاد الــــــرضا   متونسين
الليلـــــه يا فرحت جميع العابدين
انـــوار طاها المصطفي اهل القضا
📘📘📘
الـرضا عيده رحمه ما بين الدهور
الـــرضا عيده عاود اعلينه بسرور
الليله مـــن نور الرضا الدنيه تنور
بحفل عيده يا سعـد بخته الحضا 
📘📘📘
يلــــي تسمع صوت سماعا تعال
لجل ميلاد الــــرضا هل احتفال
صاحب الـعز و المكارم والجلال
الضاوي من نورا صبح كل الفضا
📘📘📘
الشيعــه لجله بكل بلاد امعيده
رحمـــه لل عالــــم ليلت مولده
السمه رحمـه بمولده يمطر قده
و الحزن مـــن البشرفات ومضا

الشاعر عبدالامام العبادي

وسفه شلون اهل زينب يموتون
سباع وبلكلايف مايردون

وسفه شلون لو ماتو سويه
وتضل ام عون تتمنه المنيه
وحيده تحير برض الغاظريه
وتكول اليوم محد ظل اليه

وبحبال السبي علينه ويفزعون
وسفه شلون اهل زينب يموتون

وسفه شلون لو حركو خيمهه
تحير ام عون محد من زلمهه
اطفال اطشرت ياهو اليمهه
تباوع وين طايح يا علمهه

والكفار بيهم مايرحمون
وسفه شلون اهل زينب يموتون

تحير ام عون لوشافت وليهه
مدد بلمعاره ومايجيهه
وحبال السبي مطبگات اديهه
تصيح بصوت مايسمع حجيهه

تكله خلاف عينك مالي وعون
وسفه شلون اهل زينب يموتون

شلون بحالهه لو باجر تشوف
تمر عباس ومگطعين الجفوف
تعيش والمصايب بلگلب خوف
تشوف بجسم اخوهه اثار السيوف

وباجر علهزل غصبن يركربون
وسفه شلون اهل زينب يموتون

باجر والهزل منواهه للشام
تحير ويلجثث مدري ويليتام
تشمي وروس اهلهه تصير جدام
حطوهه بخرابه خلاف الخيام

ومن عمده الكفر بيهم يشتمون
وسفه شلون اهل زينب يموتون


ابو سلام الجابري

اعتذر الكثره الطلابات ع القصيده اعادت نشر


طلعــــنه بليل خويه ندور عليك
وعثرنه بلجثث من جبنه طاريك

طلعنه بلــيل وحــده دالي الاخره
بشفــــــــــــايف ذابله ورياك مره
وتكــــــــسر بلصدر يحسين عبره
كلنه حــــــسين من نوصل نخبره

نكله المــــــاي هذا وجينه نرويك

حرنه حــسين خويه شلون نلكاك
جثيره الــــموته بطف ظاله وياك
ويا جثه النگــــظهه نكول لا ذاك
گبل مانمــــشي ردنه حصل دواك

عسه دمع الحزن يبن امي يشفيك

اجيناك بدمع والحســــــــره ولاه
وگلنه حســــــين هسه هنا ونلكاه
نعرفه المحبس وماهو عله يمناه
والخنصر بعد مســــــــــلوب وياه

وعلامتنه صفت هاي العرف بيك

يخويه تعــــــــثرت ببني وكلت لا
اعوف حــــــسين زحمه وبقه ويا
اودع حســــــين وبني بردتي الكا
اذا خاله يــــــــــظل ماجيب طروا

وكــــلــتله بردتي يوليدي ارد ليك

هواي الــموته يمك ظلمه  وندوس
بس طــعنات بيها وسلامه الروس
بس جســمك نعرفه سهام متروس
وراس علرمح مــــــــــبيوع بفلوس

وصـــلتك بلدمع يبن امي احاجيك


ابو سلام الجابري

السيده زينب تخاطب امير المؤمنين ع

الأرض لـمـن ركـضـنــه  . مايت انه
عشيره ومـوش واحـد . مايت انه
يحـيـدر ويـن بـالـطـف . مايت انه

خـبـر عـنـدك تـرسـنـه الـغـاضـريـه

*----------------------*------------------*

✍خادم زينب (ع)
الشاعر رعد الجريخي

هاي  منهي  ابلا تراچي،،،،،
التنزف ادموم وبواچي،،،،،

اتكربي شويه عليه
هاي  معقوله  رقيه                 
،،،،،،،،،،،،،،،،،،،، ،،،،،،،،،،،،،،،،،،،، ،،،،،،،،،،،
 بالمخيم عفت طفله ..زغيره وبعمر الورد
 ودعتني وتدري  بيه  رايح  ولا  ما ارد
كامت وشبكتني ويلي بعينهه الدمعه تصد
لاتسولفلي عله جرحك حيل ماعندي وأشد

كسرت كلبي بحچيهه،،
ترست الخيمة ابچيهه

     ريت تلفيني المنيه
،،،،..،،هاي معقولة رقيه
،،،،،،،،،،،،،،،،،،،، ،،،،،،،،،،،،،،،،،،،، ،،،،،،،،،،،،
باالمخيم چنتي وين بويه طفلة امدلله
رسمج اتغير  عجيبه  حيره شهني المسأله
والچفوف ترفه بويه شلون حركتهه المله
دمعه  ومصابچ اقيس ايعادل  بطف كربلة

چفوفهه الترفه ابعمرهه،،،،،،،،
،،والسياط اتشل ظهرهه

ياالم تحمل رزية
،،،،،،،،هاي معقوله  رقية              
،،،،،،،،،،،،،،،،،،،، ،،،،،،،،،،،،،،،،،،،، ،،،،،،،،،،،،
بويه چاوين التراچي شو اذانچ بس  دمه
هذا ياچف  الحرام  سحل نجمات السمه
بوية ماظل بيه حيل  خاف  متنچ
ألچمه
فوك كل هذا المصاب گلبچ يترسه الضمه

ونذهل يابويه فكري
،،،،،دم اذانج ليش يجري

بويه نامي بين اديه
،،،،،،،،،هاي معقوله رقيه
***
اتعودت  كلشي بحنانج  عليه  بوسه امعلمه
حسره وامتونج اشوف بيها  نار امچيمه
ليش  مخنوكه  يبويه يا دهر بيك العمه
اكبالي چن امي اشوف  هم رقيه  فاطمه

،،،،،،،،حيرتني اشگد دمعهه
،،،،، كاعده وتحني بظلعهه

چنهه بعيوني الزجيه
،،،،،،هاي معقوله   رقيه
****
بويه شحجيلج بعد وياج هالكعده حلم
ياكل بروحي العذاب وجهي چم مره انلطم
بويه عبدالله اخوج  بالسهم نحره انفطم
فدوه لوليله وينام...اسم الله من نار الخيم

،،،،،،،بويه عبدالله عله صدري
،،،،،، هوه روحي وهوه عمري

........هوايه متغيره الوفيه
...............هاي  معقوله رقيه

****
تمت بعون الله تعالى
خادمكم :يوسف  الفتلاوي

( قصيدة نزلة عزاء )

گلبي ويّاك يالأكبر ... گلبي ويّاك
گلبي ويّاك يالأكبر ... گلبي ويّاك
………………………………………………………………………………………

يبني يا سِبّاح گلبي وماي عيني
أدعي ربي يا علي ســالم تجيني
من دخلت المعركه واشتد حنيني
آنه أُمك والگلــب يـخــفي ونيني

روحي بحماك يالأكبر ... روحي بحماك
گلبي ويّاك يالأكبر ... گلبي ويّاك
………………………………………………………………………………………

يبني گلب الوالده يـبــاصر إبنهه
لا تلومه إنچان ذايب من حزنهه
وآنه روحي اوياك ما ينگطع ظنهه
تظل غريبه لو رحت وإنته وطنهه

دمعي ناداك يالأكبر ... دمعي ناداك
گلبي ويّاك يالأكبر ... گلبي ويّاك
………………………………………………………………………………………

بخيمتي وعيوني ما عافت خيالك
اليوم حگ إرباي أريده وحگ دلالك
يالمليت اعيـــــوني يوليدي بجمالك
لو ردت روحي إخذ روحي بدالك

صعبه أنساك يالأكبر ..صعبه أنساك
گلبي ويّاك يالأكبر ... گلبي ويّاك

………………………………………………………………………………………

شگد ثگيله اعله الگلب هاي الليالي
الله بس يعلم يبعد الروح حالي
غالي إنته وهذا أبوك حسين غالي
أنتظر ترجعلي وتجاوب سؤالي ؟

وين الگاك يالأكبر .. وين ألگاك
گلبي ويّاك يالأكبر ... گلبي ويّاك
………………………………………………………………………………………

صابره وأتنطرك والخوف بيه
عالجمر يوليدي أتاني رد إليه
آخ منهه دولبتنـــي الغاضريه
امروّتك يعيوني فدوه رد عليه

عمري يفداك يالأكبر .. عمري يفداك
گلبي ويّاك يالأكبر ... گلبي ويّاك
………………………………………………………………………………………

يا بعد گلب أمك وتفديك أمك
أرجع ومشــتاگه يالأكبر أشمّك
گلبي ما يحمل مرار وصعب همّك
يا مناي وآنه أروحن فدوه لٱسمك

ربنا حيّاك يالأكبر .. ربنا حيّاك
گلبي ويّاك يالأكبر ... گلبي ويّاك
………………………………………………………………………………………

خادم الحسين عليه السلام
عمار هليل الواسطي

*نعي مجاريد*

فرن ياخوات احسين كلچن
راح الـذی یحمـی خـدرچـن
نیت العـدو یحـرگ خیمچن
نـاویـن یـا عـمـه الســلبچـن
نزعـن مـن ایدیچـن حللّچن
حتـی العـدو لایگـرب الچن
وانـه رایحـه العباس عمچن
انخــا يـرد الجيــش بلچــن
علـگومــه لـونــه مـا تمچـن
آنه اجیلیچن سرعه ولمچـن
اوخیمـه نفصـل ستر ضلچن
بـس لاتعلـن صـوت حسچن
والنحبـه ضمنهـه ابصدرچـن
یشمّتـون لوسمعــو نحبچــن


*ملا عاشور الصيداوي*

أم ثكله بولدها الشباب
🚩🚩🚩🚩

للگبر جيتك يالولد اگعد اگبالي
عوف الترب يمدللي ونظر الحالي

___

يازهرة اسنين العمر گلبي تچوه
الجرح ينزف بالدمه ماظنِ يبره
اخلاف عينك دنيتي والله ماتسوه
مثل الحمامه من انوح يالولد غالي

___

ابغيبتك غاب الگمر عذبني الفراگ
من اذكرك دمعي يهل الروح تشتاگ
ابفكري ارسملك صور لاقلم واوراگ
بعدك انا ظهري انكسر او تاه بالي

__

اصفن وصفناتي يايمه اتهد الجبال
أثيابك ابصدري اضمها والدمع سال
توك شباب وللگبر يوليدي تنشال
الفگدك يايمه انتحب خابت امالي

____

ماظل الي غير البچي يانور العيون
حلمي انذبح وشيبت مني هالجفون
ذابت مهجتي كالشمع الفرگه متهون
تمنيت موتي من شفت البيت خالي


عاشقة الولايه
نسالكم الدعاء


https://www.tg-me.com/khdmat

‏مقطع صوتي من صوت الحسين

اشكثر مابينه نبجي دمعه لحسين
السمه مطرت ابذبحه دم عالحسين
بقت حسره ابدليلي دوم عالحسين
اريد ابجي عليه حد المنيه

خادمة اهل البيت ام ابراهيم الحلفي

فارت برأسه الحميه وانچوت منه الشمس
طالع بهيئة مقاتل مدري طالع للعرس

صاح ابو فاضل هله
ودنگتله كربله




تلميذ ابو فاضل طلع حل النزال الحاسم
حب وغضب موت وفرح الله بعيونه راسم
ترنيمت الحب نظرته الحسن بيها هايم
عمه كفل ام الخدر وكافل سكينه القاسم


بعده ما سل سيفه جاسم وشبعت الوادم ركض
بالحرب ماكو استقامه من يطب طول بعرض

شهگت گباله المَلا
ودنگتله كربله
.
.
.
.
باب القيامه منفتح وجاسم يودي بكيفه
مِن كثر ما فار الشهم بجفوفه دخن سيفه
الشرد منه ما خلص يلگاه حتى بطيفه
شاهين يفتر عالزلم يلگط القاده بحيفه

شكو غيره عد علينا اندارت براس الگمر
وأبو فاضل كلها حطها بجاسم وشل القدر

ضربت أيده معدله
ودنگتله كربله
.
.
.
.

ما شفنه موگد للحسن ولا شافت الخياله
القاسم ابنه بكربله فار بمكان ادلاله
خيال من يجبل تضل ترجف الگوم گباله
اول محارب بالأرض يكتل الناس اخياله


صاح ابوي الماكو واحد گابله وكت الضرب
علي جدي وجدكم انتم ذب حيائه بالحرب

اليوم اعيد المعضله
ودنگتله كربله
.
.
.
.
عطشان واحلى من النهر برأسه ابو فاضل شايل
هز أيده من صاحو عذب صاح الضمه للعاقل
الحب اذا مابي تعب حب عابر ومو كامل
فدوه التعب لابو علي غيره منو يستاهل


صعدت برأسه الحميه وطگ عرج من الغضب
هذا يا ماي اليتعبه وغِيره من عمه شرب

سيفه عالعسكر عله
ودنگتله كربله
.
.
.
.

طَشر العسكر بالفله حنطه وبديه ضل ينثر
سيفه شمل كل الرگب حتى الذي المتكتر
خط نار يفتح عالزلم لمن بجفه يأشر
احجار همه بكربله والقاسم احلى من الدر

كربله رحه وطحنهم بيده جسام الاشم
انه ما شايف مقاتل ينحني گباله السهم

ونظره عنده قاتله
دنگتله كربله


الشاعر عبدالله الشويلي

يا يمه ما وصيك ... والذمه ما أبريك
لو ما توافي احسيني
سالم الي لتعود ... يا بو الوفه والجود
كحل بذبحتك عيني
.....1.....

عباس يا هيبت علي يا فرحت اجدادي
ضحي النفس يبني الشهم لبن النبي الهادي
بالك تردلي ابلا ذبح يا أكبر اولادي
بيض الوجه يم فاطمه واعتبره رد زادي

من حيلك انطي حيل ... بس لا تدوسه الخيل
عباس يبني اوفيني



....2....
موش انته ابني ولا الك وسط الكَلب خاطر
لو ما عفت عالمشرعه يمنتك والناظر
عباس هاذي اوصيتي اتنفذها بالعاشر
بالرايه رف يم الخيم صير الهم الساتر

يا ابا الفضل أنخاك .... نفذ وصيتي اهناك
وكَفت علي راويني

....3....
لو شفت الحسين العطش ذبلهن اشفافه
تكَصد لعند العلكَمي واجيبه بجتافه
لو تعرف اتشيل النهر واتغير اوصافه
واتروي ابو اليمه العذب غصبن على العافه

ماي النهر ارويه ... وروحك بعدهه انطيه
بيك افتخر خليني
....4....
صح انت غالي وطيحتك تكسر ألي ظهري
بس طيحت احسينك أشد تكسر الي عمري
فدوه اربعتكم واني هم للساكن بصدري
خل توصل اخبارك ألي دم هامتك يجري

لحسينك انطي العين ... يوليدي والجفين
يا فرحتي بسنيني
...5...
هاي الوصيه ابذمتك وادريك توفيها
وزينب امانه ابركَبتك دللها واحميها
بالك يمر بيها الخطر بالك يمر بيها
ازعل عليك وزعلتي مو سهله تدريها

ستر الله زينب شوف ... بالك يمرها الخوف
كلمة شرف تنطيني
......
تمت ......

موسى الخادم

گلـــبی ویاک یجاسم گلـــبی ویاک
📘📘📘
یبنی یاعمری و حیاتی سلوة اروح
یانسیم الهــــوا معطــر منک ایفوح
شلون ترضااتعوفنی بالغربه وتروح
علیه لاتــزید اجـروحی تهیظ انوح

شلون انساک یعمری اشلون انساک
گلـــبی ویاک یجاسم گلـــبی ویاک
📘📘📘
علیک میهـــود دلیلــی علیک جسام
یاثمـــــر دلالی یبنی الحلـــــم مادام
عمری عشته بامل زفتک احسب ایام
اشوف حلمی الیوم بطف صار اوهام

یمـی مـذبـوح اشوفک واگعـد انعاک
گلـــــبی ویاک یجاسم گلـــبی ویاک
📘📘📘
یبنی یا مـالک دلیلی الگلـبی سباح
ردت یمک وانته یمی نعیش بفراح
بالعکس دار الزمان او صارت انیاح
وطاح یارملـه اولیدچ صار لصیاح

اجیت امگطع لگیتک صعب ملگاک
گلــــبی ویاک یجاسم گلــبی ویاک
📘📘📘
انـه بیــدی بیــد عمــــک سلمیتک
للــحرب حین الـرحت یبنی نعیتک
بالشهاده امبارک او حانــت منیتک
شفت بعیونی العجایب من اجیتک

مطبروبالخیمه شفت حسین خلاک
گلـــبی ویاک یجاسم گلـــبی ویاک

📘📘📘
علیک نصرخ والـمدامع دم جریه
صحـنه گبلک ردنـه جسام المنیه
الملامـــح الـــنه بینت هــای هیه
تمشی عمــتک زینب الـحرا سبیه

غصب عفناک علـینه غصب عفناک
گلــبی ویاک یجاسم گلــــبی ویاک

الشاعر عبدالامام العبادي

لسان حال بنات الحسين تخاطب حميده بنت مسلم ع

إنَّ وعـــــــدَ اللهِ حـق
و الحبر جَف عالورق
والـدچ حـــــــزوا وريده
عَظّم الله أجرچ حميدة
راح الحـــــــنين    يالحنيـــــــنة
ـــــــــــــــــــــــــــــــــــــــــ
حانت أوقات المتاعب   
           و أذّن آذان الهــــــجر
أستغيثي بالـــــــزچية   
            و الله ينطيچ الصبر
وَالدچ قــــــرآن ناطق  
            و انشمر مـن القصر
و انتي آية بس يتيمة        
           صرتي من أول سَطر                

زيـدي وَنّات الگـــلُب
مات وَحْدَاني ابغرُب
بذيچ الـــــدروب البعيدة           
عَظَّــم الله أجرچ حميدة
راح الحنـــــــين.   يالحنـــينة
ـــــــــــــــــــــــــــــــــــــــــ
لمّي صبــــرچ يالحبيبة       
             و عالجروح اتصبّري
أقري قــــرآن ابدمعتچ   
             و لدعـــــــائچ كرري
كل بنات احسين اجينه   
             يلّه بينه استبــــشري
حمدي ربّنه عالمصيبة  
           و خلي گلبچ حيــدري

ندري مو گد الكسَر
بعدچ ازغيــرة عُمَر
كسـرة الوالـــــد شديدة   
عَظّم الله اجرچ حميدة
راح الحنـــــــين   يالحنـــــينة   
ـــــــــــــــــــــــــــــــــــــــــ
طفلة و اللـوعة چبيرة    
        و حيل گلبــچ منفـجع
جينه نهديـلچ دمعنه
        و نمســـح لعيـنچ دمع
حسين ابونه هسه عايش    
        فاطـــمة و كسر الضلع
الله يدري شطوله جرحه
       و صوته ظل ما ينسمع
 
شح دمع شيخ الضعن
رد عليه يـــوم الحسن
منحـــني و لازم عضــيده     
عَظّم الله اجـــرچ حميدة
راح الحنـــــــين.   يالحنيـــــــنة
ـــــــــــــــــــــــــــــــــــــــــ
انتــي أول طفــلة بينه     
           سارت ابـدرب اليتم
و احنه باچر هم يتامة 
          و نشعر بنفس الطعم
ربّنه يشمْلنّه ابرحمـــته  
          شنلگه بالعاشر هضم
اهنا لطمّنه و دم بچينه
          اهناكَ ممنـوع اللطم

كعـــبة الله ينــــذبح
و السمة بي تنجــرح 
خنصره ما يبـــــــقه بيده                
عَظّـم الله اجـرچ حميدة
راح الحنـــــــين   يالحنــــــينة
ــــــــــــــــــــــــــــــــــــــــــ
باچر اضعـــــــون السباية        
          جرح مچتوفة ابجرح
و تمشي فوگانه الغـــوالي 
         و كل نحر شــابگ رمح
بـــالشتـيمة و الشـــــماته
         يصابحونه ابكــل صُبح   
اوجوهنه التنگـــط براءة
        منّهـــا يـــا دم ينمـســح

شما نزل سـوط ابعظم  
روس اهلـــــــنه تنلچم
سياطهم وكحة و عنيدة         
عَظّم الله اجـرچ حميدة
راح الحنـــــــين  يالحنـــــــينة
ـــــــــــــــــــــــــــــــــــــــــ
يا حميدة بالفـــواطم       
         ما تظل حــرمة لنبي
إلخيم توگــــع علينه    
        و ربّنه يحفظها العبي
ينسلب بالطف محمد
       و الإمـــــــامة تنســبي
ذوي القُربة تلـم يتامة
      و بالضرب تحبي حبي

تطلع ايات الفَصِل
من خدرها للهــزِل
و الرسالة اتظــل وحيدة   
عَظّـم الله اجرچ حمـيدة
راح الحنـــــــين.   يالحنيـــــــنة
ـــــــــــــــــــــــــــــــــــــــــ
الحمدلله
#علي_حسين_الكناني

راس الايمان الصبر ينقاس
وذروة ايمان الدنيا عباس
حجي النبي وقرأنه...  يجسد بايمانه
ذروة ايمان الدنيا عباس
ــــــــــــــــــــــــــــــــــــ ــــــــــــــــــــــــــــــــــــ
عنده طاعة اتعجب اعقول البشر
دون ابو اليمه حمل سيف الخطر
والامر من الامر لاجله صبر
وبقضاء الله امن والقدر

من زغر سنه يكله مولاي
لاجلك نذرت ايام دنياي
ينطق وحي من لسانه ...  يجسد بايمانه
ــــــــــــــــــــــــــــــــــــ ــــــــــــــــــــــــــــــــــــ
حالة الشاطي عجيبه تصوِرت
من نزل جفه على الماي وهوت
يابسه اشفافه ومهجته تكطعت
وابت نفسه الماي مامنه ارتوت

صورة احسين اظهرت وندار
وجه ورفض يشرب المدرار
وحال الحرم عطشانه ...  يجسد بايمانه
ذروة ايمان الدنيا عباس
ــــــــــــــــــــــــــــــــــــ ــــــــــــــــــــــــــــــــــــ
العين حساسه والمه بالفؤاد
شلون كلي عيونك الصارت رماد
عين دم بيها ورفع منها الرقاد
وعين  بالنشاب والراس بعماد

حال العمود  يفضخ الهام
ماقيس صبرك حالتي اوهام
هذا العزم عنوانه ...  يجسد بايمانه
ذروة ايمان الدنيا عباس
ــــــــــــــــــــــــــــــــــــ ــــــــــــــــــــــــــــــــــــ
ازنودك تشيب يبو الغيره الجنين
يلواك يطيح من كطع اليمين
وبشمالك شلته بس قرر البين
ماسمحلك اله يكطعلك اثنين

حالة يمينك يبو الحملات
خلت بزينب تمر حسرات
يامن كلت صيوانه ...  يجسد بايمانه
ذروة ايمان الدنيا عباس
ــــــــــــــــــــــــــــــــــــ ــــــــــــــــــــــــــــــــــــ
اخر الانفاس وانت ولا هنت
بس كلت ادركني قصدك ودعت
جلمة الخويه كبلها ولا كلت
فقط بس بهاي ساعته اندبت

عمرك كضيته تنادي يحماي
ماكتله خويه تكله مولاي
كلبك لضى نيرانه ...  يجسد بايمانه
ذروة ايمان الدنيا عباس
ــــــــــــــــــــــــــــــــــــ ــــــــــــــــــــــــــــــــــــ
#علي_الزهيري

ميمر (باب المراد) الجوادع



عدنه حوائج صعبات    وابن الرضا امكلفينه

***

عدنه حوائج واشـــكثر متعسره

منه طلبناهـــه البقــــت متأخره

نترجى من باب المراد النظره

ندريبه صاحب وكفات   وبالتوكف امجربينه

***



مدينه جف العـــازه واتوســـــلنه

لامانظن ابن الرضــا ايفشـــــلنه

ايطمنه نعلم هـــــوه  وايكـــــللنه

يابس كَلبنه امتانين   بس جوده اليروينه

***



مارحنه واطلبنه طلـب من غيره

يالينطي وايوزع البشر من خيره

يخلصنه حاجتنــــه بفضل تدبيره

عنده كرامات اهواي    وجفنه الدعى مدينه

***

ضكتنه حيل الدنيـــه خنكه الوسعه

ماعدنه بس جف الدعــى والدمعه

اتوسلنه وانريد ابعجـــل هالفزعه

مسدوده كل البيبان     ويعلم الصاير بينه

***



ننخه ودعينه وهو يدري النـــــيه

متيقنين احنــــــــه الــــف بالميه

حاجتنه يمه تعتبـــــــــر مكضيه

بجده الشهيد العطشان   فوك الثرى امحلفينه

***



انمشي عليه الي تســـــلب هدمه

يوم العطش عالرمله ينزف دمه

حدر الحوافر منسحك كل جسمه

عاري الجسد عالتربان    روح النبي امسلبينه

***

أبو علي الركابي