((مايردون اسمي))


لاويـــــن اظل وگلبي مشلوع
يهلي هضيمه ودربي مگطوع
مــــامش بعد يم بابي دمــوع
هلي يالضيعوني ..

والوين تشمــــرني اعله ياوين
ضلمه الدروب وساهره العين
چـــــا وينــــهم زوار الحسـين
هلي يالضيعوني ..

مايردون اسمي .. اهل الشام بلوه
مايردون امـــي .. أنــه بالشام گوه

رسايلهم شماته وسـدو الباب
مابيهم محنه وعطر الاحباب
خلوني بدمعتي وليل الفراگ
وياراس المناره بالغرب شاب

أنه زينب غريبه ...

"""""""""""""""""""""""""""""""""""''''''''''

خيل اعوجيه وهــــدت اركاض
ومن گلبي دمعي عالضلع فاض
وهذا الشمر بالباب شــــو كاض
عساجر من اجوني ..

عسكر يزيد بصحني يمشون
وماتت بروحي چــلمةّ شلون
زواري آنـــــــه امكم ام عـون
عساجر من اجوني ..

اصل الحيره صفنه .. وآنـــه الحيره بيه
عزيزتكم ترى آنـــه .. شلون ارجع سبيه

داسوّ صدر اخوي وگبـري داسووّ
مـــن سبــو ابــوي وگلبي مســووّ
يحمدون السقيفه وضلعي كسرو
وچم محسن بصف الباب ذبحــو

أنه زينب غريبه ...

"""""""""""""""""""""""""""""""""""''''''''''

يعني السنه من بعيد لبعيد
راح الزمن والــــراح شيعيد
ماريد فـــــــرگه عود مـاريد
ومنتضره الزياره ..

ماكو بعد بالحضـــره زوار
ماكو طبخ حدر الجدر نار
النــار صـــارت بيه تــذكار
ومنتضره الزياره ..

چاوين المواكب .. چاوين العشيره
أنه بت الاطايب .. ياويــــلي أسيره

وين اعزاز گلــــبي الفرشو الگاع
بيا حسره العمر من الجرح ضاع
من ذيـــچ السنه لميــت الجروح
من زواري راحو صـــــــار الوداع

أنه زينب غريبه ...

"""""""""""""""""""""""""""""""""""''''''''''

عـــالباب وينه اليركض وصاح
الدايس جمر ومن اللطم طاح
هــــــذا الدمع بالبــــاب ماراح
ماضنهم نسوني ..

وينه الاجاني وفـاگد الراي
وين البچفه الجايب الماي
وينه اليهل الدمعه بــهداي
ماضنهم نسوني ..

والمحتار حـيره .. مــــاتنعد جروحه
ميت بالسوالف .. هم ماخوذه روحه

چـــا هــــاي السنه تنعاد بالخوف
بعد بالباب ماكو صفوف وصفوف
بيـــــا دمعه اگضـــي الليل واللـيل
ساعــــــــاته تمـــــر ارماح وسيوف

أنه زينب غريبه ...

عبد زينب
محمد الابراهيمي

لحن(مايردون اسمي)
بصوت
ملا صادق هاشم
بغداد

ما ننهزم گلناها شيعه ونُصر
چم زينب العدنا ونعز بالعمر
كل احنه عباس
للخيمه حُراس
،،،، ،،،، ،،،، ،،،، ،،،، ،،،، ،،،،

يمحلى الشهاده
بترابج سياده
وننادي بسعاده
علي علي
نموت بترابج
نعيش لمصابج
ونخط اعله بابج
علي علي
شنهي اغله من الروح الشيعي من تنشده
راح يگلك هيه ام عون الاغلى عنده
سد گبري ولا باب الحظره اعلي تسده

من الباب الاخظر انه اشم الهوه
ولا سامح الله انسد يضيع الضوه
كل احنه عباس
للخيمه حُراس
،،،، ،،،، ،،،، ،،،، ،،،، ،،،، ،،،،
اعله خدرج نقاتل
أشـاوس بـواسل
العزم من بوفاضل
علي علي
ربينه بمجالس
كُبرنا عوابس
فهل من منافس
علي علي
احنه اربات المجلس احنه اهل العقيده
احنه الشال الرايه بخيبر جدنه بيده
وجدهم شال هدومه ويرگض كالطريده
وي النبي احنه وحيدر الملتقى
اصحاب الوجوه الغداً مشرقه
كل احنه عباس
للخيمه حراس
،،،، ،،،، ،،،، ،،،، ،،،، ،،،، ،،،،
تظلين اميره
وترستينه غيره
الفتى الماكو غيره
علي علي
لأبوج القياده
اهلها وزياده
النبض بأسمه ناده
علي علي
وشحده اليوصلج شيعة حيدر احنه
والما يعرف بينه يگابلنا ايعرفنه
يا زهراء صيحتنا ويا زينب شرفنه

هاي الرگاب تطيح دون الشرف
ونبعث رسايلنه النصر للنجف
كل احنه عباس
للخيمه حراس
،،،، ،،،، ،،،، ،،،، ،،،، ،،،، ،،،،
العمر هو ساعه
اليموت اعله گاعه
شهاده وشجاعه
علي علي
العزم من كفيلج
الف عون نجيلج
نـموت بسبيلج
علي علي
يا محله اليلفظهن انفاسه الاخيره
واخر صوره بعينه گبرج يالأميره
يا حضه ويا بخته اليگضي بهالمسيره

شو هـو كم يوم ويضمنه الگبر
محله الشهاده لخاطر ام الخدر
كل احنه عباس
للخيمه حراس
،،،، ،،،، ،،،، ،،،، ،،،، ،،،، ،،،،

يكهف الحيارى
يتاج الغيارى
الگلب وانكساره
علي علي
ندگ ثايه يمج
وابد لا يهمج
زلم كلفه زلمج
علي علي
احنه النتمناها ويـوميه نناطر
نفزع فزعت عابس لخيامج نناصر
ونراوي عدوانج شتجيب المنابر

الجاهزيه العدنا عده وعدد
والصيحه وحده يا بو صالح مدد
كل احنه عباس
للخيمه حراس
،،،، ،،،، ،،،، ،،،، ،،،، ،،،، ،،،،



ياصاحب الزمان


ازهر العبادي

تكضيها كل حاجه تكظيها. ام البنين
****
كلشي يظلم من تضيگ الدنيه بيه
لو نخيت ام البنين اتحلها اليه
امقربه وباب الرجاء عند الله هيه
وما ترد محتاج معروفة الوفيه

هاي عنوان الفخر
هاي ضحت جم نحر
هاي هاي ام الگمر
حاير شحجي عنها

ادعيها من امرض ادعيها ام البنين
تگضيها كل حاجه تكظيها ام البنين
****
الفاتحه تسهيل امر اقراها الها
وأعرف ام عباس كل شده تحلها
اشكد كريمه وماكو بالدنيه مثلها
انه سائل واكف ابابج اگلها

جيت تقضي حاجتي
جيت رافع رايتي
جيت تقبل دعوتي
وتوسلها بحسين

وادريها توفقني ادريها. ام البنين
تگظيها كل حاجه تكظيها ام البنين
*****
احنه لم عباس عدنه اليوم سفره
كوم وأخذ امرادك ومجلسها احضره
تشفي كل معلول والخاطر تجبره
اليوم من ام البنين نريد نضره

دوم صفي نيتك
دوم وطلب حاجتك
دوم صيح بحركتك
ما عندي انه غيرج

ناديها بحساسك ناديها. ام البنين
تگظيها كل حاجه تكظيها. ام البنين
****
عالمه ورب العله اهواي اصطفاها
وما يضل بحيره كل واحد نخاها
هاي ضحت لجل الحسين بضناها
والمريض يطيب من ياخذ دواها

بيك تشفي كل علل
بيك. من تدعي بأمل
بيك. ما يبقه زلل
تربتها شفائك

ناجيها بدمعاتك ناجيها. ام البنين
تگظيها كل حاجه تكظيها. ام البنين
****
هاي مدرسه الوفه وام الاكارم
وانه بيها تجننيت وكلبي هايم
اشمحله عد ام البنين اتسمه خادم
بيها تتباها البدو وكل العوالم

شوف روح المعتقد
شوف. والموقف شهد
شوف. ما خلفت وعد
ما ينعد فضلها

امصفيها نيتي انه مصفيها. ام البنين
تكظيها كل حاجه تكظيها. ام البنين
****
تمت
تحسين الخفاجي

علي مولا
علي مولا
،،،،،،،،،،،،،،،،،،،،،،،،
علي يالحبــــك عباده
علي ياسيــــد الساده
اشهــــــــــــد ان عليآ
الله مطيــــــه الأراده
،،
المايوالي ياعلي نخليـــــــه هــــــــذا براحته
خسران دنيا واخره وماتمشي عدنه احچايته
العاداك صوچـــه ياعلي محد مسوي سوايته
علي ياخيـــــــر البشر
علي ابو العز والفخــر
حبـــك بگلبي كبــــــر
علي مولا
علي الأخر موش الك
علــــــــي الأول أولك
انتــــــــه الدير الفلك
علي مولا
،،،،،،،،،،،،،،،،،،،،،،،،،،،،،،،،،
علي واسمك ياحلاتـــه
غالي وماكـــــــو بغلاته
علي غيـــــــرك مانوالي
خل يسمعون الشماتـــه
،،
ياهيـــــــل يالماتنوصف يالماكو اليشبهونــك
بعيونك الرايد يصد يصفن سنـه اعله عيونك
والجنة اذا مو انته ابــــد ماتنجرع من دونك
،،
علي ياحيــــد الزلم
قالـــــع الباب ونعم
بالحرب كلك عــزم
علي مولا
شكثر حيدر دورت
بشر مثلك ماشفت
من صرت وصورت
علي مولا
،،،،،،،،،،،،،،،،،،،،،،،،،،،،،
علي يالكلك شهامــــه
بس الك تحله الزعامه
انتـــــه الأول مانبدلك
ياعلي اليوم القيامــــه
،،
من ادم الهذا الوكــــت ياعلي وكـــــل العالم
لاطير لاجن لاانس يابـــو الحسن حتئ ادام
خاطر اتشوفك ياعلي بيــــوم الحشر تزاحم
،،
علي يادر ياذهــــــب
تستحق هـــــذا القب
علي ياشيــــخ العرب
علي مولا
علي يالذكــــرك دوه
علي يمسيـر الهــــوه
الشمس انته والضوه
علي مولا
،،،،،،،،،،،،،،،،،،،،،،،،،،،،،،،،،
الكلشي ياحيـــــدر نهايه
ويبقئ بس حبـــك بدايه
علي عالفطره عشگتــــك
بلا كتاب ولا روايـــــــــه
،،
كل عشگ لابــد ينتهي بس عشگ حيدر يبدي
بس هوه متوصط الگلب غيره وعلي ولاعندي
من كثر ماحبـــــــــــــه احس محد يحبه بگدي
،،
علي يافــرد وصمـــــد
علي ياواحد أحــــــــد
مدد ياحيــــــــدر مدد
علي مولا
علي مثلك وين اكـــو
ابو للمالــــــــــــــه ابو
واخو للرايـــــــــد اخو
علي مولا
،،،،،،،،،،،،،،،،،،،،،،،،،،،،،،،،،،،
مصطفئ الصالحي
،،،شور،،،

حلم عمري اجــــي لصحنچ  ويمج اكعد وأنحب
ويم شباجج المـــغرب  حلات الدمعه من تنصب
عله مودج كمت احــب الشام وله اشام ماينحب
وتعبيني بخدمتج حيل حلات الخدمه من اتعب


  يمـته اجيج وعيني تنظر كبتج
   ليش محـــروم انه من ازيارتج
   يمته اوصل بابج لبل غربه ذاك
   ارد اذب  اعيوني كون ابعتبتج


  كلبي ابــد ماتطفه  ناره
  فـــدوه ارزقيني الزياره
  انه حالف روحي اشدها
  علگ بطــــــراف المناره


  مولاتي مشتاك اشم ريحة ضريحج

ــــــــــــــــــــــــــــــــــــــــــــــــــ

  مشت لزيارتج كلها  وبقيت انه اكسر الخاطر
  اروحن ويـــن  ما أدري  دليني اصبحت حاير
  ولو بس مــــره ازرونج عليج الساحكه الحافر
  بســـــــجلج يمته مولاتي  اسمي ينكتب زاير

ياغريبه وللغـــــــريب انتي وطن
كون مسبي وياج انا بذاك الضعن
انه مــــدري  اشمالني مابيه خير
عيوني ليهسه لمـــصابج ماعمن

  غير ماحــــــــــس  انه بيها
  انتي المــــــــــجوايه اديها
  زينب  انتي بيـــــوم عاشر
  اكبالها  ذبــــــــــحو  وليها


مولاتي مشتاك اشم ريحة ضريحج

ــــــــــــــــــــــــــــــــــــــــــــــــــ

دخيل ادموعج الطاحن  بيوم العاشر عله حسين
يروح الزهرة  مــــــــوسهله   بحبل للغربه تنكادين
اخيالج مانظرله احـــــــد شلون ويل زلم تمشين
مو مالت ركــــــــض انتي عمرج جازي الخمسين

   انتي مو مالت ركـــض يم الخدر
   ولاسبي ولا مشي بدروب اليسر
   مـــــــن بعد ذاك الدلال وهيبتج
   ياهضيمه يطكج بسوطه الشمر
  
    مـــــــــن  بعد ذيج المهابه
    تالي كعــــــــــدوج بخرابه
    ودمعـــــــــتج تقره يزينب
    اه يحسين ومــــــــــصابه
     

  مولاتي مشتاك اشم ريحة ضريحج

ــــــــــــــــــــــــــــــــــــــــــــــــــ

اديج مــــــن الجمر زينب اثـــــر من الحرك بيها
عله مصابج يمــــسبيه  اشتكفي الدمعه البجيها
بحافر كون ادك صـــــدري المثلج هيج اواسيها
انتي عــــــــــل الرماح بليل شالو روس اهاليها

  اخ وليـــــــحدي يــــــزينب بالضعن
  يضحك مـــــن يشوف دمعاتج جرن
  وهوه  ميت صاح من نحره الحسين
   ياهضيــــــــمتنه العلاوي من انسبن
     

   والله يــــــــازينب  هضيمه
    تحترك فــــــــــوكاج خيمه
    انتي ســــتر الله ومشيتي
    وي عرب مــــاعدها شيمه

    مولاتي مشتاك اشم ريحة ضريحج

ــــــــــــــــــــــــــــــــــــــــــــــــــ

دخيلج مــن  دخلتي الشام وصار بضعنج الماصار
مــــــــو بليا هـــــــلا اتلكوج تلكوج بشتم وحجار
الوادم تضــــــحك وانتي  دمعتج تجوي خدج نار
اجروحج مثل اخوج حسين كلها اكبار ماكو ازغار

   وكفـــــــتج بين الزلم صعبه تره
   انتي اول هاشــــــــــمية ميسره
  وســــفه يازينب ابوفاظل اخوج
  الخله بالطف بـس جثثها مشمره

     هاي عل  الساده جبيره
     طبتج للــــسوك  اسيره
     انتي محد شاف طولج
    انتي بت شيخ العشيره

  مولاتي مشتاك اشم ريحة ضريحج
ــــــــــــــــــــــــــــــــــــــــــــــــــ


حسين عبد الزهرة الدراجي

مولد مولاتي فاطمة الزهراء ع🌹


ـ               ميــــــلاد الزچيه
ـ              الفرحه الفاطميه
للمصطفى وحامي الحمه هذا الحفل هديه
ـ⇔⇔⇔⇔⇔⇔⇔⇔⇔⇔ـ
                

بيها النبــي حيـل ابتشر والبسـمه بانت
وهـيه ابمهــــدها فاطمه وتكلمه چانت
آيه ابحضــن امها انزلت والفرحه حانت
والشمس من عازت ضوه بيها استعانت

ـ              تعيش الفرحه بيه
ـ              ولايگ حــبها اليه
للمصطفى وحامي الحمه هذا الحفل هديه
ـ⇔⇔⇔⇔⇔⇔⇔⇔⇔⇔ـ


الله الزعلها يزعل ويرضــــه لرضاها
دور القيـاده اعله النسه اليله نطاها
مثل النبي عدها شكثر هيبه اوجاها
وحقه محمد عالملا بيــــها ايتـــباها

ـ              هيبه اعله البريه
ـ              بنت طــــه الابيه
للمصطفى وحامي الحمه هذا الحفل هديه
ـ⇔⇔⇔⇔⇔⇔⇔⇔⇔⇔ـ


حبها هويه وبالحشـــر هيه الشفيعه
ونشكر الباري الفاطمه خالقنه شيعه
نكشخ بحبها بكل زمـن امنه الوديعه
الورد يكشـخ لو وصـــل موسم ربيعه

ـ              شيعه وجعفريه
ـ              ونردد ســـــويه
للمصطفى وحامي الحمه هذا الحفل هديه
ـ⇔⇔⇔⇔⇔⇔⇔⇔⇔⇔ـ


فاطمه بحر المعرفه وفرقد محمد
ماعون فايض بالوفه ويشبها محــد
بيبـــانها اتوزع نعم مالحظه تنســد
عنها محمد وعلي والباري يشـــهد

ـ              الريحـــــانه الوفيه
ـ              الاوله بكلشي هيه
للمصطفى وحامي الحمه هذا الحفل هديه
ـ⇔⇔⇔⇔⇔⇔⇔⇔⇔⇔ـ

   ✍الخادم
كامل السعيدي

@HxzEU1

#قناه_نشر_القصائد_المنبريه

فرحه وهلاهل واعياد ياشيعه سووها
ابيوم الولاده انعاهد ام ابوها
عالعهد باقين       خدام الحسين
ابيوم الولاده انعاهد ام ابوها
..............................................
هالليله يا شيعه الفرح مربينه
واجب نهني المصطفى هادينه
كل شيعي يحضر وردته بيمينه
عيد الله مولد فاطمه سوينه
بصفكه وهلاهل وافراح نحييها الولاده
يااحلى واجمل مصباح ياتاج السعاده
عاالعهد باقين     خدام الحسين
ابيوم الولاده انعاهد ام ابوها
.........................................
الليله نور الله اكتمل شع نوره
سبحان رب الخلق اجمل صوره
هالليله املاك السمه مسروره
بسم الزجيه فاطمه معموره
مولدها رحمه يا ناس للعالم هديه
نشعل شمع ننثر ياس بالطلعه البهيه
عالعهد باقين       خدام الحسين
ابيوم الولاده انعاهد ام ابوها
...........................................
طبع العشك لمن يدك عالفطره
مثل الورد والماي من ينتضره
موشمعه نشعل لاوحكج عشره
نور الله نورج فاطمه والزهره
تحيى وتموت الانفاس لو لحضه نسينه
يالمولدج رفعة راس يا فرحة بجينه
عالعهد باقين    خدام الحسين
بيوم الولاده انعاهد ام ابوها
.............................................
خادم خدمة الحسين
الشاعر
محمد الموالي

عرش الله نوره    فاطمه
فرحه وسروره      فاطمه
الكل تستمع        شعلوا الشمع
الليله فرحنه واليحب يفرح ويانه
.........................................
الليله ميلاد العرش    واجب نطش اكلوبنه بهيئة ورد
الشمس ويه الكمر    ليل وسهر واعيونها ترتل الحمد
الله من كد ما فرح   كال وسمح جبريل يوكف يستعد
حتى فاطم من تهل   يبدي الحفل وبجفها يتسجل عبد
الله اجتباها      فاطمه
يرضى الرضاها       فاطمه
الكل تستمع       شعلو الشمع
الليله فرحنه واليحب يفرح ويانه
.........................................
الليله ميلاد الفرح    هل وصبح ياليل شع نور الشمس
الليله مولد فاطمه.   شع بالسمه ياليل لا تبقى نحس
الليله طه المصطفى   نوره اكتفى وحضر مراسيم العرس
جيف ربه بشره.   ومن كوثره شربت نهج أول درس
ياهو المثلها.   فاطمه
فطرس حملها.  فاطمه
الكل تستمع.     شعلوا الشمع
الليله فرحنه واليحب يفرح ويانه
،،،،،،،،،،،،،،،،
اليحب عنده طبع.   وكت الدمع يرسم على شفافه حلم
مثل الورد لمن يحب   يمطر عذب وبخده ضحكه تنرسم
فاطمه حبها فرض.    يهل الأرض واجب علينه نفتهم
ماخسر كلمن عشك.  كلبه احترك ممنون منه والنعم
تاج الكرامه.  فاطمه
إم الإمامه.    فاطمه
الكل تستمع.     شعلوا الشمع
الليله فرحنه واليحب يفرح ويانه
.........
خادم خدمة الحسين
الشاعر
محمد الموالي

يعشاك الهوى ذبت بهواها
أحبها وما احب واحد سواها
هايه أم ابوها.     الزهره ايلقبوها
يعشاك الهوى ذبت بهواها
.....................
مثل نسمة هوى ذكر البتول اصبح
تمر عذبه بدليلي وبالصدر تشرح
بعشكها الباري وصه وبالصحف صرح
رضى فاطم رضاه اعله الهواها
يعشاك الهوى ذبت بهواها
......................
حلم للزهره مرقد والحلم موجود
ونطش أرواحنا فوك المناره اورود
هاي ام الحسن وام الكرم والجود
هاي ام الحسن ريحانة الطه
يعشاك الهوى ذبت بهواها
...................
عشكناها وعشكنه واضح ومعروف
وخلي الكون يشهد والعذول ايشوف
كعبه الزهره واحنه اعليها لهفه انطوف
مثل بيت الله الله الزهره سواها
يعشاك الهوى ذبت بهواها
...............
خادمكم محمد الموالي

هايه ام الأربعه الوفايه
تحضر ابكل تعزيه وقرايه
تحجي عن طف كربلاء
......
١؛؛؛؛؛؛؛؛؛؛؛؛

يا خادمهه ... اخلص يمهه
هاي الوفيه الطاهره الخادمهه متعوف

كلشي انطيهه ... الروح اهديهه
تستاهل ام الاربعه المنحر والاجفوف

تستاهل ام الأربعه
تهديهه كَـد المشرعه
دمعات عين اموزعه
ودم منحر اليصب

لحسينهه امضحيه كَـمر
ياهو المثلهه ابهل بشر
وثوبث للماي بنهر
هذا الأمر صعب 

سوت الما وحده المسويته
خادمه ادكَـول العلي وذريته
لوحه رسمت بالولاء
..........
٢؛؛؛؛؛؛؛؛؛؛؛؛؛؛؛

أم الأربع .... تنطي امربع
لليكَـصدلهه بحاجه عنده وكلبه مهموم

روح اتكَـله .... ما اتخله
الحاجه يمي تنكَـضي بالساعه مو يوم

تشهد عليهه كربله
كلمن ندبهه ابمسأله
تكَـضيهه باللحضه اله
ما ينتظر شهر

معروفه توكَـف بالشدد
للي كَـصد والما كَـصد
بالفاتحه اتحل العكَـد
ام الكمر فخر

إقره الهه الفاتحه وانخاها
حاضره اتحل شدتك تلكَـاها
اي وحق راعي اللواء
.....
٣؛؛؛،،،،،،،،،،،،

ام الكافل .... مترد سائل
ليل وصبح باب الهه من الجنه مفتوح

ترفع قدره .... الحَب الزهره
متعوفه وحده بحيرته اويه الدمعه والنوح

كل البشر بيهه اتحلف
بالغيرة رايتهه ترف
الغربه تشهد والعرف
أعظم مره العلي

بعد الزجيه فاطمه
اتحبهه ملائكة السمه
أي وحق حماي الحمه
هالصيحه تعتلي

جان اسمهه فاطمه البدويه
وهسه صارت فاطمة العلويه
بيهه تحجي ارض وسماء

......
٤؛؛؛؛؛،،،،،،،،،

البدويه .... ابكل لطميه
تلكاهه تلطم عالصدر  واعله الضلع حيل

يم المنبر ... تحضر تحضر
تبجي لبنهه المنسحك بحوافر  الخيل

لحسين حبهه من صدكَـ
بي سولفو اهل العشكَـ
ميته وكلبهه محتركَـ
سلطانة الوفه

مابيهه كل ذرة عتب
تاريخهه انخط ابذهب
شايل عجب يابو عجب 
خاتمته عاطفه

حارت اشتكتب عليهه اقلامنا
بيهه تحجي الهسه هاي ايامنا
فاطمه ام الوفاء

..............
٥؛؛؛؛؛؛؛،؛؛؛؛؛؛

بيهه اتباهه ... من سواهه
باب الحوائج تكَـصدلهه سائر الناس

أعظم نعمه .... الهاي الأُمه
أم البنين الخلفت عباس عباس

كل خير من عدهه نَعم
الله جعلها افضل نِعم
بوجودهه الكون ابتسم
وتناثر الضوه

عنوان مدرسة الصبر
ترتيل قرآن الفجر
مفتاح تسهيل الامر
أم حامل اللوه

الله رازقهه بجميع الطافه
ابذكر اسمهه كل علل تتشافه
احروف اسمهه اعظم دواء
.......

✍️🏻 كلمات موسى الخادم

مولد الزهراء ع

مولاتي .. انتي نور ما يشبهچ ثاني
مولاتي .. ظل يفور عطرچ الرباني
مبروكه يزهراء مبروكه يزهراء
اللهم بارك للهادي الهاشمي
*
يالزچيه ابهل ولاده الله وزع نوره
سورة الكوثر بدونچ ما تصح! مبتوره
الدنيا گبلچ يالوديعه امغيمه ومكسوره
إلوحي بشرها صرتي وعكست النه الصوره

دنيانه .. تضوي دوم لجل هاي عيونچ
دنيانه .. بيها عين منها شفناه نورچ
مبروكه يزهراء مبروكه يزهراء
اللهم بارك للهادي الهاشمي
****
انتي دون الناس كلها صوره شغلت بالي
اندلع المولود عدنه بالذهب والغالي
يالزچيه من يثمنچ غير ربنه العالي
انتي من الله هديتچ ابو حسين الوالي

بس حيدر .. كفو صار آيه تشبه آيه
بس حيدر .. ما يلوگ الچ غيره امرايه
مبروكه يزهراء مبروكه يزهراء
اللهم بارك للهادي الهاشمي
****
ابو العتره الهادي احمد ما تصح ابدونچ
انتي ما بين الرساله والامامه اعيونچ
وصل انتي وسلسلتهم گعدت اعله امتونچ
انتي اول مره صرتي ام ابو مضمونچ

يالزهره .. اچبيره دوم رغم زغر اسنينچ
يالزهره .. الله نور ودّع ابچفينچ
مبروكه يزهراء مبروكه يزهراء
اللهم بارك للهادي الهاشمي
****
بسمة الهادي اشحلاها بيها ضوه الديره
ابمولدچ يالزهره يدري اكتابه حل تفسيره
لوله انتي واهل بيتچ چا فلكنه ابحيره
لا شمس لا بحر يجري الهوه منهو ايديره

بارينه .. سوه كون چي يحبكم ثاري
بارينه .. سوه نور والعرش والذاري
مبروكه يزهراء مبروكه يزهراء
اللهم بارك للهادي الهاشمي
****

الشاعر اياد الديراوي



@HxzEU1

#قناه_نشر_القصائد_المنبريه

ابوذيه

ابـحـفـلـنـه ينكشـف حـبـنـه .. وسِـرنـه
ومـولــد فــاطــمــة لَــمـنــه .. وسَـرنـه
عــشَـگــنـــه هـالـدرب هـذا  .. وسـرنـه

ابـمـحـبـت فـاطـمـة الـحـد الـمـنـيـه

*-----------------------*-------------------*

✍خادم الزهراء(ع)
الشاعر رعد الجريخي

بسم الزهراء القدسية
بسم الحوراء الأنسية

نبدي نسولف عن الزهرة
وبيها انشنف كل امسية

و نستفتحها بأجمل آية
إنا اعطيناك الكوثر
خليها ابالك يا ابتر

هاي الكوثر هيه الزهرة
وبيها الدين گدار مگدر

من نوره انطاها الله لطه
وصارت قطب الكون اليفتر

و بأنواره القدسية انعجنت
مخلوقة تكافئ بس حيدر

و من اشجار الجنة انقطفت
وانزرعت بأصلاب الطهر

تفاحة وبيد الله اندارت
غير عثوگ الخير تخضر

مشكاة النور الما يطفه
بيها الباري مخلي اچم سر

يكبر كلمن يخدم فاطم
و الما يخدم فاطم يزغر



عباس حسن السوداني

لو كلها مجموعه عله امحبت علي
چا ما خلق ربنا جحيم وتصطلي

ــــــــــــــــــــــــــــــــــــــــــــــــــــــ

لو ڪــلها چـــانت للأمير اتبــايع علي علي علي علي
چا ما خلق ناره الـقدير الواســع
چان ابجهنم اي بشر ما سـامـع
چا آدم امن الجنه ابد ما طــالع
ارد اسأل واني ابجوابك طــامع
ياهو التصدق خاتم ايده وراكــع
ياهو ابيمينه لحصن خيبر قـــالع
ياهو لرگب مرحب وبن ود گاطع
ياهوه من سيفه عُمرهُم نـــازع
ياهو الـمُـشَـفَّع بالقيامه وشــافع
ياهو النزوره ابڪل غدير انبايـع
ياهو اول ابكلشي وابد مو رابـع
من بت أسد ياهو التغذه وراضع

لو من صدگ گالوها ( بخ ٍ ) يلولي
چا ما خلق ربنا جحيم وتصطلي

ـــــــــــــــــــــــــــــــــــــــــــــــــــــــــــ

بالڪعبه صار ومنها شع اهلاله علي علي علي علي
وانشگ جدار البيت لـــــ استقباله
وابجيّــــــــته الهادي انشرح دلاله
يشبه محمد بالـــفعل واقواله
( إلّا علياً لَا فَتَى ) تفصاله
يوم الغدير الهادي شنهو الگاله
تاج الخلافه بس علي يحلاله
والرب عليكم تمـمّـاها افضاله
حيدر ذهب والباقي كلها اوشاله
چف الصميده چف محمد شاله
يلـ تنجا رايد بالحشر واهواله
بايع امير الــــــــــمؤمنين وآله

لو بايع الجمع الغفير الأولي
چا ما خلق ربنا جحيم وتصطلي

ـــــــــــــــــــــــــــــــــــــــــــــــــــــ

عِزنه وسندنه ونفتخر والينه علي علي علي علي
ساكن گلبنه وغيره ما حبينه
شاطي المكارم منبعه ابچفينه
بسمه وصفاته آبائنا امسمينه
شيعة علي وطينتنا اطهر طينه
وي اللبن حب حيدر اتغذينه
أمره نطيعه المصطفى اموصينه
يدرينه وفّــــاية عهد يـدرينه
للمرتضى ارخصنه العمر وسنيـنه
وبكيفه وين ايريدنه ايودينه
اسمه الشريف اعله الگلب خطينه
يابا الحسن كل دگه تنبض بينه

لوله الثلاثه الحاقدين الجُهَّل ِ
چا ما خلق ربنا جحيم وتصطلي
ــــــــــــــــــــــــــــــــــــــــــــــــــــ

يوم الغدير انبايعك مولانه
ننصب محافل وام حسن فرحانه
كل شيعي يثبت عن وجوده اهنانه
مو بن حلال الما فرح ويانه
هليله دين الله تتم ارڪانه
شيعة علي ابضحكه وفرح سهرانه
واهل السقيفه اتهل دمع حزنانه
عطله الغدير ابرغم من عادانه
مسك الختام وخاتمة دعوانه
عجل يرب للمُــــنتظر رجوانه
واجعلنه من انصاره من اعوانه

للمُنتظر لو بايعت چف عاذلي
چا ما خلق ربنا جحيم وتصطلي
ــــــــــــــــــــــــــــــــــــــــــــــــــ
سيد علي عبدالزهره الناجي

مولد الزهراء عليها السلام




طير الــــــفرح صدّاح
بالـــــــبهجه والأفراح
خل ننثر الـــــــــقداح
بسم الزچيه      
بسم الزچيه




كل محب هليله لازم يشعل اشموع الـسعاده
ايبارك لــــــسيد البريه ولخديجه ابهل ولاده
نزلت ابـــــهليله سوره عل سور تملك سياده
چن صلاه محفل ذكرها ، اي نعم ينعد عباده

وبمحفل الزهراء         مريم تجي وحواء
يلگن فرح واضواء        بسم الزچيه








هيه بس دون الخليقه من جنان الباري اصلها
چانت ابــــأحشا خديجه اتنادي يا يمه وتگلها
أزهرت يوم الـــــولاده سبعه وي سبعه لأجلها
واسطه ابين النبوه والأمامه الــــــــرب جعلها

برض المدينه اسرور       يوم انولد هلنور
صار الذنب مغفور           بسم الزچيه






كل مَلك أُمنيته صارت بالـــــــــمهد كون اليهزها
فاطمه ومو بس محمد رب محمد هم يــــــعزها
والدليل ابعرشه اسمها عل عرش كلمه اشيچزها
الله لو يبعث نبيه فاطمه ابلا شك يـــــــــــدزها

صارت بمر قيوم       أُم لهدعش معصوم
تفخر شمس و انجوم        بسم الزًچيه







اُم ابوها ومنه   ورثت هيبته وعلمه وكماله
هيه بس قدمها طه امن الـــنسا يوم ابتهاله
بيها سـر محد يفسره خصها بي رب الجلاله
بالـــــگبر هيه الشفيعه منكر اتجاوب سؤاله

ابكل شده وابكل عوز      تحضر نجاة وفوز
باچر صراط انجوز          بسم الزچيه







يله خل نرفع  ادينه ونندعي ابجاه الزچيه
ربي قرب ثم عجل صاحب الطلعه البهيه
يضهر وقسطاً وعدلاً تنملي ابجاله الوطيه
غايب وياساعه نحضه ابجيته الـ هي احلى جيه

من يضهر الموعود نفزع خدم واجنود
ننثر عمرنا اورود بسم الزچيه
ــــــــــــــــــــــــــــــــــــــــ
سيد علي عبدالزهره الناجي

(قصيده لمولد السيده الزهراء)

يا زهراء .. يافاطمه
يا زهراء .. يافاطمه
ـــــــــــــــــــــــــــــــ
انقدم الليله التهــــــــاني والسرور 
عالارض ياناس شـــــع للزهره نور
البسمه بانت بالسمه بوجه الطيور
وهبّت الانســــــام ممليه عطــــور

والامـلاك .. متبسّمه
يا زهراء .. يافاطمه
ـــــــــــــــــــــــــــــــ
الليله گلب الشيعي فرحان وسعيد
مولد الزهــــــــراء عدنا اليوم عيد
نشيل ورده بايد والشمعـــــات بيد
الليله من ام الحسن نظـــــره نريد

بينه الروح .. تظل هايمه
يا زهــــراء .. يافــــاطمه
ـــــــــــــــــــــــــــــــ
الليله دمعات الفرح ترست العين
احنه بالزهـــــره أو اهلها هايمين
نلگه مثل الطاهــــره ياناس وين
الفخر يكفيها لأن جــابت حسين

الهه وبس .. هالمكرمه
يا زهـــراء .. يافـاطمه
ـــــــــــــــــــــــــــــــ
غرّد الطير ومله صوته السمه
بمولد الزهـــره الزچيه فاطمه
هالعوالم بيهــــــا ظلت هايمه
والحضر مولـــدها نال الغانمه

الحاضر نال .. هالغانمه
يا زهـــــراء .. يافاطمه
ـــــــــــــــــــــــــــــــ
الغـــايب الليله تره گلبه ابتشر
مولد امه الغــاليه وبيها افتخر
خل يطول الليل محلاته السهر
ريت فرحتنا تظل طـول الدهر

هالميلاد .. مااعظمه
يا زهراء .. يافاطمه
ـــــــــــــــــــــــــــــــ

حيدر بشار الدراجي