الدعاني لكاني.. بالشده يمه
_
اليسأل عليه .. اني الوفيه.. يهل الحميه.. ماقصر اني
لتضن اشوفه.. بشده وعوفه.. وداعت جفوفه.. احضره الدعاني
اليندبني اسمعه.. بالحاجه يسعه.. لا مارجعه.. احساسه قراني

اشافي وعافي.. اطلبو ييمه
_
احب اليحبني.. بدمعه الذكرني.. يبجي عله ابني.. ويحيي المصيبه
احبن لطمته.. اليطلع حركته.. التنزل دمعته.. وسمع نحيبه
ي والعقيله .. ابقة اندعيله.. وحضر وجيله.. كلش قريبه

خدمتك سمُعتك.. هي اعله قمه
_
خادم يخادم.. عوف المحارم.. بالخدمة لازم.. تمسك بديها
تنزل دمعتك .. تصعد سمعتك .. هيبه خدمتك .. واضب عليها
ضهرك تَحزمه.. والخدمه نعمه.. من الله رحمه.. موجوده بيها

كرامه الخدامه .. نعمه عله نعمه
__
شكد بيها عابس.. هاي المجالس.. بجنونه تارس.. حُبي وغرامي
لا تخجل ادخل.. بدموعك اهمل...والله اليسهل .. الگلبه دامي
صحوة ضماير.. هاي الشعاير.. لاتبقه حاير.. وافهم كلامي

بجيكم لطمكم.. لازم تفهمه
_
يوميه عاشر.. يوميه حافر.. يوميه عاثر.. بصدري اذكره
لاما مانسيته .. المقتل قريته.. لبني وبجيته.. وياكم أقره
الزينب دخلها.. عيونك تهلها.. بالك تملها.. حسره عله حسره

الحبيبك نحيبك..دمعك تقدمه
____
لتضيعه عمرك..بالك تجرك.. الدنيا وتغرك.. ودينك تضيِعه
خلها عله بالك.. الدين الأجالك.. بدم بني اجالك.. وقدم رضيِعه
هوايه تطشر.. عظمه وتكسر.. كل همه واكثر.. تبقه الشريِعه

بوريده العقيده.. حافظها دمه
___
تم برعاية الله وأهل البيت عليهم السلام
احمد فلاح البديري
#وفاة ام البنين عليها السلام 1446ه‍

مريم اجتلج والزجيه.. حضرن دفنتج يالوفيه
____
عمرج على حسين الگضه ذابت شمعتج
بس كلمة الوينك بقت حسره بغرفتج
افضل النساء الدنيا هل حضرن دفنتج
بتشيع تابوت الوفه وافن دمعتج

ينعن اجن هاي المسيه.. حضرن دفنتج يالوفيه
___
نصبن الج مأتم اجن ابهاي المصيبه
واسود صبح لون السمه لا مو عجيبه
كون الله خل يصبح دمع ويعله نحيبه
يالعشتي عمرج خادمه لأبن الحبيبه

وعيونج ابيضن سويه.. حضرن دفتنج يالوفيه
__
جم مره عشتيه الحزن اوجم مره متي
بشفافه من لاحه العطش انتي العطشتي
بسيف من لاح النحر انتي انذبحتي
ع المشرعه من انكسر انتي انكسرتي

وبفرگته شفتي الاذيه.. حضرن دفنتج يالوفيه
___
تمنيتي گبله موتتج ويهيل التراب
ولا عشتي هل فرگه تره وگفه عله الباب
بس الله رايدلج عمُر اتفگدين الاحباب
بس الله رايدلج اجُر ابگد المصاب

اجرج على گد الرزيه.. حضرن دفنتج يالوفيه
_____
انطيتي مو اربع ولد اربع كواكب
ع المشرعه والله كفو سوو عجايب
كل هذا بس جان الفخر عندج مراتب
ع اليترس بجوده ولا اي گطره شارب

ماخالف ابنج هل وصيه.. حضرن دفتنج يالوفيه
___
قصة حياتج انتهت وانتي حزينه
بس گلبج الينبض بقه وباقي حنينه
حزنج اخذتيه للگبر نسمع ونينه
وثوب الاسود ما اضن اتبدلينه

صار الوفه عندج هويه.. حضرن دفنتج يالوفيه
____
تمت بعونه تعالى
احمد فلاح البديري
#وفاة ام البنين عليها السلام 1446ه‍

حان القاء يم البنين
..................
انه حيدر انه ..البالگلب مجانه
يم البنين
ميت واجيتج ... عالنعش بجيتج
صبت العين

انه  الثگيل  التنخسف   گدامه  الحروب
بس يمج اضعف ياعشگ وحساسي يذوب
اليسئلني من ياهن علي  بالدنيه متعوب
موت  الزجيه  وفرگتج  خلني  منهوب
هاذ العزاء  يم البنين
حان القاء   يم البنين
،،،،،،،،،،،،،،،،،،،،،،،،،،،،،،،،،،،،،،،،،،،،،،
خل نرد سويه ... يالله يالوفيه
واجتمع بيج
اعرف ابونينج ... غمضيتي عينج
فاطمه ادريج

جامعنه حب الله تره  وفارگنه هل موت
خنگتني ضلمت فرگتج  موضلمت الحوت
تفارگنه بالطبره ورجع   يجمعنه  تابوت
حبيتج وهاذ العشگ  من الله مبخوت
انتي الوفاء  يم البنين
حان القاء  يم البنين
،،،،،،،،،،،،،،،،،،،،،،،،،،،،،،،،،،،،،،،،،،،،،،
خلص ابقهرنه ... وبالوجع عمرنه
وذيج الايام
ماخلص وفائج ... بالگبر لقائج
بعد العوام

تلاگينه والملگه جمر  بي ينجوي الصيف
لاگيتج شلون الحسن  لمن يجي ضيف
متغيره اشوفج فاطمه  وكبرانه ياحيف
حيرتي واحد ماتهم    بي حدت السيف
يعلو النداء  يم البنين
حان القاء   يم البنين
،،،،،،،،،،،،،،،،،،،،،،،،،،،،،،،،،،،،،،،،،،،،،،
جيتج بحناني ... ودمعي ذوبلاني
ينزل جروح
عايش المصيبه ... والله يالحبيبه
مابقت روح

لاشفتي راحه بدنيتج  لامن جرح هان
ميته عله الضعنه نسبه  ومالاگي امجان
متفرهد وجوه الشمس  بالغربه عريان
حسين اول الموته البقه  يدوروله دفان
سالت دماء  يم البنين
حان القاء  يم البنين
،،،،،،،،،،،،،،،،،،،،،،،،،،،،،،،،،،،،،،،،،،،،،،
ميت واريدج ... بس اشمن ايدج
اهده ورتاح
والله مانسيتج ... بيدي شيعيتج
والگلب صاح

شينساها وگفاتج الي   كل  ذيج  السنين
ترفضين اصيحج فاطمه  خاف اجرح حسين
البدويه  والمثلج  بعد    تتحصل  امنين
ياحاجب وماتعله ابد   فوگا صدگ عين
عطر السماء  يم البنين
حان القاء  يم البنين

العبد ابوفايز الرافضي
الفاتحه على روح والدي

يحده يامكان
سيد الزمان
وارث الفحول
ابنَ شاه زنان

الله لو منطيله رخصه  وفازع وليد الحُسين
جاكسر ضهر الأصيله   وهزها زين العابدين
الله گله تهده خافن  ينخسف وادي الطفوف
تحرگ الأخضر فزعته  وخزرت عيونه الثنين

جا طلع زين العباد
الوادي جا سوا رماد
جا شلع نهر الفرات
وذبه عالسبعه الشداد
السلام على زين العابدين
،،،،،،،،،،،،،،،،،،،،،،،،،،،،،،،
بخيمة الحنان
قامَ وستعان
للحرب يريد
أصدر البيان

بكربله اتحزم دخيله  وذبها عوجيته وعصف
حالف بعين المخيم   يرتجل  ويگفها كف
الله من السبعه ناده  الساعه موهاذ الوكت
نزلت املاك السماء  وعرضت اگباله اوگف

عطوه ملك الموت اخذ
حگه صبر الطف نفذ
لو طلع ابن الحُسين
الميت ابگاعه انقذ
السلام على زين العابدين
،،،،،،،،،،،،،،،،،،،،،،،،،،،،،،،
تسهل الصعاب
نشمي لا يهاب
كل شمس منير
كاشف الضباب

وارث العصمه العضيمه  صاحب القول الفصيح
يامرض بالله اليكضه   وياهي من عدهن يطيح
هاذه  زين  العابدين   التشهد الأهله الصعاب
شجرة ال البيت شجره  الماتهزها بنسمه ريح

صخره والگابلها جام
لو طلع للطف أمام
والله جا ذبح زلمها
وشافو الموت الزئام
السلام على زين العابدين
،،،،،،،،،،،،،،،،،،،،،،،،،،،،،،،
كانَ في القتال
كاسر الرجال
جده داحي باب
عاگر الجمال

غيرت الحمزه بنضرته  ونوره من فاطم اكيد
صاطع  ابنور  الأمامه  اوجها يلمع من بعيد
هاشمي وطبع الهواشم  كلهم زلام الثگال
محد ايفل  الحديد   اليلتحم  بس  الحديد

اسمه لازم مو عليل
صاحب الزود الثگيل
بالسبي وي عمته جان
شحده يازلمه اليعيل
السلام على زين العابدين

العبد . ابوفايز الرافضي

مقدمه الصاحب الزمان عج

كلها عــــن الغربه تحجي ومحد يحس ابغربتك
وماكو واحــــــــــد بينه خير كام نشفها دمعتك
انت من كد ماغريب اختنكت الصحره بحسرتك
مانحس بجــــروحك احنه اخ يالمسبيه عمتك


احنه جمـــلناك فــــــــوك اجروحك اجروح
احنه نضحك وانت يومك يكضي بس نوح
شلون تضـــــحك وانت جدك شفته مذبوح

غريب يامولاي غريب يامولاي

ــــــــــــــــــــــــــــــــــــــــــــــــــــــــــــ

حزنك اكبر من غربتك وجرحك اكبر من عمرنه
انت كسرك صـــــعبه يلتم يالتشد بيدك كسرنه
هواي مايك يسكي بينه واحنه نجويك بجمرنه
عايفـــــــينك ياابو صالح جن ولا صاحب امرنه

احنه مـــانستاهلك يــــــــــا اغله محبوب
عايفينك ويــــــــــه حزنك كل مسه تذوب
ودمعتك يوميه تخــــــــــنك وجه الغروب

غريب يامولاي غريب يامولاي

ــــــــــــــــــــــــــــــــــــــــــــــــــــــــــــ

تبجي ليــــــــلك وي نهارك للبقه بالطف سليب
وحدك انت الشلته حزنك يابو جرح المايطيب
ياهو بينه الباله يمك ويــــــرفس بكلبه المغيب
تلزم اضلوعك يمـــــهدي من يمر طاري الغريب

حسين من اتذكره كلبك ينعصر حيل
تذكر شلون عله صدره تسحك الخيل
وجن جمر خيمه دمعتك لمن اتسيل

غريب يامولاي غريب يامولاي

ــــــــــــــــــــــــــــــــــــــــــــــــــــــــــــ

حيره هسه شرد اكولن منين ابدي بياجرح
بالسبي لو بالمــــــــــخيم بالسحك لو بالذبح
ذني بعيونك شفتهن ودمعك احمر ضل يسح
وبطريق الغربه شــــفته راس الحسين برمح

اخ درب الشام مــــــــــاتنسه عذابه
الهضمتك زينب يكــــــعدوها بخرابه
حيل ماذيـــك السبي وحزنه مصابه

غريب يامولاي غريب يامولاي

ــــــــــــــــــــــــــــــــــــــــــــــــــــــــــــ

انت اكثر شي يهضمك من نسولف عل سبي
لهسه نار بنـــــص بدليلك من حرك ذيج العبي
ما يلوگ لبـــــت محمد يحــــدي بيها الاجنبي
من انسبت زينب بجاهه شجم أمام وجم نبي

مايلـــــــوك الزينب عله النوك تصعد
تنهضم والدمعه تنزل جمره عل خد
بجفها صعبه احبال بابو الغيره تنشد

غريب يامولاي غريب يامولاي

ــــــــــــــــــــــــــــــــــــــــــــــــــــــــــــ

حسين عبد الزهرة الدراجي



@HxzEU1

#قناه_نشر_القصائد_المنبريه

اليلة ام البنين

                   انه ام البنين الرافعه الهامه
                 يكفيني الفخر الحسين خدامه
                    دخيل اسمه      دخيل اسمه
                                    0000000
               يكفيني الفــــــــــخر اخدم ابو الاكبر
              ونطــــــــــيت  اربعه  يظحون للخدر
              الماعاش  الحسين  ابكلبه  ثق يخسر
              كلــــــــــبي بلا حسين يعيش مايكدر

                انه المجوي كلـــــــبي بنار خيماته
                انه ولدي فــــــــــدوه لون شيباته
                   دخيل اسمه      دخيل اسمه
                                    0000000
             انه مقــــــــــصره وي حسين صدكوني
             ماوافــــــــي لو انطي ضـــــــوه عيوني
             هوه يهــــــــمني مــــــو ولدي اليهموني
            وعنـــــــي كــــــونه راضي الف خيعوني

                انه اهواي احبه ونبضي وي نبضه
                هنيالي علــــــيه حسين من يرضه
                   دخيل  اسمه     دخيل اسمه
                                     0000000
             انطيته اربــــــــــع ومستحيه من عنده
             مايجـــــــــازه المــــــــجوي الرمل خده
             الله اليــــــــعلم  اشــــــكد روحي اتوده
            وهذا الكـــــــــلب بس حسين بي وحده

              حسين وهل اسم كلش علي غالي
              ومامٰش  غيره  واحد ساكن ابالي
                   دخيل اسمه     دخيل اسمه 
                                     0000000
             انه ام البنــــــــين وكــــــــــلها بيه ادره
             عـــــــــدي اكبر فخر اخدم بني الزهره
             نخـــــــيت الله اشكثر بدموعي الحمره
             اتمنــــــيت انســـــــبي وي زينب الحره

              ريت انه انسبي ودموعي مذروفه
             ولا زينب تطـــــــب للشام مجتوفه
                دخيل اسمه      دخيل اسمه
                                    0000000
             اتمنيت  انـــــــــه اروح  الكربله وياهم
             وفزع  ماي مـــــــــن  تعطش يتاماهم
             ولد الزهـــــــــرة روحي اهواي تهواهم
             ينـــــــــساني  الله  إذا  فكرت انساهم

              انه امعزبه الحـــــــــسين ابعز ناسي
             انطـــــــيته  ابوفاضل  فخر نوماسي
                  دخيل اسمه       دخيل اسمه
                                  0000000
حسين عبد الزهرة الدراجي




@HxzEU1

#قناه_نشر_القصائد_المنبريه

مولاتي إمروتچ

دمـعـتـي بـحـزن عـالـخـديـن.. مـايـيـت
وآنـــه امـن الألــم و الـشـوگ.. مـايـيـت
اذا يـــم گــبــرچ بــهــالــعــام.. مـايـيـت

الـمــوت اهــون يـبـت حـيــدر عــلــيــه

                *---------------*---------------*

✍خادم العقيلة زينب ع
الشاعر رعد الجريخي



@HxzEU1

#قناه_نشر_القصائد_المنبريه

قصيدة ( للبعض)


للبعض احچيهن كلمتين حلو التواضع وي الحسين
اخدم حسين بنفسك ومالك
گبل الحسين شچانت احوالك
=====================
يا خادم حسين انتبه اخذ الحذر لاتنغر
لو شانك لفوكَ ارتفع لاتنسى فضل المنبر
اتواضع واعرف قدر اليتواضع شگد يكبر
ما دامت الدنيا لاحد دنياك دايم تفــــتر
اعقدها نيتك قربى لله تلگة الي يخلص الله علاه
من حسين جاهك والعلو نالك
گبل الحسين شچانت احوالك
=====================
بتاريخ خدمة سيدي الحسين تلگة الخالد
ما غرتة اموال وطمع ضل عالمبادئ صامد
حمزة و وطن عبد الرضا التاريخ الهم شاهد
بالخدمة دوم اتخلدوا صاروا مثل كل واحد
مر الزمان ومرت اعوام ما ينسون وتاج عالهام
خلهم قدوتك مضرب امثالك
گبل الحسين شچانت احوالك
======================
للمال والشهرة البعض اعله حسين يقرة وينعة
وتتغير اوضاعة واسف تلگاه تغــير طبعة
عكس الي چانوا نستمع الهم ونجري الدمعة
شوف النويني و ونتة لليوم احنا انسمعة
انحس ابمحرم لو سمعناه وبكل شعور نعيش وياه
المنضور يبقى وكلمتة ابالك
گبل الحسين شچانت احوالك
====================
چم واحد بواحد فشل بالخدمة ما اخذ دورة
هاي الحقيقة المؤلمة وبيها الحقيقة مرورة
للناس چانت نــــيتة والـــمصلحة وجمهورة
بسيدنا جاســـم نقتدي لازم ونفس الصورة
صفاها نيتة وي الاطياب فاز بخدمتة وسعية ما خاب
يحسين گال الروح تفدالك
گبل الحسين شچانت احوالك
========================
كون التواضع شيمتك لا تهتم ولا تبالي
شما تنتقد بيك البشر بحسين راسك عالي
الزهرة هي اتسجلك بدفتر الخدمة الغالي
تتوثق بسجل الخدم وخادم تضل للتالي
ظل بخدمتك ثابت الراي ما ترضى عنك وادم هواي
من تثبت اعله الراي تحلالك
گبل الحسين شچانت احوالك
====================
أسالكم الدعاء رائد الاسدي

هوسات
مولد الزهراء ع

الأرض من مولد الزهره ولا جفّت
بهيئة كوثر بحضن النبي نزلت
مو ماي السمه نور ام حسن مطرت

جبريل ايطش نور بايده
****
ابولادتها الفلك والكون يتعطل
بعد هالليله هيهات الورد يذبل
تره الحنظل عسل من صارت اتبدل

ميلاد ام حسين اعجوبه
****
بنت الهادي حگه النور لو شعشع
ثمار الجنه طينتها اشبعد تطلع
من الكون صوت المصطفى يسمع

لأبن العم بنتك محجوزه
****
عشگ رباني وأهل البيت يدرونه
علي للهادي بارك والخجل دونه
تره متانيها والفرحه عله عيونه

هاي ام حسين المحروسه
****

الشاعر اياد الديراوي

قصيدة - - حُسن الخاتمة


ننخاك يارب الســمه  ياربي حُسن الخاتمه
عطفك نريدة بالــــقيامة علينا
تشـــــهد ادينة باچر ورجلينا
ياربي حُسن الخاتمة
--------------------------
بالدنيا لازم نستعد  هاي الحياة دار الممر
ونبنـيها دار الآخــرة  الآخــرة دار المقر
نشيدها لازم بالعـمل   ونجـنب اِلنار وسقر
انوالي النبي وعترته    همه الامان من الخطر
(بالآخرة حيدر سنـد   فاز الذي بيه اعتقد)
يسألنا عنهم بالحشر بارينا
تشهد ادينة باچر ورجليــنا
--------------------------
منصوبة باچر محكمة  والقاضي رب المغفرة
زغيرة وچبيرة تنسأل  ما تنـفعك اي معذرة
الشاهد ايدك بالحشر  تحچي عليك شما جرة
خلها تشـارك بالعـزة  تنـفع ابيــوم الآخرة
(مادام ايدك لاطــمة  حسين يحظر خادمة)
هاي المجالس من شعائر دينا
تشـــــهد ادينا باچر ورجلـينا
--------------------------
الشــــاهد الثاني شهد  يحچيها كل نكَلة جدم
هنيالة كل الي سعه   بالخير بالمحشر سلم
رجليك تشهد بالصدكَ  يم ربك وكل شي علم
تحظر مجالس تشترك  محسوبة خلها ويالخدم
(علمها تمشي لكربلة  تشهد شهادة فاضلة)
تخبر الباري بكل درب ماشينا
تشــــــهد ادينا باچر ورجلــينا
---------------------------
العين باچر تعترف  والباري منها يستمع
كل نظرة منك تنكتب  ومســجله وبأي وضع
انچانت حرام مسترة  لو نضره بيها تنتفع
احسن شهادة تنفـعك  بالماتم اتصب الدمع
(لحسين عينه النايحة   ابيوم القيامة رابحة)
تكَلة الهي شكَد دمع صبينا
تشهد ادينا باچر ورجليــنا
---------------------------
شكَد تسمع آذانك حچي  غيبة ونميمة لو دجل
تشهد عليك ابمحنـتك  يم العلي عز وجل
اسـمع كلام الينـفعك  واحفظها جدمك لاتزل
احظر مجالس واسـتمع   بآل النبي شنهي حصل
(اسمع مصاب ال النبي  وكلها اسمعي اتهذبي)
اسمع مصيبة كربله وحسينا
تشــــهد ادينا باچر ورجلــــينا
---------------------------
الدور للسانك اجه  يحچي حياتك كاملة
كل چلمة منك تنذكر تلـكَاها غاد مسجلة
ميفيد نكران الحچي  وعليه شــــاهد من هلة
علمه يسولف منفعـة  وحب الحسين ايرتلة
(وياك دنيا واخرة  يحسين حبك مفخرة)
يوم القيامة ندري ما ناسينا
تشـهد ادينا باچر ورجــــلينا
------------------------------------------------


أسألكم الدعاء    رائـد الاسدي

مولد فاطمة الزهراء ع

اللهــــــــــم صــل على … محمد وآل محمد
انولدت فاطمة الزهراء … كوثر للنبي محمد
                ـ🌹🌹🌹🌹🌹ـ

بلحظة مانولدت ســـاجده لربها
اميره اعله النسـاء الباري نصبها
واجب عالبشر كلها انكتب حبها
الماحبها خسر والجـــنه ماطبها

جـــــددنه العهد بولاء … محمد وآل محمد
نولدت فاطمة الزهراء … كوثر للنبي محمد
              ـ🌹🌹🌹🌹🌹ـ

جبــــــــــرائيل بعنان العرش كبر
حين انولدت وشــع نورها وازهر
نزل يم باب طه وجاب هالمصدر
بالاصلاب گله نكتبت الحــــــيدر

الكون فيهم اســتضاء … محمد وآل محمد
نولدت فاطمة الزهراء … كوثر للنبي محمد
               ـ🌹🌹🌹🌹🌹ـ

نور الزهــــره مايرهم اگباله افياي
ماينصـد عكس نور الشمس بهواي
كلشي اتغيــــــر ابيت النبي الوفاي
اليشرب مايهم يشــعر ابطعم الماي

اصبــــــح الكل سـعداء … محمد وأل محمد
انولدت فاطمة الزهراء … كوثر للنبي محمد
                ـ🌹🌹🌹🌹🌹ـ

من شجرة علي الزهراء غصن ريحان
عطــــــــرها منفـرد ويفوح بالبســتان
متبسم علي ابميــــــــــلادها وفرحان
كعـــبه امـــــن الادب والزهد والايمان

تقيــــــــه بنت الاتقياء … محمد وآل محمد
انولدت فاطمة الزهراء … كوثر للنبي محمد
             ـ🌹🌹🌹🌹🌹ـ

✍️الخادم
كامل السعيدي

@HxzEU1

#قناه_نشر_القصائد_المنبريه

كعديه لولادة فاطمة الزهراء ع

نولدت فاطمة الزهره الزجيه
التشبه لنبي وحامي الحمـيه
انبــــارك للنبي انريد
ونقره اجمل اناشيد
       ـ🌷🌷🌷🌷🌷🌷ـ

نورها نور الجلاله ـ ومن غصن شجرة محمد
جنة الفردوس هيه ـ وسيده اعله الكون تنعد
فاطمه طوق النجاة ـ وعنها رب العرش يشهد
بفيايها الكل تستضل
اهواي الها عالدوام فضل
ابمولدها جينه نحتفل ـ هالفرح عدنه تجدد

لدرة ســـــيد الامه العظيمه
وسط گلوبنه المحفل نقيمه
بينه الواهس ايزيد
ونقره اجمل اناشيد
    ـ🌷🌷🌷🌷🌷🌷ـ

فرحت الاملاك كلها ـ وبأسمها العرش كبر
آية الله العظيمه  ـ استبشر ابمولدها حيدر
محجبه نولدت الزهره  ـ وللحجاب اصبحت مصدر
بيها النواضر تنترس
للعفه انطت چـــم درس
بيها الله يذهب كل رجس. ونطفه ابمولدها كل شر

فرحه امن العمر هاي الولاده
اوياها انفتحت ابواب السعاده
عدنه اويه النبي عيد
ونقره اجــمل اناشيد

   ـ🌷🌷🌷🌷🌷🌷ـ

بگلبي جنح الشوگ رفرف ـ واعلن لفاطم غرامه
وللنبي ايقــــدم تهاني ـ انصاغة اوياها ابتسامه
وردة الجنه الزجيه ـ النابته ابيت الكرامه
بخدودها ايحط الندى
والحزن خلص موعده
موسم سعادتنه ابتده ـ وفاطمه اول علامه

مرجع للنســـاء وبنت ابوها
الكتبو عجزو اشما وصفوها
الشــاعر يقره وعيد
ونقره اجمل اناشيد



✍الخادم
كامل السعيدي

@HxzEU1

#قناه_نشر_القصائد_المنبريه

ولادة فاطمة الزهراء ع

طلبها مـــن الله ابوالقاسم ـ وطه
اله وجنـــح الملك صــــاير ـ وطه
ابمولدها افرحو حيـــــــدر ـ وطه
وخديـــــــجه وآسيا ومريم سويه

كامل السعيدي

مقدمه لولادة الزهراء🌹

يا عطر جــنة عدن عشـنه ابهواچ
النشـمه ابدونـــچ اصلن موهــوه
هــوه لو ما نور وجهــچ بالوجــود
كلشي ضلمه ايصير وبعازت ضوه
محفلــچ اتحــفه وتعــــــناله كون
مثل ما موسى دخـل وادي طــوه

✍كامل السعيدي